Dr.A7MD

أحييك أخى أبو تسنيم على هذا الموضوع الجميل والتذكرة الطيبة بارك الله فيك وبك وفى أهلك وذريتك وأصدقائك وأحبابك وكل ما تحوط به شفقة قلبك أحييك بصفة شخصية على وضع لافتة منقول فى بعض موضوعاتك أرفع قبعتى احتراماً وتقديراً لأمانتك تحياتى ليك

موضوع فى غاية الجمال والروعة يا تايجر تسلم ايدك بجد ربنا يبارك فيك ويزيدك من علمه ويوفقك دايماً لما يحبه ويرضاه المفروض الموضوع ده يتثبت بس بعد لما تعدله بشوية تحابيش اكسسوارات وكدا وتعمل ألوان ونظام إضاءة تحياتى ليك

السلام عليكم موضوع يستحق النقاش وإيضاح بعض النقاط مع احترامى الشديد لكاتب الموضوع .... واحترامى الأشد للأخوة الكرام اللى ردوا على الموضوع برده الأخ الكريم بيقول خلينا نتكلم عن النماذج الكويسة وبلاش نتكلم عن النماذج الوحشة عشان يبقى النقاش صحيح أخى الكريم ... يبقى لازم يشمل كل حاجة حضرتك فى موضوعك بتقول " بشوف بشوف بشوف " احنا بنشوف الظاهر بس اللى قدامنا أخى الكريم محدش قال ندخل فى سوء الظن ... لا طبعا ... حسن الظن واجب طبعا بس منقدرش نحكم على الأشخاص من واقع النظر أو " الشوف " بس وانت حضرتك اعطتنا مثل للمنتقبة والمتبرجة ...... طيب فين الصنف التالت يا أخى الكريم واحدة لابسه خمار طويل أو طرحة طويلة ...... فين دول من الحسبة أخينا الكريم أبو تسنينم قال انه بيعد عدد المنقبات فى الشارع طيب كام منهم ملتزم فعلا يا أبو تسنيم ؟؟؟؟؟ محدش يعرف سرائر وخبايا النفوس الا ربنا عز وجل الرسول صلى الله عليه وسلم قال " أرايت الشمس !!!! .. فعلى مثلها فاشهد " وربنا عز وجل قال فى القران الكريم " وليضربن بخمرهن على جيوبهن " ياترى ايه معنى الجيب هنا فى تفسير معظم الفقهاء ؟؟؟؟؟ والسيدة أسماء عندما أقبلت على رسول الله صلى الله عليه وسلم وكانت صغيرة السن وحديثة البلوغ وكانت مرتدية ثياب رقاق على حسب نص الحديث وياريت لو غلط حد يصححلى يا جماعة فأعرض عنها الرسول الكريم وقال لها فيما معناه " إذا بلغت المرأة الحلم لا يظهر منها إلا هذا وهذا " وأشار إلى الوجه والكفين أنا مش معترض على النقاب يا جماعة ...... أنا معترض على الحكم على الناس بمجرد النظر النقاب دلوقتى بقى موضة ....... وصلت لدرجة أن واحدة مثلا تنتقب عشان تتجوز أو عشان يتقال عنها ان دى ملتزمة أو سعات فى بعض الاحيان يكون النقاب وسيلة لإخفاء الوجه عند بعض البنات اللى ترى نفسها ليست جميلة ياريت نفكر كويس يا جماعة قبل ما نحكم على أى حاجة لى اعتراض شخصى على هذه الجملة ....... كانت ممكن تقال بطريقة أفضل من كدا تحياتى للجميع

هههههههههههههههههههههه ههههههههههههههههههههههههههه تسلم ايدك يا أخت حياتى والله أبوها جاب من الآخر وريح نفسه ....... على ايه يضيع نفسه وبنته كمان هههههههههههههههههه ... مهو فى شتى الأحوال كدا كدا شكله هيدخل السجن فيهم مرة تانية فكل لما يتأخروا شوية يعيشلهم يومين ههههههههههههههههههههه ربنا يبارك فيكى ...... ضحكتينا شوية تحياتى ليكى يا أختى الكريمة

