عاشق الصداقه تايه فى القاهره يا جدعان :)

[عاشق الصداقه 525]

السلام عليكم ورحمة الله وبركاته

 

رغم إن الموضوع مش فى مكانه - وكان المفروض أكتبه فى المدنة لكن قلت أضحككم على حالى

 

إمبارح بس قررت أنزل القاهره - وبأعجوبه من الأعاجيب قدرت أتصرف فى تذكره (سوق سودا) ،،

 

المهم إنى نازل لأخويا الكبير البشمهندس الشيخ مدحت

إمبارح إتصلت بيه وقلتله إنى جايلك القاهره ،، وأنا عارف إنه بيغير السكن بتاعه كل سنه لكن فى نفس المنطقه

 

قلتله رقم عمارتك المره دى كام - يقولى لأ إنت إنزل بس عندنا وإتصل وملكش دعوه

 

أقوله يا شيخ مدحت منا هتصل بيك - بس قولى للإحتياط رقم العماره بس كام

يقولى يا عم الله يهديك تعالى إنت وإتصل وملكش دعوه

 

يا شيخ مدحت ما إنت عارف إننا بنقعد 3 أيام كامله ساعات وإحنا نتصل بيك علشان نعرف نوصلك ،،

 

وإنك دايما تليفوناتك كلها يا مغلقه يا بتسيبها بعيد عنك يا بتنفض ومتردش وتنسى يا إما ..... فبرضه قولى للإحتياط مش هتخسر حاجه ،، وهو برضه مصر ،، وضحك وقاللى متقلقش إنت هتوصل حوالى 7 الصبح وإتصل وأنا هستناك

 

محبيتش ألالى معاه كتير (أخويا الكبير برضه) ،، وقلتله حاضر يا شيخ لما نشوف

 

ونزلت القاهره ولسه واصل من ساعه أهو

 

نزلت المكان اللى هو فيه فى مدينة نصر والدنيا تمام

بقالى دلوقتى ساعه ونص بتصل بيه بشكل متواصل وأنا واقف فى الشارع ،، ومحدش بيرد !!

 

 

لدرجة إن بطارية موبايلى أوشكت على الوداع ،، وكده هتسوح لأنى حتى مش هعرف أتصل من بره بيه ولا بحد تانى لأنى مش بحفظ أى أرقام ،،

قلت يا واد هتخنق نفسك ليه - أدخل أقرب سايبر حبيبى .. منا متعود على السيبرات ولاجىء فيها من زمان قبل شركتى

 

دخلت سيبر ودخلت وقاعد أهو لحد ما ربنا يكرم وأخويا يشوف الموبايل ويتصل بيا لو إفتكر

 

معرفش ليه قلت لازم أعرفكم الغلب اللى أنا فيه ده - علشان تعيشوا معايا اللحظه الجميله دى

 

متقلقوش يعنى أنا قرايبى فى القاهره ولا حتى 350 واحد ،، وأصدقائى أكتر والحمد لله

 

بس نازل تعبااااااان من السفر (9 ساعات) وطالما نزلت مدينة نصر خلاص مش هتحرك منها ولا أكلم حد إلا أما أشوف أخويا وأسيب عنده الشنطه بس

 

وربنا يتولانى برحمته

 

شفتوا الهنا اللى أنا فيه !!!

 

بجد بجد الـ 3 أيام دول المنتدى هيوحشنى جدااااااااااااااا

 

خدوا بالكم منه كويس

 

وأدعولـــــــــى

[دعوه للجنه 457]

هههههههههه

ربنا ييسر لك وتتجمع باخوك ان شاء الله على خير وفى اقرب دقيقه وليس فى اقرب ساعه

 

وترجع بالسلامة ان شاء الله.....

 

ويوفقك ربنا فى سفرك هذا وتقضى ما انت ذاهب اليه على خير .....

 

 

بس مش تنسانا حضرتك من صالح الدعاء وانت راجع..

 

 

تحياتى لحضرتك

[Dr.A7MD 130]

هههههههههههههههههههههههههه

 

أهو ده تخليص حق ( السوق السودا ) ورزق السيبر اللى دخلته

 

باين الشيخ مدحت ربنا يحفظه اشتغل فى مباحث الأموال العامة

 

مين قالك تاخد المواصلات التقليدية دى ......... ماله التوك توك !!! قال لا ؟؟!!!!

 

صحيح .. ناس لما تغتنى تفترى .......... ههههههههههههههههههه

 

واحشنى والله يا كينج ...... ربنا يعينك ويهدى مدينة نصر كلها عليك

 

متنساش وأنت جاى تعدى تجيب معاك جاتوه للمنتدى

 

[عاشق الصداقه 525]

هههههههههه

ربنا ييسر لك وتتجمع باخوك ان شاء الله على خير وفى اقرب دقيقه وليس فى اقرب ساعه

 

وترجع بالسلامة ان شاء الله.....

 

ويوفقك ربنا فى سفرك هذا وتقضى ما انت ذاهب اليه على خير .....

 

 

بس مش تنسانا حضرتك من صالح الدعاء وانت راجع..

 

 

تحياتى لحضرتك

 

جزاكى الله كل الخير أختى دفء الأنس

 

الساعه دلوقتى وصلت 10 ، وأنا واصل من 7 ،، ولحد دلوقتى مفيش أى رد ،، وشكلى هتنازل وأطلب معونات

 

زهقت وتعبااااااان وشكلى هتصل بحد من صحابى وخلاص

 

هدعيلكم أكيد بإذن الله ووالله دعيتلكم فى السفر ودعيت لياللا يا شباب ربنا يكرمه ويبارك فيه كمان وكمان

 

جزاكى الله كل الخير لتعاطفك

 

هههههههههههههههههههههههههه

 

أهو ده تخليص حق ( السوق السودا ) ورزق السيبر اللى دخلته

 

باين الشيخ مدحت ربنا يحفظه اشتغل فى مباحث الأموال العامة

 

مين قالك تاخد المواصلات التقليدية دى ......... ماله التوك توك !!! قال لا ؟؟!!!!

