Dr.A7MD

الله يخليك ويبارك فيك يا أخ على وزى ما قلت والله كان قصدى أجمع إدارة المنتدى ... دى حتى والله الصورة مزحومة اوى بس بعون الله فى فكرة لتجميع أغلب أعضاء المنتدى البارزين تحياتى ليك ------------------------ أنا عارف أن حضرتك بتهزرى يا أخت حياتى من أجل ربى مفيش مشاكل .... بس برده هتتعمل اللوحة التانية وحضرتك هتكونى أول الأسماء ------------------------ عاشق الصداقه ... اللى أعرفه وهو ميعرفنيش ... ههههههههههههههه معلش مهى لو كانت ليا صلاحية الرسائل الخاصة كنت قلتلك أنا مين بس مبدئياً " تعرف حد اسمه دكتور عيسى لسه نايب جلدية جديد فى طب سوهاج " هو على العموم صاحب عبد الله عرابى اللى تشرفت من زمان بمعرفته وكنا هنبقى على لقاء فى سوهاج بس محصلش نصيب وأنا يا راجل مسجل فى منتداك من زمااااااااااااااااااااااااااان ... بعضوية من أيام الزمن الجميل ولو سألت الأخت الكريمة تقوى القلوب هتقولك مين هو أحمد حافظ شكرررررررررررررررراً لكلامك الجميل يا أحمد باشا بيك تحياتى القلبية ليك ---------------------------------- أبو تسنيم .... أكتر شخص هادىء فى المنتدى أكن لك الكثير من الإحترام والتقدير والمحبة والإعجاب لا متأخر ولا حاجة بالعكس الموضوع ازداد شرف ونور بمشاركتك فيه يارب تكون اللوحة عجبتك تحياتى الشخصية من القلب للقلب ليك يا غالى

ربنا يبارك فيك يا عاشق الصداقه أنا والله فى الأول كنت عاوز أعمل الطريقة دى بس قلت المنتدى فيه موضوعات كتيرة وعلطول الموضوعات بترجع للصفحات اللى ورا فقلت أبدا أشوف هيبقى فى نشاط الأول ولو كان فى أشوف نظام تانى أعدل بيه الدورة أنا عدلت ويارب يكون التعديل عجبك ------------------------------------ الله يخليك ويبارك فيك يا أخ على كلامك ذوق جدا ومجامل لدرجة كبيرة إن شاء الله أكون عند حسن ظن الجميع تحياتى ليكم جميعاً

تكملة لما بداناه فى دورة " التألق والإبداع فى عالم المنتديات " لمتابعة الدورة كاملة من الموضوع الأصلى للدورة هنا نكمل الدروس الدرس الثانى Collage Maker برنامج غاية فى الجمال والروعة ..... متميز جداً فى دمج الصور مع بعضها وإبراز شفافيتها وعمل الماسكات لها أيضا توجد فى البرنامج إمكانية أضافة ألوان وقوالب لخلفية العمل وأيضا خاصية الكتابة وبعض المميزات الأخرى البرنامج أجمل ما فيه سهولة استخدامه ... ممكن من خلاله تعمل كثير من الحاجات بأسلوب جميل جداً وبسيط وظريف خاصة عند استخدام برامج أخرى مع هذا البرنامج فتخرج أعمالك فى رونق خاص وشكل جذاب كالعادة هنحمل الملف ومعاه فيديو الشرح الخاص بيه البرنامج مساحته بس حوالى 3 ميجا ... متستهونش بيه ولا بحجمه ... فيديو الشرح المرفق معاه حوالى 21 ميجا مدته حوالى 8 دقايق الملف مرفوع على أكثر من سيرفر الدخول لصفحة التحميل هنشوف ايه فى الفيديو 1- أول لما تسطب البرنامج تفتحه ... هيقولك أكتب اسمع لمشروعك واختار الأبعاد سواء الجاهزة أو تختارها أنت بمزاجك 2- هتلاقينى رحت على قائمة Help وشاورت على مكان تسجيل البرنامج ... وعشان انا مسجل البرنامج مش هقدر أوضحلك طريقة التسجيل كل اللى عليك بس أنك تضغط على تسجيل البرنامج وتحط البيانات المرفقة فى ملف التكست اللى مع البرنامج وكدا يبقى اتفعل 2- هتلاقى صفحة العمل قدامك ... هبدأ استورد صورة ... وأصغر وأكبر فيها .... وأعمل ليها شفافية وبعدين بأختار الماسك وأغيره وكمان أعمل دوران للصورة 3- بستورد صورة تانية وبحاول أخليها شفافة وأجيب الصورتين فوق بعض 4- ببدأ أشوف خاصية البرنامج فى الكتابة وبكتب عبارة وبشوف خاصية تقديمها أو تأخيرها ورا الصورة وبعمل نسخ للكلام وألغيه 5- بعمل لون خلفية للعمل بتاعى سواء بلون واحد أو تدريج وبعدين بختار شكل من القوالب الجاهزة وبشوف بقية الأشكال 6- بعد لما أخلص شغل ... بستخرج العمل بتاعى كصورة بصيغة png وبس كدا وده شكل المثال اللى عملناه مع بعض ربنا يجعل العمل ده خالص لوجه الكريم فقط تحياتى لكل من مر بالموضوع

