Dr.A7MD

بعد الحمد لله والثناء عليه ,,, والصلاة والسلام على أشرف الخلق سيدنا وحبيبنا وشفيعنا النبى الأمى محمد عليه أفضل الصلاة والسلام بعد مرور عام منذ إلتحاقنا بمنتديات ياللا يا شباب قمنا فيه بإنشاء مجموعة منتجات EPS 2010 والعديد من الإسطوانات التجميعية والبرامج الكاملة فى صمت كامل وعمل متواصل رزقنا الله أن نضع فى هذا العام وبهذه المنتجات وغيرها من الموضوعات قاعدة أساسية صلبة لكى يقوم عليها مشروعنا التالى فى عامنا الثانى فى هذا العام الثانى لإلتحاقنا بمنتديات ياللا يا شباب نبدأ بحول الله وقوته بداية مشروع كبير متكامل لتطوير الشباب العربى لكى يصبح قادراً على الدخول وبقوة فى معترك عالم الويب غايتنا من هذا المشروع الدخول فى المنافسة مع كافة المواقع والمنتديات العربية منها والأجنبية بخلق جيل من الأعضاء قادر على النهوض تكنولوجياً وتقنياً بمنتديات ياللا يا شباب لا نسعى فى بداية هذا المشروع فى احتلال مركز متقدم وسط كل هذه المواقع ,,, ولكن نسعى لوضع أنفسنا على بعد خطوات من هذه المواقع وتقليل فارق الكيلومترات القائم فعلاً حاليا إن لم يكن بالأميال مشروع كهذا لن يقف عند مستوى معين ,,, وإنما المخطط الحالى لهذا المشروع أن تمتد مستوياته على السنوات الأربع القادمة بعون الله نبدأ هذا المشروع بهذه الدورة " دورة الإبداع العربى " ... بداية نأمل منها أن تحقق أهدافها فى العام الأول لإنطلاقها - خلق جيل من أعضاء ياللا يا شباب قادر على النهوض تكنولوجيا وتقنياً بالمنتدى أولاً وبالموقع ثانياً - السعى إلى إنشاء قسم خاص بالدورات التدريبة فى قسم الكمبيوتر والإنترنت - السعى إلى تزويد فريق عمل ياللا يا شباب بأعضاء أكفاء يمتلكون الخبرة للتعامل مع المنتدى من خلال منحهم كورسات تدريبية داخل منتداهم - خلق أعضاء قادرين على قيادة أى موقع أو منتدى عربى - نسعى فى هذه الدورة لمنحك أولى خطواتك فى عالم الكمبيوتر والإنترنت ووضعك على أول درجات الإبداع فى هذا المجال - تم تأجيل الدورة لأجل غير مسمى لأسباب خاصة - الدورة سوف تشمل أقسام الكمبيوتر والبرامج وأقسام التصميم والجرافيك - الدورة عبارة عن دروس لإجادة أكثر من 40 برنامج وموضوعات تختص بالتعامل مع عالم الإنترنت وإجادته بقدر الإمكان - جميع موضوعات الدورة عبارة عن شرح بشتى الطرق الممكنة [ فيديوهات - صور - ملفات فلاشية - ملفات PDF - اسطوانات تدريبية ] - يُسمح بالتسجيل والإشتراك فى هذه الدورة - موضوعات الدورة ليست لها مواعيد محددة - يُسمح بالتسجيل والإشتراك فى هذه الدورة - تم تأجيل الدورة لأجل غير مسمى لأسباب خاصة [ اضغط هنا للإشتراك فى دورة الإبداع العربى ] - المسموح لهم بالتسجيل فى هذه الدورة [ الأعضاء العاديين - شباب ياللا يا شباب - فريق عمل ياللا يا شباب ] فقط - العدد الأدنى للمشتركين فى الدورة 10 أعضاء ,,, وإن لم يتم الوصول لهذا العدد سوف يتم إلغاء الشق التفاعلى فى هذه الدورة [ نظام تطبيق المشتركين للدروس - تقييم الأعمال - جوائز الدورة ] وسوف تكون أحادية الجانب فقط - حال قبولك للتسجيل فيتعين عليك متابعة الدروس والموضوعات بصفة مستمرة والتطبيق