 

صحيح .. ناس لما تغتنى تفترى .......... ههههههههههههههههههه

 

واحشنى والله يا كينج ...... ربنا يعينك ويهدى مدينة نصر كلها عليك

 

متنساش وأنت جاى تعدى تجيب معاك جاتوه للمنتدى

 

أهو بقى اللى مكنتش عامل حسابه

 

الدكتور أحمد إللى قارش ملحتى على طول معرفش ليه

 

بس برضه حبيب قلبى والله

 

ولا يهزنا يا حبى .. ده إحنا ذئاب الجبل ،، ولا ياكل معانا الكلام ده

 

ووحياتك لو فيه تكاتك بتروح القاهره لركبها - أنا بحب التكاتك والطفاطف والحاجات الغريبه دى

 

وحاضر يا سيدى ،،، أقوله تايه ومش لاقى حته أقعد فيها يقولى جاتوه

 

تجيش أعزمك فى شقة من الشقق اللى مش ملاحق عليها وأنا فى الورطه دى أحسن

 

ناس معندهاش ... تيييييييت

 

واحشنى يا حبى

[سجده 44]

ربنا يستر بجد

 

انا مش عارفه اقولك ايه

 

كان لازم يعني المخ الصعيدي يحضر و يصمم مش تاخد الرقم

 

يله بقي ربنا معاك

اكيد هندعيلك بس مش تنسي تقولنا عملت ايه

 

ربنا يوصلك بالسلامه يارب و السفريه دي تعدي علي خير

[El-Saher Fantasy 21]

ههههههههههههههههههههههههههه

اقطع دراعي لو كان الشيخ مدحت في مدينة نصر أصلا

تخيلبوا معايا يكون الشيخ محت نقل من مدينة نصر كلها

وساكن في حتة تانية

ياالورطة!

أدمون .. نفض يا حبي

نزل سوفت الهدوء واعتبر نفسك ع البحر ف اسكندرية

سلملي ع اللي يسأل عليا

وماتتأرش في القاهرة يا بيه

[الرّام 173]

لا اله الا الله

 

لا يا خويا بالنسبة ليا انا .. فموقفك هذا عادي جدا .. يعني ..

 

ما هو صرلي موقف زيه بالضبط .. لكن مع صحبتي :bravo: .. و لاااااااااااا كان في مدينة ( في اقصى الجنوب) اول مرة ندخلها اصلا و كانت اول زيارة ليا فيها و ما كنتش نعرف فيها اي حد آخر غير البنت صاحبتي الي كنت ماشيتلها و الي هي نسيتني و سكّرت تلفونها و رقدت نامت (اخذت قيلولة .. ماهو كان صيف و الدنيا شاعلة نار و كانت الساعة 2 بعد الظهر)

:bravo:

 

اني وقتها ما لقيتش حل الا اني مشيت لمطعم قريب من المحطة الي نزلت فيها و فطرت و من بعد شفت ( publinet) يعني محل عمومي للانترنت في آخر الشارع فمشيتلها و بقيت لحد تقريبا الساعة الخامسة .. يعني لين فاقت حضرتها من النوم و حلّت تلفونها و لما لقت يجي 60 او 70 رسالة من الشبكة يقوللها ان هذا الرقم اتصل بيكي .. ساعتها افتكرت اني انا جايتها و كلمتني تشوف انا وين موجودة :wink: :bravo: :bravo:

 

 

يعني عادي يا خويا .. استحمل .. موش مشكلة .. ياما يصير على الرجال ..

 

ههههههههههه :wink:

 

يللا .. يا رب ان شاء الله توّا (بعد مرور 5 ساعات ) تكون توّا مع خوك .. و يا ربي ان شاء الله تكون ارتحت شوية من تعب السفر

 

ربي يعينك يا ربي ان شاء الله

 

و ربي يسهلّك أمورك و ييسرلك في كل خير باذن الله السميع المجيب

 

 

 

لكن سؤال يعني ..

 

سايبر

 

هوّ شنوّة هذا "السايبر" .. او شنوة معناها .. شنوّة هو اصلا

 

الظاهر هي كلمة عامية عندكم .. موش عارفة .. لكن لو ممكن شنوة تقصدوا بيها

 

(سؤال رخم .. زي ما تقولوا .. صح)

 

ههههه .. عارفة .. ههههههه :bravo:

 

 

ربي معاك ان شاء الله يا خويا

 

المهم ردّ بالك على روحك

 

و تمشي و ترجع لاباس ان شاء الله و باذن الله

[شهد 2010 4]

ههههههههههه

 

معلش اخونا عاشق الصداقه تعيش وتاخد غيرها

انا بحب الناس اللى بتعمل مقالب

ودا صراحه مقلب جميل جدا ربنا يكون معاك فيه

واكيد دلوقتى اخدت بطارك

معلش بقى عايزين نعرف عملت ايه

لان اكيد حضرتك زمانك وصلت لاخوك

ولو كنت لسه موصلتش يبقى دا موضوع لوحده ههههههههه

 

ربنا يارب يكرمك ويرزقك السعاده ويفرج كربك وهمك

وتكون وصلت لاخو حضرتك

[ABOTASNEEM 116]

