فراس فراس 0 قام بنشر September 8, 2007 كلاً منا قد يكون له أخ اصغر منه أو اكـــــبر بس ياترى المفروض أتعامل معاه أزاى...؟؟؟ لما يغلط..؟؟أكتفى بنظرة قاسية ولا أكلمه ولا أضربه..؟؟ لما يكدب ..؟؟ أعمل معاه أيه..؟؟ ولما يحزن ..؟؟ ولما يفرح..؟؟ ولما أجــــى أعـــــــلمه حاجة أعـــــــــــلمه أزاى...؟؟ ولما يمرض..؟؟ لما يكون مع أصحابه..؟؟ ولو انا الأخ الصغير أتعامل مع اخوية الكبير أزاى....؟؟ لما يزعقلى..؟؟ لما يضربنى...؟؟ لما أزعل منه...؟؟ لما يــكون مع أصحابه..؟؟ أســــئلة كـــــــتيرة محتاجة لأجابة ومحتاج كل واحد فينا يجاوب عليه وساعات لو انت أخ كبير فى حاجات بتضايقك من أخوك الصغير وأيضاً فى حاجات بتضايق أخـــــوك منك فـأيه رأيكم ياجماعة كل واحد فينا يقول أيه اللى بيضايقه من اخوه حتى نستفاد ومنعملشى حاجة تضايق اخوتنا منا أو ممكن كل واحد فينا يحكى حكاية عن الأخوة وياريت ماننساش ياجماعة أن المسلم اخو المسلم يعنى مش شرط يكون أخوك شقيقك يالا ياجماعة مستنيين مشاركاتكم اقتباس شارك هذه المشاركه رابط المشاركه شار ك علي موقع اخر
ABOTASNEEM 116 قام بنشر September 9, 2007 بصراحة انا مش معايا اخ صغير بس معايا بنت اخت زى العسل وانا بحبها جدا وبعتبرها زى بنتى ومسئولة منى .. وبحاول اربيها كويس من خلال كلامى معاها ، او مع امها بس بصراحة فيها مشكلة ظغنطوطة أوى وهى مشكلة منتشرة بين الاطفال المشلة دى هى الكدب وعلشان ما هو طبيعى بين الاطفال فانا دايما لما تكدب بتكلم معاها بالراحة وقولها يابابا الكدب حرام واللى بيكدب ربنا مش بيحبه وانتى لو قولتى اللى حصل بصدق انا مش هكلمك ولا هضربك بس اعمل ايه .. الكدب طبيعة فى الاطفال ربنا يخليها ليا ، واشوفها دكتورة أد الدنيا يارب اقتباس شارك هذه المشاركه رابط المشاركه شار ك علي موقع اخر
فراس فراس 0 قام بنشر September 9, 2007 ربنا يخلهالك لحد ماتشوفها دكتورة انشاء الله بس فعلاً موضوع الكدب ده مشكلة كبيرة ولازم نحلها عند الاطفال وهما صغيرين حتى لا يكبروا عليها طيب أزاى.....؟؟؟؟؟ تعالوا نشوف أيه اللى بيخلى الطفل يكدب....؟؟؟؟ بس الأول نفتكر الموقف ده من الرسول صلى الله عليه وسلم فى أحد الايام رأى الرسول صلى الله عليه وسلم أم مخبية أيديها وبتقول لأبنها تعالى وهاديك تمرة فقال لها الرسول صلى الله عليه وسلم أن لم تعطه لحسبت عليك كذ بة طيب أيه المستفاد من القصة دى.....؟؟؟ أول حاجة ان الكدب كدب وحتى لو على طفل صغير طيب ده طفل ومش فاهم حاجة ومش هايضر حاجة لو كدبت عليه او وعدته وخلفت وعدى لا للأسف ده هيضر كتير أنتم عافين أن الطفل اول مايتولد مابيكنشى شايف طيب بيبدئ يشوف أزاى...؟؟؟ عينيه بتبدء تدور على النور لحد مايلقط مع العصب البصرى بتاعه علشان كدة لو عند اى حد فينا طفل يحاول على قد مايقدر أنه مايحطوش قدام أكتر من مصدر نور علشان مايحولش ونفس الموضوع من ناحية سلوك الطفل وعقله وقلبه عقله بيدور على النور اللى حوليه اللى هو أحنا وبيترجم تصرفاتنا وردور افعالنا علشان يعنل زينا أزاى.......؟؟؟ بس برضه عايز أفكركم بحديث للرسول صلى الله عليه وسلم ان مرة كان فى واحد قليت له ان ليه ابن سنانه ضعيفة شوية وبياكل تمر كتير فى بيخليها تضعف اكتر فقلت للرسول صلى الله عليه وسلم أن يقل لابنها أنه مايكلشى بلح فالرسول صلى الله عليه وسلم مارضى انه يقل لابنها فى نفس اليوم وقال انه هايقله بكرة وفعلاص قال له الرسول فى اليوم التالى ولما سال عن عدم قوله له فى اليوم الاول قال انه بسبب أنه كان واكل تمر فى هذا اليوم وانه استنى فى اليوم التالى حتى لايأكل فيه تمر ويقول له أيه خلاصة الموقف ده ...؟؟ انى ماقلشى لحد يعمل حاجة انا مابعملهاش لانى لو قلتله يعمل حاجة وان مابعملهاش هاقله وانا مش مقتنع وذلك بدليل انى بعمل الحاجة دى وبالتالى هو مش هيقتنع وبالتالى مش هيسمع كلامى دلوقتى نرجع لموضعنا أقل حاجة والحاجة الشائعة دايماً لما حد يتصل بينا بالتليفون أو ييجى يسال علينا وبعدين نقل اطفالنا أن يقولوا للسائل ان احنا مش موجودين وذلك لتعبنا فى اللحظة دى أحنا بنوحى لعقله أن الكدب عادى وانه سهل مش وان لو صدقت وقلتله أن أنا موجود هاتعب يعنى ايه الخلاصة ...؟؟ يعنى ماكنشى انا بقوله أكدب بتصرفاتى معاه وبعدين أجى أقوله ماتكدبشى طبعاً مش هيسمع كلامى وهو ده دايماً السبب الشائع لكدب الطفال وأيضاً هناك أسباب اخرى...... ذى أيه مثلاً........؟؟؟ الـــــــــخـــــــوف ده من الأسباب الاساسية للكدب أزاى......؟؟؟ مثلاً لو أنت بتضربه أو بتزعق له لما يعمل حاجة غلط طبعاً لما ييجى يعمل حاجة غلط تانى هايخبى عليك ولو سالته هايكدب عليك وبكدة أحنا بندفعهم بخوفهم منا ألى الكدب بدون قصد منا ومن الأسباب الاساسية التانية الصحاب بارده ازاى........؟؟؟ هو قاعد يلعب مع صحبه وشايف صاحبه طول النهار بيكدب على اللى حوليه ومبسوط قوى بكدبه (أصل الكدب ده ساعات بيبقى مرض او عادة) فطبعاً هايلقط منه طيب أيه الحل......؟؟ أولاً لا أكدب عليه ولو حتى كدبة صغيرة ثانياً مااخلهوش يكدب حتى ولو بيرد على التليفون ثالثاً ماأخلهوش يخاف منى ذيادة عن اللزوم رابعاً اتخد معاه مبدئ الثواب والعقاب يعنى لو كدب آجى فى يوم انا معوده أخرجه فيه ومخرجهوش علشان كدب خامساً شوف صحابه وتعرف عليهم وحببه فى الكويس فيهم وحاول تبعده عن اللى مش كويس بس ماتبعدوش عنه بنفسك لأن ذى مابيقال(الممنوع مرغوب) وكدة انت ممكن تدخله فى عناد معاك يعنى حاول تخليه هو يبعد أتمنى انى ماكنشى طولت عليكم واتمنى منكم الاستفادة اقتباس شارك هذه المشاركه رابط المشاركه شار ك علي موقع اخر
