Dr.A7MD

تفاصيل برنامج معكم فى رمضان من هنا

مسابقة يومية متنوعة تحتاج إلى التركيز ليها أهداف كتير بحسب نوع المسابقة هنكون معاكم كل يوم بعون الله بعد صلاة التراويح وممكن نتأخر شوية بس أكيد قبل نص الليل فتابعونـــــــــا بين الحين والآخر [flash=10,10]http://www.swfcabin.com/swf-files/1312038367.swf

إن شاء الله فى المحور ده هنلبى احتياجات بعض الناس من عاشقى ومدمنى الجرافيك هيبقى الموضوع فيه حاجات كتير حاجات زى صور ومستلزمات التصميم اللى تنفع الناس تستخدمها فى أى حاجة خاصة برمضان وهتبقى فى حاجة هنسميها Taymor tips and tricks ،، هتبقى عبارة عن مهارات بسيطة مشروحة على هيئة فيديوهات صامتة مُوجهة للناس الهواة فى التصميم وشوية حاجات كمان كدا هتبقوا تشوفوها فى وقتها كل حاجة هتنزل هنا فى نفس الموضوع فتابعونــــــــــا بين الحين والآخر [flash=10,10]http://www.swfcabin.com/swf-files/1312038367.swf

اعرف إسلامك ،،، اجعلها إذاعتك فى رمضان نقـــــــــــــــــــدم فيها الدكتور طارق السويدان يكون معكم دكتور طارق كل يوم ما بين صلاة العصر إلى ما بعد صلاة التراويح يطالعكم الدكتور طارق بدروس من وحى السيرة والتاريخ الإسلامى فهرس الحلقات بالأسفل فتابعونـــــــــــــــــــــا بين الحين والآخر [flash=10,10]http://www.swfcabin.com/swf-files/1312038367.swf

فوارس دعوية ،،، اجعلها قناة مسلسلاتك فى رمضان نقـــــــــــــــــــدم فيها الشيخ أحمد ديدات || فارس الدعوة الإسلامية || قاهر عُبّاد الصليب ومُفحم النصارى || صاحب مناظرات القرن مع النصارى الشيخ أحمد ديدات [ شخصية هذا العام ] الدكتور عمر عبد الكافى || العالم الإسلامى المستنير الشيخ الداعية وجدى غنيم || المهاجر فى سبيل الدعوة نحاول إلقاء النظر واستحضار بعض مما قدموه هؤلاء الفرسان من جواهر قُدمت للأمة الإسلامية محاولة منهم لإحياء العصر الذهبى لها نكون معكم إن شاء الله كل يوم ما بين فترة ما بعد العصر إلى ما بعد صلاة التراويح فهرس الحلقات بالأسفل فتابعونـــــــــــــــــــــا بين الحين والآخر [flash=10,10]http://www.swfcabin.com/swf-files/1312038367.swf

