الجندى المجهول

اختيار موفق لشاعر كبير بجد بحب عبد الرحمن يوسف شكرا جزيييت خيرا

اللهم امين جزيت خيرا عنا

لا اسطيع ان اوصف هذه الكلمات بجد الله اكبر عليك يا اخى المرابط ذادك الله جزيت خيرا

ربنا يسعدك

عفواً عفواً عفواً سيادة الرئيس المسألة مش أى كلام يتقال وخلاص أو تهجيص المسألة إن احنا بجد بقينا ف عالم قد القرية يعنى بكل وضوح وصراحة وآسف جداً لو ح تلاقى فى حضن كلامى عيب ووقاحه عالم فيه اه0000000 تسمّع زى ا000000 يعنى الخبر اللى بينذاع دلوقتى ف شبرا قبل ما يوصل بنها وغمره الناس ح تشوفه هناك فى باريس يبقى ازاى بتقوللى سيادتك إن الحال بقى أحسن حال والحريه اتمد مداها ورن صداها وبنلقاها فى كل جريده فى أى مقال والإصلاح موجود حوالينا عايشين فيه وبقى لنا سنين بس العيب الظاهر فينا ومخلينا مش حاسيين يابو علاء شعبك جاع زاد الهم عليه والحسرة و الأوجاع أصبح حلمه يلاقى القوت وبيتمنى يجييه الموت قبل ما ييجى الوقت عليه يرهن آخر هدمه عليه وتلقى الناس ماشيين بلابيص......... إسكندرانى

طيــور الشمــال بعشق خريف إسكندريــة وريحة البحـر وشطوطها والليل وساعـة المغربيـة وهمس الفجـر لبيوتهــا ومين فـى الدنيـــا دىَ فى غـلاوة إسكندريـــة دى طيور الشمال فى سماها بتغنى وتعشـق دفاهـــا وتحزن وقت مـا تفوتهـا ولما السحابـة تخبـــى شمس الشتا ف أحضانهـا بلاقى ابتسامـة قلبـــى تمسح همـوم أحزانهـــا ولحظة فراقنـا بشـــوف موج البحـــر الحزيــن بينده بصـوت ملهـــوف ويقوللـى ح تروح فيــن ولما اللقــا يجمعنــــا لو حتى فـى الأحــــلام بيبقى الزمن لـه معنـــى وبتضحــك الأيـــــام

فضوها سيرة فضوها سيرة تمثال الحرية العيرة وقع من طوله مهما تقولوا والشعلة ماتت بالسكتة وانطفى نورها الضلمة رفعت أسوارها ف الكوفة وبغداد والبصرة الأمة بأحلامها محاصرة الحرية .. الكدبة .. الوصمة قدم الظلم بتطبع بصمة وبتكسر إحساس الناس صورة أم شرفها انداس صورة أب فضوا رجولته قدام بنته اللى اتبدلوها الحراس آه م الخسة والأنجاس ملعونة حرية سام ملعونة إذا كان القاتل بيعلقوا فوق صدره وسام ملعون السجن والسجان والزنزانة واالهوا سام والحكام والسلاطين صحبه وأصحاب الشياطين مش شايفين مش عارفين سامعين ولا ودانهم طين بغداد ضاعت لما اتباعت بالكرسى أرض فلسطين أحمد يسرى ابن الجنوب

و انا زيك بحب البحر و باعشق في عنيه الزرق رحلة عمر يناديني و اناديله و يحكي همومه طول ليله اتاري البحر شايل هم زيي كمان و بنشوفه نقول خالي من الأحزان و هو منكوي م. القهر

بحب البحر بحب البحر بحب البحرمن يومى وبعشق زرقة الميه وبنسى الغربه وهمومى والاقى فى شطه حنيه بحب البحر موالى وذكرى حلوه باقيالى وفوق الشط يحلالى أصارحه بكل أمنيه بحب البحر لو هادى وشوقى ليه ماهوش عادى وصوته لما بينادى بحس بإنه أغنيه بحب البحر واشتاق له فى عز الغربه بنده له يدق بيبانى أفتح له واخبى الحلم فى عينيه بحب البحر...

أنا وردة حمرة مصرية . أنا وردة حمرة مصرية و بحب كمان الحرية بين وردة جميلة دهبية في جنينة خضرا مروية أنا وردة و بفتح عيني على صحبة فل و ياسمين و النرجس سحره بيشجيني أنا وردة و الورقة كتابي راح أسجل فيه كل شبابي و بشوكي أحارب أعدائي أنا وردة و ده عهد عليه إني أملا الدنيا حنية بكتاب الله و يا السنة و العلم ده نور للبشرية.