توصل بالسلامة لأخوك وترجعلنا بألف سلامة

[حياتى من اجل ربى 22]

ربنا معاك

واكييييييد لازم تكون وصلت دلوقتى واتصرفت يعنى

يارب تقضى وقت سعيد ياررب

وترجع بالسلامه ان شاء الله

على العموم منور القاهره

ربنا يكرمك

[ali desoky 391]

توصل بالسلامه يا كبير

 

بس خللي بالك ده ذنبي انا

علشان قلتلك اروح معاك

ع العموم تتعوض المره الجايه واروح معاك

وكده تضمن انك مش هتوه بس انت هتضيع خالص في القاهره

 

 

 

بجد بجد الـ 3 أيام دول المنتدى هيوحشنى جدااااااااااااااا

 

ربنا يرجعك لمنتدك ان شاء الله بخير

 

خدوا بالكم منه كويس

 

 

متخافش المنتدي في ايد امينه ( مش عارف مين امينه دي)

 

 

وأدعولـــــــــى

 

اكرمك الله بالخير والصحه والعافيه وراحة البال والضمير ورضا ربك عنك

وجمعني الله واياك في الفردوس الاعلي

 

[MidooDj 11]

نازل القاهرة من غير ما تقلى يا كرينكل

وحياة :@ لما اشوفك فى الالومنيوم هوريك شغلك

يا حبى تروح وترجع لنا بالسلامة

 

للاخت اللى بتستفسر عن معنى كلمة " سيبر او سايبر " معناها " كافى نت "

 

تحياتى

[الرّام 173]

 

للاخت اللى بتستفسر عن معنى كلمة " سيبر او سايبر " معناها " كافى نت "

 

 

MidooDj شكرا ليك يا خويا على الايضاح

 

سايبر = كافي نت .. يعني زي الـــــــ publinet

 

:wink: :wink:

:bravo: :bravo: :bravo:

 

 

انا قلت يمكن يكون اسم لمكان في تلك المدينة او يمكن اسم Jardins publiques حديقة عمومية

 

و ما جاش في بالي ان "عاشق الصداقة" دخل على النت من مركز عمومي للانترنت

 

 

انا قلت اكيد هو يكتبلنا من اللابتوب و اكيد طبعا هو عنده " ويفي " طبعا يدخل منه للنت

 

 

فـــــــما استغربتش يعني .. قلت بالـــ"ويفي " الواحد يقدر يدخل على النت ان شاء الله حتى يكون في الشارع او في حديقة او مقهى

 

لاكن يعني كادك انك تاخذ معاك اللابتوب متاعك و تاخذ ويفي .. موش احسنلك

 

 

 

:bravo: :bravo: :bravo: :bravo: :bravo: :cry: :huh:

 

( هذا الضرب ليا .. طبعا .. موش لعاشق الصداقة )

 

:2:

 

 

 

 

على العموم ان شاء الله سفرة ميمونة و ترجع ان شاء الله لاباس و سالم غانم بقدرة ربي

 

 

 

تم تعديل March 9, 2010 بواسطه الرّام

[عاشقة الفردوس 161]

هههههههههههههههه

 

 

هههههههههههههه

 

 

ههههههههههههههههههههههههه

 

 

بالله عليك سلملي على أخوك صعيدي تمام

 

 

موش شماته والله فقط أمزح حفضك الله باابني من كل سوء

[نودي 41]

الي عاشق الصداقة

حول

اين انت الان

ايه ياكرينكل لما انت عارف مقالب اخوك كان لازم تمسك فيه بايديك وسنانك

المهم انت ايه اخبارك دلوقتي

طمنا عليك ياكبير

[ممدوح 5]

هههههههههههههههههههه

حبيب قلبى طبعا انا كنت معاك لحظه بلحظه

كفايا انى انا اللى جبتلك التذكره

وماتنياش اليوم من اوله كان مشكوك فى اموره

وقولتلك ما تسفرش

انا مش عايز اوضح اكتر من كده كفايا انك انت تكون فاهم

وده مش جديد ع الشيخ مدحت بس كل اللى اقدر اقوله

انك انت يا عاشق الصداقه راجل محترم وبتتصرف بعقلك

اذا كان انا كلمنى فى التليفون الشيخ مدحت وكنت هاكله

تخيل انا لو كنت مكانك ده انا كنت اولع فى مدينه نصر كلها

ده انت كفايا انك دخلت سايبر وقعدت ياخويا ع النت

ده انت عندك هدووووووووووووووووووووء اعصاب بدرجه كبيره

مع انك عصبى بس يلا بركاتك يا شيخ مدحت

بس ماتقلقش اخدتلك حقك منه وندمته انه ماسك تليفون اساسا

وانى انا اخووووووووه هههههههههههههههه بجد هههههههههه

ربنا مايحرمكم من بعض ولا يحرمنى منكم

وترجعلى بالسلامه يا حبيبى سافرت واخدت كل حاجه معاك حته فلوسى

هههههههههههههههههههههههههه

ترجعلى بالسلامه يا كرنكووووووووووووول اللقمه من غيرك زى ال ......... عسل :bravo:

وماتخفش ع المنتدى ده فيه وحوووووووووووش من جوه وعلى راى على دسوقى

المنتدى في يد خالتى امينه رزق الله يرحمها

ههههههههههههههههههههه

هاتلى موبايل معاك يا كرنكووووووووووووووووووووووووووووووووووووووووووووووووووووول :bravo:

[لميس المهدى11111 2]

