رسالة في ليلة التنفيذ

[رسالة في ليلة التنفيذ]

أبتاه ماذا قد يخط بنانى *** والحبل و الجلاد ينتظران

 

 

هذا الكتاب اليك من زنزانة *** مقرورة صخرية الجدران

 

 

لم تبق الا ليلة احيا بها *** واحس ان ظلامها اكفانى

 

 

ستمر يا ابتاه لست اشك فى *** هذا وتحمل بعدها جثمانى

 

 

الليل من حولى هدوء قاتل *** والذكريات تمور فى وجدانى

 

 

ويهدنى المى فانشد راحتى *** فى بضع ايات من القران

 

 

والنفس بين جوانحى شفافة *** دب الخشوع بها فهز كيانى

 

 

قد عشت أومن بالالـه ولم اذق *** إلا اخيرا لذة الايمان

 

 

شكرا لهم انا لا اريد طعامهم *** فليرفعوه فلست بالجوعان

 

 

هذا الطعام المر ما صنعته لى *** امى ولا وضعوه فوق خوان

 

 

كلا ولم يشهده يا ابتى معى *** اخوان لى جاءاه يستبقان

 

 

مدوا الى به يدا مصبوغة *** بدمى وهذه غاية الاحسان

 

 

والصمت يقطعه رنين سلاسل *** عبثت بهن اصابع السجان

 

 

ما بين اونة تمر واختها *** يرنو الى بمقلتى شيطان

 

 

من كوّةٍ بالباب يرقب صيده *** ويعود فى امن الى الدوران

 

 

انا لا احس باى حقد نحوه *** ماذا جناه فتمسه اضغانى

 

 

هو طيب الاخلاق مثلك ياأبى *** لم يبد فى طمأ الى العدوان

 

 

لكن إن نام عنى لحظة *** ذاق العيال مــرارة الحرمان

 

 

فلربما وهو المروع سحنةً *** لو كان مثلى شاعرا لرثانى

 

 

أو عاد من يدرى الى اولاده *** وذُكّرَ صورتى لبكانى

 

 

وعلى الجدار الصلب نافذة بها *** معنى الحياة غليظة القضبان

 

 

قد طالما شارفتها متأملاً *** فى السائرين على الأسى اليقظان

 

 

فأرى وجوما كالضباب مصورا *** ما فى قلوب الناس من غليان

 

 

نفس الشعور لدى الجميع وإنما *** كتموا وكان الموت فى إعلانى

 

 

ويدور همس فى الجوانح ما الذى *** فى الثورة الحمقاء قد أغراني

 

 

أو لم يكن خيرا لنفسى ان أرى *** مثل الجموع أسير فى إذعان

 

 

ما ضرنى لو قد سكت وكلما *** غلب الأسى بالغت فى الكتمان

 

 

هذا دمى سيسيل مطفئا *** ما ثار فى جنْبَىَّّ من نيران

 

 

وفؤادى الموّار فى نبضاته *** سيكف من غده عن الخفقان

 

 

والظلم باقٍ لن يحطم قيده *** موتى ولن يودى به قربان

 

 

ويسير ركب البغى ليس يضيره *** شاة اذا اجتثت من القطعان

 

 

هذا حديث النفس حين تشف عن وتمور بعد ثوان

 

 

وتقول لى إن الحياة لغايةٌ *** أسمى من التصفيق للطغيان

 

 

انفاسك الحرى وان هى أُخمدت *** ستظل تغمر افقهم بدخان

 

 

وقروم جسمك وهو تحت سياطهم *** قسمات صبح يتقيه الجانِ

 

 

دمع السجين هناك فى أغلاله *** ودم الشهيد هنا سيلتقيان

 

 

حتى اذا ما أفعمت بهما الربا *** لم يبق غير تمرد الفيضان

 

 

ومن العواصف ما يكون هبوبها *** بعد الهدوء وراحة الربان

 

 

احتدام النار في وجهه *** أمر يثير حفيظة البركان

 

 

وتتابع القطرات ينزل بعده *** سيل يليه تدفق الطوفان

 

 

فيموج يقتلع الطغالة مزمجرا *** اقوى من الجبروت والسلطان

 

 

أنا لست ادرى هل ستذكر قصتى *** أم سوف يعدوها رحى النسيان

 

 

و أننى سأكون فى تاريخنا *** متآمرا أم هادم الاوثان

 

 

كل الذى ادريه ان تجرعى *** كأس المذلة ليس فى إمكانى

 

 

لو لم أكن فى ثورتى متطلباً *** غير الضياء لامتى لكفانى

 

 

اهوى الحياة كريمةً *** لا قيد لا إرهاب لا إستخفاف بالإنسان

 

 

فاذا سقطُت سقطُت أحمل عزتى *** يغلى دم الاحرار فى شِريانى

 

 

أبتاه إن طلع الصباح على الدنا *** وأضاء نور الشمس كل مكان

 

 

واستقبل العصفور بين غصونه *** يوما جديدا مشرق الألوان

 

 

وسمعت أنغام التفاؤل ثرةً *** تجرى على فم بائع الالبان

 

 

واتى يدق- كما تعود- بابنا *** سيدق باب السجن جلادان

 

 

واكون بعد هنيهة متأرجحا *** فى الحبل مشدودا الى العيدان

 

 

ليكن عزاؤك ان هذا الحبل ما *** صنعته فى هذى الربوع يدان

 

 

نسجوه فى بلد يشع حضارةً *** وتضاء منه مشاعل العرفان

 

 

أو هكذا زعموا وجىء به الى *** بلدى الجريح على يد الاعوان

 

 

أنا لا اريدك ان تعيش محطما *** فى زحمة الألام والاشجان

 

 

إن ابنك المصفود فى أغلاله *** قد سيق نحو الموت غير مدان

 

 

فاذكر حكايات بأيام الصبا *** قد قلتها لى عن هوى الأوطان

 

 

وإذا سمعت نشيج امى فى الدجى *** تبكى شبابا ضاع فى الريعان

 

 

وتكتم الحسرات فى أعماقها *** ألماً تواريه عن الجيران

 

 

فاطلب اليها الصفح عنى اننى *** لا ابتغى منها سوى الغفران

 

 

مازال فى سمعى رنين حديثها *** ومقالها فى رحمة وحنان

 

 

أبنى إنى قد غدوت عليلة *** لم يبق لى جلد على الأحزان

 

 

فأذق فؤادى فرحة بالبحث عن *** بنت الحلال ودعك من عصيان

 

 

كانت لها أمنية ريّانة *** يا حسن أمال لها وأمان

 

 

غزلت خيوط السعد مخضلا *** ولم يكن إنتفاض الغزل فى الحسبان

 

 

والان لا ادرى بأى جوانحٍ *** ستبيت بعدى أم بأى جنان

 

 

هذا الذى سطرته لك يا أبى *** بعض الذى يجرى بفكر عان

 

 

لكن إذا إنتصر الضياء ومُزقت *** بيد الجموع شريعة القرصان

 

 

فلسوف يذكرنى ويُكبر همتى *** من كان فى بلدى حليف هوان

 

 

والى لقاء تحت ظل عدالةٍ *** قدسية الأحكام والميزان

[شعر رياضيات]

جنان قسمت قلبي *** فما إن فيه من باقي

لها الثلثان من قلبي *** وثلثا ثلثه الباقي

وثلثا ثلث ما يبقى *** وثلث الثلث للساقي

فتبقى أسهم ست *** تجزأ بين عشاقي

 

 

إني أحبك حب السين للصـاد

فأنت للعمـر تبسيـط لأعـداد

 

جمع الأحبة عندي خير مسألة

فكيف أجبر عندي كسرك العاد

 