تكملة لما بدأناه فى دورة " التألق والإبداع فى عالم المنتديات " لمتابعة الدورة كاملة من الموضوع الأصلى للدورة هنا نبدأ الدروس الدرس الأول Selteco Bannershop GIF Animator برنامج خفيف جداً وسهل التعامل وله امكانيات كثيرة فى عمل البنرات والصور الساكنة والمتحركة والتى ممكن استخدام تطبيقاته فى عمل اعلانات او تواقيع تخرج تطبيقات البرنامج على هيئة صور GIF ممكن صيغة الصور لما تخرج بالشكل ده فى بعض التطبيقات تبقى الصور المضافة للتصميم مش بتاخد النقاء الكامل وده أغلب الحال مع صور الـــ Gif المتحركة أو الساكنة بس بعد كدا البرنامج لا غنى عنه .... لأنه يحتوى على امكانيات جميلة جداً بالنسبة لتسطيب البرنامج فهو مش محتاج شرح ... التسطيب سهل جداً كأى برنامج وبعد انتهاء التسطيب بلاش تفتح البرنامج علطول وأنسخ الكراك المرفق مع البرنامج للمسار اللى سطبت فيه البرنامج بعد كدا يبدأ التعامل مع البرنامج على حسب اللى هنشوفه فى الشرح نيجى دلوقتى للتحميل البرنامج مساحته بس 3 ميجا بالكراك .... مرفق مع البرنامج فيديو شرح أساسيات استخدامه وإخراج صورة متحركة على شكل بانر أو توقيع فى ملف حوالى مساحته 11 ميجا تم رفع البرامج على أكثر من سيرفر للدخول لصفحة التحميل ===================================== رابط آخر مقدم من أخى الحبيب eng_alaa على موقع 4shared هنشوف ايه فى الفيديو 1- فتح البرنامج بعد تسطيبه ووضح الكراك له 2- فتح مشروع جديد أو عمل جديد بالأبعاد اللى أنت عاوزها 3- البرنامج لا يدعم الكتابة باللغة العربية تلقائيأ .. فهنشوف استعمال برنامج GI-Arabic Now عشان نكتب العبارة بتاعتنا بالعربى بالخط اللى موجود فى البرنامج بتاع اللغة ده ... وبعدين نروح للبرنامج بتاعنا ونختار أداة الكتابة ونختار نفس الخط اللى اخترناه فى برنامج اللغة العربية ده عشان الكلمة تظهر عربية وميحصلش أى مشاكل ( بالنسبة لبرنامج الكتابة باللغة العربية ده فاللى عاوز يحمله اللينك بتاعه أهو من تحت ) 4- طبعا هنشوف ازاى بنكبر الكلمة ونحركها بالماوس بكل بساطة ويسر 5- بعد كدا هنشوف ازاى نستورد صورة من على الجهاز وننسخها فى الشغل بتاعنا ونتحكم برده فى أبعادها بالماوس 6- هنشوف إزاى نعمل مثال حركى للكلمة اللى كتبناها من شوية .... الحتة دى بسيطة اوى بس عاوزة تركيز 7- بعد لما خلصنا بنشوف preview للعمل بتاعنا قبل ما ننتهى منه 8- طريقة إخراج العمل فى صيغة GIF والتحكم فى إذا كنا عاوزين الصورة شفافة أو لا دلوقتى هنشوف التطبيق اللى هيطلع بعد الشرح ده كله فى ناس هتقول طيب لسه مش بتشرح كل صغيرة وكبيرة فى البرنامج أولا أنا أؤمن بعبارة علمنى أصطاد وبعدين سبنى أحنا بنشرح أساسيات التعامل مع البرنامج ..... الحاجات الأساسية فيه .... بعد كدا الإبداع ينتج عن طريق التجربة والتكرار والتفكير يعنى مثلا تختار أبعاد العمل بتاعك زى منت عاوز ....... تكتب اكتر من كلمة ...... تضيف أكتر من صورة .... تعمل تحريك لأكتر من حاجة ....... المهم أنك تجرب الأول وبعدين لو غلبت احنا موجودين بعون الله ثانى سبب أنى مقدرش أشرح كل صغيرة وكبيرة ... عشان هياخد وقت كبير جداً فى الفيديو .. ومساحة الفيديو ممكن توصل مثلا لخمسين ميجا ..... وتلاقى الناس فى الاخر مكسلة تحمل البرنامج وتجرب أما لو شرحنا بالصور فشرح الصور لكل صغيرة وكبيرة للبرنامج ده وحده بس هياخد نص يوم فاللى هيحصل بعون الله كالآتى ...... الناس اللى هتشرفنا وتتابع معانا الدورة .. هتاخد شرح الأساسيات وتشوفه وتحاول تطبق منه هتكتشف الناس دى حاجات وامكانيات تانيه فى البرنامج ...... أى حاجة غامضة تيجى هنا وتقول " احنا مثلا عاوزين شرح للحته دى " ... أو الحتة الفلانية دى مش مفهومة بحيث أننا ممكن نشرح البرنامج كله كله على جزئيات ومن خلال تفاعل الأعضاء معانا ومتابعتهم ده هيكون النظام اللى هنمشى بيه فى كل الدورة بعون الله معلش طولت عليكم ..... بس دى أهم الحاجات اللى كان لازم نوضحها من الأول عشان نعرف احنا هنعمل ايه بالظبط الدرس التانى بعون الله هيكون برده بخصوص برنامج جميل جدا فى اضافة الصور لبعضها وعمل ماسكات وادراج شفافية للصور وما إلى ذلك فى انتظار تعليقاتكم وردودكم واستفساراتكم تحياتى للجميع

