Dr.A7MD

إنا لله وإنا إليه راجعون البقاء لله أختى بنت مصرية جعلها الله آخر أحزانكم وربنا يصبركم جميعاً

بسم الله ما شاء الله .. صور جميلة تسلم إيدك أختى نونا على الموضوع الجميل بصراحة أنا شفت صورتين منهم قبل كدا [ صورة رأس النسر وآخر صورة ] دى أكتر صورة عجبانى لأن فيها شغل كتير ربنا يكرمك ويبارك فيكى وإن شاء الله نشوفلك إبداعات جديدة متجددة دوماً فى قسم التصميم والجرافيك وتبقى من رواده تحياتى ليكى

والله ما لاقى كلام أقوله كل اللى قدرت أعمله أنى أعمل اقتباس لردى فى موضوعك الأولانى

بسم الله ما شاء الله لا حول ولا قوة إلا بالله بسم الله ما شاء الله لا حول ولا قوة إلا بالله بسم الله ما شاء الله لا حول ولا قوة إلا بالله والله لسه فاتح الموضوع ده دلوقتى حالاً .. مع أنى شفت العنوان أكتر من مرة النهارده والله والله والله ربنا رزقك موهبة غااااااااااااااااااااااااية فى الجمال أختى نونا والله رسم فوق البديع ... تسلم إيدك ... وربنا يحفظلك موهبتك ويصونهالك ويخليكى تستعمليها دايماً فيما يرضى الله بصراحة الموضوع ده وسلسلة الموضوعات اللى زى دى لو حابه تستمرى فى إبداعاتك دى .. بصراحة مش مكانهم هنا خالص مكانهم والله منتدى التصميم والجرافيك ... ويتعملك موضوع خاص بيكى زى فهرس كدا فيه روابط جميع موضوعات رسوماتك انتى والله هدية من هدايا ربنا للمنتدى ... ربنا بيرزقنا بيها من وقت للتانى ياريت لو الموضوع يتنقل قسم التصميم والجرافيك عشان ينور هناك هو والموضوع التانى اللى شبه ده ... وبعد كدا تشرفينا بكتابة موضوعاتك هناك ... فالقسم هناك محتاج لإبداع أى شخص =============== نصيحة بسيطة ... لو حابه تنزلى الصور دى بنقاء عالى على الكمبيوتر ممكن تجيبى سكانر [ سعره مش غالى اليومين دول ] يطلعلك الصور اللى رسماها بنقاء أحلى من الموبايل والله ========================= تحياتى وتقديرى لكى أختى الكريمة

