إفتتاح منتدى إخبارى جديد متحدث بإستمرار

[عاشق الصداقه 525]

بسم الله الرحمن الرحيم

 

بعد التجربه - ولحاجتنا لمعرفة أخبار العالم أولاً بأول

ومن أجل توفير خدمه جديده فى منتدانا الحبيب

 

قمنا بفضل الله منذ دقائق بإنشاء أقسام إخباريه تغطى كافة الأخبار العالمبه

 

أخبار العالم - أخبار العالم العربى - أخبار الإقتصاد - أخبار الرياضه - أخبار العلوم والتكنولوجيا

 

وتتم إضافة الأخبار بشكل دورى وتلقائياً بواسطة خدمة الـ Rss

 

يتم جلب الأخبار من مواقع موثوقه - وموثقه من موقع شركة جوجل العملاقه

 

حيث يتم جلب الأخبار من موقع الجزيره وموقع البى بى سى وغيرها من المواقع المشهوره والموثوق بها لجلب الأخبار

 

جائت هذه الخطوه منا بعد تفكير فى أفضل وسيلة لمتابعة أخبار غزه وفلسطين أولاً بأول ودون عناء منا وبشكل دائم ومضمون إن شاء الله

 

ورأينا أنه من الأفضل أن تعمم الفكره لتشمل أنواع أخرى من الأخبار لتلبية كل حاجات زوارنا وأعضاؤنا الأحباء

 

نتمنى أن تستمتعوا بالخدمه الجديده - من أجل إنفتاح أكبر على العالم

 

تحيتنا لكم

 

إدارة منتديات ياللا يا شباب

[بنت مصرية 65]

جميل جدا هذه الخطوة عاشق الصداقة

موثوقة وجميلة وايضا محدثة الكترونيا

ولكني اقترح لو تم تخصيص الأخبار بشكل اكثر حيث هناك الأنواع الكثيرة من الأخبار والتي تهم فئة معينة من الناس

وهذا كخطوة بعد ذلك بما ان الفكرة الرئيسية هي متابعة اخبار غزة وفلسطين ...

جزاك الله خيرا وجعله الله في ميزان حسناتك

[eng_alaa 114]

وتتم إضافة الأخبار بشكل دورى وتلقائياً بواسطة خدمة الـ Rss

 

ما فهمته أنها تتم بدون تدخل من الأعضاء ... وأعتقد ان هذا طبعاً أفضل ويسهل المهمه علي الاعضاء ...

وهذا شيئ جميل جداً وتطور جديد للمنتدي ...

لكن حراااااام عليك كان خليتها بعد الامتحانات احنا مش عاوزينك تكتب أي أكواد إلا بعد امتحاناتك يا احمد ...

[«۞۩ أبو سليمان ۩۞» 179]

رائع احمد فكرة رائعة بجد

 

وتتم إضافة الأخبار بشكل دورى وتلقائياً بواسطة خدمة الـ Rss

 

يا عم احنا بتوع الالكتروني

 

بجد رائع و خدمة مميزة هتجيب لينا زوار كتير من برّة غير انها طبعا هي خدمة لرواد المنتدي

 

عشان اي حاجة عاوزين يعرفوها هتكون تحت ايديهم فور نشرها

 

ربنا يخليك لينا

 

بس روح ذاكر حرام عليك الامتحانات بعد يومين

[عاشق الصداقه 525]

حاضر يا جماعه - اللى طالع عليكم قوم ذاكر قوم ذاكر

متراعو شعورى شويه كمدير منتدى مش كده .. هههههههههه

 

إدعولى ، وجزاكم الله كل الخير لردودكم الجميله

والخدمه فعلاً هتجيب زوار من جوجل لأن أى حد هيبحث عن حاجه مكتوب بيها موضوع عندنا هيجيله الموضوع ومنه يقدر يكمل التفاصبل من موقع الجزيره أو الـ BBC

أنا حبيت أستغل مصادقة المنتدى والموقع ككل لمحركات البحث ، وسرعة الأرشفه عندنا بفضل الله ، وأعمل حاجه تفيد المنتدى ..

