يابخت من يقدر يقول

[يابخت من يقدر يقول]

السلام عليكــم ورحمـة الله وبركاتــة ،،

الف شكر يا عاشق على الرد الجميل

وربنا يكرمك بكره يا ندى وان شاء الله ربنا يوفقك

بس ماتنسيش الحلاوه

[رباعيات جاهين]

الف شكر لكل اللى شارك فى الموضوع

ونفسى الناس اكتر تشارك فى المضوع

يومي علي الله تنتهي و تغيــــب

الشمس و تعود تاني يوم لهاليب

زي الحياة مأساه و من كترهــــا

بقي لا انتهاءها و ابتداءها عجيب

عجبي !!

الدنيا صندوق دنيا .. دور بعــــد دور

الدكة هي .. و هي كل الديكـــــــــور

يمشي اللي شاف ويسيب لغيره مكان

كان عربجي أو كان امبراطــــــــور

عجبي !

فوق تحت . ورا قدام . يمين شمـــال

في الجو . تحت الميه . أو في الرمال

طلب الكمال يحرم علي الممـــــــــكن

و الممكنات دول محرومين م الكمال

عجبي !!!

[مختارات من كلمات صلاح جاهين]

بجد كلام رائع

انا من الناس الى بتجب كلام صلاح جاهين

بجد مجهود رائع تسلم

يارت تجيب كتير حاجات لصلاح جاهين

[طرزان]

طرزان

 

يوم الخميس

و اللب و الأحلام فى كيس

طرزان بيغطس فى الهويس

طرزان جدع

طرزان شديد

دراعه أجمد م الحديد

قزقزت نص الللب ، هاه

طرزان بيصرخ : عا عا عاه

خنق الاسد

طحن الدماغ ، عجن الجسد

قرقشت باقى اللب من غير قزقزه

طرزان صرخ قال : عا عا عاه

صرخت أنا كمان وراه .

 

و لما قال لشيتا : يا امه زغرطى

و حط رجله عالتعيس ، فوق التراب

حطيت معاه رجلى ، بدون جزمه و شراب

و رسمت بعيون الخيال ، بدل الاسد

محمود أفندى حسين .. مدرس الحساب

[يابخت من يقدر يقول]

يا بخت من يقدر يقول

واللي ف ضميره يطلَّعه

يا بخت من يقدر يفضفض بالكلام

وكل واحد يسمعه

يقف في وسط الناس ويصرخ : آه يا ناس

ولا ملام

ييجى الطبيب يحكي له ع اللي بيوجعه

يكشف مكان الجرح ويحط الدوا

ولو انكوى

يقدر ينوح

وانا اللي مليان بالجروح

ما اقدرش اقول

ما اقدرش ابوح

والسهم يسكن صدري ما اقدرش انزعه

شوفي قد إيه؟

احنا النهارده إيه في أيام السنه

شتا والا صيف

وفين أنا

إيه اللي وصّلنى هنا

أنا صاحب البيت والا ضيف

صوتي انحبس

ما اقدرش اقول

ما عرفش حاجه عشان اقول

[احنا مش انصار يا غزه]

احنا مش انصار يا غزه

 

زمان دعوه الاسلام اتحاربت من الكفار لما كانوا فى مكه وكانوا سيبادوا على يد الكفار لكن لما امرهم ربهم بالهجره عرضوا على كل الناس فى الجزيره انهم يتحمله رساله الاسلام ويدخلوا الجنه برحمه ربنا وفعلا الانصار فى المدينه المنوره تحملوا مسوليه الدين والدعوه وهاجر مسلمين مكه الى المدينه وكان الانصار عارفين انهم كده بيعادوا اكبر قبيله فى الجزيره العربيه ورغم كده خافوا على الدين والناس من بطش قريش وحموا المسلمين وكمان قسموهم فى العيشه وحاربو معهم الكفار وكانوا مش قد قريش لاناس ولاصلاح

دلوقتى اهل غزه بيموتوا وطلبين الانصار بس للاسف يا اهل غزه الانصار ماتوا بعد الرسول صلى الله عليه وسلم

اسالكم الدعاء للشهداء والدعاء بالتثبيت الى اهلهم

[رباعيات جاهين]