العملى لهذه الدروس - يخضع مشتركى الدورة للتقييم بنظام النقاط من خلال مشاركاتهم فى الموضوعات وتطبيق الدروس - بعد إنتهاء الدورة سوف يتم عمل إختبار [ عبارة عن مشروع تخرج متكامل ] يتم التنسيق له فى وقته المحدد - المشترك الغير متابع لموضوعات الدورة وتطبيق دروسها بصفه مستمرة يُحرم من دخوله مشروع التخرج - يُفضل أن يقوم بهذا المشروع أكثر من شخص له القدرة والخبرة فى مثل هذه الأمور - يُشترط لمؤسسى هذه الدورة إجادة برامج بعينها وهى :- . إجادة برنامج Techsmith Snagit إجادة كاملة أو أى برنامج مشابه له . إجادة برنامج Techsmith camtasia إجادة كاملة أو أى برنامج مشابه له . إجادة برنامج Adobe Photoshop إجادة بسيطة بمعرفة أساسيات البرنامج . إجادة مجموعة office وخاصة word إجادة كاملة . إجادة أى برنامج يقوم بإنشاء ملفات PDF باللغة العربية أو إجادة office word 2010 الذى يقوم بإخراج هذه الملفات بشكل تلقائى . إجادة رفع الملفات على مواقع الرفع على أكثر من سيرفر . الإجادة المطلقة بالتعامل مع منتديات ياللا يا شباب فى كل صغيرة وكبيرة حتى يتمكن من الرد على استفسار أى عضو - يُسمح للتقدم لهذا العمل من [ شباب ياللا يا شباب - فريق عمل ياللا يا شباب - الفريق الإدارى ] عن طريق الرسائل الخاصة فى المنتدى - عند اكتمال إجادتك للبرامج السابقة فيتوجب عليك عمل أمثلة من كل برنامج [ بالإضافة إلى ملف PSD فى حالة الفوتوشوب ] ورفع الملفات وإرسال أعمالك ومراسلتى بها عن طريق الرسائل الخاصة - موافقتك على الإلتزام بطريقة عرض مواضيع الدورة [ خطوط - مقاسات الصور ] ولك الحرية فى اختيار اكسسوارات المواضيع [ بسملات - فواصل - .. إلخ ] أو استعمال الإكسسوارات الخاصة بالدورة وهذا سوف يتضح من أول موضوع فى الدورة - يتم التواصل والتنسيق بين مؤسسى الدورة فى كل كبيرة وصغيرة متعلقة بالدورة عن طريق الرسائل الخاصة - لا يوجد وقت محدد لغلق باب إنضمام المؤسسين للدورة والتقدم لها كما ذكرت سابقاً من خلال مراسلتى عبر الرسائل الخاصة - جوائز الدورة للمشتركين والمؤسسين على حد سواء - جوائز المشتركين كالآتى . المركز الأول :- وسام الإبداع العربى الذهبى + شهادة تقدير + تزكية [ تزكية فقط ولا نضمن الموافقة ] شخصية للإلتحاق بفريق عمل ياللا يا شباب [ الفائز الأول فى مشروع التخرج ] . المركز الثانى :- وسام الإبداع العربى الفضى + شهادة تقدير + تزكية [ تزكية فقط ولا نضمن الموافقة ] شخصية للإلتحاق بفريق عمل ياللا يا شباب [ الفائز الثانى فى مشروع التخرج ] . المركز الثالث :- وسام الإبداع العربى البرونزى + شهادة تقدير + تزكية [ تزكية فقط ولا نضمن الموافقة ] شخصية للإلتحاق بفريق عمل ياللا يا شباب [ الفائز الثالث فى مشروع التخرج ] . جائزة أفضل مشارك [ من خلال عدد النقاط ] . جائزة أفضل متابع - جوائز المؤسسين . جائزة أفضل مؤسس للدورة :- وسام المعلم التكنولوجى + شهادة تقدير . جائزة أفضل موضوع فى الدورة :- شهادة تقدير - يتم تحديث الجوائز بحسب الجهد المبذول وتبعاً لظروف الدورة وعدد المشتركين والمؤسسين - جميع ما سبق قابل للإستفسار والمناقشة والتعديل وإبداء أوجه الموافقة والرفض من خلال الردود فى هذا الموضوع وسوف يتم الرد على جميع الإستفسارات والإقتراحات