سحر العيون 3 قام بنشر September 9, 2007 انا الحمد لله عندى اخ اكبر منى بس دا على طول مسافر كانت دراسته فى مكان ودراستى فى مكان ومكناش بنشوف بعض ولما اتخرجنا الحمد لله قلنا اخيرا هنقعد مع بعض اشتغل فى الغردقه وسافر ومش بشوفه بس لما بيجى بيبقى يوم عييييييد اخويا دا انا بحبه مووووووووووووووووووووووت لانه طيب وحنين عليا اووووى عندى بقا اختى الصغيره العسوله بتاعت البيت لسه فى 2 ابتدائى طبعا انا بموت فيها وفى شقاوتها هيا مبتكدبش ولا اى حاجه بس عيبها الوحيد انا بترغى كتير من كتر افلام الكارتون اللى بتتفرجها دماغها بقا بتقعد تفكر وتقعد تسالنى على كل كبيره وصغيره وعاملانى عيله معاها تعالى العبى معايا وتعالى اعمليلى كذا انا طبعا بعملها كل اللى هيا عايزاه بس نتخنق بقا سعات بشخط فيها وتروح تزعل وتعيط واروح اجيبها واصالحها وابوس فيها لحد لما تصالحنى بصراحه بتصعب علياااااااااااا وبعدين انا مهما لفيت الدنيا مش هلاقى اخوات زى اخواتى ربنا يخلهوملى يارب وميحرمنيش منهم ابدااااااااااا اقتباس شارك هذه المشاركه رابط المشاركه شار ك علي موقع اخر
فراس فراس 0 قام بنشر September 9, 2007 ربنا يخليهم ليكى فعلاً الحب هو ده اللى لازم يكون بينا وبين اخوتنا بس الفرجة على افلام الكارتون مش عيب ده بالعكس ده شئ كويس قوى انا عن نفسى بحب أتفرج على مسلسلات الكارتون كتير ويمكن مابتفرجشى على حاجة غيرها ألا على قناة الناس أو قناة الرسالة وده بسبب ان الكارتون دايماً بيبقى برئ طبعاً انتم فهمين قصدى ودايماً الكارتون بيحاول يوصل ليك رسالة معينة رسالة معينة زى الصداقة وأيه معنى انك صديق وأيه واجبك ناحية صاحبك وده تلاقيه مثلاً فى كارتون ذى بيدا مان , وذى الأخوة وأيه واجب الاخوات ناحية بعضهم وده تلاقيه فى كارتون زى أنا وأخى أو أنا واختى , وفى كارتون بيخليك تفكر معاه وتشغل دماغك ذى كونان , وفى كارتون لما تتفرج عليه بيحسسك بالحماسة والقوة ذى الشبح , وفى كارتون بيوريك انك علشان توصل للانت عايزه لازم تتعب عشانه ذى دراغون بول وبحييك على صبرك مع اختك وياريت نكون احنا كلنا كدة مع أخوتنا يعنى انا مثلاً كنت للأسف آسى كتير مع اخوية اللى أصغر منى بخمس سنين وأنا صغير وهو أخويا الوحيد , الكلام ده وهو عنده لسة تلت سنين كان بيحبنى قوى وماكنشى بيحب يسبنى ,كنت مامطرح أروح ييجى معاية أنشاء الله حتى رايح أجيب عيش من الفرن وجى ماكنشى يرضى يسبنى حتى لما أروح خارج مع اصحابى أو رايح ألعب معاهم ماكنشى برضه يرضى يسبنى لحد ماجيت فى يوم وضربته ضرب جامد عشان يسبنى براحتى مع اصحابى شوية وللأسف صحابى شجعونى على كدة ,بس السبب فى انى تعاملت معاه بالضرب مش بالكلام هو والدى صراحة لانه كان بيعملنا كدة, بس للأسف الموقف ده أثر فيه جامد وأثر فى تكوين شخصيته ألى هو عليها دلوقتى يعنى وهو من سعتها بقى جامد فى تعامله , سريع الغضب ومن السهل حد ينرفزه ,بس هو الحمد لله أحسن دلوقتى بكتير عن الأول , وأنا بصراحة زعلان قوى وندمان جداً على أنى فى يوم من الأيام ضربت أخويا ,رغم أن أنا كنت صغير ساعتها , بس بارده أنا كنت من المفروض أراعى أن هو الصغير وأن أنا أخوه الكبير يعنى هو مسئوليتى وهو ده السبب اللى خلانى اكتب الموضوع ده يعنى لو أنت أخ صغير تعرف أيه اللى بيضايق أخوك الكبير منك فماعتملهوش ولو أنت أخ كبير تعرف