صناع الحياه

مره كننا بنمتحن في اول سنه لينا في كلية علوم وكنت الامتحانات ضغطانا خالص الواحد جاع جدا كان يوم الطبيخ علي انا وصاحبي هاني قلتلو يا هاني احنا لازم نعمل طبخه محصلتش لازم ناكل الشقه طبخه اول مره يدوقوها فتحنا التلاجه طلعنا الفول ونزلناه في الزيت في حله كبيره حطينا عليه كذبره وبقدونس وجرجير وفجل حطينا بعد كده بطاطس مسلوقه ورمينا علي كل ده شطه خضره نزلنا عليهم شويه طماطم وتوم لقيت لسه الاكله مكملتش نزلت اربع بضات عليهم وقلبت كويس هاني قاللي حط شويه ميه قلتله اوكي افتح الحنفيه لغاية الحله متتعبه وغطيت عليهم لمدة ساعه قلتله عايزين نسمي الطبخه دي قاللي بسيطه ناخد اول حرف من اسم كل واحد فينا وفعلا حطينا العين مع الهه وادانا كلمه " هع" وسمناها والحمد لله هع قبل متستوي بربع ساعه حطينا برنجان والملح وشويه توابل وبعد ساعه فتحت لقيت مفاجاه بلاش احكيها انا وهاني اخدنا علقه سخنه واكلنا الشقه بره علي حسابنا وانا وهوه اكلنا" الهع" ومن ساعتها وبطني مش بيفارقها الامساك خالص

الحمد لله يا ماي انا نزلت من الجطر مصر واسعه جوي يا ماي شوفتي رمسيس يا ماي ................ مشي وساب البلد جال ايه مش عاجبه الحال بيني مبينك يا ماي كتر خيره...... ازاي كان مستحمل الدوشه دي اكيد اتخنق من مسورة الناس اللي ضربت هنا .............او شكله مضايق عشان صفر المونديال اللي اخدناه بسبب محطته وقلة التنظيم اللي فيها. عارفه يا ماي روحت مصر الجديمه شوفت الازهر يا ماي والحسين وصليت في السيده زينب اتغيرت كل حاجه هنا دلوجتي بجت الجوامع دي زي المتاحف الحريم الاجانب الخالعين روسهم ماللين الا ماكن دي وزي الرز . هناك شوفتلك في مشيخة الازهر فرح اولاد زوات هناك يا ماي اصلهم جلبوا الازهر دار مناسبات للناس يعني خلاص هكتب كتابي علي بهانه بنت عمي في الازهر يعني في جلب المحروسه بنت المعز بدل مكتبه في خيمة خالي العمده. اسكتي يا ماي دخلت الجامعه بنات مصر حلوين جوي يا ماي بس انا عرفت ليه اصلهم بياكلو فول زي العسل هنا..... مفهوش سوس زي الفول بتاعنا ان شاء الله هجيب البت بهانه معاي المره الجايه عشان تعرف كيف تطبخ الفول كويس اياكي يا ماي تصدجي الكلام اللي بنشوفه في تلفزيون عمي العمده مصر يا ماي مش كباري حلوه وعربيات بي ام دبليو ولا عماير كبيره علي الكورنيش ولا حتي دره وسميط وفنادج عايمه علي النيل لا ياماي مصر دي ناس في جوامع بتصلي بخشوع ناس في المترو بتجره قران مصر يا ماي كتب في الاسبكيه وعلي الرصيف مصر يا ماي زحمة مواصلات وبنات بتبيع في الجهاوي عطور ومشاط علي فكره يا ماي شوفتي المكتبات بتاعة الفجاله كلها اتحولت لمطاعم ومحلات بجاله كبيره وجال ايه بيسموها " مول" علي النعمه يا ماي دكان عمي اسماعيل احسن منهم علي الاجل بيدينا علي النوته لما نكون مزنوقين علي العموم يا ماي انا مش هتاخر هحضر المحاضره للدكتور ابراهيم واجي علي طول مش عايزه حاجه من مصر اجيبهالك معاي علي العموم سلميلي علي اختي هنادي وجوليلها اخوكي هيشتريلك الشبشب اللي انتي عايزاه من العتبه وجولي لحسين ابن عمتي عدد المحمول هنا كتير هيجبله واحده معايا من شارع عبد العزيز اهي كلها عدد مسروجه وسعرها رخيص جوي هسيبك دلوجتي يا ماي عشان انا عايز اركب كوبري جصر النيل وشوف الاسدين وتمثال سعد زغلول حبيبي اصل صورته علي غلاف الكتاب بتاع رابعه ابتدائي لسه محفوره في دماغي ولازم اشوفه علي الطبيعه سلام يا ماي ولدك الفرادي محمود

