اخر كلام

[اخر كلام]

أخر كلام

بعد مابقلع هدومى

قبل نومى

لازم أقرا كام مقاله

نرفزونى..سخنونى

حفزونى..إنى أكتب

عن ولاد الكلب

والسفاح شارون

قول سهرت

نمت..بعد الفجر ما إدن

والعيال بيقومونى

صحصحونى

قمت مفزوع من منامى

هجت فيهم

جت مراتى قالت لى..مالك

إيه جرالك؟

ليه بتشخط فى العيال

قلت باحلم

كنت باحلم إنى ميت وانفزعت

انبسطى..؟

كشرت وبسرعة قالت:

إيه دا أصله. طب وماله

يستحق الموت وأكثر

اللى يهرب من عياله

كنت فين م المغربية؟

تيجى بعد الفجر مادن؟

إنت فاكر إن دا ح يخيل على

شعر إيه؟

واللا إيه بتهببه.. وتقول قضيه

هى فين هى القضيه؟

هم يعنى كلمتينك.. اللى حى يحلوا

القضية؟

هيه ناقصة

وإحنا مالنا

ما انت شايف . كله خايف

والمدافع همسه حايره..عالشفايف

وانت عارف

الصهاينة ناس قويه.. ومفتريه

واللى أدهى من داكله

لما يبقى الكل نايم.. وانت قال تكتب

قصيده!!

عن ولاد الكلب والسفاح شارون

أبقى نايمه!!

أسمعك بتقول شارون؟

من غير سلام ولا يحزنون!

انت فاهم إنه ح يهمه الكلام؟

واللا دول عايزين سلام؟

واللا ح يخاف من كلام؟

هو همه من كلينتون. واللابوش

واللاهمه من باراك.. واللاهمه من...!

واللا عايز تبقى شاعر؟

واللا من أبنود جنابك؟

واللا عايز تقديريه؟

قلت طبعاً

أى شاعر يستحق التقديريه

يستاهلها عن جداره

مش خساره

ليه يا خويا

هو طلع إسرائيل؟

واللا عمر فى الصحارا

حاجه تانيه!!

والقطاع العام بيخسر

كان منع عنه الخساره؟

واللاسكان المقابر

كان بنالهم كام عماره؟

واللاشغل ألف عامل

أو منعهم من الدواره؟

واللا وزع عالغلابة

ألف طن من الدقيق

واللاحتى كام شيكاره؟

فوق لروحك

هو خدها عن وهيبه

والأغانى لعبد حليم

مش عشان حل القضيه

القضية هى.. هى

واحنا فى الخيبه القويه!

قلت جاهله.

إنتى جاهله

انتى فاكره الشعر ساهل؟

دا اللى ينكر فضل شاعر

يبقى جاهل

قلبك ابيض

مش حترجع الا لما يحبسوك

عالكبر ويبهدلوك

انت بتقول يا سادتنا يا قادتنا..

ارفضوا تهديد أمريكا والتحيز لليهود؟

طب ولو زعلت أمريكا

طب منين حيأكلونا؟

والحكومة نفسها بتمد إيدها

ويقولوا لهم شحتونا!!

انت عايز يحبسونا ؟

لوعايزنا نقب اكتب

حط همك فى الأغانى

فطر الشعب بأغانى

نيم الشعب باغانى

والأغانى..

بيبعوها بالدولار الأمريكانى

واللا يعنى جت علينا

واشتهينا الفقر.. تانى؟

عيش وهيص

شجع الأبطال ولادنا

اللى رفعوا راس بلدنا

مسخروا أولاد ناميبيا

واللا ليبيا.

عيش وهيص..

انت يعنى كنت غاندى..؟

واللا حافظ واللا شوقى؟

واللا بيرم أو جاهين؟

مانت طول عمرك بتكتب!

حد سمعك؟

قول لى مين؟

والا كام واحد بيحضر

فى النداوى ف أى حته

حتلاقيهم..خمسه سته!

أما لو تكتب أغانى

تبقى نجم ولك سماك

واللى جاى يطلب لقاك

واللى يتصور معاك

والصحافة والإذاعه

والبرامج..