في قسمة الله أرزاق لنا طرحت

ويضرب الله أمثـالا لمـزداد

 

جذر المحبة تربيـع لعشرتنـا

وجدول الهم عندي رائح غـاد

[الحيطه]

الحيطة

 

مــــــن كتــــــر ما بحــب الحيطة

بمشـــــــي أنــــا جنـــــب الحيطة

في الضـــــل مـــــاشي أنـا مـاشي

لا هاممنــي زحمــــــة و لا زيـطة

 

من صـــغري و انـا احـــب الحيطة

و احـــــب انـــام جنــــــب الحيطة

نـــايم و شـــــــــــايف فــي منامي

أحــــــــلامي ســــاذجــة و عبيطة

 

و الصبــــــح أمســــك طبـاشيرتي

أرســـــــم و اشخبـــــط ع الحيطة

وردة و علـــــم و قلـــــم و كتــاب

و ولــد بيلعــــــــب بــالكــــــــورة

 

لعِّيــــــب أنـا و بحيــــب اجــــوان

و لا مــــــرة بيخيـِّــب شـــــــوطة

فـــــرحان و شــــــــايف حــــواليَّا

النــــــــــاس سعيــدة و مبســوطة

 

الدنيـــــــــا كـــــــانت بالألــــــوان

و طـُــــــرُقها ســالكة و مظبــوطة

شـــــــــاطر و رايـــــــح مدرستـي

و فـ حـــــالي و لا بعمــــــل ظيطة

 

م المـــدرســــــة ع الجـــامعة أوام

و نتيجتــي مكتوبــــة ع الحيـــطة

فـــرحــت انــا و خــــدت شهـادتي

علـَّـقتها بـإيـــــــدي ع الحيــــــطة

 

النــــــــــــاس بتصرخ ليه كده ليه

و صــــــوتها عالـــــي ليه من إيه

بيقــــولـــوا فيـــــن حقوقنــــا فين

و أسئـــــــلة تــــــــانية بسيـــــطة

 

و الــــــــرد كـــــــان بأحلى طناش

عصــــــــــاية و قنبلــــة و رشاش

خـــــرطـــوم و بيـرشرش رشراش

غـــــرَّقنـي و انـــا جنـــــب الحيطة

 

تفــــــوت شهـــــــور و تعـدِّي ايام

و عينـــــــي بتفتـَّــح يــــا ســــلام

حـــاجــات كتيـــــــــر طلعت أوهام

و كـــــل حــــاجــــة مـش مظبوطة

 

الظلــــم ســــــــاد ويــا الفســـــــاد

لا ســـــاب تــلال و لا فـــات حيطة

إصـــــلاح و تغييــــــر إيـه يـا ولاد

دا كــــــــلام و ملــــزوق ع الحيطة

 

مـــــا عـــادش فيهــــا أي أمــــــان

و لا حتــــــى فـــي جــــوة الحيطة

خـــــلاص أنـــــــا قــــررت يا ناس

أسيــــــب مكــــــاني جنــب الحيطة

[الجده والقمر]

الجدّه والقمر

______________________

عادت الجدّه تنادى القمر

ينزل لحدّيها

تحلب بكفها ضيه وتزّقينا

عادت الجدّه تصحينا من السبات

لجل ماتحكى حكاوّيها

لفت حوارينا

ولمت الباقى من الجتّه اللى كانت

بتلم قلب التاريخ

والكل قاعد على حجرها

فاتح لها باب السكات

احكى يا جدّه ع اللىّ فات

احكى يا جدّه ع اللىّ مات

واللىّ باع الملحمه باسم السكات

كان ياما كان ولا زال

امنّا الغوله بتسكن الحكايات

خواجايه فى لبس ابيض

وماسكه بأيدها فرع زاتون

ولجل ما تكمل التوهه

شالت من وشوشنا العيون

والدندنه فوق الوتر

لحن بيهد الضلوع

والفرح لما بيتولد

زيّه زىّ الحزن بيجيب الدموع

نفس الحكايه من سنين

نفس الانين

لا الديك بّّيدّن

ولا الولاد نايمين

[الحرب شطاره]

الحرب شطاره

-----------

ياسرائيل الحرب مابنا

شطاره

تضربونا بالقنابل

نضربوكم بالحجاره

زى ابليس العين

لما يوم الحج كل المسلمين

بالحجاره بيرجموه

ياسرائيل ف عصركم

الامن غاب

والطفل شاب

والحزن داب

من جوه كاسات البارود

والنطفه من جوه الرحم

باعته تقول

ان مات بطل

بكره يتولد مليون بطل

وان كنتوا فاكرين انكم

انتوا ديابه

والشرع ما بنا وبنكم

شرع غابه

احنا رغم الصمت

مش هنكون غلابه

[شعر عن الفنانين]

(نجيب )علي القهوة مابين محاسيب

عينيه بتحدف ع الجهات الأربعة ..وتخيب

أستاذ حقيقي بس...... آه يازمن

مستني صاحب يدفع المشاريب

--------------------------------------

(كتاكيتو بني)

 

زغرودة في الحارة ترن

يقف الجميع .... صفّين

وزينات علي الجنبين

و (زينات ) ترش الملح تخزي العين

وترقي موكب أحبة

بالبخور والحبتين

وبحسها اللامبالي تصرخ تقول : عقبالي

وف لحظة تخلع م الإيدين

جوز الأساور للعريس

علشان ......يفك الدين..!

--------------------------------------

( الخواجة المصري )

 

كان الزمان عبيط

وكان مكرك غويط

وتطل عالشاشة البشاشة تطل من جوّة العينين

ورينا تفريقك مابين

عاشق وسنيورة ، وبين

ورق كونكان

ولّع سيجارتك يا(استيفان )

واقعد مابين المجرمين ....فنان

وف لحظة كرسي يطير

ويتكسّر قزاز ..............

يرحم زمانكم ..........أيها الناس العُزاز

 

شحات الغرام

 

طير بينا يا قلبي وما تنتهيش طيران

الدنيا من غير الأحبّة ... هوان

فاكهتها ألحانك .... وبهجتها

ساعة ما تضحك

عيونك نجمتين في الوش

اتنين حبايب وما يعرفوش الغش

الحب عندك زي ليلة صيف

وليف وحاضن جوّه روحه وليف

وزي لون الطيف

بتفرش في المدي سحر وخيال

الله عليك خيّال

وحصانك الفن الجميل..

- الحب في الدنيا سبيل..

وحشنا صوتك يا (فوزي) وانت ويّانا

صدق اللي قال إن الجمال

عمره ... قليل..!

-------------------------------------

نورماندي2

 

كل الحارات صبحت قصور

ياللي بدعت الضحك لو وسط القبور

وعينيك بعيد... لكن هنا في القلب

فنك راح يعيش ..

بتبصّ لي ..؟ واللا انت ما.... بتبصليش.!

بعدك مفيش ....

علي عكس البعض ما زعموا...

إنت الدليل علي (أمةٍ عاشت من فنها الأممُ )

-----------------------------------

الشاويش عطية

 

عمرك ما شفت الملايكة في ثياب أشرار؟

أنا شفت واحد بس كان

عايش عشان اللقمة ... وكمان (الإيجار)

لابس شاويش والخلقة بتخوّف

بس العينين مراجيح و بتحدّف هذار

عملاق في جسمه بس زي الوليد

من غير ما ازيد

ولا اجيب انا ف سيرته:

تشوفه غضبان ....حتضحك

وتستهتر بتكشيرته ....

-----------------------------------

العزيز ...عيد

 

طلّع لسانك للحياه ....

