حمله لمقاطه المسلسلات الرمضانيه

[حمله لمقاطه المسلسلات الرمضانيه]

اللهم اعتق رقابنا

انا معاكم ان شاء الله

[اصعب شىء]

أصعب شىء ف العالم

إنك تحلم ...

وتقوم م النوم

وكأنك واحد تانى

مش طايق روحك

قايم بتلم جروحك

بعيون باردين

وبقلب أنانى

محسوبة عليك أحلامك

لكن يأسك مجانى

الكل بيجرح فيك

وبتعمل نفسك مش واخد بالك

غلطة عمرك إن إنت ف حالك

باصص قدامك

وهتفضل عاجز وحدانى

مش قادر تفهم

ليه كل العالم ضدك

مع إنك واحد تانى

وف لحظة تضيع ف الزحمة

وتنسى طموحك

تبقى ف عز الأزمة

مأزم روحك

مش عارف نفسك

بإرادتك أو غصبن عنك

لازم تختار

وف أخر الليل تنهار

تبكى ولا حدش حاسك

اللى رفعته يذلك

وتلاقى الناس حواليك

وتحس إن إنت لوحدك

أصعب شىء ف الكون

إنك موجود

[على حدود الشوف]

على حدود الشوف

 

على حدود الشوف ف السهل والوادي

شايف بقلبي ألوف بنصلي ع الـــهادي

 

ألوف وراها ألوف ***** ماسكة ف ايديها دفوف

متجمعين ف صفوف ***** والصوت جميل نادي

على حدود الشوف

كان الإيقاع ملفوف ***** واللحن كان مألوف

أما الكلام معزوف ***** والقلب بيه شـــــادي

على حدود الشوف

من غير قلق أو خوف ***** وبدون حرج وكسوف

كاس المحبة يطوف ***** واللــــــي شرب راضى

على حدود الشوف

وبتمدح الموصوف ***** جوه الكتاب معروف

انه رحيم ورؤوف ***** بالمؤمنين حـــــــادي

على حدود الشوف

[حلم ليل مسجون]

لو كان قليبى سكن

 

هايساعى كل الكون

شايل هموم الوطن

غير الهوى المكنون

و الذكريات والشجن

و حلم ليل مسجون

بين الضلوع إندفن

يمكن يكون مجنون

 

 

***

يا فاتحين الأمل شباك

 

على بكرة اللى جيَّ هناك

و بكره فوق جناح شوقه

يقول للفجر فين مرساك

وخيط الشمس بيه نغزِل

ستاير دفء ع المنزِل

و منزلنا حيطانه طموح

و آه لما الطموح يرحل

لا يبقى بيت و لاستاير

و لا شاطئ لموج حاير

و نبقى فى الطريق مساكين

نلف العمر فى دواير

 

 

***

 

يا ناس يا خلق يا إنسان

شربنا من الألم ألوان

تعالوا نداوى أحزانَّا

نقابل بعض بالأحضان

 

 

نحب الخير لكل الناس

 

و يبقى الليل قمر ونَّاس

و نبقى فى القلوب جِيرة

و عِشْرَة و المَوَدَّة أساس

 

 

 

 

 

***

 

 

بالأمثال و بالأديان و بالخبرة

 

و لا يقدر على الأيام و ع القدرة

سوى الخالق و رب الكون

و لا نضمن نَفَس يِطْلَع

و لا نضمن نِعِيش بُكرة

__________________

يا ناس يا خلق يا إنسان .... شربنا م الألم ألوان

تعالوا نداوى أحزانَّا .... نقابل بعض بالأحضان

 

نحب الخير لكل الناس .... و يبقى الليل قمر ونَّاس

و نبقى فى القلوب جِيرة .... و عِشْرَة و المَوَدَّةأساس

[رقه القلب]

اللهم امين

جزاك الله خيرا حبيبى

الله يوسع عليك

[اختار خلفية سطح مكتبك كتذكار من المنتدى]

الله يسعدك

[لوحـــــــــــــــــــة تذكاااااااارية لأعضاء الفريق الإداري]

بجد الله اكبر عليك

هديه اكتر من روعه

ربنا يكرمك والجنه يوعدك ورمضان يبلغك وليله القدر يعتقك وزياره الحبيب يشرفك

[عايز واسطه]