كله ح يسجل معاك

زى شعبان عبدالرحيم

واللا شوف جمهور حكيم

تبقى شاعر زى صاحبك

كل واحد يرضى عنك

الحكومه والصهاينه والخلايجه

والتوانسه

والاجانب والذوات

بالخصوص صنف البنات

هو دا آخر كلامى

تمشى بيه.. أو تفارق من سكات

ميت يمين ماتقول قصيده

لاملا كل الدار صوات

واللى يسأل تانى عنك

راح اقول له غار ومات!

[خلاويص]

شكرا لمرورك

[البت باتعه]

شكرا لمرورك اختى الحياه وربنا يهدى امتنا

وجزاكى الله خيرا

[عابر سبيل]

عفوا يا راجل

[فى الاخر انسانه]

اللهم افرحها برجوع اختها

ومستنين شعر اكتر

مرحبا بكى عضو فعال فى اسره بيتك ياللا <a href="http://yallagroup.net">شباب</a>

[مصباح مهدى]

مش قلتلك متخفش

مش حتتحبس لوحدك

[احمد حداد]

سلملي ع الكراريس و ع الأوتوبيس وفرن العيش

سلملي ع العشــــاق ومشـــــيتهم على الكــورنيش

سلملي ع البنت اللي فـاتحـة من زمـــان شـــــــباك

يمكن يعــدّي ابن الحـــــلال لابس هـدوم الجــــيش

 

سلملي ع الجــرنـان .. موظف شــايله تحت البـاط

سلملي ع الدلـع اللي بيكــهــرب و ع الحـــــركات

يامــــا ألف شـــاعر للعـــيـون والغــــمازات غنّى

سلملي ع الـواد اللي عقله من غـــرامهم شــــــاط

 

سلملي ع الحـــلــوة وعلى غــنـــوة قــــالتــهــالي

فـاتت عـلـيـهـا ســــنين وتــاه اللـحــن من بــــالي

سلملي ع الصـــــحـبـة و ع الســـــهـيرة وفـلـوكة

مـاشـــية في وسط النيـــل تغني والمـــــزاج عالي

 

سلملي ع الحــــكايات من الجــــدات و ع البراويز

سلملي على ســـاعة العصارى وضـحكة العواجيز

سلملي على مكنة خـــياطة قـديمـــة في لاظوغلي

سلملي على طـبقين "كـريم كرامِّل" طـعمه لذيـــذ

 

ســكران و قلبي بالغـنـــــا والفــضــفــضــة والـع

ســكران ببـحـر إســـــكـنـدرية وســـرها البــــاتع

ســكران بليــل القــــــــاهـرة ... سـلّم وســمعـني

دقـة حـوافـر خـيل في عـز الليــل على الشـــارع

 

[مصباح مهدى]

كل عام وانت راجل ما فيش منّه خوفْ

متنّح

مصلّح قفاك للظروفْ

مسبّح بحمد الحرامي

اللي حامي النعاج والخروفْ

تعدّي عليك المحن وانت طيّبْ

قريّب ها تشرب لبن في الفطارْ

وطبعاً ها تلقى الغدا والفطارْ

وتلقى ف جيوبك مصاريف نهارْ

وتلقى الجدار اللي تسند عليه

وتلقى الحبيب اللي مادد إديه

وتسكر بضحكة عنيه

مش هزارْ

لعيد الضحية

هدوم الولاد الجداد والضحية

اللي عايز يجيب لحم عيد الضحية

الضحية

الضحية

الضحية

الخروفْ

كل عام وانت راجل ما فيش منه خوف

كل عام وانت راجل شديد البراءة

مطلّع بطاقة لمواطن سليم

سليم يعني أطرش

وأعمى

وطناني

وساكت عن الحق

حافظ أغاني العبور

واللي بعد العبور من أغانيخوفْ

[عابر سبيل]