الاسم : صابر التهمه : مصري السن : اجهل اهل عصري لرغم انسدال الشيب ضفاير من شوشتى لما لتحت خضري المهنه : وارث عن جدودي والزمان صنع الحضاره والنضاره والامان البشره : قمحى القد : رمحى الشعر : اخشن م الدريس لون العيون : اسود غطيس الانف : نافر كا لحصان الفم : ثابت فى المكان واما جيت ازحزحه عن مطرحه كان اللى كان جهه الميلاد: فى أي اوضه مضلمه تحت السما على ارض مصر من أي دار وسط النخيل مطرح ما يجري النيل ما دام ما يكونش قصر الحكم: من سبع تلاف سنه وانا راقد سجين اطحن على ضراسي الحجر من الضجر وابات حزين الاسباب : سالنى سائل حبستك طالت وليه ولانى طيب وابن نكته ما فيش مخالفه ركبتها ضد القانون لانى خايف والقانون سيفه ف اديه تسأل عليّ المخبرين فى أي حين تسمع وتفهم قصتي الف وبيه الاسم صابر ع البلا أكبر حمار شيل الحمول من قسمتى والانتظار اغرق فى انهار العرق طول النهار والم همى فى المسا وارقد عليه عرفت ليه ؟

الامام على الاقرب الى القلب كلمات علامات فى التاريخ جزيت خيرا اختى

بجد الله اكبر الكلمات رائعه شكر للنقل اخى الرام

تسلم ايدك على ردك النور بيك اكتر

جزاك الله خير اخى متخافش مش حعترف المره دى

جميل فعلاً تكون الكلمة ضحكاية تجمعنا و نسمعها و تسمعنا و لو مرة حنتغرب تنادينا ترجعنا جميل فعلاً تكون الكلمة حضن و بيت و سبورة تعلمنا و تحمينا تشاركنا امانينا و بتطبطب على قلوبنا و توجعنا جميل فعلاً تكون الكلمة جامعانا نروح لكن ... حيتفضل هنا المعنى .....

