الجندى المجهول

الموضوع رائع جزاكى الله خيرا يارب احفظ المسلمين والمسلمات من الفتن ما ظهر منها وما بطن

الف شكر على الكلان الجامد ده يا باشمهندس ويارب اكون عند حسن ظنك

سبحانه قادر على كل شى الصور رائعه يا بيبو تسلم ايدك وماشيه معى الشتا

الهم لا تجعل مصيبتنا فى ديننا ولا تجعل الدنيا اكبر همنا موضوع متميز سيندريلا

يا ابو العرب .. صوتك صرخ في المقبرة وسن القلم فيك ما اتبراش وللا اتبرى خطك سلاسل من دهب والفرق تاه بين البنين شعرك فقيد القيود في المحبرة فضة وحديد لحن المداود سلسلة وشعرك خلاص ألغاز نشاز ولو إنه مش مربط فرس ليه الكلام بتسيسه؟يابوز وش جنزر جوه عالم من صدا مرسل إليك انت وراسل مجتمع مرؤوس وعارف ريسه آخر دراعك من كتافك للرسغ مليون صباع بين كل صابعين مسبحة ، بين الأنامل منجرة ( تسعين وتسعة ) بيعزفوا بناي العُقل من بطن إيدك ولدوا جن وملاك .. إنس وشيطان وإن حبلت الحبات قبل عينك في حبل السرة تسبح في الخجل فوق ضهر إيدك – بعد الكبر – ختم الأدب لو غبت ح تسيب بصمتك وإن مت تفضل صرختك حمدك وشكرك للي سواك من عدم والله يساعد كل من ينفخ غيمة ف نصبتك والله يسامح كل من قاعد بينتف فروتك حاسب ماتدعيش حدفي صوان العزا ادعي اللي يِدْعُو وْيِدَّعُوا!! مين انت وسط الشعر يا مساوي العبيد ؟ برص الكرار سكسك ما سكتتش القنون سرك في بير إيه يعني شاعر هأ – ولو سيب السياد ، بلا أبو العرب بلا ابو اليزيد لا كبرت بين قصرين ولا عشت سي ّسيد شعرك مادام سكاباكا ح تسك البيبان سبت العرب في الساحة غنوا بدون عُرَب شعر الخطب ما قدرش يزقي العطشانين في المعركة وخطب المدابح فبركة شلت القرب مفتوحة من كل الجناب بتسد فتحة من اليمين تفتح شمال – شعرك وبال على بال ما شد القربة كان الجوف نشف ما لحقش يقرا الفاتحة للناس في الترب والصبر قلق،مواجير عجين متفرتكة ومتفبركة في دنيا الترف شعرك قرف وانا معترف لَنا كنت ميّت محترف ولا كنت عايش محترف ، لكن .. بلاش الألكنة كل الضغاين ممكنة كل الجراح بتئن جوه الالسنة قلت الآهات الأمكنة والليل والجراح لحم الأخوالميت بقى اليوم مستحب ومستحل ومستباح راح اللي راح..دامك ياجيل قادم وهمك مستساغ آه يا زمن بقرون بتنطح قرننا ، ولا عدش باقي ف عمرنا مع بعضنا غير كرهنا وكإننا مش من هنا والعصر دا مش عصرنا يامصرآه يا أمّنا مابقيش لنا غير إننا نرمي الملايكة بـ ( ...) آه يا أنا وهما وخناجر مزمنة طاحوا اليهود اكمننا راميين سكوتنا ف بعضنا اسمع نصيحتي يا بو العرب شعرك في دنيا الهمبكة ما يفدش حد إلا إن بكى سيرتك بقت بينهم لبانة ومستكة خطوك سبع مرات وطخوك في الخليل حاصروك في ضهر أربع جمع حطوك ما بين اربع مفارق – جلة – تتحدى الحسد مين اللي قالك كون بخور للمرجوفين ؟ حتى اللي قلك في الوقوع شنقوه يا صاحبي في جرتك إلحق ولملم صوتك المسقوم وحدد قبلتك ما تكونش بسْلة كره ف حجاب بسملة انطق وقول ما قادرش اكون واقع في كون واقع مش عيب تقول أنا تهت مني .. وجوه غير بره والأمر فيك مختلف باطن مع الظاهر رغم ابتعادك في الغلط عايش حياتك في اعتذار،لازم تعيش حجم اللي فات محنا ف زمن فيه الغلط قاعدة والاستثنا الأسف إياك تبوس خد بسبع طبقات؛سيبك من المثل القديم:اللي فات مات دول ناس يهود بتركب الأمثال بأُوس اتنين وكب ألف اربعه. بطل تنافق في المواجهة وتدي ضهرك تعترض وكفاية صمت الكبرياء ولما تنطق تنحني مافضلش في العصر الدني غيرالإيدين تاكل في صوابعها دلوقتي كل اللي قال الكدبة تبعها،وكفاية بص بنص عين وكفايه رمح الحنجلة إفهم كلامي يابوالعرب،إن كنت موجب(أبو)يبقى(العرب)سالب وإن كان ( قزازك ) يهود : احدف عليه قالب وان كان كلامك وعود لفه بكفن صادق ومادام هتقدر تعيش ميت في قبرك فوت وابحث عن الحوت وجيب يونس بعزم الصوت وإن كنت بتحب موتك اسمح لي ،أحبك موت..!! [/b]

