مهندسة المنصورة

السلام عليكم ورحمة الله وبركاته ماشاء الله موضوع في غاية الروعة جزاكم الله خيرا اخي ابو تسنيم الموضوع ده تقريبا جعلني اعيد تفكيري فعلا في اشياء لم اكن التفت اليها بمجرد سؤال حضرتك هل لديك شاحن ؟ ده فكرت في السؤال الا ان انا تحيرت جداااااااااااا لان تقريبا ملقيتش شاحن ليا بجد الجأ اليه ساعات كتير فعلا بمر باوقات ببعد فيها كتير عن ربنا الان ان مش بلاقي اللي يعييني وياخد بايدي بس بحاول اننا اي شيء يحدث حواليا اننا افكر فيه لعلي استيقظ من ثباتي بس حاجة جميله واحساس رائع فعلا اننا نلاقي انسان دايما جمبنا شاحن لينا بجد هيغير كتير لان احيانا ان نظرتي بتكون ضيقه في حاجات بكون محتاجة لحد ع درجة روحانية اعلي مني لان فعلا الحكم في اي شيء لابد ان يكون مستمد من منهج ديني نرتبط بيه انما لو حكم حسب الهوي والنفس فكان اكيد كل الناس حوالينا يصلحوا انهم يكونوا شاحن طبعا جزاكم الله خيرا علي الموضوع الجميل وان شاء الله اجتهد حتي اصل لهذا الشاحن الي ان اكيد في كتير حواليا ملتزمين الا انهم ليس لديهم العزيمة انهم يكونوا صحبه في الله بجد حتي الاكثر منهم للاسف التزااااااام ظاهري مش اكتر الا انهم في العبادات فعلا محتاجين الشاحن ده اوقات كتيرة انا اقترح عليهم عايزين نعمل حاجة معينه مش بلاقي فيهم روح لا دايما احنا مشغولين وربنا اعلم بده و........ الا اننا بنضيع وقت كبير جدااااااااااااااااااااا وسبحان الله الوقت اللي هنقضيه في طاعة ربنا هو ده اللي هيعطل الدنيا اسال الله العظيم رب العرش الكريم ان يهدينا سواء السبيل ويجعلنا نورا يمشي ع الارض ويرزقنا الفردوس الاعلي في هذا اليوم الطيب انا بعتبر الاخوة والاخوات علي المنتدي ده بجد خيــــــــــــــــــــر رفقاء بتعلم منكوا بجد وربنا ميحرمنيش من هذه الصحبه احبكم جميعـــــــــــــــا في الله سلام عليكم ورحمة الله وبركاته

السلام عليكم ورحمة الله وبركاته نكمل مع بعض الحلقه الرابعه بعنوان..... المصافي!! هو: ماحدش بيحبني خالص..! هو: على فكرة "محمود" مش جدع..! هي: بقالي أسبوعين مابانامش! شايف المشاكل دي؟ عارف إيه حلها؟ تعال نقرأ الموضوع وهتحلها إنت بنفسك بكل بساطة.. دلوقتي وبعد ما عرفنا إيه هي (أنظمة الناس) في الحلقات اللي فاتت.. هنعرف النهارده حاجة مهمة قوي.. و هي: المصفاة!! عارف المصفاة؟؟ أيوه بالضبط.. اللي بتصفي بيها عصير الليمون.. هنعمل بيها إيه دي؟؟ وإيه علاقتها بالموضوع؟؟ تعالوا نشوف مع بعض إيه الحكاية: زي ما عرفنا, الواحد مننا بيجمع المعلومات من البيئة اللي حواليه عن طريق حواسه الخمسة وأنظمته التمثيلية (بصري، سمعي، شعوري،....) والمعلومات دي بتروح على المخ (الخريطة اللي بتحركنا). بس السؤال هنا: هل المعلومات دي بتروح مباشرة على المخ؟؟ الإجابة: للأسف لأ.. بتتصفى في مصفاة معينة قبل ما توصل!!. والمصفاة دي هي موضوع حلقتنا النهارده.. المصفاة دي 3 أنواع: مصفاة الحذف مصفاة التعميم مصفاةالتحريف 1ـ مصفاة الحذف: المصفاة دي بتاخد المعلومات اللي جت لها وتحذف منها شوية.. بتعدي حاجات وماتعديش حاجات.. إنت قاعد دلوقتي أمام جهاز الكمبيوتر بتقرأ الموضوع ده ومركز فيه.. وفي نفس الوقت فيه مؤثرات كتيييرة جدا حواليك.. فيه أصوات كتير حواليك صح؟ ركز كده.. لكن إنت ماكنتش منتبه للأصوات دي ومركز في القراءة.. صح؟ أهي المصفاة دي دورها كده.. بتلغي شوية مؤثرات وتسيب غيرها.. المعلومات اللي رايحة في طريقها للمخ المصفاة مش بتسيبها تعدي في حالها.. بتلغي شوية حاجات.. 2ـ مصفاة التعميم: المصفاه دي بقى على العكس.. بتاخد شوية معلومات وتكبرها وتحسسك إن هي دي بس المعلومات الموجودة.. يعني عممت المعلومات دي على التجربة كلها. فكر في حد إنت مش بتحبه خالص أو مش بتستلطفه مطلقا.. فكرت فيه؟.. اكتب هنا أهم صفاته: شفت؟ هو ده بقى التعميم.. كل بني آدم فيه ملايين الصفات الكويسة والوحشة.. لكن إنت عشان مش بتحب الشخص ده, وصفته بصفة سلبية.. رغم إن فيه صفات إيجابية كتير.. مصفاة التعميم خلت الصفة السلبية دي هي اللي تتعمم.. رغم إن أكيد فيه صفات كويسة كتير، المصفاة دي ما خلتهاش تعدي لمخك (الخريطة). هي: " كل الرجال قاسيين .." ده مثال تاني للتعميم.. صاحبة الجملة دي أكيد مرت بتجربة مع واحد قاسي, خلتها تعمم الموضوع على كل الرجال.. مع إن ده مش صحيح... 3ـ مصفاة التحريف: المصفاة دي غير اللي فاتوا خالص.. لأنها ببساطة بتحرف المعلومات اللي رايحة المخ .. لي واحد صاحبي زعلان مني وانا مش عارف...... وفي يوم من الأيام كنت ماشي من قدامه ونسيت اسلم عليه... عادي يعني! صاحبنا ده قال إن ده دليل اني مغرور وليه حق انه يخاصمني الغريب إنه كان مصدق كده تماما.. السبب في كده: مصفاة التحريف.. خلت الموقف العادي ده يتحرف ويبقى حاجة تانية خالص.. طيب.. أي نوع من دول عندنا؟؟ صح.. التلاتة طبعا.. كل مصفاة في وقتها بطريقة لا إرادية... ................................................................................ ...................................................... التحكم في المصافي: دلوقتي بعد ما فهمنا أنواع المصافي دي وازاي بتشتغل, نقدر بكل بساطة نتحكم فيها عشان نعيش حياة أسعد.. تعال نشوف المشاكل دي كده: مشكلة 1: هو: مراتي بتتكلم كتير قوي.. مش قادر أستحمل مشكلة 2: هي: جوزي عمره ما يحط حاجة في مكانها خالص!! خدت بالك من المشاكل دي؟؟ فكر كده في الفلاتر اللي استخدمت في كل حالة المشكلة 1: الزوج استخدم مصفاة ( التعميم والإلغاء) ركز في مشكــلة الكلام الكتير لزوجته (تعميم) وتــجاهل حاجات كتــير قـــوي ممكن تكون كويسة فيها (إلغاء). عارفين الحل إيه؟ يستخدم الإلغاء في موضوع الكلام الكتير ويعمم في أي صفة حلوة عندها.. يركز في إن مراته منظمة مثلا.. في إنها بتحبه.. في إنها بتربي عياله كويس وبتخلي بالها من بيته.. كده يعني.. كل ماتتكلم كتير قدامه يركز كم هي حنونة وجميلة وتحملت معي الكثير.. وبكده هيعدي الموضوع! المشكلة 2: الزوجة استخدمت مصفاة (التعميم والإلغاء والتحريف). مصفاة التحريف: يعني معقول عمره ما حط حاجة في مكانها؟؟ ليه يعني؟؟ دايما بيحط الأكل في الدولاب والقمصان في التلاجة مثلا؟؟ عمره ما حط دماغه على المخدة يعني ولا بيحطها على الكومودينو دايما؟؟ أكيد منظم إلى حد ما في بعض الأشياء.. لو شغلت مصفاة (التعميم) في المواقف اللي كان فيها منظم.. هتلاقي إنه مش بشع إلى هذا الحد!! وبكده على الأقل هتقدّر حجم المشكلة بالضبط وتقدر تتفاهم معاه وتعلمه النظام في الحاجات القليلة اللي هو غير منظم فيها.. ودلوقتي وبعد ما حلينا المشكلتين دول.. ارجع للمشاكل اللي في أول الموضوع هتلاقي نفسك حليتها لوحدك.. جرب كده .... جرب بتحكمك في المصافي بتاعتك هتقدر تحب (شريك حياتك- عملك- أهلك أكتر وأكتر) (بتعميم) صفاته الكويسة و(إلغاء) صفاته اللي مش عاجباك.. و(حرّف) زي ما إنت عايز.. بس وإنت بتستخدم المصافي دي اعرف إن الهدف الأساسي هو: إنك تعيش حياة أسعد, بعيدة عن الضغوط... ورحلة حياة سعيدة.. هو ده بقى موضوع المصافي (علميا اسمها: الفلاتر). بعد ما المعلومات بتعدي من المصافي دي, بتروح على المخ.. اللي هو الخريطة.. إيه هي الخريطة دي؟؟ هو ده اللي هنتكلم عنه في الحلقة الجاية.. فإلى اللقاء

سلام عليكم ورحمة الله وبركاته تنويه لابد منه المثــــــــــــــال علي انك تقنع واحد يروح معاك للسينما طبعا مجرد مثـــــــــال يعني لان ممكن ناس تقول ايه السينما دي ومش عارفه ايه انا معدلتهاش عشان دي امانة يعني اعتبروها اي مكان تاااااااااني والمثـــــــــال بتاع فرغلي ده يعني كل اللي اقصده نستفيد من الموضوع لو في بعض الكلمات الغريبه معلش لان خايفه اي حد يدخل يوجه نقد للموضوع سلام عليكم ورحمة الله وبركاته

السلام عليكم ورحمة الله وبركاته أهلا بيكم في حلقة جديدة من برمجة الدماغ... إيه النظام؟ دلوقتي وبعد ما عرفنا نظامنا التمثيلي ونظام الناس اللي بنتعامل معاهم (راجع حلقة 1) هنستفيد من الكلام ده كله بإيه؟؟ هاقولك مثال: لو بتتنافس مع واحد تعرفه حول موضوع معين... لو شخص بصري: هتلاقيه يستخدم كلمات(بصرية) زي: "شايف وجهة نظري؟.. بص للموضوع من الزاوية دي.. شكله كويس..." لو شخص سمعي: هتلاقيه يستخدم كلمات (سمعية) زي: " اسمع.. ركز.. نشاز....." عارف ليه؟ لأنه (سامع) الفكرة في مخه, وبيحاول يقول لك التحليل المنطقي ليها... لو شخص شعوري: هتلاقيه بيستخدم كلمات (شعورية) زي: "مش مستريح للموضوع ده...." عارف ليه؟ لأنه (حاسس) بالفكرة, وبيحاول ينقل لك مشاعره ناحيتها.... فهمت بقى الفولة؟؟ يبقى لو عايز تقنع واحد بصري بحاجة: حاول ترسم له الصورة بتاعتها وبتعبيرات بصرية.... لو سمعي: اقنعه بالمنطق وبتعبيرات سمعية... لو شعوري: اقنعه بالمشاعر والأحاسيس بتعبيرات حسية... ................................................................................ ............................................................................ لعبة تمرين 1: عاوز تقنع واحد إنه يروح معاك السينما... هتقول له إيه؟... لو بصري؟ لو هو سمعي؟ لو هو شعوري؟ برافو عليك.... أيوه كده.... (راجع حلقة1) قبل ما نختم الحلقة, تعالوا نتفرج على الأمثلة دي ونحاول نفكر فيها مع بعض: مثال: فرغلي: "مراتي مش بتحبني... اشتريت لها غسالة فول أتوماتيك بدل الغسالة اللى صوتها عالي اللي عندنا وصرفت نص المرتب.... وبرضه مش مبسوطة....". التفسير: فرغلي (سمعي) يعتبر الغسالة هدية قيمة, بينما زوجته (شعورية) مش عايزة منه غير وردة أو كلمة حلوة في عيد جوازهم... كمان مثال: عنايات: "جوزي مش طايقني.. كل ما أكلمه يبص الناحية التانية.. سامع كل كلمة باقولها بس مش عايز يبص في وشي". التفسير: عنايات (بصرية) تعتبر النظر شيئا مهما للتعبير عن الحب.. وجوزها سمعي بيركز عن طريق ودانه... كمان مثال: تامر: "بصوا يا جدعان أنا مش طايق "ميدو" ده ممل قوي وعلى ما يقول كلمتين على بعض باكون نمت..." التفسير: تامر (بصري) بيتكلم بسرعة, وميدو (شعوري) بيتكلم ببطء (راجع حلقة1) كفاية كده أمثلهوالى اللقاء بالحلقة القادمةان شــــــــــــــــــــــــــــاء الله

سلام عليكم ورحمة الله وبركاته ماشاء الله موضوع رائـــــــــــع وقيم جدا جزاكم الله خيرا كثيرا مش عارفه اول ما قريت بداية الموضوع تذكرت الايه دي معناها جميل جدا ** ان في اختلاف الليل والنهار لايات لاولي الالباب الذين يذكرون الله قياما وقعودا وعلي جنوبهم ويتفكرون في خلق السماوات والارض ربنا ما خلقت هذا باطلا سبحانك فقنا عذاب النار *** وفعلا مفيش سعاده غير بطاعة ربنا الغرب حواليهم نعم كتيرة جدا الا انهم فقدوا الاحساس بالمعني نفسه بس اكيد حياتهم مهما بلغت من درجات الرفاهيه مش هيجي ابدا الوقت اللي يحسوا فيه بطعم السعاده الحقيقية لان ربنا هيجعل نظرتهم دايما للشيء اللي يجعلهم في ضيق والامثلة كثيرة جدا ممن شرح الله صدورهم للاسلام من الغرب وان الانسان اما يعيش من اجل الله ربنا هيجعل حياته كلها في ميزان حسناته يعني لو جه وقت ضاق به الحال وتعثرت الامور حواليه ربنا اكيد بيختبره لان ربنا اذا احب انسان ابتلاه فبكده احنا لو بنحسبها صح احنا في جميع الاحوال ان شاء الله من الفائزين في الدنيا والاخرة وجزاكم الله خيرا كثيرا ونفع بكم وتقبل منكم وجعلك من عباده الصالحين القانتين المتقين ربنا يرزقنا وياكم الاخلاص ويطهر قلوبنا من النفاق والسنتنا من الكذب واعمالنا من الرياء وان يختم بالباقيات الصالحات اعمالنا

ربنا يكرمك ويعزك الموضوع جميل بمرورك ربنا يجعلك ممن سبقت لهم الحسني وزيادة اللهم احسن عاقبتنا في الامور كلها واجرنا من خزي الدنيا وعذاب الاخرة اللهم انا نسالك من الخير كله عاجله واجله ما علمنا منه وما لم نعلم ونعوذ بك من الشر كله عاجله واجله ما علمنا منه وما لم نعلم احبكي في الله

