حكايات من الصحراء(27)

[حكايات من الصحراء(27)]

يارب اهدى يارب يسر

جزيت خيرااا

[حكايات من الصحراء(26)]

بجد عربى شكرا على الموضوع

[حكايات من الصحراء (2009)]

تسلم ايدك ورجلك وعينك على كل كلمه كتبتها

ويارب ديما كدا متميز فى كتبابتك

شكررررررررررررررررررررررررررررررررررررررررررررررررررررررررررررا

[بكاء بلا دموع]

شكرا

على الموضوع

[محشش يهدد بوش بالغزو على امريكا]

:) :) :smile: :smile: :smile:

جامد

[شملول بقى شاعر]

شــملـول بقى شاعر

**********

شملول بقى شاعر

 

وبيكتب شعر

 

بيرص كلامه

 

بفلوس وبسعر

 

وفضائياتناتذيـع

 

سى ديهات وتبيع

 

ومطابع كبرى بتنشر

 

منشار م اللى بينشـر

 

فى رقاب الناس وعقولهم

 

م الوهم اللى يبعهولهم

 

متلحن بالهشتك بشتك

 

وامان يالا لالي امان

 

شوطه ومتخلي

 

شملول وبتوع السيما

 

وفياجرا العيشة النكديه

 

ومصيبه لودان مُصغييه

 

من ولد ولا صبيه

 

ولا عواجيزنا المتصابيه

 

******

 

شملول في شوارع ليلنا

 

بيحلق على خيبه تجيلنا

 

يزرعها تقاوى لجيـلنـا

 

والكل يقولك جيلنا

 

وبلاوى عمالا تجيلنا

 

تتنينا وفي الأخر ميلنا

 

وشعراء الغنوة المضروبة

 

بيقولك غنوة ومطلوبة

 

والناس عمالا تصقف

 

يابلدنا وشعبى المستهدف

 

بعرايا ورقصة خليعة

 

بتصيدة حتة تقليعة

 

ماتقولش يازمن السميعة

 

طراحة تقاوى الزريعة

 

النبته من أرض وضيعة

 

وشملول مش عايز يرحل

 

ويسيبنا لزمن السميعة

 

شملول لو تعرف أصلة

 

صندوق ورنيش في مفاصله

 

ع الكورنيش م العتبه لشبرا

 

كشـك جرايد صفرا

 

على خضرا فى زرقا فى حمرا

 

بقى شاعر

 

مش شاعر بينا

 

لعيب وبيلعب بينا

 

شملول بيقابل شملوله

 

واتساعات المدى مقفوله

 

قال: للغـوله ياغوله

 

ياست الكل ياحاضره

 

هافتح صالونين

 

تصفيف للشعر.

 

وأخر لحنين

 

دى مياصه وجعر.

 

وهاعمل لقائين

 

ع الغنا والنعر.

 

وهاكتب كتابين

 

ع الزنا والمهر.

 

وعندى رسالتين

 

للجوع و القهر

 

وجنابك راح فين

 

من فوق النهر

 

وفاضل كتابين

 

على آخر الشهر

 

وها ألم القرشين

 

م الضنا والضنك

 

وهاضيف حسابين

 

طوالى في البنك

 

الوكسه وكسانى

 

والفالته ف لسانى

 

والخيبه عجبــاني

 

ضحكت له الغوله

 

وقالت:

 

وأيه كماني؟؟

 

ياشــملولي

 

كمــان ؟؟

[شنقت]

اخر مرة شربت شنقت

ف حلقى العطش المالح

فاض وغرقت

اندلت من احشائى دموعى زى البنت

اندلئت منى فى بير

السر غويط

وكتمت

فى عز الحسرة

دموعى ووجعى وجوعى

كل عيـون الأرض شـايفها الا دموعى

قـاد الفرح شـموع الأرض وطـفا شـموعى

ما كانش بطوعى

فقرى وجوعى

وما أتعلمت

رحت مدارس

وقلت هامارس عيشه واعيشها

لكن خبت

خبت

وخيبة الراجل

مين يسترها غير القرش

بـيت بحيـطان وسـقف وكرش

كل ما أسد ف شــق بيطلع كرش

 

وأنا ما انكرش

ان عيـونى حبت تحلم

سبتها تحلم يمكن عشت

 

عشت وشفتنى منى اتفركشت

فركش فرفـش

مين ويـايـا ومين الضد

اللي بانيت له أول خلق الله بيهد

بعد ماكره كل العالم فيه إيه ها يجد

ماعِرفش ياخدني تحت بطاطه معاه ويمد

مرة اتنين تلات مرات قلنا أكيد هايسد

عرق النحس يجيب الفقر وغصب بـأ مد

ماكانش ف قلبى

لبكره الجاى دليل ع الود

وادينى باأعد

ف حظى

كسير

م الجرح

 

