Dr.A7MD

يا جماعة .. حد يعرف يوصل لقائمة أصدقائه ويشوف طلبات الصداقة اللى بتجيله ويوافق عليها !!! حد عرف يوصل للحتة دى بعد الترقية للنسخة الجديدة !!! دورت عليها ودوخت ومقدرتش ادخل لطلبات الصداقة الجديدة إلا من خلال الرابط اللى بيبعتهولك على اميلك يبلغك بوجود طلب صداقة جديد هاااااااااااا .. هل من مجيب !!

ولا يهمك ولا سنة ولا حاجة 3 محاولات وبس المهم اللى ميخلفش كلامه ويطلع بالهدية شغل عيال بقى

بسم الله الرحمن الرحيم صلى على اللى هيشفع فيك شوف وملى عينيك شايفين الناس بتعمل ايه بره !!! واحنا لسه مش عارفين نوصل لحل فى موال الثانوية العامة لنا الله

بسم الله ما شاء الله لا حول ولا قوة إلا بالله لوحات وخطوط فى غاية الجمال والروعة zakdesign أنا جربتهم بنفسى على الفوتوشوب ربنا يبارك فيك ويحميك أهلا بيك فى المنتدى ويارب تبقى عضو فعال معانا إن شاء الله هكون متابع لأحدث الخطوط من موقعكم لك منى كل تقدير واحترام

السلام عليكم أختى الكريمة ... أهلا بيكى فى المنتدى معانا أنا قريت موضوع حضرتك وحابب أفيدك باللى أقدر عليه أختى فى الله .. كل مكان جديد وله شدته وله رهبته وله نظامه اللى بيفرق بيه عن غيره كل مكان له نظام يختلف عن التانى .. مش شرط يكون هو الصح ولا شرط أنه لازم يكون النظام السائد امشى عدل يحتار عدوك فيك .. تماااااااام !!! لو ملكش سكة نضربك تحت الحزام .. ولو مترضاش بالنظام بتاعنا نركنك فى جمب لوحدك عشان تيجيلنا أنت فى الآخر ده للأسف النظام الماشى فى أغلب أماكن الشغل على مستوى الدول العربية كلها للأسف بعد عنك ثقافة [ عشان أطلع لازم أدوس على كل الناس ] مش عيب أنك تكون بتعمل شغلك على أحسن وجه .. ومش عيب أنه يكون دايماً مخك شغال وتحاول توصل للأفضل مهو عشان أوصل لكل ده أكيد شربت المر ... أكيد كل ده مجاش بالساهل إنما بعض النفوس الضعيفة واللى واخده أماكن بدون أى استحقاق ميعجبهاش الحال العدل أبداً نظام يا تكون معانا وويانا زى الفل يا أما تكون ضدنا معانا معانا .. مش معانا تبقى علينا .. مفيش خيار تالت ============================== دايماً اللى بيكون عاوز الأفضل يستحمل أى حاجة مدام مؤمن بالله وواثق فى قدراته اللى ربنا وهبهاله عاجب مش عاجب الناس .... أنا مليش دعوة بالناس ... مدام شغالة بما يرضى الله تبقى الناس فى ستين ألف [ .... ] سلامة أكيد الناس اللى بتريح دماغها وتحب تفضل فى مستوى واحد خوفاً أنها تفقد مركز ما أو حاشية ما أو عزوة ما هتلف وتدور الأيام عليهم ... هيسيبوا أماكنهم ومولد الناس هينفض من حواليها وتتحسر وتقول [ ياريتنى كنت عملت كذا ] فى الزمن ده متعتمديش على الناس فى أى حاجة .. أنا مش بقول أن كل الناس وحشه .. إنما الزمن اللى احنا فيه ده أكيد حضرتك عرفاه ============================== ماشية صح .. مبتغية مرضاة الله فى كل حاجة .. مش بتأذى حد .. بتعملى شغلك تمام يبقى كدا أنتى عداكى العيب فى شوية ناس مش عاجبها الحال العدل وبتحاول تحفرلك من تحت لتحت .. حلها بسيط جداً الحكاية بس عاوزة قلب جامد وصبر وتحمل استعملى نظام [ العصاية فى ايدى أدافع بيها مضربش ] الناس دى أكيد بتعمل بلاوى كتيرة ... لو فكر حد يتعرضلك بأى حاجة .. هتبقى بلاويهم تحت إيدك مع العلم بشىء مهم جداً .. الغلط متسكتيش عليه أيا كان .. تحاولى تغيريه بكل السبل [ بإيدك .. بلسانك ] وأضعف الإيمان بقلبك [ إنكار هذه الأفعال ] وخليكى واثقة .. مفيش حال دايم أبداً .. ولا فى وحش مستمر .. ولا فى شر مستفحل لأمد الدهر إذا كان الإنسان ذات نفسه بيموت ... حال الناس مش هيتغير !!! ================================= فى النهاية هقولك حاجة .. اقعدى مع نفسك وفكرى فى كل حاجة بالراحة وبعد تفكير عميق استقرى على رأى معين .. وبعد كل ده اعملى استخارة خلى بالك فى الإستخارة الصحيحة لازم حضرتك تكونى مطمئنة لحد كبير ومرتاحة لأى من الأمرين .. وبعدها تعملى استخارتك مش تكونى محتارة بين الأمرين وتقولى اعمل استخارة .. لا .. لازم قلبك يكون مرتاح وميال لأى من الأمرين ================================= متغفليش قيمة الدعاء .. فهو من الأسلحة الخفية التى لا يعلم مداها الإ الله [ مجرب تجربة شخصية والله ] ================================= شكل الحوار قلب جد زيادة عن اللزوم ... نكتة بسيطة لها دلالة كبيرة فى الزمن ده مقولة الكل عارف أكيد مين قالها .. [ فى الزمن الأغبر ده .. الجنيه غلب الكرنيه ] تحياتى ليكى أختى فى الله ..... وأهلا بيكى فى منتديات ياللا يا شباب