بحب البحر لما يزوم و اعشق صرختة في الريح بحس في موجة شوق مكتوم لناس حرة و حياة بصحيح و احبة لما يتهادي و ادوب لما يوشوشني و يفرش موجة سجادة في احلامي يعيشني ملوش اول ملوش اخر قرارة طاوي اسرارة و دايما في الهوي مسافر ولا نهاية لمشوارة بحب البحر بحب البحر و اعشق ضحكتة و انة و احب الناس احب الناس,احب الناس ماهم فيهم حاجات منة و احبك يا الي احلامي في هواكي زهزهوا و حنوا يا بلدي يالي و انا فيكي عيوني ليكي بيحنوا بحب الورد فوق السور و اعشق ضحكتة الفانية و احس في ريحتة شوق مسحور ناس حرة و حياة تانية و احبة بين ايدين عشاق رسالة مهفهفة بأشواق و حتي و هو بلا اوراق كتاب العشق ,فكرة فراق حياتة في الهوي ليلتنين و عمرة ما كان بعمرة ضليل ير هواة علي الماشين و يتقاسمة مع الجاين بحب الورد و اعشق ضحكتة و انة و احب الناس احب الناس ماهم فيهم حاجات منة و احبك يا الي احلامي في هواكي زهزهوا و حنوا يا بلدي يالي و انا فيكي عيوني ليكي بيحنوا بحب البحر بحب الورد و احب الناس و احب نعيشها احرار مرفوعين الراس ولا تفرقنا لا الالوان ولا الاجناس و ادوب في ادان يرفرف تحضنة اجراس تعالوا نقيم لبكرة الجاي يا ناس قداس

أربع عساكر جبابرة يفتحوا برلين .. ساحبين بتاعة حلاوة جايه من شربين شايله على كتفها عيل عينيه وارمين و الصاج على مخها يرقص شمال يمين أيه الحكاية يا بيه ؟ جال : خالفيت الجوانين ! اشمعنى مليون حرامى في البلد سارحين ! يمزعوا في الجيوب ... و يفتحوا الدكاكين أسأل وزير الشئون .. و لا أكلم مين

