صناع الحياه

موضوع رائع فعلا اهنيكي عليه بس السؤال اللي محيرني ياتري لو المراه خيرت بين الجمال الجسدي والجمال الروحي هتختار ايه لو خيرناها بين العقلانيه والرومانسيه هتختار ايه والسؤال المارق جدا لوخيرناها بين حب كامل بدون ارتباط او نص حب بارتباط هتختار ايه

" اذا لم تخطط لحياتك فانت خططت جيدا للفشل" مقوله رائعه من دورة للدكتور صلاح الراشد بعنوان الرؤيه الدوره دي مهمه جدا لكل شاب فينا عشان يقدر يرسم ملامح حياته حملوها من علي المنتدي ان شاء الله هتفيدكم

صحيت الصبح بدري لاول مره من فتره كبيره بعد ملبست هدومي واتجمعنا كلنا افراد الجمعيه ركبنا العربيه وروحنا مدينه جنبنا اسمها ارمنت رحنا عشان نحتفل بيوم الطفل العربي اليتيم اخدنا معانا كورال مدرسة السلام الابتدائيه وعروسه وعريس ايتام وصلنا هناك واخدنا جنب عشان نعمل بروفات المسرحيه والاشعار والاغاني اللي هنقولها صلينا الجمعه واتغدينا ورجعنا القاعه مره تانيه وابتدي الحفل اكتر من ميت طفل يتيم فرحانين باللعب والاكل ابتسامات متوزعه وعيون فرحانه تخيلوا طاقات السعاده اللي طالعه من القلوب الصافيه دي طاقات بتحضنك نشوه من نوع غريب اول مره احس بيه عجزت الطبيعه بجمالها انها توفرهولي يااااااااااااااااااااااااااااه المهم ركبنا المسرح وادينا فقراتنا والحمد لله الاطفال كانو فرحانين زفينا العرايس والعرسان الايتام وفسحناهم علي النيل وجه وقت العوده قلبي اتقبض مش عارف ليه حسيت انا وماشي اني سبت جزء عزيز علي في المكان ده جريت بسرعه الم اللحظات اللي وزعتها علي المكان كل طفل حضنته بعيني سالته فين باقي عمري اللي ضاع كنت فين انا من زمان وسيبت السعاده دي لمين ييييييييييييييييياااااااااااااااااااااااااااااهههههههههههههههه اتارينا نايمين ياجماعه قبل ممشي واختم الرحله احب اقولكم ان اللي قاد الامه دي وغير مسار التاريخ "يتيم" ppppppppp.bmp

يخرب بيت كده رائع ياحوده انا فخور بيك والله امتعنا اكتر واكتر

" ان يخشع الراعي ويتق ربه * تخشي الذئاب حصونه وحماه" التقوه والاخلاص والذهد ريشة لمروحة السعاده في الدارين " اللهم يارب كل شئ * اغفر لي كل شئ * حتي لا تسالني عن شئ"

جذورها تمتد إلى ما قبل الكلمة، بسم الله ماشاء الله جمله تستاهلي عليها جايزة نوبل في العلوم مش في الاداب لانك اثبتي ان الكلمه ليها قبل وليها بعد وده للاسف مش اي حد بيشوفه

قواعد السعادة السبع (1) لا تكره أحدا مهما أخطأ في حقك (2) لا تقلق أبدا (3) عش في بساطة مهما علا شأنك (4) توقع خيرا مهما كثر البلاء (5) أعط كثيرا ولو حرمت(6 )ابتسم ولو القلب يقطر دما (7) لا تقطع دعاءك لأخيك بظهر الغيب