فى يَومٍ مِنْ بَعدِ المغربْ.. رُحْتُ عَلى النيلِ يا أَحبابى... أسْتَنْشِقُ بَعْضَاً مِن نِسَمِ... كَى أنسَى مرَاتى وعَذَابى... قَابْلِتنى دَورِيِّة شُرطَه... إلتَفَتُوا وَقَالُوا لِجَنَابى... وَرِّينَا بُطَاقتَكْ يا مُوَاطِنْ... قُلتِ لهُم حَاضِر يَا شَبَابِ... لَمَّا أنْ نَظَروا فى بُطَاقتى... قّالولى تَعَالَى يَا إرهَابى... مِن رُعْبى سَكَتُّ ولَم أنْطِقْ... مِ الْخَضَّهْ سَابِتْ أعصَابى... رُحْتُ أُسَائِلُهُمْ فى ذُلِّ... يَا سَادَهْ إيهِ الأسبَابِ... قَالوا سَتَعرِفُهَا يَا مَخَرِّبْ... يَا عَالَمْ طَارَتْ ألْبَابى... لَمَّا اقْتَادُونى إلَى القِسْمِ... إلْتَفُّوا حَوْلى كَأَسْرَابِ... إلضَابِطْ قَاللى يِاشِيخْ يِحْيَى... لِى سُؤَالٌ يَحْتَاجُ جَوَابِ... قُلْتُ يَا أُسْتَاذى فَلْتَسْألْ... قَدْ جَفَّ مِنَ الْحَلْقِ لُعَابى... مَكْتُوبٌ فى بُطَاقْتَكْ شَاعِرْ... رَدِّيتْ فى الْحَالِ بإيجَابِ... قَاللِّى لَكَ عَقْلٌ وَتُفَكَّرْ... قُلْتِ لُه أحْيَانَاً بِحِسَابِ... قَاللِّى أتُهَزِّرْ يَا رُوحُ أُمَّكْ... أيَّامُكَ فى لَوْنِ هِبَابِ... رَدِّيتْ هَلْ خُلِقَ لَنَا الْعَقْلُ... نَلْبِسُهُ كَجَزْمَه وَشَرَابِ... قَاللِّى أتَتَلاَمَضُ يَا جَرْدَلْ... يَا كَلْبَاً مِنْ نَسْلِ كِلاَبِ... فَورَاً سَتُوَقِّعُ إقْرَاراً... أَنَّكَ نَادَيْتَ بِإضْرَابِ... أُستَاذِى لَمْ أَضْرِبُ أَحَدَاً... قَسَمَاً بِاللَّه وَبِكِتَابى... قَاللِّى ضَبَطْنَاكَ بِمَنْشُورٍ... تَنْتَقِدُ الْوَالِى الْحَبَّابِ... وَالشِّبْلُ القَادِمُ فى أَلَقٍ... كَالشُّهُبِ يُمَزِّقُ أحْجَابِ... رَدِّيتْ وَالله لَم أنْشُرْ... فى حَيَاتى غَيْرَ الْجِلْبَابِ... فَامْرَأَتى لاَ تَقْبَلُ أبَدَاً... أنْ تَغْسِلَ يَومَاً أثْوَابى... أطْبَاقُ الْمَنْزِلِ أغْسِلُهَا... وَالْحِلَلِ وَحَتَّى الأكْوَابِ... أمْوَالِى تَأخُذّهَا وَأيْضَاً... لاَأسْلَمُ مِنْ أىِّ عِقَابِ... تَحْيَا فى بَذَخٍ فى رَغَدٍ... وَتُنَشِّفُ رِيقى وَرِضَابِى... أحْيَا فى الجُوعِ وِإمْرَأتى... مِنْ خَيرِى تَتَعَشَّى كَبَابِ... لاَ أدْرِى كَيْفَ وَفى دَارِى... أَتَعَامَلُ مِثْلَ الأَغْرَابِ... إمْرَأتِى وَأنْتُمْ وَالْوَالِى... حُكَّامِى بِكُلِّ الأحْقَابِ... أعْشَقَكُمْ رَغْمَاً عَنْ أنْفِى... عِشْقَاً جَبَّارَاً غَلاَّبِ... أحْلاَمِى فِى خَلاَصِى مِنْكُمْ... تَتَحَوَّلْ دَوْمَاً لِسَرَابِ... أمْرَأَتِى تَهْوَانِى تَمَللِّى... لَوْ أجْعَلُ كَفِّى سَيَّابِ... أيضَاً فى غَرَامى تَتَمَادَى... إنْ صَارَ الْكَفُّ كَمِزْرَابِ... أنْتُمْ تَلْقَوْنِى بِصَرَاحَهْ... فى القِسْمِ بِكُلِّ التِرْحَابِ... أيدِكُمْ تَهْوَى التَرحِيبِ... بِقَفَايَا ذِهّابَاً وَ إيَابِ... وَالْوَالِى أُصَدِّقُهُ حَتَّى... إنْ طَمَعَ فى أكْلِى وَشَرَابِى... إنْ يَأمُرُ فى الحَالِ أُلَبِّى... مِنْ أجْلِهِ سِبْتُ الإنْجَابِ... إنْ ألْقَى خِطَابَاً يُشْجِينى... يُطْرِبُنِى كَثُومَه وَوَهَّابِ... قَاللِّى أتَسْتَهْزِءُ بِالسُلطَهْ... يَا خَائِنْ سَتَطِيرُ رِقَابِ... قُلْ لِى مَنْ يَسْمَعُ أشْعَارُكْ... رَدِّيتْ عَ النِّتِّ وَ أتْرَابِى... قَاللَّى اسْتَدْعَيْنَا إمْرَأتُكْ... قُلْتُ سَتَرْعَانِى بِمُصَابِى... أوِّلْ مَاجَاءَتْ إمْرَأتِى... مِنْ قَبْلِ مَا تِوصَلْ للْبَابِ... قَالَتْ إرْهَابِى مِنْ يُومُه... سَوْفَ أُكَلِّمْكُو بِإسْهَابِ... هَذَا المَتْعُوسِ الْمُتَمَرِّدُ... أوَّلُ مَنْ نَادَى بِإرْهَابِ... لَمْ يَأتِى بِخَرُوفِ العِيدِ... جَرَّسْنِى قُدَّامْ أصْحَابِى... عَامِلْ سِى السَيِّدْ فى البَيْتِ... دَوْمَاً يَبْرُمُ لِى الأشْنَابِ... لِلْوَلَدِ يَقُولْ دَايْمَاً ذَاكِرْ... أوْ رُوحِ اقُرَالَكْ فى كْتَابِ... لِلبِنْتْ يَقُولْ عِيبِ احْتَشَمِى... وَالْتَزِمِى دَوْمَاً بِحِجَابِ... لا يَرْضَى أنْ أخْرُجَ أبَدَاً... شَعْرى يَتَطَايَرُ لِسَحَابِى... لَو ألْبِسْ فُسْتَانْ للسَهْرَهْ... مَفْتُوحٌ إلَى فَوقِ ركَابِى... صَدْرِى وَذِرَاعى مَا غَطَّى... مَنْظَرُ فَتَّانٍ خَلاَّبِ... يَلْقَانى بِبُوزٍ مَقْلُوبِ... يُشْبِعُنى لَوْمَاً وَعِتَابِ... إمْرَأتى تَكْذِبُ يَا عَالَمْ... صَاحَتْ بَلْ أنْتَ الكَذَّابِ... والكِذْبُ بِدَمِّكَ مَمْزُوجٌ... يَابُو سِحْنَهْ تُشْبِهْ لِغُرَابِ... لاَ أعْرِفُ كَيفَ تَزَوَجْتُكْ... صَايِعْ مَجْهُولَ الأنْسَابِ... يا سَادَهْ زَوجى وَبِنْ لادِنْ... يَوْمِيَّاً أكْلٌ وَشَرِابِ... قَالُولهَا أيَأتى الزَرْقَاوى... رَدَّتْ يُومَاتى عَلَى البَابِ... يَأتِينَا وَمَعَهُ الصَفْرَاوى... والفُوشْيَا وَبُنِّى وَعِنَّابِ... يا امْرِأَتى دِى فِيهَا إعْدَامٌ... هَدْمٌ لِلأُسرَةِ وَخَرَابِ... قَالَتْ فَلْتُعْدَمْ يِا حَبيبى... قُلْتِ لْهَا حَتِبْقى أرْمَلَةً... قَالَتْ أُمْنِيَّةَ عُمْرِى وَشَبَابِى... أرْمَلَةٌ...زَوْجَةُ مَرْحُومٍ... مَا أجْمَلُ هَاذِى الألْقَابِ... فَارْحَلْ يَا حَبِيبى لاَ تُبْطِئ... وَلْتَرْجِعُ فَورَاً لِتُرَابِ... الدُنْيَا دَوْمَاً لِزَوَالٍ... .