أزاى تتصرف مع اخوك الصغير وماتتصرفشى معاه تصرف ممكن يغير له حياته كلها ولو أنت أب أو ام حاول ماتفرقشى بين ولادك وتميز بينهم حتى ولو بالكلام الحلو أو الوحش أو بالمعاملة الحلوة أو الوحشة , لأن ده هو السبب الأساسى اللى بيخلى الأخوات يبعدوا عن بعض ومايقفوش جنب بعض ذى مامحنا بنشوف فى الزمن ده وأفتكر حديث الرسول صلى الله عليه وسلم((أعدلوا بين ابنائكم أعدلوا بين ابنائكم أعدلوا بين أبنائكم)) فيالا ياجماعة كل واحد يكتب علشان كلنا نستفاد من بعضنا اقتباس شارك هذه المشاركه رابط المشاركه شار ك علي موقع اخر
سحر العيون 3 قام بنشر September 10, 2007 كلامك جميل اووووووووى بس انت متلمش نفسك ولا حاجه انت كنت لسه صغير وكل مرحله عمريه الواحد بيكون بيفكر فيها بكل معين يعنى انت وقتها زى ما انت بتقول كام عنك 8 سنين والوقت دا بيكون فيه الطفل عايز يحس بحاله من الاستقلاليه واثبات الزات والاعتماد على النفس انت علشان كدا كنت عايز اخوك يبعد عنك وانت مكنتش مدرك انت بتعمل ايه لانك انت اساسا كنت صغير وعايز اللى يقوملك سلوكك وسورى متزعلش منى الغلطه غلطط باباك لان الضرب عمره مبيجيب نتيجه ومع الاطفال بوجه خاص لان الطفل عنيد ومتطلع يعنى بيحاول يعمل الحاجه حتى لو اتضرب علشان عده اسباب اولا علشان يعمل الحاجه اللى فى دماغه ثانيا انو يثبت للى حواليه انو عرف يعمل حاجه حتى لو كانت حاجه بسيطه فبلنسبه لعقله ولسه بالنسباله هتكون انجاز ومتلمش نفسك لان مش انت بس السبب فى ان اخوك جامد فى تعاملاته لان والدك برضو وكيد ولدتك ليهم دور فى التنشئه ايوه طبعا الزكريات بتفضل راسخه فى زهن الطفل ومش بيقدر ينساها بس انت ممكن تحاول تقرب منه تحسسه بحبك وحنانك اكتر من كده وبازن الل هيتغير ير وهيبقى احسن من كده ولو عايز اى استفسار انا دكتوره نفسيه وتحت امر حضرتك فى استفسار وشكرا لييييك اقتباس شارك هذه المشاركه رابط المشاركه شار ك علي موقع اخر
فراس فراس 0 قام بنشر September 10, 2007 (تعديل) شـــــــــكراً ســـــــحر على كلامك وردك الحلو ده وانتى كمان لوعزتى حاجة انا محلل نظم معلومات وأنشاء الله لينا جلسات مع بعض كتير تم تعديل September 10, 2007 بواسطه فراس فراس اقتباس شارك هذه المشاركه رابط المشاركه شار ك علي موقع اخر
سحر العيون 3 قام بنشر September 10, 2007 بازن الله خلاص انا لو احتجت اى حاجه فى الكمبيوتر اكيد هقلك ربنا ميحرمنيش منك واكيد لينا جلسات كتير مع بعض اقتباس شارك هذه المشاركه رابط المشاركه شار ك علي موقع اخر
فراس فراس 0 قام بنشر September 21, 2007 أنشاء الله المرة دى بقى انا جايب لكم قصة وصحابى بجد مالوش حل الصحابى ده هو البراء بن مالك وهو اخوا أنس بن مالك المهم هما كانوا فى حرب ضد الفرس وكانوا الفرس بيعملوا أفخاخ ذى سلاسل مولعة نار المهم أنس بن مالك وقع فى فخ منهم تخيلوا معايا لما تكون محاطة حواليه السلاسل والنيران ياترى حد فينا ممكن يساعده مهما كان قريب منه طيب لو سعده هايسعده ازاى..؟؟؟ المهم راح البراء بن مالك ماسبشى اخوه زى ماغيره سابه لأ ده راح وفك السلاسل بأيديه ورغم ان جلد ايديه اتحرق من النار ألا أنه ماهمهوش وكان كل همه هو اخوه وماسبوش لحد ماخلاصه والبراء بن مالك ده كان شجاع لدرجة ماحدش فينا يتخيلها كان أشعثاً أغبراً ضئيل الجسم معروق العظم تقتحمه عين رائيه ثم تزور عنه ازورارا، ولكنه مع ذالك ، قتل مائة من المشركين مبارزة وحده ، عدا عن الذين قتلهم في غمار المعارك مع المحاربين ، إنه الكمي الباسل المقدام الذي كتب الفاروق بشأنه إلى عماله في الآفاق : لا تولوا البراء جيشا من جيوش المسلمين مخافة أن يهلك جنده بإقدامه. يعنى شوفه عمر بن الخطاب رضى الله عنه خايف يوليه قيادة جيش لحسن يضيع الجيش بشجعته ولا الموقف ده وقت حربهم مع مسيلمة الكذاب فقد احتمى مسيلمة وجنوده بصور عالى واخوا يمطرون المسلمين النبال من خلف الصور فتخيلوا البراء عمل ايه ..؟؟؟ قل لأصحابه ان يضعوه على المنجنيق ويقذفوه ليعدى السور ورفعته عشرات الرماح فألقته في حديقة الموت بين الآلاف المؤلفة من جند مسيلمة ، فنزل عليهم نزول الصاعقة ، وما زال يجالدهم أمام باب الحديقة ، ويعمل في رقابهم السيف حتى قتل عشرة منهم وفتح الباب وبه بضع وثمانون جراحة من بين رمية بسهم أو ضربة بسيف ... فتدفق المسلمون على حديقة الموت، من حيطانها وأبوابها وأعملوا السيوف في رقاب المرتدين اللائذين بجدرانها حتى قتلوا منهم قريبا من عشرين الفا ووصلوا إلى مسيلمة فأردوه صريعا. حمل البراء بن مالك إلى رحله ليداوى فيه ، وأقام عليه خالد بن الوليد شهرا يعالجه من جراحه حتى أذن الله له بالشفاء ، وكتب لجند المسلمين على يديه النصر. رحم الله البراء بن مالك نعم الاخ ونعم المغوار ولقد استشهد فى المعركة اللى انقذ فيها اخوه والسلام عليكم ورحمة الله وبركاته اقتباس شارك هذه المشاركه رابط المشاركه شار ك علي موقع اخر
سبرتو 2 قام بنشر September 23, 2007 الصراحة افادك الله بالعلم اللى انتة بتعطية لنا معلومات حقا جميلة جدا جدا وبعدين بقى انا اصغر اخواتى وعلاقتى مع اخوى الاكبر منى هما اتنين الحمد لله مستقرة جدا جدا بالرغم من انى بحب اتناقش مع الاول وليس مع اخى التانى بالرغم انى ترتيبى الثالث لانى بحس انة كل واحد واللى قبلة او واللى بعدة مش بيكونو متناقشين كويس يمكن لاختلاف الافا واطباع وبينى وبين اخويا الكبير خاااااااالص تسع سنين بس بحب اتكلم معاه لانة بيحسسنى انى رايى لية معنى وبعدين ما اعرفش ان برتاحلة بالرغم من انى بحب اخويا التانى قوى قوى بس يمكن لانى اخويا اللى ىبحبة دة كان بعيد عنى ىعلى طووووول حتى لما بنعمل انقلاب فى البيت انا بعملة مع التانى اللى بحبة قليل اقتباس شارك هذه المشاركه رابط المشاركه شار ك علي موقع اخر
