الجندى المجهول
-
عدد المشاركات
2,225 -
انضم
-
تاريخ اخر زيارة
-
Days Won
6
مشاركات المكتوبه بواسطه الجندى المجهول
-
-
بحب البحر
استورد ملفات الشعر والأدب
بحب البحر
بحب البحر
بحب البحرمن يومى
وبعشق زرقة الميه
وبنسى الغربه وهمومى
والاقى فى شطه حنيه
بحب البحر موالى
وذكرى حلوه باقيالى
وفوق الشط يحلالى
أصارحه بكل أمنيه
بحب البحر لو هادى
وشوقى ليه ماهوش عادى
وصوته لما بينادى
بحس بإنه أغنيه
بحب البحر واشتاق له
فى عز الغربه بنده له
يدق بيبانى أفتح له
واخبى الحلم فى عينيه
بحب البحر...
-
انا ورده حمره مصريه
استورد ملفات الشعر والأدب
أنا وردة حمرة مصرية .
أنا وردة حمرة مصرية و بحب كمان الحرية
بين وردة جميلة دهبية في جنينة خضرا مروية
أنا وردة و بفتح عيني على صحبة فل و ياسمين
و النرجس سحره بيشجيني
أنا وردة و الورقة كتابي راح أسجل فيه كل شبابي
و بشوكي أحارب أعدائي
أنا وردة و ده عهد عليه إني أملا الدنيا حنية
بكتاب الله و يا السنة و العلم ده نور للبشرية.
-
تذكره مسجون
استورد ملفات الشعر والأدب
الاسم : صابر
التهمه : مصري
السن : اجهل اهل عصري
لرغم انسدال الشيب ضفاير
من شوشتى
لما لتحت خضري
المهنه : وارث
عن جدودي والزمان
صنع الحضاره
والنضاره
والامان
البشره : قمحى
القد : رمحى
الشعر : اخشن م الدريس
لون العيون : اسود غطيس
الانف : نافر كا لحصان
الفم : ثابت فى المكان
واما جيت ازحزحه
عن مطرحه
كان اللى كان
جهه الميلاد: فى أي اوضه مضلمه
تحت السما
على ارض مصر
من أي دار وسط
النخيل
مطرح ما يجري النيل
ما دام ما يكونش قصر
الحكم: من سبع تلاف سنه
وانا راقد سجين
اطحن على ضراسي الحجر
من الضجر
وابات حزين
الاسباب : سالنى سائل
حبستك طالت
وليه
ولانى طيب
وابن نكته
ما فيش مخالفه ركبتها
ضد القانون
لانى خايف
والقانون سيفه ف اديه
تسأل عليّ المخبرين
فى أي حين
تسمع وتفهم قصتي
الف وبيه
الاسم صابر ع البلا
أكبر حمار
شيل الحمول من قسمتى
والانتظار
اغرق فى انهار العرق
طول النهار
والم همى فى المسا
وارقد عليه
عرفت ليه ؟
-
مقتطفات من شعر " الامام علي " عليه السّلام
استورد ملفات الشعر والأدب
الامام على الاقرب الى القلب
كلمات علامات فى التاريخ
جزيت خيرا اختى
-
كتّيت
استورد ملفات الشعر والأدب
بجد الله اكبر
الكلمات رائعه
شكر للنقل اخى الرام
-
مسابقه وجوايز
استورد ملفات الشعر والأدب
تسلم ايدك على ردك
النور بيك اكتر
-
وانا مالى
استورد ملفات الشعر والأدب
جزاك الله خير اخى
متخافش مش حعترف المره دى
-
الكلمه
استورد ملفات الشعر والأدب
جميل فعلاً
تكون الكلمة ضحكاية
تجمعنا
و نسمعها
و تسمعنا
و لو مرة حنتغرب
تنادينا
ترجعنا
جميل فعلاً
تكون الكلمة حضن و بيت
و سبورة
تعلمنا
و تحمينا
تشاركنا امانينا
و بتطبطب على قلوبنا
و توجعنا
جميل فعلاً تكون الكلمة
جامعانا
نروح لكن ...
