Dr.A7MD

وعليكم السلام ورحمة الله وبركاته نورت الموضوع حبيبى دكتور عبقرينو والله الحتة اللى أشرت ليها يا جميل تاهت منى فى زحمة الأفكار والترتيب والتنسيق ,,, جزاك الله كل خير حبيبى للتذكرة ,,, سيتم إضافة هذه النقطة فى موضوع الدورة نورت الموضوع بجد بمرورك وردك المشجع تحياتى ليك منورة الموضوع أختى نونا ,,, ربنا يبارك فيكى طبعاً حضرتك من المشتركين دلوقتى مدام سجلتى نموذج تسجيل أهلا بيكِ كثانى مشترك فى الدورة وبعون الله هتستفادى الكثير نورتى الموضوع ,,, تحياتى ليكى فنانة ياللا يا شباب

نورتى الموضوع أختى بنت مصرية محدش يقدر ينكر جهد أى حد فى رمضانبس أقول ايه !!! ... إن شاء الله الجايات أفضل محدش قال نقفل المنتدى فى العيد ... أنا كان قصدى مقارنة ليلة العيد بطوال شهر رمضان نورتى مصر ومصر منورة بيكى وجزاكى كل خير أختى الفقيرة إلى الله

:: تحديث يوم 18/9/2010 :: إضافة المزيد من الروابط ,,, تم نقلها من مواقع عديدة للتيسير على الأعضاء

أهلا بيكى أختنا netaction ,,, أهلا بيكى فى منتديات ياللا يا شباب كل عام وأنتى بكل خير وسلام يارب يكون البرنامج متكامل وأفادك تحياتى ليكى

ايوا ,,, اقعدوا كدا سخنوا الحكاية بردودكم دى ووقعونا مع الراجل شكلى هعزل قبل الأوان من المنتدى نورتى الموضوع أختى بنت مصرية

شكراً لمرورك وردك أخى الفاضل نورتى الموضوع أختى نونا ,,, وعقبال ما نصمملك حاجة زى دى نورت المكان يا صاحب الصورة ,,, فينك يا راجل محدش شايفك خالص !! ,,, ربنا يبارك فيك وفى بتول وكل عيلتك يا جميل نورتى الموضوع أختى بنت مصرية ربنا يبارك فيكى ,,, دعواتك فى الصميم دايماً ومقدرش أقولك غير ولكِ مثله منورة مصر ومصر منورة بيكى

منورة الموضوع أختى الرام وشكراً لدعواتك الجميلة وربنا يكمل شفاكى على خير ونشوفك منورة المنتدى من أول وجديد نورتى الموضوع أختى ohabo raby ويارب يكون عجبك منور الموضوع يا مستر حمدى ... ربنا يبارك فيك ويوفقك لما فيه صلاح الدنيا والآخرة منورة الموضوع أختى بنت مصرية ,,,, الحمد لله أنه عجبك ,,, أحلى حاجة المؤثرات السمعية لما تحولها أنت بخيالك لمسرح بصرى متكامل بارك الله فيكى وأسعدنى مرورك وتعليقك تسلمى أختى لميس المهدى ,,, ربنا يبارك فيكى أختى الكريمة ,,, الحمد لله أن الفيلم عجبك منورة الموضوع للمرة التانية أختى بنت مصرية بس متهيألى أنه مش أول فيلم لخالد المهدى ,,, آخر أيام الأرض كان أول فيلم من النوعية دى ومكنش له نصيب فى استمراره فى المنتدى تماشياً مع قوانين المنتدى ومتشكر جداً جداً لدعواتك الجميلة ,,, ربنا يتقبل منك ويرزقك بكل ما تتمنين فى حياتك وآخرتك نورتى مصر ومصر منورة بيكى

ممتاز الموضوع والله والنقاط الـ 8 دول كلها مفيدة بس الحمد لله ربنا كارم الواحد بأنه مش بيحلق كل يوم ممكن كل أسبوع مرة واحدة وبتكون بماكينة حلاقة لتخفيف الدقن وأشيل الشنب خالص لو كل يوم حلاقة كان زمان وش الواحد بقى فردة كاوتش موضوع مفيد للرجالة اللى غاوية حلاقة كل يوم بارك الله فيكى أختى الفقيرة إلى الله موضوعاتك جميلة ومفيدة تحياتى ليكى

