سجده 44 قام بنشر April 14, 2010 (تعديل) لا بجد بجد أخس عليه عايزين تعرفو ليه ؟ شوفو جاي يقولي أيه تعالي .. تعالي يا تاعبني،، أيو أنت يا شعب تاعبني بغرابتك و تجيلي و تحط رجل علي رجل سعاتك و تقولي جعان أظنك هتتفزلك وتقولي دي غلطه حكومه و فشل الحكومه و كل الكلام اللي لا يودي و لا يجيب لا حول ولاقوه الا بالله منتا شوفت بعنيك يا شعب بعد ثبوت فشل الحكومه في الخصخصه أن الحكومه كشفت راسها وفضلت تحسبن علي اللي ورطنا في الخصخصه سمعتها و هي بتدعي عن المسؤل عنها ربنا يسخطه قرد ، طب سمعت بقي القرد لما دافع و قال أنهم دخلو في الخصخصه بنيه حسنه و قلب ابيض بس البخن هو اللي مايل يبقي ازاي بعد كدا يا شعب تتهم الحكومه أنها فاشله كل الحكايه أنها كانت بتجرب فينا هي صحيح مش كانت بتجرب لينا بس متبقاش قاسي كدا أديها فرصتها 90،80سنه كدا والحاله هتتعدل ، هي يعني هتسرقتنا كله مننا و أحتمال احتمال يكون لينا طيب و اللحمه -أظنك هتقولي برضو أن الحكومه مسؤله عن جنون أسعارها ،، اصلك انت شعب مفتري ايه اللي جرالك حسك طلع و جالك جرئه تشتكي من الاسعار ، مش قدام عنيك اللي هياكلهم الدود طلع وزير الرزاعه من شهر و حزر أن كيلو اللحمه هيوصل 200جنيه و حسبن هو التاني علي تجار المواشي و تجار اللحمه و كشف راسه و دعي أن ربنا يشيل و يحط عليهم مش فاكر لما دعانا في تصريح رسمي أننا نقاطع اللحمه و دعي علي اللي يخالفه أن ربنا ينتقم منه في صحته و عفيته و بعدين الراجل قال الكيلو هيوصل 200 جنيه و كل الحكايه أنها وصلت 90 جنيه بس و في احتمال احتمال انها تزيد طبعاً بمنتهي الغطرسه المعروفه عنك يا شعب هتتهم الحكومه بان تقصيرها هو السبب في الارتفاع دا مع أننا كلنا عارفين أنك بتضارب باللحمه في البورصه و رفعت سعر السهم فكانت الزياده و سمعت عنك أنك كل ليله بتخسر كيلو لحمه علي ترابيزه القمار ، وأدي النتيجه أصبحت شعب معدوم الدخل واللحمه أعمل فيك أااااااااااااايه؟ أيوا أيو شايفاها في عنيك قولي بقي الغاز اللي بنصدره لاسرائيل ،، أصلك أنت اساساً شعب غبي و لا فاهم حاجه في أي حاجه ، ايه يعني لما نصدر لهم غاز علشان يعني كانو محتلينا في يوم من الايام ،يابني ماخلاص احنا دلوقتي في بنا معاهده سلام واللا تكونش قصدك علشان فلسطين و كدا ،، لا لا دي نقره ودي نقره تانيه خاااااااااااااالص فلسطين دي حبيبتنا وأحنا معاها بقلبنا و أياك أياك يا شعب تكون فهمت عدم فتحنا المعبر غلط أه حاكم انا عارفاك هتحط تصدير الغاز علي قفلنا معبر رفح و تقول أن أحنا لاسمح الله بنعاون اسرائيل ، أوووعي تفهم غلط و بعدين ما أنت برضو شوفت الوزير لما طلع و نفي تصدير الغاز ودعي علي نفسه و قال و حياه أمي ما حصل و أحنا معندناش وزرا بتكدب وأكبر دليل يا شعب ازمه انبوبه الغاز،، يوووووو قصدي دليل علي أنك لازم تحدد نسلك والنبي تشوف نفسك الاول و بعدين تتكلم علي البلاد التانيه و حسك عينك حسك عينك تجيب سيره الناس المحترمين دول تاني أه أنت مش حمل يومين في أمن الدوله ،، امشي جنب الحيط و شوفلك موضوع تاني أتكلم فيه و بعدين تعالالي هنا أنا شايفاك من يومين كدا كنت بتتفرج في حلقه كدا علي واد عمره عشر سنين و وقع في حفره علي كوبري الساحل و سقط في النيل كنت سامعاك بتبرطم بكلام كدا ، كنت بتقول ايه؟ و من أمتي أصلاً و انت بتتفرج علي الحاجات دي؟ ... ها أنا المره دي بقي مش هقولك الوزير قال ايه لان أنت عارف انهم مش هيتصلو بيه في حاجه هايفه ذي دي بس أكيد شوفت المسؤلين و كل واحد فيهم بيقول المنطقه دي مش تبعي و تحديداً الشبر اللي الولد سقط منه في النيل دا خارج مسؤليتي طب بدل ما كنت عمال تتفرج كنت تساعد الناس دي في تحديد مسؤليتهم كنت أخدت كام واحد من امثالك كدا و تروحو تقيسوا المنطقه بالأشبار عشان نحدد المنطقه دي تبع مين ،، دا انت فاااااشل كل اللي فالحلي فيه بس ان تقول أبو الولد وأمه كان منظرهم يقطع القلب ايه رايك بقي انهم يستاهلو الأعدام .. ايوا دا اهمال ايه اللي ممشيه بالليل كدا ، حبك يعني يروح هو و امه يبيعو حاجات خلاص هيجيبو الديب من ديله و اللا هيبنو القصر بالخمسه جنيه دي اللي أمه كانت بتسعي ليها صدقت انت طبعاً انه كان هيروح بيها المدرسه الصبح ، طب بزمتك هي كانت هتكفيه هو و أخواته و بعدين اصلاً ايه اللي ممشيهم علي رجلهم معقول مش معاهم حق التاكسي و ابوه كان فين دا ،، أه طبعاً الباشا كان سهران يشتغل بالليل عشان يعرف يدفع الايجار ايه اللي مسهره دا؟ هو يعني مفيش صبح طالع عليه ،، وايه اللي خلاه خلف أصلاً؟ هو أحنا ناقصين أمشي بقي عشان أنتي رفعتلي ضغطي اللي دايماً واااطي وتعبت صباع رجلي الصغير خليني بقي أروح أعمل قرار علاج بـ3،2 مليارو أهو أخودلي كام يوم في بلاد بره هو يعني غالي أحسن مني كويس أنو مشي قبل مايجيبلي سيره رغيف العيش و التعليم والنقل و...و عصبني اخس عليه تم تعديل April 17, 2010 بواسطه سجده اقتباس شارك هذه المشاركه رابط المشاركه شار ك علي موقع اخر
رجل من الصحراء 36 قام بنشر April 14, 2010 الله الله الله الله عليك ايه الموضوعات النار دي والله فكرتيني بايام زمان والنقد الساخر احييك على ماكتبت او مانقلت فهو موضوع في الصميم راااااائع بل واكثر من راااائع تحيتي وتقديري واحترامي اقتباس شارك هذه المشاركه رابط المشاركه شار ك علي موقع اخر
بسمة الاقصى 78 قام بنشر April 14, 2010 هو أنا بس ليا ملحوظة صغيرة هى إخس بالسين ولا بالصاد عشان احنا هنا عندنا فى الصعيد بنقولها صاد مفخمة يمكن عندكم فى بحرى بالسين المرققة اقتباس شارك هذه المشاركه رابط المشاركه شار ك علي موقع اخر
سجده 44 قام بنشر April 15, 2010 (تعديل) جزاك الله خيراً اخي رجل من الصحراء لمرورك علي موضوعي المتواضع أسعدتني كثيراً كلمات حضرتك هو أنا بس ليا ملحوظة صغيرة هى إخس بالسين ولا بالصاد عشان احنا هنا عندنا فى الصعيد بنقولها صاد مفخمة يمكن عندكم فى بحرى بالسين المرققه قصدك ايه يا بت أنتي يا بت بترديهالي و اللا أيه علي العموم أنا هجاوب علي أساس أن نيتك خير شوفي يا حبيبتي انا بابايا و جدودي كلهم صعايده ميه ميه يعني الحمد لله و ليا الفخر انا صعيديه أب عن جد تم تعديل April 15, 2010 بواسطه سجده اقتباس شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر April 15, 2010 (تعديل) أمشي بقي عشان أنتي رفعتلي ضغطي اللي دايماً واااطي وتعبت صباع رجلي الصغيرخليني بقي أروح أعمل قرار علاج بـ3،2 مليارو أهو أخودلي كام يوم في بلاد بره هو يعني غالي أحسن مني كويس أنو مشي قبل مايجيبلي سيره رغيف العيش و التعليم والنقل و...و عصبني اخس عليه تحفه تحفه تحفه موضوعك يا سجده بجد جمييييييييل وواقعى فى الاسلوب والطريقه ربنا يكرمك ويصلح احوال بلادنا يااااااااااااارب ولا يسلط علينا بذنوبنا من لا يخافه فينا ولا يرحمنا ياااااااااااااااااااااااااااااارب امين جززاك الله خيرا سجده ربنا يجعل كل ما تكتبين فى ميزان حسناتك بالمناسبه الجميله دى بقى جتلى امبارح ماسج روووعه عجبتنى مووووووووووت ((نشره الاخبار سنه 2090 1- السيد تامر هيثم جمال مبارك يؤكد انه لا لتوريث الحكم . 