الله يخليكى ويبارك فيكى يا أخت حياتى من أجل ربى بس والله مش حكاية اسمك مش موجود وكدا التصميم اتعمل بالأسماء اللى أخدتها من إدارة المنتدى فى أخر صفحة المنتدى بس فى ترتيب تانى وتصميم خاص بالأعضاء النشيطين والمميزين وهيكون أحلى من ده كمان متشكر لردك جدا جدا

السلام عليكم ورحمة الله وبركاته معرفتش أكتب الموضوع ده فين ... فقلت أكتبه فى الحوار العام الموضوع ده عبارة عن لوحة تذكارية من دورة التألق والإبداع اللى شغالة فى منتدى البرامج دلوقتى عبارة عن أول تصميم بسيط يتم عمله بأبسط برنامج تعديل على الصور حابب أعرف رأيكم فى التصميم

بنت مصرية ... الأخت الفاضلة ... الله يخليكى ويبارك فيكى على كلامك الطيب والمجاملة اللطيفة شكراً بجد لتشجيعك المستمر .... ربنا يكرمك ويرزقك برزق العباد الصالحين مي مادي .. الله يبارك فيكى ... المهم يكون طلبك الأول مجاب ... والبرنامج التانى أهو نزل كمان بشرح مفصل أكتر من الأولانى أشكركم شكر جامد جداً على ردودكم وذوقكم الرفيع ومعلش أنا كنت بكتب فى الموضوع التانى ومشفتش ردودكم إلا بعد ما خلصت الكتابة تحياتى وتقديرى لمروركم وردكم

تم وضع الدرس التانى والحمد لله

أفرحنى وأسعدنى كثيراً مرورك يا عاشق الصداقه فى الموضوع بشكرك جداً جداً على كلامك الجميل الطيب تحياتى ليك