أخى الفاضل عاشق الصداقه جزيل الشكر لك ولردك ،،، بس اسمحلى اوضح بعض الحاجات البسيطة قرأت الموضوع والإعلان ده على ما أعتقد أول واحد ،،، وكنت ناوى أرد عليه بنفس الرد قبل أى رد حد لكن صفحات المنتدى كانت تفتح معاى بعد ساعات دى حاجة حبيت أوضحها عشان محدش يبقى فاكر إنى بقصد شخص معين بكلامى والله وحده يشهد على صدق كلامى أخى الفاضل ،،، أنا من أكتر الناس اللى بتحترم أعضاء المنتدى وإدارته وده مش محتاج إنى أثبته ،،، لكن على حد علمى أنا تكلمت بكل احترام وإجلال عن المنتدى وكل اللى فيه سواء أعضاء أو إدارة ،،، ولا اتكلمت عشان غرض ما أو طمعان فى حاجة مثلاً ،،، ربنا وحده يعلم نيتى وممكن تتأكد من كلامى فى الموضوع ده http://forums.yallagroup.net/49184 ولما بقول رأيى مش بقصد بيه شخص معين ولا ناس فى فريق الإدارة ولا حاجة من دى للمرة الألف بقول وقلتها أكتر من مرة فى أكتر من مكان ،،، لما بنقد حاجة بنقد بكل أدب واحترام توجه معين أو سلوك معين بدون ذكر أسماء ولا حتى الإلماح من قريب أو بعيد وبعدين ايه يعنى وسام كوبى بيست !! - فيها ايه الكلمة دى تزعل حد كلنا بما فيهم أنا وانت وأعضاء وفريق ادارى وكل الناس بتعمل كوبى بيست بإختلاف الكمية والإستمرارية هى كلمة وسام الكوبى بيست بقت شتيمة ولا ايه !!! النقد كان موجه للتوجه ذات نفسه ،،، لا لشخص ولا لمجموعة أشخاص ،،، يتاخد الكلام على أساس انه استهزاء أو تسليط ضوء على فكرة معينه أو تلميح لتوجه معين ،،، ده كله على حسب الدماغ اللى بتفسر الكلام ،،، مليش دعوه بيه زى بالظبط لما يطلع خبر يتقال فيه أن الإعلام يوجه الاتهام للسلفيين فى حاجة معينه ،،، لما حضرتك أو غيرك يرد على الموضوع سواء فيه أو فى أى وقت تانى بطريقة خارجة عن النص وبشكل فكاهى الغرض منه الرد على الإعلام ،،، هل دلوقتى أنا بستهزأ بشخص معين أو مجموعة أشخاص ولا بنتقد توجه الإعلام بشكل عام !!! مع فارق القياس بين اللى قلت واللى بيعمله الإعلام ؛ بس الفكرة واحدة كل اللى قلته أنا مقتنع بيه تماماً وفى رأيى هو التوصيف الدقيق بدون سب أو شتم أو استهزاء بحد أو مجموعة ،،، وليك إنك تراجع كل تصرفاتى مع كل الناس فى المنتدى سواء اللى عرفاها الناس أو ميعرفهاش غيرك إنما الأعمال بالنيات دع الحكم على النوايا لرب الخلائق ،،، فربى وربك وربكم هو خلق ويعلم سريرة من خلق دمتم فى حفظ الله وأمنه وهداكم إلى ما فيه صلاحكم ورشدكم

