مهندسة المنصورة

بداية جزاكم الله عنا خيرا علي المجهود الرائع اللي بتبذلوه بس قبل ما اعلق فعلا علي الموضوع الكلام باللغة العامية اسهل في الفهم بصراحة والمفروض اننا نتكلم بالفصحي اكيد بس بصراحة رد حضرتك في الموضوع اللي كنت بستفسر فيه ماشـــــــــــــــــــــاء الله يعني استاذ ورئيس قسم في اللغة العربيه حسيت وانا بقرأ اننا مبفهمش عربي ******************************************* ندخل في الموضوع الجميـــــــــــــــــــــــل اللي حضرتك كتبته ده انا فرحت جدا بالموضوع لان الكلام ده تقريبا في دماغي والفكرة كانت موجودة والله جوايا بس ازداد تمسكي بيها وتعلقي بيها لما اشتركت في المنتدي ده بحاول اننا اخد المنتدي ده حاجة بنية انه طريق للجنه (تحت شعار معا نحو الجنة ) بما ان كل واحد فينا بيقدم اللي يقدر عليه وبما ان هدفنا فعلا واحــــــــــــــــد واكيد زي ما حضرتك بتقول لاااااااااازم نبص لنفسنا كويس جدا بس ياريت منضحكش علي نفسنا لاننا اوقات كتير بنبرر تقصيرنا في اي شيء بحجج واهيــــــــــــــة بمعني اصح بحاجة احنا نفسنا مش مقتنعين بيها لا لازم نقف مع نفسنا صح ونحاسب نفسنا كويس جداااااااا والمقياس الحقيقي هل انت علي مراد الله منك ولا لااااااا في كل مجالات حياتك مفيش فرق لاننا هنتحاسب اكيد زي ما الحديث بيقول هنتسال عن عمرنا فيما قضيناه و...... يعنـــــــــــــــــي نحسبها صح مع نفسنا النت ده عن طريقه ممكن يكون سبب فعلا في دخولك الجنة ابسط حاجة الموقع الجميل ده انت لو هتنزل موضوع في اي مجال مفيش هنـــــــــــا مجال للرياء او غيره ربنا بس هو اللي مطلع عليك يعني انا معرفش ده مين ؟ اصلا كلنا اخوات في الله بيجمعنا هدف واحد وبس عايزين نوصل فكرة معينه يعني من اجل الله وطبعا مفيش اسمـــــــــــي من الهدف ده ان شـــــــــــــــــــاء الله نكون كلنا في موكب واحــــــــــــــد حلوة موكب دي تقريبا لغة عربيه والملائكة حوالينا عارفين الاية دي معناها جميل اوي بسم الله الرحمن الرحيم ( وسيق الذين اتقوا ربهم الي الجنة زمرا حتي اذا جاءوها وفتحت ابوابها وقال لهم خزنتها سلام عليكم طبتم فادخلوها خالدين ) عايزين نتعب لربنا وعايزين نشيل هم امتنـــــــــــــــــا بجد مش مجرد كلمات لا تتجاوز الاذان نرددها وخلاص ياســـــــــــــلام علينا واحنا بنقول شعـــــــــــــــــــارات وبس اد ايه الاحساس جميل اوي اما تعمل حاجة تحس انها ولو بينك وبين نفسك انهــــــــــــــــا لربنا وبس خالصة لوجهه زي اما نقعد نذاكر طول السنة ونتعب ومش عارفه ايه ......... تخيلوا الفرحة اما بتظهر النتيجه عايزين نبقي تجــــــــــــــــــار نوايا اي شيء في حياتنا بنعمله لازم تاخد نية فيه ده لو انسان عاقل طبعا لان حرام تضيع مجهودك علي حاجة زي مثلا شيخ داعيه ووكده بيدعي ويعظ غيره لان دي مهنته اصلا مش لله مش بنية ان دي دعوة الي الله مثلا و لئن يهدي الله بك ........ وهكذا طال العلـــــــــــــــــــــم و........... طبعا اي شيء مهما قلت قيمته في نظرتك رب عمـــــــــــــــــل كبير تصغره النية طبعا لو مش خالصه لله ورب عمل صغيـــــــــــــر تكبره النيه حاسب نفسك شوف انت علي مراد ربنا منك هل انت فعلا شايل هم دينك ونفسك تقدم شيء ولا من اللي الرياح وقت ما بتجي تحركهم بس يرددوا كلمتنين علي الاسي والحزن و....... بدون اخذ اي موقف فعلي يدل فعلا علي حبهم لدينهم ده شوف نفسك انت فاهم في ايه وتقدر تخدم دينك بايه اكيد عندك كتير بس لو انت عايز جدد نيتك ومتخليش حد يسبقك لربنا ........... احنا في سبـــــــــــــــــاق كل ما تتعب اكتر من اجل الله فرصتك في الوصول للجنة تكبر معلش لو خرجت عن الموضوع والله بس بجد موضوع راااااااااائع كان نفسي اكتب حاجات كتيره بس كفايه كده وان كان بعض الكلام مش متركب مع بعضه **************************** انا حجزت اول كرسي في الاتوبيس محدش يقعـــــــــــــــــــد فيه الكرسي نلتقي في الجنة ان شاء الله يــــــــــــــــــــــــارب كده نكون صحبة في الجنة مع الرسول عليه الصلاة والسلام *************************** احبكم جميعــــــــــــــــــــــــــــــا في الله