سلسلة نقطة ومن أول السطر الحلقة الأولى - ما وراء العقل طول وعرض وارتفاع ... دى المقاييس اللى عايشين بيها واللى بنظبط بيها كل نظرياتنا وفرضياتنا اللى قايمة عليهم كل ثقافتنا وتقدمنا وتطورنا إنما لما تيجى تبص للأبعاد دى كويس ... مش هتلاقيها كافية أبداً لتفسير حاجات كتير بنصادفها فى حياتنا أبعاد تلاتة بس ... قام عليهم العلم الهندسى القديم وللأسف مع تقدم العلم لقينا أن الأبعاد التلاتة دول مش كفاية أنا أو أنت ... كل واحد فينا له طول وعرض وارتفاع ... بطاقة شخصية بتتعرف بيها فى علم التشريح والهندسة وبمرور الوقت لو ربنا رزقك العمر بتلاقى أن أبعادك دى بتتغير سواء بالزيادة أو بالنقصان يبقى الزمن هنا له عامل مهم فى التأثير على الأبعاد التلاتة دى بعد تحركات العلماء ولإختصار الوقت .. تم اعتماد البعد الرابع [ البعد الزمنى ] .. عشان يكون عندنا أربع أبعاد من خلالهم نقدر نفسر بيهم حاجات أكتر وبتفصيل أوضح طول - عرض - ارتفاع - زمن ... تلات أبعاد مرئيين ومحسوسين وبعد غير مرئى بس تقدر تحس بوجوده من خلال تأثيره على الأبعاد التلاتة اللى قبله طيب كدا تمااااااااااااام اوى ... وطلعنا نقول بعدها أن مجموع زوايا المثلت = 180 درجة والخطين المتوازيين لا يلتقيان أبداً وبقية نظريات الهندسة اللى عارفينها كلنا لكن لو جيت تطبق الكلام ده على الكرة الأرضية ككل .. هتلاقى حاجة تانية خالص هتلاقى أنك لو رسمت مثلث نقاطه على الكرة الأرضية ... هتلاقى مجموع زواياه أكبر من 180 ومفيش وجود للخطوط المتوازية على الكرة الأرضية لأن أى امتداد لأى نقطة على الكرة لازم يمر بمركز الكرة الله !!! ... دى الحكاية مش ماشية كدا بالهندسة التقليدية ... يبقى لازم فى نظام جديد لقياس أبعاد الكون اللى أهون حاجة فيه الكرة الأرضية طلع علينا عالم وقال " لا ... دول مش 4 أبعاد بس ... لازم نفرض وجود بعد خامس عشان نقدر نحل الإشكال ده " ومن خلال معادلات رياضية وحسابات معقدة قدر يضيق فجوة التناقض الحاصل قبل كدا عالم تانى قال " ايه يا جماعة ... هو دلوقتى احنا بنقيس حاجتين مرتبطين ببعض [ عالم الإنسان وعالم الكون ] بمقياسيين مختلفين !!! ... دى حاجة مش منطقية خالص " وقال عشان نحل المشكلة دى يبقى لازم نفرض وجود بعد سادس ... وبرضه بالمعادلات والحسابات الرياضيات حاول يضيق الفجوة الحسابية دى بعد كدا علماء الحساب بدأوا يتعمقوا فى الحكاية دى لغاية لما وصلوا وقالوا أن الكون له 13 بعد ... نقدر نشوف منهم 3 أبعاد بس وبعد واحد بس نقدر نحس بوجوده ومش شايفيه [ بعد الزمن ] و9 أبعاد لا قادرين نشوفهم ولا نحس بوجودهم ومع تقدم العلم واستخدام الحواسب الآلية الذكية ... الـ 13 بعد أصبحوا 16 بعد ... [ 13 بعد مش شايفينهم خالص ] ومفيش حاجة اسمها خطوط مستقيمة ولا متوازية ... وكل الحسابات والفرضيات اللى من خلالها ممكن نتعامل مع الكون تتعامل فقط مع الخطوط الدائرية والحلزوينة معنى كدا مدام فى 13 بعد للكون مش شايفينهم يبقى كل الكائنات والمخلوقات اللى فى الـ 13 بعد دول مش شايفينهم ولا حاسيين بوجودهم ومدام نقدر نعمل أنفاق ومسارات وخطوط من الـ 3 أبعاد اللى نقدر نحس بيهم ... يبقى أكيد فى أنقاق ومسارات ومخارج ومداخل لا نقدر نشوفها ولا ندركها فى الكون طيب المداخل والمخارج والأنفاق والمسارات دى فين ؟؟؟ وبتبدأ فين وتنتهى فين ؟؟؟ طيب بتوصل منين ولفين ؟؟؟ طيب يا ترى احنا وحدنا فى الكون !!! ... استحالة لا طيب يا ترى ايه الكائنات اللى ممكن تكون موجودة واحنا مش شايفينها !!! يعنى ممكن وأنا قاعد كدا يكون فى مخلوقات بتتخانق وبتتشاكل وبتضحك حواليا وأنا مش حاسس !!! طيب فى حد قاعد معايا على الكرسى وأنا مش حاسس !!! حاجات تجنن بجد ========================== ساعات أفكر وأقول ... هو ربنا خلق العلم بس عشان الإنسان يقدر يمشى بيه أموره فى الدنيا ولا العلم هو المفتاح لفهم كل حاجة ؟؟؟ طيب مهو عدم علمك بالعلم نفسه مش مبرر ولا برهان أن فى حاجة غيره تقدر تفسر أمور معينة ربنا لما أخفى علوم بعض الأشياء عن الإنسان ... أخفاها بحكمة معينة ولغرض معين أو أخفاها عشان عقل الإنسان فى الزمن ده ميقدرش يستوعب هذه العلوم ========================== من القرآن والأحاديث النبوية الشريفة عرفنا أن السماوات مسالك ودروب وعشان تطلع من سما لسما فى مسلك ودرب معين طيب حاول تربط ده بالكلام اللى قلناه فوق ايه تفسيرك للمثل المتداول اللى بيقول " العين عليها حارس " !!! مين اللى بيحرس العيل الصغير لما يقع مثلا من الدور الأول وأمه مش واخده بالها ويقوم العيل بيطنطط زى العفريت !!! ساعات بنسمع فى بعض حوادث الطرق أن فلان كان هيروح فى الحادثة لولا أنه حس أن حاجة بتزقه زق وترميه بعيد [ سمعتها بودانى ] الملائكة بتحرس البنى آدم بكيفية لا يعلمها إلا الله ... فهل يكون الدرع الواقى الذى يحميك من الشياطين هو درع من الملائكة !!! الذكر والتسبيح والصلاة وسر الكيفية التى تؤديها بها ... هل هى مفاتيح لهذه المسالك والدروب !!! وفى الآخر نقول " الحمد لله رب العالميـــــــــــــــــــــــــــــــــــــــــــــــــن " ... نقطة ومن أول السطر . :: رسالة إلى العرب :: - العرب ماشيين بالمثل اللى بيقول " لا تصاحب الأقرع ولا تاخد منه نصيحة ... إن كان ربك بيحبه كان خلهاله صحيحة " ... والظاهر أن كل العرب شايفين نفسهم قرع ... محدش عاوز ياخد حاجة من حد - المتمعن لحال العرب فى الفترة دى هيلاقيه زى فترة التتار زمان ... والدين والتاريخ وكل الأحداث بتقول أن مصر هتكون حائط الصد القادم ... فهتكون مع مصر ولا مع التتار !!! - بيقولك الطقس شديد الحرارة عشان فى حالة حراك وسخونة سياسية ووخم دبلوماسى ... ميعرفوش أن كل مواطن عمل تكييف ذاتى داخلى ماركة فكك وكبر دماغك ... صناعة مصرية - حماس وفتح ... فتح وحماس ... حماس وفتح ... فتح وحماس .. مغلبين نفسكم ليه مهى جايه جايه فى الآخر [ مصر واسرائيل ] كلاكيت تانى مرة :: المنتدى اليوم :: - حمداً لله على سلامة أختنا الرام ... كانت بتمر بوعكة صحيحة والحمد لله ربنا شفاها وندعو الله لها بتمام الصحة والعافية - ياخى فى أقسام أول ما تدخلها تشرح القلب وفى أقسام تدخلها تتنح فيها كأنك فى امتحان باطنة وفى أقسام تدخلها تقول يا قلبى لا تحزن وفى أقسام تدخلها تقول " نقطة ومن أول السطر " - بيقولك العرض القادم للملفات الشخصية " فتح مقهى من أول المنتدى العام لغااااااااااااااااية منتدى الشكاوى والاقتراحات لمناقشة كتاب أبلة نظرية فى فنون الطبخ " - الوصف الدقيق لياللا يا شباب " ......... " هسيبهالك تفكر فيها بمزاجك بس أنا هقول [ نقطة ومن أول السطر . ] واللى يفهم أجره على الله تحيا جمهورية مصر العربية