سلام عليكم ورحمة الله وبركاته بداية احيكي اختي في الله شهد علي الموضوع الجميل ده معلش لو هطول عليكي لان عندي كلام كتير بس يعلم الله اننا كنت هعمل موضوع عشان اخواتي يشاركوني بجد جايز توصلوا معايا لحل مش عارفه اقولك ايه انا من فترة كبيرة وموضوع الموت ده شاغليني جدا لدرجة اننا فكرت اننا لو مت ياتري هيكون مصيري ايه؟ طيب انا عملت ايه عشان مصيري يكون الجنة احنا ايه بالنسبة للصحابة والرسول عليه الصلاة والسلام انا الموضوع ده بجد تعب نفسيتي جدا لدرجة اننا اتكلمت مع اصدقاء ليا فيه فردهم عليا ان ربنا رحيم جدا وانا مؤمنة جداااااا وفعلا انا عند ظن عبدي بي انا عندي ثقة كبيرة في ربنا انه يرحمنا بس لو جينا نشوف سبحان الله ما يلفظ من قول الالديه رقيب عتيد يعني كل شيء في حياتنا وفي حركاتنا دي هنتحاسب عليه ساعات كنت افكر اننا انطوي علي نفسي واتفرغ بس فعلا لعبادة ربنا وبس ,......... بس ده مش تفكير منطقي برده ومش ده حل المشكله انا اللي عاوزه اوصل ليه اننا اصل لدرجة علي الاقل اكون راضية عن نفسي فيها او حاسه ان دي فعلا تفرح ربنا بيا عاوزه اوصل لدرجة احس فيها فعلا بمعني الحديث ده اذا احب الله عبدا كان عينه التي يبصر بهاو.... الموضوع ده بفكر كتير جدا فيه لدرجة اننا ساعات بقعد اعيط علي الناس اللي ماتوا اقول ياتري هما منعمين دلوقتي في الجنة ياتري قبرهم روضة من الجنة ولاااااا ايه واقول في نفسي الحمد لله ان انا ربنا امهلني ولسه في ايديا اننا احسن من نفسي اكتر بس برجع تاني واقول مهماااااااااااااا عملت حاسه اننا برده في الاخرة مش هكون بالشكل اللي يفرح ربنا بيا والكلام ده والله ربنا اعلم اد ايه شاغلني بس عاوزة حد يجاوبني جواب شافي اما اتذكر حيدث الرسول صلي الله عليه وسلم من كل الف يدخل 1 فقط الجنة طيب مقارنة بناس كتير جدا احنا بالنسبة ليهم صفر علي الشمال والدنيا دي سباااااااااااااااااااق مهما تعمل هتلاقي الاعلي منك ما هو لازم يكون الانسان فينا له حاجة مميزة عن غيره يعني في حاجة هقولها بس ممكن توضح الامور ** يعني عندي احساس اننا مهما عملت مش انا اللي ادخل الجنة ** استغفر الله العظيم **************************************** مش عارفه اللي انا اقصده وصل صح ولا ايه انا عموما ان شاء الله في وقت تاني هتناقش معاكوا لان عندي امتحانات الايام دي نسالكم الدعاء *************************************** ومتاسفه لو كنت ضايقت حضرتك بالاضافة دي بس فعلا محتاجة اتناقش معاكوا وربنا يوفقك ويجعل الموضوع ده في ميزان حسناتك ويرزقك الجنة وشفاعة الحبيب المصطفي صلي الله عليه وسلم

اخي في اللهDr.A7md ** جزانا وياكم ان شاء الله خير الجزاء وبلغنا اعلي درجات الجنة ورزقنا واياكم الاخلاص في القول والعمل فضل من ربنا وتوفيق الحمد لله بالنسبة لفكرة الموضوع واسال الله العظيم رب العرش الكريم ان ينفعنا بما فيه ويجعل كل حرف نستفيد به في ميزان حسناتنا جميعا وجزاكم الله خيرا علي المرور الطيب