اللهم صلي وسلم وبارك عليك ياسيدي يا حبيبي يارسول الله اخي في الله دكتور عبقرينو عاجزة عن الرد علي حضرتك موضوع قمة في الجمال يكفي انه في حب رسول الله كل ما الفيديو يخلص اكرره تاني من جماله بجد اسال الله العظيم رب العرش الكريم ان يجمعنا به في اعلي الجنان اللهم ات نفوسنا تقواها وزكها انت خير من زكاها انت وليها ومولاها اللهم فقهنا في ديننا وزهدنا في الدنيا وبصرنا بعيوبنا ربنا ينور دربك ويسدد خطاك ويلهمك الصواب ويقدر لك الخير حيث كان ويجعلك ممن ينعمون بلذة النظر الي وجهه الكريم ربنا يتقبل صلاتك وقيامك ويجعل جميع اعمالك خالصة له ويطهرها من الرياء ويجعلك ممن يعلون راية لا اله الا الله ويجعلك سببا في نهضة الامة

سلام عليكم ورحمة الله وبركاته انا بجد مش عارفه ارد اقول ايه الا ان اكبر دليل علي صدق الكلمات فعلا اننا بكيت جداااااااااااا وما زلت وانا اكتب تذكرت بعض الاشخاص المقربين الي وفعلا بيجي وقت الانسان بيتذكرهم مش معني كده انه نسيهم ولكنه يشتاق اليهم بحرقة وطبعا لا جدوي شيء يستحيل تحقيقه احلام يقظة بمعني اصح مفيش حاجة في ايدينا غير اننا نرضي بقدر الله ونسلم امرنا لله الامر اللي بيشغلني جدااااااا بقول ياتري هشوفهم في الاخرة ان شاء ولا لأ انا مش مركزة انا بكتب ايه وبقول ياريتني ما شفت الموضوع ولا دخلت لان بجد انا دلوقتي في حالة لا يعلمها الا الله قدر الله وماشاء فعل اسال الله العظيم رب العرش الكريم ان يجعل قبره روضة من رياض الجنة اللـهـم اجعل عن يمينه نوراً اللـهـم انظر اليه نظرة رضا فإن من تنظر إليه نظرة رضا لا تعذبه ابداً اللـهـم أسكنه فسيح الجنان واغفر له يارحمن وارحم يارحيم وتجاوز عما تعلم ياعليم اللـهـم اعفو عنه فإنك القائل "ويعفو عن كثير" اللـهـم شفع فيه نبينا ومصطفاك واحشره تحت لوائه واسقه من يده الشريفة شربة هنيئة لا يظمأ بعدها ابداُُ اللـهـم اجعله في جنة الخلد التي وعد المتقون اللـهـم انه كان مصلي لك ,فثبنه علي الصراط يوم تزل الاقدام اللـهـم انه كان صائم لك , فأدخله الجنة من باب الريان اللـهـم انه كان لكتابك تالي وسامع فشفع فيه القراّن وارحمه من النيران ,واجعله يارحمن يرتقي في الجنة إلي اّخر اّية قرأها أو سمعها وأخر حرف تلاه اللـهـم ارزقه بكل حرف في القراّن حلاوة , وبكل كلمة كرامة وبكل اّية سعادة وبكل سورة سلامة وبكل جزء جزاء اللـهـم ارحمه فانه كان مسلم واغفر له فانه كان مؤمن يارب ارحمه وارحم جميع المسلمين الاحياء منهم والاموات