الموت طريق

والخوف رفيق

قلب الولد

لساه رقيق

ينظر يمين

ينظر شمال

سكته بتضيق

يشعر بضيق

ينوى الرجوع

والجوع

مقطع معدته

من حسرته

حس البرودة

ف وحدته

قادت حريق

عطش الولد

والبير عميق

خاف ينزله

ليموت غريق

نفذ الجلد

صرخ الولد

يأهل البلد

عابر سبيل

ضل الطريق

سمع الولد

صوت فى الخلا

صوت زلزله

زلزل كيانه وبدله

ليه يا بنى

ما اخترتش صديق

[عبده مشتاق]

[عبده مشتاق]

طبعا الموضوع نور باول رد ليكى حياتى من اجل ربى

وبعدين المنتدى متظبط بردودكم

[عبده مشتاق]

انا اسعد لانك اول حد يرد على الموضوع

وبعد المنتدى كله متظبط بيكم

[مقاول داهية]

ده من باب امولهم غنيمه لانا ولا ايه

[قديما قالوا]

تسلم ايدك على الكلام المميز ده

وجزاك الله عنا خيرا

[البت باتعه]

اعتز بحجيتى الشكر للك على المرور

د|عبقرينو نفسنا يتغير الكلام ده وجزاك الله خيرا

حبيبى رجل من الصحراء احببك الذى احببتنى من اجله

ربنا يكرمك على الكلام الجميل ده يا بنت مصريه ارجوا انى الموضوع ميكونش اطول من الازم

فيجن جروب شكرا يبشا على الكلام الجامد ده

[عبده مشتاق]

الولاية الرابعة ليك

 

والولاية الخامسه لية

 

خمسة وخميسة ف عنيكم

 

يلى حتنؤم عليه

 

بطلوا لؤم وخباثه

 

حد جاب سيرة الرياسه

 

مالى أنا ومال السياسة

 

دى العبارة ف الدبارة

 

نفسى ابقى وزير ظغنن

 

والقى كرسى ف الوزارة

 

هو ده مش حق ليه

 

ولا يعنى كتير عليه

 

حبه ليكم حبه ليه

 

يوم عليكم يوم عليه

 

ولا يعنى تكنشى فاكر

 

إنها ورث وتكيه

 

يا وزير بالأقدميه

 

الولاية الرابعة ليك

 

والولاية الخامسه ليه

 

نفسى أشوف شكل المنافق

 

والملاوع واللى نافخ

 

بدلته ورافع إديه

 

والمراوغ والمقاوح

 

واللى عامل نفسه كافح

 

ربنا يعينك عليه

 

نفسى أشوف شكل المرابى

 

واللى كوش ع الاراضى

 

واللى نام وضميره راضى

 

وربنا غضبان عليه

 

والمهادن والعجيب

 

واللى عامل نفسه ديب

 

واللى سقف غصب عنه

 

واللى سقف رغم إنه

 

عارف إن السقف عيب

 

نفسى أشوف شكل الريالة

 

والمسالمة والغباوة

 

والأمور الفهلوية

 

هو ده مش حق ليه

 

ولا يعنى كثير عليه

 

حبه ليكم حبه ليه

 

يوم عليكم يوم عليه

 

ولا يعنى تكنش فاكر

 

إنها ورث وتكيه

 

يا وزير بالأغلبية

 

الولاية الرابعه ليك

 

والولاية الخامسة ليه

 

نفسى أقابل مرة دندى

 

والسيمون ابن الفيميه

 

أصلى متغاظ منه غيظه

 

بكرهه كده بالغريزة

 

كان قصادى ابن اللذيذة

 

وراح ف كرش اللى اسمه ايه

 

نفسى أشوف مجلس وزارة

 

نفسى أخش البرطمان

 

كلمتى تبقى بإشارة

 

واد مخلص أولعبان

 

نفسى اركب طيارات

 

نفسى أعمل سندباد

 

عايز أشوف شكلى وملامحى

 

بيضه فله وكنت قمحى

 

والقى فجأة وشى نور

 

وامشى واضحك للمصور

 

ألبس البدله الليمونى

 

وأقلع البدلة الرمادى

 

صورة بالبدلة الزتونى

 

صورة بالشرز الضماتى

 

صورة من غير حاجه خالص

 

صورة فوق راسى الباريه

 

قول جنان أو قول سماجه

 

نفسى أعمل أى حاجه

 

بس أشوف العبد لله

 