نعم سوف اسرق قررت هذا وليكن ما يكن........... هي الان تجلس كعادتها مع صديقاتها العزيزات..... طبعا انتم تعرفونهم....... انها النجوم تسترخي علي اريكة وشعرها مسدل خلفها كليل شديد السواد وعيناها تحملق لهذه النجوم مناجية اياها تسللت بهدوء والنجوم ترقبني فحمدا لله انها لا تمتلك لسان. دون ان تشعر اخذت شعرة من راسها ولكن ماهذا؟ انه شعاع ضوئي يمنعني يحاربني يقاومني قال لي بلسان حاله خذني مع الشعرة واما لن تاخذها بدون تفكير لففته حول الشعرة وانتزعتهما معا وحمدا لله انها هائمة مع النجوم ولم تحس بي بسرعة مسكت لجام جوادي وطرت به ذهبت اولا الي لبنان وفي اعلي جبل هناك وجدت زهرة جميلة وعليها حبيبات الندي الرائعه اخذت قطرة من نداها ...وادخلت الشعرةبشعاعها في منتصفها حمدا لله.... ها هي اول جوهرة في هذا العقد الجميل ركبت حصاني وبسرعه اتجهت الي مصر وهناك حيث احد الفلاحين المتعبين طيلة النهار في الحقل يجلس تحت نخلة متخذا الارض وساده والعرق يتصبب من جبينه بسرعه قبل ان تسقط قطرة العرق من جبينه ادخلتها في عقدي الجميل لتكون ثاني جوهرة به لم اكتفي بهذا ركبت جوادي مرة اخري واتجهت الي العراق وعلي شاطئ الفرات وقفت قفزت في النهر لكي اصل الي منتصفه حتي اجد قطرة ماء لم تلوثها اي دماء وبصعوبة وجدتها ادخلتها لكي تكون ثالث جوهرة في عقدي الجميل ركبت حصاني مرة اخري واتجهت الي فلسطين دخلت معتقلا لكي ابحث هناك عن الجوهرة الرابعه وبالفعل وجدت شابا يبكي بحرقة من جراء التعزيب وقبل ان تسقط دمعته علي الارض ادخلتها الي عقدي النفيس ركبت حصاني مرة اخري وذهبت الي سوريا الي المزارع والحقول بدا تساقط الامطار بغذاره اخذت ابحث عن انقي قطرة مطر بينهم وجدتها حمدا لله ادخلتها في عقدي وذهبت ولكن تري ايناجد اكبر جوهرة لكي تتوسط هذا العقد الجميل فكرت كثيرا........... لم اتردد قطعت شرياني اخذت انقي قطرة دم لي وضعتها في العقد لكي تتوسطه متلالاه الحمد لله ها قد اكتملت الهديه سوف اعطيها لها في ليلة عيد ميلادها لكن.... تري.... هل ستقبلها؟ محمود.....محمود......اصحي يبني هتتاخر علي الشغل حرام عليكي سيبيني شويه انام لسه الوقت بدري يبني حرام عليك اتاخرت قوي ادوبي الحق اصحي باقي اخواتك اصحي يللا الفطار جاهز حاضر ياماما جاي وراكي علي طول اكمل باقي الحلم بس ادعي معايا يا ماما تقب الهديه هديةايه ....انت اجنيت يا واد علي الصبح انا عارف هوه النت اللي لحس دماغك منك لله ياكرينكل بوظتلي الواد

