semsem111 0 قام بنشر April 4, 2008 لا زلت مستغربا ومسبهلا من المصيبة اللى وصل لها الناس ومدى تعصبهم الغير معقول رغم برود اعصابهم نحو قضايا للامة اهم واعظم بمليون مرة والمصيبة تبقى اكبر ولكبر لما واحد مثلى ميفهمش حاجة فى الكورة وكل علاقته بها ان لما يجيب قناة فيها ماتش يبقى لازم يحول القناة انا بقى مصيبتى وحيرتى اشد ومش قادر اعرف ايه اللغز العجيب ومش مصدق كل ردور الافعال الغريبة من الجمهور لدرجة انى شكيت ان الامر مهم بالفعل وانا مش واخد بالي وقررت ان اكون اهلاويا او زملكاويا (بس مش عارف لانى قررت على كبر) وقررت اعمل ورد اسبوعى لمشاهدة مباريتان كرة قدم على الاقل ونظرا لانى مدرب واقدر قيمة التدريب طلبت من حمادة (ابن اختى ولا عب الكرة المشهور فى الشارع بتاعه) بعد ما قدمت كارت شحن لموبايله هديه لزوم الرضا عنى وطلبت منه انه يدينى كورس مكثف فى الكورة نظر حمادة (فى الصف الثانى الاعدادي ودونجوان المدرسة بلا منافس) نظرة كلها شذر وقال مينفعش يا خالوا رديت وقد دق قلبى وتحشرج لسانى ليه يا دودو بص لى بصة اكثر احتقارا من الاول يشوبها شوية اشفاق يعنى يا خالوا كنت فين السنين دى كلها بعد ما كبرت وبقيت كبير وضيعت عمرك فى التعليم والدراسات اللى ملهاش لزوم (هو بصراحة لم يقل كده بالنص انما فيما معناه) جى دلوقت وتقول علمنى كورة اخرجت الموبايل من جيبى فى حركة اغراء (الموبايل طبعا هو اللى عامل اغراء مش انا يا محترم) فى تلميح مغرض انه من الممكن ان اتركه له الموبايل بتاعى كام يوم لزوم الرسم والشياكة على اللى بالى بالك بص لى بصة اخرى وقال والله يا خالوا هو انت علمتنى زمان ان مفيش حاجة صعبة وان كل شىء ممكن بس بالصبر والمذاكرة يلا يا خالوا قلت على فين قال لى اول درس قلتله هاه هنلعب مباراة قال لى لا مش للدرجه دى اسال وانا اجاوبك قلتله بصراحة يا حمادة انا عندى سؤال محيرنى حبتين ومحرج اسال قال اسال متتكسفشى يا ابو السماسم (عدتها طبعا لان لما تكون ليك عند حمادة حاجة تقوللوا يا كابتن) قلتلوا هو ليه دايما باحس ان الماتش كانه خناقه على كورة واحدة ونص اللى بيلعبوا عاوزين يدخلوها فى الشبكة والنص التانى على جثته ما هى داخله ليه يا كابتن حمادة متكونش فى الملعب كورتين ولا تلاته بص حمادة مبحلقا واكملت وليه ياكابتن بدل الزنقه والبهدله ميعملوش 3 او 4 اجوان ولا حتى يتفقوا كل فريق يدخل الكورة فى الشبكة مرة ذادت حملقة الكابتن حمادة طيب وكمان ليه الذل اللى بيعملوه فى نفسيهم ليه ميمسكوش الكورة باديهم احسن وافضل احمر وجه حمادة وانتفخت اوداجه وظهرت عليه علامات الغضب وبقوة دفع الموبايل بتاعى اللى كان معاه رشوة منى دفعه لى وقال بيتهيا لى يا خالوا انك مشغول دلوقت ومعاك مذاكرة ربنا يكون فى عونك اجيلك مرة تانيه (كان بيتكلم وهو بيجز على اسنانه) الواد على كخة زابراهيم بكتريا بينادو على اسف يا خالوا علشان معانا ماتش مهم ولا زم نفوت دلوقت على سيد زلمكة وفتحى تيفود مشى من امامى وهو يتمتم لا حول ولا قوة الا بالله مفيش منه فايده ضيع نفسه بالدراسات العيا بتاعته طبعا زعلت جدا لانى كان نفسى اقابل الابطال العظام اللى ذكرهم يللا مفيش نصيب لكن الا هو صحيح حمادة زعل ليه ؟؟؟؟؟؟؟؟؟؟ -------------------- اقتباس شارك هذه المشاركه رابط المشاركه شار ك علي موقع اخر
