صناع الحياه

الرد في الرحله القادمه انتظروني قريبا روتانا عبد الله مش هتقدر تقفل مخك

حرف في المنتصف باقي الصفحه فارغ انظر خلف الورقه الان قرات الدرس نم يا صغيري فغدا ليس الغد نزول للعين الي اسف الموضوع لقراءة عباره " اذا لم تقابل شخص لمدة ثلاث ايام ففكر اربع مرات انه تغير خمس مرات" الان انتهي الدرس

مش عارف اشكرك ازاي علي ردك الجميل ده ربنا يباركلي فيكم يارب ويحفظكم

" دعوت نفسي الي ربي فابت , فتركتها وذهبت "

اممممممممممممممممممممممممممممممممممممممم ايه العنوان الغريب ده يا عبد الله قفل ومفتاح اشتغلت نجار اليومين دول ولا ايه؟ اظاهر شغل الكيمي كيمي كا مجايبش همه اليومين دول معاك ايه القصه ماله المفتاح والقفل يا عبد الحكايه باختصار ان عندي في شخصيتي عاده وحشه خالص مش عارف اتخلص منها وللاسف فيه عادات كتيره جميله بفتقدها حاولت كتير اني اغير من شخصيتي واستاصل شئفة العاده السيئه واركب مكانها عادات كويسه للاسف مقدرتش بس علي مين انا عبد والاجر علي الله بسرعه تقمست شخصية محمود وطلعت بره عبد الله بصيت علي عبد الله من بره " دي ميزة ان الانسان يكون ليه اسمين يقدر يهرب من واحد للتاني في اي وقت" خليت محمود يبص علي العاده السئه كويس ويغير فيها عشان يحولها لعاده كويسه معرفتش لان صعب جدا الواحد يغير من حاجه براه بصوا يا جماعه عارفين نظرية القفل والمفتاح اللي بنستخدمها في تفسيرتكسير الانزيمات لجزيئات البروتين الانزيم فيه مناطق بتركب علي مناطق البروتين المناسبه ليها لان ليها اسنان زي اسنان المفتاح لما بتنزل علي نتوءات القفل وبتحركها عشان تفتح القفل اهو بنفس الفكره العاده ليها اسنان زي اسنان المفتاح شخصيتك فيها نتوءات زي نتوءات القفل لو العاده نزلت وتوافقت مع النتوءات وفتحت الباب للاسف بتعمل العاده دي وبتتكرر وبتتكرر وهكذا طيب ايه الحل للاسف الانسان قدامه حلين بس معاه في ايده اليمين مشرط من الماس يقدر يغير بيه معالم النتوئات بتاعت شخصيته وبكده مش ممكن اسنان المفتاح انها تتطابق معاها وعشان كده العاده مش هتتكرر تاني والحل التاني ان معاه في ايده الشمال مشرط من الورق يقدر يحز بيه ويغير شكل اسنان المفتاح بتاعت العاده وده صعب جدا جدا بالله عليكم انهو اسهل اختاروا بين المشرطين لو عايز تركب عاده جديده لشخصيتك بسيطه خالص بالمشرط اللي في ايدك اليمين اللي مصنوع من الماس شكل نتوءات ملائمه لاسنان المفتاح بتاع العاده دي عشان تنزل بسهوله وادعولي يا جماعه محتاج دعاكم قوي في المرحله دي ادعوووووولييييييييييييييي

انا الي بشكرك جدا علي حسن متابعتك يا استاذ ميمو ويارب مواضيعي تعجبك دايما شكرا لمرورك الكريم

موضوع ملووووووووووووووووووووووووووووووووش حل لو نفذته كل زوجه اضمنلها حياه جميله ان شاء الله