السلام عليكــم ورحمـة الله وبركاتــة ،، فعلا ماشاء الله تصميم في منتهي قمة الروعة والجمال والاجمل الفكرة نفسها اللي حضرتك طرحتها في الديزين وان شاء الله شباب يلا ياشباب يكونوا بذرة طيبـــــــــــــــــــــة باذن الله في المستقبل لشجرة نهضة ترووووي بالعلم النافع والايمان

وعليكم السلام ورحمة الله وبركاته اخي في الله دكتور عبقرينو ماشاء الله جزاكم الله خيــــــــــــــــرا علي الدعاء اسال الله عز وجل ان يتقبله من حضرتك ولك مثله ان شاء الله ربنا ييسر لحضرتك كل عسير وييسر لك الخير حيث كان ويوفقك اليه ويجعلك ممن ينعمون بلذة النظر الي وجهه الكريم وممن ينعمون برفقة الحبيب الهادي في الجنة وان يختم بالباقيات الصالحات اعمالك وان يجعلك ممن سبقت لهم الحسني وزيادة اللهم طهر قلوبنا من النفاق واعمالنا من الرياء والسنتنا من الكذب

السلام عليكم ورحمة الله وبركاته الحمد لله الذي أوجب لرسوله حقوقاً هي من لوازم الإيمان، وفضَّله وخصَّه بخصائص لا يشاركه فيها ملك ولا إنسان. ومن هذه الحقوق الصلاة والسلام عليه وعلى آله وصحبه. قال الإمام ابن القيم رحمه الله: ومن ثمرة الصلاة عليه: أن الصلاة عليه أداءٌ لأقل القليل من حقّه، وشُكرٌ له على نعمته التي أنعم الله بها علينا، مع أن الذي يستحقه من ذلك لا يُحصى علماً ولا قدرة ولا إرادة، ولكن الله سبحانه لكرمه رضي من عباده باليسير من شُكرِه أداءُ حَقِه. معنى الصلاه على النبى: صلاة الله على نبيه: قيل: ثناؤه عليه عند ملائكته، وقيل رحمته له، وقيل تعظيمه له، عليه الصلاة والسلام. ومعنى صلاة الملائكة عليه: الدعاء له بالبركة. وقيل معناها رقة واستدعاء للرحمة من الله. ومن الناس: الدعاء، فمعناه اللهم عظم محمداً في الدنيا بإعلاء ذكره وإظهار دعوته وإبقاء شريعته، وفي الآخرة بتشفيعه في أمته وإجزال أجره ومثوبته، وإظهار فضله للأولين والآخرين بالمقام المحمود، وتقديمه على جميع المقربين وأهل الشهود. من البخيل؟؟ عن علي (رضى الله عنه) قال: قال رسول الله (صلى الله عليه وسلم) : البخيل من ذكرت عنده ، فلم يصلى عليَّ رواه الترمذي صلاتنا تبلغ النبي حيث كنا عن أبي هريرة قال: قال رسول الله (صلى الله عليه وسلم) : لا تجعلوا قبرى عيدا ، وصلوا على ، فإن صلا تكم تبلغنى حيث كنتم رواه أبو داود بإسناد صحيح أفضل الأيام يوم الجمعة: وعن أوس بن أوس قال: قال رسولُ الله (صلى الله عليه وسلم) : إنَّ مِن أفضَلِ أيَّامِكُم الجُمُعَة، فَأكثِرُوا عَلَيَّ مِنَ الصَّلاة فيه، فَإنَّ صَلاَتَكُم معروضه على قالوا: يا رسول الله وكَيفَ تُعرَضُ صَلاَتُنَا عَلَيكَ وَقد أرَمتَ - صرت رميماً؟ قال: إنَّ الله حَرَّمَ عَلَى الأرضِ أجسَادَ الأنبِيَاء * رواه أبو داود بإسناد صحيح * صفة الصلاة عليه: عن أبي حميد الساعدي قال: قالوا: يا رسول الله كيف نصلي عليك؟ قال: (صلى الله عليه وسلم) قُولُوا: اللَّهُمَّ صَلِّ عَلَى مُحَمِّد، وَعَلَى أزوَاجه وَذُرِّيَّته كَمَا صَلَّيت عَلَى آل إبرَاهيم، وبارك عَلَى مُحَمَّد، وعَلَى أزوَاجِهِ وَذِّريتِه، كَمَا بَارَكتَ عَلَى آلِ إبرَاهِيم إ نك حَميِد مجيدِّ *متفق عليه* حلول الشفاعه يوم القيامه لمن صلى على النبى بعد الأذان وسأل له الوسيله وعن عبدالله بن عمرو بن العاص رضي اللهُ عنهما أنه سمع رسول الله (صلى الله عليه وسلم) يقول: إذَا سَمِعتُمُ المُؤَذِّنَ فَقُولُوا مِثلَ مَايَقُولُ، ثُمَّ صَلُّوا عَلَيَّ، فَإنَّه مَن صَلَّى عَلَيَّ صَلاةً صَلَّى الله عَلَيه بهَا عَشْراً، ثُمَّ سَلُوا الله لِيَ الوَسِيلةَ، فَإنَّهَا مَنْزلَة في الْجَنَّةِ لاَ تَنْبَغي إلاَّ لِعَبدٍ مِنْ عِبَادِ الله وَأرْجُو أنْ أكُونَ أنَا هُوَ، فَمَنْ سَألَ لِيَ الْوَسِيلَةَ حَلَّتْ لَهُ الشَّفَاعَة * رواه مسلم * قال رسول الله (صلى الله عليه وسلم) : من صلى على مره كتب الله له عشر حسنات ومحا عنه عشر سيئات ورفع له عشر درجات صدق رسول الله (صلى الله عليه وسلم) مواضع يجب أو يُستحب الصلاة فيها على النبي : الصلاة عليه في آخر التشهد. الصلاة عليه في آخر القنوت. الصلاة عليه في صلاة الجنازة بعد التكبيرة الثانية. الصلاة عليه في الخطب والعيدين والاستسقاء.. الخ. الصلاة عليه بعد إجابة المؤذن وعند الإقامة. الصلاة عليه عند الدعاء ( فان الصلاه عليه تفتح أبواب السماء). الصلاة عليه عند دخول المسجد والخروج منه. الصلاة عليه على الصفا والمروة. الصلاة عليه عند الاجتماع في المجلس وقبل التفرق. الصلاة عليه عند ذكره. الصلاة عليه حال الوقوف عند قبره. الصلاة عليه عند قيام الرجل من نوم الليل. الصلاة عليه يوم الجمعة وليلتها. الصلاة عليه عند الهم والشدائد وطلب المغفرة. الصلاة عليه عند كتابة اسمه. الصلاة عليه عند إلقاء الدروس والتعليم والتذكير. الصلاة عليه في كل موطن يُجتمع فيه لذكر الله . الفوائد والثمرات الحاصلة بالصلاة عليه: امتثال أمر الله سبحانه وتعالى. موافقته سبحانه في الصلاة عليه وإن اختلفت الصلاتان، فصلاتنا عليه دعاء وسؤال، وصلاة الله عليه ثناءٌ وتشريف موافقة الملائكة فيها. حصول عشر صلوات من الله على المصلى مرة. أن يرفع له عشر حسنات. أن يكتب له عشر درجات. أن يمحي عنه عشر سيئات. أنها سبب لشفاعته إذا قرنها بسؤال الوسيلة له. سبب لغفران الذنوب. سبب لصلاة الله على المصلي، وصلاة ملائكته عليه. زكاة للمصلي مطهرة له. سبب لرد النبي الصلاة والسلام على المصلي. وختاماً فليس المقصود من هذه الرسالة ترديد ألفاظ الصلاة والسلام على النبي وحسب وإنما الأمر الواجب على كل مسلم ومسلمة المتابعة له في كل أعماله وأقواله وعدم الابتداع فيه، ذلك أن المتابعة له شرط لقبول العمل وإن من محبة الله عز وجل اتباع سنة نبيه كما قال تعالى على لسان النبي قُلْ إِن كُنتُمْ تُحِبُّونَ اللهَ فاَتَّبِعُونِي يُحبِبكُمُ اللهُ وَيَغْفِر لَكُم ذُنُوبَكُم وَاللهُ غَفَورٌ رَّحِيمٌ *آل عمران:31 * بعد ماعرفنا الثواب العظيم من صلاتنا على رسولنا الكريم ياريت كل شخص يدخل فضــــــــــــــــــــــلا وليس امرا ان يصلي عليه 10 مرات وصلى اللهم وسلم على نبينا محمد وعلى آله وصحبه أجمعين.

