ماكرينا ايمان بكرى

[ماكرينا ايمان بكرى]

ماكرينا

ايمان بكرى

 

 

 

 

 

ماكرينا حوالينا وحيقضوا علينا

وبعيد الشر عن السامعينا

صحصح ويايا لحظات يا أخينا

ونفهم اللى مش فاهمينا

دول ماكرينا

ودول ماكرينا

ماكرينا عايشين ويانا

حيخلصوا ع اللى معانا

وبينهبوا فينا وياكلوا شقانا

والحاله جيم والناس تعبانه

دول ماكرينا !!

ماكرينا حكام وباعونا

لديابه فى الضلمه كلونا

حاصرونا ضربونا دوخونا يا لمونه

حالفين ليخلصوا على اللى جابونا

دول ماكرينا !!

ماكرينا جم ضحكوا علينا

بسلام مضروب ورضينا

عملونا حصار قولنا موافقينا

ضربونا بالنار غنينا شاكرينا

للماكرينا !!

ماكرينا بيتكتكوا ليكا

علشان يوم يقضوا عليكا

نفتح أسوقنا لجون وماريكا

باسم العولمه جم غموا عنيكا

دول ماكرينا !!

ماكرينا وده درس خصوصى

بين فك ديابه ولصوصى

حنروح فى كازوزه والنعمه يجوزى

وحنرجع مش ومن غير شوزى

للماكرينا !!

فاهيمنا .. ربنا يهدينا

ولا يوم يتحكموا فينا

ابن جبان ندل ولا ابن لزينه

ده احنا شعوب العالم مساكينا

ودول ماكرينا !!

قول يا سمعان للى ما سمعوشى

وانت يا فهمان للى ما فهموشى

للى اتكلموا واللى ما نطقوشى

خليكوا رجالة ولا طواطوشى

للماكرينا !

!

 

 

 

ايمان بكرى

[نصيحة حلوة]

جزاك الله خير

وجعلك من اهل الجنه وجوار الحبيب

قول امين

[من الحكومه للمواطن]

الحمد والشكر ليك يارب

سلام الى اهل تونس

[رساله من مواطن للحكومه]

شكرا للمورور اختى

[حكايه تانى فى حب مصر]

وبارك لكى فى فرحك فى الدنيا

وسعاتك فى الاخره

[مصر المحروسه]

اكيد اختى الرام

يارب يعزنا كلانا العرب والمسلمين

شكرا لمرورك الطيب

[دمعه فىالخشوع]

اختى الارام

اخويا المرابط لكم كل التقدير

انت عارف الامتحانات يا مرابط

[فى مدح الريس]

يخونا على المرابط شريكى فى الجريمه

شكرا لمرورك اخى المرابط

[منتاش معدى]

وتسلمى يارب من كل شر اختى الارام

[حناكيش ياناس حناكيش]

الساهر

مساء النور يا صديقى

اختى الارام بارك الله لكى

وجعلكى من اهل الجنه

شكرا لمروركم الكريم

[درب الندم]

اللهم اهدى نجوى الى ما تحبه وترضه

جزاكى الله خير اختى

[الله يا طه الله]

صلى الله عليه وعلى اله وصحبه اجمعين

شكرا لمرورك اختى

[اكشن اخر مره]

هل درســــــــك أغلــــــي مـــن رأســـــــــــــــــي ؟!

رائع اخى المرابط

[موعظه]

ما شاء الله عليك

بجد كلام اكتر من رائع

وفقك الله اخى المرابط

[روبن هود]

1738

[لا تــبــكــوا عــلــى فــراقــى]

موضوع اول اكتر من رائع

ننتظر المذيد

[نشيد الكون]

موضوع رائع اختى الارام

[حكايه تانى فى حب مصر]