لمّا تلاقى السّلم عالى

لمّا الكلّ يقول وانا مالى

لو كان حالك يشبه حالى

قوم تعالالى نشوف لك واسطه

,,,,,,,,,

هيّا الكنز اللى مخبّيلك

شمس رخيصه تنوّر ليلك

عايز الدّنيا بحالها تجيلك

شغـّل مخـّك شوف لك واسطه

,,,,,,,,,,

لمّا الحقّ يضيع من ايدك

لمّا النّدل ح يصبح سيدك

لمّا درجتك مش ح تفيدك

تبقى حياتك من غير واسطه

,,,,,,,,,,,

لمّا تعوز تفرح بوجودك

وتبنى نجاحك على مجهودك

كلّ النّاس ح يلاحظوا جمودك

وصعب وصولك من غير واسطه

,,,,,,,,,,,

لمّا الدنيا تبقى مصالح

واللى يضرّ يتوه فى الصّالح

واللىّ يخاصم واللىّ يصالح

لازم يبحث عن ميت واسطه

,,,,,,,,,,,

لمّا الحقّ يتوه فى الباطل

والمقتول يتحوّل قاتل

لمّا الايد تتمدّ لعاطل

يبقى ياويل اللى مالوش واسطه

,,,,,,,,,,,,

عايز تسرق عايز تنهب

عايز تقعد عايز تهرب

عايز تشتم عايز تضرب

قبل دا كلـّه تشوف لك واسطه

,,,,,,,,,,

عايز تحلم أىّ منام

عايز تاكل واللا تنام

أو فى الحرّ تاخد حمّام

كلّ شئونك عايزه الواسطه

,,,,,,,,,,,

فى كلّ مجال لو مانتش غاوى

تشغـّل مخـّك تعمل حاوى

أولى اعدادى ساعتها تساوى

مؤهّل عالى لو فيه واسطه

,,,,,,,,,,

طول ما جناب البيه مسنود

يبقى طموحه مالوهش حدود

ولا بيلاقى طريق مسدود

والمفتاح مصنوع بالواسطه

,,,,,,,,,,

قول لى الزّاى ح تعالج ولدك

واللا تقضىّ مصالح والدك

لو حتىّ المسئول من بلدك

مش ح تخلـّص من غير واسطه

,,,,,,,,,,,

بكره تكلـّم بيها خواتك

بكره تقابل بيها حماتك

ولو عوزت أختك واللا مراتك

خوفى ساعتها تشوف لك واسطه

,,,,,,,,,,,

لمّا تركنا الفرصه ياغالى

ولسان حالنا يقول وأنا مالى

وحقّ عيالك ويّا عيالى

مدهوس تحت رجول الواسطه

,,,,,,,,,,,,

عمر ألدوله ما تلمح خيرك

طول ما ف ايدك فرصة غيرك

جبت حرام وكـّلته لغيرك

روحت النّار ومعاك الواسطه

,,,,,,,,,,

خيبه ودخلت كلّ حياتنا

رفعت نسبة سلبيّاتنا

نفسى دقيقه قبل وفاتنا

نور العدل يطفىّ الواسطه

,,,,,,,,,,

نفسى أشوفنا صحينا وفوقنا

ومن غير واسطه أخدنا حقوقنا

يحكم فينا ضميرنا وزوقنا

ويقتل بينا وباء الواسطه

,,,,,,,,,,,,

[الساقطين]

الساقطين

سقطنا فى الإمتحان

مع إننا غشينا فى كل المواد

برشمنا صورة الخرايط

وعناوين البلاد

ومبادئ الثورات

ونتايج الأعداد

وضحكة الحكام

برشمنا إن وكان

برشمنا أفعال الخيانة

برشمنا إعراب الشعوب

والنصب والمنصوب

والجر والمجرور

والضم والمكسور

برشمنا أناشيد الخطابة

وقصايد المتنبى

وألف ليلة وليلة

وقصصنا الطويلة

وشجرة العيلة

برشمنا صوت الادان

ودعوة المظلوم

برشمنا الشهادة

والزكاة والصوم

برشمنا أركان العبادة

كتبنا ع الجدران ... علب السجاير

ورقة الكبريت والتُخت والمساطر والبلاط

كتبنا ع الدراعات والكتف والكفين

برشمنا كل الأمتحان

تحت العقال والطرحة والمناديل

والكاب وعلبة المكياج

برشمنا كل المواد تحت الحزام

برشمنا صيغة أستأذان

ندخل الحمّام نغش م البرشام

برشمنا كل الكلام

وسقطنا فى الأمتحان

قُلنا أعتمدنا عليك يا غش

قُلنا أعتمدنا على طيبة الأعداء

والضحك ف الوش

وخوزايق الوراء

قلنا أعتمدنا ع الشطارة والطهارة

والفرس والسيف

قُلنا أعتمدنا ع الأصدقاء العزاز

والمراقبين اللذاذ

سقطنا ف الأمتحان

والكحك مالى الشهادة

والأكادة لسه بنقاوح

وكاتبين أستمارة أحتجاج للوزارة

لسانا معترضين أننا كتبنا الإجابة

لسانا مش عارفين أننا برشمنا (الغباوة)

