ممدوح 5 قام بنشر March 24, 2010 (تعديل) ربنا يهدى الناس دى ويهدينا احنا كمان حاجه بنشوفها كل يوم بس يمكن ماحدش بياخد باله او بناخد بالنا بس بنفض انهارده وانا جاى اركب عربيه لقيت مكتوب عليها "يابنى اركب معنا ولا تكن مع الكافرين" شوفتوا الابداع...كلام سيدنا نوح لابنه عشان مكانش راضى يركب معاهم السفينه بقى بكل بساطه جمله مكتوبه على عربيه ميكروباس عشان تجيب الزباين الراجل سواق الميكروباس ماعملش حاجه عمرها ماتعملت قبل كده هو بس جدد شويه وقرر انه يستخدم آيه ماحدش استخدمها قبله ولكن ده طبعا اختلاف عبقريه لكن اصلا استخدام الآيات والحكم استخدام تجارى وهو اختراع مصرى ما اظنش انى فيه حد ممكن ينافسنا فيه معظم محلات عصير القصب معلقين لوحه مكتوب عليها "وسقاهم ربهم شرابا طهورا" واكيد اكيد عصير القصب والتمر الهندى مش هما اللى مقصود بيهم الشراب الطهور ده بس يلا....سقع وبيع يا استاذ يعنى بتاع العصير هيجى ايه جمب الحلاق اللى كاتب "وجوه يوم اذن ناعمه" ولا الترزى اللى شعاره "نحن نقص عليك احسن القصص" كله كلام ربنا وكلام ربنا كله بركه ده الرد اللى قالهولى صاحب عربيه الكبده لما سالته انت متخيل انى الكبده والسجق والبيض بالبسطرمه ممكن يكونوا هما اللى مقصود بيهم الآيه الكريمه "كلو من طيبات ما رزقناكم" اللى انت كتبها على عربيتك دى ولا سواق التريلا اللى كاتب على عربيته "ربنا ولا تحملنا ما لا طاقه لنا به" واللى زيه كان فكهانى عنده كميه بلح كتييييييييير سوقها مش ماشى وجمبه محل سمك كان شغال الله ينور صاحبنا الفكهانى قرر انه لازم يستغل رزق محل السمك ده وشهرته عشان يصرف كميه البلح اللى عنده...بس ازاى... تقريبا كده فر المصحف كله مالقاش آيه تربط مابين البلح والسمك ما استسلمش وقرر انه يتصرف من دماغه راح معلق ع المحل بره لوحه كبييييييييييره مكتوب عليها "اذا اسمكتم فأبلحوا" بس الراجل الفكهانى لا قال إن دى آيه ولا حديث !! هو بس كتب الجمله دى بصياغه ... وصيااااااااااعه توصلك انى الكلام ده ليه قدسيه ما وطبعا ماحدش هيدور وراه والبلح هيتبااااااع والكل هيبقى مبسووووووووط وعلى فكره مش الناس البسيطه بس هما اللى بيستخدموا الدين فى الحاجات بتاعتهم لآ دى الحكومه نفسها بتعمل كده مثلا اعلانات التوعيه بتاعه التدخين والمخدرات اللى بتيجى فى التليفزيون هتلقيهم بيقولوا "ولا تلقوا بأيديكم الى التهلكه" مع انى الآيه تفسيرها بعيد تماما عن التفسير الحكومى ده لكن ماحدش من الساده اللى عملوا الاعلان ده فكر ينظر للتفسير الحقيقى للآيه او حتى فكر يقول الآيه كامله "وانفقوا فى سبيل الله ولا تلقوا بايديكم الى التهلكه واحسنوا ان الله يحب المحسنين" يعنى التهلكه اللى مقصوده فى الآيه زى ما ابن عباس بيقول هى الامساك عن الانفاق فى سبيل الله شوفتوا الموضوع ولا ليه علاقه بالتدخين ولا المخدرات خالص (لكن معروف إن الدين الإسلامى بيحرم ده - وفى مواضع تانيه من القرآن والسنه) لكن مشيها وعديها.....وعدى معاها كمان "ان اريد الا الاصلاح ما استطعت" اللى بتتكتب على كل اليفط بتاعه الدعايه الانتخابيه تقريبا وعدى كمان رجل الاعمال القبطى اللى حب يعمل وصله نفاق فقام معلق لوحه مكتوب عليها "مبـــــــــــارك شعب مصر" وكفايه كده "أشهد ان لا اله الا الله...واشهد ان محمد رسول الله" تم تعديل March 24, 2010 بواسطه ممدوح شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر March 24, 2010 دول يا ريس بيشتروا بآيات الله ثمناً قليلاً الشيخ وجدي غنيم تقريباً اتكلم عن الموضوع ده ربنا يهديهم ويهدينا يارب بس بتاعت الميكروباص دي جديدة موضوع أكثر من رائع يا دوحة مانت حلو وبتكتب كلام جامد أهو استمر في العطاء ... لنستمر في الاستمتاع شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر March 24, 2010 اولا جزاك الله كل خير اخى ممدوح فعلا الموضوع رووووووعه وبيتكلم على نقطه فى منتهى الاهميه ياااااااااااااااه بجد حاجه تضايق اوى اما يوصل الجهل بينا لحد كده وانا احنا مش نعمل حتى قد سيه للايات والاحاديث والمصيبه الاكبر ان احنا مش نعرف اصلا دى ايه او حديث ولا دى ايه بالظبط مش عارفه والله اقول ايه........ ربنا يهدى الناس دى ويهدينا احنا كمان ياااااااااااااااااارب امين كل احترامى وتقديرى لك اخى المتيمز على طرح هذا الموضوع ربنا يجعله فى ميزان حسناتك ويوفقنا جميعا الى ما يحبه ويرضاه ويجعلنا من المتقين شارك هذه المشاركه رابط المشاركه شار ك علي موقع اخر
سجده 45 قام بنشر March 24, 2010 ولا الترزى اللى شعاره"نحن نقص عليك احسن القصص" لا اله الا الله صحيح شر البليه ما يضحك الناس دي جابت الكلام دا منين دا تحايل علي الرزق دي في حد ذاتها مصيبه مصيبه والله العظيم دا بعيداً عن معاني الايات اللي اكيد دا مش تفسيرها لا حول ولا قوه الا بالله العلي العظيم الكلام في الموضوع دا كتييييييييييير جزاك الله خير اخي الكريم لطرح هذا الموضوع الهام اللهم اجرنا في مصيبتنا يا رب العالمين شارك هذه المشاركه رابط المشاركه شار ك علي موقع اخر