في البدايه انا بشكركم جدا علي ردودكم الاكتر من رائعه وبتمني ان كل رحلاتي تعجبكم بالنسبه للحب يا رومانسيه حزينه مش بايدنا اننا نحب واحد ونكره واحد قلبنا مش بايدنا نتحكم فيه مش بايدنا نقوله انا خلاص سبت البنت دي كبر دماغك منها وخليك في البنت دي الحب انهار ماشيه في ارض قلوبنا نقدر نغير مسار رحيل النهر بس مبنقدرش نوقف قدام تياره ونمنع تدفق ماؤه منقدرش بادينا نحفر نهر لانسان معين لا هو الانسان نفسه لازم يحفر نهر حبك ليه في قلبك قلوبنا طير في سما ملهاش حدود ننده عليها وهي لا ممكن تعود تلبي ندا الواحد المعبود سيب قلبك يمشي ويعدي سدود جايز يلاقي النور بين السدود يا جماعه كل مشاعرنا لو متعمقتش بتفكيرنا فيها وخلناها تفرض نفسها علي سطور حياتنا سهل جدا انها تتزرف باي شوية ريح نسيان لان الانسان من النسيان وكلنا ضيوف عليها وعلي راي استاذي احمد خالد توفيق ليه متكونش حياتي دي كلها حلم لطفل رضيع نايم ومستمتع بحضن امه الدافي جايز برده يمكن حياتنا حلم والحب جوه الاحلام حلال مش حرام حبوا محدش واخد منها حاجه

اممممممممممممممممممممممممممممممم عبد الله شكله مش ناوي يجيبها البر وناوي يتكلم عن الحب في الرحله دي شكله كده ناوي علي خراب عشه من اول مفتحنا خمسه لعقلك وانا بسكت فيه واقوله ابعد عن المواضيع دي وخلينا قاعدين وعلي راي المثل " مفيش ميت بيقعد علي حصيره" بس تقول ايه لازم ينخر ياللا امركم لله شوفوا عايز يقول ايه اصل انا عارفه براوي ولسانه متبري منه ايوه ياعم عبد اطربنا مالك بالحب عايز تقول فيه ايه ***** ياعم خلاص متزقش هما كام حرف هنرصهم ورا بعض وكاننا ماشيين ملهاش لازمه الزعله دي بص ياسيدي عايز تقيم درجة حبك لانسان شوف قد ايه انت بتوريله من نقاط ضعفك قدامه لاننا لما حد بيحبنا بيشوف نقاط ضعفنا قوه وبيزيد حبه لينا بيشوف بكانا صفاء للروح مش قلة حيله وضعف بيشوف ضحكنا امل وتفاؤل مش مياصه وقلة نخوه بيشوف تقربنا ليه واشتياقنا ليه ولهفتنا عليه حب وموده لانه مش بيشوفها احتياج ونقص عندنا كل ما الواحد حب انسان كل مبقي قدامه كتاب مفتوح من غير اي خوف اما بخصوص الحب اليوتوبي ده نوع تاني ملوش زي انك تحب انسان وعايزه يفضل بعيد عنك عشان لو قربت منه هيفقد بريقه وهتقل معزته عندك زي القمر والنجوم مثلا بنحبهم وبنتغني بيهم في كل ليله بس لو روحنا للقمر هنلاقيه شوية صخور وصحره ومكان مفهوش سريخ ابن يومين ولا حتي نقطة ميه يعني مش هتطيق تعيش عليه ربع ثانيه النجوم لو قربت منها مش هقولك انك هتنصهر لان كلمة الانصهار دي قليله لو قربت منها فربنا عمل الحب ده للناس عشان يستخدموه للناس اللي استحاله يقربو منهم وظروفهم مش هتسمح انهم يكونو جنب بعض فمن خبرتي التي لاتتعدي واحد فمتو سنتي في الامور الحبيه اقدر اقولكم انه نوع حلو بس للي يستغله صح وميخليش نهر الحب يحيد عن مجراه عشان ميتعبش اما عن تعريف الحب فده سهل جدا " الحب= موده +رحمه" وجعل بينكم موده ورحمه وان واحد سالني وقاللي ايه الفرق بين الاعجاب والحب هقوله يا استاذ بسيطه خالص اللي بيحب انسان مبيسمحش لحد يحل محله يعني لو لف ودار عشان يدور علي غيره مش هيلاقي للاسف بصمة الحب مبتتكررش ابدا بصمة ايد بتطبع لو حطتلها باقي الخمسه مليار ايد اللي علي الارض مش هتتطابق اما الاعجاب لو انت بصيت كويس بعد كده وخليت قلبك حر يرفرف بين طيور الارض هتلاقي طيور كتيره جدا تلفت اتباهك لان الاعجاب متعدد الوجوه هاه فيه اي سؤال تاني عارفكم انا واقعين لشوشيتكم بس متخافوش "طالما انك تحب فانت اذا انسان" عبد الله عرابي