عمي بيذاكر شعر هوه واصحابه بيذاكرو قصيده غرناطه لنزار قباني انا جبت كتاب الحساب بتاع سنه رابعه ابتدائي وقعدت جنبهم علي الحصير عيني في الكتاب ومخي وودني معاهم بسمعهم وهمه بيتناقشو في القصيده بعد ساعه جاعو وراحو يتغدو اخدت كتابهم واشتغلت اقره القصيده عجبتني قوي قعدت احط خطوط واحفظ فيها فجاه دخلو علي ولقوني بشخبط في الكتاب اخدت حتت علقه من يوميها وانا بحب القصيده دي موت لاني بسببها اخدت علقه حلوه لما كبرت القيتها في المسابقات والندوات ده غير اننا اخدت الاول علي مستوي المحافظه في القاء الشعر بسببها وكانت هيه بدايه لحياتي الادبيه ودي هيه القصيده بتمني انها تعجبكم غرناطة رقم القصيدة : 211 نوع القصيدة : فصحى ملف صوتي: لا يوجد في مدخل الحمراء كان لقاؤنا ما أطـيب اللقـيا بلا ميعاد عينان سوداوان في جحريهما تتوالـد الأبعاد مـن أبعـاد هل أنت إسبانـية؟ ساءلـتها قالت: وفي غـرناطة ميلادي غرناطة؟ وصحت قرون سبعة في تينـك العينين.. بعد رقاد وأمـية راياتـها مرفوعـة وجيـادها موصـولة بجيـاد ما أغرب التاريخ كيف أعادني لحفيـدة سـمراء من أحفادي وجه دمشـقي رأيت خـلاله أجفان بلقيس وجيـد سعـاد ورأيت منـزلنا القديم وحجرة كانـت بها أمي تمد وسـادي واليـاسمينة رصعـت بنجومها والبركـة الذهبيـة الإنشـاد ودمشق، أين تكون؟ قلت ترينها في شعـرك المنساب ..نهر سواد في وجهك العربي، في الثغر الذي ما زال مختـزناً شمـوس بلادي في طيب "جنات العريف" ومائها في الفل، في الريحـان، في الكباد سارت معي.. والشعر يلهث خلفها كسنابـل تركـت بغيـر حصاد يتألـق القـرط الطـويل بجيدها مثـل الشموع بليلـة الميـلاد.. ومـشيت مثل الطفل خلف دليلتي وورائي التاريـخ كـوم رمـاد الزخـرفات.. أكاد أسمع نبـضها والزركشات على السقوف تنادي قالت: هنا "الحمراء" زهو جدودنا فاقـرأ على جـدرانها أمجـادي أمجادها؟ ومسحت جرحاً نـازفاً ومسحت جرحاً ثانيـاً بفـؤادي يا ليت وارثتي الجمـيلة أدركـت أن الـذين عـنتـهم أجـدادي عانـقت فيهـا عنـدما ودعتها رجلاً يسمـى "طـارق بن زياد"

ساداتي انساتي ساداتي اهلا ومرحبا بكم في حلقه جديده من برنامج " الحب دح ...دح والهجر كخ...كخ" ويشرفنا اننا نلتقي معاكم باديبنا الكبير الحاصل علي جايزة "عوكل" في الادب السنادي عن ابياته الرائعه في وصف حال بلدنا اليومين دول طبعا اكيد عرفتوه اديبا الكبير ساكسونييدس حامدييتس اهلا بيك يا سيادة الاديب في البدايه نحب نباركلك علي الجايزه العظيمه اللي اخدتها حضرتك وعايزين من حضرتك تقول للمشاهدين قصة كفاحك وكيفية حصولك علي الجايزه " احم احم احم ........... انا بشكركم جدا علي استضافتكم لي في البرنامج الجميل ده وبتمني ان يكون لقائي معاكم ممتع ان شاء الله انا ححكيلكم بالتفصيل اللي حصل معايا " لما اعلنت الحكومه عن مسابقة افضل قصيده قصيره بتوصف حال البلد اليومين دول ... قررت ان اشترك فيها دخلت الحمام وعبيت البانيو ميه نزلت واسترخيت جوه الميه فكرت في الابيات وبعد تفكير عميق خطرت في بالي الابيات مستنيتش طلعت من البانيو علي لجنة المسابقه علي طول وباعلي صوتي وانا بجري في الشارع قلت لكل الناس " وجدتها وجدتها وجدتها وجدتها وجدتها " واول موصلت هناك قولتلهم القصيده والي كلماتها بتقول " يا بلدنا يا بلد فيكي حاجه مجنناني نزرع القمح في سنين تطرح الكوسه في ثواني" والحمد لله اللجنه اختارتها كاحسن ابيات ودوني بشكير اغطي بيه نفسي وكمان صبونه وليفه عشان اكمل حمومي بس السؤال يا تري ازاي نقدر نقضي علي البيروقراطيه في بلدنا وازاي نقدر نشيل كلمةالمحسوبيه والكوسه من قاموس حياتنا ازاي نقدر نفاضل بين اولادنا ونوظف ملكاتهم الفكريه في اماكنها الصح هي دي مشكلتي الجايه بعد اذنك اروح استحم في البانيو تاني يمكن الاقي حلول