السلام عليكم ورحمة الله وبركاته أختى الفاضلة بنت مصرية أحييكى على الموضوع والفكرة المطروحة طبعاً الفكرة جميلة وأنا فهمت قصدك الحمد لله بس ليا شوية ملاحظات بسيطة ياريت تتقبليها بصدر رحب أولا لو اخترنا قسم معين وبدأنا نشتغل فيه على كلامك ... ياترى ماهية الموضوعات دى ايه ؟؟؟ موضوعات عادية ولا عاوزينها حصرية ولا من تكون من ابداع أعضاء منتديات يالا يا شباب مهو مفيش أسهل من النقل يا بنت مصرية والكل بيستسهل الكلام ده موضوع عجبنى فى منتدى معين ... للأسف اللى بيحصل أنه بيتاخد بلوك واحد ويتنقل وده لا يليق بمنتدى كبير وعاوز يكبر كمان وكمان وبعدين مصادقة محركات البحث حضرتك دى عاوزه موضوعات ساعات يكون متفرد بيها المنتدى منا ممكن احط موضوعات كتيرة وموجودة فى اغلب المنتديات ... ولما يجى عضو يبحث عن موضوع معين مش هبقى فى أعلى نتايج البحث ....... يبقى أنا عملت ايه طيب ؟؟؟ وبعدين ملحوظة صغيرة أختى الكريمة ... فى موضوعات تحتوى على روابط تحميل وكدا وخلصت صلاحية روابطها ومش شغالة .... أو لينكات توجيه تقولك الصفحة مش بتفتح أو الملف اتشال خلاص .... الموضوعات دى لما تبقى فى محركات البحث ومحدش بيعدلها أول بأول أو بيتابعها فدى للأسف تعود على المنتدى بالسلب مش بالايجاب ... وأغلب الموضوعات دى فى منتدى الكمبيوتر والبرامج ولا تسعفنى الذاكرة عشان أبعتلك أمثلة على كلامى ... لكن الكلام ده موجود فعلاً أختى الكريمة الموضوع أختى الكريمة مش مجرد حط مواضيع واختيار قسم نشتغل فيه ونكبره وكدا مع كل احترامى وتقديرى أختى الفاضلة ..... لازم تكون عندنا ثقافة وضع المواضيع والردود لازم نعرف أن المنتدى هيكبر لما نحاول نتفنن فى اللى بنكتبه أو طريقة عرض الموضوعات المنقولة من أماكن تانية ياريت قصدى يكون وصل لفكر حضرتك ..... وأنا حاسس أنك هتفهمى قصدى بدون زعل تحياتى لكى أختى الكريمة

الله يخليك ويبارك فيك يا أحمد بس معلش والله اعذرنى أخى الحبيب أنا لست محترف لا للفوتوشوب ولا الفلاش والتصاميم التى يمن الله بها عليا لا ترقى بأى حال من الأحوال لتوضع فى واجهة المنتدى ارتضيت لنفسى وضع تصاميمى داخل المنتدى .... لكن فى الواجهة الرئيسية فلا اعذرنى أخى ...... البرامج التى استعملها لا ترقى لهذا المستوى الذى تطلبه بوركت أخى الكريم وبورك مسعاك تحياتى ليك