حيتفضل هنا
المعنى .....
-
ارهابى
استورد ملفات الشعر والأدب
فى يَومٍ مِنْ بَعدِ المغربْ..
رُحْتُ عَلى النيلِ يا أَحبابى...
أسْتَنْشِقُ بَعْضَاً مِن نِسَمِ...
كَى أنسَى مرَاتى وعَذَابى...
قَابْلِتنى دَورِيِّة شُرطَه...
إلتَفَتُوا وَقَالُوا لِجَنَابى...
وَرِّينَا بُطَاقتَكْ يا مُوَاطِنْ...
قُلتِ لهُم حَاضِر يَا شَبَابِ...
لَمَّا أنْ نَظَروا فى بُطَاقتى...
قّالولى تَعَالَى يَا إرهَابى...
مِن رُعْبى سَكَتُّ ولَم أنْطِقْ...
مِ الْخَضَّهْ سَابِتْ أعصَابى...
رُحْتُ أُسَائِلُهُمْ فى ذُلِّ...
يَا سَادَهْ إيهِ الأسبَابِ...
قَالوا سَتَعرِفُهَا يَا مَخَرِّبْ...
يَا عَالَمْ طَارَتْ ألْبَابى...
لَمَّا اقْتَادُونى إلَى القِسْمِ...
إلْتَفُّوا حَوْلى كَأَسْرَابِ...
إلضَابِطْ قَاللى يِاشِيخْ يِحْيَى...
لِى سُؤَالٌ يَحْتَاجُ جَوَابِ...
قُلْتُ يَا أُسْتَاذى فَلْتَسْألْ...
قَدْ جَفَّ مِنَ الْحَلْقِ لُعَابى...
مَكْتُوبٌ فى بُطَاقْتَكْ شَاعِرْ...
رَدِّيتْ فى الْحَالِ بإيجَابِ...
قَاللِّى لَكَ عَقْلٌ وَتُفَكَّرْ...
قُلْتِ لُه أحْيَانَاً بِحِسَابِ...
قَاللِّى أتُهَزِّرْ يَا رُوحُ أُمَّكْ...
أيَّامُكَ فى لَوْنِ هِبَابِ...
رَدِّيتْ هَلْ خُلِقَ لَنَا الْعَقْلُ...
نَلْبِسُهُ كَجَزْمَه وَشَرَابِ...
قَاللِّى أتَتَلاَمَضُ يَا جَرْدَلْ...
يَا كَلْبَاً مِنْ نَسْلِ كِلاَبِ...
فَورَاً سَتُوَقِّعُ إقْرَاراً...
أَنَّكَ نَادَيْتَ بِإضْرَابِ...
أُستَاذِى لَمْ أَضْرِبُ أَحَدَاً...
قَسَمَاً بِاللَّه وَبِكِتَابى...
قَاللِّى ضَبَطْنَاكَ بِمَنْشُورٍ...
تَنْتَقِدُ الْوَالِى الْحَبَّابِ...
وَالشِّبْلُ القَادِمُ فى أَلَقٍ...
كَالشُّهُبِ يُمَزِّقُ أحْجَابِ...
رَدِّيتْ وَالله لَم أنْشُرْ...
فى حَيَاتى غَيْرَ الْجِلْبَابِ...
فَامْرَأَتى لاَ تَقْبَلُ أبَدَاً...
أنْ تَغْسِلَ يَومَاً أثْوَابى...
أطْبَاقُ الْمَنْزِلِ أغْسِلُهَا...
وَالْحِلَلِ وَحَتَّى الأكْوَابِ...
أمْوَالِى تَأخُذّهَا وَأيْضَاً...
لاَأسْلَمُ مِنْ أىِّ عِقَابِ...
تَحْيَا فى بَذَخٍ فى رَغَدٍ...
وَتُنَشِّفُ رِيقى وَرِضَابِى...