عزيزي القارئ في الموضوع ده انا عايزك تكتب اي حاجه في اي حاجه اكتبلنا كلمه اثرت فيك موقف غير حياتك قصه حكهالك زميلك احكيلنا عن اغنيه بتحبها مشهد من فيلم عجبك ولا قلك احكيلنا عن موقف صعب عديت منه نكته ظريفه عجبتك اكتبلنا عن نفسك وحياتك عن احلامك احكيلنا عن قتلك للنمل احكيلنا عن تعديلك للنسبيه اهم حاجه احكيلنا افتحلنا صدرك هنسمعك انا عارف ان الدنيا اخدت الجماعه الكبار مننا وبطلوا يسمعونا احسن حاجه نسمع بعض يللا نطلع جبال الكلام الي علي صدورنا يللا نفيد بعض ونناقش احلامنا واراءنا يللا نتكلم قبل الكلام ميغلي ويبقي بفلوس ابتدي انا حاضر في يوم من الايام كنت في اولي اعدادي قعدت في الخيمه اسمع التليفيزيون كنت بحب الافلام جدا وبالذات الكرتون واسالو كابتن ماجد ومازينجر وجرين دايزر المهم فجاه جات المزيعه وقالت موعدكم مع الفيلم جبت الحصير وفرشته وجهزت المخده عشان اسمعه وانا متسلطن ابتدي الفيلم كان الفيلم لدريد لحام كان بيقوم فيه دور مدرس غير فكر مدرسه بحاله علم الاولاد ازاي يعيشوا في مدرسه مفتوحه علمهم ان الحياه هيه المدرسه الفيلم شدني جدا دريد لحام كان بيعلم الاولاد كل حاجه كان ياخدهم معاه دايما بره الفصول وينطلق بيهم بين الزروع والطبيعه الحصص ملهاش عنوان في اي لحظه يوقفهم ويديهم حصه في اي موضوع يتعرضو ليه الفيلم احداثه ثبتت في دماغي جبت اخوي الصغير تاني يوم قعدتو جنبي واشتغلت اشرحله ومن يوميها وانا بحب التدريس وكل ده بسبب فيلم شوفتو ازاي حياتنا مواقف اسيبكم ونلتقي قريب

لو نزلت دمعتي الساخنه علي يدك لثقبتها من سخونتها فعلا قصه ماثره جدا جزاك الله خيرا امتعنا بالمذيد

لا تساليني كيف حال زماني او مايعيش اليوم في وجداني فما انت الا قصة بدات بقلبي وانتهت بلساني