الطريق شوك لكن هايش

والحمرة مش يعنى الطريق حايش

ده دمنا السيال وبشرة خير

ان انت عيشة وان انا عايش

عجبى

دى رباعيه من رباعيات صلاح جاهين

كان نفسى من زمان انزل ربعيات صلاح جاهين بس كنت مستنى افضى لو الربعيه عجبتكم نكمل وياريت اى حد عنده رباعيه يشارك

[جيفارا مات]

 

الطريق شوك لكن هايش

والحمرة مش يعنى الطريق حايش

ده دمنا السيال وبشرة خير

ان انت عيشة وان انا عايش

عجبى

صلاح جاهين

[في حب مصر]

بجد الله اكبر على الكلام

تسلم ايدك يا بحر

والله العظيم الناس دى كانت بتحب مصر

[شوفتوا بيحب مصر ازاى]

واحنا فايتين ع الحدود

صلاح جاهين

مستمرين في الصعوود

اختفى النيل الجميل من تحتنا

و المدن و الريف و أول عمرنا

و ابتدى شيء ينجرح جوه الوجود

و ابتدينا أسئلة ملهاش ردود

ميلنا عالشباك نخبي

دمعة فرت مننا

باصة مالشباك على البحر البعيد

واحنا داخلين بالأمل عالم جديد

كنت فاكرة يا مصر اني زهقت منك

و إكتشفت إني محال أستغنى عنك

حتى دوشة صوت جيراني

و الزحام وحشوني تاني

بسمة حلوة لطفلة صغيرة

لما كنت أديها حتة سكرة

قبل مانفوتك وحشتينا

يا مصر يا أمنا

و ابتدى شيء ينجرح جوه الوجود

و ابتدينا أسئلة ملهاش ردود

ميلنا عالشباك نخبي

دمعة فرت مننا

كنت بتذكر و أنا في غاية الأسى

لعبنا الكورة في حوش المدرسة

و الشقاوة واحنا لسة صغيرين

و البراءة و الصحاب الطيبين

لما سألتني اللي جنبي

إنت مصري ؟؟...دق قلبي

إسم زي السحر رفرف عالمكان

زي نسمة مهفهفة بصوت الآذان

أيوة مصريين لآخر

كل نقطة في دمنا

و ابتدى شيء ينجرح جوه الوجود

و ابتدينا أسئلة ملهاش ردود

ميلنا عالشباك نخبي

دمعة فرت مننا

الوجوه من ثلج و عيون من قزاز

شوقي زاد للعشرة و الناس العزاز

و إبتديت أكتب و أنا فوق السحاب

إبتديت يا حبيبي في أول جواب

مصر إنتي حتة مني

مش مجرد إسم وطني

قالوا فاضل نص ساعة عالوصول

قلت ايه معنى الساعات و الا الفصول

إلا في الأرض اللي فيها

ذكرياتنا و حبنا

و ابتدى شيء ينجرح جوه الوجود

و ابتدينا أسئلة ملهاش ردود

ميلنا عالشباك نخبي

دمعة فرت مننا

صلاح جاهين _ اشعار صلاح جاهين _ قصائد صلاح جاهين _ شعر _ قصائد _ اشعار

[مسرحيه الموت]

مسرحيه الموت

عنوان لااخر مسرحيه كتبها احد اكبر موالفى المسرحيات فى اليهود

البطوله

حماس

ليفنى

باراك

المشاركه الفعاله

قطر

الاردن

نجم الزمن القديم

جمهوريه مصر العربيه

المشاركه المحدوده

فتح

بعض دول العربيه والغربيه

النص

زياره متوقع من ليفنى لمصر

حماس واطلاق صواريخ على اسرائيل

ولانه تبداء الادوار الرئسيه

عمليه عسكريه موسعه من اسرئيل على غزه

مقتل حتى لان 330 شهيد

تدمير شبه كامل للبنيه التحتيه لغزه

ولان يبداء دور المساعين

تنديد عالمى عربى بفتح معبر رفح امام اهالى غزه

ومظاهرات فى كل العالم العربى بضروره معبر رفح

وان مصر هى تساعد اسرائيل فى عمليه الحصار على عزه

ولكن مصر لا تردخ للتنديد العلمى وبالتالى تظل اسرائيل تضعط على حماس عن طريق ضرب منازل المدنين والجوامع والمستشفيات