حكايه تانى ملتوته

الحكايه زى اى حكايه

كانت حكايه صغيره

ممكن اقولها م البدايه

مصر

وطن

حب

شجن

كانت بدايه

واصبحت بردو النهايه

الميم

مكان نتلم فيه وتلمنا

نسمع حكاوى من حكايات جدنا

والصاد

صديق يسمع لنا

وكمان حروف ديما ترن ف ودننا

والراء

ربيع

ديما بيجى يضمنا

ويشدنا على صوت ازان

على صوت جرس

وانتى يا مصر انتى الحرس

قبل الاوان

الله يا مصر

انا بعشققك انا بعرفك

من غيرمبسمع بالودان

عارفه يا مصر

انتى الوطن

انتى السكن

انتى بعيدتى عننا

اكمننا

بنحب فيكى

وسعات نبيعك كلنا

وف حزننا

وف فرحنا

بتلاقى دمعه حنينه

تنزل تتدوب على خدناااااا

عارفه مصر

انتى عظيمه ف اى عصر

فى كل عصر

سمعه يا مصر

دقات قلوبنا بتناديكى

بتنادى مصر

مصر الوطن

مصر اللى كانت يوم ف عشه

وعمرها سكنت ف قصر

مصر اللى بنقول ان احنا سكنا فيكى

وانتى فينا بتسكنى قلوبنا يا مصر

[دمعه فىالخشوع]

دمعه ف خشوع

 

دمعه ف خشوع

انا ليه بعيط بالدموع

وف قلبى معرفش الخضوع

ليه النواح ولا البكا

بيعلم القلب الشقا

ليه الخنوع

هو البكا يعنى الرجوع

انا اخايف ابكى لعينى تمسك دمعتى

وسعتها ممكن اتكسف

او انى هتطول غربتى

مش عاوز اعيط

ولا حد هيشيل بلوتى

عاوز انينى يكون ف نفسى

وانسى الدموع

من جوه نفسى

من قلب نفسى

مش انى اعيط لما احس بيوم بجوع

ولا انى اعيط لما يتركنى

حبيب من غير رجوع

ف الحزن ببكى

وحتا وقت الفرح ببكى

انا عاوز ابكى م الخشوع

لحظه جلال الله ف قلبى

وسعتها هيكون البكا اجمل بكا

لما هتنزل دمعتى

وسعتها هفرح بالدموع

وسعتها هفرح بالدموع

[رساله من مواطن للحكومه]

السلام ده جى طاير

جى حاير

من مواطن عادى جدا للحكومة

قبل مابدأ فى الكلام ..

المواطن ياحكومة له سؤال

لو حزام الصبر قرب ينقطع

يا ترى ..

تدونا غيره ؟

هوه ده الطلب الوحيد منكم يا سادة

لجل ما كل واحد مننا يعرف مصيره

لو وافقتم يبقى إحنا

أى حاجة تتعمل

فينا تجوز

طالما كل حاجه بتتعمل

دائما بنقول آمين

ما فيناش من لوى بوز

ولَّلا إيه رأى الحكومة ..!

طيبين وغلابه احنا ليه نقول العيب عليكوا

إحنا طبعا معيوبين

مانتوا فاتحين البنوك

للى ينهب

حد حاشنا ؟

والبلد فاتحة حدودها

للى يهرب

يعنى إحنا لو فرضنا

يوم هبشنا

أو كبشنا

مانكبشنا

بس إحنا حظنا إن احنا بُلده

الغلىَ عدى الحدود ..!

حد قال إن الغلى كان قصد منكم ؟

دانتوا نيتكوا المساعدة

بس طبعا للأسف

الظروف ماهياش مساعدة

يعنى مثلا ..

تصرفوا ع اللى يعوز ..

لا يجوز

ماكفياكوا تفكروا فى الشعب كله

كل واحد فى البلد مصروف له وجبة

(مكرونة وزيت وسمنة وكيلورز ونص عدس)

يعنى كشرى

ناقصه إيه..

حبة طماطم تبقى صلصة

والفطار والعشا معمول حسابهم (نص فول )

حتى ما بتنسوش مزاجنا

شاى وسكر

شاكرين ليكم جهودكم

ماحنا أحسن م البلاد

اللى عايشة فى مجاعة

والعراق وغيرها ياما

وللا إيه رأى الجماعة !!

كل ده والفضل ليكم

عدنا بنشوف الجثث مالية الشاشات

بس بنشوفها بَّبلادة

ماحنا عايشين فى سعادة

كل واحد مننا ضامن رغيفه

واللى يلحق فينا يلحق

م الفقير ياكل ويسكت

لو موظف

يبقى حظه

يا سعادته

شهره عدى ال(100) جنية

يكفو إيه ..!