السلام عليكــم ورحمـة الله وبركاتــة ،،بســم الله الـرحمــن الرحيــم كيف حالكم مع الله؟ إن شاء الله دائمــاً بخيروفي طاعة اكيد مضمــــــــــــون الموضوع واضح من العنوان ياتري انت شايف نفسك ايه بعد 10 سنين ان شــــــــــاء الله؟ وهل كل تركيزك علي انك تحقق هدف دنيوي فقط يعني حاجة لاثبات ذاتك وبس ولا عندك اهداف تانيه واسمــــــــــــي هو انك تكون استاذ ورئيس قسم في العلم الشرعي فاهم عقيدة كويس او فقه او ........سيرة وغيرها من الامور يعني زي ما بتخطط للدنيا اكيد الاخرة لازم يكون ليها نصيب لان الاتنين بيكملوا بعض يعني تكون مسلم مؤمن بالله علي حق هل فعلا عندك خطة لحياتك ومحدد اهداف معينه نفسك توصل ليها ولا عايش يومك وماشي الحال في انتظــــــــــــــــــار مشاركة حضراتكم علي احر من الجمــــــــــــــر وممكن من حسن الحظ وده اكيد شيء وارد تكون بينا احلام مشتركة ومن هنـــــــــــــــا ممكن ناخد خطوة مع بعض عشان نوصل ونحقق احلامنا اسيبكم بقي في رعاية الله سلام عليكم ورحمة الله وبركاته

إعادة تأطير إيه العنوان الغلس ده؟ لعلمكم هو ده أغلس عنوان فعلا من أول ما بدأنا السلسلة دي.. لكن أعمل إيه بقى؟؟ ازاي أقول على (إعادة التأطير) غير إنها (إعادة تأطير)؟؟ مالهاش حل يعني.. إيه إعادة التأطير دي بقى؟؟ ده مبدأ مهم قوي في البرمجة اللغوية العصبية.. وبيها ممكن نحل مشاكل كتير جدا بتواجهنا في حياتنا العملية.. معنى إعادة التأطير إعادة التأطير أو REFRAMING يعني لغويا إننا نحط اللوحة بتاعتنا في برواز جديد علشان نشوفها بشكل مختلف.. يعني نشوف الحاجة اللي عندنا (في ضوء مختلف) علشان نشوفها بطريقة مختلفة.. زي ما اتفقنا في الحلقات اللي فاتت إننا احنا اللي بنحكم على الأشياء.. احنا اللي بنحط المعاني للأشياء.. زي المثال بتاع دبلة الخطوبة اللي قلناه قبل كده.. لو اتنين بصوا لدبلة.. إيه أحاسيسهم ناحية الدبلة دي؟؟ لو واحد ناجح في خطوبته هتفكره الدبلة بالسعادة.. لو واحد فسخ خطوبته هتفكره بالألم والحزن... مع إن الدبلة هي الدبلة.. لكن نظرتنا ليها هي اللي خلتها تأثر فينا بطريقة مختلفة.. إعادة التأطير بقى هي إننا نغير النظرة لأي شيء أو موقف أو شخص.. علشان نستثير في داخلنا الشعور الإيجابي اللي احنا محتاجينه في حياتنا.. إيه ده.. هو ينفع؟؟ أيوه طبعا ينفع.. مش قلت لكم برمجة دماغ؟؟ تطبيقات إعادة التأطير إعادة التأطير -زي ما قلنا- هي إننا ننظر لأي حاجة بشكل مختلف.. وبكده نقدر نشوفها أفضل ونتخلص من الطاقة السلبية اللي جوانا ناحيتها. مثال: واحد صاحبنا خطيبته لم تتصل به اليوم.. أكيد فيه أفكار كتير ممكن تدور في ذهنه ساعتها.. - أكيد بتحضر لي مفاجأة! - دي بطلت تحبني! - أكيد حصل لها حاجة! - بيتهم ولع! - حماتي في المستشفى! دي أمثلة من الأفكار اللي ممكن تيجي على بال صاحبنا ده.. طيب.. كل فكرة من دول عملت فيه إيه؟؟ - أكيد بتحضر لي مفاجأة............. فكرة أصابته بالسعادة. دي بطلت تحبني............ فكرة أصابته بالإحباط. أكيد حصل لها حاجة............. فكرة أصابته بالقلق. بيتهم ولع.................... فكرة أصابته بالخوف. حماتي في المستشفى......... فكرة أصابته بالحزن (أو الفرح.. حسب!!) عايز أقول إيه هنا؟؟ عايز أقول إن القلق والمشاعر السلبية اللي بنشعر بيها.. بيكون سببها مش الظروف الخارجية المحيطة.. لكن سببها هي الطريقة السلبية اللي بنفكر بيها طول الوقت.. يعني موقف زي اللي فات ده.. هو نفس الموقف لكن الأحاسيس الناتجة عنه بتختلف حسب طريقة تفكيرك: سعادة، إحباط، قلق، خوف، حزن، فرح.. مع إن هو نفس الموقف!!! صح؟؟ يبقى زي ما اتفقنا قبل كده: السعادة مالهاش علاقة بالظروف المحيطة خالص.. ليها علاقة بطريقة تفكيرنا ونظرتنا لهذه الظروف.. الأفكار ليها قوة بتتحكم فينا عشان كده لازم نراقب أفكارنا.. إعادة التأطير بقى هي إننا ننظر للموقف بطريقة أخرى تقضي على مشاعرنا السلبية دي.. مثال: عن مثال لـ(هاري ألدر وبيريل هيذر) في (NLP IN 21 DAYS) رئيسك في العمل دايما بيتعمد التقليل من شأنك أمام الزملاء.. يجب أن تتحمله طبعا ولا يوجد ما يمكن عمله –هترد عليه يعني؟؟- وفي كل مرة بيعمل كده بيخليك متضايق طبعا.. ما الحل؟؟؟ الحل هو إعادة التأطير.. وهو واقف بيزعق لك فكر في الموقف بطريقة مختلفة: أكيد عنده عقد نقص بيطلعها عليك..! أكيد مراته بتضربه في البيت عشان كده جاي متضايق! أكيد عنده مرض خطير وهيموت خلال أيام.. يا حرام! عانى من طفولة بائسة عشان كده عايز يثبت نفسه!! أكيد الراجل ده بيحبك ومابينامش الليل من حبك.. لكن بيحاول يداري مشاعره بالزعيق ده!! زي ما إنت شايف في المثال ده.. مش لازم إعادة التأطير يبقى حاجة منطقية أو عقلية... ممكن تكون خيالية ولا تخضع للمنطق أصلا.. لكن إيه الإحساس اللي أثارته فيك؟؟ نفس الموقف اللي بيحصل لك كل يوم.. المدير بيزعق لك.. لكن مع إعادة التأطير بدل ما تشعر بالضيق والقلق واللي هينعكسوا على شغلك.. قدرت إنك تتحكم في القلق وتستبدله بمشاعر إيجابية لطيفة زي: الشفقة، السعادة، المرح، تقدير الذات....... إلخ.. اتدرب على الموضوع ده في أي موقف بيخليك تشعر بالقلق والضيق... عشان تستبدله بمشاعر تخلي حياتك أسعد.. وتخليك تقدر تواصل مهامك في الحياة... القلق مالوش علاقة بالظروف المحيطة.. القلق له علاقه بمخنا اللي شغال ليل نهار يفكر في بلاوي!! يا ترى الأولاد اتأخروا ليه؟؟ يا ترى نتيجة الامتحان إيه؟؟ يا ترى.. يا ترى... شفت؟؟ يبقى لما نتحكم في طريقة تفكيرنا السلبية هنقدر نخلي حياتنا أسعد.. مهما كانت الظروف اللي حوالينا.. فيه ناس أغنياء تعساء وفيه ناس فقراء سعداء.. إذن المقياس هو إنت نفسك وطريقة نظرتك للأشياء.. مش الظروف اللي حواليك.. إلى اللقاء في حلقة قادمة مع برمج عقلك.. نلتقي بعد الفاصل!!