أختى الكريمة ohabo raby قمت بإنزال الجزء الأخير من الإسطوانة وقمت بفتحه والتأكد من عدم الحاجة لباسوورد لفك ضغط الإسطوانة الرجاء مشاركتنا بصورة للمشكلة التى تظهر لكى [ بأخد برنت سكرين ] لكى نتمكن من معرفة المشكلة وحلها تحياتى ليكى

أختى الكريمة ohabo raby أنا دخلت الموقع اللى نقلت منه الروابط وبحثت عن أى حاجة متعلقة بوجود باسوورد للإسطوانة وملقتش أى باسوورد خالص وأنا على ما أتذكر حملت الإسطوانة دى زمان ومكنتش طالبة باسوورد لفك الضغط [ بس حملتها من موقع تانى ] ,,, بس نفس عدد الروابط وتقسيمها لو كانت فى باسوورد مطلوبة ,,, ممكن تلاقيها مكتوبة كمعلومات لما تضغطى دبل كليك على أى جزء وتفتحيه ولو حضرتك مش متأكدة من كلامى هقولك على حاجة سهلة ادخلى جوجل وابحثى عن " اسطوانة تعليم الفوتوشوب فى 24 ساعة " .... هتلاقيها فى مواقع كتير جداً ,,, مش هتلاقى أى باسوورد مكتوبة فى أى موقع [ على حسب اللى شفته ] ومعلش لو فيها تعب ,,, ممكن تعملى برنت سكرين للى بيظهرلك أثناء لما تفكى أجزاء الإسطوانة ,,, والرجاء التأكد من أن جميع أجزاء الإسطوانة تحمل نفس المسمى والإختلاف فقط فى رقم الجزء ================================= بالنسبة لأفضل برامج التصميم اللى بشتغل بيها فأنا بشتغل بفوتوشوب آخر إصدار CS5 نسخة إنجلش داعمة للعربية وبشتغل بباقى منتجات شركة Adobe [ فلاش - آفتر إيفيكت - بريميم - إنديزاين - ساوند بوث - إليستريتور - كابتيفيت ] وكل برنامج وله طبعاً الحاجة المتخصص فيها صحيح البرامج دى عاوزة وقت لإتقانها ومساحتها كبيرة ,,, بس لما الواحد يتعود عليها هيستغنى بيها عن برامج كتير ملهاش أول من آخر وتقدر تعمل بيها أى حاجة أنت عاوزها وبشكل احترافى كبير ================================= تحت أمرك حضرتك فى أى استفسار ,,, وياريت لو حد حمل الإسطوانة يتابع معانا مشكلة الباسوورد دى تحياتى للجميع

نورتى الموضوع أختى زهرة جهينة الحمد لله أن الإسطوانة عجبتك كويس أنك بتدرسى فوتوشوب ,,, هيفتحلك سكك كتير فى عالم الإنترنت كان ليا استفسار حضرتك حضرتك شغالة على أنهى نسخة فوتوشوب ؟؟؟ الأستاذ مصطفى بيشرح على نسخة CS4 ,,, لو حضرتك منزلة أى إصدار من نسخ الـ CS مش هيفرق معاكى الشرح اوى لكن لو شغالة بفوتوشوب قديم شوية هتلاحظى شوية اختلافات ولو حضرتك شغالة على نسخة CS5 تبقى ريحتى الدنيا خالص ,,, لأنها نسخة آخر إصدار وحلوة جداً وشركة Adobe أبدعت إبداع غير مسبوق فى النسخة دى ============================ حاجة نسيت أوضحها الفيديوهات اللى فى الإسطوانة حاولت أكبرها بعرض الشاشة أثناء المشاهدة مقدرتش فاللى حابب يشوف الفيديو ملء الشاشة عليه يعمل اللى هيتقال دلوقتى ادخل جوه الإسطوانة من جوا هتلاقى الملفات دى ادخل على Autoplay واظهر الملفات المخفية [ مش فاكر الصراحة كان مجلد الفيديوهات مخفى ولا لا ] المهم يطلع عندك المنظر بالشكل ده ادخل على مجلد Videos هتلاقى كل الفيديوهات من جوا طبعاً الفيديوهات مش مرتبة زى لما تشغلها من الإسطوانة ,,, لازم تكون عارف عنوان كل فيديو المقصود بيه أنهى درس اضغط على الفيديو اللى عاوز تشوفه هيفتحهولك بمشغل الميديا اللى أنت شغال بيه على جهازك ممكن تلاقى بعض الفيديوهات الصوت فيها منخفض إلى حد ما من الآخر ,,, استعمل Headphone أحسن وحاول تعلى الصوت فى الفيديوهات دى على قد ما تقدر دول حاجتين نسيت أوضحهم فى الأول ولو فى أى استفسار ,,, تحت أمركم فى أى وقت تحياتى ليكم