كاميرا اربعه ادخلي بالكادر شويه الكل مستعد استاذه هدي جاهزه للتصوير اوعي تنسي يا استاذ خالد سقراط لازم يكون كايب في المشهد الموسيقه التصويريه جاهزه عايز موسيقه حزايني خالص تبكي المتفرجين استاذه هدي هتقولي المشهد ده كانك بتلخصي كل المدارس الفلسفيه اللي مريتي بيها في الفيلم استاذ خالد هتسمعها وانت متعجب من كلامها بدون اي رد سيبها تخلص كلامها كلاكيت اول مره اخر مشهد من فيلم فلاسفه في حسائي للمخرج احمد خالد توفيق اكشن هدي :- "لا شئ في الواقع ...... عندما جات الي نادي الفلسفه اردت ان ابحث عن اجابه لسؤال طالما حيرني كيف انتصر علي الالم؟ وجدت "افلاطون" يطالبني بان انغمس في الهندسه وحساب المثلثات كي انسي ووجدت" ديوجين" يطالبني بان اعيش في برميل واعوي كالكلب فالكلب يعيش كما يريد حرا طليقا سعيدا ووجدت" ابيقور" يطالبني بان اشرب الخمر والهو قدر الامكان فالسعاده عنده هي تلبية نداء الحيوان الداخلي مهما تكن وفي اي وقت و"ارسطو" اقترح ان انتظر واصبر الي ان تصعد روحي وتعيش بين النجوم و"كامو" اقترح ان انتحر "الحياه عبثيه نحاول ان نجملها بالفن والدين والحب" و"سارتر" يطالبني بتحمل مسؤولياتي و"هيجل" يريد ان امزج ين الطريحه والنقيضه وان انضم لجمعية ما ليكون لحياتي معني فالحقيقه عنده تنشا من الطريحه والنقيضه وناتج الجمع ينهما و"كانط "يطالبني بالتجريب ان اخضع كل حياتي للتجريب " نيتشه" و"شوبنهاور" يريان اني كائن حقير لانفع له الا خديعة الرجل "فيثاغورث" يري ان الموسيقي هي الحل خاصة لو اغرقت الامي في رقم عشره " .عزيزي سقراط "الفلسفه كما رايتها هي فن اضاعة الحقيقه البحث عن الشمس بينما هي تملا الافق الفيلسوف هو شخص فشل ان يفهم الحياه كما هي. فشل ان يمارسها كما تمارسها قطة سعيده راضيه . الايمان بالله هبه ظفر بها البسطاء بينما حرم منها اكثر فلاسفتكم . تعتقدون ان الطعام وجد لكي لا ناكله والشراب وجد لكي لانشربه " ستوب ممتاز خالص فركش

انا عنكي ماحدثتهم انا عنكي ماخبرتهم لاكنهم لمحوكي تغتسلين في احداقي انا عنكي ما حدثتهم انا عنكي ما خبرتهم لاكنهم لمحوكي في حبري وفي اوراقي

امر ومالقيت من الم الهوي قرب الحبيب وما اليه وصول كالعير في البيداء يقتلها الظما والماء فوق قرونها محمول

الم الم الم تلم بدائه ان ان ان ان لي بشفائه

تذكر كلما صليت ليلا ملايينا تلوك الصخر خبزا علي جسر الجراح مشت وتمشي وتلبس جلدها وتموت عزا

اعزائي زوار المنتدي اعتراف اقر واعترف انا الموقع ادناه وانا بكامل قواي العقليه بان هذه الرساله هي اجمل رساله في المنتدي وهذا اقرار مني بذلك

مشاعرنا واحاسيسنا عباره عن كيميا جمله محتاجه لقوفه فاكرين معايا كان احد مبادئنا ايه قبل منبتدي الرحلات اننا نعترف بان الانسان كائن حبيس لحواسه المحدوده موجود جوه سجن قضبانه من ظلام دامس وهوه مسكين ميملكش غير ادوات بسيطه جدا متقدرش تتخطي الظلام ده وتشوف بره الحجب احنا بنشوف الكون حولينا بطريقه مختلفه عن الفيل وعن النمله وهكذا يعني كل كائن بينظر للعالم علي قدر قوة حواسه اللي عايز اقوله ليكم حياتنا دي مش زي محنا متصورينها عباره عن مواد كيماويه وتفاعلات امال يا تري ايه؟ هقلكم حاضر تخيلوا مثلا واحد رسام جتله فكرة لوحه في دماغه الفكره موجوده بس جوه عقله هوه بس يعني لو مرسمشي اللوحه لينا ولو مكلمشي حد عنها هتفضل حبيسه جوه عقله " ذاكرته" طيب ازاي يحولها من عالم الروح" الفكر" لعالم الماده " الواقع الملموس" طبعا بالرسم يعني نقدر نسمي اللوحه المرسومه قدامنا انها ظل لافكارنا الحبيسه في عقولنا" ارواحنا" طيب السؤال الي بيطرح نفسه ازاي نقدر نربط بين الافكار والظل المادي ليها في عالم الواقع عارفين ازاي بالكيمياء ايوه هيه الرابط وهيه الكوبري الي بنعبر بيه بين الشطين البعاد دول يعني الكيميا مش عباره عن مشاعر واحاسيس لا الكيميا عباره عن تعبير عن اشياء في ارواحنا لازم تطلع في صوره ماديه فتطر الكيميا تتفضل علينا وترجمهالنا في صوره هرمون بيتفرز او انزيم او اي حاجه ماديه كظل مادي للشئ الروحي نقدر احنا نرصده ونتامل معاه لانه لو مظهرشي في اطار مادي مش هنقدر نتعامل معاه علي فكره من المنطلق ده نقدر نعرف الموت علي انه انفصال الواقع عن الروحانيات بسبب فقدان الجسر ده " الكيميا" والله اعلم