لو قلت آه .....حزنك ح يبلغ منتهاه

لكن عشان الدنيا خوّانة

وف عيشها وف ملحها لاهيين... ولهيانا

لازم تولّع في روحك

ثم تاخد قبس ...تهديه لروحك

وانت مش ندمان

رحمة ونورين علي قلبك الحسّاس

لو كنت زي الناس

كان البشر عرفوك

ملعون أبوكي يا دنية (الظالمين)

قولوا علي ناكرين جميل الفن... آمين

------------------------------------

ست الكل

 

نورك ياست الكل نوّر في الدروب

عن خمر آهاتك أنا ما عرفت أتوب

ويدوب كلامي وأغلي منه يدوب

فلاحة مصرية وعصرية

شجرة دهب ومفرّعة مواويل

وسط الهوانم .. قيصرة

واحنا صفوف بنميل

صفصافة عالية بتغسل شعرها في النيل

ومستحيل.... إن الهوي المكتوب

فوق الجبين ..قناديل

يعشق سوي آهة تهز الروح

وتعصر م العيون... مناديل

[هو من يحبك بصدق]

جزاكى الله خيرا

 

و إذا بعدت عنه شدّك

يارب نسالك القرب والتقرب

ربنا تقبل الدعاء

شكرا لكى اختى

[ديوان ضحك الربيعُ إلى بكى الديم]

موضوع رائع

جزيت خيرا

[استغمايه]

غمي عيونك سد ودانك

 

إفتح بقك

 

قول انا فين

 

الشاطر فيكو

 

يحزر فزر

 

في دقيقتين

 

والإشطر منه

 

اللي يحزرها

 

في غمضة عين

 

والإشطر خالص ما يحزرش

 

يقول انا فين

 

والإشطر أشطر

 

اللي يبص يشوف بالعين

 

انا فين ؟

 

فيه ناس

 

اختلف في الموضوع

 

وحكاوي اتقالت

 

عن مواضيع

 

والناس لا مؤاخذة

 

في زمن الجوع

 

يتعشوا كلام

 

يفطروا تشنيع !

 

فيه واحد شافني

 

بلبده ولاسه

 

في باب اللوق

 

والتاني

 

لمحني بقفصين موز

 

علي باب السوق

 

والتالت شافني

 

في كاديلاك

 

راكب مع بنتين

 

والرابع

 

شافني ف طنطا

 

بابيع

 

بلابيع ونشوق !

 

وصحافه الصاوي

 

والورداوي

 

والجمال

 

وأباظه ولاظه

 

وباقي الدلاديل

 

والأندال

 

بتأكد جدا

 

جدا جدا بالتدقيق

 

إن انا محبوس

 

وباروح يوميا

 

للتحقيق!

 

طب اصدق مين

 

وأكدب مين ؟!

 

ماهي حاجه تمخول أيها عاقل

 

وانا مجنون

 

وباكلم نفسي

 

وعقلي صراحه

 

ماهوش مضمون

 

لو كنت بلبده ولاسه

 

وماشي ف باب اللوق

 

طب إيه مشاني

 

مفلس جدا

 

جنب السوق ؟!

 

لوكنت بدأت

 

كتاجر فاكهه

 

وبقفصين ؟

 

مش كنت زماني

 

معلم طمبه

 

وجوز اتنين؟

 

لوكنت ف كاديلاك

 

زي ما قال

 

التالت بيه

 

ومعايا بنات

 

زي الشربات

 

طب ح انزل ليه ؟!

 

لوكنت يا طنطا

 

بابيع بلابيع

 

وسطل وبخور

مش كنت زماني

 

مدير على جامع

 

أو مأمور ؟

 

وصحيح الصاوي

 

والورداوي

 

والجمال

 

حابسين أفكار الناس

 

في بلدنا

 

وعال العال

 

إياك قاصدين

 

إن انا مسجون

 

زي الملايين ؟

 

كده يبقي تمام

 

ولأول مره

 

ح اقول ” صادقين “

 

بس انا لا مؤاخذه

 

وبالتدقيق

 

ماحصلشي معايا

 

ولا تحقيق !

 

مش حاجه تحير

 

طب أنا فين ؟

 

حزرتوا خلاص

 

فزرتوا خلاص ؟

 

عارفين

 

أنا فين

 

أنا ساكن قلبي ومتونس

 

بالناس

 

والناس الونسه كتير

 

ماليين القلب

 

وشاغلينه

 

سارحين في الدم

 

وفي التفكير

 

وجناين قلبي العمرانه

 

بالناس

 

الأزهار

 

العصافير

 

سايعاني

 

وسايعه اللي باحبه

 

وتساعي معايا

 

رفاقه كتير

 

شايفين انا فين ؟

 

الشاطر فيكو

 

يحزر فزر

 

في دقيقتين

 

والأشطر طبعا

 

حيحزرها

 

في غمضة عين

 

أنا …… فين ؟

[التبيان في اداب حملة القران]

فى ميزان حسناتك

جزاك الله خيرا

[نجدد الدعاء بالله عليكم]

امين يارب العالمين

اللهم تقبل منك اختى الارام

[طاطى]

طاطي رأسك طاطي طــــاطي

 

 

أنت ف وطن ديمقراطـــــــي

 

 

أنت بتنـــعــــم بالحــــــــــرية

 

 

بس بشرط تكون مطاطــــــي

 

 

***

 

 

لما تكون شغــال بذمــــــــــة

 

 

خايف على مصــلحة الأمــة

 

 

شغلك يطلع من غير لازمــة

 

 

علشان مبيعلاش غير واطي

 

 

طاطي راسك طاطي طاطـــي

 

 

أنت ف وطن ديمـــــقراطي

 

 

***

 

 

لما حاميها يكون حراميــها

 

 

وبلاده ورا ضهره رامـيـها

 

 

طالع نازل واكل فيـــــــــها

 

 

مسنود بالبدلة الظباطــــي

 

 

طاطي راسك طاطي طاطـــي

 

 

أنت ف وطن ديمـــــقراطي

 

 

***

 

 

لما

 

شــقاك يصــبح مش ليك

 

 

فقرك سد السكة علــــــــــيك

 

 

تتلفّت تلــــقى حـــوالـــــــيك

 

 

إما حرامي و إما عقــــاطي

 

 

طاطي راسك طاطي طاطــــي

 

 

أنت ف وطن ديمقراطـــــــي

 

 

***

 

 

لماتلاقي بـــــلاد الـدنـيـــــــا

 

 

فيها البني آدم حــــاجة تانية

 

 

وأنت في الطبقات الـــــــدنيا

 

 

قرد مسلسل أو وطواطــــي

 

 

طاطي راسك طاطي طاطـــي

 

 

أنت ف وطن ديمقراطــــــي

 

 

***

 

 

لما الجهلة يبــــــقوا أمــامــك

 

 

أو فوقك ماسكــين ف زمامك

 

 

ويسوقك ع الهــلكة إمامك

 

 

تشرب م السم السقـــــراطي

 

 

طاطي راسك طاطــــي طاطي

 

 

أنت ف وطن ديمقـــــــراطي

 

 

***

 

 

لمــــا الكلـــمة تكون بتدينـك

 

 

لما تخبي ف قلـــــــبك دينــك

 

 

لما الذل أشوفه ف عيـــــــنك

 

 

هات إحباطك على إحباطــــي

 

 

طاطي راسك طاطي طاطـــي

 

 

أنت ف وطن ديمقراطــــــي

 

 

أنت ف وطن ديمقراطـــــــي

[ده شيعة واحنا سنة]

ده شيعة واحنا سنة التضليل

دا شيعه

واحنا سنه

دا فين ومصر فين !