موضوع اكتر من هايل جزاك اله كل خير نرجو المزيد

في نفس اليوم من عامين مضوا بسرعة البرق 3/7/2005 رحل محمد غريقا داخل صديقي النيل دفن في النيل واحد وعشرون عاما من الصداقة والقرابه وذابت في مياه النيل كل ايام الدراسه بمواقفها الجميله بحلوها ومرها ابتلع صديقي صديقي ولا اعرف من ابتلع من فيهما تجمعنا اليوم احياءا لذكرا رحيله في بيته لنقرا القران ترحما عليه ولكن كانت لي وقفه لقد نظرت الي صورته المعلقة علي الحائط محدقا بها اتشرب مايخرج من فوتونات الضوء الخارجة منها لكي تبصرها عيني الدامعه رباه ماذا افعل اريد ان احبس هذه الفوتونات كي القيها في اي لحظة علي اي جدار او ورقة حتي اراه عليها يالها من فكره سوف اجمع هذه الفوتونات واقيدها بحبل مسلسلا اياها بقوه سوف استعبدها واسجنها سوف ابطل فعل الزمن عليها فلن تشيخ ابدا او تتغير ستمر السنون تلو السنون وتظل هي كما هي القيها علي اي جدار فلا تتغير ملامحه الغضه حتي ان شخت انا وضعف بصري فلن ياثر عليها ذلك فلقد حمتها روحي من اعمال الزمن بها ولكن يبقي شئ سوف احبس الصوره ولكن روح الصوره اين اضعها وكيف استعيدها فحبس الصورة الضوئيه لن يفيد كثيرا بدون الصورة الروحيه اذا فالابحث عن اناء اضع فيه المواقف والكلمات والاحاسيس والمشاعر كي امزجهم بالصورة الضوئيه وقتما اشاء فتتحول الصورة الي كائن يتحرك لا ضوء يداعب عيني ولكن اين هذا الاناء رجاء من يجده يرسله لي امضاء قبضة من ذرات الجدول الدوري متراصة بطريقة معينه ويتخللها روح من نفخة رب عفو غفور

عودا حميدا يا عفريته المنتدي نور بلمبه قلاووظ 60وات مش عارف اقول رائع للموضوع ولا لابيات الشعر الفظيعه دي ننتظر المذيد

الحمد لله ان لسه الاحلام ببلاش ربنا يستر وعلي راي محمد منير " لو بطلنا نحلم نموت ولو عاندنا نقدر نفوت" يارب تكون احلامنا طريق لطاعة ربنا

اظاهر ان مش انا بس بحسن اختياري في التوقيعات فيه ناس كمان بتحسن اختيار الصور المرفقه بصوره رائعه

ههههههههههههههههههههههههههههههههههههههههههههههههه كمان دمك خفيف يايامن فعلا انت انسان متعدد المواهب

مش عارف اقولك ايه ياعمرو دوام انت ويامن ربنا يعزكم يارب ويباركلنا فيكم يارب خمسه لعقلك تفضل منوره بيكم دايما

