omar_altawel 6 قام بنشر March 27, 2010 (تعديل) السلام عليكم ازيكم,,,,, يارب تكونوا بخير انا لاحظت فى المنتدى ان فى موضوعات كتير كويسة موضوعات بجد مش تستحق انها تبقىTOP بس. لا بالعكس, ولا انها تستحق اعلى مشاهدة او اعلى ردود او او او ولكن بالفعل تستحق انها تتشال على الدماغ من فوق ليه ؟؟؟؟؟ ده لانها موضوعات فعلا بتعود بالفايدة على اللى بيقراها واللى بيشوفها او حتى اللى بتتحكيله من واحد تانى بس ليه مش بيكون ليها اقبال ؟؟؟؟؟؟؟؟ اللى انا شايفه ومن وجهة نظرى الشخصية ان العنوان بتاع الموضوع هو السبب الاساسى فى عدم الاقبال على الموضوع يعنى بيكون (عنوان ممل طحن) العنوان احيانا وانا بقول احيانا مش على طول بيكون مش معبر عن الموضوع نفسه مش بيشدك كدة لانك تجرى وتفتح الموضوع ده مع انه موضوع جامد طحن بس امتة بتعرف كدة.؟؟؟ لما حد من اصحابك يحكيلك عليه لما حد من "اصحابك" يجى يقولك : شفت ياد الموضوع اللى بيقول ................ "انت": لا ماشفتش "صاحبك": يا عم ده موضوع جامد ازاى ماشفتهوش؟؟؟ "انت": ياعم فين ده؟ انا كنت على المنتدى امبارح ماشفتش حاجة "صاحبك": يابنى ده الموضوع اللى فى القسم.......... بعنوان ............. "انت": ياراجل؟؟؟؟؟؟؟؟ انا شفت العنوان بس ماشدنيش افتكرته موضوع عادى "صاحبك":لا يا عم ده موضوع جامد ادخل شوفه (خلصت المحادثة) اظطر انى ادخل تانى وادور على الموضوع بين الصفحات واقراه وياسلام لو انت جيت تدخل تقراه تانى وفصل النت يا سلام على الجمال تحلف انك مش هتقوم من على الجهاز الا لما النت يجى وتقرا الموضوع وبكده ضيعت وقت ممكن تستغله فى حاجة تانى ضعيت مجهودك ممكن تستغله فى حاجة تانى اتعصبت,اتنرفزت ,الخ الخ الخ ,,,وفعلا يطلع موضوع كويس يستاهل انى ارد عليه ولكن العيب فين؟؟؟؟؟؟؟؟؟؟ العيب عند عمو العنوان علشان كدة اتمنى بجد ان العناوين تكون مميزة تكون تشد الواحد غصب عن عينه انه يقرا الموضوع مش مهم يرد قد مايهم ان الموضوع يتقرى يمكن يمكن يمكن والله اعلم يكون تغيير انسان للاحسن وللافضل عن طريق (عنوان جامد طحن) شكرا للقراية واتمنى مايكونش الموضوع بتاعى ممل طحن تم تعديل March 27, 2010 بواسطه vision_group شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر March 27, 2010 ايه ياد البــــساطة دي بجد يا فيجن موضوعك جامد طحن ومفيد وكتيييييييييير جدا عاشق الصداقة نبه عليه واحنا بنتكلم عنه بس أعتقد ان السبب مش ان الناس مش بتعرف ايه العنوان اللي ممكن يشد بس الفكرة ان كل واد بيكتب العنوان اللي هو شايفه وأعتقد برضو في رأيي المتواضع جدا ان الحل ان كل واحد يكتب الموضوع بعنوان يخلي الناس تقراه تحس ان كلامي مكرر صح؟؟ بس لأ انا قصدي ان اللي يكتب موضوع يفكر في العنوان زي ما الناس تحبه مش زي ما هو شايفه حد فاهم حاجة؟ عموما موضوعك حلو جدا يا عمور وعود أحمد يا حبيبي شارك هذه المشاركه رابط المشاركه شار ك علي موقع اخر
سجده 45 قام بنشر March 27, 2010 السلام عليكم ورحمة الله وبركاته،، بدايه تحيتي لكم علي الموضوع الجميل دا انا متفقه معكم جدا ان عنوان الموضوع يعتبر اهم شئ او من اهم الاشياء في الموضوع فعلا الواحد لازم يختار عنوان موضوع يجزب القارئ بس للاسف في ناس كتر بتستغل دا غلط ازاي يعني تحس ان عنوان الموضوع طلع اشتغاله و ولا ليه اي علاقه بالمضمون او الموضوع كان مش بنفس قوه العنوان دا بيخلي ناس كتير حتي لو عجبهم العنوان وشدهم مش بيدخلو ولو دخلت هتلاقي نفسك ضيعت وقت زي اخينا اللي فوق دا انا شايفه ان كل واحد مع المجهود اللي بيبزله لرقي موضوعه من العنوان للشكل و التنسيقات و المضمون قبل كل دا لازم بردو يراعي ضميره يعني مش يحط عنوان للجزب كدا و خلاص صدقوني هيلاقي بعد كدا ولا حد بيشوف مواضيعه تحيتي مره اخري علي الموضوع الجميل شارك هذه المشاركه رابط المشاركه شار ك علي موقع اخر