2- ظهور اول حاله لمواطن مصرى غير مصاب بالضغط والسكر. 3- الاذاعه تحى اليوم ذكرى وفاه كوكب الشرق الفنانه *روبى*.)) شكرا سجده تم تعديل April 15, 2010 بواسطه حياتى من اجل ربى اقتباس شارك هذه المشاركه رابط المشاركه شار ك علي موقع اخر
صناع الحياه 14 قام بنشر April 15, 2010 الموضوع وردوده في منتهي الروعه جزاكي الله خير اقتباس شارك هذه المشاركه رابط المشاركه شار ك علي موقع اخر
بسمة الاقصى 78 قام بنشر April 15, 2010 تم حذف الرد من قبل الادارة لو سمحتم يااخواتي في الله ارجو ان لا يتحول الموضوع الىغرفة شات وتبادل السخرية اعلم انكن تقصدن المزاح ولكن حخرصا منا على سير الامور بشكا سليم قد قمت بحذف هذا الرد فاعذريني اختي فانا لااقصد اي اساءة لاحد اقتباس شارك هذه المشاركه رابط المشاركه شار ك علي موقع اخر
رجل من الصحراء 36 قام بنشر April 15, 2010 تقبلوا فائق احترامي وتقديري اقتباس شارك هذه المشاركه رابط المشاركه شار ك علي موقع اخر
سجده 44 قام بنشر April 17, 2010 تحفه تحفه تحفه موضوعك يا سجده keda.gifبجد جمييييييييل وواقعى فى الاسلوب والطريقه ربنا يكرمك ويصلح احوال بلادنا يااااااااااااارب ولا يسلط علينا بذنوبنا من لا يخافه فينا ولا يرحمنا ياااااااااااااااااااااااااااااارب امين جززاك الله خيرا سجده ربنا يجعل كل ما تكتبين فى ميزان حسناتك تسلميلي حبيبتي و تسلملي دعواتك يا قمر و الماسج واقعيه جداً ان ظل السكوت الموضوع وردوده في منتهي الروعهجزاكي الله خير الاروع مرورك اخي الكريم جزاك الله خير الجزاء تقبلوا فائق احترامي وتقديري جزاك الله خيراً أخي اقتباس شارك هذه المشاركه رابط المشاركه شار ك علي موقع اخر
Mr Hamdy Ahmad 36 قام بنشر April 17, 2010 هااااااااااااااااااااااااااااااايل ايه الروعة دي الله يرحم أيام زمااااااااااااااان اقتباس شارك هذه المشاركه رابط المشاركه شار ك علي موقع اخر
الجندى المجهول 37 قام بنشر April 19, 2010 طيب و اللحمه -أظنك هتقولي برضو أن الحكومه مسؤله عن جنون أسعارها ، عن موضوع الفول واللحمة صرح مصدر قال مسئول ان الطب اتقدم جدا والدكتور محسن بيقول ان الشعب المصري خصوصا من مصلحته يقرقش فول حيث الفول المصري عموما يجعل من بني ادم غول والبروتين الكامن طيه مافيه زيه ايها فول تأكل فخده في ربع زكيبه والدكتور محسن مسئول يديك طاقة وقوة عجيبة تسمن جدا تبقى مهول لحم نباتى ولا فى الحاتى تاكل قدرها تعيش مبسوط ثم اضاف الدكتور محسن ان اللحمه دي سم أكيد بتزود أوجاع المعدة وتعّود على طولة الايد وتنيم بني ادم وتفرقع منه المواعيد واللي بياكلوا اللحمة عموما حيخشوا جهنم تأبيد يادكتور محسن يامزقلط يامصدر ياغير مسئول حيث ان انتو عقول العالم والعالم محتاج لعقول مارأى جنابك وجنابهم فيه واحد مجنون بيقول احنا سيبونا نموت باللحمة وانتو تعيشوا وتاكلوا الفول مارأيك ياكابتن محسن مش بالذمة كلام معقول كلمات احمد فواد نجم اقتباس شارك هذه المشاركه رابط المشاركه شار ك علي موقع اخر
MidooDj 11 قام بنشر April 20, 2010 لا استطيع الرد الا بكلمة واحدة " ابداع " اقتباس شارك هذه المشاركه رابط المشاركه شار ك علي موقع اخر