تحت اللحاف الحلم متحرز · " واحد " مستقبل : - اتفكت المواعيد وسابت بعضها حانت صلاة العصر وانا ماشي لصلاة الضهر من بعد ما اتلم الوَنس من وسط سهرات الوفا ، ما عدش جنب الجوامع قاعده ناس طاهره الدمعه نزلت في الخَـفا حرقت وشوش الألحفه والهم لم الإبتسام من ع الوشوش كبه البشر عجّز والناس حروف من غير نقط صفّر كبير الديوك لون الفراخ " صَفّر " ولا حـد قادر بعد ما الباب اتقفل يطلب طلب من حد - كل الجيران دارت ظروفها ف قلبها – واخدين حذر ومتربسين الباب وناكرين نفسهم .. .. ، ولا عادش ناس تحت الطلب محتاج ما قالش معاه وبخيل صاحب غريب جار يا زمانالجار واشحال القريب ؟! عمك ما جاش من بره يا مرات عمي .. .. .. .. جات عيني ف عينيه .. .. .. .. .. ، شفته اتكسفت انده عليه !! صور الخيال اتحرزت تحت اللحاف !! !! !! · " إتنين " ماضي : - دق الجرس .. .. .. .. .. .. .. ، دقيت عينيا ف قلب كف الذكريات .. .. .. ، ومشيت بضهري لقيتني ف دروب الحنين لامّه ( القهاوي ) ( بتوع جلود ) يوم الخميس .. . .. .. ، بيفاضلوا بعض ومرتضين .. .. .. طيبه ومحبه وناس ( بِتُلْقُش ) تحت حيطة " لاربعين" ريحة " البابور الجاز " ودخّان الخشب عفْش القصب خشب العنب حزمة حطب منبر خُطب قرض القرب زغاريت معالق جوه بطن الكبّايات !! .. .. " كركير " جُـوَزْ .. ريحة " معسّل " في " الغُـرَز " " شحات " بينفخ نار " حجر " .. يقعد يخدّم لاجل يشرب شاي بلاش " عيل " " نِعِس " فوق " حِجْـر " ابوه .. .. تتاوب " اللنضه " الدلال " بنوره " " خمسه " مغبشه ترمي ( المغارب ) ( هِلبها ) تلم الرجال تِفضى الشوارع م المغارب للعِشَا " ريحة " " الطبيخ " ف الدرب تنده ع الولاد لملمت نفسي من " الخناق " .. .. .. ، وجريت بروحي بقيت " هناك " . · " تلاته " حاضر : - ما بين غيطان خُضر السنابل .. وانعكاس .. .. ريحة الجناين ع المرايل والعيال .. .. .. .. فوق الشنط والسندويتشات " والشراب " .. .. .. .. رن الجرس نفّضنا باطنا من الدفا ونفخنا إيدينا من الشتا ... ، ومن التراب .. ، ومن الهوا خِلِص الطابور والطبل وتحية العلم في " الفصل " قاعدين " كمشانين " .. .. .. .. نخرج لحِتة شمس ونسمِّع " سُور " في الفسحه " نِفتح " نفس بعض ونخلص الموجود معانا و " ننطلق " آخر النهار نسبق ونعمل هرجله ، نوصل بيوتنا نكمل اليوم بالهدوم نقلع يا دوب المريله نرمي الشراب والجزمه نلبس ( جوز ) قديم من غير شراب !! نتعب من اللعب خمد زحمة السهره " بتاع الفول " يعزّل بعد ما يشطب ( سعى لله مساك ) .. .. ( سعى الله مساك ) يِرَوّح كل عيّل أخوه .. ، وبيّاع " فجل " نص الليل قطط بتنط وبترمح كلاب بتزوم بتاع جرجير وجبن اخضر حريم ع الباب بتتعاتب بصوت واطي جيران تعرف ( شرا الخاطر ) بتشكر بعض ع ( الجواميل ) فرح متحدد اتأجل عشان متوفي من كام يوم عيون ( كابس ) عليها النوم أبويا يهل والمح طيفه واجري عليه واشيل عنه اللي داخل بيه يا خدني من إيدي ( يتنحنح ) .. تقوم فتح أحل الكيس وافرق م اللي جايبه معاه تحط الأكل تعشى واقوم احفظ لي ( سورة دين ) وبعد ما اخلّص الواجب أنام والقطه فوق " حِجْرِي " تصحّيني الديوك أصحى أروح أنده لواد عمي نونس بعض وندردش نعود واخدين أجازة العام .. لغاية الآن .. .. .. أجازة الصيف ما خلصتشي يا دوب عديت مسافة سكه فركة كعب فجأه صحيت سافرت وجيت في غمضة عين .. .. . . لقي " العصر " متغير !!

هدة حيل اللي شبع بطل كلام ع الحال .. كإنه من شعب تاني ما تهمهوش أحوال يقعد مع الناس ما يتأثرش بالحاصل يبص للقاعد جعان يجامله من غير حراره يتلافى منه السيجارة ويشربها باستخصار - يحاوره من مدخل شبع - زمن المفلس وجيد زمن اللي ف إيده وبخيل " ولا يشرب الدردي إلا المحتاجين للكيف – ف القهوه ركن اللي واخدين راحه بيتغدوا ، بيفشوا غلب الهموم وبينفخوا ف النار بيعبوا جوفهم معسل لاجل صد النفس من قبل رد التحية كفهم ممدود الصهبجية العدالة السمّاعين العود أمّات نفس مهدود أهل الكرم والجود لاقيين كمام الخلق متشمرين للحضن .. .. .... عكس اللي رافعين صدورهم – فخه كدابه – متمطعين الكتاف بيلمعوا الجزمه داخلين في عب الغلابه يتاجروا بالأزمه رص المعلم كراسي وجهز النصبه صبيانه رشوا المكان بالميه والرمله أول زبون اتجعص كان تاجر العمله واحد دخل يملا " مانشيت " جرنان أسعار الدولار في السوق يا خساره مات الجنيه هات شيشه يا معلم ناس كسبت بضربة نصيب والكسب الحلال مضروب إدينا كوتشينه علق .. ، خش .. ، مين مغلوب ؟ فنِّط لنفط السولار ما كفايه رجم الطوب وقف المعلم يقلب جيب فقير عدمان رهنوه .. ، خسر .. ، خدعوه .. ، انهزم .. ، رهنوه وباعوه غشوا الورق غلبوه .. ، لما اتغلب نشّوه حرب الحجر والبيضه والطوبه وقزاز البيت محسوب يفوت منسوب يعود جايب معاه خير البخيل ما تصدقوش النصاص قامت تصحِّي الطوب الدنيا ليل والنخيل زي القتيل ع النيل يآخي اصطبح واستنى لما .. القهوه لامه الشمس تحت " الغلاّيات " والدعم فرّع قرع فوق دجله وفرات صاحبك خرج ترابيزه فوق منها الحرج تسمح ياأخ انزل هنا بطلبات صدينا من مص اللمون مين سد شط القناه وايش جاب لجاب ملعون أبو القنوات والدش وإرسال الشيطان ملوا قدسنا استيطان يا ضيعة الأوطان هدموا الشيشان فوقنا لِسَّانا من غير لسان .. هزونا لم فُقْنا اقفل زرار اجتماع موّعنا ع الفاضي وطي الكلام الرغي بلا فلقة دماغ حصل انقلاب بطل هباب روح شوف رغيف اتسممه اتعلموا وبعدين تعالوا ابقوا العبوا ع القهوه ولا ألفين أبو .. .. ولا فيش ولد .. .. .. .. شايب .. .. تريس .. .. برضك ترس على أي حال الصبر مفتاح الفرج ...اخرس يا تور شحاته ماشيه ف عرض بصره ف عرض نظره بالحلال هدمتها شايطه من المفيش بتهش دخانة الحشيش بتلف ودموع السؤال نزلت على نسر الشاويش وسط العلم بصمتها فيش ما تشبّهوش حُر بذليل رغم العيال فوق باطها ماشيه بالاحتمال يكفينا لما تهل نشعر إن الست حره وسابله طرحه مرقعه بخيط الحيا وكفايه صاره العوزه من لقمه وغموس وقروش في شال بتمد إيدها لناس بسيطه وحالهاحال وبرغم شدة فقرها آخر جمال ما تمدش إيديها لناس بدشداشه وعقال العب يا خال العب يا خال العب يا خال