عايزين يدخلونا

نظام ودنك منين

وناس تقول شيوعي

وعامل نفسه شيعي

عشان خايفين طبيعي

ليبقوا ثورتين

 

 

يا أسيادنا اللصوص

قرينا ف النصوص

لو الإنسان يلوص

يغوروا الفرقتين

 

وشفنا ف الكتاب

ولقينا الدين حساب

وثورة وانتساب

وعين تساوي عين

 

وسرقتوا الثورة منا

وقلتوا الصبر منّه

وعقب الصبر جنّه

وباب بمفتاحين

 

ودان المَلُك ليكو

وزاد الفجر بيكو

وعملتوا اسلامين

وكفرتوا الامام

وطفشتوا الحمام

وخلاصة الكلام..

 

يزيد ولاّ الحسين !??

[دقيقة ..أذكار]

جزاكى عن كل حرف الف خير

[رسالة الي صديق]

طبعات مش حقول حاجه بعد اللى اتقال

لحسن يتغر

بجد الله اكبر

ربنا يزيده

شكر لك رجل الصحران

[من قال إن النفط أغلى من دمي؟ !]

شكرا اخى

بارك الله فيك

[ضاع العمر بغلطة]

رائع الموضوع اختى بنت مصريه

فى مثل مش عارف ليه عايز اضيفه

لو صبر القاتل على المقتول كان مات لوحده

[على باب النبى]

كـُــلــُّـه ولا ســِــيـدنـا النـَّبـي

الأرض تصرخ

والمنـابـر تـشـتـكـي

والـروح بـتـرخـص

والرجـــولة تِـنـْـتِـخِــي

تــبـَّتْ أيـــادي - تـِرْسِـــمُـه-

وشـــــاهـت وجـــوه الـمـعـتـدي

كــــــــــله ولا ســـــيدنـا النـبـي

- - -

مســــــــلـم أنــا

واســـمـع كـــــلامــي

يـا صـــبِـيَّـة ويـا صَـبـِي

إن كـُــنـْت غــــربـي

أو كـــُنـْت شــــرقــي

أو كــان لـســـــانـك يـَــعـْــُربـــِي

صَــلِّي عــلي - طــــه - الحــبـيـب

وامـــشـي فـي دربـُه تـِهـْتـِدِي

كـــــله ولا ســـيـدنـا الـنـَّبـِــي

- - -

مــوســي نـبـي وعـيـسـي نـبـي

و-الـمـصـطـفـي- آخـــر نـبـي

وإحــــنـا بـِنـُؤمــــن بـالـرســــل

وإحـــــنـا بـِنـؤمن بـالـمُـثـُل

ونحـــتـرم كـــل الكـــتـب

ولا عــُمـْرِنــا فـَرَّقـْــنـــَا بـِـيـن

أول نـــبـي وآخـــر نـبـي

كُـــــله ولا ســــــيـدنــا الـنـبـي

- - -

يـا أمــِّتـِي داوي جــــراحـــك

وإكـْســــري قــــيـود السَّــبـِي

يـا أمِّـــتـِي صُــبِّـي نـِيــرانـــك

ثــــوري - لطــه - واغـْضَــبـِي

يا أمِّــتـي ضُـــمِّـــي عـِــيــالـــك

واصــرخِـــي بـوجــه الـغـــبـي

الـلـي رســــم صُـــورة - مـحـمـد-

حـــــاقــد واصـلُـه رَدِي

كــــلـه ولا ســــيـدنـــا الـنـبـي

- - -

مـُسـْـــلـم أنـــَا

مِــتـْـربِّــي عــلـي حـُب الـنـبـي

قــــرآني دســـتـُـوري

والكـــعـبـة قــبـلــة

والـفـضـــيـلـة مــذهــبـي

كـُلِّ الـبــشــر عــنـدي ســــواء

ولا فــرق بــيـن صِـيـنـي وكـِيـنـِـي

ولابــيـن أمـيـركــي أو بـِنـِيـنـِي

أو حــتـَّي عـــربـي يـَـثـْـربــِي

الفـــرق فــي قــــدر الإيــمـــان

قــدر إحـــتـرامــه لـلـنـبـي

كـلـه ولا ســـيـدنـا الـنـبـــي

- - -

مسلم أنا

أعبد إله واحد أحد

رفع السما من غير عمد

أرسل نبينا بالرسالة

نور وهداية للأبد

مسلم أنا وبصوم وصــلـِّي

مسلم أنا أضحك وغني

مسلم أنا وبحب ديني

مسلم أنا وبحب فــَنـِّي

مسلم أنا وبحب غيري

مسلم أنا أحسن في ظني

مسلم أنا

وبعيش حياتي حسب الشريعة

الفرض فرض والسُنــَّة ســُنـَّة

مسلم أنا وبخاف جهنم

مسلم أنا طمعان في جنة

مسلم وعاشق للحياة

أمـــَّا الشهادة مطلبي

كــله ولاسيدنا النبي

- - -

مسلم أنا

دستوري قرآني

مسلم أنا ونبيِّ سلطاني

مسلم أنا والسلم عنواني

مسلم أنا في الحق تلقاني

مسلم أنا والصدق في لساني

مسلم أنا والعيبة تعصاني

مسلم أنا عــِزِّي في إيماني

أنهي عن المنكر

وأدل ع المعروف

وأبدر تقاوي الخير

مطرح ماعيني تشوف

عمري ماخاف الموت

من ربي بس الخوف

في الحق مارضي السكوت

لو قطــَّعتني السيوف

وإن شفت ضيم أبكي

وبكايا إنساني

كله ولاسيدنا النبي

- - -

واقف علي باب النبي

وقفة يتيم الأم

حاني الضلوع للأرض

أفرد كــفـوفي وضُـم

والدمع مالي العين

والآه بتطلع ســـُم

قوم يارســـول الله

قوم ياحبيبي قــم

قوم يارســـول الله

إنظر إلينا وطــُل

قوم يارســـول الله

هجموا علينا الكل

قوم يارســـول الله

شــتـِّتْ رياح الذل

قوم يارســـول الله

الأُمة حالها يغم

قوم يارســــول الله

وإدعي لرب العباد

نصره علينا يهل

- - -

مـَســْـــري –النبي-

في الأرض بيعــاني

والأقصي ينده يارســول الله

أذَّن أذان الفجــــر

قوم إم الصــــلا ة تــــاني

وإقرأ تبارك وســـبـِّح ربنا الأعلي

وإدعي ف سجودك

يهلك الجاني

صهيون طغي في الأرض وتكبـــَّر

يقتل ويسحل ويتعالي ويتجــبـَّر

أطفال نــِســا وشيوخ يا وِلــداه

صـــبـَّر قلوبنا ياعزيز صبــَّر

والأمة لاحول ولا قوة

الجرح نازف والصديد جوة

أولادها في بحر الشتات تاهــوا

والغازي ساكن في الديار جــوة

- - -

أسفي علي الأمة

مش قادرة تــتــوحــد

زي السحاب في السما

كل أمـــــَّا قلنا إتلم

يبعد ويتبدد

أحزانها مالها حصر

تخلص وتتجدد

شاطرة بتسحل عيالها

لكن مع الأجنبي بتلين وتتودد

تنهش ضلوعها الضباع

وهـِيَّ زي الغـــزال

تصرخ وتتنهــــد

كل الأمم في السباق

نازلة بترمح رمح

وغيرنا يصنع صاروخ

وإحنا بنصنع رمح

وغيرنا يركب سفن

وإحنا بنحــْبـِي حـَبــِي

كله ولا سيدنا النبي

من يوم م نامت سيوفك

يارسول الله

وعــشـقـنا حـب المظاهر

وغــوينــا حب الجاه

ورْضِــينا حكم العواهــر

ونسينا حكــم الله

وعجـَبْنا صوت الغــــواني

وكرهــــنا صوت الصلاة

غـزتـنـا خـــيــل المغــول

ولعــبـوا بينا الزنـــاة

- - -

لسه دعاة التحرر

والمفسدين فينا

بيغــنـوا للغازي

ويقولوا حــامــيـنــا

ويمجدوا الأنجاس

ويعــيـبــوا ماضينا

ويقولوا ع المسلم

جافي وإرهابي

ياكــدَّابــيــن العصر

يانسل سنجابي

مش دي جيوش الغزاة

واقفة علي بابي

اللي بينهب خيري

ويــذل أحــبــابــي

واللي يسب النبي

ويدنس كــتــابــي

واللي بيكره قبلتي

ويسعي في خرابي

فين الحضارة يابشر

راح تفلت أعصابي

واللي نوي لي الشــر

راح يلقي مني شر

وحيوجعه نابي

- - -

يا دجالين العصر

مين اللي فينا بيفهم

ومين اللي فينا غبي

باب الكلام إنتهي

وفتحنا باب النبي

كــــــله ولا ســــيدنا النــــــــــب

[طقوس]

