نجمة الكتب 5 قام بنشر March 19, 2007 ان لـم تكن عينــي تراك فانني ~~ استبيــن في كل شيئ علاك تعالوا فكروا معايا ونتأمل شوية في انفسنا وفي الكون من حوالينا هنلاقي معجزات مش واخدين بالنا منها عشان اتعودنا عليها واخدناها كمسلمات لكن مع وقفات بسيطة هنلاقي كل حاجة بتقولنا... سبحان الله شارك هذه المشاركه رابط المشاركه شار ك علي موقع اخر
نجمة الكتب 5 قام بنشر March 19, 2007 نبتدي المرادي بحاجة بسيطة قوي.. من فضلك انزل بالصفحة شوية لتحت .. . . تحت كمان.. . . كمان شوية.. . . تمام كفاية كدة، تعرف ايه اللي حصل عشان تنزل بالصفحة لتحت شوية؟؟؟ اولا فكرت انك عايز تمد ايدك للماوس وبعدها مركز التفكير بعت اشارة لمركز الحركة في المخ اللي بدوره بعت اشارات عصبية في هيئة نبضات كهربية كيميائية(سرعتها ممكن توصل٢٩٠ك/س) مشيت في العصب اللي بيغذي عضلات ايدك وسبب انقباض عدد محدد من الياف العضلات بحيث يديلك القوة المطلوبة بالظبط عشان ايدك توصل للماوس والعدد ده لو زاد ايدك ممكن تعدي الماوس ولو قل ممكن متوصلهاش، طبعا لو هتفرد ايدك فالعضلات بتاعة الفرد بتنقبض ولازم المخ يبعت اشارات في نفس الوقت للعضلات اللي بتتني الايد عشان تنبسط، كمان حركات العضلات بتتم على مراحل ولو كانت بالصورة دي هتلاقي ايديك بتتحرك حركات متقطعة ومهزوزة لكن ده مبيحصلش لأن في مراكز كتير في المخ بتنسق الحركة ومنها المخيخ اللي بيخلي انقباضات العضلات تدريجي عشان تتم الحركة كلها بسلاسة ودقة، مش كدة وبس دا كمان ايدك بتبعت اشارات حسية بتنقل للمخ القوة اللي انت ضاغط بيها على الماوس عشان لو زادت يبعت فورا اشارات للعضلة تقلل انقباضها ... كل ده جميل لكن الاجمل والاعجب انه بيتم في اجزاء من الثانية ، بدون تفكير منك، لا بتختار العضلات اللي تنقبض، ولا بتظبط القوة اللي تنقبض بيها، بس الفكرة بتيجي في دماغك، وكل ده بيحصل تلقائيا بسلاسة ودقة غاية في الاعجاز لو عايز تشوف الفرق اتفرج على حركة اي مريض عنده خلل في المخيخ( ربنا يعافيكم جميعا يا رب) او اتفرج على روبوت وهو بيتحرك وحتى الروبوت متسجل جواه برامج احنا بنشغلها لكن عقلنا احنا مين سجل فيه البرنامج ده وغيره لآلاف الحركات المعقدة اللي بنعملها كل يوم؟؟؟؟؟؟؟ سبحان الله شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر March 19, 2007 يااااااااااااااااااااااااااااااااااااااااااااااااااااااااااااااااااه انا مش مصدقة نفسى اولا لان نجمة الكتب بحلها رجعت ونورت المنتدى من جديد...بجد كنا مفتقدينك ولو طولت ازغرط..او اجيبلك مزيكة حصبالله...وافرشلك المنتدى رمل وزهور حمد الله على السلامة ...ونورتىالمنتدى...كفاية عليكى كده...لما اشوفك بقى ثانيا على الموضوع والفكرة الرائعة...وده دائما ما توصف بيه نجمة الكتب احلى ما فيها انها هتخلينا نحب ربنا بعقولنا اكتر ...ونكبره فى قلوبنا اكتر واكتر وهتخلينا نعرفه ونوصل اليه اسرع... ثالثا احب اضيف شئ بالنسبه لهذا الاعجاز ان ربنا عايز يعرفنا شئ مهم جدا...زى ما له القدره لجلاله وعظمته فى ان يقول للشئ كن فيكون وضع هذه الصفه ايضا فى الانسان اكرم مخلوقاته والذى كرمه بالعقل....ازاى؟؟؟؟ اعطى له القدره ان يقول للشئ كن فيكون ...فعندما نريد ان نشرب نمد ايدينا بدون تفكير ناحيه الميه ولما نعوز نمشى للتلاجه مش لسه هنكلم ونعطى امر لرجلينا انها تمشى ...مش بنقولها امشى يارجلينا فتمشى...لالالالالالالا...بمجرد ما رغبتك تعوز ده فبتنفذه فورا وده لييييييييييييييييييييه؟؟؟؟؟؟؟؟؟؟؟؟؟؟؟؟؟؟؟ مفكرناش ده عشان ميكونش ليك حجه يوم القيامه ...وتقول ان كان فى نفسك فى حاجه وايدك ورجلك مطوعتكاش ابدا...كل اللى بتعوزة بيتنفذ يعنى كله تحت امرك وملك ايديك....لذلك اول حاجه هتشهد عليك هى ايديك ورجلك وعشان كده هى تبع الحركات الاراديه عشان كده هى اللى هتشهد....