السلام عليكم ورحمة الله وبركاته نبدأ ان شاء الله الحلقه الثانيه ................................................ إيـــــه نظامك؟! سؤال: • عمرك حسيت إن اللي قدامك مش فاهمك كويس؟؟ • عمرك لاحظت إنك مش قادر تقنع اللي قدامك بوجهة نظرك؟؟ المشكلة دي بتواجهنا كلنا... ساعات بتلاحظ إنك بتكلم حد في موضوع وهو مش قادر يوصل للفكرة اللي إنت عايز تقولها.. صح؟ عارف ليه؟ طيب قبل ما نجاوب السؤال ده هنلعب مع بعض لعبة صغيرة! هاسألك كام سؤال.. أوك؟؟ (أهم حاجة في الموضوع هنا إنك تجاوب الأسئلة دي عشان هتحتاجها بعدين.. ما ينفعش تكمل قراءة من غير ما تجاوب عشان تستفيد من الموضوع ده....) • فكر في أي صديق ييجي في بالك حالاً... اتكلم عنه في 3 أسطر على الأقل • اوصف المكان اللي إنت قاعد فيه دلوقتي... في 3 أسطر على الأقل تخيل نفسك بعد 10 سنين من دلوقت في موقف معين.. اوصف الموقف اللي إنت متخيله ده بالتفصيل الممل *ارجو كتابه ردك بالورقه و القلم علشان تكون الاستفاده اكبر* خلصت اللعبة؟؟ يلا بقى نعرف إيه الحكاية... ................................................................................ ........................................... الأنظمة التمثيلية: مخ الإنسان عبارة عن أرشيف بيخزن كل المعلومات اللي الواحد مننا بياخدها في حياته, ويسترجعها وقت الحاجة. اكتشف العلماء إن الأرشيف ده كذا نوع... مش نوع واحد... وطبقاً للنوع ده بيتقسم الناس لثلاث (أنظمة تمثيلية) رئيسية: شخص بصري شخص سمعي شخص حسي (شعوري) يعني إيه الكلام ده؟؟ بص معايا على المعلومات دى: النوع طريقة عمل المخ سمات شخصية 1 البصري بيخزن المعلومات على شكل صور وأشكال.. ذكرياته وتفكيره عبارة عن صور. بيتذوق الفن التشكيلي - أنيق - سريع الحركة والكلام واتخاذ القرار. 2 سمعي بيخزن المعلومات كأصوات - بيفتكر الأصوات والكلام اللي اتقال في موقف ما أكثر من أي حاجة تانية. يتذوق الموسيقى - يميل إلى العقلانية وتحليل الأمور - غير متسرع. 3 حسي(شعوري) بيخزن المعلومات كمشاعر وأحاسيس - ممكن مايفتكرش من موقف ما غير الأحاسيس والمشاعر اللي كانت عنده وقتها منخفض الصوت - بطيء الكلام - تتخلله فترات صمت - قراراته تتحدد طبقاً لمشاعره - لا يهتم بالمظهر.. راجع إجاباتك اللي فاتت (مش قلت لك مهمة؟) عشان تعرف نظامك التمثيلي: اتكلم عن صديق جه على بالك: لو كنت بصري: هتوصف شكله ومظهره.. طويل - قصير - ملامحه... لو كنت سمعي: هتوصف طريقة كلامه وصوته عالي ولا منخفض وتقيمه تقيم عقلي (تفكيره كويس - لاسع....) لو كنت شعوري: هتوصف أحاسيسك وشعورك ناحيته.. (مريح- بكره- بحب..) اوصف المكان اللي إنت قاعد فيه: لو كنت بصري: هتوصف الديكور والألوان والأشياء اللي حواليك لو كنت سمعي: هتوصف الأصوات (ضوضاء - هادئ....) لو كنت شعوري: هتوصف أحاسيسك ومشاعرك (مكان مريح - الكرسي ناشف..) - تخيل نفسك بعد 10 سنين.. لو كنت بصري: هتوصف شكل المكان أو الناس اللي حواليك. لو كنت سمعي: هتوصف الأصوات والكلام اللي بيتقال. لو كنت شعوري: هتوصف مشاعرك في هذه اللحظة.. عرفت بقى نظامك التمثيلي؟؟ أحياناً الإنسان له أكثر من نظام... يعني (سمعي- بصري) أو (شعوري- سمعي) كده يعني.. وممكن تتغير الأنظمة من وقت للتاني ومن سن للتاني... طيب والكلام ده مفيد في إيه؟؟ عايز تعرف؟؟ يبقى استنانا الحلقة الجاية......