مش مهم

بالقليلة كل يوم ياكل فلافل

وللا يبقى يشوف له صرفة

وللا حتى يبيع ضميره

واحنا مالنا

حاجة تقرف

غيره كان يتمنى يبقى ف يوم موظف

وانتوا شفتوا

لما قلتوا يا وظيفة

كل واحد فى البلد قدم لنفسه ويَّاابنه

حد كان وصاه فى يوم إنه يخلف ؟

وانتوا دايما كنتوا لينا بتنصحونا

ياجماعة صحصحوا ويانا حبة

إحنا دايما فى زيادة .

الشباب مالى البلد من غير جواز

والجواز عايز شقق

والشقق عايزة جهاز

والجهاز عايز خشب

والخشب جوه المعارض

والمعارض بالفلوس

والفلوس عند الغنى

والغنى عايش فى فيلا

فيلا فيها كل حاجة

دش بيجيب من أوروبا

واحنا نخطف" كابل" منه

تلقى ناس صابغة شعورها

والشباب مابيختشيش

واللى نفسه يعيش يعيش

واللى عايز يغتنى فيه ألف فرصة

منها يعنى ..

البنات تلبس مافيش وتروح تغنى

أو بمعنى تانى أوضح

حد يتبناها ترقص

لحظة تبقى مليونيرة

شد وش وشعر عيرة

يوم وليلة ..

تبقى دى النجمة الجميلة

والصور تملى الجرايد

يعنى بالعربى الفصيح

انتوا مش هاتدادوا فينا

اللى نفسه يشوف له شوفة

يروح يشوفها

والمبادئ طظ فيها

واللى ماسك لسه فيها

يْسيب شهادته

يستلف من أى حد

يعبِّى شنطة ..

يلف بيها

شنطة فيها كل حاجة

حاجة يعنى

صينى طبعا

والرصيف من غير إيجار

وان لمحت البَلدية

شلها واجرى

يمسكوك وتروح ضحية

لف ع الناس فى البيوت

ع اللى حالته زى حالتك

واللى حالتك زى حالته

يبقى يجرى ..

يشوف له واسطة

واللى له واسطة يدوس ع الناس برجله

يعنى تبقى إيده طايلة

أى حاجة تبقى لينا وف ثوانى تقوم تروح له

هوه أولىَ

الغلابة فى البلد ملهاش مكان

هوه ده نهاية المطاف

هوه ده نهاية الكلام

وللا إيه رأى الحكومة

فى الكلام ده .

[من الحكومه للمواطن]