شكرا على الكلام الجميل ده وده بعض ما عندكم

غنيوة حجر " يا رب يا سند الضعيف وبحق جاه النبي ترحم ولاد مساكين غنوا لوطنهم قوى لحن الحجر بإيدين " " ودرة " بين الولاد رمز الكفاح والعبر و " درة " تحت الحصار رمز انتصار الحجر ونـهر دمه اللي سال خضر ماراحش هدر بألف درة ودرة لغم انتفاضة انفجر في الأقصى علوا الأدان وفي القيامة الجرس بيدق راس الغجر تعظيم سلام للولاد ألفين سلام للحجر . *** " ودمك يا درة " ودم الشهيد بيكتب شهادة ميلاد وصرخة وليد بتكبر وتعلى ويمضي الشهيد ويعلى النشيد وناره تقيد وتصبح لهيب لهيب عاتي يعمي عنين العنيد ويعلى الشهيد ويعلى ويصبح باروده وزناد وميه وزاد عروبتي ونضالي ودمي دا غالي ما فيش دم عربي حيفضل رخيص وجرحي اللي بشر بزلزال يدمر حصون الخسيس *** يا خويا الوحيد في أرض المعاد وفجرك يبشر بصبح الولاد قريب مش بعيد وهمك دا همي ودمك دا دمي ودمع الصغار صبايا وبنات وأنات بتصرخ تشق الفضا بتفتح بيبان السما لبكرة اللي جاي *** ولا جئ جريح على كتفه شايل أخوه الذبيح وهو بينـزف لأغلى دما وشعبي المحاصر بكل القيود وعمره الذليل حياته آهاته وليله دا ويله وصبحه دا جرحه وليله الطويل ودمعه مرار الحلوق وقهر الصدور الحزينة وراية سواد فوق بيوت المدينة لإمتى السكوت وإمتى يدوي صمت موتنا الطويل لإمتى المهانة يا امة محمد وعار الصهاينة في أرض الحرم وباراك يفاوض ويغضب يجمد وباينة القضية ما بين الأمم وفينها الأمم وفينها الذمم وفين الهمم يا امة محمد وعار الصهاينة في أرض الحرم *** ما قلنا وعدنا كتير إدين الصهاينة تمللي تخون عشان يمسخونا عشان يجعلونا شعوب من عبيد في إيد اليهود عشان يمسخونا ملامح وجود عشان همه يبقوا يبخوا ف سموم أفاعي " ورقطة " طوال العهود تسمم هوانا تسمم دوانا وتلغي التاريخ اللي عايش ورانا وصفقة صهاينه تزيد الوعيد وتسرق بخفة ميراث الجدود *** وتنهب حضارة وتلغي الوجود وتبقى الإمارة وتمحي الوعود وآخر المطاف يطرحوا قدسنا في أرخص مزاد ما دوله اليهود ما همه اليهود *** ودم الضحايا " صلاح راح يعود " وأرض البشارة يا عيسى تجود وإسراء محمد في الأقصى الشريف بيشهد علينا الوجود والبشر ولا دم لينا حيبقى هدر ولازم نغني غناوي الحجر