أهلا بيكى أختى ohabo raby مرة تانية خلاص نزليها من أى موقع وإن شاء الله تشتغل معاكى بالنسبة لنسخ الفوتوشوب اللى مش بتشتغل فحضرتك ادينى أمثلة على النسخ اللى حاولتى تشغليها ومرضتش تشتغل والمشكلة اللى بتظهرلك لما تيجى تشغلى أى نسخة فوتوشوب دى بتظهر فى شكل رسالة ولا البرنامج مش بيشتغل وخلاص !!! ولا بيكون فى مشاكل فى التسطيب !!! طيب حضرتك امكانيات جهازك ايه بالظبط !!! واشمعنى فوتوشوب 10 هو اللى اشتغل معاكى !!! ,,, وهل نزلتى النسخة 10 من المنتدى هنا ولا منين ؟؟؟ وايه هى برامج التصميم التانيه اللى بتنزليها وبتشتغل بدون مشاكل خالص !!! أقولك على حاجة تريحك فى عرض جميع مشاكلك الموضوع ده http://forums.yallagroup.net/36014 فى آخر رد ليا فيه ,,, يوجد شرح مبسط لكيفية عمل برنت سكرين [ لقطة للشاشة على شكل صورة ] شرح فلاشى يتم تشغيله من الموضوع مباشرة أو ممكن تحمليه من المرفقات عشان تشوفيه بوضوح أكبر بعد لما تشوفى الدرس ,,, بعون الله هتقدرى تعرضى أى مشكلة عندك فى الجهاز على شكل صورة وترفعيها وتشاركينا بيها عشان نقدر نعرف أصل المشكلة ايه بالظبط ================================ على فكرة لو ليكى نية أختى الكريمة فى تعلم بعض المهارات الأساسية فى مجال الكمبيوتر والإنترنت فصدقينى والله ,,, دورة الإبداع العربى هتنفعك جدا جدا جدا جداً مستمر فى دعم حضرتك فى أى مشكلة بعون الله فى انتظار ردك ,,, تحياتى ليكى

نورتى الموضوع أمى الفاضلة فى موضوع خاص بتسجيل الإشتراك فى الدورة يمكن الدخول إليه من هنا مع العلم يا أمى أن الدورة هيكون كل شغلها على نسخ الويندوز الإنجليزية ======================================= منور الموضوع أخى دكتور ميدو ,,, وشكراً لتصويتك فى الإستفتاء مين قال أن الدورة سهلة ,,, بالعكس هى صعبة جداً بس مش مستحيلة برضه وعارف اللى ممكن يكون متبادر لذهنك فى حكاية الترتيب والتنسيق وأبسطها إزاى هتنزل الدروس والمواضيع وأنت قايل أن الدورة هتكون فى أكتر من قسم !!! وكمان ممكن تقول أن نظام الدورة عشوائى ومش متخصص فى حاجة بعينها والأفضل أنه يكون فى تخصص فى جزء معين الدورة بشكلها المعلن عنها كدا يا دكتور ميدو باين للجميع أنها مش مرتبة بالشكل الكافى أو هيكون صعب التعامل معاها بس حابب أقول حاجة ,,, الدورة مش ليها وقت محدد لنهايتها عشان تبقى فيها مرونة بقدر الإمكان فضلنا طول مدة الدورة عشان ظروف كتيرة خاصة بينا أو بالأعضاء صعب جداً أنى أوضح كل صغيرة وكبيرة فى الدورة فى الموضوع الرئيسى ولا مطلوب منى أنى أقول كل حاجة فى ذهنى بالنسبة للدورة دى بس هقولك حاجة بسيطة ,,, التحضير والتفكير للدورة دى ليه أكتر من شهر وجرى تحوير وتغيير وتبديل لنظام الدورة أكتر من مرة لدرجة أنها كانت ممكن متبقاش دورة وكانت تبقى حاجة تانية وعندنا تحضير ذهنى بإذن الله وقوته أن الدورة دى فى الغالب بنسبة 95 % هيقوم بيها شخص واحد فقط وكيفنا نفسنا على الإحتمال ده وده الإحتمال الأكبر والوارد فى التفكير وكل حاجة الحمد لله متحضر ليها من أصغر اكسسوار فى الموضوع لغااااااااااااااااااااااااااااااااااااااااااااااية مسمى الملفات اللى هتبقى فى الدروس وهتترفع على أنهى سيرفر وهيتم متابعتها إزاى فإن شاء الله مفيش قلق خالص وأنا عملت الموضوع قبل الدورة بفترة طويلة [ أكتر من 25 يوم ] وفتحت باب تعديلاتكم واستفساراتكم وكله كله كله كله عشان نحاول نتشارك فى كل حاجة وعندى استعداد أرد على أى استفسار أو اقتراح أو أى حاجة ,,,,, كل اللى على الناس بس تقول رأيها وتسأل وتقترح وتقول ده اه وده لا ويبقى فى نقاش طول الـ 25 يوم دول وكله بعون الله هيصب فى بوتقة واحدة لغاية لما الأفكار تبقى واضحة للجميع فلو عند حضرتك استفسار معين أو اقتراح أو اى حاجة ياريت تشاركنا بيها على هيئة نقاط وتقول أنا رأيى فى الحتة الفلانية دى كذا نورت الموضوع دكتور ميدو ======================================= نورتى الموضوع أختى الفقيرة إلى الله شكراً لكلامك ودعائك الجميل تحياتى ليكى ======================================= نورتى الموضوع أختى ohabo raby لا صعبة شوية ولا حاجة فى عالم الدورات البرامج دى التعامل معاها اتفه مما تتصورى فما بالك بمؤسس للدورة ,,, فأكيد هتكون له خبرة فى المجال ده والمؤسس حاله يختلف خالص خالص عن المشترك فى الدورة مؤسسى الدورة يعنى القائمين عليها ,,, [ كتابة الموضوعات - الدروس - ... إلخ ] ,,, على عكس المشتركين [ الناس اللى هتتعلم يعنى ] ياريت ردى يكون مفهوم تحياتى ليكى ======================================= طلب بسيط يا جماعة - ياريت موضوع الدورة يتقرى كويس جداً ,,, لأنه فيه كلام بين السطور فيه إجابة لكل صغيرة وكبيرة - فى موضوع خاص بالتسجيل فى الدورة والبانر بتاعه فى نهاية الموضوع الأصلى تحياتى ليكم جميعاً