تسلم يا كبير على التحديث بصراحة حاجة كانت المفروض تحصل من الأول ومكنتش عارف ليه مكنتش متاحة من الأول !! بس حابب أقول رأيى فى نظام التقييم بشكل صريح جداً وبكلمات مختصرة بس ليها دلالة بعون الله - هو احنا بنقيم موضوعات ومشاركات ولا بنقيم أعضاء !!! ،،، ولو بنقيم موضوعات يبقى من الإنصاف إن التقييم يكون متاح بنوعيه ( الإيجابى والسلبى ) ،،، مدام طرحنا إننا نبين التقييمات الإيجابية يبقى من الإنصاف كمان إن التقييم السلبى يكون متاح زى ما كان موجود زمان قبل إلغاءه عشان يبقى فى إنصاف بجد - لو كنا بنقيم أعضاء ،،، فيا ترى احنا بنقيم على أساس ايه بالظبط !!! ،،، كون إن الموضوع عجبنى فهل ده معناه أن العضو يستاهل التقييم على موضوعه !!! - منعمل زر اسمه اعجبنى ( للموضوع وليس العضو ) ونخلص من الموال ده ،،، ويبقى تقييم الأعضاء له سيستم تانى عادل ومنصف سواء للناس السابقين بتوع زمان والناس الحاليين فى ياللا جروب - عندنا أعضاء كتير سواءً ليهم نشاطات دلوقتى أو مش بيدخلوا دلوقتى ,,, ليهم مساهمات وحاجات والله العظيم أحسن من أى حاجة معروضة دلوقتى لا متقيمين ولا واخدين حقهم أصلا ،،، الناس دى مش بتتقيم ليه بأى شكل من الأشكال - مشروعات وموضوعات متعوب عليها من أول مشروع خطوات ورحلات عبد الله عرابى واعمال من الاتيليه وموسوعة اللهجة التونسية ،،، فين الموضوعات دى من التقييم والإبراز !!! ،،، وفين أصحاب الموضوعات دى من التقييم !!! - احنا ماشيين فى محتوى المواضيع بنظام التقدم الأفقى ( زيادة مشاركات ) بدون ما نهتم بالتطور الرأسى ( جودة وتطوير شكل المعروض ) ،،، فياترى احنا بنقيم على أساس الكوبى والبيست !!! - يا ريت يتم إعادة معاينة الموضوعات اللى تستحق التقييم بما يرضى ربنا ( لو كان نظام التقييم الحالى هيفضل على ما هو عليه ) ،،، عشان نشجع كاتبى الموضوعات دى ونشوف أساميها من ضمن الخمسة اللى تحت - لو كان نظام التقييم هيتعدل ،،، يبقى ياريت يتعدل بشكل منصف وعادل ويبقى تقييم الموضوعات جزء من تقييم الأعضاء مش كل حاجة ؛ وجود زر أعجبنى ( للموضوع ) هيحل المعضلة دى ويبقى مثلا مثلا كل 10 أعجبنى لموضوع يمنح للعضو صاحب الموضوع نقطة واحدة فى التقييم ،،، ويبقى باقى تقييم الأعضاء بنظام متعدد الأساليب وببرمجة متعلقة بالجبر والخوارزميات ( لو متاح ده فى برمجة نسخ الاى بى وقابلية تركيب البرمجيات دى عليها ) عشان يبقى النظام منصف بحق مش زى اللى حاصل دلوقتى - لو حابين نشجع الأعضاء على المشاركة والكتابة فى المنتدى ( بعض النظر عن جودة المحتوى والمكتوب ) ،،، ممكن نطور نظام الأوسمة عشان تستوعب أوسمة جديدة ( وسام 500 مشاركة - وسام 1000 - 2000 - 5000 - 10000 - ... إلخ ) ،،، لو الناس فرحانة بكتر مشاركاتها يعنى - فى النهاية ده رأيى يا Boss ،،، النظام الحالى للتقييم غير منصف وظالم بشكل كبير لأنه يخضع للهوى الشخصى قبل أى حاجة ،،، صحيح إن نظام التقييمات ده موجود فى برمجة نسخة الاى بى بديهى يعنى ،،، بس اتحط عشان يتم استخدامه بشكل صحيح من ناس بتعرف تحكم بإنصاف مش بأى حاجة تانية ،،، وأنا من رأيى أن كل صاحب موضوع ناقله من مكان ما بلاش يستعمل كلمة منقول لأن الكلمة دى اسُتهلكت بشكل كبير وبيكون صاحبها معدل على الموضوع بشكل أو بآخر لكن أغلب محتوى موضوعه جايبه من بره ،،، لكن لو كان النظام كوبى وبيست ( نسخ ولصق ) حتى بدون كتابة البسملة فى الأول ،،، فياريت لو يحطوا تحت كل موضوع كلمة كبيرة تحت عنوان كوبى وبيست أو يستعملوا الصورة دى لو مستعجلين وممكن كمان يتعمل وسام ويبقى من ضمن الأوسمة المتاحة فى المنتدى ( وسام الكوبى بيست ) * أنا من ناحيتى ،،، بعون الله هعيد تقييم بعض الموضوعات والكتابات اللى تستاهل التقييم بحق ربنا لبعض الناس اللى عملت مجهود غير تقليدى فى المنتدى عشان نكسر احتكار خمس أسماء فقط لأعلى تقييمات فى المنتدى ،،، ولو إنى من رأيى ان نظام التقييم الحالى يتم نسفه تماماً ويعاد إعداد واحد جديد منصف لا يخضع لأهواء أو ميول شخصية ويبقى تقييم الموضوعات بعيد عن تقييم الأعضاء ،،، والحكايه دى مش هنخترع فيها الذرة ،،، دى ليها سوابق فى كتير من المواقع والمنتديات الكبيرة << عاوز تطور ياللا يا شباب بجد ،،، لازمك عدل وإنصاف وحلول غير تقليدية >> تحياتى ليك يا Boss