الدرة المصونة 3 قام بنشر March 27, 2010 السلام عليكــم ورحمـة الله وبركاتــه لأة لإن عنوانك شدني لأنو فريد من نوعه .......... وشكرا شارك هذه المشاركه رابط المشاركه شار ك علي موقع اخر
omar_altawel 6 قام بنشر March 28, 2010 شكرا يا شباب على الردرد بتاعتكم بس بجد انا مش لاقى حلول فى الردود هل فعلا الناس مش عارفة ولا مش مهمتة ولا الناس محتاجة كورسات فى كتابة العنوان لو تشوفوا مثلا ايه اللى بيجذبكم فى الكتاب لما تنزلوا تشتروه فى ناس بتجذبها الشكل الخارجى وناس بيجذبها اسم القارئ وده امر مفروغ منه وناس بيجذبها العنوان بس هلى فى حد بيقرا الكتاب عند المكتبة وبعدين يفكر يشتريه او لا ؟؟؟؟؟؟ اعتقد صعب انه يحصل كدة على العموم شكرا على الردود واتمنى تطوير الافكار فى العنوان علشان يكون موضوع جامد طحن شارك هذه المشاركه رابط المشاركه شار ك علي موقع اخر
شهد 2010 4 قام بنشر March 28, 2010 صراحه العنواااان شدنى جامد جزاك الله خيرا على الموضوع وباذن الله خطه قيد التنفيذ شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر March 28, 2010 ماتبقاش ممل بقى بس بجد انا مش لاقى حلول فى الردود هل فعلا الناس مش عارفة ولا مش مهمتة ولا الناس محتاجة كورسات فى كتابة العنوان أنا قولتلك انا قصدي ان اللي يكتب موضوع يفكر في العنوان زي ما الناس تحبهمش زي ما هو شايفه واختنا سجده قالت انا شايفه ان كل واحد مع المجهود اللي بيبزله لرقي موضوعه من العنوان للشكل و التنسيقات و المضمون قبل كل دا لازم بردو يراعي ضميره يعني مش يحط عنوان للجزب كدا و خلاص صدقوني هيلاقي بعد كدا ولا حد بيشوف مواضيعه وأختنا سوسو قالت عنوانك شدني لأنو فريد من نوعه يعني كل واحد قال الحل اللي هو شايفه لان احنا مش هنقدر نغير كل الناس ولا نغير عناوينهم لكن نقدر نقترح حلول والناس تعمل بيها فاهمني؟؟ مش عارف ليه حاسس اني مش باقول حاجة جديدة شارك هذه المشاركه رابط المشاركه شار ك علي موقع اخر
omar_altawel 6 قام بنشر March 28, 2010 السلام عليكــم ورحمـة الله وبركاتــة ،، شكرا يا شباب ويا شابات على الردود وساهر انت ردودك جديدة ولو انت شايف انها مش جديدة ماكونتش قلتاه وماتخافش مش هكون ممل شكرا مرة تانى شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر March 28, 2010 جزاك الله كل الخير حبيبى ،، علشان كدة اتمنى بجد ان العناوين تكون مميزة تكون تشد الواحد غصب عن عينه انه يقرا الموضوع الخلاصه فى الأمر كله .. إجعل عنوان موضوعك يصف محتوى موضوعك - وبشكل ملفت ومشوق ،، وبس بس اللى يعرف يطبق الشقين دول - إعتبره صاحب أكثر الموضوعات قراءه ،، وبالتالى لازم يكون الموضوع جيد جداً فى محتواه وتنسيقه الموضوع مش هين - فعلاً تتاخد فيه كورسات ،، وبشكل سريع أقدر اقولك - المفروض لو بتبحث عن نجومية موضوعك - يكونلك أسلوب فريد فى الكتابه ومحدد ومعروف بيه .. زى مثلاً إنك دايماً تكتب تبذه عن موضوعك وبعدها بتحط صوره ملائمة للموضوع وبعدها الموضوع بالكامل ،، ويكون الجزء العلوى بلون معين والموضوع بلون تانى ده مثلاً نمط من انماط كتير للموضوعات ،، وده كلام يعرفوه وبيتبعوه أكتر المدونين - علشان كده بيكونلهم جمهور قراء فى مدوناتهم رغم انهم بيكتبوا لوحدهم فيها ،، لكن العامل الأول والأهم - عنوان الموضوع ،، ولخصت القصه كلها فى جمله واحده ، من شقين : إجعل عنوان موضوعك يصف محتوى موضوعك - وبشكل ملفت ومشوق ،، ولما تبقوا من مجموعة "شباب ياللا يا شباب" - هتستفيدوا كتير بإذن الله من الخبره فى المجال ده وجزاكم الله كل الخير شارك هذه المشاركه رابط المشاركه شار ك علي موقع اخر