الحمد لله تم الإنتهاء من الدورة تحياتى لكم

بارك الله فيك يا عمرو شكراً للكلام الطيب اللى قلته تحياتى ليك

دورة " التألق والإبداع فى عالم المنتديات " الدرس الثامن " النهاية " كلمـــــــ للجميــــــــــــــــــــــع ـــــــة كل اللى شرحناه ده كوم .... واللى هيتقال ده كوم تانى فى شوية أسس أو نصائح بمعنى أدق .... لازم ناخد بالنا منها اوى بسم الله نبدأ عشان تبدأ موضوع كويس عليك بأول حاجة بالبسلمة وتحية الإسلام وبلاش تدخل مرة واحدة كدا فى الموضوع متفرحش اوى لما تنقل موضوعات والردود على موضوعك بالكوم ... خلى فى عمق إحساس عندك أن الحاجة اللى بتكتبها بأسلوبك بعد لما تأخد فكرة عامة عن اللى بتنقله أفضل ألف ألف ألف مرة من أنك تاخد الحكاية نسخ ولصق زى اللى بيحصل دايماً بعد لما تكتب موضوعك وقبل ما تضغط زى إضافة موضوع جديد .... فى حاجة جنبها اسمها إستعراض المشاركة .... بضغطة بس بسيطة هتشوف شكل موضوعك قبل ما يخرج لجمهور الأعضاء .... هتلاقى أكواد ظاهرة فى وسط الموضوع دليل على عدم تنسيق الموضوع بشكل كافى .... أو أنك بتدخل تنسيق النصوص مع تنسيق الصور كله مع بعضه ... وبعد لما تشوف كدا يا اما هتحاول تعدل موضوعك وتشوف الغلط فين ..... أو أنك تطنش وتقول " كله زى بعضه " ... وهنا بقى هتضح حقيقة الإخلاص عضو بـ 1000 مشاركة .... عضو بـ 2000 مشاركة ..... لا ده لازم نرد عليه فى أى حاجة يكتبها حتى ولو كان موضوعه سطرين ...... ويجى واحد غلبان عضو جديد يتوه فى وسط الزحام ده كله ... ده اللى بنسميه " شللية المنتديات " .... ودى الآفة اللى بتضيع أى منتدى حاول تقرى كل كلام الموضوع اللى بترد عليه ولو فى لينكات أتاكد منها ..... لأن ممكن تبقى كلمة فى موضوع فى غير محلها يلقطها الأصغر منك ويعتب على ردك وشكلك يبقى وحش ... فحاول دايماً كل ردودك تبقى عن دراية كافية بالموضوع ... وإلا فالسكوت أفضل عشان تحقق التميز فى حاجة لازم تبدأ السلم من أوله .. هتقوم وتقع كتير بس عضمك هيشد ... وعشان كدا مفيش حد بيوصل للإحتراف إلا بالإخلاص ... وعشان تخلص فى العمل اللى بتعمله لازم يكون عندك معادلة من أربع حاجات :- التعلم والصبر والتواضع والإبداع مفيش حاجة اسمها اتعلم الإبداع .... فى حاجة اسمها اتعلم الأساسيات .... أتعلم إزاى أبنى ... وبعدين أكبر أنا مع نفسى المنتديات الأجنبية تهتم بالمضمون أكثر من المظهر ... عمرنا ما شفنا منتدى أو موقع أجنبى بيجرى ورا استايلات كل شهر أو اعلانات أو ... إلخ إلخ ألخ ..... دايماً المضمون هو الفيصل ..... فخلى دايماً شعارك هو البساطة والرقى خليك صادق فى كلامك .... مختصر فى كلماتك .... محبوب من الجميع .... تعمل فى صمت ... لا تنجر إلى التفاهات ... صدوق فى وعودك .... سامى بأخلاقك .... مترفع عن الصغائر .... قوى فى قرارتك .... طالب للعلم فى كل وقت وحين ... بكل هذا يحترمك الأخرين هذه نقاط استشعرتها فى قلبى قبل عقلى .... وأوصلتها إليكم لتكون خاتمة لهذه الدورة لأنها حق علينا أن تقال لأنها صلب التعامل فى جميع المواقع والمنتديات