جمال الفازتين دول تسلم إيدك أختى الرام دايماً موضوعاتك متعوب عليها ومش بتحبى تعملى أى حاجة وخلاص اعذرينى لو مكنتش متابع أعمالك الفترة اللى فاتت لمشاغل كتير اوى لكن عوضت غيابى بتقييم جميع أعمال السلسلة لأنك أجدر شخص فى المنتدى بالتقييم ده لإنك حابه تعملى حاجة جديدة ومش مكررة نصيحة بس وياريت تاخديها بصدر رحب اربطى كل موضوعات السلسلة ببعضها ،،، سواء بإرتباط نصى فى عنوان مثلا أو تصميم صغير أسفل كل موضوع بيوجه توجيه مباشر لفهرس السلسلة وياريت كمان لو فى بنر شيك للسلسلة وفواصل ،،، واظبطى الخط من ناحية الألوان والحجم ووحديه بين كل الموضوعات عشان السلسلة يبقى منظرها غاية فى الجمال وياريت كمان عناوين مواضيع السلسلة تبقى بشكل واحد تربطى بيه كل الموضوعات ببعض زى مثلا مثلا [ أعمال من الأتيليه || العمل الأول أو العمل رقم 1 ] ،،، هكذا يعنى ده مثال وبس المهم السلسلة تطلع بشكل واحد لأن ده يمثل حوالى 80 % من البعد الجمالى وإن شاء الله نشوفلك سلاسل جميلة وجديدة وحصرية وبعون الله نكون فى خدمتك دايماً لو طلبتى أى تنسيق جمالى وتصميمى لكل سلاسلك وكمان لو فى مقدورك تعملى نيولوك لموسوعة تعلم اللهجة التونسية وكمان سلسلة الإيشاربات فى قسمكم الخاص ده ،،، يبقى كدا وصلتى للتوب بعون الله فى النهاية بشكرك شكر جااااااااااااااااااااااااااااااامد جداً لكل مجهوداتك فى المنتدى ،،، وبتمنى دايماً مستوى طرحك لموضوعاتك وسلاسلك يبقى فى تطور دايم بعون الله تحياتى ليكى أختى الكريمة

تاريخ الفوتوشوب عشان تعرف كويس قيمة الحاجة اللى بين إيديك ؛ يبقى لازم تعرف كويس تاريخها كان ايه من ضمن الحاجات دى ،،، أشهر برنامج جرافيك لحد وقتنا الحالى تعالوا نشوف تاريخ الفوتوشوب http://www.youtube.com/watch?v=TXRMm55S0dc

الهرم المعجزة بين توحيد الفراعنة وجنون العلماء هل الفراعنة كانوا موحدين بالله وكل تاريخهم اللى وصلنا أغلبه غلط !!! ايه سر الهرم الأكبر !!! ايه السر فى غرفة الملك !!! هل فى طاقة فعلاً تتولد من الشكل الهرمى !!! ايه هو علم الـ pyramidology كل ده ممكن تعرفه مع الدكتور العبقرى مصطفى محمود رحمه الله فى حلقة الهرم المعجزة الحلقة كاملة http://vimeo.com/23662312

تعلم كيفية تصميم الجرائد ورشة عمل تنفيذ الصفحة الأولى من جريدة الرياض للمهندس المصمم المبدع طه حسين من أجمل المحاضرات والفيديوهات اللى ممكن من خلالها تستفاد بشكل كبير جداً لو كنت مستخدم لبرنامج Adobe Indesign كمية من المعلومات والمهارات اللى ممكن تخليك تصمم جريدتك أو مجلتك بكل احتراف أنا عن نفسى استفدت منه استفادة كبيررررررررررررررررررررة ملهاش حدود الفيديو طبعاً بيشرح كيفية تنفيذ الصفحة الأولى من جريدة رسمية ،،، لكن من خلال الدرس هتقدر تتعلم حاجات كتير لو عندك مجال إنك تفكر مش تنفذ وبس http://www.youtube.com/watch?v=-74WktEybkM أنصحك لو هتحمل الفيديو تحمله بدقة 720p الفيديو حوالى 44 دقيقة