ABOTASNEEM 116 قام بنشر April 4, 2008 رائع واسلوب متميز للغاية بس بجد بجد بجد هو صحيح حمادة زعل ليه ؟؟؟؟؟؟؟؟؟؟ اقتباس شارك هذه المشاركه رابط المشاركه شار ك علي موقع اخر
zoro_hf 8 قام بنشر April 6, 2008 هههههههههههههههههههههههههههههههههههه اسلوب رائع فى الحوار بس هو حمادة زعل لية يا سماسم اقتباس شارك هذه المشاركه رابط المشاركه شار ك علي موقع اخر
semsem111 0 قام بنشر April 6, 2008 الف شكر لعمنا الزعيم الكبير قو ابو تسنيم (الا هو اخبار تسنيم ايه ) شكرا على مرورك وتشجيعك (انا حاسس انك هتكتشفتى ) عم زورو راضى عنى يا دى الهنا لكن بجد يا جماعة هو حمادة زعل ليه اقتباس شارك هذه المشاركه رابط المشاركه شار ك علي موقع اخر
EL3aref 5 قام بنشر April 6, 2008 انا هجاوبكم عن السؤال اللى محيركم ده !!!!!!!! حمادة زعلان لان سمسم من الاول لو كان مسكه خده قلمين وقاله انت يا زفت يا حماده قولى ليه مفيش غير كوره واحده فى الملعب إلخ .......... مكنش زعل فى الاخر وكان جاوبك عن كل اسئلتك من غير ضجر وبكل صدر رحب .. صح فى ضهرك كان هيقول ما لا يسرك .. بس تبقى خدت منه اللى عايزه .. هو ده سبب زعل حماده ( الادب من الاول ) اقتباس شارك هذه المشاركه رابط المشاركه شار ك علي موقع اخر
NADA 34 قام بنشر April 7, 2008 قلتلوا هو ليه دايما باحس ان الماتش كانه خناقه على كورة واحدة ونص اللى بيلعبوا عاوزين يدخلوها فى الشبكة والنص التانى على جثته ما هى داخله ليه يا كابتن حمادة متكونش فى الملعب كورتين ولا تلاته وانتو مالكو زعل ليه ناس غريبه اووووووووى دى خصوصيات صحيح هو حماده زعل ليه؟؟؟؟؟ اقتباس شارك هذه المشاركه رابط المشاركه شار ك علي موقع اخر
semsem111 0 قام بنشر April 9, 2008 تفتكر يا عارف بيه ان ممكن لو الواحد رزع الواد حمادة علقة ممكن يقر ويعترف بكل الاسرار الرياضية والله احاول شكرا يا ندى هانم على مرورك لكن هو الواد اللسعة حمادة بقاله خصوصيات اقتباس شارك هذه المشاركه رابط المشاركه شار ك علي موقع اخر
Shetos 2 قام بنشر April 9, 2008 لكن الا هو صحيح حمادة زعل ليه ؟؟؟؟؟؟؟؟؟؟ يمكن لأنه حس إنه لا حياة لمن تنادى..أو إنها قضية ميئوس منها ههههههههههههههههههههههه بجد خطير يا سمسم اقتباس شارك هذه المشاركه رابط المشاركه شار ك علي موقع اخر
bassant 2 قام بنشر April 9, 2008 الدنيا ملعب كوره يعنى اللعب على كيف الكيف وفيه ناس بتلعب على بعض يعنى محدش واقف فى مكانه يبئه عم حماده يزعل ليه مه زى ما الحياه بتلعب بيه هوكمان بيلعب فيها ولا اه رأيكم اقتباس شارك هذه المشاركه رابط المشاركه شار ك علي موقع اخر
semsem111 0 قام بنشر April 10, 2008 شبتوس يمر على مشاركتى يا دى الهنا يا دى الهنا لكن برضه يا شيتوس عاوز اعرف هي ايه القضية الميئوس منها أخيرا الست بسنت شرفتنا لكن ايه الكلام الكبير ده اقتباس شارك هذه المشاركه رابط المشاركه شار ك علي موقع اخر
bassant 2 قام بنشر April 11, 2008 أخيرا الست بسنت شرفتنا لكن ايه الكلام الكبير ده والله انا عندى ظروف اليومين دول مخليانى وجودى قليل بس الكلام لاجامد ولا حاجه اه احنا بتعلمه منكم يعنى انا لسه طالبه فى مدرسة ياله شباب اقتباس شارك هذه المشاركه رابط المشاركه شار ك علي موقع اخر