صابح على كل الوجع

دمعة بُكاك

لسّه بتمارس طقوسك

وتهد جواك الهزيمه

تلحم طوفان النبض …

فى حلقة خلاصك

حلمك المشنوق على جدار المسافه .. يعذبك

بين حزنك اليومى .. إعتقال

زهو السؤال …..

ليه صوتك المعلوم خرس

وإنت إللى واقف ….

ع الألم آهه

تستنى من غيرك إجابه

مع إن دهشة نظرتك

شايفه الروافد كلها

ف إختار لنفسك إتجاه

إنسلخ جوّاك هدايه

ل ميت طريقه تخلصك

م الصمت مرّه تحجمُه

دوّب كلامك جوّه ريق الألسنه

وإشهر على مد البصر

سيف الحقيقه …. أستأذنك

لسّه ف ملامحك دايبه روحى

رجعها فيّه تخصنى

[يا كلمه الحق]

يا كلمة الحق قولى للظلم لئة وألف لأ العدل خيله انطلق ليل الضلام انشق هدى جدار المحن يدخل جراده الشق يا كلمة الحق قولى للظلم لئة وألف لأ عدى خيولك للسبق قومى انصرى المظلوم وامحى جدار الخوف ولا يبقى فيه مهزوم واللى طريقه الحق مهما انكسر حيقوم يا كلمة الحق قولى للظلم لئة وألف ل

[واخد على خاطرى]

واخد على خاطري من موج البحر الثاير عامل فِ عيالى كباير إتسلل تحت الشمسيه جرجرهم واحده ورا واحد إلحقنا يا واحد الموج بيلف بعيالى البحر دواير لاففهم على راسه طاقيه عاملهم خُصله و ضفاير إلحقنا يا واحد ما فاضلش منهم ولا واحد واخد على خاطرى واخد على خاطرى من العيد كان ليله فضي بيلمع .. بقى اسود مراجيحه كانت لابسه ملون .. فستانها كمان بقى اسود حلابسه ولعب البسه والبمب وزغاريد العيد .. مع موجه واشرف وسعيد عياله الفرحانه حزينه .. واحنا من الهم أدينا .. لابسين اسود واخد على خاطرى واخد على خاطرى منى .. لإنى لابس م الدوخه جلابيه اكبر م الجته سقعان جواها .. الراس .. تايهه فِ الكُم والرجل بتكعبل فِ الديل جوه الجلابيه الواسعه عليل .. مندوه خايف بيقولوا الوسع طراوة لكن وسع الجلابيه علىّ .. جبّانه واخد على خاطرى

[الليلة الاولى من الزواج.........]

بالنسبه انك داخل على جواز ايه الظروف

[قصيده على اسم مصر]

 

ولما زماني رماني عليل

 

نسيت كل شيء عن حبيبي الجميل

 

لكن هو أبداً

 

انا مانساهوش

 

نسيت مشيته وصوته كان شكله إيه

 

ورسمة شفايفه

 

ولمسة إيديه

 

نسيت نظراته

 

نسيت لون عينيه

 

وقوس الحواجب وسهم الرموش

 

لكن هو أبداً

 

انا ما انساهوش

 

نسيت إسمه وحكايته وعرفته فين

 

وعشنا سوى العمر

 

والا يومين

 

وكان م البشر

 

والا طير بجناحين

 

نسيت حتى كان له وجود أو مالوش

 

لكين هو أبداً

 

أنا ما انساهوش

 

قطعوا الأغاني وطارت نشرة الأخبار

 

دارت على كل دار في الكوكب الدوار

 

يا حاضرين اعلموا الغايبين بأنه في مصر

 

اتغير الاسم منذ الآن فأصبح .. مصر

 

ضحك التاريخ ضحكته المشهور بها واندار

 

ودخل مناقشة مع الجغرافيا عما صار

 

هل نعترف بالبيان اللي أذيع العصر

 

أم ننتظر مصر تطرد اسرائيل بالقسر

 

وساعتها تحصل بكل جدارة يوم النصر

 

على اسم مصر

 

 

على اسم مصر التاريخ يقدر يقول ما شاء

 

أنا مصر عندي أحب وأجمل الأشياء

 

باحبها وهي مالكه الأرض شرق وغرب

 

وباحبها وهي مرميه جريحة حرب

 

باحبها بعنف وبرقة وعلى استحياء

 

واكرهها وألعن أبوها بعشق زي الداء

 

واسيبها واطفش في درب وتبقى هي ف درب

 

وتلتفت تلقيني جنبها في الكرب

 

والنبض ينفض عروقي بألف نغمة وضرب

 

على اسم مصر

 

 

مصر النسيم في الليالي وبياعين الفل

 

ومرايه بهتانة ع القهوة .. أزورها .. واطل

 

القى النديم طل من مطرح منا طليت

 

والقاها برواز معلق عندنا في البيت

 

فيه القمر مصطفى كامل حبيب الكل

 

المصري باشا بشواربه اللي ما عرفوا الذل

 

ومصر فوق في الفراندة واسمها جولييت

 

ولما جيت بعد روميو بربع قرن بكيت

 

ومسحت دموعي في كمي ومن ساعتها وعيت

 

على اسم مصر

 

 

مصر السما الفزدقي وعصافير معدية

 

والقلة مملية ع الشباك .. مندية

 

والجد قاعد مربع يقرا في الجرنال

 

الكاتب المصري ذاته مندمج في مقال

 

ومصر قدامه اكتر كلمة مقرية

 

قريتها من قبل ما اكتب اسمي بإيديا

 

ورسمتها في الخيال على أبدع الأشكال

 

ونزلت أيام صبايا طفت كل مجال

 

زي المنادي وفؤادي يرتجف بجلال

 

على اسم مصر

 

 

رحـيـلاً رحـيـلاً بغيـر هـوادة

 

رحـيلاً فإن الـرحـيل سعـادة

 

عبادة

 

إرادة

 

سيادة

 

ولادة

 

رحـيـلا .. إلى أين لـيس يـهـم

 

ولـيس يـهـم بأي وسيـلة ..

 

أجيـراً بلقمـتـه في البـواخـر ..

 

عـلى واحـد من جيـاد القبيلة ..

 

على مقعـد في ذرى الجـو فـاخـر

 

وتمـلأ الكـأس بنت جمـيلة ..

 

على قدمي .. أو بفكري .. أهاجر

 

أبادر

 

أغادر

 

أخاطر

 

أسافر

 

ولـكـن إلى أيـن .. لـيس يـهـم

 

إلى حيث لا تعبـر الأفـق شمس

 

إلى القـطب .. أو حلقة الاستواء ..