السلام عليكــم ورحمـة الله وبركاتــة ،،

عاشق الصد اقة تاية يا شباب

حد يجيب مكرفون وينده على الشيخ مدحت أخوك جة من الساعة 7 وحضرتك فين

واللة ربنا معاك يا أستاذ عاشق الصداقة

وياتر ى التليفون فصل هو كمان

 

ربنا يستر ويكون الشيخ مدحت رد عليك وتكون وصلت بالسلامة

[El-Saher Fantasy 21]

هاتلى موبايل معاك يا كرنكووووووووووووووووووووووووووووووووووووووووووووووووووووول

هو في الخليج؟ ده في القاهرة هنا وجاي

الواد مافيش اخبار عنه يا جدعان

حد يطمنا عليه طيب ولا اي حاجة

عموماً

ابقى هاتلي معاك USB Modem يا صاحبي

[لميس المهدى11111 2]

السلام عليكــم ورحمـة الله وبركاتــة ،

يا ترى يا هل ترى أستاذ عاشق الصداقة وصل لحد فين نشترى الجرنال ولا حد يطمنا ،

[eng_alaa 114]

انا كنت رايح معاه علي فكرة بس الحمد لله اتسترت ..

كان عندي تدريب في الشغل وما قدرتش اروح ..

لكن الغريب ان عاشق الصداقة ماردش حتي الآن بالموضوع ..

انا متابع ولو في جماعة خطفته و هتطلب فدية ولا حاجه ما تقلقوش ....... انا مش هدفع ..

[dr_mido 53]

يالا بقي نقول حمد الله علي سلامة عاشق الصداقة

 

لإنة بحمد الله تعالي رجع لأرض الوطن (الألمونيوم) من كام ساعة

 

حمد الله علي سلامتك اخي عاشق الصداقة ونشوفك علي خير حبيب قلبي بإذن الله

 

أخوك في الله

dr_mido

[الرّام 173]

الحمد لله ...

 

المهم انك مشيت و جيت لاباس (ان شاء الله)

 

و شكرا يا د.ميدو يا خويا

[دعوه للجنه 457]

حمدا لله على سلامتك

 

ويارب مش تكون نسيت الدعاء اللى وصناك عليه

ومبارك النتيجة عليك

 

جزاك الله خيرا د..ميدو

والف مبارك للنتيجة تانى

[عاشق الصداقه 525]

ربنا يكرمكم كلكم يا رب ،،

انا عارف إنى إتأخرت جداً فى الرد - بس والله ما كنت عارف أرد ولا أشارك من ضيقى على أمى أبشروا والعمليه اللى عملتها

لكن الحمد لله أتمنى تكون بخير دلوقتى ياااااااااااارب ،،

 

هكملكم الحكايه سريعاً قبل ما أرد على كل واحد فيكم علشان ميبقاش جزء من النص مفقود

 

طبعاً انا بعد ما كتبتلكم الموضوع ده واول رد ليا عليه - إتضايقت وقمت وخرجت من السيبر وكملت إنتظارى بره فى الشارع

كان معايا شنطة اللاب وشنطة ملابسى ،، وكان منظرى تحفه وأنا واقف فى الشارع بيهم كده ،،

 

فضلت أتصل تانى بالشيخ مدحت على امل إنه يرد قبل ما البطاريه بتاعة الموبايل تفصل

كانت هتبقى مشكله كبيره جدا جدا ،، لأن لو بطارية الموبايل فصلت مش هعرف أوصل لأخويا ولا لحد من صحابى او قرايبى فى القاهره وكانت فعلاً هتبقى ليله زى الفل - لأنى مش حافظ أى رقم موبايل فى الدنيا غير رقمى ورقم أخويا ممدوح بس

 

إتصرفت صح شويه وإتصلت بأخويا ممدوح ،، وحكيتله اللى حاصل علشان يكون معايا فى الصوره ويحاول هو يتصل بأخويا مدحت لحد ما يرد عليه ويخليه يكلمنى وكده بدل ما بطاريتى انا تفصل ،،

 

وأخويا ممدوح إقترح عليا كمان أتصل بخالى أو إبن خالتى او أى حد اعرفه برضه انى فى القاهره علشان لو إتصلوا بيا بعد ساعتين او كده ولقيوا الموبايل مغلق - يبقى البطاريه خلصت ومعرفتش أوصل لمدحت - فحد فيهم يجيلى فى المكان اللى أنا فيه وتتحل المشكله ،،

 

وفعلاً عملت كده ،،

 

لكن وقفتى طولت لحد الساعه 12 ونص ،، يعنى حضراتكم وقفت 5 ساعات كاملة فى الشارع بالشنط وأنا جاى من السفر من غير ما أنام كمان ،، وللعلم السفر ده 10 ساعات من قنا للقاهره ،، والحمد لله على كل حال

 

بعد الفتره الكبيره دى إتصل بيا واحد من أعز أصدقائى فى القاهره (DR Mido) وكان عارف إنى جاى ،، وبيتصل عادى يشوفنى وصلت ولا لسه ،،

ولأنى زهقت أول ما كلمنى قلتله على الحكايه - طبعاً كان معاه شغل ومناقصات وحوارات (صاحب شركة أدويه) ،، فقالى إركب أقرب مترو وإنزلى فى محطة كذا هتلاقينى مستنيك بالعربيه - نخلص شغل كده قليل ونروح سوا الشركه

 

وفعلاً ركبت ميكروباص وانا بودع مدينة نصر - وأقول حاضر يا شيخ مدحت - ورحت لمترو حدائق القبه ،، وركبت ورحت لصاحبى ورحنا بعربيته الشركه عنده وإرتحت هناك وأكلنا وكل حاجه تمام ،،

 