وجزاك خير منه اخى

اللهم اهدى الامه وفرج الكربه شكرا اخى

وبارك لك د\ عبقرينو

مسابقة وجوايز موضه وطالعة إعلان لسلعة بايرة وبايظة أو حتى فاسدة *** نغري زبونها ببنت حلوة بيضة ولاَّسودة أو حتي كوده قايده المفاتن وتمللِّي والعة **** شوف البضاعة آخر حَمَار من بسْ لمسه تطلَّع شرار شعاع ونار م الخد طالعه **** خد لك صورة سته ف تسعة صورة بس إيه تكسب ياسيدي سُمْعه وشهرة وخضار سُوتيه تبيعه بكره بمليون جنيه بس البداية آخد غداي وحاجة للعيال خمسين جنيه دول مش كتير جرب يا بيه **** وأدي خبَّاز يخبز رغيف بقشْ وجاز ناشف وجامد زي القزاز **** قال من حلاوته و كمان طعامته لو تاكله حاف يجيلك زوغطه روحك ف ورطه لو ورك وزة أو حتى بطه وخضار بدمعة عليه شطة الحق منابك واقطع لقمة تيجي ودن قطه **** قادم وغمسْ حبة خُضار لمَّا قطعت حرف الرغيف لقيت فيه حاجه طريه بصله ناشفه و رجل لفار **** رحت اشتكيه لبتاع الصحة أتاريه تعبان داخل مصحة مهدود حيله وعنده كحة **** قال يا سيدي بصوت ضعيف عاملين مسابقة في ألف شنطه بحق وحقيقي وماهيش أونطه اللي هايجمع جته لفار ملهش ملة كبير صغير طويل قصير أو قد عجلة ندي له جايزة معزة وجاموسة وكمان حمار **** ابعت جوابك آخر النهار وفيه منابك صاحب المدار عامل مسابقة حرة ونزيهة ماهش قمار

تعلمنا التميز من اصحابه اخى معلم التميز

ربنا يكرمك حبيبى د\عبقرينو

جزاك الله عنا خيرا بجد جميل