 

إلى حـيث يـسمـع لـلجـن همس

 

إلى بـاطـن الأرض أو في الـفضـاء

 

إلى مـرفـأ الغـد .. أو أرض أمس

 

أرى كل شيء ومن أين جاء

 

وافعل ما قاله القدماء

 

من الفقراء

 

أو الحكماء

 

أو الأمراء

 

أو الأشقياء أو البلهاء فليس يهم

 

لقد قيل وهو الكلام المهم

 

اللي يعيش ياما يشوف

 

واللي يمشي يشوف اكتر

 

 

شفت الجبرتي بحرافيش الحسين وبولاق

 

بان البلد ماشي زي النمس في الأسواق

 

بالفلاحين ع المداخل من بعيد وقريب

 

بالأرنؤوط بالشراكسة بكل صنف عجيب

 

مترصصين سور رهيب مزراق في ريح مزراق

 

كأنهم لا بشـر ولا خلقـة الخـلاق

 

ومصر فلاحة تزرق بين رقيب ورقيب

 

من غير أبو الهول ما ينهض ناهضة شايله حليب

 

والصبح بدري الجبرتي ينام وقلمه يسيب

 

على اسم مصر

 

 

مصر اللي عمر الجبرتي لم عرف لها عمر

 

وطلع لقاها مكان مليان عوام وزعر

 

جعيدية غوغاء يجيبوا تملي وجع الراس

 

وخليط أفارقه هنادوة روم ملل أجناس

 

والترك في القلعة والمماليك خدودهم حمر

 

كان عمرها ستلاف سنة .. كلها سنين خضر

 

بس الزمان يختلف زي اختلاف الناس

 

ناس تبني مجد وحضارة وناس بلا احساس

 

وناس تنام لما يزحف موكب الأحداث

 

على اسم مصر

 

 

أنا اللي اسمي حتحـور .. أنا بنت رع

 

مثـال الأمـومـة ورمـز الحـنـان

 

تفـيض حـلمـاتي وتمـلا الـتـرع

 

وتسـقـي البـشـر كلهـم والغـيـطان

 

 

أنـا ربـة الحـب حتـحـور أنـا

 

أنـا السيـدة المـنـجدة المـغـرميـن

 

وكـم مـن محـب ف هـواه انـضـنى

 

دعـاني وطيـبـت خـاطـره الحـزيـن

 

 

أنـا طـيبـة انمـا طـبـعي صـعـب

 

وديعـه .. ولـو ثـرت بـطشـي مـهـول

 

ما اشـوفش اللي قدامي لو ألف شعب

 

أدوسـهـم وتجـري دمـاهـم سيـول

 

 

ويـوم رع ما فـات بسنـاه في السـما

 

وكل العيـون خايفـة تنـظر اليـه

 

وجـالـه القمـر خلقتـه معتـمة

 

وعـدى قصـاده .. وضـلم عـليه

 

 

يا ويـل الـلي فتـح في ابـويا العـظيم

 

يا ويل من تطاول يا ويل من ضحك

 

يا ويـلك يا مصـر مصيرك الـيم

 

أنا اللي اسمي حتحور انا ح امسحك

 

يحـاول يهـديني رع ما اسمـعـوش

 

وادمـر واطـيـح في البلاد والعبـاد

 

أنـا الـطيبـه .. كنت زي الوحـوش

 

سفـكـت دماء البـنـات والـولاد

 

 

دبـحت المحبـين في عـز القبـل

 

هـدمت المعابد على المنشدين

 

قلبت على النحـاتين الجبل

 

حرقت الغيـطان هم والفلاحين

 

 

لحد ما رع نـادى ع الآلهة

 

وقال صـبوا في النهر كل النبيذ

 

وشفت الميـاه حمرا ومزهزهة

 

وظنيتها دم الضحايا الـلذيذ

 

 

شربت انتقامـاً شربـت شربـت

 

وأنا بالـعن المفتـري والغبـي

 

وحبـة بحبـة عن الوعـي غبت

 

ونمت على النيل في ضي أبي

 

 

وقمت .. بكيت من فؤاد أم ثكلى

 

ونهنهت فوق صدر مصر العريض

 

على العالم المبدورين جنبي قتـلى

 

وكان دمعي ينصب في النيـل يفيض

 

 

واقول ليه يا مصـر ولادك كـده

 

يا إمـا المذله يا يتـجبـروا

 

يا خوفـي يا فـرحة قـلوب الـعدا

 

ويا نـدمـي لو ما يتغيـروا

 

 

ومن يـومها والنيـل في نفس المعاد

 

يفيض كل عام قبل فصل الخـريف

 

بلون حمرة الـدم يملا البلاد

 

ويملا النسـأيـم بعـطر مخـيف

 

 

بعطري أنا الـلي اسمي حتحور أنـا

 

وعـطري مخـيف وحـنون وطـري

 

يفـرح بس مـرة في كـل سنة

 

ويهمس يا مصر اذكـري .. واحـذري

 

 

نهايته يا مصر اللي كانت أصبحت وخلاص

 

تمثال بديع وانفه في الطين غاص

 

وناس من البدو شدوا عليه حبال الخيش

 

والقرص رع العظيم بقى صاج خبيز للعيش

 

وساق محارب قديم مبتورة ف أبو قرقاص

 

ما تعرف اللي بترها سيف والا رصاص

 

والا الخراب اللي صاب عقل البلد بالطيش

 

قال ابن خلدون أمم متفسخة تعيش ليش

 

وحصان صهل صحى جميع الجيش

 

على اسم مصر

 

 

حصان عرابي جميل حصان عرابي أصيل

 

حصان عرابي رشيق ديله طويل

 

يسهر مع الخيل طول الليل يتكلم

 

ويقول أراء رغم إنه ماكانش متعلم

 

ويقف في عابدين وياخذ زاوية البروفيل

 

للرسامين يرسموه ونشوفه جيل ورا جيل

 

ويعدي كالريح على المجاريح ويسلم

 

وحافره ع الصخر في التل الكبير علم

 

ولما صابه انفجار القنبلة اتالم

 

على اسم مصر

 

 

والمس حجارة الطوابي وادق بكعابي

 

يرجع لي صوت الصدى يفكرني بعذابي

 

يا ميت ندامة على أمة بلا جماهير

 

ثورتها يعملها جيشها ومالها غيره نصير

 

والشعب يرقص كأنه عجوز متصابي

 

إنهض من القبر احكي القصة يا عرابي

 

يطل لي رافع الطهطاوي م التصاوير

 

شاحب ومجروح في قلبه وجرح قلبه خطير

 

وعيونه مغرورقين بيصبوا دمع غزير

 

على اسم مصر

 

 

مالك سلامتك بتبكي ليه يا طهطاوي

 

قال لك عرابي .. انكسر بسلاح أوروباوي

 

وسلاح أوروبا ماهواش المدافع بس

 

ده فكر ناقد مميز للثمين والغث

 

قلناها ميت ألف مرة ألف مرة بصوت جهير داوي

 

 

بس الحماقة لاليها طبيب ولا مداوي

 

ولا حد م الخلق بالخطر اللي داخل حس

 

الغفلانين اللي خلوا العقل صابه مس

 

قالوا الخطر هو فكر أوروبا لو يندس

 

على اسم مصر

 

 

أحسنت في القول صحيح يا ولد يا متنبي

 

جبت اللي جوه الفؤاد عن مصر متعبى

 

وحكمت بالعدل لكن بعضنا انظلموا

 

" يا أمة ضحكت من جهلها الأمم "

 

العلم كان عندنا من صغره متربي

 

لكنه هاجر وعدى البحر متخبي

 

لما الإيران هجموا ثم اليونان هجموا

 

ثم الرومان دمروا ثم التتار هدموا

 