أحْيَا فى الجُوعِ وِإمْرَأتى...
مِنْ خَيرِى تَتَعَشَّى كَبَابِ...
لاَ أدْرِى كَيْفَ وَفى دَارِى...
أَتَعَامَلُ مِثْلَ الأَغْرَابِ...
إمْرَأتِى وَأنْتُمْ وَالْوَالِى...
حُكَّامِى بِكُلِّ الأحْقَابِ...
أعْشَقَكُمْ رَغْمَاً عَنْ أنْفِى...
عِشْقَاً جَبَّارَاً غَلاَّبِ...
أحْلاَمِى فِى خَلاَصِى مِنْكُمْ...
تَتَحَوَّلْ دَوْمَاً لِسَرَابِ...
أمْرَأَتِى تَهْوَانِى تَمَللِّى...
لَوْ أجْعَلُ كَفِّى سَيَّابِ...
أيضَاً فى غَرَامى تَتَمَادَى...
إنْ صَارَ الْكَفُّ كَمِزْرَابِ...
أنْتُمْ تَلْقَوْنِى بِصَرَاحَهْ...
فى القِسْمِ بِكُلِّ التِرْحَابِ...
أيدِكُمْ تَهْوَى التَرحِيبِ...
بِقَفَايَا ذِهّابَاً وَ إيَابِ...
وَالْوَالِى أُصَدِّقُهُ حَتَّى...
إنْ طَمَعَ فى أكْلِى وَشَرَابِى...
إنْ يَأمُرُ فى الحَالِ أُلَبِّى...
مِنْ أجْلِهِ سِبْتُ الإنْجَابِ...
إنْ ألْقَى خِطَابَاً يُشْجِينى...
يُطْرِبُنِى كَثُومَه وَوَهَّابِ...
قَاللِّى أتَسْتَهْزِءُ بِالسُلطَهْ...
يَا خَائِنْ سَتَطِيرُ رِقَابِ...
قُلْ لِى مَنْ يَسْمَعُ أشْعَارُكْ...
رَدِّيتْ عَ النِّتِّ وَ أتْرَابِى...
قَاللَّى اسْتَدْعَيْنَا إمْرَأتُكْ...
قُلْتُ سَتَرْعَانِى بِمُصَابِى...
أوِّلْ مَاجَاءَتْ إمْرَأتِى...
مِنْ قَبْلِ مَا تِوصَلْ للْبَابِ...
قَالَتْ إرْهَابِى مِنْ يُومُه...
سَوْفَ أُكَلِّمْكُو بِإسْهَابِ...
هَذَا المَتْعُوسِ الْمُتَمَرِّدُ...
أوَّلُ مَنْ نَادَى بِإرْهَابِ...
لَمْ يَأتِى بِخَرُوفِ العِيدِ...
جَرَّسْنِى قُدَّامْ أصْحَابِى...
عَامِلْ سِى السَيِّدْ فى البَيْتِ...
دَوْمَاً يَبْرُمُ لِى الأشْنَابِ...
لِلْوَلَدِ يَقُولْ دَايْمَاً ذَاكِرْ...
أوْ رُوحِ اقُرَالَكْ فى كْتَابِ...
لِلبِنْتْ يَقُولْ عِيبِ احْتَشَمِى...
وَالْتَزِمِى دَوْمَاً بِحِجَابِ...
لا يَرْضَى أنْ أخْرُجَ أبَدَاً...
شَعْرى يَتَطَايَرُ لِسَحَابِى...
لَو ألْبِسْ فُسْتَانْ للسَهْرَهْ...
مَفْتُوحٌ إلَى فَوقِ ركَابِى...
صَدْرِى وَذِرَاعى مَا غَطَّى...
مَنْظَرُ فَتَّانٍ خَلاَّبِ...
يَلْقَانى بِبُوزٍ مَقْلُوبِ...
يُشْبِعُنى لَوْمَاً وَعِتَابِ...
إمْرَأتى تَكْذِبُ يَا عَالَمْ...