أنت هاتقدر تكســـر لقمة تاكلها بملح

بس اولادك كاســرين قلبك مليون جرح

[الامــــــــــــــــــــــــــــــــــــــــــــــل]

الامل

غدا قادم

[عندما احزن انت سبب حزنى]

رائئئئئئئئئئئئئئئئئئئع

[لا تــــــــــعليـــق يــــــــــليق]

كالعاده متميز دائما

[فوائد التفاح]

جزاك اله خيرا

مجهود رائع اخى مصطفى

[رحلة رحيل]

حزن جميل

[يا دمى خليك حبر]

يا دمي خليك حبر

وارسم علي الجدران

بيت في قصيدة شعر

موزون بأحلى ميزان

يبقى كفعل السحر

في الحِس والوجدان

ومن قمقمقه يظهر

المارد الكسلان

يضرب بإيده الصخر

يتفجر البركان

يحرق سنين القهر

والسجن والسجان

تغرب شموس المُر

شمس السعاده تبان

[مملكه الفئران]

مات الفار عاش الفار

يبقي زعيم كل الثوار

والثوار الأحرار

هدوا كل حيطان الدار

قال إيه مش عاوزين اسرار

مات الفار . عاش الفار

........................

الفار مات . عيطوا يابنات

الفار عاش . وزعوا شربات

ورشوا الورد والأزهار

مات الفار . عاش الفار

............................

هد الحيطه من غير زيطه

واشتري بدله وكام برنيطه

ييجي بكام ميت ألف دولار

مات الفار . عاش الفار

.........................

الفار خطط . قام واتنطط

ويا كلاب السكه وربط

هايبيع ليهم باقي الدار

مات الفار . عاش الفار

......................

فاره مهوله . زي الغوله

سيدة الفئران الأولي

وسند سيدنا في كل قرار

مات الفار . عاش الفار

.............................

هي بترسم . هو يقسم

والفيران واقفه بتتبسم

هاتك ضحك وهات ياهزار

مات الفار . عاش الفار

.............................

الفار راح . والكل إرتاح

هو إبليس . ييجي منه صلاح

ردوا وجاوبوا ياشطار

مات الفار . عاش الفار

................................

فار ولئيم .عمل تنظيم

عاوز يعمل فيها زعيم

ليه هتافات وغُنا وأشعار

مات الفار . عاش الفار

...............................

لوحده يفط . ويعمل خُط

ويصبح فاره ان شاف القُط

وتجيله رجفه كمان ودوار

مات الفار . عاش الفار

................................

فارنا يافارنا . يامررنا

لو كان فيه صبر يصبرنا

كُنا زرعنا الغيط صبار

مات الفار . عاش الفار

........................

آه يافيران. إيه باقي كمان

منتظرين بس الأكفان ؟

وتربه يادوبها تلات تمتار

مات الفار . عاش الفار

[اطيب وش]

صاحبي الصعيدي

أبوشنب وفيه وش

مابيعرفشي يلون رأيه

ولا يعرف إيه معني الغِش

لما بيضحك يبقي بجد

صحيح مبسوط

لو ضحكته تبقى ف أسوان

راح تلقى صداها ف أسيوط

ولما بيغضب

تلقي الوش د بس عينين

ولونهم أحمر زي النار

وتشعر إن الكون دا إنهار

من زلزال أو من بركان

صاحبي صعيدي

لما يحب

يحب بِجد

ولما يخاصم

يبقي طريق وخلاص إتسد

أصله مايعرفشي الوشين

ولا يعرف إيه معني الغِش

تعرفه من بين الملايين

من شنباته و أطيب وِش

[شرم برم]

شُرم بُرم

 

 

شرم برم وبرم شرررم

الوضع ليه كده حاله يغم

إصحي يانايم ياللا وفوق

مش برضه اللي سايل دم

..................

شرم برم وشرم برمين

طيب سُكاتنا واخدنا لفين

ع الكرسي قاعد ومكلبش

وطظ فيكوا يابني آدمين

...............

شرم برم هأأو أو أو

بكره أكيد هايروق الجو

ده كل شئ في بلادنا جميل

وكل مادا أمال يحلو

هأو ههأ ههأ هأو

.....................

شرم برم 00 وبرم شرميه

والثوره طيب قامت ليه ؟؟؟

لسه الملك قاعد علي عرشه

وجنبه برضه .. باشا وبيه

شرم برم 00 وبرم شرميه

.....................