حياتنا عبارة عن مجموعة من النقاط .. والنقطة فى العلم الحديث ما هى إلا خط غير مرئى دائم الحركة بطاقة ذاتية .. ولعدم قدرتنا على تصوير هذا الخط نقوم بفرض مكانه كنقطة يا عم فكك من كل الكلام المكلكع ده .. حاااااااضر يا سيدى على قد فهمنا وتعليمنا هنقووووووووول حياتنا دى مجموعة من النقاط .. نقطة بتتولد ونقطة بتموت .. نقطة تسلم نقطة ونقطة تستلم من نقطة .. نقطة تسحب نقطة ونقطة تجيب نقطة .. نقطة تركب على نقطة ونقطة توقع نقطة نقطة تشد ونقطة ترخى .. نقطة ترفعك للسما ونقطه تهبدك لسابع أرض .. أنت ذات نفسك بدأت كنقطة .. وعايش فى الكون كنقطة .. وهتموت وتبقى نقطة ومفيش نقطة فى الكون ساكنة أبداً .. كل نقطة سابحة فى عالم من الفراغ ويا سبحان الله .. مفيش نقطة تقدر تعيش وحدها أبداً .. لازم يكون بين النقطة والتانية قوى شد وجذب ويتم تحديد قوة وصلابة الشىء من خلال ترابط نقاطه [ جزيئاته ] أنت زيك زى الخشب زى الميه زى الرمل زى الحديد ... الفرق بس فى قوة ترابط نقاط كل نوع بس أنت وهم فى الأصل عبارة عن فراغ فى فراغ ومدام كل حاجة فى الكون دائمة الحركة ... يبقى أنت أكيد دائم الحركة برضه وعشان تفهم الكون لازم تفهم نفسك فى الأول ... لأنك متقدرش تقيس حاجتين ليهم نفس الأساس بمقياسيين مختلفين وعشان تفهم نفسك لازم تفهم عقلك ... وعشان تفهم عقلك لازم تفكر صح وعشان تفهم صح لازم ترجع كل حاجة للأصل .. متبقاش زى البغبغان تردد وخلاص وعشان تفهم صح .. صنفر دماغك وهات ورقة وقلم واكتب نقطة ومن أول السطر . نقطة ومن أول السطر . سلسلة تعتمد على التفكير المنطقى وربط هذا التفكير بالعلم الدينى والروحانى سلسلة متنوعة المواضيع والمناقشات تفتح مجالات التدبر والتفكر والتعمق فى الذات البشرية سلسلة تخاطب عقلك بأسلوب بسيط .. مرح .. ناقد .. ساخر لا يتعدى الآداب العامة فى الحديث كل موضوع فى السلسلة سوف يحتوى على عدة فقرات بعون الله .. فقرة رئيسية بعنوان الموضوع وفقرات ثانوية على هيئة رسالات كل موضوع سوف يحتوى على فقرة ثانوية تختص بمناقشة جميع الأمور الخاصة بموقع ياللا يا شباب بأسلوب مرح [ أخبار - نقد - علامات استفهام - أفكار ومقترحات - .. إلخ ] :: نقطة ومن أول السطر . :: .. برنامج إذاعى متكامل هذا الموضوع سوف يكون بمثابة فهرس ومرجع لجميع مواضيع السلسلة هذه السلسلة للكبار فقط [ + 16 ] .:: قائمة الموضوعات ::. 1- ما وراء العقل 2- ست الحسن والجمال 3- جزرة وقضمها جحش