فراس فراس 0 قام بنشر September 23, 2007 ازيك ياسرور أيه أخبارك واعذرنى لانى بناديك كدة بس انا مش عايز اناديك سبرتو لان السبرتو ده بيطير بسرعة وحاجة بتلطش الدماغ وانت بتسيب انطباع كويس فى النفس يعنى لابتطير بسرعة ولا بتطير الدماغ الاخ المتوسط هو المظلوم دائما دائما منسى ليه .......؟؟؟ لأنه مش البكرى ولاآخر العنقود فدائماً الابهات بيتشغلوا بالكبير والصغير والمتوسط بيروح فى الرجلين وانا بقول الكلام ده علشان فى واحد حبيبى قوى وصاحبى والفرق بينى وبينه يومين هو الاخ المتوسط هو مش بيشتكي لى من حاجة بس أنا أتربيت معاه فترة وعشت معاه فحسيت باللى بيحس بيه فيمكن اخوك زيه حاسس بغيرة منك انت ومن اخوك الكبير لان حاسس ان أبوه وامه بيعملوكم احسن مابيعاملوه فبيجيله احساس بأنه ضايع وسطيكم فيبدا يدور على نفسه بنفسه وبالتالى علاقته معاك مش زى علاقتك مع اخوك الكبير فأعذره لو هو بعيد عنك شوية بالمناسبة صحبى ده كانت معاملته ناشفة مع اخوه الصغير عكس اخوه الكبير بس كان بيحب أخوه الصغير اكتر مابيحب اخوه الكبير وبيخاف على اخوه الصغير وبيقلق عليه أكتر ماأخوه الكبير بيقلق عليه وربنا يخليهم لك هما الاتنين ويبارك لك فيهم وتفضلوا اخوات علطول وماتسبوش بعض لما كل واحد فيكم يروح يتجوز يارب تفضلوا مع بعض وتحبوا بعض علطول اقتباس شارك هذه المشاركه رابط المشاركه شار ك علي موقع اخر
سبرتو 2 قام بنشر September 23, 2007 والله شكلى هحبك وانا لما بحب حد مش بيقدر يخلص منى ابدا لانى لزقة بغراء وانا سعيد قوى قوى بالاسم الجديد اللى حضرتكم عطتهونى اياة ودة اسم جميل بجد بس عرفت منين انى انا اسمى سرور هاهاهه اقتباس شارك هذه المشاركه رابط المشاركه شار ك علي موقع اخر
فراس فراس 0 قام بنشر September 24, 2007 وأناكمان حبيتك ياسرور وانا ايقى سعيد جدا بانك تكون ملازمنى علطول وانا سعيد جدا انا الاسم عجبك وانا كل اللى عملته انى فكرت فى اسم يبدء بالسين وفيه واو وراء فمالقاتشى احلى من سرور وخصوصا أنى حسيت كدة انك مكبر دماغك من الهموم والمشاكل رغم انها حوليك كتير وربنا يديم عليك السرور اقتباس شارك هذه المشاركه رابط المشاركه شار ك علي موقع اخر
سبرتو 2 قام بنشر September 24, 2007 والله الله يخليك انتة بجد محلل نظم معلومات ومش عارف بتعرف انى مكبر دماغى يا اخى الحمدلله انا بشكر ربنا انة خلانى بارد لان نعمة البرود دى نعمة جميلة قوى قوى الواحد على اية يقعد يفرس نفسة حلوة يفرس دى جاية من فراس يفرس نفسة فى شوية مواضيع احنا اصلا الى اعلمينها وكلها فى الاخر بعون الله تتحل ويطلع الواحد منها على ضغط او سكر يا عم الحمد لله ربنا يخليك ليا يااااااااااارب ويعنيك فى دنيتك واخرتك ويجمعنا معا اجمعين فى الفردوش الاعلى بس اشوفك الاول ان شاء الله قبل ما نروح فوق اه عشان عمر ما يزعلش ونجعلة عااااااااااااااااااااامر اقتباس شارك هذه المشاركه رابط المشاركه شار ك علي موقع اخر
فراس فراس 0 قام بنشر September 26, 2007 الله يخليك ياسرور ويارب فى الفردوس الاعلى انشاء الله وربنا يسهل نشوف بعض ونروح نلعب مع بعض كورة انشاء الله اقتباس شارك هذه المشاركه رابط المشاركه شار ك علي موقع اخر