لما حنضف وابقى بيه

 

هو ده مش حق ليه

 

ولا يعنى كتير عليه

 

حبه ليكم حبه ليه

 

يوم عليكم يوم عليه

 

ولا يعنى تكنشى فاكر

 

إنها ورث وتكيه

 

يا وزير صعبان عليه

 

الولايه الرابعه ليك

 

والولايه الخامسه ليه

 

نفسى اشارك نفسى أشعر

 

إنى قد المسئوليه

 

نفسى أفهم يوم وافسر

 

البنايه البنياويه

 

نفسى أرفع أى حاجه

 

فى الشئون المعنويه

 

طب وزير للمنشآت العمرانيه

 

وحشه ديه

 

أرض صحرا وكوز فيه ميه

 

يعمرولى الشكمجيه

 

ولا حتى وزير سكافه

 

أملا مخ الناس سخافه

 

كرسى ف التنوير واضلم

 

طلعة الفكر البهيه

 

وارعى فكر العلمانيه

 

وآخد الجايزه اللى هيه

 

برضه نوبل مش شويه

 

شوف عموما

 

مش حناقش فى الديباجه

 

يا جماعة أى حاجه

 

يعنى ح ندوحر ف ديه

 

هو ده مش حق ليه

 

ولا يعنى كتير عليه

 

حبه ليكم .. حبه ليه

 

يوم عليكم .. يوم عليه

 

ولايعنى تكنش فاكر

 

إنها ورث وتكيه

 

يا وزير بالعند فيه

 

الولاية الرابعه ليك

 

والولاية الخامسه ليه

 

عندى فكره حلوه جدا

 

بس فكره ميه ميه

 

مسكونى الخارجيه

 

صعبة ديه .. حته منها

 

مش بحالها

 

مش كتير أبدا عليه

 

حسعى واعمل شو يجنن

 

فى العصابه المفتريه

 

نفسى أورح للزفت بوش ابن عم الواد كلينتون

 

اللى عامل جاكى شان

 

نفسى اطلع غل جوه

 

ف قلبى واصل للودان

 

نفسى أقوله طظ فيك !! بالانجليزى

 

نفسى أقوله حرام عليك !! بالانجليزى

 

سيب بلاد الناس فى حالهم يا عزيزى

 

ربنا ينكد عليكم

 

باليابانى والايطالى والباريسى

 

انت مش الفيل صديكى

 

مستحيل حتكون رفيكى

 

انت بندق .. انت ميكى

 

وانت الجانى الحقيقى

 

اللى بوظ لى القضيه

 

نفسى استدرك شارون

 

أو بيريز والواد براك

 

فى الحارات اللى ف بولاك

 

وأساله ايه مقاس قفاك

 

قوللى جوه العلبه ايه

 

دبله فضه ولا فيل

 

واسكعه بإيدى الشمال

 

وارقعه برجلى اليمين

 

قول أنا عيوشه ياه

 

والهرم قول مين بناه

 

جدو خوفو

 

ولا فوفو

 

ولا ابوك مستر كوهين

 

يلا يا ابن المفتريه

 

يلى ستك عنصريه

 

روح أبيب وارفع قضيه

 

كلت ايه حشرب عليه

 

نفسى أقول كل الكلام

 

واجرى اصوت فى الميدان

 

يمكن اسمع صوت آدان

 

أهدى واتنيل شويه

 

هو ده مش حق ليه

 

ولا يعنى كتير عليه

 

حبه ليكم .. حبه ليه

 

يوم عليكم .. يوم عليه

 

ولا يعنى تكنش فاكر

 

إنها ورث وتكيه

 

يا وزير الحقانيه

 

الولايه الرابعه ليك

 

والولايه الخامسه ليه

 

ولا اقولك مش قضيه

 

الولايه الخامسه ليك

 

والولايه السادسه ليك

 

والولايه العشره ليك

 

ولولادك ولذويك

 

ربنا يبارك لى فيك

 

تبقى قد المسئولية

 

واللى حقه ضاع ف زحمه

 

ربنا يعوض عليه

 

واللى نفسه فى رطل لحمه

 

يبقى فى العيد الكبير

 