اولا انا بشكرك علي مرورك الكريم وبتمني ان كل الرحلات تنال اعجابك يارب ثانيا انا بتمنالك انتي وكل الناس انكوا تكونوا صفحات بيضه جاهزه لكل قلم عايز يكتب بنور ربنا وتكونوا اقلام متخطش علي صفحات غيركم غير بحروف من ايمان وحبر من امل مع خالص تحياتي وعزاؤنا الوحيد ان ربنا قال في كتابه " لقد جائكم من الله ( نور) وكتاب مبين" صدق الله العظيم

انا بشكرك جدا علي متابعتك لرحلات خمسه لعقلك واسف جدا علي تاخري في شرح توقيعي ولو اي حاجه تاني غامضه فريق عمل ياللا ياشباب كله تحت امرك

امري لله هقول وخلاص زمان لما منت في خامسه ابتدائي كنت واد فلحوص وبحب اقلد عمي الصغير في كل حاجه مره من المرات عملو مجله في الكليه وجاب معاه نسخه وحطها في الشنطه طبعا لازم افتشها كل مبيجي عشان اخد مثلثات الجبنه والعلب المربي الصغيره المهم وقعت المجله تحت ايدي قريت فيها المواضيع مكدبتش خبر اشتريت ورق فلوسكاب واتلميت علي مجلات العربي اللي في المكتبه وشويه الكتب اللي فيها صور وبالصمغ عملت مجله فيها مواضيع بالصور عملتلها غلاف وحطيت اسمي عليها بخطي الملولوالوحش بعد مظبطتها جريت فريره علي المكتبه عشان اصورها واوزعها في المدرسه وكانت الكارسه انا وماشي في الطريق الكلاب جريت وراي وعضتني المجله وقعت في الميه وباظ كل تعبي نزلت الترعه عشان اجيبها لقيتها باظت خالص وحبرها بهت قلت فينك ياحروفي روحتي فين بس خطرت في بالي فكره قلت اكيد السمك هيقرا الحبر ويستفيد من المواضيع رجعت البيت وانا فرحان بس ماسك ايدي من عضة الكلاب وضاع الحرف وضاعت المجله

اذا اردت ان تعرف ردي فاقرا رحلة قلم

ملحوظه: نقطتين ومن اول السطر " اذا اردت ان تكتب بخط جميل وكبير في صفحة ما فاجعل حبرك من نور الله " نقطه في اخر السطر وباقي الصفحه فارغه

بلغني ان فيه ناس منكم مش فاهمه توقيعي انا بعتزرلكم علي غموض توقيعي وخصصت الرحله دي عشان اشرحه ليكم التوقيع بيقول " وعزاؤنا الوحيد ان ذرةالكربون رباعية التكافؤ " اولا الجمله دي كانت لصديق عزيز ربنا يجازيه عني كل خير لانه كان في يوم من الايام بصيص نور في ليله اسود من ثقب اسود الجمله الرمزيه دي بحاول اقول ورا حروفها كلام كتير عايز اقول ان علي الرغم من ان الزمن اتغير واتشوهت فيه معظم المعاني الجميله في حياتنا الفن اتحول من طرب لغني للحمير والعنب والخيار اللغه والشعر والادب اتحول للروشنه والفاظ العصر السريع وخليك كول يامان وجهز مطوتك وموسك تحت لسانك وحصلني علي الغرزه نضربلنا حجرين ونعللي الطاسه قيمنا ومبدئنا واصالتنا وتراثنا من العادات والتقاليد اتحولت من شهامة ابن البلد والمرجله للمياصه والانسيال والسلسله واللبانه والجيل والمياصه حجات كتير اتشوهت بالله عليكم مش كتر خير ذرة الكربون انها لسه صامده امام التيار الجارف ده لسه محتفظه بتكافؤها الرباعي صامده قدام تيار التغيير ومحتفظه بنفسها والحمد لله انها لسه قويه واصابع التغيير مقدرتش تحركلها ساكن لان ساعتها الكون هيخرب اسالوا طالب علوم ايه اللي هيحصل لو صحيت من النوم لقيت ان ذرة الكربون اتغير تكافؤها سواء بالذياده او بالنقصان الكون كله هيتقلب عاليه علي واطيه احمدوا ربنا ان لسه حجا كتيره في حياتنا ملعبتش فيها اصابع التغيير احمدوا ربنا ان فيه بريق امل ولو صغير موجود بيمشي وراه كل انسان محترم محافظ علي انسانيته متقلقوش لو القلم خلص حبره الكيبورد موجود وهيكتب ويكمل مسيرة القلم شاءت اعاصير التغيير او ابت وشكرا