[flash=415,243]http://www.swfcabin.com/swf-files/1262104104.swf كثير منا وهو يتصفح المواقع والمنتديات يجد أشياء دائما ما يتسائل .... هل من الممكن أن أفعل مثل هذا فى يوم من الأيام !!!! هدف هذه الدورة هى الوصول بالأعضاء إلى مستوى راقى فى التعامل مع المنتديات ولكى تصبح لهم أعمالهم وابداعاتهم الشخصية بأقل وأسهل الوسائل نقوم فى هذه الدورة بشرح برامج سهلة التعامل وبمساحة صغيرة ونحاول أن نربط فيما بينها لكى نستطيع أن نخرج منها أعمالاً جميلة ومبهرة بأقل الإمكانيات لن نتطرق فى هذه الدورة لبرامج الفوتوشوب والفلاش والتى تحتاج الوقت الطويل والجهد الكثير لتعلمها لكن بفضل الله وقوته بعد الإنتهاء من هذه الدورة وشرح دروسها ... سوف نكون قادرين على إخراج تصميمات وأعمال تقترب فى جمالها ورونقها من تصميمات برامج الفوتوشوب والفلاش مش حابب أتكلم كتير ...... بس حابب أوضح بعض النقاط البسيطة الدورة هتكون على شكل دروس ... كل درس يتم فيه رفع برنامج وشرحه عن طريق الصور أو عن طريق الشرح بالفيديو وهذه الطريقة أفضلها شخصياً لأنها توفر الجهد والوقت الدورة هتكون تفاعلية ... بمعنى باب الاستفسار والطلبات هيكون مفتوح لشرح بعض الأشياء الغامضة ... ويكون على الأعضاء المشاركين عمل تطبيقات بعد تعلم كيفية التعامل مع البرامج ورؤية شروحاتها " رجاء من الأخوة متابعى الدورة " يتم طرح الردود العادية والعامة والمختصة بنظام الدورة والإقتراحات والطلبات بشرح برامج يطلبها الأعضاء فى الموضوع الرئيسى للدورة ..... وأى استفسار أو طلب خاص بدرس معين يوضع فى الموضوع المتعلق بذلك الدرس الدرس الأول الدرس الثانى الدرس الثالث الدرس الرابع الدرس الخامس الدرس السادس الدرس السابع الدرس الثامن " الأخير "

لا حول ولا قوة الا بالله صحيح موقف سيىء للغاية ...... وفى مواقف أسوأ من كدا بكتير بس برده بختلف مع الأخت بنت مصرية لما قالت وأشارت أن مهنة الطب زى أى مهنة تانية أو أننا بندى قيمة للدكاترة أكبر من حجمها معلش يا أختى الكريمة ... لو كنتى فى مجال الطب ... كنتى هتعرفى يعنى ايه دكتور ياخد مرتب 200 جنيه فى الشهر وهو لسه مبتدىء أنا مش بقول اللى بتعمله فئة من الدكاترة ده حلال ... لا طبعا .... بس احنا فينا حته أننا نسلط الضوء على السلبيات تسليط جامد فى حين حاجات كتير خير بتتعمل ومحدش بيسمع عنها حاجة أو نقول لا مهو ده عادى مهنة الطب يا جماعة معقدة جداً ..... ومش هقولك الدكاترة ملايكة ..... الدكاترة بشر زى كل البشر بس قضية التعميم بجد قضية ظالمة جداُ ... ممكن تسألوا ناس دكاترة محترمة مش بتجرى ورا الفلوس والله بتدفع للعيان مش بتاخد منه .... وربنا شاهد على كلامى وبعدين منيجى نسأل نفسنا سؤال بعد أذنكم مش فى مناطق برده فى مصر الدولة مهملاها خالص من ناحية الرعاية الصحية أو امكانيات المستشفيات الحكومية اللى فيها حد سأل نفسه الدكاترة فى المناطق دى بتعمل ايه وبتتصرف ازاى ؟؟؟؟ حسبى الله ونعم الوكيل فى الدكتور اللى كان بيتكلم عنه السواق ده وبرده تسلم ايد كل دكتور محدش يعلم عنه حاجة بيكافح زى العيان وأكتر مع مرضاه شكراً ليكى أختى مى .... بارك الله فيكى

جميلة جداً القصيدة دى والله قعدت أضحك منها اوى تسلم ايدك أخى الجندى المجهول ربنا يبارك فيك ويكرمك تحياتى ليك