اعوذ بالله من الشيطان الرجيم بسم الله الرحمن الرحيم " والله جعل لكم من انفسكم ازواجا لتسكنوا اليها وجعل بينكم مودة ورحمه" اعزائي القراء فالنضع مليار خط تحت الكلمات الاتيه لتسكنووووووووووووووووووووووووووا وجعل بينكم: فالجعليه بعد الزواج وليس قبل موده ورحمه : وهي افضل تعريف علي وجه الارض للحب فهو المزيج السحري من الموده والرحمه

اختنا الفاضله لقد وجدت بعض الابيات لاحمد مطر جعلتني اضحك فليتك تضيفيها لمقتطفاتك الجميله كتب الطالب : ( حاكِمَنا مُكـْتأباً يُمسي و حزيناً لضياع القدس ) . صاح الأستاذ به: كلاّ … إنك لم تستوعب درسي . إ رفع حاكمنا يا ولدي و ضع الهمزة فوق ) الكرسي ( . هتف الطالب : هل تقصدني … أم تقصد عنترة ا لعــبسـي ؟! أستوعبُ ماذا ؟! و لماذا ؟! د ع غيري يستوعب هذا واتركني أستوعب نفسي . هل درسك أغلى من رأسي

يوقِـدُ غيري شمعَـةً ليُنطِـقَ ا لا شعارا نيرانـا. لكنّنـي .. أُشعِـلُ بُركانـا ! ويستَـدرُّ دمعـةً ليُغـرقَ الأشعـارَ أحزانـا. لكنّـني .. أذرِفُ طوفانـا ! شـتّانَ .. غيري شاعِـرٌ ينظـمُ أبياتاً ولكنّـي أنا .. أنظِـمُ أوطانـا ! وعِنـدهُ قصيدَةٌ يحْمِلُهـا لكنّني قصيـدةٌ تحمِـلُ إنسـانا ! كلٌّ معانيـهِ على مقـدارِ ما عانـى. للشُّعـراءِ كُلّهم شيطانُ شعـرٍ واحـدٌ ولي بمفـردي أنا .. عشـرونَ شيطانـا

" يداك اوكتا وفيك نفخ" اوكتا اي ربطتا قالها رجل اعرابي عندما راي احد الناس ينفخ في قربة ثم ربطها بيديه ثم رماها في البحر وركب عليها وعام فلما وصلت الي قرب المنتصف فك الحبل دون قصد فتفرغ الهواء منها فغرق الرجل فقالها الرجل حينما راي هذا المشهد وبالفعل الناس يجنون ثمار ما يفعلوه بايديهم