يعنى ربنا مش هيجيب عضلة لا اراديه انت مش متحكم فيها اصلا وتشهد عليك....لالالالالالا...يعنى كل حاجه انت عملتها بطوعك وبكامل قواك العقليه هتتحاسب عليها...عشان كده اداك عقل تفكر بيه قبل ما تعمل اى حاجه...واداك ضمير يشهد عليك ويكون رقيب ليك...واداك قلب تستشعر بيه عظم وصغر العمل الذى تقوم بيه ويارب ما كونش طولت عليكم ومستنين المزييييييييييييييييييييييييييييييييييد يانجمة الكتب...وياريت متحرمناش من نفحاتك شارك هذه المشاركه رابط المشاركه شار ك علي موقع اخر
نجمة الكتب 5 قام بنشر March 21, 2007 جمييييييييييييييلة اضافاتك اختي الحبيبة عاشقة القرآن ،جميلة العقل والروح ~~~~~~~~~~~~~~~~~~~~ النهاردة هنتكلم سوا عن اعظم جهاز مخابرات واقوي جيش دفاع في العالم... عارفين موجود فين؟؟؟؟ لا مش في امريكا........................... ولا في اي دولة تانية!!!! ...........موجود في اجسامنا ... تخيلوا!!!! ايوة موجود في اجسامنا واللي بكلمكوا عنه هو جهاز المناعة اللي مسئول عن حمايتنا من اي جسم غريب زي الفيروسات او البكتيريا او حتى خلايا الجسم اللي ممكن كل يوم بعضها يتنقسم بصورة غير طبيعية ويسبب اورام، تخيلوا ان جهاز المناعة شغال طول الوقت وبيحمينا حتى من الاورام!! بتبدأ الحكاية من مرحلة الجنين اللي بيتكون فيها جهاز المناعة من مجموعة خلايا مبرمجة للتعرف على اي دخيل ( ميليشيات مسلحة) واي خلية من دول بتتعرف على انسجة جسم الجنين على انها غريبة بتعدم فورا وبالتالي الجسم عمره ما بيهاجم نفسه. ولما الطفل بيتولد لو اي ميكروب هاجم جسمه ،الخلية اللي عليها المستقبلات الخاصة بالميكروب ده واللي بتكون سابحة في الدم بتتعرف عليه (عناصر المخابرات) وبتنقسم عشان تكون نسخ باعداد كبيرة تستعد لمهاجمة اي عدد من الميكروب ده، وكمان بتبعت نسخة منها تتحفظ في نخاع العظام ( قاعدة بيانات) وبتبعت اشارات كيميائية( اتصالات لاسلكية)في الدم تجتذب الخلايا القاتلة اللي بتبتلع الميكروب( فرق مرتزقة). بعد ابتلاع الميكروب بتبدأ الخلية تحلله وبتبعت الكود البروتيني بتاعه لنوع اخر من الخلايا المناعية عشان تكون ضده اجسام مضادة( اسلحة وذخائر) بتهاجم الميكروب وبتلتصق على سطحه وبتمنعه يهاجم الجسم وبتكون مسئولة عن رد فعل عنيف ودفاع قوي جدا ضد الميكروب ده لو هاجم الجسم مرة تانية. .....ايه ده، هي الخلايا ليها عقل؟؟؟ هو جهاز المناعة بيفكر ويوزع المهام وينظمها؟؟؟ مين طيب اللي خلى الخلايا اللي اتعرفت على انسجة الجسم تعدم ؟ مين اللي بيخلي الخلايا تبعت الاشارات في الدم وتوصل بسرعة لمكان الهجوم؟ مين اللي بيخلي كل خلية حافظة هي هتطلع اجسام مضادة ضد اي ميكروب بالتحديد ويخلي الاجسام المضادة دي موجودة في الدم باستمرار؟ الجيش المنظم ده مين اللي برمجه عالنظام الدقيق ده؟؟؟؟؟؟؟؟؟ سبحان الله شارك هذه المشاركه رابط المشاركه شار ك علي موقع اخر
EL3aref 5 قام بنشر March 22, 2007 سبحان اللـــــــــــــــــــــــــــه شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر March 22, 2007 موضوع جميل جدا جدا أختى نجمة الكتب .. مش حاجه غريبه عليكى .. إستمرى فى الموضوع .. بارك الله فيكى شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر March 23, 2007 رااااااااااااااااااااااااااائع يانجمة الكتب... واحب اضيف لهذا الموضوع الرائع . . قبل ما اروح واذاكر immunity ان جهاز المناعه ده...ربنا عايز يعرفنا من خلاله حاجات مهمه جدا: اولا...بيبن لينا اهميه الانسان على وجه الارض...وحرمة المساس بجسده وانه اكرم من باقى المخلوقات ..مش اى اى ولا زى زى...كله يجى لحده ويقف انتباه...مش فساحيه هى كل من هب ودب يمر عليها كده ..ويضربه على قفاه ويمشى...