36 ردود على هذا الموضوع

[عاشق الصداقه]

Tweet

من فتره طويله مكتبتش شعر ... خصوصاً بالعاميه
فكرت ولقيت نفسى بكتب هبل طلع منه فايده .. قلت اكتبهولكم وخلاص بدل الانقطاع الكبير ده عن قسم الشعر حبيبى
وإن شاء الله يعجبكم

خد أقولك خد تعالالى يا واد انت يا تاعب بالى
فرحان كده انت بنفسك !! ولابسلى ضابط فيدرالى

قدوتك الغرب وأعمى .. بتقلد لبس ومغنى
دى قدوتنا وده حالنا .. ونسينا رسولنا الغالى !!

ليه كل شباب الحاره ماسك ووكمان وسيجاره
ومهيس .. واللى كويس .. ساكت ، بيقول وانا مالى !!

كله شباب هايص ضايع سفروت وحلنجى وصايع
بس انا مش ذيكو هسكت ولا هقعد واندب حالى

بجمع فى شبابنا الهادف هنكون لهدفنا مرادف
كلنا ايد واحده واخوه وامالهم هيا امالى

نفسى نغير ونعلم نفسى الاحساس يتكلم
ويعرفك إنت وهو يا أخويا .. يا صاحبى .. يا خالى

إننا ممكن نبقى أحسن إن التفكير يتحسن
ونكون لشبابنا العربى قدوته أو مثله العالى

ياللا .. هات ايدى فى ايدك يجرى هدفنا فى وريدك
على إيدنا هنعمل طفره تغيير للفكر الحالى

وشبابنا هيمسك قلمه وهيرسم هدفه وحلمه
وهينجح .. وهيدعولكوا مصطفى وأسامه وسالى

ياللا يا شباب نتحرك نسعى لهدفنا السامى
ندعى ان يكون مكسبنا رضوان ربى المتعالى

كتب : عاشق الصداقه (الحقوق محفوظه )
كلماتى إهداء خاص لفريق ياللا يا شباب .. وفريق ياللا نجاح للتنميه البشريه .. ولكل الشباب العربى

Tweet

[بنت مصرية]

لا بجد عودة قوية ياعاشق الصداقة موضوع جميل جدا
والله عجبني اوي الشعر بتاعك ده حماسك والهدف اللي
انت عايز تققه واضحين اوي في كلامك شعر رائع رائع
احنا هنعذرك الفترة دي علشان الأمتحنان لكن لازم الشعر الجميل
ده والمعاني اللي فيها ترجع علشان تكمل المشوار واحنا معاك
سلمت يداك كتبت فابدعت يا... عاشق الصداقة

[ABOTASNEEM]

اقتباس

كلماتى إهداء خاص لفريق ياللا يا شباب .. وفريق ياللا نجاح للتنميه البشريه .. ولكل الشباب العربى

نشكرك على الاهداء
ونشكرك على الاسلوب المتميز

وبنا يوفقك دايما لما يحبه ويرضاه

[صناع الحياه]

رقيتك واسترقيتك
من كل الي قرا كلامك ولا صلاش علي النبي
ايه يا واد الكلام الجامد ده
بقي كرينكل يطلع منه كل ده

ننتظر المذيد

[Shetos]

اللهم صلى وسلم وبارك على سيدنا محمد وعلى أله وصحبه أجمعين يا عرابى..

شعر رائع بحق..

أنا أعشق الشعر اللى باللغة العامية..

رائع يا كرينكل..

[بسمة المحبه]

وكمان شاعر اول مره اعرف
بس بجد رائع رائع رائع
وهادف فى نفس الوقت
تقبل مرورى

[عاشق الصداقه]

بنت مصرية, فى 24 May 2008, 03:00 AM, يقول:

لا بجد عودة قوية ياعاشق الصداقة موضوع جميل جدا
والله عجبني اوي الشعر بتاعك ده حماسك والهدف اللي
انت عايز تققه واضحين اوي في كلامك شعر رائع رائع
احنا هنعذرك الفترة دي علشان الأمتحنان لكن لازم الشعر الجميل
ده والمعاني اللي فيها ترجع علشان تكمل المشوار واحنا معاك
سلمت يداك كتبت فابدعت يا... عاشق الصداقة

شكراًاًاًاًاًاًاًاًاًاًاًاًاًاًاًاًاًاًاًاً بنت مصريه على المرور الرائع
مكنتش متوقع رد الفعل ده من الكل .. انا كنت متردد أنزل الموضوع وأختى اللى شجعتنى انزله ليكم لما قرته (زى كتير من اشعارى اللى مش بكتبها)