ثم الجميع كل واحد جه مسح قدمه

 

على اسم مصر

 

 

أيها الديك رفيع الموضع

 

يا صفيحاً فوق مسمار يدور

 

صف لنا فعل الرياح الأربع

 

قل لنا .. لو كنت تدري ما يدور

 

 

قال صه . فالآن ريح الشرق جاءت

 

تحمل الضوضاء من سوق المزاد

 

وتغني دون لحن كيف شاءت

 

أنا ريح الشرق أدعى شهرزاد

 

 

أنا أحكي ثم أحكي ثم أحكي

 

وأمامي السيف كالعشب يميل

 

وبكائي يتساوى مع ضحكي

 

طالما كان بأسلوب جميل

 

 

ثم ها قد أرسل الغرب رياحه

 

تزكم الأنف برائحة عجب

 

وتغني كبغى في مناحة

 

أنا ريح الغرب لوني كالذهب

 

 

أنا صفراء برمل الصحراء

 

أدفن الخضرة تحتي دون رحمه

 

أوصدوا الباب بوجهي الحقراء

 

حسنا فلتصبح القرية فخمة

 

 

ثم ها قد اقبلت ريح الجنوب

 

بدخان الدهن تسري عابقة

 

وتغني انني أدعي الهبوب

 

أنا سوداء كبئر المشنقة

 

 

أنا سوداء كأفعى هائلة

 

كرماد النوم ينثر في العيون

 

كالعرايا في المروج الموحلة

 

سعداء .. تعساء ..يرقصون

 

 

وتأنى برهة ديك الصفيح

 

يلقط الأنفاس وهو يترنح

 

دائراً دورته مع كل ريح

 

وأخيراً صاح كالأسد المجنح

 

 

هللويا ..أقبلت ريح الشمال

 

في غلالات رقاق راعشه

 

وهي تشدو بحنو ودلال

 

ها أنا ريح الشمال المنعشة

 

 

إنني وردية مثل العسل

 

ديدمونا .. هكذا يدعونني

 

قد عبرت البحر يحدوني الأمل

 

لعطيل أسمر ..

 

يخنقني !

 

 

ومضى ديك الرياح في دعه

 

من يمين ليسار يتذبذب

 

وبدا اضحوكة وإمعه

 

وهو مصلوب شهيد يتعذب

 

 

وعلى رأي المثل

 

الديك الصفيح

 

بيدوخ ويا الريح

 

والديك الصفيح

 

م البيضه بيصيح

 

ويقول بالصريح

 

الفكر فوق في الشمال يا الله الحقوه يا ولاد

 

لحقوه ولاد من ولاد الأغنيا الأسياد

 

وهم راجعين رموه في الباخرة في البحر

 

ونزلوا حكموا في ظل الانجليز والقصر

 

ومصر في الشمس بتغربل كلام منعاد

 

عن ابن بنت ابن حنت وطارق ابن زياد

 

والانجليز راضية بالخطباء وخطب الفخر

 

خطيب يهز الرؤوس وخطيب يهز الخصر

 

وخطيب يموت موتة الأبطال قتيل القهر

 

على اسم مصر

 

 

والانجليز معجبين بمراسم التأبين

 

مات مصطفى كامل اتملت البلد صواوين

 

والمشرقين شوقي جابهم لجل يبكوا عليه

 

آه لو عرف هم إيه دلوقت وبقم إيه

 

المشرق الأولاني هو شعب الصين

 

هزم التخلف بتنظيم اشتراكي رصين

 

تنظيم يروح اللومان على طول كده برجليه

 

والمشرق التاني ينحط الحديد في إيديه

 

مليون شهيد يعني ثورة تخض شوقي بيه

 

على اسم مصر

 

 

هل مصر موميا جميلة صورتها فوق النعش

 

يعشقها مجنون ينادي عليها ولا تطلعش

 

هل مصر نار صفصفت والنفخ فيها محال

 

والأرض نشعت على رمادها استحال أوصال

 

سألت أنا الرافعي كان عجٌز ولا بيسمعش

 

لكن عينيه كانوا يحكولي قصص ما اشبعش

 

يقولولي ماتخافش مصر بخير وعال العال

 

مصر الجبرتي ومصر الرافعي حال غير الحال

 

انظر محمد فريد أعظم وأرقى مثال

 

على اسم مصر

 

 

خذ الكتاب في يمينك وانظر الترقيم

 

عند المحبة وعند الموت في حرف الميم

 

تلقى محمد فريد بينهم مقيم ع العهد

 

وتلقى وجهه المدوٌر زي قرص الشهد

 

مليان حماسة وكياسة وجدعنه وتصميم

 

على إيه مصمم؟ .. يسهٌم زي كل زعيم

 

ويقول على الثورة اللي وأدوا ثورته في المهد

 

أنا بابني في السر شيء صعب المنال كالفهد

 

على اسم مصر

 

 

محلول مركز من السكر في كباية

 

وف قلبه خيط يتلضم حباية حبايه

 

سكر نبات بللورات الماظ بتضوي ضي

 

وتفضل الألماظات تكبر شوي شوي

 

لحد ما العقد يبقى في الجمال غايه

 

ده الحزب في الشعب نضرب به المثل آيه

 

الصلب والسايل الاثنين سوا ياخي

 

تنظيم محمد فريد في كل قريه وحيٌ

 

بللوره بتشع بالثورة اللي يومها جيٌ

 

على اسم مصر

 

 

العقد الماظ ورقبة مصر لايقاله

 

ضيٌع فريد كل أرضه عليه وأمواله

 

وفجأة حاكموه ويالله نفوه عن الأوطان

 

وحرب عالمية أولى ووفد م الأعيان

 

وثورة والانجليز انحطوا وانشالوا

 

مين اللي نظٌم فلول الشعب ده بحاله

 

ازاي جميع البلاد تنهض في نفس الآن

 

القاهرة اسكندرية منفلوط اسوان

 

وبعيد يا ولداه فريد مرمي وحيد شرقان

 

على اسم مصر

 

 

السيمفونية اسمها الثورة على المحتل

 

سنة تسعتاشر اتعزفت في كل محل

 

تأليف محمد فريد ألفها من سنوات

 

وكتب لها النوتة بوق وبيانو وكمنجات

 

عزفوها من غير قيادته وجمعهم ما اختل

 

غير وقت صرف الأجور لما النفر ينذل

 

من وقتها وغلوشت نغمات على نغمات

 

وسعد زغلول زعيم مشغول في الانتخابات

 

يخطب ويضرب يابده يطبع البصمات

 

على اسم مصر

 

 

وف أوضة عريانة فيها كل شيء بردان

 

رقد فريد وحده بالحمى والهـذيان

 

وقام وقف ع السرير في تلج المانيا

 

ينده يا مصر اسمعي اللي مفاق الدنيا

 

ووصيتي الثورة لاشتراكية والبنيان

 

ثورة بحق وحقيق مش حركة م الأعيان

 

ماتغمضوش عن وحوش الغرب ولا ثانية

 

ح تروح وحوش لنجليز تطلع وحوش تانية

 

وسقط ونطق الشهادة ونظرته الحانية

 

على اسم مصر

 

 

 

 

 

 

الجزء الثاني

 

 

أنا الذي مشيت ادوٌر باشتياق وحنين

 

على مصر .. والمشي خدني من سنين لسنين

 

لحد ماسنيـنهـا وسنـيني بقم واحد

 

وعاصرتها يوم بيوم لم فاتني يوم واحد

 

وحضرت شاهد عيان مولد وموت ملايين

 

مازعلت من كلمة قد البركة في الجايين

 

مين هم دول يا جدع .. ما توحد الواحد

 