لا الانسان ده حاجه كبيره ...واقرب حاجه لربنا لذلك كرمه عن الباقى بالعقل واستقامة ظهره وبدون ذيل!!!!!!!!!! لان عدم وجود العقل بيدل على عدم الوعى انحناء الظهر بيدل على التذلل...ووجود ذيل يدل على التبعيه والاستخفاف فى ظل وجود العقل لذلك ربنا قال (من احياها فكأنما احيا الناس جميعا) وشدد على قتل النفس وجزاء من قتل نفسا متعمدا...اشد العذاب نجى نشوف اهنتنا لحرمة الجسد الانسانى...من اغتصاب وقتل وذبح شوف بقى ربنا حب يدوقنا من نفس الكاس وقدام كل هذه الجرائم تنتشر الامراض اللى بتشتغل على الجهاز المناعى auto immune disease واول حاجه تعملها تتنكرله تلبس طقيه لخفه وتقول للanti body انت لطخ وتضربه على قفاه...وتقول للفيروس اتفضل ياباشا بيتك ومطرحك واول حاجه تتضرب هو الجسم نفسه وانسجه الجسم نفسه ...لييييييييييييييه لان الجسم ماكنش فايق ساعتها ...وكل واحد وخد مكانه غلط وقصر فى واجباته ومعطاش لعمله حقه...يبقى ياحبيبى تشرب من نفس الكاس صحيح هو اعطالك الجهاز وجهاز ميخرش الميه...لكن قادر انه يعطلهولك عشان يفوقك ويقوللك فووووووووووووق...انت مش قد اللعب معايا . . ثانيا بستغرب من حاجه وافكر فيهاكتييييييييييييير قبل كده لكن فعلا جهاز المناعه هو اللى حلها . . الزنا ازاى لما اتنين يزنوا بيجلهم الزهرىsyphalsis اشمعنه العلاقات المحرمه...ازاى الجسم بيعرف ان دووول متجوزين وراحوا للمأذون وكتبوا الكتاب واستوفوا شروط العقد كامله...عشان كده ميصابوش بالزهرى ويعرف ان دوول ...فى علاقه محرمه....سبحان الله واللى يبدأ الاول ويكون عنده الرغبه ينتشر معاه المرض الاول وبكثره ده غير اعراض المرض نفسها ....فعلا بيشربوا من نفس الكاس برده . . لكن عشان مطولش فعلا جهاز المناعه بيكتشف وبيعرف ان ده جسم غريب عشان كده بيتعامل معاها على انه antigen وتبدا رحلةالمرض ...وده عشان انك لما تتبع الاجرأءات السليمه فى حدود الشرع ...النصيب بيدخل وربنا بيبقى عارف من قبلها طبعا من البدايه كل اتنين هيتجوزوا هتكون انسجتهم متوافقه مع بعضها عشان جهاز المناعه ميستجبش ومبياخدش قرار بسرعه ضدهم...ويكونوا فى الامان . ومتستغربش لو جه يوم عليك وحبيت حب من طرف واحد وكان اللى قدامك مش حاسس بيك ومتزعلش نفسك ده فى الاخر نصيب...يعنى ايه نصيب يعنى ممكن تكون انسجتكم مش متوافقه يبقى متزعلش ودور على اللى هترتاح معاه ...ازاى هقولك ده دوور صلاة الاستخارة بقى ربنا يقولك تعالالى وانا اقولك ده اللى هيناسبك ولا لاء...ده اللى هترتاح معاه ولا لاء!!!!! . . ثالثا واخيرا ...ربنا عايز يورينا ان جهاز المناعه ده جهاز مخبرات له جيش منظم ..كل واحد عارف حقوقه واجباته...ولو حد غلط بيتعاقب فورا وياريت احناكمان نكون كده...ونشوف عدونا عايز ايه وهو مين وجاى هنا ليه وايه اهدافه....زى جهاز المناعه ما بيعمل بالظبط اول ما يدخل يجيب الجسم الغريب ويفنطه ويجيبه من ساسه لراسه ويعرف هو حاطط عينه على انهى عضو...عشان يعرف يتعامل معاه . . ولا يسعنى الا ان اقول سبحان الله عدد خلقه ورضا نفسه ومداد كلماته . . واسفه لو طولت المره دى . . تقبلوا تحياتى شارك هذه المشاركه رابط المشاركه شار ك علي موقع اخر
بركات معبد 0 قام بنشر March 23, 2007 مبارزة جميلة بين نجمتى المنتدى " نجمة الكتب وعاشقة القرآن " ونحن الرابحون تحية لكما شارك هذه المشاركه رابط المشاركه شار ك علي موقع اخر