م الحكومة للمواطن

*********

يامواطن

يالى جوة بلدنا واطن

احنا مش ناقصين مشاكل

دا الحكومة م المشاكل

جالها مغصة

طلعة راقصة

ونازلة راقصة

لاهى فاضية

ولاهى ناقصة

مباش كمان الا السؤال

من موطنينا اللاءم

جاى تقولى حزام وصبر

روحو الحائولكو بسرعة قبر

قبل القبور ماتتملى

ونرجع نزيد ف الكلام ونعيد

وانتو لازم تعرفو

احنا الى سادة وانتو العبيد

والبنوك دية بنوكنا

ورث جالنا عن جدودنا

وبطلو ماتحلموش

كيف يكون للغلابة اى مال

كيف يكون ليكو عندنا

حلم وامال

دا شيىء محال

************

احمدو رب البرية ع الى كان

من مكرونة لحمام

يبقى لية طولة اللسان

وتجيبو سيرة زمان

وتقولولنا داكان رواقة

انت لية ناسى البطاقة

والطابور ابو ميت خناقة

رز - عدس - زيت

وزعوها ف كل بيت

يبقى لية كلمة ياريت

لسه منا ما استحيت

انتو اية هتنهبو

دانتو لو جالكو نبى

لازم تطلعو مذهبو

انتو ماشبعتوش فلوس

وف كل شارع فية فانوس

اومو واحمدو ربنا

وادينتو قلتو بنفسكم

عن العراق ونبنفسكم

والله ان ماكنتو تلمو روحكم

لا مطلعين بالذل روحكم

ومزودين بالنار جرحكم

انتو بس غاويين تلومو ف الحكومة

هيا ناقصة

دا الحكومة

راسها واكلاها البرومة

******

عمى بوش من هناك

واقف حداك

تلتفت تلاقية وراك

جاهز ومستنى العراك

راح نجيبو يادبك

يمد ايدو يعلمك

يبقى هاتو من قصيرو

وزى ما عايزين تسيرو

والى يحود

والى يعند

والى فاكر نفسة مسعد

يجيى ويورينا كيده

والى مش عاجبة نكيده

والاكادة ماعدش حد بيملا عينه

عم بو ش دا عمنا

بالمعونة يمدنا

وان عصينا يهد حيلنا كلنا

يامواطن يالى جاى تشتكى

روح واكتفى

بالى انت فية

م الى منو بتشكى

غيرك بقى

ماهوش لاقية

[فى مدح الريس]

كله تمام... كله تمام

 

كله تمام... والوضع يا ريس... عـــال العــــال

كله تمام

كله تمام.. والشعب المصرى.. فى أحسن حال

كله تمام

وغلاوتك... بنقوم...وننام... على راحة البـــال

كله تمام

وحيـــاتك... أيامنا جمــــــيله... ومالهــا مـــثال

كله تمام

يا قائدنا... ياللى ما شفنا... ف عهدك أهـــوال

كله تمام

سيبك ...م الإشاعات الفارغه.... اللى بتتقـــال

كله تمام

عالم فاضيه... وسايقه كمان... فى الإستهبال

كله تمام

كل يومين... عاملين إضراب ...بلا لعب عـــيال

كله تمام

ولا تهـــتم يا ريـــس.... دول.... شلة أنـــــدال

كله تمام

دا لافيه.. كوسه... ف المحروسه... ولا إهمال

كله تمام

ولا فيه... رشوه...ولا حراميه... ولا استغـلال

كله تمام

ولا فيه... شغل أونطه... ولا ...أمور استغفال

كله تمام

ولا فيه.. ناس...م الظلم البين... دمعها سال

كله تمام

ولا فيه... سرقه... ولا حتى... تهريب أمـــوال

كله تمام

ولا فيه... بطاله... أغلبنا...طبعا.... شغــــال

كله تمام

والعمــــارات... ولا بيهــــدها ...حتى الـــزلزال

كله تمام

والتعذيب ...وإهانة الشعب... دا محـــض خيال

كله تمام

علشان كده... بتمنى يا ريت ... يورثنا جـمال

أيوه يا ريت..وبسرعه كمان

..يورثنا جـمال

وكله كله..حيبقى تمام ..طبعا طبعا.. يبقى تمام

 

[مصر المحروسه]

تلت حروف مستحيل القلب ينســـــــــــــــــاهم

 

نسج القدر منهم اسمك وحلاهـــــــــــــــــــــــم

 

عشق اللسان نطقهم وشفايفى عشقـــــــــــاهم

 

منايا أفضل كدا عاشق حروف اسمـــــــــــــــك

 

ولاجل حسنك أعيش العمر ما اســـــــــــــلاهم

 

 

أغنية

 

ميت ألف بوسة وبوســـة *** على جبينك يا عروســــــة

 

يا ولاد مصر المحروســة *** هاتوا جاوى وبخروهــــا

 

 

 

الشمس عن يمينهـــــــــــا *** والقمر من جبينهــــــــــا

 

دين السماحة دينهـــــــــــا *** هاتوا جاوى وبخروهــــا

 

 

توب المحبة توبهـــــــــــا *** كحل العيون ترابهـــــــــا

 

هيمان قلبى ف دروبهـــا *** هاتوا جاوى وبخروهـــــا

 

 

العــــــزة والكرامـــــــــة *** فوق الجبين علامـــــــة

 

باقية ليوم القيامـــــــــــة *** هاتوا جاوى وبخروهـــا

[زماره خطر]

شكرا يا دكتور

[حكومه رقيقه اوى وشيك]

د\ عبقرينو اخى المرابط

شكرا لمروركم الرائع