تعلم الفوتوشوب فى 24 ساعة Learn Photoshop in 24 hours علامة مضيئة فى تعلم برنامج الفوتوشوب باللغة العربية يقدمها لكم أخوكم أ/مصطفى مكرم تفوق بها على كثير من الإسطوانات التعليمية للفوتوشوب باللغة العربية [ رأيى الشخصى المتواضع ] كل التحية والتقدير للأخ الحبيب أ/مصطفى مكرم صور الإسطوانة جميع الحقوق محفوظة بالكامل للأستاذ مصطفى مكرم وموقع idealdesigner.net حجم الإسطوانة 637 ميجا روابط التحميل - 6 روابط تحميل تم نقلها من موقع idealdesigner.net - روابط Multiupload مقدمة من العبد لله روابط تحميل مباشر منقولة من موقع بوابة داماس روابط منقولة من موقع بوابة داماس [ 3 روابط فقط ] روابط منقولة من موقع مدرسة المشاغبين - روابط cramit - روابط mlfat4arab - روابط filesonic روابط منقولة من منتدى الحصريات رابط واحد فقط 1- Multiupload 2- Megaupload رابطين فقط - روابط Rapidshare 4 روابط - روابط Mediafire تنبيه هااااااااااااااااااام جداً ... قم بالتحميل من سيرفر واحد فقط ملاحظات هامة - حجم الإسطوانة المذكور أعلاه بعد تجميع وفك جميع أجزاء الإسطوانة - فى حالة إنتهاء صلاحية بعض روابط التحميل قم بالتحميل من روابط موقع Megaupload - فى حالة إنتهاء صلاحية جميع الروابط يرجى الإبلاغ الفورى لتعديلها

تعيشوا وتفتكروا

سلسلة نقطة ومن أول السطر الحلقة الثالثة - جزرة وقضمها جحش سرب من أسراب النمل كان ماشى على فرع مصرف جمب الأرض الزراعية بتاعه الحاج أحمد ,,, ماشى راجع من مهمة التخزين الشتوى بتاعه كل سنة ساكى وساهى تعبهم المشى لمسافة عشرات الكيلومترات خصوصاً أن المرادى واخدين عيالهم معاهم ساكى :- " هو الموال ده مش هيخلص ,,, لازم كل سنة العلقة دى !!! " ساهى :- " معلش أهى هانت الحكاية ,,, كلها كيلو ونوصل " ساكى :- " بس احنا جوعنا وعطشنا والعيال شكلها هتقع مننا " ساهى :- " يا فرج الله ,,, ربك مش بينسى حد أبداً ,,, بصى بصى ,,, فى جزرة قدامنا أهى وكل السرب طاير عليها ,,, شدى حيلك يا ولية " ويطير سرب النمل على الجزرة اللى تُعتبر وليمة كبيرة جداً جداً ومفيش دقايق ويحصل زلزال كبير يهز المكان كله قائد السرب وحكيم النمل :- " بسرعة بسرعة ,,, الكل ياخد ساتر ,,, ديناصور البلد هيدوسنا فى رجليه " يطير كل واحد من سرب النمل فى ناحية عشان يفسح الطريق لديناصور البلد ويقف ديناصور البلد قدام الجزرة ويبص شمال ويمين وياخد الجزرة فى بؤه وكل واحد فى سرب النمل باصص على الجزرة ومش مصدق اللى حصل معقول ده !!! ,,, دى كانت لينا خلاص ومفيش ثوانى وتسمع قائد الديناصور بيقول " اه يا جحش يا ابن الجحش ,,, واقف على حتة جزرة !!! ,,, امشى يا ابن الجحش " ديناصور