لسانا مش عايزين نصدق أننا أصبحنا أمة

ف (الطراوة)

سقطنا فى إمتحان الكرامة

ونجحنا فى اللعب مع بعضينا

سيجه وبلى ف (الخرابة)

لسانا مش عايزين نصدق

أننا نجحنا فى (الخيابة)

وضحكت علينا العصابة

ومسكتنا الربابة

لسانا مش فاهمين

أن السنة جريت

وأن أحنا ما حضرناش

ولا حصة ف المدرسة

هربنا طول السنة

ف ضلمة السيما

ودفعنا مصاريف الأساتذة

وأزايز الوسكى

وورنيش الجزم للأصدقاء

ومعجون السنان

والتورتة ف أعياد الميلاد

للقطط والكلاب

وطلقة الرصاص لأطفال

فلسطين والعراق

دفعنا فواتير الجنازة

والكفن والنعش

لسانا مش فاهمين

أن السنة جريت

وأن أحنا ما حضرناش

ولاحصة ف المدرسة

بلطجنا ف بيوتنا

نمص ف الأفيون

نغض طرف العيون

عن حركة الجريان

نعدل مع النسوان

ف جدول الأسبوع

ونعشق الغلمان

نرافق الخدامات

ونمشى ف الجنازات

نصوم نهار رمضان

نفطر ع التمرة

ونحج بيت الله

وننام مع الأعداء

لسانا مش حاسيين

أن السنة فاتت

والنخوة والعزة

ف بداية الحصة

على التخت ماتت

رفدونا م المدرسة

كنا صحاب الوطن

بقينا ف الشارع

عامليين كورال مدرسى

بنردد الأناشيد

 

حنخش الأمتحان من تانى بالبرشام

ونعيد السنة الجاية فى مدرسة السلام

[حكايات المصطبه]

حكايات المصطبه

بعد شغل اليوم في غيطنا

من عادتنا

كنا نقعدعند راس الغيط بتاعتنا

ع القنايه تحت توته

فارشه ضلتها النجيله

كنا نقعد زي عيله

والكلام يبقي براحتنا

نشرب الشاي في العصاري

قبل ما نروح بيوتنا

الكلام كان يبقي بينا

عن جواز عبد السميع

واللا صوت الشيخ مطاوع

واللامرسي في يوم جوازه

واللا اسعار التقاوي

واللا اسعار الكيماوي

اللي فاق كل التصور

واللي زاد عن كل حد

مره بنهزر ونضحك

ومره تانيه نبقي جد

كنا بنفرفط همومنا

اللي غطت لون هدومنا

كنا دايما نبقي خمسه

زاد علينا الواد سلامه

ابن ابراهيم

واد بيفهم في المكن

زي المهندس

بالخصوص لو كان قديم

باختصار جه مره جنبي

قال شوف الملعونين ؟

قلت له مين ؟

قال لي يعني حد غيرهم

اليهود والامريكان

قلت مالهم ؟

قال لي مالهم...