<H3 dir=rtl>يا قدس يا أقصى </H3>لو نسيت الدنيا إحنا لا يمكن ننسى أو يوم نخون أو يوم نبيع الأقصى ولا ننسى دمعك يا أقصى يوم شهداك ومصليين بالغدر راحوا فداك ولا طلقة غادرة اتفجرت فى سماك ولا إيد خاينة اتلطخت بأذاك لو غبت عن عينا أرواحنا أسر هواك *** يا تالت الحرمين اشهد ليوم الدين على إننا ناويين لازم إليك حنعود ونصلي فيك العيد وف قدسك أحمد وعيسى ومحمدين وحنين *** يا أقصى الأنبياء شاهد على الإسراء " والمعراج " يوم الحبيب النبي صلى وراه الرسل وجميع الأنبياء ** * يا أمة الإسلام في كل أرض ووادي يا أمة الإسلام الأقصى بينادي الأقصى في القرآن أسرى له الهادي *** القدس دي مننا باقية ليوم الدين عشانها سال دمنا من مصر لفلسطين وصلاح دا كان مننا يوم نصره في حطين *** القدس دي مننا شرقية غربية القدس حق العرب القدس عربية القدس ملك العرب ولأمة عربية

قول على الدنيا السلام لو جف نهر النيل وماتوا العطشانين واتسمم البير وطعم السلسبيل لو حد مد الكف يشحت بيه السلام .. .. ، ، ومال عليل العدم وتهته في انعدام الوزن مكسور الكلام لو " فرفط " الممكن في " فن " المستحيل قول على الدنيا السلام يا زير عكارك عكر الميه والذله ف القِله عتق زي العزه محنيه يا قُله ف صينيه راشحه ف " صهد " عصريه مين قلل القِله نشّف ريق مراكبيه ؟! ما بلاش " تسوء " الحال – يا عم يا جمال – عمَّال على بطَّال إحيينا وازقينا من زادك وزوّادك غذينا قوِّينا ضُخ الدم في عروقنا .. .. ، .. وساعتها نقدر نقوم بالحمل والأحمال مين حنَّى كفك يا صحرا بحفنه من طينك ؟ أكبرنا سخّر صغيرنا ، وكعبنا اتشقق ودمعنا اتررق رغم إنه متحجر صلح أمورك وشوف طلباتنا ونصلّح إتحقق الأول وبُص وكمل الناقص .. .. .. .. تلقانا قمنا وفلحنا ف خضرة الأيام لكن ما دام " صوصوت " عصافير بطون جوعنا قول على الدنيا السلام ضغط الزمن جاب ضغط دم ماتت كرامة كون خضع لسياد وَثَن واتمخطر الهم جوّه الأم والأمه ولا يدن الديك من حوصلته إلا إن شبع ، اتزفت البكر من غير مهر ولا شبكه نزلوا الأجنه مشوهين .. .. .. .. والطرحه طارحه الورد في فصول الخريف واتململ الأسفلت واستنطق نزيف بطن " البلك " اتخرمت واتزفِّت الأبيض رَقَص الكفيف بالعصا .. .. .. .. .. طرف عيون الصبا وْهز " الكلوب " طفاه أصغر ما في " الأجاويد " بيعزف من قفاه أكبر ما في المعازيم بيتنشق دماه " اتوز " صاحب الفرح قال " انتباه " فاقوا اتفرق الجمع قطعوا السلسله وهجُّوا لا اتهجوا " خط " الإستوا ولا بحر طال بره اتعقدوا ف بعض واتلفت قيود " العُنق " واتكعبل العُمق واتخبى العَلَم في " السُنْك " اتبظ عين الصوان واتكشف اللي كان مستور بين مكفي وبين معدول بين مجبر وبين معذور بين هارب وبين مسجون .. .. .. .. اتحرّز الحلم بين غاصب وبين مغصوب ومادام في زمن انعدام الوزن .. .. كل اللي نام لم قام همام في أمستردام إعلام وِدِش وحرام وكله أصبح تمام .. .. .. .. قول على الدنيا السلام !! .

الامان مخلوق مع الدنيا بس احنا الى بنضيع لامان سا عات ندى لامان ميستهلوش لامان وساعات ناخد لاعهد من الاندال