قالوا كذبا : مرة واحد زهقان من نفسه جدا فقرر أنه يتمشي علي البحر وهو بيتمشي لقي زجاجه ففتحها راح طلعله عفريت قاله شوبيك لوبيك تطلب ايه قاله ابوس ايدك انا خاطب بقالي 5سنين وعاوز اتجوز ومش لاقي شقه عاوز شقه راح العفريت ضاربه بالقلم وقاله هو لو انا كنت لاقي شقه كنت نمت في الازازة ياحمار. جرفنا ارضنا الزراعيه عشان نعمل الطوب بورنا ارضنا الخصبه عشان نلاقي حتة ارض نبني عليها ياتري ايه الحل الحل بسيط خالص نفرغ كل المدن الشهيره من اهم مؤسساتها يعني مثلا نطلع الجامعات والمؤسسات الحكوميه بره المدن ونحطها في الصحره يعني تخيلو الاف الناس الي بتجري علي ورق عشان تخلصوا والطلبه الجامعيين عايزين مطاعم ياكلو عايزين عربيات توصلهم عايزين سكن يسكنو فيه عايزين محلات يشترو منها البسكوت والعصاير والشيبسي" البنات طبعا" يعمي فرص عمل جديده ومتنوعه وفتح بيوت اكتر ايه فيها لو خلينا النيل يتفرع اكتر من فرع ويدخل في الصحرا ولو حتي لمسافات صغيره اذا وجد الماء وجدت الحياه اول يوم لي في الكليه " الله يرحم الايام" سكنت في الصحري لان جامعة جنوب الوادي في الصحره بره المندينه خالص عشان اشرب ميه مشيت ابعيلي جركن تلاته كيلو دلوقتي تعالو شوفو بقت ايه ولا باريس في زمانها حياه تانيه وعالم تاني ياريت باقي جامعاتنا بره المدن الصحره مستنيانا مش كده ولا ايه

راااااااااااااااااااااااااااااااااااااااااااااااااااااااائع اكملي المسيره جزاكي الله كل خير

في البدايه احنا بنرحب بيك في منتداك موضوع فعلا محتاج وقفه محتاج الواحد فعلا يطلع بره نفسه ويهزها بكل قوته ويقولها اصحي وفوقي وشوفي مستنيكي ايه بكره ربنا يهدينا جميعا ويثبتنا علي الهدي يارب

في البدايه يا احمد احب اقلك انت مش عايز صديق انت عايز خل حد يتخللك ويتشربك وده في حد ذاته صعب جدا في زمانه ده صادق نفسك يابوحميد هي اقرب حاجه ليك ومش هتقدر تفارقك ابدا اطلع براها يابوحميد وبص عليها من بره وحبها وصاحبها وعدل فيها يابو حميد اهدي لنفسك هديه تستحقها اهدي لنفسك " نفسك" شوفها بتحب ايه واديهولها لبيلها رغباتها وشوفها عايزه ايه اقعد معاها وضمها بدراعاتك واحضنها وحسسها بالامان معاك اسمعها عايزه تقول ايه يا احمد طبطب عليها وخليها تبكيلك "اذا اردت ان تجد الصديق فصادق نفسك فهي اولي بتلك الصداقه"

صحيت الصبح بعد مقررت اموت شهيد ايوه قررت اموت شهيد حضنت امي واخواتي وودعتهم بالدموع قلتلهم اني مسافر ادور علي شغل في مكان بعيد ولما هوصل هبعتلهم فلوس وجوابات انا وماشي في الطريق قلت لنفسي اروح فلسطين وللا العراق طيب لو رحت فلسطين هكون مع مين حماس وللا فتح وهضرب مين بالظبط طيب لو رحت العراق هفجر نفسي في سوق شيعي وللا احارب مع الشيعه ضد الاكراد وللا اعمل ايه بس ياربي قلت لا ياعبده مينفعش كده انت لازم تموت شهيد بطريقه مختلفه الجهاد في سبيل الله مش بالسيف وبس انا لازم اموت شهيد علي الطريقه الجديده لازم الف حولين وسطي قنابل معرفيه وصواريخ توعيه افجرها في اهلي وناسي وولاد حتتي واصحابي قنابل تصحيهم تفوقهم وتقولهم سلاح العلم اقوي سلاح في زمن بيتصنع فيه الكمبيوتر في بير السلم الصيني زمن بيتصرف ملايين الدولارات فيه عشان تمييع ثقافاتنا وتراثنا الفكري والحضاري تحت مسمي العولمة والانفتاح الفضائي والثوره الاتصاليه زمن فيه الاتفاقيات المشتركه والسوق الواحد زمن فيه الترسانه النوويه والاسلحه الجرسوميه والكيميائيه بتخوف اكتر من الجعير والزعيق والصوت العالي زمن فيه النانوتكنولوجي والاتوساكند لان خلاص موضة الفمتو سكند راحت عليها لا لا لا والف لا كفاينا بنجو وحشيش كفايانا فيديو كليب بيعرض لحوم مكشوفه وموسيقا هزليه بيرقص علي انغامها شياطين الجن قبل الانس كفايه كفايه كفايه انتو ايه وعايزين مننا ايه طلبه زي التيران مربوطين في ساقية الحفظ عشان ميفكروش في حالهم واللي بيفكر فيهم بيروح ورا القضبان او بيركب عربيه " الله اعلم" لا لازم كلنا نستشهد ونكون ضحايا لثوره فكريه الحكايه مش قنبلة بنفجرها في عربيه او قهوه او سوق الشهاده شئ اكبر من كده ادينا في ادين بعض نغير ولو بحرف صدقوني الحرف بس قادر انه يفتح قاره بزمتكم تخيلو كده لو مفيش الصفر في الاعداد كان هيبقي الوضع ايه نقطه قلبت الكون كله وغيرت مسار علم بحاله جدودكم هما اللي اكتشفو الصفر سلام يا احفاد مكتشفي الصفر