ويرتفع فى كل لحظه عدد الشهداء وكل ما يفعله العالم هو انظار شهيد جديد على شاشه التلفزيون او مجموعه من المسؤلين على قناة فضائيه

يلقون على بعضهم البعض الاتهامات

ونحن الشعب العربى نقلب كف على كف ونقول يا سلام لاحول ولاقوه الا بالله

حرام الى بيحصل للناس دى

[مليون سلام]

(( سلاموا عليكوا

عليكوا السلام ))

وأحلى الكلام

يبدأ تمللى بكلمة سلام

لو ع السلام مليون سلام

لو الحمام أسراب حمام

بس السلام يبقى باصول

مش ضحك يابا على الدقون

ولا فض مجلس والسلام !

ده السلام يعنى العمار

يعنى عش

ويعنى دار

يعنى صوت عصفور يزقزق

جوه عشه النونو شقق

نور يصبًح ع النهار

يعنى قمحة فوقها قمحة

يعنى بنت بنوت بطرحه

يعنى ضى ويعنى نور

مش مناجل شر قازحه

سارحه بتحشى الجذور

ده السلام يعنى المصالحه

يعنى فرع من الأمانى

خضرا جوه قلوب مسامحه

هو ده معنى السلام

يلى موًتوا المعانى

جوه فى عروق الكلام

لو ع السلام مليون سلام

لو ع الحمام أسراب حمام

مين فينا ما يحبش ينام

فوق مخده بريش نعام

يطرح الموال غناوى

فوق خدود ورد وريحان

ده السلام يعنى البشاره

يعنى صفارة أمان

يعنى إيد على إيد تسلم

تنفتح كل البيبان

آه يا سلام لو فيه سلام

كنت أقوم م الفجر افرق

ألف شمعه ع الحبايب والجيران

كنت أعلق ورده بيضه

فوق شعور كل البنات

كنت اجيب فرقة موسيكا

يعزفوا السيكا بصاجات

واجرى أذوق كل شبر وكل حاره

بالكهارب والزينات

ده السلام يعنى ابتسامه

مش ندامه وسكه مفروشه بآهات

هو ده معنى السلام

يلى خليتوا المعانى

ضايعه فى حروف الكلام

لو ع السلام مليون سلام

لو ع الحمام أسراب حمام

والسلام عهد وامانه

حتلاقوه موجود حدانا

لحن بيكمل غنانا

وف تسابحنا وكلامنا

وف تحيتنا وسلامنا

فوق ملامح طفل سارح

وف عنيه ضى ابتسامه

بين شفايفه سنه فضه وسنه لولى

وف ضفاير بنت سمرا

جوه فى عيونها الزتونى

حلم راجع بالسلامه

جوه حجر أمى اللى قاعده

ف ريحى تستنى الأماره

فى الشوارع ع الحجاره

فى المداين ف المعابد

فى الكنايس ف المساجد

وف آدان الفجر لمًا

تضوى فى قلوبنا البشاره

ده السلام يعنى المحبه

سنبله بميت ألف حبه

والسلام عهد وأساس

السلام مش بالرصاص

مش سلام على ناس وناس

مش مدافع مش بارود

مش مدافع مش بارود

مش قنابل مش حشود

مش ده طه وده داوود

ده السلام موال غلابه

لاقيه روحها فى وسط غابه

بينهشوا فيها الديابه

واللى واقف ع الحدود

نفسه يوم يقدر يعود

يشرب الموال حكاوى

صبح نادى وريح تقاوى

السلام مش بالإفاده

مش جنازه وقهوه ساده

السلام يعنى السيادة

قوة تسندها الإرادة

يبقى عرضك هو عرضى

نبض أرضك يروى أرضى

ونبقى فيها الكل واحد

مش لازمنا ومش معانا

هو ده معنى السلام

يلى خبيتوا القنابل

جوه ف براج الحمام

يلى عمًرتوا المدافع

لجل ما يموت الكلام

وعشان يكون مسك الختام

راح أقولكم أحلى الكلام

ملعون سلامكم والسلام

ملعون أبو خاش اللى سلم

يوم عليكوا واللى حيسلم عليكوا

واللى سلم من زمان

[نصيحه لوجه الله]

اللى ما يعرف عدوه

 

عمره ما يعرف صديق

 

واللى يختار يوم رفيقه

 

عمره ما يضل الطريق

 

واللى واقف ع المفارق

 