عشان نخلص من موال الإسمايلز شوف كدا .. عند تكرار أكتر من وجه تعبيرى جنب بعض ايه اللى بيحصل :ang::ang::ang::sad2::ang::ang::ang::):sad2::hhhh: فى حاجات تطلع زى مهى مهما اتكررت ... وحاجات تانية زى منت شايف قدامك ولو حاولت تنوع هيبقى كدا :ang: هيطلع سليم مفهوش حاجة ========================== موضوع الفلاشات .. جربت النظام الزمانى بتاع كود الفلاش لقيته هو اللى نافع حكاية اضافة روابط الفلاش فى من خلال زر اضافة مقطع ميديا مش نافع ========================== حكاية مجموعة شباب ياللا يا شباب وعدم قدرتهم على تعديل مشاركاتهم بعتلك بها اوف لاين على ميلك ========================== فى مشكلة بالنسبة للفايرفوكس آخر اصدار ... لما بتكون بتكتب موضوع مثلاً وتصغر الفايرفوكس وتعمل أى حاجة فى الديسك توب أو جهازك وترجع تكتب تانى ... بتلاقى محرر المنتدى زى المشلول [ لا تقدر تكتب ولا تحذف ولا تعمل أى حاجة ] .. إلا لما تعمل مشاهدة لموضوعك عشان تتجاوز المشكلة دى ... الله أعلم ايه ده ... هل المشكلة عند الكل !!! ========================== شريط الإهداءات بحالات ... بيكون ظاهر عادى بس مفيش إهداءات ظاهرة ......... ولو تروح على رئيسية الموقع بتلاقيه شغال زى الفل ... [ المشكلة دى بتروح وتيجى ] ========================== كنت أقصد بمشكلة ظهور الصور الشخصية فى الملف الشخصى أنها بتخرج بره الفريم المخصوص ليها ....... مش أنها كبيرة فى الأبعاد ========================== لو ينفع نخلى الموضوعات المثبتة يفصلها فاصل عن بقية المشاركات ... او نخلى عناوينها بلون تانى !!! ... ايه رأيك ؟؟؟ ========================== ايه رأيك فى تغيير [] [ الصورة الدالة على معدل مشاركات الأعضاء ] لحاجة أحلى زى نجوم مثلاً [] بس كدا كفاية عليك المرادى

