صناع الحياه

احلي حاجه فيكي انك بتثيري موضوعات مهمه فعلا (" تثيري" اكتبيها يمكن تنفعك) الطب في الريف مشكلته بيعتمد اكتر حاجه علي الاعتقاد وخبرات السابقين في مواجهة الامراض ده غير حالات الذهاب للمشايخ والمشعوذين بس بصراحه مكدبش عليكي بيستخدمو الطب البديل بصوره كبيره الاعشاب عندهم شئ مقدس اصلهم تبع جمعية back to nature وخدي المعلومه دي هديه مني " لما تكشفي لحد من الارياف وعايزاه يجيلك دايما ويقول عليكي دكتوره شاطره استخدمي طريقة العلاج بالايحاء وخليهم يعتقدوا في دواكي بصوره كبيره" لان عندهم مثل بيقول " اللي يعتقد في الحجر يشفيه رب البشر"

انتظروني في ثوبي الجديد

عارفين ايام الشتا الجميله الناس بتقعد علي النار وتحكي وتقول قصص الاطفال بيتلفو حوليهم وبيسمعو الحكاوي دي فعلا ايام زمان دي جميله جدا مكانش فيه دش نسهر عليه او كومبيوتر ياخد كل وقتنا مره من المرات كانت امي واختي الكبيره عايزيني انام ومسهرش معاهم علي النار عشان اقدر اصحي الصبح بدري للمدرسه بدل خناقة كل يوم الصبح علي الصحيان بدري قررو انهم يضحكو علي وياخدوني انام معاهم وبعد ميتاكدو اننا باكل رز مع الملايكه يتسحبوا وينزلو تحت مع اهللنا وجرانا علي النار يسهروا . كل يوم علي الحال ده كنت اسالهم انتو بطلتو تسهرو ليه معالناس كانو يقولولي اصلنا بنتعب من شغل البيت فلازم ننام بدري بس انا مقتنعتش بالاجابه دي " من يومي واد فلحوص" فكرت وقررت اني اربط جلبيتي بفستان اختي من غير متحس تحت الغطا بحيث لو اتحركت اصحا واشوف ايه الحكايه وفعلا نفذت الخطه نمت زي المغفل كالمعتاد بس بعد ساعه لقيت نفسي واقع علي الارض واختي المسكينه بتحاول فك فستانها من جلبيتي وامي شغاله تتضك بصتلهم وقلتلهم " رايحين فين وسايبيني" ونزلت معاهم وانا فرحان قوي

بيان درجات الطالبه عاشقة القران السيد ولي امر الطالبه عاشقةالقران نحيط سيادتكم علما بان كريمتكم هي اول من اجتاز هذا الامتحان بنجاح ومن هذا المنطلق نهيب سيادتكم بمكافئتها مكافاه كبيره " مصاصه بطعم النعناع او كرانشي بالشطه" ولكم جزيل الشكر نتمني لباقي التلامذه النجاح والتوفيق مع خالص تحياتي

بسم الله الرحمن الرحيم ادارة الوجدان التعليميه امتحان دور مايو لعام2006 الزمن ساعتان اجب عن الاسئله الاتيه س1: - اكمل ما ياتي؟ 1) الحب هو ............................................................................ 2) الشروط الواجب توافرها فيك لكي تحكم علي نفسك انك تحب وتعيش قصه حقيقيه............؛.................؛............؛.......... 3) حقوق حبيبك عليك وحقوقك عليه ..........؛......................؛...................؛..................؛....... ............... س2: - علل لما ياتي: 1 _ الغيره. 2_ القوه في الحب. 3_ الضعف في الحب. س3: اذكر المصطلح العلمي الدال علي هذه الجمل:_ 1) اتحادك فكريا وروحيا مع شخص ما 2) اتحادك فكريا فقط مع شخص ما 3) اتحادك روحيا فقط مع شخص ما س4:- بم تفسر:_ 1_ ظهور شخص ما في حياتك فجاه وتشعر وكانك تعرفه منذ ولادتك س5: - هل للحب اوجه كثيره؟ انتهت الاسئله توفيقا ارجو لكم.............. لا تنسي كتابة اسمك ورقم جلوسك واضحا

اظاهر اننا هضرب في الاخر علي ايه الطيب احسن تعيش الصداقه حره مستقله

بعد الاطلاع علي مرافعة الدفاع الموكل من قبل المتهم قررنا ما هو ات " قررنا الغاء الغرامه الموقعه علي المتهم بل واهدائه جائزه كبيره نظير اختياره واحد من افضل المحامين في المنتدي ولكن قررنا حبس المحامي ثلاث سنوات ضوئيه مع الشغل والنفاذ نظرا لتسببه في اضحاك هيئة القضاء بطريقة هستيريه جعلتهم يمتثلون للعلاج في اكبر مستشفيات النفسيه والعصبيه" وشكرا