يوم مشرق يوم مفارق

 

مش حتفرق لو يفارق

 

قله حيفضى الطريق

 

سكته سكة مهالك

 

له طريق فى الضلمه سالك

 

لو أجير أو كان ده مالك

 

ع الشطوط ح يموت غريق

 

واللى ماشى لوحده سارح

 

تنكره كل المطارح

 

ميته من بحر مالح

 

عمرها ما تبل ريق

 

واللى عقله سجين لفكره

 

واللى جوه ضلوعه سجنه

 

عمره ما يتمد ذكره

 

والبراح فى عنيه يضيق

 

واللى يرضى يوم بذله

 

واللى شاف الحق ضله

 

واللى واقف زى ضله

 

عمره يوم ما يكون طليق

 

واللى ما يعرف عدوه

 

عمره ما يعرف صديق

 

واللى يختار يوم رفيقه

 

عمره ما يضل الطريق

[حاتجن ياريت ياخوانا مارحتش لندن ولا باريز]

حاتجن ياريت ياخوانا مارحتش لندن ولا باريز

دي بلاد تمدين و نضافة و ذوق و لطافة و حاجة تغيظ

...

مالاقيتش جدع متعافي و حافي و ماشي يقشر خص

ولا شحط مشمرخ افندي معاه عود خلفه و نازل مص

ولا لب اسمر و سوداني و حمص و انزل يا تقزقيز

حاتجن ياريت ياخوانا مرحتش لندن ولا باريز

 

...

ولا واحد طالع يجري و واحد تاني بيجري وراه

و يقول ها هع حصلتك يابن اللي ابصر ايه عاملاه

لا الشارع غيط ياخوانا ولا احنا بدارة ولا احنا معيز

هتجن يا ريت ياخوانا مرحتش لندن ولا باريز

 

 

ولا عركة ف نص الليل دايرة بالحيل و ساحبها بوليس

قدامها جدع متجرجر وشه معور قال دا عريس

الخلق ماهي بتتجوز واشمعنى احنا مفيش تمييز

حاتجن ياريت ياخوانا مرحتش لندن ولا باريز

 

 

ولا واحد بيبيع حاجة يقول بريال و تاخدها بصاغ

ياخوانا دي حتى الابرة تاخدها بدوشة و قلب دماغ

حلفان و عراك و مناهدة و يمكن ضرب كفوف يا حفيظ

هاتجن ياريت ياخوانا مرحتش لندن ولا باريز

 

ولا واحدة ف وش الفجر تبرطع مالية الدنيا صواط

قال ايه جوز خالتي ام احمد سلفة اخوها السيد مات

سبحانك ما اعظم شانك والله الموت ده مفيد و لذيذ

حاتجن يا ريت ياخوانا مرحتش لندن ولا باريز

 

 

بيرم التونسى _ شعر بيرم التونسى _ قصائد بيرم التونسى _ شعر عامى _ شعراء _ شعر _قصائد

[سـلام مربـع]

للي ربّع

او مدوّر

للي دوّر

في البلد دي ع الأمانـي

سـلام مربـع للأمانـي

وجمهورية كانـي مانـي

ولنظامها البرلمانـي

سـلام مربـع للكبير اللي استربّع

فوق دماغ مشّش و صدّع

من كـلام عمال بيرسم

دنـيا حلوة فـ الأغانـي

سـلام مربـع للأغانـي

 

سـلام و داير ع الصوانـي

كـلام و ماشي في ديل كـلام

ولحن تايه في الزحام

غنّى النظام علشان ننام على صوته

نمنا ما قومنا تانـي

سـلام مربـع للي ناموا ماقاموا تانـي

اللي طافوا واللي خافوا

واللي شد عليه لحافُه

وغمّى عينه ع اللي شافه

و راح يقدم للي كمم صوتنا

ولابنه التهانـي

سـلام مربـع للتهانـي

 

ابن وز وغصب عنا في نيل هوانا

سوا برضانا او المهانه

راح يعوم

ابن حاكم يبقي حاكم

بالوفاق او بالمحاكم

في القانون المستحيل لازم يهون

والوريث يصبح رئيس

بشكل شرعي و فـ ثوانـي

سـلام مربـع للثوانـي

 

 