نجمة الكتب 5 قام بنشر April 1, 2007 استاذي بركات معبد،اخي العارف، اخي عاشق الصداقة، لكم مني جزيل الشكر، اختي الحبيبة عاشقة القرآن سافتقد ردودك الرائعة التي تكمل موضوعاتي وتفوقها بمراحل. ...ارجو ان تنال موضوعاتي المتواضعة اعجباكم واعتذر لكل من ترهقه قراءتها. ~~~~~~~~~~~~~~~~~~~~~~~ شغااااااااااااااااااااااااال طول الوقت...... مبتحسش بيه خالص غير في لحظة خوف او لحظة انفعال او لما تجري شوية ولا تعمل مجهود...يا ترى حد سأل نفسه هو شغال ازاي؟؟؟ من يوم ما بنتولد ليوم ما نفارق الدنيا؟؟؟؟ من غير ولا ثاينة توقف او راحة؟؟؟؟؟؟؟؟؟؟؟؟ ................... ............. القلب ده عضو عجيب جدا ، هو عبارة عن عضلة من نوع خاص ، فيها بطينين واذينين ودول اربع غرف بتفصل بينهم صمامات بتحافظ على اتجاه واحد للدم ومتصلين بالاوردة والشرايين الرئيسية، القلب بيدق بمعدل ٦٠- ١٠٠ دقة في الدقيقة مع العلم انه في مرحلة الجنين كان بيدق بمعدل ١٢٠-١٦٠ مرة في الدقيقة، الدقة او انقباض العضلة العجيبة دي بيبدأ في عقدة صغيرة في جدار الاذين الايمن حجمها ١٥ × ٣× ١ مم ، العقدة دي فيها نوع خاص جدا من الخلايا اللي بتولد كهربا بصورة تلقائية اتوماتيكية، يعني اذا كانت اي خلية لازم يجيلها اشارة كهربية عشان تشتغل ،فالخلايا العجيبة دي بقى بتصنع بنفسها الاشارات الكهربية اللي بتشغل القلب كله وده عن طريق تيار من ايونات الصوديوم بيتحرك تلقائيا خلال فتحات في اغشية الخلايا دي، بعد كدة النبضة الكهربية دي بتمشي في نسيج موصل موجود في جدار القلب واللي بتتميز خلاياه بتوصيل للكهربا اعلى بكتير جدا من خلايا القلب العادية ،النسيج ده بيتفرع ويتفرع وبينتشر في نسيج القلب كله ويوصل النبضة الكهربية دي للخلايا العضلية العادية، الخلايا العضلية دي كمان بينها بوابات بتوصل التيار الكهربي بسرعة رهيبة ودا يضمن ان كل خلايا البطين تنقبض في وقت واحد كخلية واحدة وبالمثل لكل خلايا الاذين، و تبدأ النبضة الميكانيكية اللي بنسمع صوتها وممكن نحس بيها بس لو اتغير عددها او قوتها او انتظامها لأن المستقبلات الحسية اللي موجودة في جدار القفص الصدري مهيأة انها متبعتش اشارات للمخ الا لو حصل تغيير في الضربات لكن طول ما هي طبيعية مبتبعتش اي اشارات.. انقباض القلب بيدفع الدم في الشرايين اللي بتوصله محمل بالغذا والاكسجين لكل خلايا الجسم، واثناء انبساطه بيرجعله الدم عن طريق الاوردة محمل بثاني اكسيد الكربون و فضلات الانسجة، كمية الدم اللي بيضخها القلب في الدقيقة بتقدر ب ٥ لتر يعني حوالي ٧٢٠٠ لتر في اليوم من كل بطين على حدة ..تخيلوا!!!!!!! القلب نفسه بيتغذى عن طريق الانتشار من الدم الموجود داخل غرفه الاربعة وكمان بيغذيه شرايين اسمها الشرايين التاجية وبيسموها كدة لأنها في توزيعها حوالين عضلة القلب بتشبه التاج. خلايا القلب بتبدأ الاشارة الكهربية وبتوصلها وبتنقبض و بتدفع الدم وتستقبله تاني في سيمفونية رائعة، بدون توقف ولا ثانية واحدة ،الخلايا دي بتشتغل بتفاني وانضباط غريب كأنها عارفة انها مسئولة عن حياتنا!!!!!!!!!!!!!!!! سبحان الله شارك هذه المشاركه رابط المشاركه شار ك علي موقع اخر
صناع الحياه 14 قام بنشر April 1, 2007 راااااااااااااااااااااااااااااااااااااااااااااااااااااااائع اكملي المسيره جزاكي الله كل خير شارك هذه المشاركه رابط المشاركه شار ك علي موقع اخر
نجمة الكتب 5 قام بنشر April 17, 2007 بشكرك اخي العزيز عبد الله، اتعلمنا في مدرستكم ولسة بنتعلم، ربنا يجازيكم عنا كل خير ~~~~~~~~~~~~~~~~~~~~~~~~~~ تعالوا نخرج برانا شوية ونتكلم المرادي عن مخلوقات ذكية جدا، كائنات بتخطط وبتملك حيل عجيبة جدا بتساعدها على البقاء، هنتكلم النهاردة عن بعض الطفيليات وسلوكها المثير للدهشة: * نوع من انواع الديدان المفلطحة بيعيش في الحجرات الصغيرة للشعاب المرجانية وبتكمل دورة حياتها في عائل اخر وهو نوع من الاسماك اسمه سمك الفراشة لما بتدخل الديدان دي حجرات الشعاب المرجانية بتضمن لنفسها غذاء وفير بتتقاسمه مع الشعاب المرجانية لكن بتبدأ تنمو وتنمو لدرجة انها متقدرش تخرج من الثقوب الضيقة اللي دخلت منها وحتى لو خرجت ممكن تضيع وتموت في المياه المالحة او يفترسها اي كائن اخر ،طيب ازاي هتوصل للعائل التاني وهو سمكة الفراشة ، السمك ده مبيكسرش الشعاب المرجانية الجيرية الصلبة عشان يوصل للغذا ،هي كدة الديدان دي حبست نفسها؟؟!!!!!!!!! الديدان ليها رأي تاني،...