لااااااااااا اكيد طبعا مع حضــــــــرتك الموضوع فكرته ماشاء الله جميله جدا جزاكم الله خيـــــــــــــــرا ونفع بكم وزادكم نورا وعلما وبصيرة في انتظـــــــــــــــــــار اول شخصية من السلسلة ان شاء الله ربنا ينفعنا بيها ان شاء الله ونتعلم منهم ويكون منهج حياتنا زيهم

بداية جزاكم الله خيرا علي المجهود الكبيـــــــــــر ده وربنا يجعله في ميزان حسنات حضرتك انا كنت مضايقة جداااااااااااااااااااااااا بسبب الموضوع ده لان المنتدي ده بالنسبة لي حاجة كبيرة جدا وتقريبا مبقيتش استغني عنه يوم واحد لدرجة اننا كنت مشتركة في منتديات تانيه سبتهم والله كلهم مبقيتش متابعه غير ده بس لان منتدي مهما قلت فيه مش هقدر اوصل الصورة اللي جوايا المنتدي ده بجد تمسكنا بيزيد بيه يوم عن يوم الواحد مش عارف يشكركم ازاي والله مفيش غير الدعاء وربنا يجعل كل حرف في المنتدي الموسوعة ده بجبااااااااااااال حسنات وربنا يجعل كل اعمالكم شاهدة ليكوا وحجة باذن الله تفرحوا بيها في الاخرة جزاكم الله خيرا ونفع بكم وجعل جميع اعمالك في ميزان حسناتكم ربنا يزين قلوبكم بالايمان وربنا ييسر ليكوا جميع اموركم ربنا يجعلكم ممن يرفعون راية لا اله الا الله ويجعلكم سبب في نهضة هذه الامة بما تبذلوه من جهد اسال الله العظيم ان يمتعكم بصحبة النبي في الجنة وبلذة النظر الي وجهه الكريم وان يرزقكم سعاده في الدارين الدنيا والاخرة

