اذهب الي المحتوي
منتديات ياللا يا شباب

رجل من الصحراء

مشرفي الأقسام
 عرض  تصفح المحتوي

  • عدد المشاركات

    2,897

  • انضم

  • تاريخ اخر زيارة

  • Days Won

    6

مشاركات المكتوبه بواسطه رجل من الصحراء

  8. قام بنشر

    والله بجد مفيد

    يارب يكرمك ياندى

    هو تقريبا انا عندي نقص في فيتامين سي عشان دايما بتعب

    هعمل ايه بس الجبل هدني

    ياللا الحمدلله على كل شيء وكله خير ان شاء الله

    لك مني كل التحية والتقدير على التميز الدائم

  11. قام بنشر · تم تعديل بواسطه رجل من الصحراء

    4- تدعك الصفرة بعصير الليمون على قطعه قطن ، و يكرر ذلك يومياََ حتى يختفي الاصفرار.

     

    5ـ تدعك الأسنان المصفرة بمادة بيكربوونات الصوديوم (يتم شراؤها من الصيدلية) .مع عدم الإفراط في استخدامها لأن ذلك يؤثر على سلامه اللثة و الأسنان .

     

    6- تؤخذ قطعة توست أو بقسماط و تحرق تماماََ على النار ، و تطحن جيداََ حتى تتحول إلى رماد ثم يخلط هذا الرماد بنصف ملعقة عسل ، و يدعك بالأسنان تكرر العملية و ستلاحظين نتيجة باهرة جداً العسل مفيد لبياض الاسنان لكن ما يغني أنكم بعدها تغسلون سنانكم بالمعجون فقط لان العسل يسبب التسوس .

    اكثر مااعجبني في هذا المقال واستفدت منه

    راائع جدا ياندى فكرتيني والله خطيبتي بيطلعلها درس العقل وتاعبها جدا وحصلت حاجات غريبة كده في اللثة مش فاهمها لغاية دلوقتي المهم ربنا يسترها ان شاء الله.

    بالنسبة للبدو في الصحراء

    يستخدموا

    المسواك المخضر من عود الأراك يحتوي على العفص

    و هي مادة مضادة للعفونة ، مطهرة ن قابضة تعمل على قطع نزيف اللثة و تقويتها.

    جزيتي خيرا ندى ربنا يبارك فيكي

    تحيتي وتقديري ايتها الراائعة والمتميزة دائما

  13. قام بنشر

    طيب حد ياخد على كلام مفيد فوزي برده

    ربنا يهدينا ان شاء الله ويسترها معانا ويعيننا

    اللهم استرنا فوق الارض وتحتها ويوم العرض عليك

    تحيتي اختي نودي لتميزك الدائم وابداعك راائعة

  21. الكرنب

    استورد ملفات صحتك فى أكلتك

    قام بنشر

    سبحان الله العظيم

    لم يخلق اي شيء هباء سبحان الملك العظيم

    شكرا اختي حيرانة على الموضوع المفيد والرائع متميزة دائما

    بس انا اسمع عن محشي الكرنب , سلطة الكرنب, شوربة كرنب يمكن

    بس عصير الكرنب ده اول مرة اسمع عنه بصراحة

    ههههههههههههه

    تحيتي وتقديري

  24. قام بنشر

    اديني على قفايا

     

    النهارده كالعادة قررت اني ازور جدي واطمن عليه وبصراحة وحشتني حكاياته اوي معايا.ولفت نظري وانا بكلم معاه انه فيه ولدين صغيرين من احفاده بيلعبوا بره في الصالة.

     

    وقام واحد من الصغيرين دول هزر مع اخوه وراح ضربه على قفاه وجري وقعد يضحك ولقيت جدي قام وزعق بصوت عالي للولد

     

    انت ايه اللي عملته ده انت متربتش ده عيب عليك هزر معاه بأي حاجة حتى لو هتضربه بطوبة بس اوعى تضربه على قفاه.

     

    فكرني جدي بنصايح ابويا وانا صغير وهوبيقلي يابني كرامتك فوق كل شيء واوعى تضحي بيها مهما كان الشيء اللي انت عايزة

     

    ده مهم بالنسبة ليك واوعى في يوم من الايام تخلي حد يضحك عليك و يسكك على قفاك.

     

    الكلمة رنت في وداني وفكرتني بموضوع متغاظ منه جدا

     

    وقلت لجدي ياراجل ياعجوز يعني جات عالواد الصغير ماحنا طول عمرنا بناخد على قفانا وساكتين مجتش عليه .

     

    ضحك جدي وقالي: يابن بنتي عمرك ماتسيب موضوع في حاله وتعديه متخلي الطابق مستور ومتفتحش السيرة دي

     

    قلتله ياجد: قلي هو برده زمان كان على ايامكم فيه كوسة وسك على القفا.

     

    بصلي وضحك قالي: يوووووووه ده احنا اللي بدعناها

     

    زمان يابن بنتي على الرغم من اننا كنا بسطاء خالص ومكنش فيه تكنولوجيا ولا كهرباء ولا حاجة الا انه برده كانت الكوسة موجودة بيناتنا.