المضحك بقى إن اخويا مدحت إتصل بيا إمتى من كل ده ؟؟

 

اتصل بيا العصر ،، يعنى كان المفترض إنى هقعد للعصر على الحال ده ،، والحمد لله رب العالمين

 

لكن هقول ايه - أخويا وحبيبى وروحى كمان ،، ده الشيخ مدحت ده هو بركة البيت

 

بس - طبعاً كلمته بهدوء جديد ومرضيتش أضايقه ،، قلتله برضه كده يا شيخ ،، وحلفلى إنه مشافش الموبايل وكده وقلتله خلاص المهم انت فين وهشوفك إمتى و ......... ،،،

 

وفعلاً رحتله أنا و DR Mido على صلاة العشاء ،، صلينا مع بعض وسلمت عليه ومشيت تانى

 

قضيت الـ 3 أيام طبعاً وكعادتى فى سفريات القاهره - كل نص يوم منهم فى محافظة غير التالته - علشان أشوف بعض أصدقائى وأقعد معاهم وقت كويس على قد ما أقدر

 

ورجعت اهو والحمد لله والسفريه كانت جميله ،، ووحشنى المنتدى بجد جداً جداً جداً ،، ووحشتونى كلكم - أسرتى الجميله

 

ومعلش طولت عليكم - بس فيه ناس كتير من أصدقائى فى المنتدى قلقت والموبايل مش مبطل إتصالات من ساعتها - فقلت أحكيلكم كلكم هنا اللى حصل علشان تطمنوا ، وأنا آسف لو كنت قلقتكم - انا بس قلت أضحككم مش أكتر - لكن الحمد لله محلوله - ده انا اللى نشفت دماغى - أنا قرايبى فى القاهره حوالى 80 واحد ،، وأصدقائى حوالى 30 بفضل الله ،، وأى حد من كل دول لو عرف مجرد معرفه إنى فى القاهره كانوا جم المحطه خدونى من هناك وإتخانقوا عليا كمان (بحسسكم إنى مهم ) ،، لكن أنا اللى كنت عاوز أنزل بحاجتى على أخويا وبعدين اعرف اللى هقدر أشوفهم بس إنى فى القاهره ،، والحمد لله على كل حال

 

ربنا يستر بجد

انا مش عارفه اقولك ايه

كان لازم يعني المخ الصعيدي يحضر و يصمم مش تاخد الرقم

يله بقي ربنا معاك

اكيد هندعيلك بس مش تنسي تقولنا عملت ايه

ربنا يوصلك بالسلامه يارب و السفريه دي تعدي علي خير

 

ربنا يجازيكى كل الخير أختى سجده ،، والحمد لله عدت على خير .. مش خير قوى بس الحمد لله

جزاكى الله كل الخير

 

ههههههههههههههههههههههههههه

اقطع دراعي لو كان الشيخ مدحت في مدينة نصر أصلا

تخيلبوا معايا يكون الشيخ محت نقل من مدينة نصر كلها

وساكن في حتة تانية

ياالورطة!

أدمون .. نفض يا حبي

نزل سوفت الهدوء واعتبر نفسك ع البحر ف اسكندرية

سلملي ع اللي يسأل عليا

وماتتأرش في القاهرة يا بيه

 

ههههههههه - حبيب قلبى

لا أنا مش نزلت سوفت الهدوء وبس - ده انا فصلت البطاريات بتاعتى علشان ولا كأنى عايش أساساً - حتى لا أصدر أى ردود أفعال ،،

ومتأخرتش يا حبى هما 3 أيام إرتحتوا فيهم منى ،، ولا طبعاً صح بالنسبالك 3 أيام مجيتليش الشركه ترخم عليا وتشرب شاى كتير بالنسبالك طبعاً

 

لا اله الا الله

 

لا يا خويا بالنسبة ليا انا .. فموقفك هذا عادي جدا .. يعني ..

 

ما هو صرلي موقف زيه بالضبط .. لكن مع صحبتي .. و لاااااااااااا كان في مدينة ( في اقصى الجنوب) اول مرة ندخلها اصلا و كانت اول زيارة ليا فيها و ما كنتش نعرف فيها اي حد آخر غير البنت صاحبتي الي كنت ماشيتلها و الي هي نسيتني و سكّرت تلفونها و رقدت نامت (اخذت قيلولة .. ماهو كان صيف و الدنيا شاعلة نار و كانت الساعة 2 بعد الظهر)

 

اني وقتها ما لقيتش حل الا اني مشيت لمطعم قريب من المحطة الي نزلت فيها و فطرت و من بعد شفت ( publinet) يعني محل عمومي للانترنت في آخر الشارع فمشيتلها و بقيت لحد تقريبا الساعة الخامسة .. يعني لين فاقت حضرتها من النوم و حلّت تلفونها و لما لقت يجي 60 او 70 رسالة من الشبكة يقوللها ان هذا الرقم اتصل بيكي .. ساعتها افتكرت اني انا جايتها و كلمتني تشوف انا وين موجودة

 

 

يعني عادي يا خويا .. استحمل .. موش مشكلة .. ياما يصير على الرجال ..

 

ههههههههههه

 

يللا .. يا رب ان شاء الله توّا (بعد مرور 5 ساعات ) تكون توّا مع خوك .. و يا ربي ان شاء الله تكون ارتحت شوية من تعب السفر

 

ربي يعينك يا ربي ان شاء الله

 

و ربي يسهلّك أمورك و ييسرلك في كل خير باذن الله السميع المجيب

 

 

 

لكن سؤال يعني ..