دفءُ الأٌنْــــــــسِ جزانا واياكم خيرا الجزاء ربنا ينفع بيكي ويجعلك ممن ينعمون بلذة النظر الي وجهه الكريم ويجعلك من ورثة جنة النعيم نورتي الموضــــــــــــــــوع باطلالتك الجميله دي ************************* alidesokyاخي في الله جزانا واياكم خير الجزاء زادكم الله نورا وعلما وبصيرة ونفع الله بكم ربنا يسدد خطاك ويلهمك الصواب وييسر لك الخير كان ويوجهك لكل ما هو فيه خير وصلاح لك سعدت جدا بمرور حضرتك ************** نودي جزانا واياكم ربنا يجعلك من عباده المتقين ويجعلك ممن سبقت لهم الحسني وزيادة ربنا يجعل حياتك كلها في ميزان حسناتك ويجعلك ممن يلقون الحبيب علي الحوض اللهم امين

بجد مش عارفه اشكر حضرتك ازااااااااااااي جميلة جدااااااااااااااااااااااااااااااااا ربنا يسعدك يارب زي ما دخلت البسمة لقلوبنا كده ههههههههه دي انسانة فريدة من نوع خاص ومفروض يحافظ عليها انا لو منه كنت موتها وخلصت

حبيبتي في الله مؤمنه بالرحمن نورتي الموضوع بمرورك الجميل واسال المولي عزوجل ان يهديكي لفعل الخيرات وان يتقبل طاعتك وان يجعلك ذخرا للاسلام والمسلمين والا يحرمك العمل لدينه وان ييسر لكي الخير حيث كان ********************** اختي وحبيبتي في الله حياتي من اجل ربي نورتي الموضوع بعد غيبة كبيرة جداااااا انا سعيدة جدا بمرورك العطر ده وجزاكم الله خيرا علي الدعاء الجميل ده ربنا يعزك وينفع بيكي ويجعلك ممن سبقت لهم الحسني وزيادة وربنا يوفقك السنة دي ويوفقنا كلنا وننجح بتقديرات عالية جدا

الــــــــــــــــرام حبيبتي في الله بجد جزاكم الله خيرا ولكي افضل منه يارب اختي عاجزة عن الكلام والله علي دعواتك الجميله دي ربنا يتقبلها اسال الله العظيم رب العرش الكريم ان يدلك علي كل ما فيه خير لك وان ينور طريقك ربنا يجعل ايامك كلها سعاده وطاعه ويسعدك بما تريدين ويرحمك يوم الوعيد ويستجيب دعائك ويجعلك ذخرا للاسلام والمسلمين ويجعلك من ورثة جنة النعيم