     

    افتكر ايام ماكنا نروح نملا المياه من الطلمبة الوحيدة اللي في البلد وطبعا كل الناس طوابيير ورا بعض كله مستني دوره وكله ماسك الزلعة او العلاوة اللي هيملى فيها يقوم مرة واحدة الراجل اللي واقف على الطلمبة يتنفض ويوقف ويزعق للناس ارجع شوية ياخويا انت وهو, ارجعي ياستي انتي محبكتش عليكي الدنيا مش هتطير , اتفضل ياحمادة افندي المياه والطلمبة تحت امرك انت وابونا العمدة اتفضل سعادتك ارتاح وهخلي اي نفر من اللي واقفين دول يوصلهملك لحد باب الدوار وطبعا حمادة افندي يرتاح واحنا اللي اكبر من ابوه في السن نقف في الشمس ونتسك على قفانا.

     

    ضحكت وقلت: عارف ياجد كان ليا واحد مهندس زميلي شغال معايا في الصحراء وكان متخرج بامتياز مش فاشل زي حالاتي وكان بيحكيلي انه مرة في احد مقابلاته واختباراته في احدى شركات البترول الكبيرة وهو فرحان انه مهندس وطالع بامتياز وعمال يتكلم في العلم والناس معجبة بيه واللي يقله انت رائع واللي يقله انت فين من زمان, واللي يقله انت خسارة في البلد دي

     

    وفجاة دخل شاب ببدلة ونظارة شمس والسيجارة في ايديه ومعاه الموبيل ودخل على الراجل اللي بيعمل المقابلة وقاله الباشا عايزك

     

    مسك الراجل التليفون ومفيش دقيقتين قال:

     

    يا معالي الباشا ده ابننا قبل مايكون ابنك

     

    ده احنا نعمله بئر بترول مخصوص

     

    لالا ياباشا الورق هيتمضي حالا وهكلم سيادتك بالليل , في امان الله ياريس

     

    قام بص لزميلي وقاله بص يابشمهندس انت كويس اوي بس للاسف الوظيفة محجوزة

     

    واتعين ابن الباشا الفاشل وزميلي طبعا خد على قفاه.

     

    قال جدي: يابن بنتي ده وصلت ان الكمبيوتر ادانا على قفانا

     

    من فترة كبيرة شوية لما كان الكمبيوتر لسه طالع قالوا هيوزعوا شقق للشعب واللي هيجيب اسمه الكمبيوتر هيكسب وطبعا الكل فرح ده اختراع جديد ياعم مفهوش اي كوسة ياللا قدم اخيرا هتروق وتحلى.

     

    قامو لعبوا في الكمبيوتر وفتحوا بطنه واكلوه الحلاوة وخلو كل الشقق تيجي للوزراء بس غير كده لأ.

     

    لدرجة انهم استغربو لما لقيوا في مرة انه فيه اسم موظف على الدرجة الخامسة طلعتله شقة

     

    وازاي ده يحصل الكمبيوتر خان العشرة وبعد الفحص والتدقيق اتضح ان الراجل اسمه حمدي محمود عبدالرحمن الوزير فالكمبيوتر لقط الاسم الرابع افتكره تبع الوزراء.

     

    عارفك هتقولي ايه لا ياسيدي الموظف مخدش الشقة برده بس خد حاجة احسن من كده خد على قفاه لما جيه يستلم الشقة قالوله ان القانون بيقول لازم على الاقل تكون موظف درجة اولى واسمك جيه في الكمبيوتر غلط .

     

    قلت ياجد: ده حتى في الموت بنتسك على قفانا

     

    لما واحدة ست كبيرة تبقى بتموت قدامك في المستشفى وتتحايل

     

    على الراجل تدخلها لان حالتها صعبة وتقله خد كل الضمانات لغاية ماتجيب الفلوس يقلك ابدا القانون قانون

     

    ياعم الست بتموت يقلك ابدا

     

    ياعم احنا مش بنشحت بس مجبناش فلوس دلوقتي دخلها والفلوس هتكون عندك الحالة حرجة برده يقلك ابدا.

     

    و فجأة يجي واحد يطلعله كارت يقله تبع فلان باشا يقله اتفضل يافندم تحت امرك من غير اي ضمانات خالص اهم حاجة صحة بنت الباشا عندنا الفلوس لا تعنينا في شيء.

     

    ضحك و قالي :على رايك ده حتى الجيش بقى على ايامكم مش لاي حد دلوقتي الكمبيوتر بياخد مواليد عامة الشعب بس لكن ولاد البشوات لأ ملهمش جيش وحتى لو دخل بيأدي خدمته في بيتهم والباقيين يتسكوا على قفاهم .

     

    قلتله : وغيره وغيره من الوظائف والتعينات والمعاملات و..الخ وكل حاجة لازم نسلمها قفانا عشان الدنيا تمشي

     

    عشان كده مفيش داعي من نرفذتك دي ياجد .

     

    ولا ايه رايك؟

     

    سكت جدي وابتسم وراح للولد الصغير اللي كان بيبكي عشان زعقله وقاله: متزعلش ياولدي روح اضربه على قفاه يمكن يتعود عشان ميتفاجئش لما يكبر روح ياولدي روح .

    • أعجبني 1

  25. قام بنشر

    اختي الصغيرة بارك الله فيكي وجزاكي كل الخير واحبكي الله واعزكي وحفظك من كل سوء

    وجعل كل عمرك في طاعته ان شاء الله

    دائما انتي راائعة في اجاباتك النابعة من حبك لله وتدينك

    والله لا اجد كلمات لشكرك

    وفقك الله لما تحبين اختي الصغيرة

    ورزقك ماتحبين ان شاء الله

    لك مني كل التحية والتقدير ايتها الاخت الرائعة والمبدعة

×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..

  I accept