ميدان الجيزه

[ميدان الجيزه]

ضيعت شوية سنين كده ..

بحب من بعيد لبعيد ..

والحكاية مقضياني ..

ومبسوط وراضي وسعيد ..

أفرح بأي حاجة ..

وأستني هدوم العيد ..

و بعدين ضيعت شوية سنين ...

نفسي أبقي أشطر واحد في الكيميا ..

مع إني مش فاهم ميدان الجيزة ..

والحياة رغم قسوتها ..

شايفها لذيذة ..

وضيعت شوية سنين بقي ..

نفسي أعدي أحتبارات الكورة ..

في النادي الأهلي ..

وأشتغل في وكالة ناسا ..

وأبقي واحد م العلماء المهمين ..

و بعدين ضيعت شوية سنين ..

منتهي أملي كرسي فاضي ..

في أتوبيس تلات خمسات ..

عين الصيرة أم المصرين ..

وضيعت شوية سنين ..

عايز أفهم الفرق ..

بين النكسة والهزيمة ..

والأحترام وقلة القيمة ..

و أبقي نجم سيما ..

م المشهورين ..

وبعدين ضيعت شوية سنين ...

واقف عند نظرية المؤامرة ..

لا عارف أعيش ف الزمالك ..

ولا راضي أعيش ف غمرة ..

ومش عارف ليه ..

الحشيش ممنوع ..

مدام مصرحين بالخمرة ..

وياتري بقي أتجوز ..

واحدة بيضة ولا سمرة ..

ولا أسأل فيها ..

رجال الفتوي والدين ..

وضيعت شوية سنين ..

مركز ف السيراميك

والبيبان والشبابيك ..

وألوان الحيطان ..

وده بيج وده سن فيل ..

والمودة الأصفر ..

قشر الموزة ..

وضيعت شوية سنين ..

لا انا بحر ولا نيل ..

حاجة كده بعيد عنك ..

ملهاش عوزة ..

ولما بقيت كام وخمسين ...

لقيتني لسه ..

بحب من بعيد لبعيد ..

وبرضة مش فاهم ..

ميدان الجيزة ...

[رجل الترابيزه]

رجل الترابيزة

 

 

يا عم قول كلام منطقى

تخبط صباع رجلك ..

ف رجل الترابيزة

وتبكى وتشتكى ..

وتحط مراهم

يفش الورم ..

ويروح شوية الألم

وترجع تتخبط

وترجع تبكى تانى وتشتكى ..

ياعم شوف قلبك ولا ده مش بتاعك

يا عم شوفلك حل

يا تبيع الترابيزة ..

يا تقطع صباعك ..

[مش ده]

مش دى .. بطاقتى

وده .. رقمى القومى

ودى .. الحقيقة ..

وده الخيال ....

ومش دي الخريطة ..

ودي المدينة ..

وده المحور ..

وده المترو ..

وكده يمين .. وكده شمال ..

مش ده ظابط .. وده عسكرى ..

وده طبيب .. وده كمسرى ..

وده منجد .. وده بقال ..

مش ده جامع .. ودى مدرسة

وده سمسار ..

وده شيال .....

مش ده فستان .. ودى جلابيه

وده شورت .. وده مفيش ..

وده شال ....

مش ده اتوبيس .. ودى عجلة

ودول حمير ....

ودولا جمال .....

مش ده عمى .. ودى أختى

و دول صحابى ..

وده كمال ....

مش ده شارعنا .. وده بيتنا ..

ودى مراتى ..

ودولا العيال ...

مش ده الوطن .. وده المواطن ...

وده التاريخ .. اللى إتقال ...

أمال ليه .. كل ما اروح فى حته

و أسأل سوأل ....

يقولولي .. جايز ... يمكن .... إحتمال

[الود ابنى ابو لسان طويل]

الواد ابنى ابو لسان طويل

قالى

يعنى سافرت يا بابا واتغربت

مشوار طويل

وف الاخر راجع..

ف شارع متفرع من شارع

وشقه فى الدور الرابع..

ودولار نزل طالع...

وشويا حاجات..