ياللا بينا نرجع شويه بالزمن ورا كمان ورا اكتر ايوه عند بداية الخلق الارض لسه طاهره وبريئه السما لسه زرقه عفيفه تعالوا هوريكوا حاجه حلوه هوريكوا قلم بيكتب علي صفحة روح بيضه قلم بيسطر بحروف من نور كلمات وحروف تعالوا نساله انت بتكتب ايه تعالوا نعرف منه ايه حكايته ياعم ياقلم انت مين وبتكتب ايه * انا ههههههههههههههه انا انتوا بالنسبه لبعض --امممممممممممممممممممممممممممممممممم قصدك ايه فهمنا * حاضر هفهمكوا " كل واحد فيكم بيرمي القدر في طريقه اثناء رحلة حياته اشخاص بتاثر فيه وبتكتب علي صفحة روحه مواقف وعبر وحكم واحداث عظيمه بتاثر فيه بتقابلكم اقلام منها المليان بحبر كتير وده من حسن حظكم بيكتب حروف كتير وبتدوم خطاويه علي ارض حياتكم وفيه اقلام حبرها قليل ودي بتتعبوا لما بتفارقوها لان ربنا كتبلها في حياتكم عدد محدود من الحروف وده لحكمه عنده ربنا عايز باقل عدد من الحروف يعمل اكبر تغيير ممكن لانه عارف طبيعتكم ملوله بسرعه وبتحب التغيير متزعلوش من الاقلام اللي حبرها بيخلص بسرعه لان دي اصلا مقدمه لقلم هيجي وراها ويكتب هي دي سنه الحياه قلم يكتب ورا قلم اطمانوا الاقلام كتير ومحبرة الحياه مليانه حبر وشنطة الزمن مليانه اقلام اياكوا تزعلوا من رحيل قلم لان ببساطه دوره انتهي في صفحتكم وربنا اللي خالقه هيوديه لصفحه تانيه يكتب فيها او يرفعه خالص عنده وساعتها هيكون رسالته خلصت في صفحة الحياه كلها انتوا اقلام لبعض فنصيحتي ليكوا سطروا حروف متندموش علي انكوا كتبتوها في يوم من الايام ونصيحتي التانيه ليكوا اياكوا تبخلوا علي صفحات محتاجه لحبركوا اسيبكوا عشان متملوش من حروفي اصل ورايا صفحات تاني مستنيه حبري او يمكن يكون دي اخر حروف لي وساعتها يافرحتي لاني هقابل الشجره الام اللي انا كنت واحد من فروعها سلام يا اقلام سلام ياصفحات

شكرا لمرورك الكريم يا ندا ويارب دايما تعجبك مواضيعي

انا في نص هدومي منك يا اينور لاني مقصر معاكي خالص بس ربنا يعلم ان ظروف شغلي هي اللي منعاني من اصحابي واخواتي ورفاقي في منتدانا العزيز اما بخصوص الحرف حاضر هقولك في اقرب فرصه ان شاء الله تمنياتي ليكي بالتوفيق وبالسعاده