صَاحَتْ بَلْ أنْتَ الكَذَّابِ...
والكِذْبُ بِدَمِّكَ مَمْزُوجٌ...
يَابُو سِحْنَهْ تُشْبِهْ لِغُرَابِ...
لاَ أعْرِفُ كَيفَ تَزَوَجْتُكْ...
صَايِعْ مَجْهُولَ الأنْسَابِ...
يا سَادَهْ زَوجى وَبِنْ لادِنْ...
يَوْمِيَّاً أكْلٌ وَشَرِابِ...
قَالُولهَا أيَأتى الزَرْقَاوى...
رَدَّتْ يُومَاتى عَلَى البَابِ...
يَأتِينَا وَمَعَهُ الصَفْرَاوى...
والفُوشْيَا وَبُنِّى وَعِنَّابِ...
يا امْرِأَتى دِى فِيهَا إعْدَامٌ...
هَدْمٌ لِلأُسرَةِ وَخَرَابِ...
قَالَتْ فَلْتُعْدَمْ يِا حَبيبى...
قُلْتِ لْهَا حَتِبْقى أرْمَلَةً...
قَالَتْ أُمْنِيَّةَ عُمْرِى وَشَبَابِى...
أرْمَلَةٌ...زَوْجَةُ مَرْحُومٍ...
مَا أجْمَلُ هَاذِى الألْقَابِ...
فَارْحَلْ يَا حَبِيبى لاَ تُبْطِئ...
وَلْتَرْجِعُ فَورَاً لِتُرَابِ...
الدُنْيَا دَوْمَاً لِزَوَالٍ...
.
-
قلبى عصفور كنارى
استورد ملفات الشعر والأدب
وجزاك خير منه اخى
-
الحقونا يا عرب
استورد ملفات الشعر والأدب
اللهم اهدى الامه
وفرج الكربه
شكرا اخى
-
امى
استورد ملفات الشعر والأدب
وبارك لك
د\ عبقرينو
-
مسابقه وجوايز
استورد ملفات الشعر والأدب
مسابقة وجوايز
موضه وطالعة
إعلان لسلعة
بايرة وبايظة
أو حتى فاسدة
***
نغري زبونها
ببنت حلوة
بيضة ولاَّسودة
أو حتي كوده
قايده المفاتن
وتمللِّي والعة
****
شوف البضاعة
آخر حَمَار
من بسْ لمسه
تطلَّع شرار
شعاع ونار
م الخد طالعه
****
خد لك صورة
سته ف تسعة
صورة بس إيه
تكسب ياسيدي
سُمْعه وشهرة
وخضار سُوتيه
تبيعه بكره
بمليون جنيه
بس البداية
آخد غداي
وحاجة للعيال
خمسين جنيه
دول مش كتير
جرب يا بيه
****
وأدي خبَّاز
يخبز رغيف
بقشْ وجاز
ناشف وجامد
زي القزاز
****
قال من حلاوته
و كمان طعامته
لو تاكله حاف
يجيلك زوغطه
روحك ف ورطه
لو ورك وزة
أو حتى بطه
وخضار بدمعة
عليه شطة
الحق منابك
واقطع لقمة
تيجي ودن قطه
****
قادم وغمسْ
حبة خُضار
لمَّا قطعت
حرف الرغيف
لقيت فيه
حاجه طريه
بصله ناشفه
و رجل لفار
****
رحت اشتكيه
لبتاع الصحة
أتاريه تعبان
داخل مصحة
مهدود حيله
وعنده كحة
****
قال يا سيدي
بصوت ضعيف
عاملين مسابقة
في ألف شنطه
بحق وحقيقي
وماهيش أونطه
اللي هايجمع
جته لفار
ملهش ملة
كبير صغير
طويل قصير
أو قد عجلة
ندي له جايزة
معزة وجاموسة
وكمان حمار
****
ابعت جوابك
آخر النهار
وفيه منابك
صاحب المدار
عامل مسابقة
حرة ونزيهة
ماهش قمار
-
مصرين فى مصر