واللي بتعمله انها بتوعز للشعاب المرجانية -كيميائيا- وبتخليها تدفعها لاسطح التكوينات المرجانية في صورة بثور او عقد وردية اللون بتجذب سمك الفراشة وبيسهل عليه التهامها وبكدة بتوصل الديدان للعائل التاني وبتكمل دورة حياتها. ** نوع اخر من الديدان بيعيش داخل بعض انواع الحشرات وبيكمل دورة حياته في اجسام القوارض، متقدرش تتنقل لوحدها من العائل الاول للعائل التاني، لازم القوارض تلتهم الحشرات ،طيب ده هيحصل ازاي؟؟!!!!!!!! الديدان الذكية دي بتفرز مواد تأثر عالجهاز العصبي للحشرة وتخليها في حالة عدم اتزان وبالشكل ده بتبقى فريسة سهلة جدا للقوارض وبتقدر الديدان تكمل دورة حياتها. *** مثال تاني بيبين ان الكائنات دي اللي بيبصلها البشر بنوع من الإزدراء هي كائنات ذكية جدا وعارفة كويس قوي تعمل ايه عشان تفضل في خريطة الحياة المليانة بكائنات اقوى منها : نوع من القراد بيتطفل على الفراشات بالتحديد اذن الفراشات، ورغم سلوكه المتطفل الا انه مبيصيبش ابدا ابدا اذنين الفراشة بيكتفي باذن واحدة ويسيب التانية سليمة!!! الفراشة بتعرف طريقها عن طريق استقبال وتفسير الموجات فوق الصوتية واذا فقدت اذنيها بتبقى صماء عمياء وبتتخبط في طريقها وتبقى فريسة سهلة لكائن اخر ولو ده حصل هتنتهي حياتها وحياة القراد. الاستراتيجيات العجيبة والخطط المحكمة اللي بيها بتحافظ الكائنات دي على حياتها وبقائها يا ترى مين اللي علمهالها ؟؟؟؟؟ سبحان الله شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر April 17, 2007 رائع جداً جداً جداً .. ما شاء الله عليكى يا نجمة الكتب وإضافات رائعه من المتميزه عاشقة القران .. ربنا يجازيكم عنا كل الخير إستمرى وأمتعينا يا نجمتنا المصونه ... والله موضوع زاخر بمعلومات وغرائب وتسبيح حقيقى لله ومعرفه بقدرة الخالق عز وجل .. بارك الله فيكى .. ننتظر المزيد .. تقبلى خالص شكرى وتقديرى وتحياتى أختى نجمة الكتب شارك هذه المشاركه رابط المشاركه شار ك علي موقع اخر
BLACKDREAM 5 قام بنشر May 3, 2007 ايه دا الله لا بجد مش معئول نجمه بحالها بس اتاخرتي يا نجمه كنتي فين موضوع جميل و الاجمل هو المحاوره بينكي و بين اختي عاشقه القران لا احنا كده عندنا اقوى دويتو يا سلام عليكما و ربنا يفتحها عليكما اكتر و اكتر و شكرا للموضوع الحميل و المفيد و شكرا للاضافات الجميله شارك هذه المشاركه رابط المشاركه شار ك علي موقع اخر
طائر السكون 2 قام بنشر May 8, 2007 بالغم من انى فى كليه علميه الا ان الموضع بجد باسلوبه الشائق يستحق التقدير شارك هذه المشاركه رابط المشاركه شار ك علي موقع اخر
BLACKDREAM 5 قام بنشر May 8, 2007 و اللهي يا اختي نجمه انا بتابعك موضوعاتك كلهم و بجد بتعجبني اوي كل كتاباتك الشيقه و المفيده و بتمنى يا اختي نجمه اشوف منك المزيد ارجوكي لا تحرمينا من كتاباتك لاني بنتظرها بشغف كبير شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر May 8, 2007 لا تحرمينا من كتاباتك لاني بنتظرها بشغف كبير طال انتظارى ... عودى يا نجمه ..فينك الموضوع مضلم .. مستنيينك .. شارك هذه المشاركه رابط المشاركه شار ك علي موقع اخر