شخبط والعب ودلع نفسك [flash=700,500]http://www.swfcabin.com/swf-files/1280036173.swf

MidooDj || عاشق الصداقه || حياتى من أجل ربى || أبو تسنيم نورتم الموضوع يا جماعة .. ألف ألف ألف شكر لمروركم وردكم العروض مطروحة فوق يا كبير اللى راغب فى عرض من العروض .. يطلبه وأحنا تحت أمره مش عاوزين نرفع حاجات بتاخد وقت كبير فى الرفع واحتمالات انتهاء صلاحية الروابط بنسبة 90% بسبب عدم التحميل وأنت عارف أكيد اللى لاقى مشاكل فى المتابعة من على اليوتيوب يقول واحنا بعون الله موجودين تحياتى للجميع

بسم الله ما شاء الله .. لا حول ولا قوة إلا بالله ألف ألف ألف مبروووووووووووووووووووووك يا Boss والله فرحتلك من كل قلبى ربنا يوفقك دايماً وأبداً ويخلى سكتك سالكة بحرى قبل قبلى بعون الله رووووووووووووووووووح يا شيخ ...... وارجع تانى بسرعة واحشنى يابن الحاج عبد الرازق .. هات بوسة ودى هديتى .. وأنت عارف ومتعود على نوعية الهدايا بتاعتى ألف مبروووووووووووووووووك يا Boss