تشريعات على كيف هواهم شرّعوها

وعود قالوها و ضيّعوها

و لعبة بايخة اتعودوها

ناس بترضى وناس بتخضع

ناس مُناها تحب تسمع

يبقى تسمع على مزاج

خطبة تخلق الف مصنع

خطبة تروي و خطبة تشبـع

خطبة تبنـي

فوق رمال الصحرا ألَفات المبانـي

سـلام مربـع للي بانـي

 

بانـي مجد عشان طموح

[ديك دا طور]

ايها السادة اللى مش سادة

اليكم نشرة الهم المعادة

فى حديث خاص لاذاعة هس هس العالمية

صرح الوالى المعظم من ولاية ننا ننا

للولاية بتاعنا احنا

اللى عارف كل حاجة

واللى فاهم كل حاجة

والى مش محتاج لحاجة

الا لشوية عزيمة على حبة من ارادة

بس عايزين الصراحة

كان حديثة نيلة خالص

سورى عفوا

كان حديثة حلو خالص

والمذيعة حلوة خالص

والكلام كان حلو خالص

بس كان هايس ولا يص

خدنا فيه الساعتين بطوله

مش لاقى حاجة يقوله

واللى بيقوله يعيده واللى بيعيده يقوله

خلت العثمان بتاعنا عقله خلبت خلطة بيطة

قاله يخرب بيت ابوكى قولى حاجة يا مصيبة

انتى ويانا عليهم ولا وياهم علينا

تنح المذكور وقاله يا بلاوى افهمونى

انا طول عمرى حيادى

اعشق اللون الرمادى

بس فكرى كان ضرورى يكون احادى

زى فكر الى جبونى كان ضرورى يكون احادى

قالع عفوا يا عظمتك يعنى قصدك ديكتاتور

قاله ديك ده اللى قصادك

ولا طور

قاله ديك

قاله يبقى انت اللى طور

[احباب الله]

هو : مين أحباب الله

 

هم : صناع الحياه

 

اللى بيبنى واللى يعمر

 

واللى بيزرع واللى يخضر

 

واللى ف وقت الشده يشمر

 

دول أحباب الله

 

اللى يربى واللى يعلم

 

واللى يداوى جراح متألم

 

واللى يدافع عن متظلم

 

دول احباب الله

 

واللى بيسهر ويا كتابه

 

ويقدم للعلم شبابه

 

ويخوض البحر ولا يهابه

 

دول احباب الله

 

واللى بيحلم حلم بلاده

 

وبيشقى على رزق ولاده

 

وبيحمد ربه على زاده

 

دول احباب الله

 

واللى عطوف القلب وطيب

 

واما بيزعل زعله قريب

 

عمره عن الاحباب ما يغيب

 

دول أحباب الله

 

واللى يحب لنفسه الخير

 

زى ما بيحبه للغير

 

والحقانى لسان وضمير

 

دول احباب الله

[إسكندرية يامرية]

إسكندرية يامرية

ياأم التراب الزعفرانى

ياللى فىبحورك بانسى ايه معنى الأسية

وفى رملتك دفنت يامّا احزانى

والله هواك مافى جماله

ولا زى ميتك راح القى مية

ياسكندرية

انا سايبة فيكى حتة منى

ومش بايدى ده غصب عنى

فيه حته منى من هناك نادت عليا

تعالى ياما وسيبى عندك حتة تانية

اصل الفراق مكتوب عليكى

من وانت طفلة صغيرة كان بيناديكى

بيقولك الدنيا كده

هتحبى ده مش حتلاقيه مابين ايديكى

راح تسكنى طيارة مالهاش مطار

هم البلاد ياولاد بقو ليه كتار

ليه المسافات ليه الحدود

واللا ده ليل مالهوش نهار

آآآه ياحبايب وراح اشكى احزانى لمين

انتم بقيتو جوه قلبى قريبين

وفحضنكم مش حاكتم السر الدفين

انا ياحبايبى قلبى مابين وبين

الهى يجمع شملنا ويعيدنا لبلادنا مكرمين

ويحفظ اللى هنا واللى هنا قولو معايا ياناس آآآآآآمين

*168*

كتبتها قبل مغادرتى للإسكندرية حيث تركت أكبر أبنائى يدرس بالجامعة

ولحقت بباقى الأبناء فى الغربة

حيث ما تبقاش عارف مين والله اللى فى غربة

إنتظرو منى قريبا

 