أحلى الكلام أول ما نبدي القول نوحد ربنا ونصلي ونسلم على طه الرسول ونقول يا مصر انتي بحبنا وانتي السلام والسلم وأمان الوصول أحلى الكلام لما اللسان يهتف لمصر والنصر فوق أرضك يا مصر بألف نصر ما انتي البدايه وانتي أصل المبتدا وانتي الكلام الحلو من يوم ما ابتدا الميم محبـه الصـاد صراحه الراء رضـا مصر السلام وعلى الدوام كايده العدا !! الأوله مصرقبل النصر منصوره ، والتانيه مصر بعد النصر في الصوره والتالته مصر سلم وأمن ومزارع ، مادنه وجوامع في كل الدنيا مذكوره الأوله مصر فن وعلم وعماره ، والتانيه مصر طيبه ف حضن سقاره التالته مصر عاليه برايه مرفوعه ، والأرض مزروعه بغناوي البت نواره نواره تبدى النغم وترد سعديه وإن غنوا ف الليل يرد الليل بصحبيه والنصر فارس وراشش نوره في الساحه ، فاس الفلاحه ان عزف تتهز شلبيه شلبيه مش بس جوه الكفر مبسوطه دا الفرح بالنصر خلا العيشه مظبوطه والضله في الغيط بتضفر شعرها المسبول ، والفتله في النول تزغرت ترقص الفوطه أغاني قلب الولد أصلاً أغانيها ، أماني جوّه البلد من عين أمانيها دي مصر صحبه سلام عود حنه من جنه عين فلاحينا ان شكت بتقول معانيها نده الولد ع القمر سمعه القمر هدّا ، عدى النسيم ع السجر حضن الورق ندا لو ناي عزف للنغم يتلموا في الدوار سامر ومزمار وطيبه وحب وموده دي مصر قيمه ومقام سبقت زمان جيلها تعطش وتروي العطش من سلسبيل نيلها هيه الأمان والحنان والقمري والقمره بتلم أطراف ساحتها يرقصوا ف خيلها مين غير بلدنا ف ليالي الحزن عزانا عزانا العز مهما بعدنا بعدنا عزانا تمللي تنسى الغلط وتحب وتسامح وان جات تصالح ترقص خيلها ع الزانه دي الأوله مصر قبل النصر منصوره والتانيه مصر بعد النصر في الصوره والتالته مصر هيّه وبس ع القمه وعشان مهمه ف عيون الغرب منظوره

بـــلاغ سرقوني مني .. بلغت عني ف مركز الشرطة أعلنت عني ف " عمود " : " ابحث مع الشرطة " لا حد مسئول بعت لي ولا حد ف بلاغي اهتم شدوا انتباه البلد " والمنتخب " مهزوم دورت تحت الكراسي وزحمة الطرقة بين " العقاب " في التراب مالقيت أثر ليَّا حتى ف كناسة الزبالة ودورة المية .. ، .. بين " مشايات " المفارق ناديت عليَّا ف ( حواري ) البهو والقبة من تحت سجاجيد قطيفة ودمها بيلمع ملقتش نفسي ف أماكن " عميا " " طرشانه " شميت " بلك " الرصيف ومَرَبِّة الأسفلت حللت دم الفصايل سلبي وإيجابي .. ، ن لقيت فصيلة الخلايق لونها غير دمّي لا الشكل دا شكل أبويا ، ولا واحده زي امي أوصف لهم شكلي كيف وأنا عندي"انفصام ذهني" رغم إني عندي " اكتئاب " جوه السنين صاحي لسه"الخرايط"فاكرها برسمها غيابي .. .. .. .. أرض وسما وتضاريس روّحت فيا وفرشت المصطبة ف قلبي نادم عليّا " الغفير " من جوه " صحن " البيت ـ جايز أكون باحلم !! فكرت يمكن يكون حد ف بلاغي اهتم شمُّوا " الكلاب " الدم " الكلب هول " اتفزع أول ما شاف دمِّي إنْدار عليَّا " الحرس " ربطوني من " كُمِّي " .... .. ربطوني وما تسألونيش في إيدي آخر لساني وأوّله ف " فمي " بانت ملامح أمي من تحت " كرسي الوضع " مصلوبة عرض وطول رابطة " بشهادة ميلادي " الجرح من مده ما قدرتش أسألها .. .. خُفْت الجرح يتمدد ويعاودوا تاني الضرب .. .. ، ويفكروا بإني جاي أعلن " بداية حرب " وانا إسمي جوه " المضابط " من زمان " مضبوط " " القاضي " قال انتباه من قبل ما يقول سكوت طق طق ططقطق محكمة " يحول المتهم لفضيلة المفتي !!! " فوق " جبهة " القاضي " عقدة " بتربط الحاجبين من غير دليل اتهام اتصدق الإعدام فوق أنف " عشماوي " حبل المشنقة " مكرمِش " نُظِر ولاحمر ملطخ بدلة الإعدام .. " هستيريا " قبل الإطلاع .. نفسك في إيه ؟! صوت المعارضة – اعتراض – .. .. .. .كيف يُعدم المُعدَم ؟! ها ها هأ ها .. أو نفسك في إيه ؟ لو كان مهم .. اكتبوا بريشة حمام .. .. .. ..بالدم فوق المشنقة شُبِّه لهم شُبِّه لهم شُبِّه لـ هُـ مْ .