نجمة الكتب 5 قام بنشر May 10, 2007 عاشق الصداقة،BLACKDREAM،طائر السكون نورتوا موضوعي المتواضع وبشكركم جدا على تشجيعكم، ربنا يجازيكم عني كل خير ويا رب تكون المعلومات البسيطة اللي قدمتها مفيدة . ~~~~~~~~~~~~~~~~~~~~~~~~~~~~~~~~~~ عمرك مسكت ايد طفل رضيع؟؟.. طيب لو محصلش حالا دور على اي طفل يكون عنده ٣ شهور او اقل والمس راحة ايده او حط صباعك في ايده وشوف هيحصل ايه.... اقولكم انا هيحصل ايه.. ببساطة الطفل هيقفل ايديه الصغيرة على صباعك وهيمسكه باحكام طبعا انت هتعمل فرح وهتلم الناس وتقولهم انه بيحبك وبيموت فيك ، والحقيقة انه مش واقع في غرامك ولا حاجة ولو اي حد غيرك عمل اللي عملته هيكون رد فعل الطفل هو هو... صدمة شديدة مش كدة؟؟؟ معلش الحقيقة دايما مؤلمة الفعل المنعكس هو استجابة اتوماتيكية سريعة من الجهاز العصبي والعضلي لاي مثير خارجي بتم لحماية الانسان يعني مثلا: لما بتسمع صوت عالي قوي بتلتفت في اتجاهه بدون ما تفكر لأنك لو فكرت هتاخد وقت وممكن السبب اللي عمل الصوت العالي قوي ده يكون قرب وبيهدد حياتك. مثال تاني للافعال المنعكسة لما حاجة بتتحرك بسرعة في مجال رؤيتك وبتتجه ناحيتك بتغمض عينيك فورا بردو من غير تفكير وبكدة بتحمي عنيك وبتتفادي اي جسم غريب...في افعال منعكسة كتيرة جدا متبرمجة في جهازنا العصبي ووظيفتها حمايتنا . الاطفال الرضع بقى بيكون عندهم مجموعة خاصة من الافعال المنعكسة البدائية زي مثلا قفلة ايد الرضيع على صباعك، ..اهو دا فعل منعكس بيبقى موجود من اول ما الطفل بيتولد و بيضعف عند سن ٣ شهور وبيختفي بعد سن سنة، الافعال المنعكسة البدائية دي بتكون موجودة بسبب عدم اكتمال نمو الجهاز العصبي في اول سنتين من العمر وبعد كدة بتختفي تدريجيا ولو فضلت معاهم او ظهرت في شخص كبير بتبقى دليل على مرض في الجهاز العصبي. الافعال المنعكسة اللي عند الاطفال الرضع بتساعد على نموهم الحركي لكن الاعجاز بقى ان حتى عدم اكتمال نمو الجهاز العصبي عند الطفل الرضيع ربنا وظفه بحيث يخدم نموه الاجتماعي وارتباطه باهله وارتباطهم بيه لما بيمسك ايديهم وبيحسوا انه بيعمل كدة عشان بيحبهم... سبحانه اللي بيخلق من النقص والضعف قوة ... سبحان الله شارك هذه المشاركه رابط المشاركه شار ك علي موقع اخر
طائر السكون 2 قام بنشر May 10, 2007 هو بعد الامتحانات بيبقى صعب حصولخيرلكن اشكرك للمرة الثانيه على الشرح اللى انت خلتينى افكر فى موضوع اخر اضيفه يتحدث عن .... احب انى اخليه مفاخأة لكن انا متأكد انه حيثير ضجه كبيرة ليكون هو و الموضوع المثبت لى هما الموضوعان الذان اارجو من الجميع انه يتابعهم و ارجو منك يا نجمه رأيك اللى الكل بيخاف منه لان احمد كان حذرنى من ناس انهم ما بيفوتوش فى الغلط فى المعلومات و بجد الله ينور عليكى شارك هذه المشاركه رابط المشاركه شار ك علي موقع اخر
NADA 34 قام بنشر May 10, 2007 سبحان الله ايه الجمال ده يا نجمة الكتب انت مش نجمة الكتب بس انت نجمة كل شئ جميل جدا شارك هذه المشاركه رابط المشاركه شار ك علي موقع اخر
تقوى القلوب 12 قام بنشر June 29, 2007 موضوع جميل ربنا يكرمك شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر June 30, 2007 أختى الحبيبة نجمة الكتب...كم نفتقد لوجودك معانا بالمنتدى ربنا يارب يوفقك فى الامتحانات ...وبالنجاح والتوفيق يارب واحب أكمل معاكى لحد ما انتهيت ...زى ما احنا متفقين ........ القلب......تعالى نشوف قلبك وقلبى...ونقدم له شكر انه مستحملنا لحد الان...ومقلش انا زهقت من ظلم البشر ليا...وهبطل النهارده...وهما يتصرفوا بمعرفتهم؟؟؟!!! لانهم مش عارفين قيمتى ....وبيعملونى زى باقى الاعضاء...وانا المفروض ان باقى الاعضاء يقفولى احتراما واجلال...أمال ايه؟...دا أنا اللى بوصل الغذاء ليهم فى كل ثانيه عشان يعيشوا...ويشوفوا شغلهم كويس.. عمرى ما مليت ولا تعبت ...ولا قولت هاخد اجازة النهارده زى البشر عمرى ما قولت فوتوا عليا بكره... يكون وصلنى دم من الريس الكبير (المخ) ولا المايسترو العظيم(الغدة النخاميه) ولا من وزارة الصرف الصحى(الكلية) ولا من وزارة التغذيه(المعدة والامعاء)...... . . هسألكم سؤال...