اختي حياتي من اجل ربي انا سعيدة جدا بمرورك وردك الجميل ده ويارب الموضوع يعجبك ان شاء الله احبك جدا في الله وربنا يجمعنا تحت ظل عرشه اخوات تحابا فيه ويرزقنا جميعا الفردوس الاعلي </div> اخي eng_alaa جزاكم الله خيرا علي الرد والمرور الكريم نسالكم الدعاء بس بتيسير الامر وان شاء الله اكمله ربنا يرزقك الجنة وما قرب اليها من قول او عمل وييسر لك الخير حيث كان ويجعلك نورا يمشي علي الارض والا يحرمك العمل لنضرة دينه </div> </div> وعليكم السلام ورحمة الله وبركاته الشكر لله سعدت جدا بمرورك اختي في الله ويارب بقية السلسله تعجبك ان شاء الله جزاكي الله خيرا وسدد خطاكي والهمك الصواب ورزقك الجنه بس ليه مش قلتي انتي سمعي ولا بصري ولا شعوري؟ </div> جزاكم الله خيـــــــــرا علي المرور الطيب اتمني يكون الموضوع حضرتك استفدت منه اللهم علمنا ما ينفعنا وانفعنا بما علمتنا </div> وعليكم السلام ورحمة الله وبركاته جزاكم الله خيرا علي الرد والمرور الطيب نسالكم الدعاء في هذا اليوم المبارك </div>

سلام عليكم ورحمة الله وبركاته لماذا نطوف عكس عقارب الساعه ؟ مع اننا فى جميع عبادتنا نبدأ باليمين نسلم باليمين نأكل باليمين ندخل المسجد باليمين كل امورنا نبدأها باليمين فما الحكمه من ذلك قال اهل العلم ان القلب فى الانسان ناحيه اليسرى فنحن عندما نطوف عكس عقارب الساعه فيكون القلب اقرب ما يكون ناحيه الكعبه و العلم الحديث اثبت اشياء تؤكد اهميه الطواف عكس عقارب الساعه فالدم داخل الانسان يبدأ دورته عكس عقارب الساعه والالكترونانت والنوايا تدور عكس عقارب الساعه فاذا خرجنا عن نطاق الارض وجدنا القمر يدور حول الارض عكس عقارب الساعه والارض تدور حول الشمس عكس عقارب الساعه والكواكب تدور حول الشمس عكس عقارب الساعه والشمس بمجموعتهاتدور حول المجره عكس عقارب الساعه والمجرات بأكملها تدور عكس عقارب الساعه اى انه عندما نطوف حول الكعبه نطوف مع الكون كله نسبح الله فى اتجاه واحد وتتوحد جميع مخلوقات الله بتسبيح الله سبحانه وتعالى وعندما نطوف بالكعبه فاننا نكون بذلك خوطنا فى الارض التى طاف بها انبياء الله جميعا من آدم عليه السلام الى محمدا صلى الله عليه وسلم بما اننا في هذه الايام المباركة وكلها أيام ويبدأ شهر ذي الحجة اسال الله العظيم رب العرش الكريم ان ننال جميعا زيارة بيته الحرام اللهم اميـــــــــــــــــن

*الحلقه الاولى* . . . . ممكن تستغربوا من العنوان الغريب ده... إيه برمج عقلك ده؟؟ ممكن واحد يسأل: هو كمبيوتر يتبرمج؟؟ يعني بدل ويندوز 98 ننزل إكس بي عشان مخنا يمشي أحسن ولا إيه يعني؟ تصدقوني بقى إن هو ده يبقى الموضوع بالضبط؟؟ تعال أسالك سؤال.... لو عندك كمبيوترين من نفس النوع واحد شغال بالإكس بي, والتاني شغال بالدوس.. هتكون كفاءتهم وقدراتهم واحدة؟؟ طيب لو عايز تدخل نت.. ينفع تستخدم الكمبيوتر أبو (دوس)؟؟ لأ طبعا.. عارف ليه؟ لأنك علشان تنجح في دخول الموقع لازم يكون عندك البرنامج المناسب... صح؟ فيه علم ظهر حديثاً اسمه البرمجة اللغوية العصبية.. (نقول برمجة العقل أظرف).. العلم ده قائم على فكرة إنك ممكن تعمل أي حاجة لو عرفت تبرمج عقلك بالبرنامج المناسب.. تخيل؟؟ يعني لازم تحط البرنامج المناسب في مخك عشان تعرف تستخدمه بطريقة أكفأ.. وتوصل للهدف اللي إنت عايزه. تعال أسألك كمان كام سؤال.... عمرك حسيت إن اللي قدامك مش فاهمك وإنك مش عارف توصل له وجهة نظرك أو اللي إنت حاسس بيه؟؟ حسيت قبل كده إنك تايه ومش عارف تخطط لبكره كويس؟؟ لاحظت إنك مش فاهم والديك وإنهم مش فاهمينك؟؟ عمرك حسيت إنك متضايق كده من غير سبب ومش عارف تعمل إيه؟؟ عايز تطور قدراتك الوظيفية ومش عارف ازاي؟؟ أهي برمجة العقل بقى هي العلم اللي متخصص في حل كل المشاكل دي.. لو إجاباتك لمعظم الأسئلة اللي فاتت هي (أيوه).. إذا الموضوع ده هيعجبك قوي.... وكمل معانا باقي الحلقات ******************** الموضوع ده عبارة عن كورس انا قريته في احد المنتديات وعجبني جدا قلت انزله يارب يعجب حضراتكوا وان شاء الله كل ما ربنا ييسر هنزل حلقة منه سلام عليكم ورحمة الله وبركاته

ماشاء الله موضوع في غاية الروعة والجمال كلمات قليلة ذااااااااات معاني رفيعة وسامية فعلا والله قول الرسول صلي الله عليه وسلم بحس بيه جدا اللهم اني اعوذ بك من العجز والكسل الكسل ده هو سبب رئيسي في عدم نهضة امتنا امة محمد عليه الصلاة والسلام والاكتفاء باننا نكون مجرد هامش في الحياة مفيش العزيمة والاصرار اللي بيه ممكن ناثر ويكون لينا بصمة بجد كل انسان فينا راضي بحاله ومفكر انه خلاص كده كويس ودي المصيبة مفيش استعداد اننا نتغير لاااااااا كل اللي علينا نشتكي من الظروف المحيطة بينا بالرغم من اننا نقدر باعتمادنا علي ربنا مع التوكل عليه والسعي بجد والتعب لتحقيق اهدافنا بس تكون اهداف سامية لنهضة امتنا انا عايزة اكون عشان اهداف معينة اهداف عليا مش اننا عايزة اعمل لنفسي لاااااااااا يعني اضرب لحضرتك مثال بالنسبة لموضوع الدراسات العليا ده انا اعرف واحده شخصيا بتربط موضوع انها تكمل ياتري بايه؟؟؟ بتقول لو اتقدم ليها الضخص المناسب مش هتكمل هتكتفي بالكليه وخلاص متقدمش حد كويس هتكمل عشان يجي ليه الانسان المناسب علي انها هتبقي معيده او اي شيء ياتري احنا اما تكون اهدافنا بالشكل ده هننهض ؟؟؟ بجد شيء مؤســــــــــــــف اتمني ربنا يوفق شباب الامة ونقدر نرجع كده زي ايام الصحابة كانوا دايما في سباق وعندهم همة عاليه واهداف سامية بجد ربنا يجعلنا ممن يعلون راية لا اله الا الله ونكون ممن يسعون لتحقيق نهضة امتنا والا يحرمنا العمل لدينه وان يجعلنا ممن يفوزون في الدنيا والاخرة

ماشاء الله موضوع في غاية الروعة والجمال كلمات قليلة ذااااااااات معاني رفيعة وسامية فعلا والله قول الرسول صلي الله عليه وسلم بحس بيه جدا اللهم اني اعوذ بك من العجز والكسل الكسل ده هو سبب رئيسي في عدم نهضة امتنا امة محمد عليه الصلاة والسلام والاكتفاء باننا نكون مجرد هامش في الحياة مفيش العزيمة والاصرار اللي بيه ممكن ناثر ويكون لينا بصمة بجد كل انسان فينا راضي بحاله ومفكر انه خلاص كده كويس ودي المصيبة مفيش استعداد اننا نتغير لاااااااا كل اللي علينا نشتكي من الظروف المحيطة بينا بالرغم من اننا نقدر باعتمادنا علي ربنا مع التوكل عليه والسعي بجد والتعب لتحقيق اهدافنا بس تكون اهداف سامية لنهضة امتنا انا عايزة اكون عشان اهداف معينة اهداف عليا مش اننا عايزة اعمل لنفسي لاااااااااا يعني اضرب لحضرتك مثـــــــــــل بالنسبة لموضوع الدراسات العليا ده انا اعرف واحده شخصيا بتربط موضوع انها تكمل ياتري بايه؟؟؟ بتقول لو اتقدم ليها الشخص المناسب مش هتكمل هتكتفي بالكليه وخلاص متقدمش حد كويس هتكمل عشان يجي ليه الانسان المناسب ياتري احنا اما تكون اهدافنا بالشكل ده هننهض ؟؟؟ بجد شيء مؤســــــــــــــف اتمني ربنا يوفق شباب الامة ونقدر نرجع كده زي ايام الصحابة كانوا دايما في سباق وعندهم همة عاليه واهداف سامية بجد ربنا يجعلنا ممن يعلون راية لا اله الا الله ونكون ممن يسعون لتحقيق نهضة امتنا والا يحرمنا العمل لدينه وان يجعلنا ممن يفوزون في الدنيا والاخرة