ياه اخيرا لقيت الموضوع ده الف مليار شكر استاذنا وشعاعرنا الكبير بركات معبد جزاك الله كل خير

ياه اشكر مين ولا مين اشكر استاذ العربي " حساني نور" وللا اشكر استاذ الانجليزي " زكريا ماهر" وللا اشكر دكتور الكيميا العضويه " ممدوح عدلي" وللا اشكر استاذي عمرو خالد واشكر الدكتور ابراهيم الفقي واشكر مثلي الاعلي في الكتابه الدكتور " احمد خالد توفيق" واشكر توفيق الحكيم وجبران خليل جبران واشكر مصطفي محمود واشكر زغلول النجار واشكر عمي عز الدين واشكر الفنان محمد صبحي والفنانه فردوس عبد الحميد والمغنيه ماجده الرومي والعظيمه فيروز شكر خاص لفاروق جويده ونزار والف مليار شكر لتشارلز ديكنز وشكسبير اما اللي بشكرهم بكل جوارحي واللي ليهم شكر خاص " سيدنا محمد والانبياء والصحابه" بشكر زمايلي في المنتدي واخص بالذكر طبعا المشرفين اينور ونجمة الكتب وعاشقة القران واحمد وعمر وفي النهايه بشكر ربنا انه اداني نعمة الحياه

انتظروني في ثوبي الجديد

هههههههههههههههههههههههههههههههههههههه ههههههههههههههههههههههههههههههههه ههههههههههههههههههههههههههه ههههههههههههههههههه هههههههه هههه هه ه

من ناحية قلبي ونار قلبي واد حبيب موت واد حبيب موت وحبيبي لو غاب يوم عني ارقع موت صوت ارقع ميت صوت بلدي ومفتح وشريكي اربع عمارات اربع عمارات اربع عمارات وحيت عنيه لو قلتي ايوه لحط روحي في اديكي شمعه في اديكي شمعه هههههههههههههههههههههههههههههههههههههههههههه هههههههههههههههههههههههههههههههههههههههههههههه هههههههههههههههههههههههههههههههههههههههههههه طبعا انتي هتردي وتقولي كلام جميل وكلام معقول مقدرش اقول حاجه عنه تررم رم رم لاكن خيال حبيبي المشغول تارارار مش لاقيه فيك حاجه منه هههههههههههههههههههههههههه هههههههههههههههههههه هههههههههههههههه بعد اذنكم يا جماعه اروح انتحر هههههههههههههههههههههههههههه هههههههههههههههههههههههههههه

يا جماعه شوفولي الولد ده اسمه ايه عايز منه صورتين وصورة البطاقه اصل ناوي اعمله استمارة نادي المفكرين ياعارف شكلك فعلا عارف حجات كتير بس احنا معرفينش اسمك فعرفنا بيك ياعارف ولو حد عرف العارف اسمه ايه رجاء يعرفنا انه عارف العارف السؤال طبعا كام عارف في ذلك؟