هذا الموضوع مخصص لإستقبال طلبات التسجيل فى دورة الإبداع العربى للراغبين فى التسجيل عليهم ملء النموذج التالى وإرسال النموذج كرد فى هذا الموضوع :- " قم بنسخ هذا النموذج مع ملء الفراغات المطلوبة أو اختار من متعدد أو قم بإضافة ما يحلو لك فى الجزيئات التى تحتوى على [ إلخ ] " الإسم :- .......... العمر :- .......... البلد :- .......... إمكانيات جهازك :- [ نوع البروسيسور - الرامات - نوع المازربورد ] إهتماماتك فى الكمبيوتر :- [ برامج كمبيوتر - برامج تصميم وجرافيك - انترنت ] نوع الويندوز المستخدم :- [ XP - Vista - windows 7 ] الغرض من الإشتراك فى الدورة :- [ التعلم والمعرفة - الإلتحاق بالإشراف فى أحد المنتديات العربية - ... إلخ ] متوسط عدد الساعات اليومية التى تقضيها أمام الكمبيوتر والإنترنت :- .......... نوع الإشتراك فى الدورة [ متابع - مشارك - مطالب بشرح ما أريد ] هل تنوى المشاركة والخوض فى اختبار مشروع التخرج :- [ نعم أو لا ] =============================================== لا نقبل أى ردود على الموضوع خارجة عن نموذج التسجيل إيضاحات بالنسبة للمشاركين - تم تأجيل الدورة لأجل غير مسمى لأسباب خاصة ولا يوجد موعد محدد للبدء فيها - الأعضاء المشاركين بفعالية فى الدورة يحق لهم طلب شرح ما لأى أشياء تصعب عليهم [ هذا تفسير للنقطة قبل الأخيرة فى نموذج التسجيل ] - تقييم المشاركات وتطبيقات الدروس يتم من خلال طلب تطبيقات فى مالا يزيد عن أربعة مطالب ,,, كل مطلب تقييمه يكون من 10 نقاط - يتم إضافة 10 نقاط بحد أقصى لمن يأتى بتطبيق من إبداعه خارج ما تم طلبه فى التطبيق - يوضع تقييم فى نهاية كل درس على شكل نجوم متحركة فى رد يجمع أسماء جميع من طبق الدرس - كل نجمة متحركة تساوى 10 نقاط ,,, والحائز مثلاً على تقييم 25 توضع له نجمتان فقط ولكن يتم كتابة الرقم 25 كتابةً - تطبيق الدرس له مدة محددة كافية حتى يتم تقييمك - يتم جمع جميع التقييمات بالنسبة لكل التطبيقات للعضو المشارك وفرزهم حتى نخرج بجائزة أفضل مشارك فى الدورة - أفضل متابع فى الدورة ليس شرطاً أن يكون أفضل مشارك - تقييم المشاركات والتطبيقات يقوم به كاتب نفس الموضوع أو الدرس المراد تطبيقه وعليه أن يذكر سبب الفرق بين هذه التطبيقات إيضاحات بالنسبة للمؤسسين - بالنسبة لمن يرغب فى الإشتراك كمؤسس للدورة ,,, فكما قلنا فى موضوع الدورة الرئيسى أنه يرجى مراسلتنا عن طريق الرسائل الخاصة - يتم التواصل والتنسيق بين مؤسسى الدورة عن طريق الرسائل الخاصة ولمعرفة شروط الإلتحاق كمؤسس للدورة ,,, قم بزيارة الموضوع الرئيسى من هنا