Dr.A7MD

مش بتشارك فى رمضان ليــــــــــــــــــــــــــــــــــــه !! غريب عنوان الموضوع ،،، لا وأقولك كمان الأغرب كمان أنه مش معبر عن اللى هيتقال دلوقتى ويمكن بل أكيد اللى هنقوله دلوقتى أوسع بكتير من المقصود من عنوان الموضوع احنا بس قلنا " مش بتشارك فى رمضان ليــــــــــــــــه " كمدخل للموضوع الأساسى بداية ً أنا هتكلم بصيغة المذكر ،،، بس الكلام مُوجه للأخوة والأخوات عشان دماغى متضربش من كتر توجيه الكلام للطرفين إلا صحيح قولى ،،، إنت ليه مش بتعمل حاجة جامدة للمنتدى فى رمضان ؟؟؟ كلامى بنسبة 80% مُوجه لمجموعة شباب ياللا يا شباب اللى يُعتبروا من حيث العدد أكبر مجموعة أو فئة فى ياللا جروب بتكتب ،،، حتى مجموعة الأعضاء مش بتشارك بكثافة مجموعة شباب ياللا يا شباب المجموعة دى لو اتوظفت كويس اوى بدون مبالغة ،،، قسماً بالله هتعمل حاجة جااااااااااااااااااامدة جداً ،،، بس مشكلتها إنها مش متوظفة كويس نرجع للسؤال الأساسى ،،، إنت ليه مش بتعمل حاجة جامدة للمنتدى فى رمضان ؟؟؟ " أصل مبعرفش أكتب كويس " ... تتعلم تكتب مفيش أى مشكلة ،،، ومين كان فينا يعرف حاجة اسمها كمبيوتر أصلاً " أصل معنديش وقت خالص " ... اللى عاوز يعمل حاجة بيعملها وربنا بيبارك فى وقته ورمضان بيجى السنين دى فى الأجازة " أصل محدش بيتابعنى ولا بيقرى حاجاتى " ... مين قال كدا ؟؟؟ ،،، اعمل الخير وارميه للبحر " أصل فى حاجات مش بعرف أعملها فى المواضيع " ... إسال واتعلم دى مش حجة " أصل أنا مليش فى حركات السلاسل والحملات والمواوويل الكبيرة دى , بحب الحاجات الفردانية كدا " ... اه معاك حق تصدق ،،، أصل الناس اللى بتعمل كدا نازلة من بطون أمهاتها وهى ليها فى المواوويل دى طيب ،،، إنت تقصد ايه من كلامك ده كله ؟؟ مفيش فرصة أحسن من رمضان تجمع كل الناس فى المنتدى ،،، وكنت أول ما خطرت الفكرة دى ببالى ترددت كتير إنى اطرحها بس يوم دخلت لقيت تعليق من أختى ohabo raby شجعنى إنى أكتب الفكرة وأطرحها أحسن حاجة تجمع الكل فى رمضان هى عمل مشترك مفيش حد يقولى لا معرفش ولا مش هقدر وكل الحجج دى لو كل واحد فكر قبل رمضان بـ 15 يوم مش هقولك شهر كامل ،،، 15 يوم بس يشوف حاجة معينة يقدر يقسمها على مدة 30 يوم أو حاجتين كل حاجة تاخد 15 يوم والله هيلاقى كتير اوى يعمله هيقول اه عندى ولقيت بس مش عارف أخرج المضمون اللى عندى فى شكل سلسلة أو حملة ،،، هى دى مشكلتى الوحيدة هنا بقى هتكون لازمة الشغل المشترك ،،، هتلاقى حد يساعدك ويقولك اعمل كذا وكذا وده اه وده لا وكدا برافو وكدا لا أحسن .... إلخ لو قادر تخطط للمضمون بتاعك ومش قادر تعمل دعايا أو اللى فى إيدك مش قادر تخرجه فى شكل جميل ،،، هنا برضو لازمة العمل المشترك وهكذا ،،، إيد على إيد هتعمل حاجات الواحد لوحده ميقدرش يتخيلها ،،، لأن مهما بلغت دماغ البنى آدم هتفضل عنده نقطة نقص فى التفكير بتاعه يكون شايفها حد غيره وبالطريقة دى مهما كانت الحاجة اللى فى إيدك ،،، بالشغل الجماعى ده هيطلع شكلها مختلف مهما كانت درجة الإختلاف عن المصدر اللى جايب منه الحاجة دى أو حتى لو عملتها لوحدك احتمال كبير جداً تعمل الحاجة دى لوحدك وتكون كويسة بس شكلها مش حلو اوى لانها ناقصة حاجة مش فى إمكانك تعملها ،،، العمل المشترك هو اللى هيغطى الحته دى طيب ،،، برضو إنت عاوز ايه برضو ؟؟ عاوزين فريق هيبقى الأول الأخ أبو تسنيم فى برنامجه " فى الشارع " فى البرومو جايب قصة خيالية معروفة باسم " عادى أفندى " احنا بقى عاوزين نكسر نظام " عادى أفندى " ده بنظام تطبيقى مش كلام وبس القاعدة اللى هنشتغل عليها هى مجموعة " شباب ياللا يا شباب " ،،، ومرحب بأى فئة أخرى صلاحيتها فى المنتدى أكبر من شباب ياللا يا شباب بشرط أن اشتراكهم معانا هيكون بصفتهم أعضاء عاديين مش بصفتهم الإدارية فى المنتدى اللى ناوى ،،، بكل اختصار وبشكل مبسط جداً هنكون فريق يشتغل كوحدة واحدة ،،، مثلاً فى واحد فى الفريق ده ناوى يعمل حاجة معينة ،،، مثلاً مثلاً سلسلة لحاجة معينة هو فى دماغه التفكير العام للحاجة دى ،،، محتاج حد يساعده فى تجميع الداتا الخاصة بالحاجة اللى فى دماغه ،،، محتاج حد يرفعله حاجة مش قادر على رفعها عشان سرعة النت عنده ،،، محتاج حد يصممله حاجة ،،، محتاج دعايا معينة فى بعض الأماكن ... إلخ هنا كل واحد فى الفريق هيعرض خدماته على الشخص ده ،،، وهيكون عندنا بعون الله ناس تسد فى كل الحاجات دى هيطلع العمل والحاجة دى معمولة باسم الفريق كله وتبقى واخدة شكل الفريق ونكهته وبصمات أكتر من شخص بدل شخص واحد بس وكل واحد من الفريق اشترك فى الحاجة دى هيذكر اسمه مثلاً ( فلان وفلان وفلانة ) وتحت سطر الأسماء ده هيتكتب اسم الفريق ( فريق كذا ) طيب بالشكل ده هنقدر ننجز حاجة فى وقتها بالظبط ؟؟ عاوزين ناس تقدر تنجز اه بعون الله تقدر تنجز لو حاجة متخططلها من قبلها بفترة ومحطوط جدول زمنى مع عمل حساب أن فى ظروف كذا وكذا وكذا ممكن تحصل ومدام الداتا بتاعتك جاهزة والفكرة العامة موجودة بعون الله مش هتلاقى أى مشكلة لإن الفريق مش هيكون معتمد على واحد يا موجود يا لا ،،، هتلاقى أكتر من شخص يدلك بعون الله وميزة الفريق ده بعون الله ،،، أن مفيش حد هيكون فيه هتبقاله حاجة هو محتكرها لنفسه ،،، بالعكس الفريق لما هيشتغل مع بعضه كل واحد هيقدر يفيد غيره من خلال بعض الاجتماعات الدورية اللى ممكن من خلالها يتم تبادل الخبرات ويتم الترتيب لمشاريع كبيرة فحتة إنك تنجز مش ممكن تحصل إلا لما يكون الناس اللى معاك تقدر تنجز فعلاً ،،، وده يحصل بالتحفيز الجماعى بكل بساطة ،،، ناويين نشتغل على مجموعة " شباب ياللا يا شباب " اللى كسروا حاجز الـ 500 مشاركة واللى ليهم صلاحية استعمال الرسائل الخاصة عشان هتكون دى وسيلة التواصل اللى هيتم من خلالها كل شىء بعون الله الباب مفتوح للمجموعات والفئات اللى فوق مجموعة " شباب ياللا يا شباب " بشرط دخولهم فى الفريق كأعضاء عاديين مش بصفتهم الإدارية فى المنتدى مجموعة الأعضاء العاديين والنشيطين فى المنتدى ،،، فللأسف مفيش طريقة للتواصل والتحضير معاهم إلا إنهم يكملوا الـ 500 مشاركة ويبقوا ضمن مجموعة " شباب ياللا يا شباب " طيب ايه المطلوب عشان الواحد يشترك فى الفريق ده ؟؟ مش مطلوب منك حاجة أبداً إلا إنك تكون جاد فعلاً ونفسك تعمل حاجة غير تقليدية حتى لو فى بعض العوائق قدامك العوائق دى بعون الله احنا اللى هنزيلها من طريقك هتلاقى معاك اللى يفهم كويس جداً فى الكمبيوتر واللى بيعرف يصمم واللى بيعرف يدير ويقترح عليك خطة للمشروع بتاعك ويشاركك فى التفكير وهتلاقى معاك اللى يقترح عليك إنه يدخل كشريك معاك وتكبروا الموضوع سوا كــــــــــــــل ده بعون الله ممكن يكون مُتاح قدامك ،،، يعنى مش هيكون مطلوب منك إلا إنك تكون جاد ويكون ليك ميول لحاجة معينة بتحبها الحاجتين دول بس ده المطلوب منك وصدقنى وأنا عمرى ما بقول كلام كدا وخلاص ،،، لو مجموعة " شباب ياللا يا شباب " لو هى أو ناس منها اجتمعت على حاجة معينة تنفذها سوا ،،، والله هتشوف قدامك حاجة كبيرة فعلاً الحكاية محتاجة النية بس وإنك تجمد قلبك وتقول أنا معاكم ،،، بس كدا طيب بشكل مبدئى ،،، احنا عاوزين ناس تفهم فى ايه بالظبط ؟؟ بص ،، بشكل مبدئى احنا محتاجين ناس ليها ميول فى المحاور دى محور عام - محور إسلامى - كمبيوتر - جرافيك - ميول إدارية وتخطيطية دى الميول اللى محتاجينها بشكل أولى بشكل أوسع ومش شرط فى القريب العاجل ،،، محتاجين كل شخص له ميول فى أى حاجة ويقدر يكتب فى أى قسم فى المنتدى طيب اللى هيوافق على المشاركة يعمل ايه ؟؟ اللى هيوافق يكون استوعب كل اللى اتقال فوق بشكل كويس جداً ويكون دخل مخه واقتنع بيه وبالنتايج اللى ممكن يعملها بعد كدا لو كان عنده اى استفسار أو اقتراح أو حاجة غامضة مش فاهمها يكتبها هنا فى رد وهنرد عليه لو كله تمام تمام معاه وناوى ،،، يكتب فى رده " موافق وفى انتظار مراسلتى عبر الرسائل الخاصة " أو " سأراسلكم عبر الرسائل الخاصة " ،، بس كدا بعد كدا يا هنراسله احنا يا هيراسلنا هو ونظبط معاه كل حاجة ،، بعد كدا كل حاجة هتحصل عبر الرسايل الخاصة طيب فرضاً لو اتكون الفريق وربنا سهل ،،، هل فى حاجة قريبة ممكن نشوف منها شغل من الفريق ؟؟؟ والله لو الأمور مشت على حسب ما نشتهى وعدد الناس كافى ولما نشوف ميولهم ايه وكدا ونشوف هيقدروا يعملوا ايه فممكن بعون الله فى العشر الأواخر من رمضان الفريق هينزل ببرنامج قوى كبث تجريبى ونشوف الفريق هيعمل فيه ايه فى العشر الأواخر فى رمضان بعض الشغل بيخف فى المنتدى وبعون الله الفريق لو اتكون هنجربه فى العشر الأواخر دول عشان كدا لو حد متجاوب معانا فى الموضوع ده ،،، قدامه لحد يوم 10 رمضان عشان يقرر ،،، يدخل معانا ولا لا ولو قرر إن شاء الله ،،، فمن 10 رمضان لـ 20 رمضان هنظبط البرنامج اللى هننزل بيه فى العشر الأواخر زى ما قلنا كبث تجريبى ونشوف هنقدر نحقق ايه ولو لا قدر الله لو مقدرناش ننزل بحاجة فى العشر الأواخر فمفيش مشكلة إن شاء الله ،،، هيكون فى شغل بعد نهاية رمضان بس أنا أتمنى أننا فى العشر الأواخر نقدر ننجز حاجة عشان نشوف قوة الناس اللى ممكن تشترك معانا يقدروا يحققوا ايه فى أقصر وقت طيب لا قدر الله ومحدش اشترك ،،، هيكون ايه الوضع ؟؟؟ يبقى الحال على ما هو عليه والفكرة قائمة لحد ما يجى شخص أو وقت أحسن تتاخد الفكرة دى ويتم تطويرها بحسب الوقت والإمكانيات ساعتها ويتم تنفيذها أسهل حاجة تطرح فكرة ،،، أصعب حاجة إنك تطبق الفكرة بالشكل المطلوب فى الوقت المرغوب بكدا يبقى خلصنا ،،، وكل الكلام اللى اتقال فوق قولناه بشكل مختصر جداً واللى ناوى يشترك معانا بعون الله بإذن الله وحده هيشوف حاجات ويتعلم حاجات جامدة جداً بعون الله وهيشوف أثرها بعدين لأننا والحمد لله عارفين معدن وخامة الأعضاء فى المنتدى وعارفين أنه ممكن يجى منها وتعمل حاجات كبيرة جداً ،،، المهم بس تقدر توظف الإمكانيات دى