غربةياأم التراب الزعفرانى

ياللى فىبحورك بانسى ايه معنى الأسية

وفى رملتك دفنت يامّا احزانى

والله هواك مافى جماله

ولا زى ميتك راح القى مية

ياسكندرية

انا سايبة فيكى حتة منى

ومش بايدى ده غصب عنى

فيه حته منى من هناك نادت عليا

تعالى ياما وسيبى عندك حتة تانية

اصل الفراق مكتوب عليكى

من وانت طفلة صغيرة كان بيناديكى

بيقولك الدنيا كده

هتحبى ده مش حتلاقيه مابين ايديكى

راح تسكنى طيارة مالهاش مطار

هم البلاد ياولاد بقو ليه كتار

ليه المسافات ليه الحدود

واللا ده ليل مالهوش نهار

آآآه ياحبايب وراح اشكى احزانى لمين

انتم بقيتو جوه قلبى قريبين

وفحضنكم مش حاكتم السر الدفين

انا ياحبايبى قلبى مابين وبين

الهى يجمع شملنا ويعيدنا لبلادنا مكرمين

ويحفظ اللى هنا واللى هنا قولو معايا ياناس آآآآآآمين

*168*

كتبتها قبل مغادرتى للإسكندرية حيث تركت أكبر أبنائى يدرس بالجامعة

ولحقت بباقى الأبناء فى الغربة

حيث ما تبقاش عارف مين والله اللى فى غربة

إنتظرو منى قريبا

 

غربة

[> قصيده (طار الحمام]

طار الحمام اسراب وسابوكى تتألمى

مخنوقه وسط الضباب مش قادره تتكلمى

وعمى عنيكى التراب مش شايفه تتقدمى

دول كلهم اندال ماحد منهم بقا

ياما الكلام ده اتقال وانتى ولا مصدقه

ابكى عشان الدموع تغسل عيونك بقا

وحاولى تانى الرجوع من جرحك اتعلمى

طيرى وشوفى النور هناك بيندهلك

لو الجناح مكسور امشى على رجلك

ولو قدم مبتور عالتانىعلى مهلك

سيبى الليالى تدور وغنى واتبسمى

دى كلها ايام والكل هيشوفو

اللى هرب فى الظلام وادّارى من خوفه

وتطيرى فوق الغمام وتحطى على خوفو

ويخرص جميع الكلام وانتى اللى تتكلمى

لسه بتتألمى...........؟

ليه بس تستسلمى......؟

خايف لبكره يفوت وانتى اللى راح تندمى

منقول

اشعار _ قصائد _ شعراء _ شعر _ شعر فصحى _ شعر عامى _ زجل _ نثر _ ادب

[على باب بلدنا ....]

على باب بلدنا ....

 

 

 

 

 

مكتوب على باب بلدنا :

 

يا جيّ مصر... منك كتير ..!!

 

فيها الوزير والغفير ..

 

واللى نفسه يكون وزير..

 

فيها اللى هادى والمدمن جعير

 

 

 

فيها اللى فرحان باللقا ..

 

و اللى مدمن تريقة ..

 

و اللى مطحون م الشقا ..

 

و اللى نايم ع الحرير ..

 

 

 

فيها اللى عازف غنوته

 

واللى عارف سكته ..

 

واللى قادر يحبطه ...

 

ويدوّقه الطعم المرير..

 

 

 

فيها اللى شارى واللى بايع

 

واللى واكل واللى جايع ...

 

واللى ضاع بسبع صنايع ..

 

سبع صنايع ..!!مش كتير؟؟

 

 

 

فيها اللى مستنى البشاير ..

 

و اللى لافف كعب داير ..

 

واللى ظالم .. واللى جاير ...

 

واللى معدوم الضمير.......

 

 

 

فيها اللى مشحون بالأسى ..

 

و اللى غاوى وسوسة ....

 

واللى من صمته اتنسى .....

 

و الصنف ده منه كتير..!!!!

 

 

 

فيها اللى عالم بالأمور ..

 

و اللى متأنى وصبور ..

 

واللى يرغى كالوابور..

 

ف كل حاجه كلام وفير..

 

 

 

فيها الجميل الأسمرانى ..

 

و الحليوه ....المعجبانى ..

 

و المتيم ...أمريكانى..!!!!