يلقى فته وليه عديه

 

ألف ميت مليون ضحيه

 

م الغلابة الشقيانين

 

الولايه الخامسه إيه ؟

 

الولايه السادسه ليه ؟

 

والولايه العشره مين

 

مين حيقبض مين عليه

 

لأ ماليش فى السكه ديه

 

ربنا يعوض عليكم

 

ربنا يعوض عليه

[خلاويص]

خلاويص؟

لسة

اصبر حبة

وكمان حبة

إحنا خلاص

راح نتخبه

واما نقولك

غمض عينك

اقفل بالمفتاح والضبة

علي أيامك..

علي أحلامك..

أصل سنينك

قاسية وصعبة

 

خلاويص…؟

عد لغاية عشرة

وفتح

فتح عينك

تلقي

العمر مابين رجلينك

عدي ومر

وكأنك ولأول مرة

بتعرف نفسك

وكأنك ولا كنتش يوم

ف امبارح حر

العمر..

خطاوي بتتبعتر

بين المشاوير

والحلم..

اتقصقص ريشه

مالحقش يطير

مسجونة الغنوة

ف حلق الارغول

مسجونة الصرخة

ف حروف القول

أيامك..

حواديت بتعدي

مرة بتاخد

مرة بتدي

مين فينا مكنش بيحلم

بكرة يزوره

وياخد دوره

في طابور الفرح

مين حلمه

ارتمي جواه

مقتول

مع أول شمس لصبح

 

خلاويص..؟

حلمك

نونو قوي وعبيط

كنت بتحلم بس ببيت

والبنوتة تبقي معاك

لما تزيد الدنيا حمولها

تبقي هواك

واما تحس بجرحك هي

تبقي دواك

تقسم

فرحك

جرحك

مرك

بالفتفوتة معاك

تهدي عنيك

لو يوم ضليت

حلمك نونو قوي

وعبيط

كنت بتحلم

تلقي أصحابك

اللي اتخفوا كما التعابين

جوه شقوق الحيط

كنت بتحلم

بالحواديت

بس ماعمرك

كنت بتحلم

تبقي الفارس

كنت بتحلم

دايماً

دورك يبقي بسيط

حلمك نونو قوي

وعبيط

كنت بتحلم

تملي جيوبك

بالأرواح

ومكنتش تحسب يوم

بيعدي بدون افراح

كنت بتحلم

انت وهي

تبقو طيور

بس جناحكم

كان متقيد

كان مكسور

حتي هواكم

كان مأسور

جوه عيونكم

فتح الجرح

رصيد ف قلوبكم

كل سهام الجرح

صابتكم

بيتكم…

بيتكم ياكتاكيت

حلمك نونو قوي

وعبيط

كنت بتحلم والأحلام

سكر فتافيت

دابت أول

مانت بكيت

همك

سمك

قاتل فيك كل الاحلام

دمعك

دمك

واخد لونه من الايام

حزنك

زمنك

حبك

تمنك

كله

كلام ف كلام

حتي البنت

اللي عشقتها

واللي سكنت زمان

قلبها

راحت منك

بعدت عنك

وانت بايدك ضيعتها

واتجرحت وجرحتها

فوقت

وفاقت م الاحلام

فوقت

وفاقت الاوهام

لما فراقكم نادي عليكم

كل سنينكم مدت بيكم

سوا قدام

واتفرقتم علي طريقين

اتفرقتم كما ضلين

بكيت هي وانت بكيت

بس دموعكم ايه حتفيد

مالحدوتة

خلاص

خلاويص

والبنوتة

جالها عريس

والولد الطيب

لساه

مستني

وواقف

ع الميس

خلاويص!