دكان مستنى التراخيص..

ومكنسه على خلاط

وكمبيوتر مش نافع...

من الاخر معرفتش تتصرف..

مقدرتش تقول

لاء

مش مسافر...

.....

منين الكحه دى يا بابا...

دى عمر..!!

ولابرد...

ولا سجاير..!

.....

انت عارف يا بابا انا بقالى اد ايه بستناك؟؟

 

ايه يا بابا

انت هاتعيط ....

ده انا كنت بهزر معاك...

كنت بهزر معاك

[باقى االبت باتعه]

يارب نكون عند حسن الظن

شكرا لمرورك

[أذكى طفل فى العالم - عربى - مصرى - شاهد بالفيديو]

شكرا يا عاشق الصداقه

وعقبال اولادك

[باقى االبت باتعه]

شكرا لمرورك

[هذه هي الحياة...]

الحياه فتره وصول السهم للهدف

شكرا بنت مصريه

او بنت حكيمه

[سكرات موت فيرس c]

متزعليش عليا يا مه

بيحصل واللي بيجرالي

دوام الحال محال يا مه

مسيرها تتعدل وتحلالي

بس سايق عليكي أبو المقام عالي

والراجل اللي في طنطا والمرسى

وشي الله يا جبالي

واهو كله في الهجايص يامه

وادي انتي طول عمرك تلالي

ماصبني م الدعا غير حبك الغالي

والباقي علي شونه وحالي كما حالي

تعرفي يامه يمكن دعاكي سبب حالي

ماهي النكسة جت م الأحرار

عمي مع خالي

ويمكن انا السبب

واهي كترة الأسباب

العلة هيه كده

ولاأذن ولا بواب

بوابه من غير باب

سكنتني من غير طلب

من أوسع الأبواب

كبدي يامه انهري

ولا عاد نفعلي علاج

والجسم مني انسلي

والموت طابور وافواج

الظاهر إني بموت يامه

والموت علينا حق

مش لاقي منه مهرب

غير شق جواه انشق

سكاكين الدوا يامه

بتشق كبدي شق

ترشق وريدي رشق

حقنه غفير الغبرة في الشريان

بطعم الموت مرارها نار في الحلق

بريحة العفن دم الحطان

في مشفي البق

غفير الرحمة يامه

علي حالي قلبوا مارق

وانتي عارف قلبي الضعيف الرق

وهيه تضرب الحقنة في وريدي

يبكي قلبي ماالحرقه ومن فرقة أولادي

زعلانه مني ولا عليه يامه

كنتي فكراها تنزال الغمه

أهي جت علي راسي طمه

وكل الناس اللي حواليه دي لمه

بكره ولاامبارح يرتاحوا بالجمه

والفايز الموت واهو نايل الغرض

معارك الرحمه وجبروت المرض

دا يره في جسمي يامه وطيس

منا قدامهم ميت ميت فطيس

بكره يقولوا راح وارتاح

ولا يقولوا كلب وراح

يا عيني ع الغلابه في بلدنا يامه

يا عيني ع الغلابه

لاذكري عليهم تدوم ولا صحابه

يموت ليه اللي زيي يامه

واللي مفرحش بشبابه

وكلاب السكك عايشين

وعواله وديابه

هتقوليلي حكمة ربنا يابني

منا عارف ردك

زى منا عارف ذنبي

متخفيش عليه يامه

انا مش هموت كافر

دنا مصلي فجري با التوبة وبغافر

ومعايا زادي وذوادي وانا مسافر

غيرهمش نفسين باقيين فيا وانا بعافر

وبودع الدنيا بوش من وشها السافر

ألفين وش يا دنيا ليكي ووش

وش متصنفر للفساد انفش

ووش بالصبر متحني ما يعرف غش

يعني يامه قولي انها حلاوه روح

وكلمتين خرجوا صدفه

من قلب ابنك المضبوح

دا الطير بيرقص يامه

من الالم مدبوح

وساعه الطوفان يا نوح

ياروح مابعدك روح

نور النهار يامه اللي بشوفه عتمه ليل

والليل طويل يامه طويل وأخره ويل

ويمكن يكون يامه دا أخر كلام ليا

وتبقي صورتك أخر ما تشوفه عنيه

بس بالله يامه حلفتك تواعديني

لو فاضت الروح يامه تكوني

جنبي بايدك انتي اللي تغميني

علي صدرك تضميني

ضميني يامه ضميني

زى زمان أرقيني

دا رضا كي في أزمتي هو اللي يواسيني

ورضا الرب دعاكي يا مني عيني

أرقيني يامه وانا رايح ارقيني

[فيه عشق يستاهل]