بس بجد سعيد لأنها عجبتك

ABOTASNEEM, فى 24 May 2008, 11:03 AM, يقول:

نشكرك على الاهداء
ونشكرك على الاسلوب المتميز

وبنا يوفقك دايما لما يحبه ويرضاه

العفو حبيبى ابو تسنيم .. لو أنى عاوز اقدم هديه لياللا نجاح .. يبقى كلامى ده ولا حاجه ..
ياللا نجاح قدملى وقدم للشباب كتيييييييييييييييييييييييير
سعيد جداً بمرورك حبيبى واستاذى الغالى

sona3_al7ayah, فى 24 May 2008, 12:26 PM, يقول:

رقيتك واسترقيتك
من كل الي قرا كلامك ولا صلاش علي النبي
ايه يا واد الكلام الجامد ده
بقي كرينكل يطلع منه كل ده

ننتظر المذيد

ههههههههههههههههههههههه
تسلم يا عرابك .. ابنك هجيبه من بره

وحاضر هتشوف المذيد إن شاء الله

Shetos, فى 24 May 2008, 02:21 PM, يقول:

اللهم صلى وسلم وبارك على سيدنا محمد وعلى أله وصحبه أجمعين يا عرابى..
شعر رائع بحق..
أنا أعشق الشعر اللى باللغة العامية..
رائع يا كرينكل..

تسلملى حبيبى شيتوس ..
ابقى اقرا هتلاقى فى قسم الشعر كتابات بالعاميه أكثر من رائعه (هتحب الشعر أكتر لما تقراها)

بسمة المحبه, فى 25 May 2008, 08:18 PM, يقول:

وكمان شاعر اول مره اعرف
بس بجد رائع رائع رائع
وهادف فى نفس الوقت
تقبل مرورى

بارك الله فيكى للرد الجميل ..
مش شاعر ولا حاجه .. بس بيقولوا بكتب شعر كويس
اى كتابات فى قسم الشعر تبدأ بعنوان (مما كتبت .. ) يبقى كاتبها بايدى
وبحب الشعر جداً ..



شكراً لمرور الجميع

[NADA]

اقتباس

وشبابنا هيمسك قلمه وهيرسم هدفه وحلمه
وهينجح .. وهيدعولكوا مصطفى وأسامه وسالى

ده مين الناس دى

أجيال المستقبل ولا أيه

ولا دول زى بطة؟؟

اقتباس

كله شباب هايص ضايع سفروت وحلنجى وصايع
بس انا مش ذيكو هسكت ولا هقعد واندب حالى

أيه ده يا بابا إنت بتقعد مع مين الأيام دى

ده انت اتطورت عالآخر

ده أيه البشاعة دى,,

لا بجد بجد كده مش هنخلص تعليق

بس هو كله كده عاجبنى خااااالص

شكله كده بيقول حاجه

يجى منه يعنى , , ,

[الرّام]

لااااااااااااااااااااااا ... هو احسن حاجة انك عملت قسم خاص باقلام مبدعي يللا يا شباب


على الأقل طلعتلنا القصيد الحلوة هذي من بين الزحام

و قدرنا اخيرا اننا نشوفها و نقراها



بسم الله .. ماشاء الله .. تبارك الله .. لا قوة الا بالله


يعطيك الصّحة يا خويا


بالحق ياسر حلوّة


....


في انتظار انك تطلعلنا اكبر عدد من الابداعات ليك و لكل الاخوة و الاخوات ... لاني متأكدة ان في منتدى الشعر .. كثيييييييييير من الابداع باقلام كثيرة .. مازال مغمور ... و على قد ما نبحث ما نوصلش للآخر ...



بارك الله فيك

ربي ينوّر عليك ان شاء الله



.

تم تعديل هذه المشاركة بواسطة الرّام: 07 October 2009 - 10:53 AM

[عاشق الصداقه]

أختى NADA ،، جزاكى الله كل الخير ،،
نورتى موضوعى المتواضع ،، ونتمنى ان تعودى بسلامه لمنتداكى وبيتك بعد طول هذا الغياب

أختى الرّام ،، بارك الله فيكى وجزاكى كل الخير ،، لن استطيع شكرك على ردك الذى أعطى موضوعى وكلماتى اكثر من حقها بكثير
قسم "أقلام مبدعى ياللا يا شباب" يحوى الكثير لمن يبحث ،، فهنا بالمنتدى مجموعة من كتاب الشعر والأدب - ما شاء الله عليهم وعلى ما يكتبون ، وما انا الا متعلم منكم ومن كتاباتكم ،،

أعتذر لأنى ولأول مره ألاحظ الجمله فى توقيعك لقلة تصفحى لموضوعات المنتدى /

اقتباس

ادعولي ربي ييسّرلي أمري .. ادعولي انا محتاجة لدعواتكم ..