-------------------------------------------------------------------------------- ساحة المحكمه تعج بالناس من كل بقاع الارض انها اكبر محاكمه في تاريخ البشريه الكل صامت منتظر بدا المحاكمه محكمه ممثل الادعاء يتفضل سيادة القاضي حضرات المستشارين نحن امام قضية من اخطر قضايا العصر انها قضية الحب المفرط لماذا سيدي القاضي يفرط الانسان في مشاعره واحاسيسه ؟ لماذا سيدي القاضي لا يوازن الانسان بين اهتماماته ويستقطب كل احاسيسه لشئ واحد ؟ سيدي القاضي نحن نزلنا هذه الارض وتركنا السماء بما فيها لعمارة كل الارض فنحن هنا لرسالة سماويه لذا اطلب من سيادتكم توقيع اقصي عقوبة علي هذا السجين الماثل امامكم فان كان هو عاشق للصداقة فحضرتكم عشاق للعداله ولكم مني جزيل الشكر ممثل الدفاع يتفضل سيادة الرئيس حضرات القضاه اسمحو لي اناالمذنب ان ادافع علي نفسي لقد عشت طيلة عمري وانا اعرف ان الاحاسيس البشرية غير محدوده ان حياتنا التي نعيشها ماهي الا افكار بعقولنا وعواطف بقلوبنا عشت طيلة عمري اعرف ان مابداخلنا من احاسيس ومشاعر تسبح في اثير الروح بلا حدود ولا توقف عرفت انني لو عبرت عما بداخلي بلغة او اي طريقة اخري لن استطيع التعبير عنها مهما فعلت ومهما حاولت بل علي العكس تعبيري عن حبي مثلا بكلمة واحده من حرفين" حب" ظلم لها شديد كمن يريد ادخال جمل من ثقب ابرة سيادة الرئيس ان كنت انا عاشق للصداقه لانني اريد ان ابحث عن انسان علي وجه الارض يحبني ويظهر حبه لي وللاسف حتي الان لم اجده فكل من حولي يحبونني ولكن يقصرون في التعبير عن حبهم لي فلا تلوموني ان اردت ان الفت انتباههم لي باي شكل حتي اري ما بداخلهم من طاقات حب لي سيادة الرئيس الحب شئ وطريقة اظهاره شئ اخر لا يقل اهميتها عنه سيادة الرئيس اضع روحي بين كفتكم العادله فارجو الا تظلمونني الحكم بعد المداوله بعد الاطلاع علي ملف القضيه وسماع المدعي والمدعي عليه حكمت محكمة الوجدان والعواطف بما هو اتي:- " ببراءة المتهم عاشق الصداقه من جميع التهم المنسوبه اليه ولكن مع الزامه بتوزيع طاقات الحب التي بداخله توزيعا عادلا بين كل اقسام حياته المختلفه كما تلزمه بدفع غرامة عاطفيه مقدارها خمسين الف وحدة حب لكل صديق اهمله لفترة ولو قصيره وشكرا

مش عارف اقولك ايه ربنا ينور طريقك اكتر واكتر

موضوع اكثر من رائع جزاكي الله خيرا

عارفه نصيحه من ولد بس متقوليش لحد اني قلتلك الكلام ده احنا كاولاد بنحب البنت اللي تتنك علينا ومتعبرناش ويلهوي لو قابلت لفت نظرنا ليها بسكوت حتي لو عملنا عجين الفلاحه قدامها ساعتها بتكبر في نظرنا اكتر اما البنت اللي بكلمه واحده بس مننا تعيش دور عبد الحليم وناديه لطفي في فيلم الخطايا دي مش بتعمر معانا لانها صيد سهل واحنا بنموت في الصعب واللي ينشف ريقنا وكما قال الشاعر يا بطاطا طنشيني هتلاقيني اطري منك ومن عجيني يا بطاطا نفضيلي هتلقيني احبك اكتر من عيوني

لو سمحتي يا نجمة الكتب ممكن اسالك شوية اساله لو كسرت المرايه بتاعت وجداني ممكن اشوه صور فيها مش عايز اشوفها؟ وازاي اضيف ناس نفسي يدخلو في الصوره؟ ملحوظه : الصوره عندنا بتتكون باشعة الضوء....... نفهم من كده انها بتتكون في مراية الوجدان باشعة الروح .............يعني بالطريقه دي ممكن نستغل العدسات الروحيه ونخللييها تركز الاشعه علي الحجات الجميله في حياتنا هتسالوني ايه هيه العدسات الروحيه هقولكم طبعا هيه "التفاؤل" ومتنسوش تركبو فيلتر روحي عشان يمنع ظهور صور وحشه في مراياتنا هتسالوني ايه هوه الفلتر هقولكم طبعا " الضمير" شكرا اختنا الفاضله علي الخاطره الجميله دي لفتي انتباهنا لحجات جميله فعلا