يا شـامُ، أيـنَ هما عـينا معاويةٍ وأيـنَ من زحموا بالمنكـبِ الشُّهبا فلا خيـولُ بني حمـدانَ راقصـةٌ زُهــواً... ولا المتنبّي مالئٌ حَـلبا وقبـرُ خالدَ في حـمصٍ نلامسـهُ فـيرجفُ القبـرُ من زوّارهِ غـضبا يا رُبَّ حـيٍّ.. رخامُ القبرِ مسكنـهُ ورُبَّ ميّتٍ.. على أقدامـهِ انتصـبا يا ابنَ الوليـدِ.. ألا سيـفٌ تؤجّرهُ؟ فكلُّ أسيافنا قد أصبحـت خشـبا دمشـقُ، يا كنزَ أحلامي ومروحتي أشكو العروبةَ أم أشكو لكِ العربا؟ أدمـت سياطُ حزيرانَ ظهورهم فأدمنوها.. وباسوا كفَّ من ضربا وطالعوا كتبَ التاريخِ.. واقتنعوا متى البنادقُ كانت تسكنُ الكتبا؟ سقـوا فلسطـينَ أحلاماً ملوّنةً وأطعموها سخيفَ القولِ والخطبا وخلّفوا القدسَ فوقَ الوحلِ عاريةً تبيحُ عـزّةَ نهديها لمـن رغِبـا.. هل من فلسطينَ مكتوبٌ يطمئنني عمّن كتبتُ إليهِ.. وهوَ ما كتبا؟ وعن بساتينَ ليمونٍ، وعن حلمٍ يزدادُ عنّي ابتعاداً.. كلّما اقتربا أيا فلسطينُ.. من يهديكِ زنبقةً؟ ومن يعيدُ لكِ البيتَ الذي خربا؟ شردتِ فوقَ رصيفِ الدمعِ باحثةً عن الحنانِ، ولكن ما وجدتِ أبا.. تلفّـتي... تجـدينا في مَـباذلنا.. من يعبدُ الجنسَ، أو من يعبدُ الذهبا فواحـدٌ أعمـتِ النُعمى بصيرتَهُ فانحنى وأعطى الغـواني كـلُّ ما كسبا وواحدٌ ببحـارِ النفـطِ مغتسـلٌ قد ضاقَ بالخيشِ ثوباً فارتدى القصبا وواحـدٌ نرجسـيٌّ في سـريرتهِ وواحـدٌ من دمِ الأحرارِ قد شربا إن كانَ من ذبحوا التاريخَ هم نسبي على العصـورِ.. فإنّي أرفضُ النسبا يا شامُ، يا شامُ، ما في جعبتي طربٌ أستغفرُ الشـعرَ أن يستجديَ الطربا ماذا سأقرأُ مـن شعري ومن أدبي؟ حوافرُ الخيلِ داسـت عندنا الأدبا وحاصرتنا.. وآذتنـا.. فلا قلـمٌ قالَ الحقيقةَ إلا اغتيـلَ أو صُـلبا يا من يعاتبُ مذبوحـاً على دمـهِ ونزفِ شريانهِ، ما أسهـلَ العـتبا من جرّبَ الكيَّ لا ينسـى مواجعهُ ومن رأى السمَّ لا يشقى كمن شربا حبلُ الفجيعةِ ملتفٌّ عـلى عنقي من ذا يعاتبُ مشنوقاً إذا اضطربا؟ الشعرُ ليـسَ حمامـاتٍ نـطيّرها نحوَ السماءِ، ولا ناياً.. وريحَ صَبا لكنّهُ غضـبٌ طـالت أظـافـرهُ ما أجبنَ الشعرَ إن لم يركبِ الغضبا

موضوع جميل جدا جدا جدا وفقك الله وسدد خطاكي

انتظروني في ثوبي الجديد

شكرا لك صديقي العزيز علي موضوعك الرائع وارجو ا ان تكمل المسيره فنحن بحاجه لمعرفة تراثنا اللغوي بارك الله فيك

اخي العزيز احنا بنلجا لكتابة التاريخ بشكل تراجيدي احيانا عشان نلفت انتباه القارئ فما بالك انت بروايات متخصصه في مخاطبة الوجدان لازم جميع النواحي الادبيه نثريها والا هنعاني من فجوه كبيره في ثقافتنا زي محصلت في العصر العثماني انحدار في اللغه ونضوب الكتابات الفكره والادبيه احنا مش عايزين نكرر الماساه دي تاني لازم اخي العزيز نترجم ونشوف الناس اللي حولينا بيفكروا ازاي والا هننغلق ونتقوقع

الظلم فعلا طعمه وحش عشان كده جرام ظلم يقدر يمرر بحر من السعاده في ثانيه ربنا يرحما جميعا ويجعلنا بعيد عن الظلم والظالمين عشان كده ربنا مش بيرد دعوة المظلوم ربنا قال " والله لانصرنكي ولو بعد حين" فاكيد القصاص قريب سواء في الدنيا او في الاخره