فكروا فيه شويه... . . عمركم سمعتوا عن ان القلب اصابه قرحة هل سمعتوا ان فيه مرض اسمه قرحة القلب . . ابدا...والله... صحيح سمعنا عن قرحة المعده وقرحة الاثنى عشر وقرحة فى الجلد(ulcer)...او قرحة فى اى مكان الا ****القلب**** سألتوا نفسكم ليه...اشمعنه؟؟!! . . لان القلب عضو ذات مكانه خاصه عند للى خالقه..سبحانه وتعالى يتولى من ذاته العليه عناية واهتمام خاص..دونا عن باقى الاعضاء . . تخيلوا معايا لو كانت من خواص الدم ومن مكوناته الحمضيه او القلويه زى المعده والاثنى عشر ما بيفرزوا حمض الكبريتيك اللى له القدرة على أكل جدار المعده...لولا الحارس الخاص اللى بيحوشه ويمنعه وهو السائل اللزج اللى بيغطى جدار المعده . لكن ابدا ليست من خواص الدم التأكل بل على العكس من خواصه التغذيه ..وبدليل ان الدم هو اللى بيغذى باقى الاعضاء...وليس حمض الكبريتيك عشان كده استحاله تحصل قرحة فى القلب...لان القلب من صفاته انه يحب اخواته من الاعضاء اللى جانبه ...ويغذيهم ويشيل اللقمه من بؤه ويدهلهم ...لان القلب وظيفته المضخة هو اللى بيضخ الدم للكل ومفيش دم بيفضل جواه ...ولا بيركن ويعين شويه لنفسه ولا يخبى حاجه عن اخواته ولا يقول بلاش كيس الفاكهه ده ولا كيس اللحمة ده ولا اللبس ده اخبيهم لحد يقولى هات شويه عشان كده بنحب وبنكره بقلوبنا...وياما طبعا ذكرنا القلب فى اشعرنا ؟؟؟؟!!!!!!!!!!!!!!! ده لو بس خبى وعان شويه دم فى غرفته ...يبقى تقول على نفسك يارحمان يارحيم لان عضلة القلب هتتضخم وهتقل قدرتة على الانقباض وشوف بقى ياحلو مين اللى هيوصلك الميه والنور!!!!!!!! . . لذلك هو اللى اتخصص فى الحب والكره .......عمرنا ما حبينا ولا كرهنا بمعدتنا ولا برئتنا ولا بالكبد...لان المشاعر الجميله هى اللى بتغذى الروح..زى ما القلب بيغذى باقى الاعضاء .ولانها عايزه عضو قوى يستحمل البهدله اللى هتحصله ...وميكونش أنانى هو كمان ...العمليه مش ناقصه وطبعا القلب اجدع عضو يستحمل ومش انانى...وميتوصاش فى الحب . . وتخيلوا معايا لو مقدار او نسبه الدم كانت بتزيد ولا بتقل وبتتأثر بثبتنا الانفعالى (بمعنى) لو كل ما نحب تزيد نسبه الدم وكل ما نكره تقل نسبه الدم زى ما بيحصل مع المعده يزيد الحمض مع الآكل ومع القلق والتوتر مما يؤدى الى ارتفاع نسبه التعرض للقرحه ويقل مع الهدؤ وتخفيض نسبه الاكل ؟؟؟؟؟؟؟؟؟!!!!!!!!!! مكناش عرفنا نعيش مع اللى حولينا اساسا...كان كل واحد يعقد فى مكان لوحده بعيد عن الناس اصل يحب حد او يكره حد فيقل او تزيد نسبه الدم ومبيبقاش مظبوط..ويجراله حاجه . . ده اللى لو اتظبط كلك على بعضك هتتظبط (أن فى الجسد مضغه اذا صلحت صلح الجسد كله واأذا فسدت فسد الجسد كله...ألا وهو القلب) صدقت يا حبيبى يا رسول الله عشان كده ربنا اختاره ان يكون القائد فى شغله كعضو وفى اعملنا اللى هنتحساب عليها يوم القيامه سواء كانت فى الخير ولا فى الشر القلب فاتحله ابواب وله عيون فى كل مكان...الابواب دى منها اللى متوصل على لسانك وعقلك وكل جوارحك البداية عنده والنهايه عندهم لكن كله فى الاخر هيرجع ويصب فيه وده حسبك انت عايز تصب فيه ايه...او عايز تملاه ايه خير ...هيتملى....شر هيتملى برده ومش هيقولك لآ وانت حر...كله فى الاخر لمصلحتك انت . . لذلك ربنا خلى قياس العمر بدقات القلب وبالنفس اللى بتتنفسه مكتوبلك عند ربنا قلبك ده هيدق كام دقه فى عمرك كله وعدد النفس اللى هتتنفسه مش بالايام ولا بالسنين زى ما احنا بنحسبها ليه....طبعا هو اللى ليه الاولوية لانه هو اللى من خلاله تتظبط كل حاجه... وربنا بيقولك وعايز ينبهك ان زى ما القلب عمل معاك احلى واجب وعمرة مقصر معاك فى يوم انت كمان لازم تعمل معاه احلى واجب وتظبطه عشان انتم الانتين تنجوا فى الاخر ........................... وزى ما قالت اختى الحبيبه نجمة الكتب انه بيشتغل لوحده ...