أتمنى من الله أن يكون خيراً

اللهم بارك لها وبارك فيها وبارك عليها وبارك بها
حفظكى الله أختى ورعاكى وسدد فى طريق الخير خطاكى ، وأنالك مبتغاكى بما يرضى رب العالمين ، انتى وجميع المسلمين

تحيتى

[dr_mido]

بسم الله ما شاء الله أخي في الله (عاشق الصداقة) علي كلماتك الأكثر من رائعة

أرجو من الله أن يدوم عليك هذه النعمة ويحفظها عليك من الزوال إن شاء الله

ومنتظرين منك المزيد أخي من إبداعات قلمك الرائع

ووفقنا الله وإياكم إلي ما يحبه ويرضاه إن شاء الله

أخوك في الله
dr_mido

[ali desoky]

اقتباس

اقتباس

وشبابنا هيمسك قلمه wub.gif وهيرسم هدفه وحلمه
وهينجح .. وهيدعولكوا wub.gif مصطفى وأسامه وسالى

جميل جدا يا حبيبي
جزاك الله خيرا
ان شاء الله

[Dr.A7MD]

يا باشا يا باشا يا باشا

وكمان شاعر كماااااااااااااااااااااااااان

لا نمسك الخشب أكيد

بسم الله ما شاااااااااااااااااااااء الله

فتى المنتدى الذهبى بجد

تسلم ايدك يا أحمد على الكلمات

ربنا يخليك لينا

تحياتى ليك

[حياتى من اجل ربى]

جمييييييييييييييييييييييييييله خاااااااااااااالص
كاتب مميز اخى
وكلمات رائعه
جزاك الله خيرا
وجعلها فى ميزان حسناتك
وهداك الى ما يحب
ويجعلك من الشباب الذين يفخر بهم محمد صلى الله عليه وسلم
وحقق لك كل ما تتمنى

[الجندى المجهول]

خد اقولك خد ايه ياد الحلاوه دى
والله كلام جامد
ربنا يكرم ويرزقك الجنه
الله اكبر عليك يا باشا
ربنا يجزيك عنا خيرا

[شهد 2010]

[center]

كلامك بجد من اجل شباب عربى افضل ربنا يوفقك يارب على كلامك الجميل

اقتباس

ياللا يا شباب نتحرك نسعى لهدفنا السامى
ندعى ان يكون مكسبنا رضوان ربى المتعالى

هو ده فعلا اللى بنتمناه

جزاك الله خيرا اخى عاشق الصداقه كلامك بجد يساعد على النجاح
ربنا يجعل كل اعمالك خالصه لوجه الكريم

[عاشق الصداقه]

dr_mido || alidesoky || Dr.A7md || حياتى من اجل ربى || الجندى المجهول || شهد 2010

جزاكم الله كل الخير ،،
والله أسعدنى مروركم وكلماتكم الجميله
والله أسأل أن تنال كتاباتى رضاكم وإعجابكم دائماً

لكم كل الود والتحيه والتقدير

[الدرة المصونة]

السلام عليكــم ورحمـة الله وبركاتــه




جميييل أوي ياأخي الله يحفظك ويرفع قدرك ويعزك ويعز بيك الاسلام إن شاء الله ... ... تقبل مروري

صور مصغرة مرفقة

• 

[dr_dudy]

عمل رااااااااااائع فعلا وهداف

فى انتظار المزيد من ابداعاتك

[سجده]

جميل جميل جميل

انا طول عمري بقول الكبير كبير بردو

اقتباس

قدوتك الغرب وأعمى .. بتقلد لبس ومغنى
دى قدوتنا وده حالنا .. ونسينا رسولنا الغالى !!

دا انا بشوف الكلام دا بروح اقطع الاجنده اللي بكتب فيها

لا بس و الله ما شاء الله علي حضرتك

ربنا يجعله في ميزان حسناتك يا رب

و مش تتردد في نقل حاجه لينا تاني

تحيتي لك اخي الكريم

تم تعديل هذه المشاركة بواسطة سجده: 28 April 2010 - 06:49 PM