جرافيك نيوز - الحلقة 2 أخبار جرافيك طــــــــــــــه حسين لا يا جماعة ،،، مش هو الدكتور طه حسين الأديب المعروف معانا شخص عربى ( احتمال كبير يكون مصرى ) ،،، مصمم محترف ،،، مُدرب معتمد من شركة أدوبى وأبل شخص أنا شخصياً أعتبره إضافة كبيرة لعالم التصميم والجرافيك العربى المهندس طه حسين بيشتغل فى الرياض فى أول معهد فى المملكة مختص بأمور الجرافيك والمونتاج والميديا المهندس طه حسين له دورات جميلة جداً ( أدوبى انديزاين - أدوبى اليستريتور - فوتوشوب - آفتر إيفيكت - فينال كت برو - وبرامج تانية كتير ) طبعاً المهندس طه حسين له موقع خاص بيه تقدر تدور عليه وتلاقيه وده جزء من لقاء كان معاه فى قناة الراية http://www.youtube.com/watch?v=Auk2nk60s0E حبيت إنى أتكلم عن المهندس طه كنوع من الشكر لكل حاجة استفدتها منه ولأنى بعتبره أستاذ من أساتذتى فى مجال التصميم والجرافيك إيديال ديزينر - Ideladesigner المتابع لموقع إيديال ديزينر هيشوف الإختلاف الواضح والكبير بين ما كان عليه الموقع زمان واللى وصله دلوقتى بعيداً عن الشكل الجميل والتطوير والتحديث ،،، فمحتوى الموقع شهد نقلة كبيرة كانت بالنسباله دفعة كبيرة اوى وسط المواقع المختصة بالتصميم والجرافيك الفضل الكبير فى كله ده هو فريق عمل الموقع ( Team Work ) ،،، والحاجة الأجمل فيه أن مدير الموقع هو الأستاذ المهندس على عبد العظيم الأستاذ المهندس على عبد العظيم صاحب شركة تصميم وجرافيك خاصة فى ساوباولو ( عاصمة البرازيل ) وهو مصرى طبعاً ممكن بزيارة الموقع تعرف معلومات أكتر عن المهندس على عبد العظيم الجديد والجميل فى إيديال ديزينر ،،، هو أنه بدأ ينافس بجدية عن طريق كورسات متلاقيش زيها فى كتير من المواقع زمان كان الموقع بيعرض دروس مجانية ،،، لكل بعد التطوير افتتحوا موقع جديد تحت اسم فنون موقع فنون فيه حالياً كورسات ( غير مجانية ) ،،، كورسات فى غالية الجمال كورس التصميم التجارى photoshopix ( مجرب تجربة شخصية ) - كورس ملوش حل بيعلمك شغل الدعاية والإعلان بشكل احترافى كورس تصميم اللوجوهات كورس الموجراف والموديناميك وطبعاً الموقع ( سواءً إيديال ديزينر أو فنون ) بيقدم خدمات كتير جداً لكل من له هواية أو يطمح فى عمل فى مجال التصميم والجرافيك والمونتاج دى كانت أمثلة بسيطة لبعض الشخصيات العربية اللى كتير من الناس متعرفش عنها حاجة لنهضة الأمة عاوزين زى الأمثلة دى فى كل مجالات العمل عشان نحس بقيمتنا ونحس إن لينا مكان فى الدنيا الواسعة دى عمرنا ما نقصنا حاجة ولا ناقصين ولا هننقص ،،، الحاجة الوحيدة اللى نقصانا هى الهمة والإخلاص فى العمل حاول تفكر وتسرح بخيالك ،،، الناس دى كانت ايه وبقت ايه وبعون الله هتبقى ايه عاوز تركب القطر ؛ اركب من دلوقتى ،،، مش حابب فخليك من ورا تشوف القافلة وهى بتمشى من بعيد والسلام هو خير الختام

رأيى ملوش دعوة بالموضوع خالص كله معتمد على الحاجة اللى عاوزه توصليلها ،،، الهدف اللى حطاه قدامك ،،، عاوزه تحققى ايه لكل مجال برامجه الخاصة بيه ،،، وكل مجال بيطلع منتجات فى منها المتشابه وفى منها المختلف تمام الإختلاف حضرتك تحددى المجال الأول اللى حابه تشتغلى فيه وبعد كدا هتعرفى أنهى برامج تبدأى تتعلمى الشغل عليها تحياتى ليكى