شرم برم يانا ياخرابي

والغدر واقف علي بابي

يارب أنا عارفه عدوي

نجينى من غدر أصحابي

....................

شرم برم شيل الطاسه

بلا جامعه يابني بلا دراسه

نفسي تكون لعيب كوره

وتبقى اختك رقاصه

……………………

شرم برم يازمن نانسي

حُزني هزمني مع يأسي

ولحد إمتي هااعيش مكسور

مجهول كده ودايما منسي

[حطوطين]

كل المدن حواديت ..

والليل قفول زنازين

الضي بات مطفي ..

" ع " الكلمه والضحكه ..

والغنوه والأحلام

لون الشوارع .. تاه

ف قلوب تدوس الشوك .. وتكتم الصرخه !

دمعة وتر .. آهه ..

رسمت حدود للروح .. مقفوله مغلوله ..

ف الحاضر اللي عاش ..

تحت المطر مربوط

طعم الخريف والريح ..

بايت نسيج وخيوط ..

تُربط خطاوي الناس ..

فوق السكك م الخوف

 

واللي اتولد حيران ..

بين خطوتين تايهين ..

خطوه لطريقُه شروق ..

والتانيه ليل وغروب

فوق الطرق مصلوب ..

قلبه البريء بيدوب

رحَّال لبحر آهات ..

وبصوت أدان للكون ..

بينادي ع العصافير

تطرح حروف الروح ..

زي الندى واللون

تغزل ف توب رحَّال

للشمس والتكوين ..

هوَّ اللي كان عنوان ..

بين الدروب بيتوه !!

عابر سبيل للضي ..

كان نفسه يوم يمشي ..

خطوه ف طريق الذات ..

اتبعترت خطاويه ..

لا كمَّل اللي فات ..

ولا خطَّى ع اللي .. جيْ !!

[همزه وصل]

أحلامه مسافره لقلب الشمس ..

الفارده إيديها لكل الناس

بينوّر شمع ف ليل الخيل ..

الجامح م الراس ع الكراس !!

بيسابق ريح الأيام بعنيه ..

المليانه بدمع الإحساس

بيبعتر طعم حروفه ف قلب الكون ..

بيشيل اللون الباهت ..

من أحلام الناس ..

وبدمع عيونه يزهِّي اللون

يضم الضي الباقي فروحه ..

ويلم الأيام الجايه ..

يبدرها ف أرض الخير ..

تتفرع نور وأمان

وطيور بتطير ..

للجنه الحنه المزروعه فروح ..

الإنسان .. ألحان .. !!

ولسانه يبوح ..

بجروح الخلق ..

النابته ف صحاريهم صبَّار !

يبدأ ف عنيهم .. م الأول ..

خطوة عاشق ..

لتراب يتحرر م الخوف ..

ويشوفوا البحر المتوارب ..

ع الفجر المكشوف للشوف ..

وياخدهم .. م الدنيا الواقفه على رقابهم ..

يفتح بابهم ..

ع الأرض الدفيانه بنور الحلم ..

المنقوش ف كتابهم ..

ألف إجابه لأي علامة استفهام !!

كان نفسه يكون ..

عنوان .. ألوان .. إحساس .. أنفاس .. أجراس ..

كان نفسه يكون ..

أيام .. أحلام ..

ويضم العمر الباقي لصدره ..

.. وينام .. يناااااااااام !!!ش

[تاريخ]

تـاريــــخ

واقف هناك ..

ع البر عينك ف السحاب

بتردد الماضي البعيد

فاتح كتاب ..

للعشق .. للروح .. للحياه

للأغنيات المغرمه بحضن الوطن

فارد جناح ..

رحَّال مع الطير المسافر للشروق

واخد معاك ..

للشمس في حضن الجبل أول شعاع

 

من ضي روح الشمس / روحك ..

من سطور العشق بتولِّي الشراع ..

يَمّ الزهور الميته ف جوف النخيل ..

اللي انحنى ..

للبحر يشرب م السراب

جايب وراك ..

شمس انتصاراتك دوا ..

نسمة هوا ..

مزروعه في كف السنين ..

تحيي النخيل اللي انكسر ..

خوف م الطريق .. خوف م السفر ..

خوف من بداية تشده " للوادي الجديد "

واقف هناك ..

ع البر بتنادي النخيل ..

وتعيده تاني لهيئته ..

مفرود وعالي .. وأصله ثابت ..

تندهه ..

يفتح كتاب أمجاده ..