رمضان جرافيك رقم 4 تصميم مناجاة ( ملف مفتوح ) محفوظ الحقوق لصاحبه [ alsenaffy ]

بارك الله فيكى أختى وفى مرورك الكريم

المسابقة الرابعة || مسابقة تركيز قدامك صورتين جمب بعض بكل إختصار ،،، كام عدد الفروق بين الصورتين ؟؟؟ || مطلوب عدد الفروق بس مش أكتر من كدا طبعاً مش هتقدر تشوف الفروق والتصميم بالمساحة الصغيرة دى لو حطينا التصميم بأبعاده الأصلية فى الموضوع كان تنسيق الموضوع هيبوظ واحنا مش عاوزين كدا عشان تشوف التصميم بأبعاده الأصلية وتقدر تشوف الفروق بوضوح ،، حمل التصميم من المرفقات Competition 4.rar

لا الأسف برضو مش ده العدد الصحيح ايه يا جماعة محدش عارف يجيب العدد خالص !!! شكل المسابقة دى هتنتهى بدون ما حد يقفلها وهو المطلوب إثباته

الحلقة الرابعة || فوارس دعوية الشيخ أحمد ديدات المسيح نبى محبوب فى الإسلام http://www.youtube.com/watch?v=9p5yVb6CE9g الدكتور عمر عبد الكافى [ سلسلة هذا ديننا ] الحلقة الرابعة || الظلم 2 http://www.youtube.com/watch?v=A32vLM3lroA الشيخ وجدى غنيم [ غزوات النبى والفتوحات الإسلامية ] الحلقة الرابعة || غزوة خيبر رفع شخصى على الميديا فاير

الحلقة الرابعة || اعرف إسلامك لن تقدر على الفهم الكامل للقرآن ومعانيه إلا بدراسة القصص والسيرة النبوية ولن تقدر على قراءة مستقبل الأمة إلا إذا كنت ُملماً بتاريخها الدكتور طارق السويدان [ قصص الأنبياء - سيرة نبوية - تاريخ إسلامى ] الحلقة الرابعة || قصص الأنبياء (4) رفع شخصى على الميديا فاير الحلقة الرابعة || السيرة النبوية (4) رفع شخصى على الميديا فاير

وعليكم السلام ورحمة الله وبركاته الإجابة صح ،، لكن معلش هقول حاجة بسيطة اسم نبيين " يعنى مذكور اسم 2 من الأنبياء " ،، مش الهاء العائدة على سيدنا زكريا فى " فنادته الملائكة " ،، ده اللى كنت أقصده فى نبى مذكور فى الآية ومعروف وصفه " كلمة من الله " أى سيدنا عيسى عليه السلام بس كلا الحلين ينفعوا ،، أنا كنت قاصد سيدنا عيسى وحضرتك قصدتى سيدنا زكريا المهم أن إجابتك صحيحة مبروك عليكى المسابقة دى أختى ريتال