النخلة ما بترميش رطب أول ما نبدي القول نقول صلوا على .. .. مسك الختام ميكونش قبل البسملة آه يا بلدنا يا بلدكم يا وله .. سور الحقيقة مطولة لا النار بتمسك في اللي عنده هدوم ولا .. .. النيل دليل الغرقانين ساكتين ولا .. .. الطين ضمير العرقانين في الغيط ولا .. .. كل (الخشوم) بتصوم – إيمان – اليوم ولا .. .. تكبر ديوك البيت وفاضية الحوصله .. تكبر عيال اليتم جوه المريلة ترقص بنات الفكر فوق المنجلة آه يا بلدكم يا بلدنا يا " بلا " لا " البحر " قادر يطفي جوف الغلغلة ولا حد فاهم سر حل المسألة يا شعب صابر ع الغلا " ما ودعك رب العباد وما قلى " فيه ناس كتير آه يا بلد يا مطبله .. دافنين عقولهم في الرمال زي النعام والطفل نايم ف التراب – تحت – الزحام بتفوت هموم ( تبصم ) في دفتر قيد ميلاد المولودين والخلق ضاق جوه الخلق أزمات كتير والسكة ضاقت ع الولد والشيلة تقلت والكتاف رافضة الهدد والأزمة بتشد المدد خدم الكبار بيهزَّؤنا ونُحْتَقَـر .. .. .. .. .. ، ويعبوا بينا المعتقل ناس وارتضوا نعيش محرومين ضاق الماعون ولا فيش فضار إن نمنا واكلين " نحمضوا " وإن نمنا بالجوع نحمده ولا عدنا قادرين ننهضوا امتى اليومين دول ينقضوا !! امتى اليومين دول ينقضوا ؟!؟ الضرب على البطن ابتدا ومالناش ( ضهور ) وضهورنا من ضرب البطون صبحت " قفا " شبعان تفور – زي القدر – فوق ( الكانون ) والسوس نخر عضم الكافور وبنات ( بترفع ) صوتها في الحزن القديم بيتنا اتنقل من بيتنا والوضع انقلب بابنا اتورب والارض لسه بـ تُغْتَصَبْ و لا عاد لهب يطفي الغضب ولا غاد غضب يطفي اللهب الغيط " نضب " والنخلة ما بترميش رطب والبت بتلم الحطب والعصمة في إيد ( الديب ) يا شعر اوعى تغيب .. .. .. .. وكفاية بعد سنين رجعت عرفت مين .. .. .. سرقوا و ( مضوا ) .. .. خطفوا و ( مضوا ) ناس وارتضوا نعيش محرومين يا خوانا خايفين ننهضوا إمتى اليومين دول ينقضوا إمتى اليومين دول ينـ .. .. قضوا !؟!

الواد التايه .. ف الزحمه لمَّا عمود النور الواقف .. تحت المطره .. ينزف ضي ف قلب الشارع .. تشرب ضيُّه .. أشجار التوت الدبلانه .. الخوف اللي بيخطف مني ملامح بكره .. يحدف لي الواد اللي يبعتر .. أوضة نومي .. يكسر مني قزاز الروح الأبيض وتدشدش أفكاره السوده دماغي .. أسأل نفسي .. اشمعنى الواد الأيام دي اتغيَّر حاله ؟ دانا كنت مصاحب أحواله .. دايماً كنت احكيله وكانت روحه .. نفس الطعم الأصلي للشيكولاته ! وارث نبرة صوت المرحوم جدُّه حافظ " نهج البرده " .. رغم انه مركِّب دش .. وشايف إرسال المستقبل .. عمره ما غيَّر جلده ! ساكن جوَّاه باحث ذاتي عن عنوانه .. شارب ضي الشمس وعايش .. مجنون بالفاكهه الطبيعيه ! طمي النهر الجاري ناحت وشه .. مهما البحر يغشه .. ما بيركبش الموجه .. ولا عاش يحلم .. بعروسة البحر تغنيله .. ولا تحكيله .. عن أحدث صيحات الموضه ! أسأل نفسي .. اشمعنى الواد الأيام دي اتغير حاله .. أصبح يصرخ فيَّه .. يبعد عني .. يدخل أرجاء المعموره ..

الهم احسن خاتمتنا وانر لنا قبرانا وارزقنا الجنه شكرا على الموضوع

جزاكى الله خيرا عنا اختنا الحياه اللهم لا تجعل مصيبتنا فى ديننا ولا تجعل الدنيا اكبر همنا وانصرنا على القوم الكافرين