انت مش عايش معانا

ابتدوها حرب تالته

خططولها من سنين

وابتدوا بالفلاحين

قلت ليه ؟

دول بيدونا التقاوي

والكيماوي والمبيد

قال خلاص جبت المفيد

لما يدوك التقاوي

والكيماوي والمبيد

تبقي ايه ؟

قلت: قول ليه

من جنابك نستفيد

رد قال لي

نبقي لعيالهم عبيد

قلت ليه ؟

قال لي ما تخليك معايا

لو منعوهم مره عنا

ارضنا نزرعها ايه؟

او بإيه ؟

قلت الله ..يعني ايه ؟

هي يعني الدنيا سايبه

فيه حكومه وفيه رقابه وبرلمان

قال لي آآآه

الكلام ده كان زمان

لما كان في كل دار صومعتين

جوه قاعه

اسمها قاعة الخزين

وواحده كان فيها التقاوي

والكبيرة ياخدو منها الطحين

واللا أية يابا اسماعيل

اتعدل عم اسماعين

قالي يابني بالصراحة

كلمتينك معقوليين

خلو يابني عقلي لف

وافتكرت ايام زمان

كنا طبعا صف واحد

كامب ديفيد...فرقتنا

قسمتنا الف صف

رد مورسي قال لية يابا اسماعين

كامب ديفيد؟

مش عشان نبقي في سلام

قالو يابني انتا فاهم

السلام يبقي بكلام

ولا يعني الحرب ضرب

للحروب اشكال كتيرة

منها زي ماقال سلامة

في التقاوي والكيماوي والمبيد

منها برضو في الصناعة والسياسة والاقتصاد

واللي ماسكين الصناعة رجالتهم

والمصيبة هما اصلا من عيلنا

بس منهم اللي هاجر راح امريكا

الكويس يمسكوة يبقي عالم

عندهم ويحبسوة

اما لو يرجع بلادة يقتلوة

عمرهم ما يسيبوة

واللي راح صايع وضايـــــــــــــــــــــــــع

هما برضو يحتاجــــــــــــــــــــــــــــــوة

يبقي واحد زيهم ويعلمــــــــــــــــــــوة

واحدة واحدة يلمعـــــــــــــــــــــــــــوة

يبقي صايع بس دولــــــــــــــــــــــــي

سرقة نصب يدربـــــــــــــــــــــــــــــوة

يبقي واحد شكل تانـــــــــــــــــــــــي

جيمس بوند الامريكانــــــــــــــــــــــي

أي دولة جاي منها يبعـــــــــــــــــــتوة

لأجل مايسرق فلوســـــــــــــــــــــهم

مرة تانية يستقبـــــــــــــــــــــــــــــلوة

اصلة حول عندهم فلوس كتيـــــــــــرة

يبقي لازم يستقبـــــــــــــــــــــــــــلوة

رد مرســــــــــــــــــــــــــــــــــــــــــي:

قالة افهم واحدة واحــــــــــــــــــــــــدة

بس قولي ازاي ح يســـــــــــــــــــرق؟

قالو شوف اما يجـــــــــــــــــــــــــــــي

الجاي لبلدة يبقي صايــــــــــــــــــــــع

يكتبوا في الجـــــــــــــــــــــــــــــــــواز

صاحب مصانــــــــــــــــــــــــــــــــــــــع

يبقي جاي اخر قيافـــــــــــــــــــــــــــة

والكلام يبقي بقلاطـــــــــــــــــــــــــــة

مرة تانية بللطافــــــــــــــــــــــــــــــــة

واحنا ناس اخر هيافــــــــــــــــــــــــــة

والكبار بيعظمـــــــــــــــــــــــــــــــــــوة

للبنوك ويقدمــــــــــــــــــــــــــــــــــــوة

بعد فتـــــــــــــــــــــــــــــــــــــــــــــرة:

بلخديعة والرشــــــــــــــــــــــــــــــاوي

يشتري منا المصانــــــــــــــــــــــــــــع

من فلوسنا في البنوكـــــــــــــــــــــــــ

قال لة:قول يرحم ابوكـــــــــــــــــــــــــ

قال سلامـــــــــــــــــــــــــــــــــــــــــة

شوف كلام عم اسماعيـــــــــــــــــــن

جاب قرار المشكلة للحيرانييـــــــــــــن

شوف كلام اهل النباهــــــــــــــــــــــه

واحنا بنقول الحكومة...والبنوكـــــــــــــ

عايشة في متاههــــــــــــــــــــــــــــة

قول وكمل قول كمــــــــــــــــــــــــــان

رد قالة : بعد فترة يطرحوهــــــــــــــــا

تبقي اسهم ويبعوهــــــــــــــــــــــــــا

والعمالة يسرحوهـــــــــــــــــــــــــــــا

واللي زيك واللي زيــــــــــــــــــــــــي

مرة تانية يشتروهـــــــــــــــــــــــــــــا

هب يالة يروح لبرة قبل ما يسدد بنوك

ساقية دايرة يابن عمــــــــــــــــــــــي

مش كفاية مصوا دمــــــــــــــــــــــــك

قال كمان وبيحلبــــــــــــــــــــــــــــوك

رد مرسي بأعلي صـــــــــــــــــــــوتة

قالة ينصر دين ابـــــــــــــــــــــــــــوك

[رقه القلب]