البلد " جحش الحاج أحمد - يبلغ من العمر 7 سنين بس - أبوه الحمار لما شافه شد حيله خلى الحاج أحمد ياخده معاه ويريحه من تعب الروح والجى " وعلى بعد خطوات من ترك الجحش لمكانه وقف حكيم النمل وقال " يا سبحان الله ,,, جزرة وقضمها جحش " جزرة وقضمها جحش ,,, مثل ومقولة مصرية طالعه من ريف مصر بتوصف كتير من الأمور اللى بتحصل فى حياتنا بشكل يومى دايماً بنسمعها من الناس الكبيرة ,,, أبهاتنا - أمهاتنا - جدودنا ,,, وكتير بنسمع حاجات منهم مضحكة بمجرد سماعها بس بتوصف الحال بدقة شديدة أمور كتير فى حياتنا لما نبص ليها نستغرب ودايما نقول " ايه جاب ده لده وإزاى ده يركب على ده !!! " ومن قمة ذهولنا واستغرابنا ودهشتنا نقول الأمثلة والمقولات المعتادة فى المواقف اللى زى دى " سمعت النهارده ,,, بيقولوا أن الواد الفلانى ابن فلان هيتجوز البت فلانة بت فلان " " لا يا راجل بتقول ايه ,,,, بقى الواد ده هيتجوز البت دى ,,, متجيش أصلاً ولا ينفع ,,, اه والله صحيح [ جزرة وقضمها جحش ] " " اسكت ده الواد سمير جاتله حته شغلانه إنما ايه ,,, محدش كان مصدق أنه هيوصلها ولا هو كان يحلم بيها أساساً " " اه والله معاك حق ,,, بس نعمل ايه .... إلخ " مين قال أن جوازة فلان من فلانة جايه بشكل اعتباطى وغير متكافىء ,,, ومين قالك أن فلان لازم ياخد الوظيفة اللى تناسب وضعه وحجمه اللى أنت بتفكر فيه !!! ميكونش ليه ربك رايد أن فلان يتجوز فلانة عشان يتعدل حاله المايل على ايديها !!! ,,, أو فلانة لما تتجوز فلان ربنا يجعله سبب فى هدايتها !!! أو فلان لما ياخد وظيفة وشغلانة ضخمة فى نظرك يكون ده حكمة من ربك لحاجة محتاجها الشخص ده أو أى حد من عيلته !!! فى الحقيقة كل اللى بيحصل ده يندرج تحت مسمى كلمة رزق ولو نفهم معنى الرزق كويس هتتسع مداركنا بشكل غير عادى رزق فلان أنه يتجوز فلانه عشان رزقها أنها تخلف منه واد رزقه أنه يحفظ القرآن على ايد شيخ رزقه أنه ياخد ثواب الواد ويدخل بيه الجنة ويروح ويجى الرزق ده على الأربعة دول عشان يبقى دليل حكمة ربك من جواز فلان بفلانه رزق فلان أنه يلتحق بوظيفة فى شركة ما عشان رزق صاحب الشركة أنه يكسب من وراه بشكل أو بآخر وعشان يعود الرزق ده على كل واحد شغال بالشركة دى يعنى هى الحكاية مش مرتبطة بشكل شخصى وبس أهى ,,, دى الحكاية ليها أبعاد وأبعاد وأبعاد واحد بسم الله ما شاء الله متدين وله وظيفة متحرمة وعيلته كبيرة ولها أصل ووووو ... إلخ كان نفسه يتجوز واحدة من حسب ونسب وأصل ودين وخلق وجمال ,,, وحاول بكل ما يملك أنه يتمم الجوازة دى لكن سبحان الله ,,, تقف الجوازة على حاجة أهيف من الهيافة ويبقى نصيب الشخص ده فى واحدة تانية خالص أقل من الأولانية فى حاجات كتير ويبقى نصيب البنت دى فى واحد أقل من اللى اتقدملها فى الأول بمراحــــــــــــــــــــــــــــــــــــــــــل بس اصبر وانظر فيما بعد لحياة كل من الطرفين ,,, هتلاقى نفسك بتقول كلام غير الكلام اللى كنت بتقوله فى الأول خالص رؤيتى الشخصية لهذا الموضوع ,,, أن حكمة ربك لا تدركها لا الأبصار ولا العقول إلا بعد فترة كبيرة وقليل من البشر من يهبهم الله برؤية حكمته ويخصهم