نكمل الدورة الدرس السابع كيف تحفظ حقوقك فى المنتدى فى ناس بتشتكى دايماً ... أنها لما تكتب موضوعات مثلا ويكون فيها شرح لبرنامج أو أى حاجة وبعد لما تتعب فى الشرح والموضوع .... تلاقى حد نقل مواضيعها وأخذ الصور وراح نشرها فى موقع تانى ويمكن كمان يحط عليها اسمه أو ساعات بنكون عاوزين حاجة مخصصة مثلا تبقى حصرية ... المنتدى بتاعنا هو اللى عملها يعنى فى أوجه كتير لحفظ حقوق الأشياء فى المنتديات مثلا لو عملت فيديو ... تكتب فيه اسمك وعنوان الموقع بتاعك بكدا تبقى حفظت حقوقك بنسبة 90 % اللهم إلا يجى واحد ويكون قاصد يحمل الفيديو بتاعك ويعدل عليه ويرفعه من تانى ... دى حاجة تانية بقى المهم أننا بنستخدم برامج المونتاج لعمل كدا فى الصور مثلا ..... ببرامج تحرير الصور تقدر تكتب اسمك وموقعك كمان كل الطرق دى جميلة وكويسه ..... لكن احنا دلوقتى عاوزين حاجة تنجز شغلنا بمعنى مثلا لو عندنا 50 صورة مثلا شرحناها لبرنامج معين .... ويشاء ربك أنك تنسى تكتب اسمك على كل صورة هتعمل ايه ؟؟؟؟؟؟ تعالوا نشوف الحل uMark Professional Watermark factory 2 Lovely Folder v4 أول برنامجين دول uMark Professional و Watermark factory 2 متخصصين فى عمل الصور المائية ... سواء كتابة أو بإدراج ملف صورة تعمله كصورة مائية البرنامجين دول سهلين الإستعمال بشكل خرافى ...... كل اللى عليك بس تحط كل صورك اللى عاوز تحفظ عليها حقوقك وبزر واحد بس يبتدىء البرنامج فى شغله ملاحظة بسيطة بس ........ لما تيجى تحط صورك اللى عاوز تحفظ حقوقك عليها تراعى أن تحط الصور القريبة فى الأبعاد مع بعض ....... ولو فى اختلاف كبير فى أبعاد الصور عن صور تانية ..... تعمل دول لوحدهم ودول لوحدهم .... عشان العلامة المائية تطلع متناسقة فى كل الصور البرنامج التالت بقى ده ملوش حل Lovely Folder v4 يحفظلك حقوق ملفاتك ...... بمعنى أنه برنامج هو خصيصاً معمول عشان يغير خلفيات الفولدرات فى الويندوز احنا هنا بنستخدمه بقى فى حفظ حقوق الفولدرات دى تيجى على الفولدر بتاعك وتغير خلفيته وترفعه على النت أى حد يجى يحمل الملف ويفك الضغط عنه ..... أو لما يجى يفتح الفولدر هيلاقى خلفية له على حسب منت تشكلها بقى البرنامج ده للأسف مش بيشتغل إلا على ويندوز إكس بى بس يعنى لو نزلت ملف على الفيستا والملف محطوطله صورة بالبرنامج ده مش هتشوف حاجة والبرنامج لو سطبته على الفيستا عندك مش هيشتغل لأن نظام عمل الإكس بى غير الفيستا نيجى للتحميل تم رفع البرامج الثلاثة فى ملف واحد على أكثر من سيرفر بمساحة حوالى 11 ميجا فقط للدخول لصفحة التحميل شرح البرنامج screenshot تم عمل شرح البرنامج بمساحة 13 ميجا وتم الرفع على موقع سكرين كاست "مشاهدة مباشرة" لتحميل الفيديو ... اضغط على كلمة دونلود أسفل الفيديو تحياتى للجميــــــــــــــــــــع

هناك رجل أعسر فى بيتنا ... قصدى فى منتدانا ... يا مرحباً يا مرحباً أنا أعسر يا جماعة .... ههههههههههههههههههههههه الكلام اللى بيقوله الراجل ده كلام زى الفل والله وآخر عظمة صحيح كلام علمى أكيد ... بس أنت قلت أنهم كويسين فى الحسابات الرياضية وبعدين رجعت قلت الناس اللى بتكتب باليمين كدا ارسالك على حل يا غالى عشان أقرر أنا تبع أنهى حزب تسلم ايدك على الموضوع تحياتى ليك

نكمل الدورة الدرس السادس Programes make Covers True BoxShot & Quick 3DCover برنامجين من أروع وأسهل البرامج فى عمل أغلفة السى دى وعمل الكروت الشخصية وأغلفة الكتب الإلكترونية لا غنى عنها لأى شخص مهتم بعرض برامجه فى شكل أنيق وجميل صور البرنامجين شرح البرامج ( الدورة فى حقيقتها تفاعلية ... بمعنى تجاوب الأعضاء مع الدورة وليس مجرد مشاهدة وتحميل فقط بدون تفاعل وتطبيق ) البرنامج سهلة الإستخدام وبمجهود صغير يتم التعرف على كل امكانياتها يطلب الشرح عند الحاجة له .... ونحن سوف نلبى طلبات الجميع مثال على عمل هذه البرامج تحميل البرامج البرنامجين مساحتهم صغيرة وتم رفعهم فى ملف واحد مساحته حوالى 7 ونص ميجا تم رفع الملف على أكثر من سيرفر للدخول لصفحة التحميل ملاحظة :- البرنامج Quick 3DCover لا يحتاج إلى تسطيب لأنه بورتابل