استورد ملفات الشعر والأدب
تعلمنا التميز من اصحابه اخى معلم التميز
-
تخاريف
استورد ملفات الشعر والأدب
ربنا يكرمك حبيبى د\عبقرينو
-
شعر الحكمة للشافعي
استورد ملفات الشعر والأدب
جزاك الله عنا خيرا
بجد جميل
-
المفاجاه
استورد ملفات الشعر والأدب
اصيل يا عمر انا عارف ا مش حقول انك فى التنظيم
الباشمهندس اخجلتم توضوعنا ربنا يكرمك يارب يارب اكون عند حسن ظنكم ديما
-
مشي حالك حالك يمشي
استورد ملفات أقلام مبدعى ياللا يا شباب
الله الله
بجد الله اكبر عليك كنت مخبى الكلام الحلو ده فين
الشعر رائع والمعانى فى الجون
بص يا باشا
الدنيا ربنا خلقنا فيها علشان
بسم الله الرحمن الرحيم
أحسب الناس أن يتركوا أن يقولوا آمنا وهم لايُفتنون . ولقد فتنا الذين من قبلهم فليعلمن الله الذين صدقوا وليعلمن الكاذبين"
صدق الله العظيم
قد الكلام ده عيشها
مش قده اعمل اللى يعجبك
بس انا عارف انك قد الكلام ان شاء الله
ربنا يكرمك
-
المفاجاه
استورد ملفات الشعر والأدب
اتنقلت علشان اخرها
الجندى المجهول
صحيت م النوم وانا فاكر
بواقي الحلم في الآخر
بتكتبلي وانا الشاعر
قصيدة شعر ف إديها
وجوا القلب حطتها
فركت عنيا بإديا ورن البوسطجي جرسي
فتحت الشيش
وكان شعري ساعتها كنيش
سألني:"مصطفى عمار؟"
جاوبت وقبل ما فكر
لساني طلقة بتفجر مشاعر جوا مكتومة
أناعمار
ومين غيره
هتفتكره
تبعتله قصيدة حب
وكان قلبي بيتنطط من الفرحة
اكيد في الظرف صورتها
وهيا لفه لي الطرحة
نزلت السلم اتمختر
لقيت البوسطجي مكشر!
صباح الفل
صباح الفل ع الحاضر
وع المستقبل الراضي
وع الماضي
ماتمضي يالا يا استاذ
بقلبي ؟
ولا بدراعي؟
ما انا ماضي
مخدت الظرف في حضني
وانا اللي عشانه مستني
وصلت لشقتي فرحان وخوفت الناس تكون بَصَّة
فقلت الباب مع الشباك
وغنى القلب انا بهواك
فتحت الظرف لجل افرح
بأجمل فلة راح تطرح
بأحلى عطر في الدنيا
فتحت الظرف في ثانية
مفيش فلة!!!!
مفيش صورة!!!!
يدوب حتة صغيورة!!!!!
ومختومة بختم النسر
تعالى الساعة تسعة ونص؟؟؟؟؟؟؟
في أمن لدولة عايزينك!!!!!!!!!!!؟؟؟؟؟؟
-
تخاريف
استورد ملفات الشعر والأدب
تخاريف
حلمت ف يوم
بنور الشمس بيكسَّر
ظلام الليل /
صفوف عسكر
وبتحارب فى حزن الليل
وحزن الليل بيتوجَّع
فيتفتت ويتكسَّر
وبيودَّع ... قلوب الناس
قلوب ملِّت سواد اللون
ونبض حزين بدون إحساس
يموت الحزن يتبخَّر
ونور دافىْ بيملى الكون
ما بين الموج بيتمختر
فى نفس الحلم ...