يعني جميل لجزر القمر الحمد لله اصل كنت فاكر انو جميل لغاية جزر لانجرهانز بشكرك جدا علي ردك الجميل ده وبنتهزها فرصه اني اقول ان لي ضهر تاني في المنتدي يسد ورايا في خمسه لعقلك بعد الفلحوصه والعفريته ربنا يوفقك يارب همتك معانا

مايونيز كاتشب لارونجلاسيه نجريسكو شاليمو هامبورجر اسامي بنسمعها واللعاب بيسيل بمجرد ذكرها واتاريها كلها كلام عبط في عبط وضحك علي الدقون مالها مصاصة العصير وصلصة الطماطم واللحمه سواء كانت مقليه ولا مشويه ولا حتي علي كده ليه المسميات دي كلها وسلع استفزازيه غرقانين فيها ليه الفقرا يبصو ويحقدو ويتغاظو علي الفاضي يتمنو حجات ليها شكل من بره وفاضي من جوه ليه ندفعهم انهم يسرقو ويرتشو عشان سراب مادي انتو عارفين لو هيسرقو ولا هينهبو عشان حاجه فعلا تستحق كنا قلنا مش مشكله اهو سد لغرائزهم لكن المصيبه اننا واقعين في ثقافة التيكاوي الحمد لله ان اكلاتنا البسيطه فيها كل العناصر اللي عايزها جسمنا يا جماعه الخضروات رخيصه الفواكه الي حد ما برده رخيصه اللبن موجود والبلح كتير اللحمه بطيور و اسماك وحيوانات كلها بروتينات واختارلك صوره تناسبك ان شاالله تصيد عصافير وتاكلها الفول بينادي والعدس بيقول يا ناس يا هوه والبسله والبقوليات الحمد لله موجوده النيل ناقص يدخل بيوتنا الهوا موجود في كل مكان والزرع اكتر ايه يا عم هي دي مصر ايوه هي دي مصر مصر مش ماكدونالدذ ولا كنتاكي السعاده في ايدينا شيلو شوية التراب من عليها وانتو هتشوفوها

جميل جدا يابوحميد شعر فعلا معبر عن الطبقه المطحونه في المجنمع " علي فكره عشان تاخد لقب محدود دخل لازم يكون مرتبك من 600 الي 1400جنيه مصري يعني الي بياخد مرتب اقل من كده بيكون معدوم دخل واللي بياخد مرتب اكبر من كده بيكون ....................... مفيش داعي"

موضوع اكثر من رائع جزاك الله خيرا

قبل منسي يابوحميد اصل الموضوع ده خانقني قوي افتح التليفيزيون الاقي عبد الحليم بيغني "بلاش عتاب يا حبيبي" افتح الراديو الاقي شرين بتقول "انا مش بتاعت الكلام ده انا كنت طول عمري جامده" اركب مواصلات الاقي السواق مشغل هاني شاكر اغنية " بعدك حياتي جراح" اقعد مع صحابي الاقي اللي مسهم وسرحان واللي ناقص يبكي واللي مجروح هو فيه ايه حد يقوللي يا جماعه الدنيا مالها يعني سايبين كل انواع الحب وكل درجاته وماسكين في فرع صغير منه سايبين الكون من الذره للمجره والحياه من الزهور والزرع للصفصاف والعنب سايبين ده كله وماسكين موزة الجراح والالم والفراق واجنةالحب المشوهه ايه ياعم الدنيا مليانه خير وحياه حلوه واسالو القطط والطيور وعمي حسين بياع الفول علي ناصية الشارع كفايه دور عبد الحليم وناديه لطفي في فيلم الخطايا شبعنا من دور علي وانجي في رد قلبي ياللا نعيش حياة عمرو خالد وابراهيم الفقي ومصطفي محمود ومحمد حسان ياللا نسابق الريح ونمسك القمر ونلعب مع النجوم كفايه اصحوا لحظات العمر مبتتكررش مع خالص تحياتي " انسان متفائل لاني مؤمن برحمة ربنا "

مش لاقي كلام ارد بيه حد يا جماعه يرد مكاني ياريت

متتخيلش مدي سعادتي بوجودك معانا في المنتدي وبمواضيعك الرائعه فعلا مواضيعك شيقه وجميله بارك الله فيك