يلقاك التاريخ

[شربه ملح]

البحر مالح ..

وطعم الموج .. أكيد مالح

فما بالك ..

وموج البحر رغم الملح .. متعافي

لا بيسامح .. ولا يصالح

وبيعاند .. وبيجافي

ف مش كافي ..

تشيل شْباكك الموجه

وتطرحلك ..

أمل صالح .. وغير صالح

ومش كافي ..

تدوس الشط باقدامك ..

وقُدَّامك ..

بساط البحر ممدودلك ..

ومفرودلك شراع الفجر ..

ونسمة بحر تدعيلك ..

ف ليلة قدر !!

ف واقف ليه ومستني ..

تشيل شباكك الموجه ..

وتطرح لك ..

أمل صالح .. وغير صالح

ومستني ..

تداوي عجزك الموجه ..

.. بشربة ملح ؟!

[ضل حيط]

ولو انكسر ..

 

ضلك على السور اعدله ..

 

أو مد له .. يدك يقف ..

 

أو شد له الشمس اللي غابت ..

 

بين ضلوعك .. تغزله ..

 

ينشد عوده اللي انكسر ..

 

يحضن طريقك .. يحضنك

 

ويضم يدّه لحضن يدّك ..

 

يرفعك فوق السما

 

وتخطي برّه السور ف حاول .. إنما

 

 

إياك يكون الضل لحظه .. ضل حيط !!

[نسخه منك]

تسلملى يا شيتوس

[مين بعتر سكتك]

- 1 -

مستني إيه .. ؟

الشط عاند رحلتك .. باع خطوتك ..

وشْربت ملح التوهه ..

من بحر الخيال !

مين اللي قال ..

إن انتظارك مركبك .. هيوصلك ..

للبر من جوف الحنين ؟

ويقرِّبك ..

من فجر طالل من عيون البدر ..

في ليل السنين ؟

إيه سَكتك .. عن غنوتك ..

مين اللي بعتر سِكتك ..

.. ف البحر .. مين ؟؟

- 2 -

شمع انطفا .. فين الشموع ؟

العتمه بتسرسب دموع ..

ف الحلم بتخبيِّ الرجوع ..

كان نفسه يبدر خطوته ..

بره الدواير .. يبتدي ..

يرجع لقلب الشمس ..

من أقصر طريق !

غاب البريق ..

والشمس غابت منُّه ..

من بين الوشوش ..

ينده لكم .. ما بتندهوش ..

يصرخ لكم ..

ينْبحّْ صوته

.. ينتهي ..

.. ولا تسمعوش !!

- 3 -

العمر داخل منحنى ..

واصل بداية منحدر !!

أصبح قدر ..

يخلص سفر .. يبدأ سفر

اتغيرت فيه الصور ..

واتلونت ..

لون الخريف الأمنيه .. الأغنيه ..

الشارع .. السكه الحديد .. الأبنيه !!

الحلم تايه ف الشجر ..

اتشبكت كل الفروع ..

اللي انحنى .. اللي انكسر .. واللي بيستنى المطر !!

العمر وبرغم الألم .. فارد على الروح العلم ..

ناقش على وش السفن ..

هم الوطن .. همس الوطن .. شمس الوطن ..

كاتب بدمّه غنوته ..

راسم ف دمعه ضحكته ..

العمر غازل من شعاع الفجر ..

.. توب الفرْح ..

.. ومخبِّي الكفن

[فرش دايب]

مزيكا .. بتدق ليك إنت وحدك ..

وصوت " فايزه أحمد " ..

من الراديو يسأل :

”ـ يا " خد وردي " .. " يا سنَّه لولي "

مين اللي قال لليالي طولي ؟ ”

تنام الشوارع ..

وتسهر لوحدك ..

ما بين باب موارب وأربع حيطان ..

وألوانك اللي ابتدت تبتسم لك ..

بترسم ملامح خروجك بحلمك ..

من الدايره وحدك لأروع سفينه

وبين بحر وردي وبين شط زينه ..

وموجه تودِّيك .. وموجه تجيبك

ولا حد حاسس .. ولا حد سامع ..

يهيج بحر روحك .. يتوه اتجاهك ..

ولا حد عارف ولا حد شايف

شبح جي يهجم عليك غصب عنك ..

يفتش جيوب بنطلونك ويهرب

يسيبك على فرش دايب ويجري ..

وتجري كلاب الشوارع وتنبح ..

ورا ضل واحد حرامي

بياخد ف إيده ..

مفاتيح هروبك من اللي انت فيه !!

[نسخه منك]

انا اسف

الموضوع نزل غلط فى الحوار العام