[ماذا لو عاد صلاح الدين ؟]

ناديته : قم لنا نحتاجـــــــك الآنــــا نحتاج خالد ، والقعقاع فرسانـــــا وقمت من مرقدى حتى أعاونكــــم لكى نعيد من الأمجاد ما كانــــــــا

 

هل تقبلون مجيئى فى بلادكمــــو؟ وهل أعود كما قد كنت سلطانــــــا

 

أجهز الجند بدءًا من عقيدتهــــــــم وأشحذ العزم إخلاصًا وإيمانـــــــا

 

أثير فى الناس طاقاتٍ معطلـــــــةً وأنصب العدل بين الشعب ميزانــا

 

حب الشهادة فى الأعماق أغرسه كى يصبح الفرد فى الميدان بركانا

 

أوسد الأمر للأطهـــــــــار مقتديًا ولا أقيم على الأغنام ذؤبانــــــــــا

 

أختار حاشية بالله مؤمنــــــــــــة فلست فرعون كى أحتاج هامانــــا

 

وقال لى والأسى يكسو ملامحه ولا يطيق لهول الخطب كتمانــــــــا

 

قل لى بربك إن أصبحت بينكمو أذاع عن عودتى التلفاز إعلانــــا!!

 

من فى الملوك سيعطينى دويلته ومن سيسعى للم الشمل معوانــــــا

 

وإن أبوا وامتطى كلٌّ حماقتــــه قالوا : ملكنا وقالوا : الشعب زكـَّـانا

 

هل يملك الشعب أن يختارحاكمه أم أصبح الأمر ميراثا وطغيانـــــا؟

 

ولو تمسك بى من بينكــــــم نفرٌ وجمعوا فى سبيل الله أقرانــــــــــا

 

هل يسمحون بحزبٍ لوعلىمضضٍ إذا اتخذتم صلاح الدين عنوانـــــا

 

****

 

وقال لى : إنكم بعتم قضيتكـــــــــــم باسم السلام استحال القوم فئرانا

 

سيفى سيؤخذ منى إن أتيتكمـــــــــو أما حصانى فلن يرتاد ميدانــــــا

 

قد يشتريه ثرى ربما دفعـــــــــــــوا إلى السباق به.. لا نحو أقصانـا

 

وقد يموت اكتئابا فى مزارعكـــــــم والعجز يفتك بالأحرار أحيانــــا

 

وربما خسة قامت صحافتكــــــــــم بحملة تزدرى عهدى الذى كانــا

 

وربما ألصقوا بى أى منقصــــــــةٍ وصرت بعد الذى قد كنت خوانا

 

وربما الأمن بعد البحث صنفنـــــى وأثبتوا أننى كم زرت إيرانــــــا

 

وسجلوا لى اعترافـًا حسبما رغبوا وصدق الناس بالإلحاح بهتانـــــا

 

وربما قال أهل الحكم فى ثقــــــــةٍ إنى انتميت لمن يُدعون إخوانــــا

 

وغاية الأمر بالقانــــون تنصب لى محاكمات بها نزداد نقصانــــــــا

 

وربما الغرب لم يقـنع بما صنعــوا ومجلس الأمن إرضاءً وعرفانــا

 

لن تستريح جفونٌ فى مطابخــــــه إلا إذا نفذوا المطلوب إذعانــــــا

 

“جوانتانامو” مصيرٌ فى براثنـــــه ألقى الهوان وما هذى سجايانــــا

 

فهل تريد صلاح الدين يا ولــــدى حتى يُـقـدَّم للأعداء قربانــــــــا؟

 

كل الفوارس فى التاريخ تعلنهــا : تبـًا لدنياكمو .. دعنا بمثوانـــــــا

 

[جلسة نارية]

الله ينور عليك يا باشا بس ال لله يباركلك

بلاش تحبسنا

[البت باتعه]

البت باتعه

 

 

البت باتعه… بنت زيد عبد الصبور

اللي أمها يوم عرسها

كان عفشها… حلّة وبابور

ومعاه كمان صندوق خشب

كان أصله سحارة صابون

فيه بنستين والمكحلة

ومراية والفلاية والملقاط

وحجر وليفة ومبخره

وقزازة كان فيها البخور

وجوز صحون

ومنٍخُلين..

والطشت والقروانه والغربال..