السكون يخيم علي المكان خطوات ملك الجان وئيده الكل ينظر اليه في هيبه اعتلي عرشه وهو ينظر لكل الجان بكبرياء وعظمه بدا خطبته قائلا " انا جمعتكم انهارده مخصوص لان خلاص بدا شعاع النور يظهر للبشر بدا البشر يحسوا ان قدراتهم ملهاش حدود وللاسف كمان بداوا يستغلوا القدرات دي ده معناه انهم مش هيلجئولنا تاني بعد كده اللي عايزكم تفهموه اننا للاسف علي الرغم من كل الخوارق اللي بنمتلكها فيه حجات كتيره تنقصنا والبشر افضل مننا فيها احنا لازم نتعلم منهم من حوالي كام يوم سمعت ان فيه بشري اسمه " ابراهيم الفقي" هيعمل محاضرات عن قوة التغيير عايز اقوي جني فيكم يتنكر في صورة انسان يروح هناك ويجيبلنا معاه المحاضرات دي ويعلمها للاجيال بتاعتنا مش عيب اننا ننقل ثقافة الغير ونستفيد منها لازم نواكب التطورات مش هنفضل طول عمرنا علي الوضع ده .لان اكيد الوضع هيتغير والبشر هيسبقونا .ويا عالم يمكن احنا اللي نحتجلهم في يوم من الايام. يللا يا "عفركوش" خد الكراسه دي والقلم ده احضر المحاضرات وقولنا ايه اللي استفدته ومتنساش تطبع مذكرات للطلبه مجانا - حاضر يا سيادة الملك ثواني واكون عندك متتاخرش ومتنساش تسلملي علي الدكتور ده وتقوله الكلمتين دول " الشقي هو الذي لا يعرف قدراته اما الاشقي هو الذي يعرفها ولا يستغلها " بعد مرور خمسة ثواني - لقد اتيت لك بالمحاضرات يا سيدي ها هي لك استراتيجية التغيير 1) الادراك : فيجب عليك ان تدرك هذا السلوك الخاطئ الذي تريد ان تغيره 2) التوكل علي الله : فان من يستعين بالله فن يضل 3) القرار: فيجب عليك ان تاخذ قرارا نابعا من داخلك بالتغيير" تكون من العقل التحليلي" 4) الرغبه: يجب ان يكون الالحاح بداخلك كبير لكي تتغير فرغبتك في التغيير محرك اساس له " تكون من العقل العاطفي" 5) المسؤوليه: فانت مسؤول مسؤولية تامه امام نفسك عن كل افعالك وقراراتك 6) الاعتقاد الذاتي:فثق بانك قادر علي ان تفعلها فانت كائن حي غير محدود القدرات 7)التوقع: تفائل دائما 8) الاستحقاق: فانت تستحق التغيير طالما انك سعيت له 9) الصوره الذاتيه : فانظر بعين عقلك وقيم نفسك دائما 10) التخطيط : لا تنسي ( الالتزام- الاصرار- الانضباط ) ويجب ان يكون هناك حلقه بين التخطيط والنتائج فمرونة التخطيط شئ مهم وبكده الاستراتيجيه اكتملت بالتوفيق ان شاء الله

مسكينه والله شكلك كده شعرك اتملا شعر ابيض من كتر المواقف الصعبه اللي تعرضتيلها في الكليه دي ربنا يعينك ويعين كل امثالك علي فكره اسلوبك استايليش خالص " جديده طحن استايلش دي" هههههههههههه علي فكره انا منهار من الضحك ولا انهيار وصلة زينر " اكتبيها يمكن تنفعك" ههههههههههه

طلعت يا ميحلا نورها................... شمس الشموسه يلا بينا نملا ونحلب00000000000000 لبن الجاموسه يا ولاد يا ولاد اه اه اه تعالوا معايا ياولاد يا ولاد اه اه اه تعالو معايا هنشوف ونسمع ابله فضيله00000000000دي حتحكيلكم حكايه جميله ابله 000ابله0000 فضيله هي دي الاصطباحه بتاعت ايام طفولتنا ادعي معايا ترجع الايام دي تاني

الهدف اننا ننقض حياتنا ومشاكلها اننا نحاول نفكر في حالنا المتدهور دراسيا اننا نحس اننا علي غلط لان احساسنا ده نص حلنا للمشكله