 

 

هوّ شنوّة هذا "السايبر" .. او شنوة معناها .. شنوّة هو اصلا

 

الظاهر هي كلمة عامية عندكم .. موش عارفة .. لكن لو ممكن شنوة تقصدوا بيها

 

(سؤال رخم .. زي ما تقولوا .. صح)

 

ههههه .. عارفة .. ههههههه

 

 

ربي معاك ان شاء الله يا خويا

 

المهم ردّ بالك على روحك

 

و تمشي و ترجع لاباس ان شاء الله و باذن الله

 

ههههههههه

جزاكى الله كل الخير يا أختى الفاضله ،،

بس عرفتى تتصرفى بجد ، وواضح إن محلات الإنترنت هى البديل الاول لينا كلنا ،، ومعلش تعيشى وتاخدى غيرها زى ما بنقولها فى مصر هنا

 

انا لو صاحبى كان ممكن قتلته (ده مش تحريض على صديقتك) .. لكن المشكله إن ده أخويا الكبير ، ومش أى أخ - ده السبب اللى ربنا إختاره وعلى إيده أحمد (اللى هوا انا) نضف وبقى إنسان محترم وعنده ولو نزعه دينيه ،، والفضل يرجع لله وبسبب مدحت ،، فأساساً مقدرش حتى ازعله ولا بنص كلمه ،، كمان هو طيب جدا جدا - بس ظروفه مع الموبايل كده دايماً

 

خير ان شاء الله ، والحمد لله على كل حال

 

وسايبر دى - زى ما وضحلك حبيبى ميدو ديجى .. معناها محل عمومى للإنترنت زى الـ publinet عندكم كده

 

نورتى الموضوع اختى

 

ههههههههههه

 

معلش اخونا عاشق الصداقه تعيش وتاخد غيرها

انا بحب الناس اللى بتعمل مقالب

ودا صراحه مقلب جميل جدا ربنا يكون معاك فيه

واكيد دلوقتى اخدت بطارك

معلش بقى عايزين نعرف عملت ايه

لان اكيد حضرتك زمانك وصلت لاخوك

ولو كنت لسه موصلتش يبقى دا موضوع لوحده ههههههههه

 

ربنا يارب يكرمك ويرزقك السعاده ويفرج كربك وهمك

وتكون وصلت لاخو حضرتك

 

جزاكى الله كل الخير أختى شهد ،،

وظنك فى محله - لما كتبتى ردك ده مكنتش وصلت لاخويا لسه بالفعل ،، وكده ده موضوع لوحده

والمشكله إنه مش مقلب - ده لو كان مقلب مقصود كنت ....... كنت هستنى برضه هعمل ايه يعنى

ياللا - الحمد لله ،، ادينى رجعت والدنيا حلوه وبحاول أشرب ميا كتير وأنسى اللى حصل

 

شكرا لمرورك الجميل

 

توصل بالسلامة لأخوك وترجعلنا بألف سلامة

 

ربنا يخليك ليا يا حبيب قلبى يا رب

وحشتنى جداً ،، والشيخ مدحت بيسلم عليك جداً

 

ربنا معاك

واكييييييد لازم تكون وصلت دلوقتى واتصرفت يعنى

يارب تقضى وقت سعيد ياررب

وترجع بالسلامه ان شاء الله

على العموم منور القاهره

ربنا يكرمك

 

جزاكى الله كل الخير اختى (حياتى من أجل ربى) ،، مش أكيد قوى وصلت - كنت لسه برضه مقابلتوش ،، بس كنت إتصرفت فعلاً وأمرى لله ،، وألف ألف ألف مليون سلامه على والدة حضرتك ووالدتنا كلنا أبشروا .. أتمنى يااااااااارب تكون بقت بخير دلوقتى

القاهره منوره بأهلها ،، وجزاكى الله كل الخير

 

توصل بالسلامه يا كبير

 

بس خللي بالك ده ذنبي انا

علشان قلتلك اروح معاك

ع العموم تتعوض المره الجايه واروح معاك

وكده تضمن انك مش هتوه بس انت هتضيع خالص في القاهره

 

ربنا يرجعك لمنتدك ان شاء الله بخير

 

متخافش المنتدي في ايد امينه ( مش عارف مين امينه دي)

 

اكرمك الله بالخير والصحه والعافيه وراحة البال والضمير ورضا ربك عنك

وجمعني الله واياك في الفردوس الاعلي

 

جزاك الله كل الخير يا حبيبى قلبى يا رب

والله يا جميل انا قررت السفر أساساً قبل ما أسافر بحوالى 5 ساعات ،، ومكنتش حاجز وكانت ليله ،، وبعدين ده الحمد لله إنى مقلتلكش - تخيل كان بقى ينفع فيلم (صعايده فى مدينة نصر ) ،، ربنا يستر علينا

 

وربنا يخليك يا حبى إنت وأمينة ،، وجزاك الله كل الخير للدعاء الجميل ،، وربنا يتقبل يا رب ونتقابل فى الجنه ياااااارب

 

نازل القاهرة من غير ما تقلى يا كرينكل

وحياة :@ لما اشوفك فى الالومنيوم هوريك شغلك

يا حبى تروح وترجع لنا بالسلامة

 

للاخت اللى بتستفسر عن معنى كلمة " سيبر او سايبر " معناها " كافى نت "

 

تحياتى

 

واضح إن الموضوع بدل ما يدخل الفرحه ليكم - هييجى على دماغى

قنا كلها كانت هتسافر معايا ولا ايه !!