فيه عشق يستاهل

-

وعشق بالساهل

-

وقلوب دهب خالص

-

وقلوب ماتستاهل

-

——-

وقلوب حجر صوان

-

وقلوب صبا وحنان

-

وقلوب عليها اختام

-

بيبان عليها بيبان

-

——-

وناس ماهياش ناس

-

وحيطان ليها إحساس

-

شياطين من ملايكة

-

وجن من الماس

-

———

علي كل لون يابشر

-

وتقولوا شر انتشر

-

تشكوا وتنعوا الزمن

-

عاشر وسادس عشر

-

———

-

وكل شيء مكتوب

-

الحسنة تمحي ذنوب

-

ونقول نعيد ونزيد

-

والفهم بالمقلوب

-

———-

-

ياولاد بني أدم

-

م البيه إلي الخادم

-

يعني النهاية إيه

-

مردوم عليك رادم

-

———

-

والقبر ماله أنيس

-

وهناك مافيش تدليس

-

ولاعادش شيء ينفع

-

إلا العمل يا حسيس

-

———

-

يا روح ما بعدك روح

-

ومادمت يوم راح اروح

-

عشقت ليه فانية

-

والعشق عشق الروح

-

———-

-

نبدي بها أغراب

-

ضنك وكبد وعذاب

-

مفتون بني الأنسان

-

تراب وراح لتراب

[هزيمه]

هزيمة

 

شطوط الحلم مصلوبة على الكائن

 

والوهم بلحظة الرضا مطرود

 

تمد الشمس في إديها تسندني

 

وبسمة طفل تفتح حضنها الدافى

 

وأنا رجلي ماهيش قادرة

 

ناديت رمشي يتقفل على عيوني

 

وأهرب فوق حصان ذكرى

 

دموع الشمس نزلت جنب منى لقيت

 

عيني بالغصب تتفتح

 

وأشوف نفسي وأنا مهزوم

 

 

 

 

شيء غلط

 

 

إيه يساوى

 

وقت خوفك

 

أو كسوفك

 

أو هروبك من كلام الناس

 

الشمس لما تتشوق لحضن الضل

 

يبقى حتما شيء غلط

 

 

نون

 

 

 

نون، والضم الحنون، وهلال في أول التكوين

 

بألف لون، والمد من عيون الدر للنجم المصون

 

أنا مش عدو للرياح ولا الغصون

 

ولا أنا ضد الصباح باى لون

 

أو حتى ضد الاختيار لو كان جنون

 

لو نقشوا اسمي ع النهار مااعرفش أخون

 

لو اتحاصرت بانهيار مااقدرش أهون

 

واقبل أكون في الانتظار مهما يكون

 

 

 

 

 

[حصان الشمس]

حصان الشمس كان في البدء

 

ضحكة في وش السمابتوصل بسمة الأفراح لفم الوردمابين الغياب والضل

 

بيرمى السرج والمهماز

 

ويرفض زنقة الجدران

 

كل مشكلته من ضيق المدى

 

المفتوح

 

وكات الشمس يوم تتعب

 

بياخدها على ضهره

 

وكاف هو

 

ونون لما

 

أسرتي الشمس

 

فلقاها بترضى الأسر

 

وتحاول تشق التوب على صدرك

 

وتدخل في النسيج عروة

 

لما تجمع الحرفين

 

ضم جناح على قلبه

 

وضم جناح على جنبه

 

وكان يصهل

 

فيبعت ضحكتك تغنى

 