بهذه الهبة الحكاية بسيطة خالص ,,, عقول بتركب على عقول ,,, سبحان من يركب عقل على عقل وروح على روح ونفس على نفس زى نظام الإنزيمات فى الخلية وزى نظام القفل والمفتاح ,,, ادى المفتاح فى إيدك اليمين والقفل فى إيدك الشمال منين ما يدخل المفتاح فى القفل ويتلاقى الإنزيم الخلوى مع شقه النشط ,,, تكتمل الحلقة وتقدر تشوف ايه اللى ورا الباب المغلق وبلاش نقول " جزرة وقضمها جحش " ونقول " قدر الله وما شاء فعل " " إنا كل شىءٍ خلقناه بقدر " نقطة ومن أول السطر . :: رسالة عقلانية :: - " شبكة الثقة " ... أجمل وأصعب ما فى الدنيا أنك تثق بنفسك وقدراتك ,,, ويوم ما ربنا يكرمك بثقتك فى نفسك وقدراتك وتفكر تثق بمن حوالك فخلى بالك من عدة حاجات :- 1- ثقتك فى والدك ووالدتك ثقة فطرية مش بس صعب أنك تفقدها بل مستحيل حتى تفكر التفكير ده 2- يوم ما تحب توسع دايرة الثقة دى " قرايب - أصدقاء - زمايل " ... فكر فى مقدار الثقة المُعطاة من جانبك قبل التفكير فى الأشخاص 3- اعلم تمام العلم ,,, كل ما كانت شبكة ثقتك قصيرة فمردودها عليك هيكون أسرع ,,, شبكة ثقتك زى شبكة أسلاك الكهربا 4- يوم ما تفكر أنك تعطى الثقة لفلان وتسحبها منه وتكون أنت الغلطان وتحب تسترجع الثقة دى فده شبه مستحيل 5- احترم جميع العقول بس مش شرط أنك تثق فيها ,,, زى ما قلنا فوق ربك بيركب عقول على عقول ,,, كل يوم فى عقول فى الطالع وعقول بتنضج وعقول بتتفتح وعقول بتكبر وعقول برضه فى النازل كل يوم بعد عنك 6- تملى هنقول ,,, ثقتك بنفسك وبعدها ثقة ومن أول السطر . :: المنتدى اليوم :: - عيد مبارك سعيد على جميع أعضاء المنتدى وزواره وجميع المسلمين فى مشارق الأرض ومغاربها - دلوقتى ممكن تدخل قسم رمضانيات من الباب الخلفى للمنتدى ,,, ويا مكتر الأبواب الخلفية للمنتدى - زمان لما كنت عيل شفت فيلم ما فكان بطل الفيلم بيقول لعيل صغير " روح يا تامر إلعب مع الأسد " ... دلوقتى فى أوقات فراغى بقول " روح ياد يا أحمد إلعب فى المنتدى" - فى ليلة العيد .. التدافع على بوابة المنتدى كان بالجملة !!! .. مع إن التذاكر كانت بالكوم فى رمضان لدخول مسرح فارغ جماهيرياً وممتلىء بالممثلين على خشبة المسرح و[عروض] " ...... " !!! - عادة فيا وللأسف مش قادر أبطلها أبداً ... بحب أنكش كل حاجة لعل وعسى فى النكشة دى يحصل تغيير مع أن التغيير مش فى كتالوج الشعب المصرى ولا العربى تحيا جمهورية مصر العربية

السلام عليكم معلش التهنئة جاية متأخرة شوية ,,, بس بحب أهنى فى الوقت بالظبط ألف ألف ألف مبرررررررررروك أختى لميس وعقبالك إن شاء الله وألف ألف ألف مبرررررررررروك للدكتور محمد وعقبال اللية الكبيرة بعون الله وإن شاء الله يا دكتور ربنا يكرمك وتحقق الخمسة "ع" بتوع كل الدكاترة فى حياتك " العيادة - العربية - العروسة - العمارة - العزبة " بصراحة مش عارف حضرتك دكتور بشرى ولا لا على العموم حتى ولو مش دكتور بشرى ربنا يكرمك بـ 4 "ع" ويكفيك شر الخامسة "عيادة " ودى هدية من تصميم أخوك العبد لله ,,, يارب تعجبك ألف الف ألف مبرررررررررروك ,,, وفقكم الله وجمع بينكما على خير ورزقكما الذرية الصالحة التقية النقية