 

و اللى مالك ...و الأجير..

 

 

 

فيها اللى دايس ع الزناد ..

 

و اللى حامى للبلاد ...

 

و اللى رافض للبعاد ...

 

وكأنه ف الغربه أسير!!

 

 

 

فيها اللى نايم و المصحصح ..

 

و المغفّل ... و....المفتّح ....

 

و المؤدب والمشرشح ...

 

واللى بين ...وبين ....يسير!!

 

 

 

فيها اللى قاسى .. و الرحيم

 

و اللى مشغول ب الريجيم

 

واللى أهلاوى و صميم ...

 

و الزملكاوى وخطير . ..

 

 

 

فيها اللى همومه كتروا ...

 

و اللى مدمن باص ومترو ..

 

واللى نزلوا بدون ما فطروا

 

كله رزقه ع المجير ...

 

 

 

فيها اللى فاهم ..والمقاوح

 

واللى على قلبه مراوح ..

 

واللى سهران واللى صابح

 

حامد المولى القدير ...

 

 

 

فيها اللى فكره منطقى

 

واللى متوضى ونقى ..

 

و اللى دايما مشتكى ....

 

من أى حاجة ف ايد الغير

 

 

 

يا مصر راجع من سكات

 

عاشق حاجات ..رافض حاجات

 

وانتى اللى مذكوره ف أيات

 

ف كتابه مولانا القدير...

 

 

 

ولما شوقنا ليكى خدنا

 

لكل حارة ..وكل مادنه ...

 

لقيت كتاب على باب بلدنا

 

يا جىّ مصر منك كتير ..

 

وانا اترميت ف حضنهم

[المماليـــك]

المماليـــك

 

زمن المماليك ، حاجه رومانتيك

أبطال حواديت ، تحت الشبابيك

رايحين جايين ، بهدوم كده شيك

بوشوش حمرا ، لون عرف الديك

راكبين على خيل ، الله يعطيك

يعملوا حركات ، يضربوا مزازيك

يلعبوا بالسيف ، لعب يسليك

يضحكوا وياك ، و يغزوه فيك

غير الخوازيق ، بقى و المشاكيك

و اسياخ النار ، اللى تدفيك

حاجه تخليك ، تشكر أهاليك

اللى ما ولدوك ، زمن المماليك

[قصاقيص ورق]

[/b]

 

قصاقيص ورق

 

 

منين أجيب مقص مجنون زيى .. بس نص نص

و أجيب ورق و أفضل أقص أقص أقص

أفضل أقصقص ورد من على كل لون

لحد ما أعمل عندى حبة كتير كتير

و اركب لى نسمه ، و اطير اطير

و احفن و ادردب عالبلاد

مطر غزير

ينزل يرخ يرخ

على قرعة بنات أخت البشر

يتسبسبوا و يتشيكوا

و يبقوا لابسين - لا مؤاخذه - طراطير

و يا سلام

لو كمان معايا وقتيها قلم كوبيا ، طويل

طويل طويل

أبله من قلبى ، اللى عرقان م السفر

و اكتب به و انا طاير على خد القمر

أنا باحبك يا جميل

 

قصاقيص ورق

لكن مطر

يرخ ، جامد ، قد ما يحبوا الولاد

يا دوب كده

مقدار ما يجروا و يمسكوا

مطر ... خطر

ينزل على كتاف العجايز ... يضحكوا

يشبك فى سلك التلفون

هنا ، و هنا ، و هنا ، و هنا

على كل لون

و اللى ف جنازته فى التابوت ، يفوت يبص

يلاقى عالم ، كله كله كله زينة عيد ميلاد

و يفضل فصل ، لكين مفيش بالشكل ده

لابد من عيد الميلاد

أنا عيد ميلادى مالوش معاد

فين الورق ، و النسمه و المقص ، و القلم يا واد

 

و الا بلاش ده مفيش أمل

أعياد كتير بيبتدوا و بيفرغوا

و بيفضل العالم كده

مكبوس تقيل تقييل

يا ربنا

يا اللى خلقت لنا الايادى ، للهزار ، و للعمل

ادينى قوة مليون ألف ايد ،

 

 

 

عشان أزغزغه

 

 

[النساء و منصب الوزارة]

النساء و منصب الوزارة

 