انتي بتقولي فيها انا فعلا ناوي اعمل فرحي في سوريا فين هلاقي بلد جميله زي سوريا علي الخريطه

مساء الخييييييييييييييييييييييييييييييييييييييير ياعم عبده - مساء النوووووووووووووووووووور ياد يا حوده اظن الصنف الليلادي كويس خالص يا عم عبده - اه احسن من الصنف بتاع " نظرة عتاب" اللي جبتهولي امبارح انا قلت كده برده الصنف ده من قوته بيسموه " سلامتها ام حسن" - عارف ياد يا حوده انا عرفت دلوقتي ليه الفراعنه بنو الاهرمات دي من غير ميتعبوا ليه يا عبقرينو - اصلهم كانو زينا كده بيرصو حجر ورا حجر اهاااااااااااااااااااااااا عشان كده مكانوش بيحسوا بالتعب ياكن مقولتليش هتكلمني انهارده عن ايه - هكلمك عن العبقريه اصل انا بعد الحجر التالت دماغي بتعلي قوي قول يا عم عبده وسمعني انا معاك ولا وني مش هفهم حاجه اصل انا سبت دماغي مع الوليه مراتي في البيت تتخانق معاها وتسمعها موشح كل يوم - بص يا سيدي الناس فاكره ان العبقريه واحد لابس نضاره قعر كوبايه وماسك كتابين وماشي بيهم في الشارع وناكش شعره ولابس هدوم من ايام نجيب الرحاني وناس تاني فاكره ان العبقريه انك تكلم الناس بغموض عشان ميفهموش حاجه ويقولو عليك عبقري وناس فاهمه ان العبقريه انك تمسك انبوبه اختبار وتمشي بسحاحه وتعمل تجارب تحت بير السلم وتخلي الناس تشم روايح وتسمع انفجارات 0 العبقريه ياد مش للعلم بس انت مثلا لو فهلوي وتعرف تعامل كل انواع الناس وتعيش بينهم وتفهمهم وتجاريهم تبقي عبقري الواد ابو دم خفيف اللي يقدر يشيل جبال الهموم اللي فوق صدر الواحد ويضحكه من قلبه بنكته بسيطه او موقف صغير يبقي اكيد عبقري الاديب لو وصل لينا فكرته ببيت شعر او قصه قصيره وفهمناها وعرفنا عايز يقول ايه نقدر نقول عليه عبقري المدرس اللي يملك طبشيره وحتت سبوره ويفهم طلبته ويوصلهم المعلومه يبقي اكيد عبقري اي حد فينا يوصل لهدفه ببساطه وباقرب الطرق لازم يكون عبقري عارف ياد انا عندي العبقريه " هي فن الحصول علي الهدف باقرب وابسط الطرق والجمع بين اكبر قدر ممكن من المتناقضات عشان تقدر تتعايش مع نفسك" هيه دي العبقريه ياد يا حوده انك تخاف من ربنا وترجوه انك تعيش بتفاؤل وبنشاط بس تعرف ان اخرتها كوم تراب انك تكون حازم...................... باسم انك تكون زاهد مقبل علي الحياه ايوه تجمع بين اكبر قدر من متناقضات جوه عقلك وبكده اقدر اقول انك عبقري العبقريه ياد في البساطه فهمتني ياد - اعدم مراتي وعيالي التلاته لو كنت فهمت حاجه طيب رص الحجر يا خويا واسكت خللينا نكمل باقي السهره سيبك من اللي قولتهولك وسمعني اغنية السنجلاب السنجلاب ولا اقولك شغل اغنية الحب سندح في الالب لاظا الالب اندح اخر لظاظا

نسيتي حاجه اختنا العزيزه خرج ولم يعد طالب كلية طب بعد قضاء اتنين مليار امتحان ونص في اول ترم في الكليه علي من يجده سرعة ابلاغه بان لديه امتحان بعد يومين فيجب الا يتغيب عليه

علي الرغم من اني صعيدي بس مش زعلان لاني فعلا مت من الضحك " اضحك الله سنك"

شكلك بتقره الفنجان والكف من امتي الكلام ده ياد ربنا يستر

دمك خفيف يا مضروب من فين جبت الصور دي انا بسببها اطردت من السيبر من كتر الضحك منك لله ضيعت علي الفلوس بس لما اقابلك اكيد هخدها منك

" عش ماشئت فان ميت واحبب من شئت فانك مفارق" صدق رسول اله فيما بلغ عن رب العزه

الف مليار شكر اخي العزيز علي المشاكره الجميله دي فعلا ربنا يجعلها في ميزان حسناتك ان شاء الله

انتظروني في ثوبي الجديد