لاقيت كل الحدود تنهار
قلوب تصرخ بكلمة لأ
يموت الظلم والظالم
نعيش أحرار
قلوب تعشق معانى الحق
وتُبدُر أرضها أحلام
وتستنَّى سحابة فرْح
سحابة حب بتمطَّر
فتروى الأرض بالبسمة
وتبقى حياتنا هى الطرْح
يموت الظلم يتبخَّر
ونور دافىْ يداوى الجرح
ما بين الموج بيتمختر
وفجأة الحلم ما بيكمل
دموع العين تصحينى
أقوم من النوم وأتحسَّر
فأسمع صوت فِ تكوينى
يواسينى
عجيب حلمك ما يتفسَّر
بتبنى النور من الأوهام
بتروى الحلم بالأوهام
وتستنَّى ...
شجر يطرح فِ وقت خريف
ولو دققنا فى المعنى
نلاقى الحلم دا تخريف
فـَ ليه تحلم وتتمنَّى ...!!
عُرُوق الحزن يا خِلِّى
دى ممدودة لسابع جِد
جدور الظلم منحوته
فى قلب الأرض
دَ شىء مكتوب ومتقَّدر
بقولك إيه ... كفانا كلام
بلاش تحلم وتتمنَّى
وإيه نابك من الأحلام ؟
-
مصرين فى مصر
استورد ملفات الشعر والأدب
مصرين فى مصر
يمكن تلاقوا فيها حبه من دم الخلاص
او تلاقوا فيها كلمه اقوي من كل الرصاص
بس لسه في المراجعه لسه مكتوبه برصاص
فيها هنه فيها إنه قولت اقولها لكوا وخلاص
معقول يا مصر ماتعرفيش....قلبى بيعشق قد ايه حبة ترابك
معقوله وانا واقف ببابك
كل يوم بطلب وصالك واقترابك
معقول تحسي بالغريب....وتسيبي قلبي المبتلي من رمش صابك
دا انتى ابتسامه فوق وشوش المعجونين فى الصبر
وانتى الدوا المعصور فى بق العيانين بالفقر
وانتى اللى علمتى الغلابة الانتماء للقهر
وانتي اللي عودتيني اغني...
.ومقولش أيه ادتنى مصر
وإنتي إحتمال الصبح بالمواويل
وإنتي اللي رضعتي الأصاله لكل حر أصيل
وإنتي اللي عودتي العطاشى....علي الرجوع للنيل
وإنتي أم الدنيا وإنتي بنتها
وإنتي كل الدنيا تيجي عندها....وترمي أحلي سلام
علي جناح الحمام
وتقول في أحلي كلام....علي ولاد الحرام
مصر هيا أمي
في نيلها مستحمي
شمسها العصاري
علي الجراح تداري
وان كان عندي قمحي
مش قمح الأراري
تبقي هيا مصر
وأنا ابن مصر
مش لاقي في جمالها
وانا شيال حمالها
جراني فى حبالها
وبتمنلها نصر
واللي هايعاديها
هعصر قلبه عصر
بس لما نفسي
تعز عليا نفسي
لما بلقي مصر
مش بتحب مصر
ولا ألاقي مصر
بتبيع لحم مصر
أو الاقي مصر
قاعده فوق في قصر
وألقي مصر تانيه
تحت خط فقر
والقهاوي زحمه
والأماني لحمه
والحواري لمه
والتوك توك كباري
والهدوم تداري
ويا ويلهم عيالي
م اللي جاي يا مصر
والهموم تقيله
والشباب في حيره
وما في اليد حيله
غير بكتب لمصر
والعيال بتكبر
وحجاتهم بتكتر
غير الهم لأكبر
تجهيزهم يا عمرو
اللي جاي غيّ
مالو حتي زيّ
ميت زي حيّ
ما بتفرق في مر
ورغم أي أي
إنتي عندي اغلي
من مصرين يا مصر
-
امى
استورد ملفات الشعر والأدب
أمي
يااااااا نخله جدرها
ممدود ف شرياني
مشتاق أنا لحضنها
دا نبع وجداني
يا نخله وفطلعتك
قلبي نوي بلحتك