تحديث هام

أهلا بيكى أختى الكريمة مشكورة على المجهود زى ما حضرتك عارفة وزى المكتوب فوق فبديهى مستواكى رقم 1 عشان البرنامج المُستخدم زى ما حضرتك عارفه برضو أن الموفى ميكر برنامج امكانياته محدودة فى التعامل مع الفيديوهات الفيديو جميل وبسيط وحلو ،،، لو حابه إمكانياتك ومهاراتك تفضل زى ما هى ومش عندك استعداد تستعملى أى برامج تانيه ،،، فحابب أقولك أن الموفى ميكر مش بيعمل حاجات وشغل كبير يعنى فى برامج كتير اكتر احترافية من الموفى ميكر لو حابه تطورى من مهاراتك وكل البرامج دى هتبقى برضو فى المستوى رقم واحد برضو ،،، لأن المستوى رقم 2 له برامجه الخاصة فلو حابه تطورى مهاراتك سواء باستخدام برامج أخرى فى نفس المستوى رقم 1 أو الإنتقال لبرامج المستوى رقم 2 ،،، فليكى كامل الحرية فى كدا حابه تفضلى تستعملى الموفى ميكر ،،، فامكانياته متواضعة للغاية والشغل اللى بيطلع منه محدود للغاية برضو فشوفى حضرتك حابه ايه بالظبط وتعاملى على أساس اختيارك وممكن حضرتك تقرى ردى على أختى الكريمة الرام ،،، ممكن تستفادى منه فى بعض الأمور تحياتى ليكى

بسم الله ما شاء الله لا حول ولا قوة إلا بالله لا الظاهر الواحد كان بيشرب شيح فى مصر مش عصير لمون تسلم إيدك يا أمى ،،، شكلك تعبتى كتير فى تحضير الموضوع دى هدية ( كادو ) بسيطة معبرة عن الموضوع من إبنك يارب تعجبك موضوع متعوب عليه ويستحق التقيييم يارب نشوفلك حاجات جميلة من صنع إيديكى تحياتى ليكى يا أمى

جزانا الله وإياكم حسن العمل وحسن الخاتمة تم التعديل إزالة صورة الفارس ووضع كلمة ( قرآن وسنة بفهم الصحابة ) بشكل جميل فى آخر الصفحة على اليسار فقط وضعها فى المنتصف ككلمة حتى ولو شبه العلامة المائية فسيكون نص فوق نص مما يضر بالشكل الجمالى للورقة ولا يريح العين http://www.mediafire...joumcodua73y1rr

وعليكم السلام ورحمة الله وبركاته أهلا بيك يا د. عبقرينو مع أن طلب حضرتك مش تبع شغل الرابطة ( عشان ده شغل طباعة ومش حاجة خاصة للعرض فى المنتدى ) لكن عملناه بصورة شخصية وودية بعيدة عن الرابطة للسبب ده عملتلك تصميم A4 للمساجد ،،، وتصميم A5 اللى هو نص A4 للتوزيع اليدوى على الناس التصاميم متظبطين CMYK ،،، جاهزين للطباعة علطول محبتش أعمل بهرجة فى التصميم بإعتبار المكان اللى هتتحط فيه والناس اللى هتشوفها والظرف اللى صُممت عشانه أما بقى لو عاوز عرض على النت ،،، فحددلى أبعاد التصميم عشان معملش حاجة من دماغى لو عجبوك ،،، توكل على الله http://www.mediafire.com/?v84f768wkxubfkn تحياتى ليك

يمكن الفيديو ده عرضته قبل كدا تحت مسمى الله يرحمك يا دكتور ( لأنى من عشاق الدكتور مصطفى محمود ) لو بإيدى أزرع الفيديو ده فى كل حتة ومكان فى المنتدى عشان يبقى قصاد عيون الناس صبح وليل مع أن الكلام اتقال من زمان وربنا يرحم دكتورنا العبقرى ،،، لكن تحس أنه متفصل على ظروفنا دلوقتى بالظبط ياريت نسمع كل كلمة وكل حرف عشان نعرف فين مشكلتنا وفين حلها http://www.youtube.com/watch?v=zl5WiLP1lcg

طيب ولما تنشف القشرة بتاعه البرتقالة ،،، ايه اللى هيحصل !! حلو ،،، المرة الجاية نجرب فى البطيخ ربنا يخليلنا ثورة 25 يناير اللى فجرت طاقات الشباب موضوع جميل أختى بسمة الأقصى استمرى