غياب الشمس ع الدنيا

 

وكان

 

يخرس مابين إيدك

 

لكن في السما يرسم قصيدة شعر

 

وتيجى الريح وتنشرها لكل الخلق

 

إلاكى

 

تقو ليله بحسن النية أحلامك،

 

ومش فيها

 

وكان يرقب مغامراتك

 

مع كل الخيول الليل

 

يتألم، لكن يخشع لما بيوصله صوتك

 

وكان بيصدق التبرير رغم مابدا ساذج

 

لكنه في آخر يوم

 

وهو بيوصل الضحكة لفجر الضىّ

 

يشوفك ع الرخام قاعدة

 

ويصدم لما شاف تانى

 

وإن القعدة مش صدفة

 

يحس بقسوة الطعنة ويشعر بانفجار الدم0

 

حصان الشمس

 

يطلب طلقة الرحمة

 

تناد يله، وتديله ميعاد تانى

 

ويمشى ما سمع كلمة

 

تعيدي الكرة من تانى

 

وانتى آه ولا منك

 

ولا منك وقفتي الدم عن جرحه

 

ولا منك حتى تركتي

 

ال00حصان الشمس

 

لاجل يموت0

[حملة الـ 100 موضوع - من أجل ياللا يا شباب]

انا معاكم انbشاء الله

الجندى المجهول

[باقى االبت باتعه]

انا بنتى عايزه جدع يكون كسيب

ابوه فى حزب اسمه ايه ويكون من المحاسيب

او زى ابن ام بطه شغال فى التهريب

او من بتوع النوادى اويكون لاعب الجون بمليون جنيه ويغيظ امين الديب

قال يام باتعه الى يرضا بالحلال يعيش

هى فى بيوت تتبنى بالغش والتدليس

وهى الاغانى تدارى ام عين عوره ولا الدول تتبنى بالفن والكوره

وياريته فن بصحيح لكن ملوش قيمه

فن الجريمه بقى على الشاشه والسيما وعاداتنا حتى القيم اتقطعت اشلاء

فقد الشباب الانتماء بس المهم يعيش

تايه ما بنت الفراعنه والعرب وقريش

وعلموه الاستكانه لاجل اكل العيش

غصب عنه اتحكم بفتوه والاديش

عايزين نعيش يام باتعه زى خلق الله نحمى الشباب من الفتن

وبلاش المغلاه

اللى انتى عارفه حرامى بس مش شايفه

سرق عقولنا واخلاقنا بتليفزيون

فك السلاسل سحبك وانتى ماشيه وراه

قالتله قوم يابن زاهيه ام عين حوله عمال تلقح بالكلام

بتعيب ثقافه السلام هو انت من دوله

قوم فز غور من هنا غور متحبسناش

بتجيب فى سيره اسمه ايه والفجر لسه مجاش

فاكر فيوم اسمه

يوم احتفال اسمه ايه

ساعه ممات اسم ايه

وجه بداله اسمه ايه

وعمل قانون اسمه ايه

وبيه مخلى اسمه ايه

باشا فى امن اسمه ايه

يقطع لسان اسمه اسه

لو جاب فى سيره اسمه ايه

عقبال سلامه ابن ايه

ويحط فى الاسمه ايه

من غير محاكمه اسمه ايه

تقعد سنين منحاش

قال يا ام باتعه انتى ايه

انت عايزه اسمه يحبسنى فى الاسمه ايه من غير محاكمه اسمه ايه اقعد سنين منحاش

انا جبت سيره اسمه ايه

ولو جبت سيره اسمه ايه مه برضو مغلطنتاش

قالت خلاص فضنايا تقوم تغور من هنا انا بنتى زى القمر لسه عريسه مجاش

وعايزاه يكون مقتدر ويكون كبير يا بلاش

انا ناقصه هم الشباب والنفخ على الفاضى

فكرنى مكتب شون حديلكم بنتى بلاش

قوم فز قوم من هنا فضها سيره والباب وراك اقفلوه وتهوى فى ستيره

ووعاك تعتب هنا لو ليك كرامه صحيح اصلى اللى زيك عنده الدم شحيح

خرج يقول يامسلمين ياولاة امور المسلمين الوم لمين

للمسؤلين ولا الحرس يا مثقافين دقو الجرس ماله الجرس صابه الصمم

ولسه ليها تكمله

[رحلة واحد غني]

فقراء الى الله

واعز الخلق بالاسلام

واغنى الناس بحب الناس فى الله

[احذفوا جميع مشاركاتى ...........]