 

كمان الخدمه هتخلينا دايماً على تواصل مع أخبار العالم إن شاء الله

وأنا خليت أى خبر بيتكتب قبله تلقائى إسم الموقع اللى منه الخبر .. (BBC ، الجزيره ، ...) علشان وانتوا بتتابعوا المشاركات الجديده فى اى وقت تبقوا عارفين ان دى من قسم الأخبار ، وتعرفوا مصدر الخبر قبل الدخول للخبر

 

بالنسبه لإقتراح أختى بنت مصريه ..

ياريت فيه موقع بيكتب أخبار فلسطين فى قسم لوحدها ودورى وموثوق كنت عملتها .. لكن اللى فى ايدى الأقسام الموجوده ، لأن دى التصنيفات اللى فى مواقع الأخبار

بس لو لاحظتى هتلاقى ان كل الأخبار حالياً بتتكلم عن القضيه الفلسطينيه وغزه .. ربنا ينصرهم إن شاء الله يا رب

 

 

 

عاوز رأيكم فى حاجه صغيره - ياريت الكل يجاوبنى عليها

الأفضل تبقى المنتديات الإخباريه دى للقراءه فقط - يعنى اى حد يقدر يدخل يقرأ وبس

ولا

أفتح باب الردود على الأخبار .. ممكن يكون حد عاوز يناقش حاجه !!

 

بس العضويه اللى بتكتب الأخبار دى إلكترونيه - يعنى مش عاوزه حد يرد عليها

عملتها عضويه جديده .. لأنى لو خليت الأخبار تتكتب بإسمى - كانت هتعدى مشاركاتى المليون فى شهر وبحاجات انا مكتبتهاش

شفتوا العدل !!

 

المهم محتاج رأيكم فى الألإضل للأٌسام

 

للقراءه فقط - ولا يسمح بالردود !!

[بنت مصرية 65]

انا مع الجميع في موضوع الأمتحانات :2:

يفتح للردود مع التوضيح فعلا ان العضوية دي الكترونية

برغم اني اول ماشوفتها عرفت انها الكترونية

تقبل مروري

وهدانا الله واياكم واكرمنا جميعا في الأمتحانات

[ديدو 3]

أولا : بجد ياكرينكل من يوم للتانى بزداد احترام وتقدير ومحبة ليك وبيزيد اعتزازى بالمنتدى , بارك الله للك على هذا المجهود وجزاك بة خيرا

 

ثانيا : الفكرة والاقتراح دة جميل جدا ومفيد لكل الناس وان شاء الله يكون اضافة قوية للمنتدى

ثالثا : انا مع اختى بنت مصرية لنة يسمح بالردود علشان لو عضو حب يعلق على موضوع مثلا

رابعا : انا طولت عليك وعطلتك عن المذاكرة علشان كدة لازم بقى تقوم تذاكر علشان امتحاناتك . ووفقك الله واخواننا فى المنتدى فى امتحانتكم , شكرا ياريس

[عاشق الصداقه 525]

بارك الله فيكم

أختى بنت مصريه - وفقنا الله واياكم ، تم توضيح ان العضويه الكترونيه فى توقيع العضويه ، وتم فتح الردود

وبارك الله فيك حبيبى ديدو - والله إنى أحبك فى الله

 

تم أيضاً إضافة قسم مشابه فى منتدى البرامج لجلب البرامج بروابط مباشرةً وبأحدث إصداراتها من مواقع موثوق بها أيضاً

هكذا نطمئن على المنتدى ونحن فى الإمتحانات .. سيسير بإذن الله كما هو نشيطاً معطاءًا .. وسيفيد الكثيرين دائماً

 

تحيتى وتقديرى لكم

[Shetos 2]

يا بابا ذاكر ربنا يهديك..

 

طبعاً فكرة فى غاية الروعة..

 

وهتزود عدد الأعضاء..

 

وهتزود عدد الردود وهتبقى ليلة..

 

بس بجد شكراً كرينكل..

 

صدقت حين قلت..

 

نحن لا ندعى القمة ولكن نسعى للوصول إليها..

 

جزاك الله خيراً أحمد..