مقدرش اسيب دنيتك
وأعيش وجود تاني
يا نخله ف البستان
مليانه خير وحنان
صوتك نغم ألحان
فيه عطر ريحاني
يا نخله ف وريدي
بسقيكي من دمي
فرحك د يوم عيدي
وحشاني يا أمي
مشتاق تضميني
ضمي كمان ضمي
هاتي الحنان هاتي
حضنك دوا همي
يا غاليه ف مقامك
طول عمري خدامك
والجنه يا أمي
من تحت أقدامك
وان كان مباح يا اماا
لسجدت قدامك
ربي يخليكي
يا نبع لحناني
وبالخير يراضيكي
يا نبض ألحاني
وان بوست رجليكي
ما وفيت بعرفاني
ضميني بإديكي
وامحيلي أحزاني
د انتي دوا جروحي
وانتي طبيب روحي
يا ساكنه شرياني
يا سر لحياتي
يا دنيتي وذاتي
ربي يخليكي
بدعيها ف صلاتي
يااا كل ودياني
راضع أنا هواكي
وعمري وياكي
وازاى راح أنساكي
والمولى يا أمي
راضيني برضاكي
تعيشي تدعيلي
وتونسي ليلي
لو تطلبي عمري
يا عمري أنا فداكي
وأعيش أسير دنيتك
وأبوس تراب حزمتك
ودا فخر يا ملاكي
انتي دوا الأحزان
ولا كنت يوم إنسان
يا أمي لولاكي
د المولي يا أمي
راضيني برضاكي
-
الحقونا يا عرب
استورد ملفات الشعر والأدب
ياعرب ........إلحقونا!!!!!
اسرائيل عمّالة تضرب
بيساعدها الامريكان
يا عرب قوموا الحقونا
قبل مايفوت الاوان
جم بلادنا خرّبوها
سرقوا خيرها ودّمروها
والمساجد هدّموها
وقتّلوا الاطفال كمان
يا عرب ايه اللي صابكم
فين رجالكم القوية
الترف واللهو خادكوا
لدنيا فسدانه دنيه
فين عروبتكم ودينكم
وانتصاراتكم القوية
قاطعوا طيب منتجاتهم
انصروا القدس الابيه
ثوروا حتى في الشوارع
قولوا لا للصهيونية
يا عرب ما تأخذونيش
اليهود استعبطوكوا
غموا عينكوا بالمصالح
عن حقايق توهوكوا
اشتروا بفلوس ضميركوا
وبالمصايب .... غرقوكوا
يا عرب دي هيبيتكوا ضاعت
لما وطيتوا الجبين
جم ساعتها لطشولكوا
م الشمال و م اليمين
لسه برده هاتسكتولهم
بعد لبنان الحزين
واليهود والامريكان
بالبنادق شغالين
لسه برده تفوتولهم
لسه برده مطنشين
يا عرب قوموا وفوقوا
قبل مايفوت الاوان
قولوا لا والف لا
لليهود والامريكان
اعملوا لاسلامكوا حاجه
اهزموا بيها الجبان
طلّعوهم من بيوتنا
اطردوا يللا اللي خان
يا عرب قوموا الحقونا
قبل مايفوت الاوان
-
قلبى عصفور كنارى
استورد ملفات الشعر والأدب
قلبي عصفور كناري
الجوري داري
ودوحة الأشعار
الشعبي عودي
وحروفي بارودي
وصية جدودي
(حسّان ) و(البارودي)
أصون ديني والدار
وباعرف حدودي
صابر صَبور صَبّار
أبلغ مُرادي
إيماني زادي
وِن زادوا الأعادي
ملهمش عندي أي إعتبار
ما دُمت مع الله
كيف أُبالي ؟1
ومعايّ ربي
كريم عزيز جبّار
بحب البحر
استورد ملفات الشعر والأدب
قام بنشر
و انا زيك بحب البحر
و باعشق في عنيه الزرق رحلة عمر
يناديني و اناديله
و يحكي همومه طول ليله
اتاري البحر شايل هم زيي كمان
و بنشوفه نقول خالي من الأحزان
و هو منكوي م. القهر