ومقشّه ليف…

ومقشتين عرجون

وزير وزلعة وقلتين وماجور

وحصيره من سوق التلات

ولحاف بإيدها منجداه

ومخدتين

والوش كان دمُّور

في الانفتاح

علي رأي صاحبي ولانبطاح

وفتحنا مصر سداح مداح

ونسينا حي علي الكفاح

والشعب محكوم بالسلاح

اتلخبطت كل الأمور

وقيم كتير

وعادات كتير اتغيرت

من ضمنها غًلو المهور

البنت دي

بنت أم باتعه

مش عاجبه حد في مشيها

إكمنًّها.. مشيت طريقها لوحدها

والأسرة غابت عنًّها

مشغولة عنها بعبئها

سايبينها هيًّ وشأنها

وإكمنًّها مستهدفه

الأجنبي ومعاه غبي

فكّر لها

قال أولا:

ترفض معيشة أهلها

ترفض أوامر ربها

ترمي الحياء والانتماء ورا ضهرها

تقطع جدورها بنفسها

أوعز لها

إزاي حتعرض لحمها

وتبان مفاتن جسمها

من ضفرها.. لأعلي خصله ف شعرها

عمل الصالات… تعرض موضات

والاعلانات… ماليه الشاشات

بالشنبوهات والتسريحات

وحاجات كتير فرحت بها

تاهت ونسيت نفسها

وتكلًّمك ربع الكلام بالأجنبي

وتقول هالو…

بنت أم باتعه تقول هالو

مرسيه يا شوشو وثانك يو

وكَمٍ يا توتو وياللا جو

وكبار شيوخ المسلمين

ما عرفش ليه مًتلجًّمين

والمسئولين… فتحوا الببان علي وًسعها

قام قال سلامة ألمًّها

يمكن تغيّر فكرها

ترجع لدينها وربها

وتعيش حياتها بحلوها وبمرها

راح لـ أمها…

يخطبها منها وقال لها

بصراحه بنتك..

عاوزه حد يلمّها

وأنا قدّها

قالت: وماله

البنت يلزمها الجواز

شخشخ جيوبك.. واشتري ياللا الجهاز

قال: اطلبي…

قالت: تجهز شقه.. قد أربع إوض

أحسن نابوليا في البلد

وتجيبها من دمياط

وتجيب نجف من غير عدد

والمكنسة بشفاط

والدِش قبل الدٌش

والفيديو والبوتاجاز

وتجيب لها تلاجة ستاشر قدم

وتجيب لها قبل الجواز…

الفرو والمحمول

وتجيب لها غسالة فول

أنا قصدي فول توماتيك

شقتها كاملة..

زي أي بوتيك

وتجيب لها قبل الجهاز

الشبكة طقم من الدهب

أنا مش حاقولك ألماظ

وتجيب لها فستان زفاف

من غير كمام من غير كتاف

علشان يبين صدرها

وتبان مفاتن جسمها

وتجيب غوازي تزفها

واللي اسمه إيه شهر العسل

في الشرم واللا الغردقة

وبلاش أمور البعزقة

آدي مطلبي

إن كنت قادر مهرها

قرَّب لها

أنا مش حاميّل بختها..

قال: يا ام باتعه حاجيب منين

أنا لاني راجل مرتشي

ولا أحب أجيب بالدّين

ولا أرضي بالتقسيط..

الطاق بيبقي طاقين

ويكتّبوني شيكات

أو أمضي علي ايصالات

علي إنها امانات

وحكاية مش هيّ

لو بس فات شهرين

مادفعتلوش قسطين

بدل المحامي اتنين

حايجيب له رفض الشيك

ومصيبه وقضيه

ومش حاقولك عالقرف

وحاجات مخلًّه بالشرف

اما البوليس والمحكمه

حابقي ف نظرهم منحرف

وباكسر القوانين

شوفي يا ام باتعه

أنا عندي شقه محندقه

معقوله ماهش ضيقه

فيها يادوب أوضتين

وعملت جمعيه

مع ناس أماره زيكم

وقبضتها ألفين

وادي اللي عندي وقلتلك بصراحه

وبإذن واحد أحد

ربًّك حايفرجها..

وباتعه حتريَّحك.. وتعيش مرتاحه

قالت له: قم من هنا

قم فضها سيره

أنا احترمتك.. عشان الأهل والجيره

بتقولي الفين جنيه?!!

وانا اللي قال بافتكر..