جزاك الله خيرا اخى

بارك الله لك

انى احبك فى الله

[مصريه]

بلغك الله رمضان

وارسل من يحفظك

ربنا يكرمك والجنه ويوعدك ورمضان بلغك

[رقه القلب]

اختى مى مادى

جزاكى الله خيرا ردك اضاء الموضوع

الحياه

انت الحياه ماذا اقول جزاكى الله خيرا عنا

ربنا يكرمك ورمضان يبلغك ويبعث من يحفظك

بنت مصريه اختى اضاء الله قلبك بحبه

[يوميات عباس]

يا عم عباس

افتح لنا الكراس

واحكى وضفض لينا

عن كل ظلم الناس

اكسر ببان الظلم

علشان يعدى النور

يكلم الاحساس

هابدا حكايتى بيوم

كان العزيز حناس

باع بيدوا الشعب

باعهم لاارخص ناس

لكن قلوب الناس تصرخ

حتى الكرامهالعبد تنداس

اشكى لمين يا خلق

ما الكل باع الناس

لكن دى غلطه مين

مين عين النخاس

شارك وقول الحق

ما الحق مهما انداس

قادر لوحده بس يكسر النخاس

ويهز عرش ليه بناه على الانفاس

لكن عروش الظلم خيبه ملهاش اساس

اول ما يعلى الصوت ويخبس الانفاس

يرجع يطاطى الوغد والنخاس

وبعداللى قولتوا .......

فهمت ولا اقطع الكراس

مدام العقل ساكن فى كل عقل وراس

بلدنا يومها يطول متعرف الحراس

لو حتى جحافل خلق من كل حدب وناس

وسلاحنا فيها يكون وطنيه عليه تغطى الراس

تحجب دفاها لشمس لو حتى فوق الراس

والحل فيها بسيط امسك فى ايدك فاس

تضحك اليك الارض وتنبت وتتباس

درس وعلم بلدك ما العلم فى الكراس

ما قلها زمان المصرى ودق بيها اجراس

علشان يوقول للناس دون حضرتك علشان تنور راس

ما الجهل ديه كاس بيشربو النخاس

ونصيحتى ليك يا ولدى امسك فيدك فاس

واوعا تسيب من ايدك الكراس

مصر هتعلى بيك وبكل عقل وراس

ما بلدنا دره شرق ولولوه ماس

هقفل خلاص دلوقت جروحى فى الكراس

لكن سامحنى ياولدى

شيلتك تكون نبراس

تاخد بسبب العلم فى الكراس

عمك عباس

[تلك هى الحياه]

الله

سبحان الله

ربنا يسعدك ويزقك الدنيا ولاخره

كلماتك رائعه

جزاكى عنا الله خيرا دائما عير منقطع

[حصريا قصيده انا العبد مكتوبه]

اللهم امين اخى فى الله

جزاك الله خيرا ورزقك الجنه

[احذر ... مخالفات ومحدثات تقع في شهر رمضان [2]]

الله اكبر مشاء الله عليك يا اخى

جزاك الله خيرا عنا

جعله الله فى ميزان حسناتك

واضاء طريقك الى الجنه

[ظلموا المصريين]

وانا كمان حسبى الله ونعم الوكيل

[بكت الديار]

كلمات مولمه

جزاكى الله عنا خيرا اختى

اضاء الله الى طريقك الى الجنه

[رقه القلب]

اولا ربنا يخليلنا ابشروا

ويارب السنه الجايه تدعيلنا فى الرحم ان شاء الله

ربنا يكرمك اختى حياتى من اجل ربى

والجنه يوعدك وزياره الحبيب

اللهم بلغك رمضان ورزقك العتق

[امساكية رمضان 2009]

بارك الله لك وجزاك عنا خيرا

طيب متشوفلنا بتاعت قنا

[رقه القلب]

[مشروع خطوات-مبادرة]

احلى حاجه طبعا الدعاء لانه كل خير

انامعاكم ان شاء الله

جزاك الله خيرا ياابو تسنيم

[أوبـــامـــا‏..‏ ســـاقـــط قــــيد‏!‏]

جزاك الله خيرا اخى الدسوقى

[اللى اختشوا ماتوااا]

دلوقتى بتتقال كده اللى كانوا بيختشوا ماتوا