ألف ألف ألف مليووووووووووون شكر على الإصدار الجديد من البرامج بكل ما تحمله الكلمة من معنى .. تسلم إيدك أخى العزيز الغالى الإصدار ده دورت عليه لغاية لما نشف ريقى وكان كل الموجود النسخ الديمو واللى كل المحاولات كانت فاشلة فى عمل كراك أو كسر حماية البرنامج أنا حملته فوراً وجربته ..... حاجة جميلة جداً وفوق الوصف يارب نشوفلك موضوعات متألقة دايماً وتنورنا فى منتديات ياللا يا شباب اعذرنى أخى الكريم .. تم تعديل بعض النقاط فى موضوعك لكى لا يتعارض موضوعك مع قوانين المنتدى تحياتى ليك يا غالى

تمااااااااااام .. كدا أنا فهمت أنا جربت البرامج اللى عندى مع pdf عربى ولقيت اللغة باظت دورتلك على برنامج يدعم العربى البرنامج اسمه PdfGrabber v6.0.0.1 Professional أنا نزلته وجربته وكل حاجة طلعت تمام بس حبيت أنقلك الموضوع من مصدره الأصلى عشان الأمانة العملية النقل تم من منتديات ايجى بالاس أنا نقلتلك الموضوع بحذافيره ... أهم حاجة تتبع الشرح المصور خاصة فى حكاية نسخ الخطوط وتظبيط إعدادات البرنامج وبعد ما تطلع الملف بصيغة الـ word خلى بالك من الخطوة الأخيرة هتلاقى البرنامج والكراك وملف الخطوط كله كله فى الملف لما تحمله حاجة مهمة .. بعد لما تحول للـ word هتلاقى اللغة العربية زى الفل .. ظاهرة تمام التمام .. لكن لو حاولت تغير نوع خط أى فقرة هتلاقى اللغة باظت [ جرب عندك وشوف ] حمل البرنامج بضمان شخصى من العبد لله ============================= يرجى نقل الموضوع لقسم عالم الكمبيوتر والبرامج .. لأنه القسم المناسب لمثل هذه الموضوعات

أهلا أخى الحبيب مستر حمدى مش فاهم قصدك ايه !!! اللى أعرفه أن أى داتا فى ملف pdf وعاوز تحولها لـ word بيحولها هى هى سواء عربى أو انجليزى أو أى لغة جربت برنامج اسمه pdfzilla ؟؟؟ ياريت لو توضحلى حكاية تحويل العربى دى

درس جميل من دروس الفوتوشوب تسلم إيدك أختى لميس يارب نشوف مشاركاتك دايماً تم نقل الموضوع للمكان المناسب تحياتى ليكى

موضوع جميل أختى فى الله ولكن .. ده وصف قسم التصميم والجرافيك أى صور يتم وضعها هنا فى القسم يتم تصميمها أو التعديل عليها ببرامج التصميم والجرافيك وموضوعك لا يندرج تحت هذا البند تم نقل الموضوع للقسم المناسب لحين إشعار آخر

موضوع جميل أختى فى الله ولكن .. ده وصف قسم التصميم والجرافيك أى صور يتم وضعها هنا فى القسم يتم تصميمها أو التعديل عليها ببرامج التصميم والجرافيك وموضوعك لا يندرج تحت هذا البند تم نقل الموضوع للقسم المناسب لحين إشعار آخر

بسم الله الرحمن الرحيم السرقة فى كل مكااااااااااااااااااااااااااااان ... حتى فى المونديااااااااااااااااااااااااااااال والسرقة عينى عينك قدام 70000 متفرج

والله كلامك فن الفن يا جميل كأنك فاتح دماغى وشايف اللى فيها سيبك أنت .. أهم حاجة فى الدنيا دى الستر وربنا يحفظنا من الأشكال [ مقص الرقيب ] دى شد حيلك عشان تخاوى بتول ونجوزها قريب

ياااااااااااااااااااااه .. فين الموضوع ده من زمان نسيته والله يلا كله خير .. نعوض المرادى ========================= يهُبُّ مع كل ريح ويسعى مع كل قوم السَّرْج المُذهَّب لا يجعلُ الحمار حصاناً لكل داء دواء يستطب به إلا الحماقة أعيت من يداويها لا تثق فى من يتحدث عن اخرين بسوء امامك لانه بالتأكيد يفعل بالمثل من ورائك ========================= بالشفا