الله يكرمك ومتشكر جداً ليك يا أخ على على ردك الجميل ربنا يكرمك فى الدنيا والآخرة متشكر ليكى يا مى مادى على ردك الجميل والمجامل كتير ربنا يكرمك يارب بالنسبة لفك ضغط الملفات المضغوطة فلازم أولا يكون عندك برنامج WinRAR ده برنامج لضغط الملفات جميل جداً طبعا هتكونى مسطباه ازاى تضغطى ملف وتفكيه ... شوفى الصور دى بقى هنا الصورة بتوضح ملف اسمه مى مادى وطريقه ضغطه ازاى هنا بقى بعد لما ضغطنا الملف ... الصورة بتوضح ازاى نفكه عشان يرجع شكله زى الصورة اللى فوق برنامج WinRAR إن شاء الله هتلاقيه أكيد فى مكتبة البرامج سطبيه وهو هيشوف الملفات المضغوطة عندك اوتوماتيك يارب أكون قدرت أساعدك ... ولو فى أى استفسار تانى .. أنا فى خدمة حضرتك تحياتى ليكى وللأخ على

أكبر تشكيلة لإكسسوارات المواضيع طبعاً الإهتمام بشكل المواضيع عامل مهم جداً بالنسبة لأصحابها وغالباً بيكون شكل الموضوع وطريقة عرضه واستخدام الإكسسوارات فيه يساعد فى اخراج المضمون فى أحسن صورة معانا دلوقتى والحمد لله من قبل ومن بعد أكبر تشكيلة لإكسسوارات المواضيع ممكن تستفاد منها تم تجميع وترتيب التشكيلة دى بعد وقت وجهد كبير بحيث تطلع شاملة ومرتبة محبناش نحط صور التشكيلة مباشرة فى الموضوع عشان عدد الصور كبير وثانياً عشان ممكن يحصل تهنيج للموضوع مع فتحه التشكيلة تحتوى على المجلدات الأتية :- بسملة تحية وترحيب شكر وأدعية أشكال تعبيرية تعبيرية مضحكة زخارف وفواصل ومنوعات أزرار تحميل Download Buttons نشوف صور المجلدات كمثال قبل تحميلك للتشكيلة نيجى دلوقتى للتحميل عمل التشكيلة على شكل اسطوانة تجميعية لإظهارها بشكل جمالى يرتقى لمنزلة المنتدى ويسهل على الأعضاء استعمالها تم ضغط الإسطوانة بمساحة 14 ونص ميجا ورفعها على 8 سيرفرات اضغط على الصورة للدخول لصفحة التحميل يارب أكون قدرت أرتب التشكيلة بالنظام اللى يعجب الكل وأكون وضعت الموضوع بمكانه الصحيح وربنا يسامحنى لو كان السهو خلانى أحط حاجة مش فى مكانها الصحيح فى التشكيلة تحياتى للجميـــــــــــــــــــــــــــع

شوف يا بشمهندس علاء الحل بسيط اوى شوف يا غالى ... هو يجيب سكين نايف يعنى توكيل المانى استخدام افريقى ومتقوليش مش موجوده فى السوق حلو الكلام ؟؟؟؟؟؟ بعد كدا يولع نار من زيت الحوت اللى أكلوه من ساعتين فى الصحرا اه الحوت يا خويا اللى كان بيبلبط فى الميه بعدين يسخن السكينة بقى ويحفر على صدره ويكتب " أبووووووووووووووك ... مااااااااااااااات " طبعاً هتقولى طيب ويسخنها ليييييييييييه ؟؟؟؟ أقولك طبعاً عشان التلوث لازم يطهر الجرح ولا يموت الراجل يعنى بعدها يخليه يحس الكتابة اللى على جسمه ويقوله " أبه أبه أبه " ...... طريقة يفهمها الخرس بس هههههههههههههههههههههههههه يروح الواد يخر مغشياً عليه وخلى بالك من النحوى الفصيح ده ........ يشيله صاحبنا ويطلع بيه على طريق أسيوط سوهاج الزراعى ياخدوا أول توك توك برتغالى يصادفوه ويخلى السواق يطلع بيهم على كينيا يعزوا فى أبوه الموريتانى ويواسوا أمه الهندية ههههههههههههههههههههههههههههههه تسلم ايدك يا بشمهندس