بجد الله اكبر عليكى

ربنا يحميكى

فى ميزان حسناتك يارب

جزاكى الله عن كل حرف خيرا

[دى ملوخيه]

سالت جارتنا ام بهيه جوزها العامل فى البلديه

ال قلى ليفندى ياجوزى ايه معنى الكلام الاراجوزى اللى قله فى التلفزيون

دمرقاطيه درمقاطيه

كلمه لاتجى فيوم على بال واحلف دى شتمه ياعبدالعال

قام قاله السيد جوزها وهى بتمط فى بوزها متبطلوا جهل ياجدعان

ديمقراطيه يا باهيه متفهمى بقى يا وليه

ديمقراطيه ديمقراطى اصل الكباب عند الحاتى

واتعشى على كيلو حراتى وانا ابوس فىقرطاس طعميه

ديمقراطيه و مقريه فى صحف جرايد مطويه

بتقول نعم بكره وبعده ولحد والفين سنه جيه

ديمقراطيه دى لعبتنا عملوها جدعان حتتنا علشان متحلو صورتنا

ويصدقوا انى عشتنا عيمه فى بحور العسليه

ديمقراطيه ندلعها وسعات كمان نلوى درعها وانا مستعد ارجعها بس اشترى فيوم عتقيه

ديمقراطيه ديمقراطرطرطراط وكلام كتير وبقى مراطرط

والكل فرحان ومظقطط ببنتطوظوا اللى منقط من كدبه بقى ماشى يسقط على باب حرتنا المنسيه

ديمقراطيه ومش هي بس الشبه عشره الميه

تسعه علشان العالميه وواحد لمون بالمولوخيه

متسكتى بقى ياوليه فى دهيه روحى انت وهى

دى علشان تفوت الدوريه يموت غفير عشرين ميه

واعيش خروف من غير لييه

وموت قتيل وماليش ديه

وتعيش جناب الملوخيه

[برتمانات]

شكرا على الردود الحلوه

ربنا يخليكم لى ياشاب يالاشباب

[لاتضعون الشاي بالقرب من الكمبيوتر ...!!!]

جزاكى الله خيرا

[مطعم من يستطيع الوصول اليه يأكل مجانا]

الرجيم ماله

[ازاى تصحى واحد نايم]

ربنا لا يحكمكم على حد نايم

[هدية لمن احبه فى الله]

فى مزان حسناتك

[ولد صالح]

اللهم ارزقنا الجنه ونجنا من عذاب القبر

شكرا على الموضوع

[من فوائد المرض]

ربنا يكرمك عن كل كلمه

[باتكلم علشان]

باتكلم علشان احسن اني انسانة

لكن ازاي .... هي دي الحكاية

 

باتكلم بالريشة والالوان الميـــــة

وأرسم عصفور وبيت وجنينـــــة

 

وساعات باتكلم بلحن أغنيــــــــه

وبنبض قلبي أحكيه وأرويــــــــه

 

ومرات كتيرة باتكلم وانا ســـاكتة

أيوة ..ما تضحكش...وانا ساكتة

 

وساعتها بقول كل الكلام بنظــــرة

آه من الســــكات...والحيــــــــرة

 

استنى بس..وساعات الكلام بيكون على زهرة

ابعتها من بين الزهور..... توصل ليك هادية

 

بتحكي كتير وكتير... وبرضه وانا ســـــاكتـة

مابلاش تستغرب..... ما انا مااقدرش افضل ساكتة

 

بلاش الضحكة دية

وارجع للتكشيرة ...أيوة

 

كلمتين قلتهم في ثانية

خلوا الابتسامة ترجع... برضة في ثانية