باتعه حاتخد بيه

حافظ علي كلمتك يا اهبل..

وخلًّيك زوق

دي باتعه طول عمرها

دايما تبص لفوق

لاحمر ولاخضر

وشي محزَّق وبنطلونات

والشعر فوق كتفها سايح

وفي الكوافير

مش كل طير يندبح

خد دش وانت تفوق

وتفوق لنفسك

وتتكلم كلام موزون

وفرضنا انت اللي عاقل

والمستمع مجنون !

ألفين جنيه للغوازي واللا للمأذون?!!

فيه ناس كتير زيكم مش عايشة في الدنيا.

مابتسمعوش الرداوي.. واللا تلفزيون?!!

شفت اللي بيقدمه الحاج متولي?!!

الشقه بالعفش كامله..

وفلوس كتير في البنك

كتبه لعروسته..

دَا غير اللبس والمصاريف

شايفاه بعيني

ولا واحد غريب قالًّلي

كل المسلسل تابعته دقيقه بدقيقه

والحاج متولي إلاهي لم يشوف ضيقه

راجل صحيح مًقٍتًدًر

كل البنات عاوزاه

وباتعه بنتي..

إلاهي يكون نصيبها معاه

مش جاي تقولي الشباب !!

أنا ناقصه هَمٍ تقيل

قال: يا ام باتعه اسمعيني

كل دا تمثيل

قالت له: ده قصر ديل

وبلاش كلام فاضي

الشعب راضي

مافيش غيرك عامل لي تقيل

ما تكونش ماهر يا شاطر

واسم أبوك عطار

والشاي علي النار

وقاعد لسَّه عالرمله

والحلوه تيجي تلاقيك

فارش لها المنديل.?!

قال: يا ام باتعه

دي ناس بتوزع الأوهام

ساعدوا العدو بجهلهم

في الحرب عالإسلام

وأنا مش بالوم جهلهم

اللوم علي الإعلام

قالت: خلاصة الكلام

أنا بنتي مش من وقمكم

شوفولكو ناس علي قدًّكم

أنا بنتي حلوه مثقفه

حافظه الأغاني كلها.

أحدث شرايط عندها.

دي لما تلبس بنطلونها الجينز

كل الشباب تجري وتخطب ودّها

ونانسي عَجرم نفسها

ما تجيش في خصله ف شعرها

ولا تيجي ضفر ف رجلها

طب والنبي…

لو شافها واحد أجنبي

ليجيب لها.

كل اللي ييجي ف نفسها

 

 

 

[الاصمعى]

برضو كده يابشمهندس انت متستاذنش

والف شكر على الاضافه

الحمد لله انك عرفت يا عاشق الصداقه

مرور رائع يا عبقرينوا

انت اجمل يا راجل

[مشروع خطوات - خطوبتى]

الف مبروك على النجاح والفين تلاته مبروك على الخطوبه وعقبال الفرحه الكبيره

موضوع حفله الخطوبه عندنا زيه زى حاجات كتير ملهاش لازمه فى الجواز

[رحلة بكي فيها القمر]

انا قرات الرحله من زمان بس كان نفسى ارد عليها ساعتها بس مشعارف ليه مردتش

بس يمكن تكون بسنت وصلت نفس ردى

لان من عاده القمر انه فى نهار ارضنا يكون فى العالم الاخر او الجزاء الاخر من الارض يراى ملا تراه النجوم الموجوده عندنا من فرح وحزن وخير وشر ويبداء القمر حكاياته مع النجوم بمجرد وصوله اليها حتى يحكى كل ما راءه فى العلم الاخر للنجوم ويرد على اسئلتهم قبل خروج الشمس وحتى يصل فى معاده الى الجزاء الاخر من الارض

وشكرا بجد على الرحله الرائعه دى يا استاذ صناع انت واختى بسنت

على فكره مره تخيلت حوار بين القمر والليل والصحراء

[مثل الله لعباده]

اللهم يا مللك الملك توفنى على الاسلام

جزاكى الله عنا خير

وجزانا مثلك

[ياطفلتي هل تذكرين]

الف شكرا على الكلام الجامد ده

بس انت كده مررتها