قالوا الرجال إن النسا مالهمش في الوزارات

ونهار ابونا مِسا لو حكّموا الستات

في وزارة التموين و الاقتصاد بالذات

حتضيع فلوس البلد في اللبس و البوتيكات

بالذمة ده اسمه كلام

يبقى وزيرنا مدام

واسم البعيد فتكات

يختي عليه لو مشي

يدخل مجالس إشي

لابس قميص شفتشي

من كلمة واحده يختشي..وينزل صويت وعياط

يا اهل العلام والادب

اقروا التاريخ اللي انكتب..فوق الطريق علامات

كليوباترا حكمت بلد

بالحيلة ويّا الجلد

من غير لا خد ولا هات

وكام من وزير كان قفا

جه في الطريق واختفى .. ولهف وراه ألوفات

قصر الكلام يتقال .. مين فيهم اللي يفيد

مش مسالة عضلات

وساعات كتير ستات بيكونوا رجالة

ورجال بطبع النسا

وطالعلهم شنبات

 

 

ايمان بكرى _ شعر ايمان بكرى _

الشاعره ايمان بكرى _ قصائد ايمان بكرى _

النساء فى منصب الوزارات

[زماره خطر]

فاكر..

زمارة الخطر..وطفي النور..

 

وأكياس الرمل..

 

وقدام كل بيت ساتر..

 

فاكر..

 

أيام السهر..

 

والامتحانات..

 

وكوباية شاي من إيد أمك..

 

وانت بتذاكر..

 

كنت بتفرح لما تنجح..

 

أو حد يقول عليك شاطر..

 

فاكر الأمان..

 

ننام وفاتحين البيبان..

 

دلوقتي ف كل شارع لجنة..

 

وف كل بيت عساكر..

 

فاكر..

 

معقول عشان تعيش..

 

لازم تطاطي وتقضيها..

 

طيب وحاضر..

 

مين اللي قال..

 

البحر غادر..

 

ومين اللي قال..

 

إنك خلاص تعبان..

 

ومش قادر..

 

ومين اللي سماك..

 

شحات وعريان وصابر..

 

هو احنا توهنا من بعض..

 

هو إحنا ليه..

 

ماشين وبصين ف الأرض..

 

هو احنا لسه بنحلم..

 

وبنحاول وبنعافر..

 

سؤال لا كان ع البال ولا ع الخاطر..

 

أسأل عليك..

 

يقولوا نايم..

 

وتسأل علي..

 

يقولولك سافر..

 

واخد بالك..

 

دلوقتي ف كل ثانية..

 

بنسمع الزمارة..

 

وبدال الغارة ألف غارة..

 

لكن لا بيصحي شارع..

 

ولا حارة..

 

وكل واحد فينا محتاج..

 

مليون أمارة..

 

عشان يحس بالخطر..

 

ياه..

 

يا ساتر..

 

[البطانيه]

مش أنا امبارح..

رحت من بيتنا ف السيدة..

للشغل ف حلوان..

في سبع دقايق..

لا شوفت حد زعلان..

ولا حد متضايق..

والورد إنسان..

والنخل متعايق

والناس جميلة مؤدبة..

والجود رايق..

والدنيا ماشية لوحدها..

ولا حد سايق..

ومش أنا..

امبارح برضه..

رجعت م الشغل ف حلوان..

لبيتنا ف السيدة..

في خمس دقايق..

لا حاسس بغربة..

ولا شايف غريب..

وقلبي أبيض حليب..

عندليب كروان فرحان..

شايل ف قلبي وف جيوبي..

الفرح أشكال وألوان..

وزعت ع الشوارع..

والبيوت والجيران..

وطلعت البيت..

ضربت الجرس

فتحت مراتي وبالأحضان..

والعيال كمان فرحانين..

ناجحين وجايبين

الدرجات النهائية..

من غير دروس خصوصية..

قمنا رقصنا وغنينا..

واحتفلنا واتغدينا..

فضلة خيرك..

سمك واستاكوزا..

وجمبري م الكبير..

وحلينا مهلبية..

وشربنا الشاي كمان..

وفجأة..

لاقيتني بردان بردان..

بصيت لقيت..

الشباك مفتوح..

ومافيش بطانية..

ومراتي جنبي وزي ما هي..

لسه بتعاني من آلام المفاصل..

وده اللي حاصل..

والحمدلله..

علي كل شيء..