كيف تتكلم مع الناس؟؟ عنوان غريب مش كده؟؟ ؟سؤال: عمرك لاقيت إنك مش عارف تتواصل مع حد معين؟؟ رغم إنك فعلا عايز تكلمه؟ لاقيت مرة واحد مابتحبش تتكلم معاه خالص؟؟ كده لله في لله؟؟ هل مرة لاقيت إنك مش عارف تبيع سلعتك للزبون بتاعك رغم إنك حاولت بكل إخلاص؟ أكيد أيوه.. مش كده؟ طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها (التحدث بإيجابية).. في البداية عايز أوضح لك حاجة مهمة جدا عن عقلنا اللاواعي.. هنعرفها من المثال الصغير ده: هاقول لك جملتين عايزك تركز فيهم قوي وتنفذ اللي فيهم: ماتفكرش في وردة حمراء!! ها ها ها.. ينفع؟ طيب خد دي كده: ماتتخيلش سيارة سوداء!! ها؟ خدت بالك من اللي حصل ده؟؟ أكيد أكيد فكرت لا إراديا في الوردة الحمراء وفي السيارة السوداء كمان.. إيه اللي حصل ده؟ اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء! يعني إيه؟؟ يعني لو عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟ طبعا المسألة مش مسألة وردة حمراء وسيارة سوداء.. عشان تفهم قصدي اقرا الأمثلة دي: البائع: الأسعار بتاعتنا مش غالية.. احنا مش حرامية ونصابين! الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا.. جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية ونصابين) هيفهم منها إنهم (حرامية ونصابين)! يبقى المفروض البائع يقول مثلا: أسعارنا مناسبة جدا.. احنا يهمنا ثقة العملاء! نفهم من كده إيه؟؟ نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض.. مثال: الطبيب: ماتخافش.. الحقنة مش بتوجع خالص. ههه.. إيه رأيك في المثال ده؟؟ يلاّ مع بعض نطلع الكلمات السلبية: أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف.. ثاني كلمة سلبية هي: (مش بتوجع).. دي هتخليه يتخيل الألم والوجع.. يبقى المفروض يقولها ازاي؟؟ الطبيب: اطمئن.. هتحس براحة بعد ثواني! (ملاحظ إننا ماذكرناش كلمة "حقنة" أصلا؟) (ملحوظة: كتجربة شخصية, لكل الأطباء اللي بيقروا الموضوع ده.. التكنيك ده أفادني كتير جدا -كطبيب أسنان- في إقناع المريض بأخذ الحقنة.. تجنب الكلمات السلبية زي: ماتخافش- ماتقلقش– زي شكة الدبوس... كلمه يا دكتور عن الراحة والشفاء وإن حقنة البنج مريحة لأنها حقنة بنج أساسا.. خدت بالك؟ ببساطة لأن هي دي الحقيقة, بس المهم هنوصلها له بأي طريقة؟). مثال: البنت لخطيبها: ماتقلقش .. عمري ما هاخونك أو أكرهك!!! طبعا كلنا حسينا بصدمة من الكلام ده.. لكن احنا عرفنا ليه.. عشان الكلمات السلبية زي: ماتقلقش- هاخونك – أكرهك!!! المفروض الجملة دي تتقال كده: البنت لخطيبها: اطمئن .. أنا مخلصة ليك وهافضل كدا على طول!! شايف الجمال اللي في المعنى؟؟ مع إننا ممكن نلاحظ ببساطة إن الجملتين لهم نفس المعنى... نستفيد من الكلام ده إيه بقى؟؟ نخش على الحكمة بتاعة النهاردة مهم جدا معنى الكلام الذي نقوله.. والأهم هو: كيف نقول هذا المعنى.. استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس.. واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات (السلبية).. على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهون على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات (الإيجابية).. قبل ما نختم بقى تعالوا نلعب لعبة: تمرين: اختار الجمل والكلمات الإيجابية اللي توصل المعنى بصورة صحيحة, وحط قدامها علامه (صح). *أنا مش عبيط.. أنا فاهم كل حاجة صح ولا غلط *خليك ذكي وركز معايا. صح ولا غلط *الجو النهارده كويس صح ولا غلط *يا باشا البضاعة بتاعتي مش بتعفن بسرعة! صح ولا غلط *ماتقلقش.. الموضوع بسيط! صح ولا غلط *هابطل السجاير, واكون إنسان جديد! صح ولا غلط *البارفان ده ريحته مش وحشة خالص.. بالعكس! صح ولا غلط *ماتفتكرش إن صحتي راحت.. أنا زي الفل. صح ولا غلط *مش هاخذلك يا معلم! صح ولا غلط *أنا إرادتي قوية جدا.. ثق في كده! صح ولا غلط *ماتبقاش غبي يا بني.. فتح مخك معايا! صح ولا غلط *طبعا حليت الواجب كله لوحدي.. إنت فاكرني باكدب؟ صح ولا غلط كفاية كده؟؟ حلها بقى بروقان واعرف إنت بقيت متحدث إيجابي ولا لأ.. مرن نفسك من النهارده على إن كلامك يكون إيجابي.. ولاحظ الفرق اللي هيحصل في حياتك... ماشي يا جماعة.. حط بقى مرادفات (إيجابية) للجمل (السلبية) اللي فاتت لو حبيت.... وورينا شطارتك يا بطل.. ونلتقي العدد القادم من: برمج عقلك

وعليكم السلام ورحمة الله وبركاته جزانا واياكم خير الجزاء سعيدة جدا بمرورك ربنا يجعلك ذخرا للاسلام والمسلمين للاسف خلااااااااااااااص الدراسه هتبدأ مش عارفه الظروف هتسمح اننا اكمل بالشكل ده ولا المعدل هيقل اوي نسالكم الدعاء بتيسير الامــــــــر