فيديو جامد الصراحة شفته قبل كدا ضمن شوية فيديوهات بتعلم الرسم وبعد كدا الرسم يدخل على الفوتوشوب عشان يتظبط بس الصراحة فيديو بهرنى لدرجة كبيرة موضوع جميل أختى نور بارك الله فيكى

المسابقة الثالثة || مسابقة قرآنية فى الجزء الثالث من القرآن الكريم تُوجد آية تحتوى على اسم نبى تم وصفه بأربع صفات ويوجد فى نفس الأية ذكر لنبى آخر أُذكر اسم السورة ورقم الأية واسم النبيين ملاحظة هامة جداً " الآية المقصودة هى أول آية تصادفك تحتوى على ما ذُكر سابقاً فى الجزء الثالث "

رمضان جرافيك رقم 3 Taymor Tips & Tricks 1- Editing Manuscript By Photoshop التعديل على المخطوطات بواسطة الفوتوشوب للمستوى المبتدىء [ فيديو 3 دقايق بس ] http://www.youtube.com/watch?v=2RQuCoVtamo ولمشاهدة أفضل ينصح بإختيار دقة الفيديو 720 أو تحميله بصيغة mp4 كما فى الصورة التالية

الحلقة الثالثة || اعرف إسلامك لن تقدر على الفهم الكامل للقرآن ومعانيه إلا بدراسة القصص والسيرة النبوية ولن تقدر على قراءة مستقبل الأمة إلا إذا كنت ُملماً بتاريخها الدكتور طارق السويدان [ قصص الأنبياء - سيرة نبوية - تاريخ إسلامى ] الحلقة الثالثة || قصص الأنبياء (3) رفع شخصى على الميديا فاير الحلقة الثالثة || السيرة النبوية (3) رفع شخصى على الميديا فاير

الحلقة الثالثة || فوارس دعوية الشيخ أحمد ديدات صورتان للمسيح ،، قرآنية وإنجيلية http://www.youtube.com/watch?v=5GhlV1XXLxE الدكتور عمر عبد الكافى [ سلسلة هذا ديننا ] الحلقة الثالثة || الظلم 1 http://www.youtube.com/watch?v=tW6jMU4z-i8 الشيخ وجدى غنيم [ غزوات النبى والفتوحات الإسلامية ] الحلقة الثالثة || غزوة الأحزاب رفع شخصى على الميديا فاير

رمضان جرافيك رقم 2 Ramadan 2011 Scrap

لا للأسف العدد مش صحيح المسابقة هدفها التركيز والثقة بالنفس ،،، ولو قلنا فى كذا فرق وهاتوهم وكدا هنبقى سهلنا المسابقة خالص حلاوة المسابقة فى غموضها واللى هيفوز بيها يفوز عن جدارة رقم واحد بعد تركيز شديد " كذا فرق " وخلاص ،، كن واثق / ــــة فى رأيك وعليكم السلام ورحمة الله وبركاته لا للأسف برضو العدد مش صحيح ولو الصورة التانية هى الأصلية ،،، ايه دلالتك على كدا ؟؟؟ أى حد هيختار يقول أنهى صورة أصلية ياريت يقولنا ليه وبعد كام رد هقول أنهى ====================================== أى عضو هيقول العدد الصحيح يبقى هو الفايز بالمسابقة المرادى

المسابقة الثانية || مسابقة تركيز قدامك صورتين جمب بعض بكل إختصار ،،، كام عدد الفروق بين الصورتين ؟؟؟ ،، ده السؤال الأساسى || مطلوب عدد الفروق بس مش أكتر من كدا السؤال التانى وهو سؤال مش اجبارى تجاوبه لكن اللى يجاوبه هيبقى عنده حس عالى أنهى من الصورتين هى الأصلية وبالتأكيد التانية هى اللى هتبقى اتلعب فيها أنهى الأصلية ؟؟؟ زى ما قلنا السؤال التانى مش داخل فى التقييم بس له دلالة فقط طبعاً مش هتقدر تشوف الفروق والتصميم بالمساحة الصغيرة دى لو حطينا التصميم بأبعاده الأصلية فى الموضوع كان تنسيق الموضوع هيبوظ واحنا مش عاوزين كدا عشان تشوف التصميم بأبعاده الأصلية وتقدر تشوف الفروق بوضوح ،، حمل التصميم من المرفقات competition 2.rar