جيفارا مات

[بحر الذكريات]

جيفارا مات

شعر :

أحمد فؤاد نجم

 

 

 

 

 

جيفارا مات

 

جيفارا مات

 

آخر خبر فِ الراديوهات

 

و فِ الكنايس

 

و الجوامع

 

و فِ الحواري

 

و الشوارع

 

و عَ القهاوي و َ البارات

 

جيفارا مات

 

جيفارا مات

 

و اتمد حبل الداردشة و التعليقات

 

 

 

مات المناضل المثال

 

يا ميت خسارة عَ الرجال

 

مات الجدع فوق مدفعه جوّه الغابات

 

جسّد نضاله بمصرعه

 

و من سُكات

 

لا طبالين يفرقعوا

 

و لا اعلانات

 

 

 

 

ما رأيكم دام عزكم

 

يا انتيكات

 

يا غرقانين

 

فِ المأكولات و الملبوسات

 

يا دفيانين

 

و مولعين الدفايات

 

يا محفلطين (1)

 

يا ملمّعين يا جيمسنات

 

يا بتوع نضال آخر زمن

 

ف العوامات

 

ما رأيكم دام عزّكم

 

جيفارا مات

 

لا طنطنة

 

و لا شنشنة

 

و لا إعلامات و استعلامات

 

عيني عليه ساعة القضا

 

من غير رفاقه تودّعه

 

يطلع أنينه للفضا

 

يزعق و لا مين يسمعه

 

يمكن صرخ من الألم

 

من لسعة النار فِ الحشا

 

يمكن ضحك

 

أو ابتسم

 

أو ارتعش

 

أو انتشى

 

يمكن لفظ آخر نفس كلمة وداع

 

لَجل الجياع (2)

 

يمكن وصية للي حاضنين القضية

 

بالصراع

 

صور كتير ملو الخيال

 

و ألف مليون إحتمال

 

لكن أكيد و لا جدال

 

جيفارا مات موتة رجال

 

 

 

 

 

يا شغالين و محرومين

 

يا مسلسلين (3)

 

رجلين و راس

 

خلاص خلاص

 

مالكوش خلاص

 

غير البنادق و الرصاص

 

دا منطق العصر سعيد

 

عصر الزنوج و الامريكان

 

الكلمة للنار و الحديد

 

و العدل أخرس أو جبان

 

صرخة جيفارا يا عبيد

 

في أي موطن أو مكان

 

ما فيش بديل

 

ما فبش مناص

 

يا تجهّزو جيش الخلاص

 

يا تقولو عَ العالم

 

خلاص

 

شعر _ احمد فؤاد نجم _ الشاعر احمد فؤاد نجم _ قصائد احمد فؤاد نجم _ شعراء _ قصائد

[عاشق الصداقه]

يا مسلسلين (3)

 

رجلين و راس

 

خلاص خلاص

 

مالكوش خلاص

 

غير البنادق و الرصاص

 

دا منطق العصر سعيد

 

عصر الزنوج و الامريكان

 

الكلمة للنار و الحديد

 

و العدل أخرس أو جبان

 

صرخة جيفارا يا عبيد

 

في أي موطن أو مكان

 

ما فيش بديل

 

ما فبش مناص

 

يا تجهّزو جيش الخلاص

 

يا تقولو عَ العالم

 

خلاص

 

 

رائع بجد

 

واهلا بيك فى المنتدى

 

شكرا لتفاعلك الجميل ، وننتظر موضوعات أخرى جميله

 

تحيتى وتقديرى

[EL3aref]

جميل الكلام ..

انا بحب شعر احمد فؤاد نجم بس مبحبش شخصيته ..

 

اهلاً بيكم فى بيتك التانى ..

[NADA]

ما فبش مناص

 

 

يا تجهّزو جيش الخلاص

 

 

يا تقولو عَ العالم

 

 

خلاص

 

 

شكرا ليكى

[abdallh_hazaa]

الناس كلها فهمت الكلام ده

الا العرب لسه فاهمين ان فيه مفاوضات او عهود مع اليهود

[ديدو]

الله على الكلمات الجميلة وعليك ياأحمد فؤاد بجد تحفة

 

شكرا ليك بحر الذكريات وأهلا بيك حبيبى

[الجندى المجهول]

 

الطريق شوك لكن هايش

والحمرة مش يعنى الطريق حايش

ده دمنا السيال وبشرة خير

ان انت عيشة وان انا عايش

عجبى

صلاح جاهين