اسمع ياللى مش عارف قيمة نيل مصر اسمع ياللى بتشتكى دلوقتى من قطع أو ضعف المياه فى أى مكان اسمع وأعرف نيل مصر يبقى ايه http://www.youtube.com/watch?v=wafudVJ4Y-g

:: عروض دورة الـ EPS :: * الفيديوهات التى تم طرحها على اليوتيوب هى عبارة عن فيديو واحد وتم تقسميه إلى عدة أجزاء حتى نتمكن من رفعه على اليوتيوب * الفيديوهات تم إخراجها بصيغة mp4 حتى تكون مساحتها صغيرة إلى حد ما وتساعدنا فى سهولة الرفع * أبعاد هذه الفيديوهات 600 عرض * 480 طول * النسخ الموحدة من الفيديوهات موجودة بإذن الله لمن أراد الإحتفاظ بها [ ثمن العرض : طلب 10 أشخاص رفع الفيديوهات على روابط للتحميل ] * إمكانية إخراج هذه الفيديوهات بصيغة wmv HD وبأبعاد 1024 عرض * 768 طول ( نقاء ووضوح أكثر ) .. [ ثمن العرض : طلب 20 شخص هذا العرض ] * إمكانية عمل اسطوانة بصيغة iso تحتوى على هذه الفيديوهات للإحتفاظ بها ( جودة الفيديو HD ) .. [ ثمن العرض : طلب 35 شخص هذا العرض ] * جميع هذه العروض مرهونة بالإنتهاء من الجزء الثالت [ مهارات خاصة ] * طلبات العرض يتم إبرازها فى ردود المشاركين .. مع إيضاح نوع الطلب بالضبط * إمكانية طلب شرح لشىء معين خارج مضمون كيفية التعامل مع المنتدى .. [ يتم ذلك من خلال وضع طلبك كتعليق فى ملفى الشخصى ]

:: مهارات خاصة :: تم تأجيل هذا البند لحين الإنتهاء من بعض التعديلات التقنية فى المنتدى حتى يتم شرح جميع المزايا

:: كيفية الكتابة وإضافة موضوع جديد :: فيديو بمساحة 139 ميجا || مدة الفيديو 51 دقيقة || صيغة الفيديو mp4 ما يحتويه الفيديو * كيفية الدخول لكتابة موضوع جديد * التعرف على محرر المنتدى [ صندوق الكتابة ] * التعامل مع النصوص .. شرح مفصل كامل * طريقة إضافة الصور .. [ روابط خارجية || رفع الصور من على الجهاز الشخصى ] * كيفية عمل إرتباط الروابط [ ارتباط النصوص والصور ] .. شرح مفصل كامل * كيفية إدارج روابط الفيديو والفلاش [ يوتيوب || مقاطع صوت || روابط فلاشية ] * كيفية إدراج استفتاء [ التصويت ] * التعامل مع المرفقات .. شرح مفصل كامل * كيفية عمل اقتباس * اقتباس المشاركات من خلال الردود والرد عليها * أشياء متنوعة أخرى :: تم تقسيم الفيديو ورفعه على اليوتيوب لضمان بقاءه أطول فترة ممكنة :: :: الفيديوهات مرتبطة ببعضها البعض :: http://www.youtube.com/watch?v=67rEec95Xck http://www.youtube.com/watch?v=JkSYksefkZQ http://www.youtube.com/watch?v=kiLlKyhi2AU http://www.youtube.com/watch?v=twHJB5cmSvA http://www.youtube.com/watch?v=A56UDfEMHmA http://www.youtube.com/watch?v=2X-1k8ovptM