معلش يا حبيب قلبى ،، وياريت أشوفك بجد علشان إنت وحشتنى

 

و ما جاش في بالي ان "عاشق الصداقة" دخل على النت من مركز عمومي للانترنت

 

والله حضرتك طيبه جداً ،، منا بقول فى الموضوع إنى تربية سيبرات أساساً

أنا إتعلمت الانترنت والكمبيوتر كله فى سيبرات إنترنت ،،

وكنت بقعد 13 ساعه متواصله اونلاين بتعلم فيهم وبنتشر فى الإنترنت بس

 

انا قلت اكيد هو يكتبلنا من اللابتوب و اكيد طبعا هو عنده " ويفي " طبعا يدخل منه للنت

 

مش بقول لحضرتك طيبه ومتفائله !

مين الاخ ويفى ده ؟؟

اللى حضرتك متعرفيهوش إننا مسكنا لابتوبات غلط - صدفه يعنى

وممكن شركة HP لو شافتنى او عرفتنى ترفع قضية إحتجاج ورد شرف لإنى مسكت لاب توب

واللى حضرتك كمان متعرفيهوش إن آخر اللى سمعنا عنه الانترنت الوايرليس - بتاع اتصالات او فودافون او موبينيل

Modem Usb يعنى ،، وولا نعرف اللى حضرتك بتقولى عليه ده

ده بس ستر ربنا عليا مخليكم فكرينى حاجه

 

فـــــــما استغربتش يعني .. قلت بالـــ"ويفي " الواحد يقدر يدخل على النت ان شاء الله حتى يكون في الشارع او في حديقة او مقهى

 

لاكن يعني كادك انك تاخذ معاك اللابتوب متاعك و تاخذ ويفي .. موش احسنلك

 

حضرتك متفائله برضه - أنا أخدت اللاب علشان شغل محتاجه فيه فى القاهره فى مقابله مع مبرمج صديق ،، وكمان علشان يسلينى فى الطريق ،، لكن حاضر - بإذن الله ناوى أشترى يو اس بى مودم علشان أبقى أدخل نت فى المواقف دى (على أساس إنى كنت هجمع اخويا بالإنترنت) ،، بس اهو كان هيبقى مسلى أكتر فى السفر

 

وربنا يبارك فى حضرتك يا رب - نورتى موضوعى بتعليقاتك الجميله ،،

وأتمنى تكون الصوره الحقيقيه المؤلمه ليا وصلت لحضرتك

هههههههههههههههه

هههههههههههههه

ههههههههههههههههههههههههه

بالله عليك سلملي على أخوك صعيدي تمام

موش شماته والله فقط أمزح حفضك الله باابني من كل سوء

 

جزاكى الله كل الخير يا أمى

واجمل ما فى الموضوع إنه أدخل البهجه عليكى

ربنا يحفظ حضرتك من كل سوء ويرزقك البهجه دايماً بإذنه

 

الي عاشق الصداقة

حول

اين انت الان

ايه ياكرينكل لما انت عارف مقالب اخوك كان لازم تمسك فيه بايديك وسنانك

المهم انت ايه اخبارك دلوقتي

طمنا عليك ياكبير

 

ربنا يخليكى أختى نودى - المشكله إنه مش مقلب - بس أنا كنت متوقع - لأنه صعب جداً الوصول ليه عن طريق الموبايل

بس الحمد لله خير - وأنا وصلت بالسلامه - بارك الله فيكى للسؤال والإهتمام

 

هههههههههههههههههههه

حبيب قلبى طبعا انا كنت معاك لحظه بلحظه

كفايا انى انا اللى جبتلك التذكره

وماتنياش اليوم من اوله كان مشكوك فى اموره

وقولتلك ما تسفرش

انا مش عايز اوضح اكتر من كده كفايا انك انت تكون فاهم

هههههههه

حبيب قلبى ،، والله يا دوحه دى اول سفريه فى حياتى أقول إنى مش مطمنلها من الاول - والسفريه من اولها لآخرها ملليانه حاجات غريبه من دى ،، الموضوع اللى اتكتب ده كله كان البدايه فقط ،، موضوع التذكره والركنه هناك ،، لكن فيه حوارات هناك كتير غريبه حصلت برضه ،، فى المواصلات والسفر من محافظه لمحافظه وقصص فى المترو ومواقف محركه فى كل مكان وحواراااااات - لكن الحمد لله انها جات على قد كده

وخاللى الطابق مستور يا دوحه ،، كفايه فضحتونى إنت وصحابك وخلتونى مكسوف الطريق كلها من الراجل اللى قاعد جمبى ومن اللى فى عربية القطر كلها

 

مقطوعه من اللى حصل ،، إن اول ما القطر إتحرك ،، فضحونى بره القطر حوالى 6 بيجروا جمب القطر ويقولوا

 

مع السلامه يا بوووووحه ،، سلام يا بوحه - ........ وأنا أقولهم خلاص غوروا ،، وفيش فايده

 

 

عيال فضايح - صعايده فعلاً

وده مش جديد ع الشيخ مدحت بس كل اللى اقدر اقوله

انك انت يا عاشق الصداقه راجل محترم وبتتصرف بعقلك

اذا كان انا كلمنى فى التليفون الشيخ مدحت وكنت هاكله

تخيل انا لو كنت مكانك ده انا كنت اولع فى مدينه نصر كلها

ده انت كفايا انك دخلت سايبر وقعدت ياخويا ع النت

ده انت عندك هدووووووووووووووووووووء اعصاب بدرجه كبيره

مع انك عصبى بس يلا بركاتك يا شيخ مدحت

 

معلش يا دوحه - وزى ما انت قلت كده - بركاتك يا شيخ مدحت ،،

لو كان حد تانى كان زمانى انا وهو فى أبو زعبل - بس حبيب قلبى الشيخ مدحت - مقدرش حتى أضايقه