البركة فينا وفي السامعين بالواحد

 

أنا قلتها بنرفزة .. من غيرة الواحد

 

على اسم مصر

 

 

مصر الرمال العتيقة وصهدها الجبار

 

والنيل كخرطوم حريقه وحيد في وسط النار

 

في إيدين بشر نمل رايحه وجاية ع الضفة

 

فيهم مطافي وفيهم كدابين زفة

 

وفيهم اللي تعالى وقال أنا حكمدار

 

وكل باب م البيبان مقفول على اسرار

 

وكل سر بحريقة عايزة تتطفا

 

من أهلي تندهلي وتقوللي تعا اتدفا

 

أنا اللي عمري انكتب إلى يوم ما اتوفى

 

على اسم مصر

 

 

على اسم مصر ارفعوا الانخاب واملولي

 

شدوا الوتر ع القمر يا شباب وغنولي

 

نسكر على حبها بالفن والاحساس

 

نسكر ودمع الحماس يملا لنا تاني الكاس

 

احنا يا حلوه الفدا بس اطلبي وقولي

 

يا سمره بعيون كده وسنتك لولي

 

وغنوه الحب تعلا ويسمعوا الحراس

 

يصفروا ويحضروا بفرقة طبول ونحاس

 

ويتقفل سجن مصر امام عيون الناس

 

على اسم مصر

 

 

والمطبعة تدور وتخطف كل إيد منشور

 

عيش لسة م الفرن طالع ريحته ريحة النور

 

يا فلاحين يا جنود يا طلبة يا عمال

 

عدوكم حلف لاستعمار ورأس المال

 

عاش الطريق لشتراكي قوم يا شعب وثور

 

وحكمكم حكم اقطاعي عميل مأجور

 

عاش الكفاح بالسلاح إلى القنال يا رجال

 

خلوا حياه لنجليز المستقرة محال

 

والشمس نامت ليلتها وفكرها شغال

 

على اسم مصر

 

 

القاهرة في اكتئاب والأنس عنها غاب

 

من عتمة تدخل لعتمة كأنها ف سرداب

 

أو قرية مرمي عليا ضل هجانة

 

الحظر م المغربية بأمر مولانا

 

ومصر في الليل بتولد والبوليس ع الباب

 

صبية ولاٌدة يابا ولحمها جلاب

 

طلع الصباح زغرطت في السكة فرحانه

 

على كتفها مولودتها لسه عريانه

 

وف لحظة كانت جميع الدنيا دريانة

 

على اسم مصر

 

 

على كتفها مولودتها وتجري وتنادي

 

ياولادي من يوم ميلاد الأرض ياولادي

 

ينهض لها امحتب بدواه يقويها

 

وبنتاؤر ينشد الاشعار يهنيها

 

وسعد زغلول يكح يزلزل الوادي

 

وعرابي يهمس ومصر ترد بتمادي

 

تقوله آه برضه ثورة جيش وح احميها

 

بالدم بالروح بكل حياتي ح افديها

 

اما الأسامي معنديش غير اسمها

 

على اسم مصر

 

 

مولودة كبرت وشبت في تلات تيام

 

من هبة هبت .. لثورة لبت الاحلام

 

والعرش عام راح ايطاليا بعيد ورا البراميل

 

يا هلترى دي حقيقة والا وهم جميل

 

ومصر من إمتى كانت حظها بسام

 

ظهر قميص العرق متشمر الاكمام

 

أنا شفته عقلي برق وبدأ لصاحبه يميل

 

نقشت له ف قلبي احلى وأروع التماثيل

 

بدراعي والمطرقة وبإيدي والأزميل[/color]

[رايه العرب]

راية العرب

 

عجبي على راية العرب فى الريح

 

فى الارض ثابته وفي السما تفاريح

 

والنـجــمـتين الـخـضـر بـيـبـصـوا لنا

 

وبـيـقـولـوا لنا بـكـل عـربـي فـصـيـح

 

الــــوحــــدة الــــوحــــدة الــــوحــــدة

 

مــجــد الــعــرب فــــــــــــى الـــوحـــدة

 

الــوحــدة رايــة ونـجـمـتـيـنـهـا صبـايـا

 

عـلـشـان عـيـونـهـم ياما راحوا ضحايا

 

شـجـعـان زمـان فـرسان حروب الوحدة

 

مــــــن دمـهـم نـبـتـت وصـبـحـت رايــــة

 

وكــم شـهـيـد وســـــط الـمـيـدان وجـريح

 

هـتـف وقــــــال بـــكـــل عــربــي فـصـيـح

 

الـــــوحـــــدة الــــــوحــــــدة الـــــوحـــــدة

 

مـــجـــد الـــعـــرب فــــــــــــــــــى الــوحــدة

 

يــانـجـمـتـيـن يــا خـضـر يــاعـيـون بــلـــدي

 

بـــــــاحـــبـــكـــم حـــبـــي لـبـنـتـي وولــــــدي

 

حــبـــي لأبـــويــــا وأمـــي يــا نـجـوم رايـتـي

 

بـــــاحـبـكـم حــــــــبـي لــعــزي ومـــــــجـــــدي

 

وزي مـــــــــــالـــعــربــي كـــــــــــــلامه صريح

 

أنــــــــــــــــــا أقـــــــــــــول بـكـل عـربـى فصيح

 

الـــــــوحـــــــدة الـــــــوحـــــــدة الـــــــوحـــــــدة

 

مــــــــجـــــــــد الــــــعــــــرب فــــــى الـــــوحــــــدة

 

زي الـــربــيــع مـــــــــالابـــد يـــوفــــي بــــوعـــــده

 

لابـــــــد يـــــــــوم كــــــــــــــل الــــعـــــرب يــتــحــدوا

 

ونــجــمــة خــضــرا بـــعـــد نــجــمــة حـــــــايــيــجـــوا

 

يــتــقــابــلــوا فــــى الــرايــة مـــكـــان مــــــا اتواعدوا

 

ويــرفــورفـــوا فــــــى الـعـيـد عـــلـــى الـــمـــراجـــيــح

 

وهــتـــاك يــقـــولـــوا بـــكـــل عــــــــربــــى فـــصـــيــــح

 

الــــــــــوحــــــــــدة الــــــــــــوحــــــــــدة الــــــــــوحـــدة

 

مـــجـــد الـــعــــرب فــــــــــــــــــــــــى الـــــــــــوحـــــــــدة

 

عــــجــــبــــي عـــلــــى رلــيـــــــــــة الــــــــــــعــــــــــــــرب

 

[رحله الي القاهره]

هنا القاهرة الساحرة الآسِرة الهادرة الساهرة الساترة

 

 

هنا القاهرة الزاهرة العاطرة الشاعرة النيّرة الخيّرة الطاهرة

 

 

هنا القاهرة الساخرة القادرة الصابرة المنذرة الثائرة الظافرة

 

[/color]

 

صدى الهمس في الزحمة و الشوشرة

 

 

أسى الوحدة في اللمة و النتورة

 

 

هنا الحب و الكدب و المنظرة

 

 

نشا الغش في الوش و الإفترا

 

 

هنا القرش و الرش و القش و السمسرة

 

 

هنا الحب و الحق و الرحمة و المغفرة

 

 

 

و انا ف قلب دوامتك الدايرة بينا

 

 

بصرّخ بحبّك يا أجمل مدينة

 

 

يا ضحكة حزينة .. يا طايشة و رزينة

 

 

بحبّك و اعفّر جبيني في ترابك

 

 

و اعيش في رحابِك و أقف جنب بابك

 

 

جنايني أروي بالدم وردة شبابك

 

 

يا زينة جنينة حياتنا اللعينة

 

 

بحبّك يا بنت اللذين