بطريقه ذاتيه...(منه فيه )بالبلدى خالص صحيح بيتأثر بالجهاز السمباثاوى واللا سمباثاوى لكنه منبع النبضه ذاتى منه هو بدون تدخل اى عضو . . ... ... تخيلوا لو القلب وقف...اكيد كلنا شوفنا لما يجوا الدكاترة يعملوا عمليه فى القلب شوفتوا جهاز القلب الصناعى!!!!! تخيلوا معايا لو قالوا النهارده يجماعه الكهرباء والدم والنور هيقطعوا النهارده عن القلب وكل واحد يركب القلب الصناعى عشان يعرف يعيش 5 دقايق بس . . تخيلوا كده هنبقى عمالين ازاى؟؟؟!!!! اقربها لو مشينا فى الشارع وكل واحد ماسك الجهاز فى ايديه والخراطيم اللى موصلها عشان توصل الدم لباقى الاعضاء....وكل واحد خايف على خرطوم ..لحد وهو ماشى ومش واخد باله يتكعبل فيه فيقطعه ...وطبعا مش هيعرف يضربه لانه ماسك الجهاز..وملبوخ يعنى لشوشته عمال بيظبط الجهاز لان الجسم الوقتى عايز دم زياده لانه اتعصب من الراجل ده ومحتاج هرمونات تسعاده يظبط ضغطه اللى ارتفع!!!!!!!! والتانى مش هيلحق يعتذر لانه هو كمان خايف..لحد يعمل فيه كده هو كمان وطبعا مش هنعرف نسلم على بعض...ولا نقف نتكلم ...ولا حتى نركب العربيه..لاننا مش هنعرف نسوق...ولا هنعرف ناكل عشان الاكل ممكن يقف فى الخرطوم...مش زى طبعا الوعاء الدموى له الخاصيه على منع التجلط واذابه الجلطات واه لو فكرت فى حاجه ؟؟؟...شوف بقى المخ وكل حته فيه عايزة تتغذى عشان تعرف تفكر بس فى شئ بسيط جدا!!!!!!!(وهو امتى الكهرباء تيجى والقلب يرجع يشتغل من تانى)!!!!! هتلاحق على مركز التفكير ولا هتلاقيها من مركز التركيز أه بقى لو بصينا على حاجه ولا سمعت حد بيكلم ....يومك مش فايت ومش هيعدى يعنى من الاخر مش هيطلع عليك صبح!!!!!! وتروح تموت ارحملك . . لذلك احنا هنتحاسب مش بس على نظرة غلط ولا كلمه غلط..لالالالالالا هنتحاسب كمان على كل نقطه دم غذت عضلة العين لما بصت على حاجه غلط وعلى كل شريان او وريد غذى العضله دى عشان تبص على الحاجه دى او لو اتكلمت كلمه غلط...هتتحاسب على كل نقطه دم غذت عضلة اللسان لذلك اوعى تفكر انك هتدخل الجنه بأعمالك مهما كانت هتدخلها برحمة ربنا ...شوفت هو رحيم عليك قد ايه؟؟؟؟ أنت بتتكلم عن ميييييييييييييييين ...دا القلب.. يعنى مش أى أى ولا زى زى . . كفايه عليكم كده المرة دى انا عارفه انى طولت خالص خالص اعذرونى .. بس حكايتنا مع القلب بالذات لم تنتهى كنا عايزين نعرف ايه حكاية ارتباط الضحك بالقلب زى ما رسولنا الكريم قال ويعنى ايه كثرة الضحك تميت القلب وازاى .. وازاى ان عمر المرأة اطول من عمر الرجل وياترى ده ليه ارتباط بالقلب .. ودلوقتى تعالو نجرى على موضوع فى المنتدى الاسلامى بعنوان **ثوانى وتشوف قلبك** واتخيله لو عايز تعرف حجمه هو حجمه يساوى حجم قيضه ايدك اقبض ايدك وشوف حجمه بالنسبه لحجم جسمك كله!!! يوضع سره فى اضعف خلقه . . ونصلى شكر للملك الاعظم اللى خلقه ولا يسعنا فى النهايه الا ان نقول سبحان الله العظيم ............................................. مازلت أبحث عن عناقيد العنب فى عالم ما زال يعتصر اللهب ما زلت ألبس كل جلدى المتحترق أجتاز لافتة النهاية للبدايه فى غضب وأعيد حلما قد سرق أبى اختزالى فى نفايات الحطب شارك هذه المشاركه رابط المشاركه شار ك علي موقع اخر
memo 0 قام بنشر July 13, 2007 موضووووووووووووووع شيق ومفيد جدا...جزاكى الله خيرا أختى نجمة الكتب شارك هذه المشاركه رابط المشاركه شار ك علي موقع اخر
Shetos 2 قام بنشر May 27, 2008 لا يسعنى غير قول ... سبحان الله... معلومات رائعة جداً... شارك هذه المشاركه رابط المشاركه شار ك علي موقع اخر
سجده 45 قام بنشر April 3, 2010 موضوع رائع جدا جدا ما شاء الله ربنا يجعله في ميزان حسناتك يا رب شارك هذه المشاركه رابط المشاركه شار ك علي موقع اخر