بس ماتقلقش اخدتلك حقك منه وندمته انه ماسك تليفون اساسا

والله إتضايقت لما قلتلى كده - ده أخوك الكبير يا حبى

 

ربنا مايحرمكم من بعض ولا يحرمنى منكم

وترجعلى بالسلامه يا حبيبى سافرت واخدت كل حاجه معاك حته فلوسى

هههههههههههههههههههههههههه

ترجعلى بالسلامه يا كرنكووووووووووووول اللقمه من غيرك زى ال ......... عسل

وماتخفش ع المنتدى ده فيه وحوووووووووووش من جوه وعلى راى على دسوقى

المنتدى في يد خالتى امينه رزق الله يرحمها

ههههههههههههههههههههه

 

ربنا يخليك ليا يا قمر ،، بس فلوس ايه يا واد إن مكنتش سايبلك فلوس وانا ماشى علشان متتشردش من غيرى

والله إنت أكتر حد وحشنى فى السفريه دى ،، ربنا يخليك ليا وما يحرمنا من بعض يا حبيب قلبى يا رب

 

اتلى موبايل معاك يا كرنكووووووووووووووووووووووووووووووووووووووووووووووووووووول

بالفلوس اللى إديتهالى !! يا نصاب

عيونى ليك يا قمر - والله أجيبلك طياره لو بإيدى مش موبايل بس

هطلع أحسن منك أهو

 

السلام عليكــم ورحمـة الله وبركاتــة ،،

عاشق الصد اقة تاية يا شباب

حد يجيب مكرفون وينده على الشيخ مدحت أخوك جة من الساعة 7 وحضرتك فين

واللة ربنا معاك يا أستاذ عاشق الصداقة

وياتر ى التليفون فصل هو كمان

 

ربنا يستر ويكون الشيخ مدحت رد عليك وتكون وصلت بالسلامة

 

ربنا يكرمك يا أختى لميس

الحمد لله على كل حال - موصلتش لدرجة حد يسرح بعربية وميكروفون ،، ماللى يخلى واحد يسرح بعربيه ما يجيلى بيها ياخدنى أحسن من التعاطف اللى مش منه فايده ده

جزاكى الله خيراً اختى - ونورتى الموضوع والمنتدى كله

 

هو في الخليج؟ ده في القاهرة هنا وجاي

الواد مافيش اخبار عنه يا جدعان

حد يطمنا عليه طيب ولا اي حاجة

عموماً

ابقى هاتلي معاك USB Modem يا صاحبي

 

ههههههههههههههههههه

قمة التناقض فى الرد ،،

بتعترض على طلب اخويا اللى هو أخويا ، وتقوله على أساس إنى فى الخليج ،، وبتطلب إنت حاجه وحشه كده

طيب بزمتك إنت تعرف عنى كده ؟؟

عيب ع اللى يعرفك يا راجل - تسلم ردك يا حبيب قلبى

 

السلام عليكــم ورحمـة الله وبركاتــة ،

يا ترى يا هل ترى أستاذ عاشق الصداقة وصل لحد فين نشترى الجرنال ولا حد يطمنا

 

هههههههه - الموضوع موصلش لجرايد والحمد لله إن محدش من الصحفيين سمع بالخبر

انا الحمد لله بخير ووصلت بالسلامه أهو - من غير جرايد

اللى كان هيشترى جرايد بقى يبعتلى فلوسها أوفر

 

انا كنت رايح معاه علي فكرة بس الحمد لله اتسترت ..

كان عندي تدريب في الشغل وما قدرتش اروح ..

لكن الغريب ان عاشق الصداقة ماردش حتي الآن بالموضوع ..

انا متابع ولو في جماعة خطفته و هتطلب فدية ولا حاجه ما تقلقوش ....... انا مش هدفع ..

 

هههههههههههههه

حبيب قلبى من جوه ،، هو ده اللى اعرفه عن أصدقائى ،، ولو انا بصراحه مكنتش هدفع برضه

مبدأ - النداله تقوى الصداقه -

وحشتنى يا حبى

 

يالا بقي نقول حمد الله علي سلامة عاشق الصداقة

 

لإنة بحمد الله تعالي رجع لأرض الوطن (الألمونيوم) من كام ساعة

 

حمد الله علي سلامتك اخي عاشق الصداقة ونشوفك علي خير حبيب قلبي بإذن الله

 

أخوك في الله

dr_mido

أرض الوطن صح

ربنا يسلمك يا حبى يا رب ،، وانت اللى ربنا معاك دلوقتى بقى فى سفرك

ترجعلنا بالسلامه يا رب

 

الحمد لله ...

 

المهم انك مشيت و جيت لاباس (ان شاء الله)

 

و شكرا يا د.ميدو يا خويا

 

الحمد لله ، وجزاكى الله خيراً اختى

 

حمدا لله على سلامتك

 

ويارب مش تكون نسيت الدعاء اللى وصناك عليه

ومبارك النتيجة عليك

 

جزاك الله خيرا د..ميدو

والف مبارك للنتيجة تانى

 

جزاكى الله كل الخير أختى دفئ الأنس ،،

ووالله والله والله دعيتلكم فى السفر وانا رايح ووانا راجع ،، ودعيت لياللا يا شباب ربنا يكرمه ويبارك فيه

وربنا يبارك فى حضرتك يا رب - عقبال ما نفرح بيكم كلكم

 

جزاكم الله كل الخير يا شباب

[شهد 2010 4]

حمد لله على السلامه اخونا عاشق الصداقه

والحمد لله انك وصلت على خير

بالتوفيق ان شاء الله