اغضب فاروق جويده اغضب فالأرض تحزن حين ترتجف النسور ويحتويها الخوف والحزن الدفين الأرض تحزن حين يسترخى الرجال مع النهاية .. عاجزين اغضب فإن العار يسكـُنـُنا ويسرق من عيون الناس .. لون الفرح يقتـُل في جوانحنا الحنين ارفض زمان العهر والمجد المدنس تحت أقدام الطغاة المعتدين اغضب فإنك إن ركعت اليوم سوف تظل تركع بعد آلاف السنين اغضب فإن الناس حولك نائمون وكاذبون وعاهرون ومنتشون بسكرة العجز المهين اغضب إذا صليت .. أو عانقت كعبتك الشريفة .. مثل كُل المؤمنين اغضب فإن الله لا يرضى الهوان لأمةٍ كانت - وربُ الناسِ- خير العالمين فالله لم يخلق شعوباً تستكين اغضب إذا لاحت أمامك صورة الكهان يبتسمون والدنيا خرابٌ والمدى وطنٌ حزين ابصـُق على الشاشات إن لاحت أمامك صورة المُتـنطعين اغضب إذا لملمت وجهك بين أشلاء الشظايا وانتزعت الحلم كي يبقى على وجه الرجال الصامدين اغضب إذا ارتعدت عيونك والدماء السود تجرى في مآقي الجائعين jpg إذا لاحت أمامك أمة مقهورة خرجت من التاريخ باعت كل شئٍ كل أرضٍ كل عِرضٍ كل دين ولا تترُك رُفاتك جيفةً سوداء كفنها عويل مُودعِـين اجعل من الجسد النحيل قذيفة ترتج أركان الضلال ويُـشرق الحق المبين اغضب ولا تُسمع احد فإنك إن تركت الأرض عارية يُـضاجعها المقامر .. والمخنث .. والعميل سترى زمان العُـهر يغتصب الصغار ويـُـفسد الأجيال جيلا ً.. بعد جيل وترى النهاية أمة . مغلوبة . مابين ليل البطش . والقهر الطويل ابصق على وجه الرجال فقد تراخى عزمُهم واستبدلوا عز الشعوب بوصمة العجز الذليل كيف استباح الشرُ أرضك ؟ واستباح العُهر عرضك ؟ واستباح الذئبُ قبرك ؟ واستباحك فى الورى ظلمُ الطـُغاةِ الطامعين ؟؟؟ اغضب إذا شاهدت كـُهَّان العروبة كل محتال تـَخـفـَّى في نفق ورأيت عاصمة الرشيد رماد ماضٍ يحترق وتزاحم الكـُهَّان فى الشاشات تجمعهم سيوف من ورق اغضب كـَـكـُـلِّ السَّاخطين اغضب فإن مدائن الموتى تـَضجُّ الآن بالأحياء .. ماتوا عندما سقطت خيول الحـُـلم وانسحقت أمام المعتدين إذا لاحت أمامك صورة الأطفال في بغداد ماتوا جائعين فالأرض لا تنسى صهيل خيولها حتى ولو غابت سنين الأرض تـُـنكر كـُـلَّ فرع عاجز تـُـلقيهِ في صمت تـُـكـفـِّـنـُـه الرياح بلا دموعٍ أو أنين الأرض تكره كل قلبٍ جاحدٍ وتحب عـُـشاق الحياة وكل عزمٍ لا يلين فالأرض تركع تحت أقدام الشهيد وتنحني وتـُـقبِّـل الدم الجسور وقد تساقط كالندى وتسابق الضوءان ضوء القبر .. في ضوء الجبين وغداً يكون لنا الخلاص يكون نصر الله بـُشرى المؤمنين اغضب فإن جحافل الشر القديم تـُـطل من خلف السنين اغضب ولا تسمع سماسرة الشعوب وباعة الأوهام .. والمتآمركين اغضب فإن بداية الأشياء .. أولها الغضب ونهاية الأشياء .. آخرها الغضب والأرض أولى بالغضب سافرت في كل العصور وما رأيت .. سوى العجب شاهدت أقدار الشعوب سيوف عارٍ من خشب ورأيت حربا بالكلام .. وبالأغاني .. والخـُطب ورأيت من سرق الشعوب .. ومن تواطأ .. من نهب ورأيت من باع الضمير .. ومن تآمر .. أو هرب ورأيت كـُهانا بنوا أمجادهم بين العمالة والكذب ورأيت من جعلوا الخيانة قـُدس أقداسِ العرب ورأيت تيجان الصفيح تفوق تيجان الذهب ورأيت نور محمد يخبو أمام أبى لهب فاغضب فإن الأرض يـُحييها الغضب اغضب ولا تُسمع أحد قالوا بأن الأرض شاخت .. أجدبت منذ استراح العجز في أحشائها .. نامت ولم تُنجب ولد قالوا بأن الله خاصمها وأن رجالها خانوا الأمانة واستباحوا كل عهد الأرض تحمل .. فاتركوها الآن غاضبة ففي أحشائها .. سُخط تجاوز كل حد تـُخفى آساها عن عيون الناس تـُنكر عجزها لا تأمنن لسخط بركان خمد لو أجهضوها ألف عامٍ سوف يولد من ثراها كل يومٍ ألف غد اغضب ولا تُسمع أحد أ سمع أنين الأرض حين تضم في أحشائها عطر الجسد أ سمع ضميرك حين يطويك الظلام .. وكل شئ في الجوانح قد همد والنائمون على العروش فحيح طاغوت تجبّر .. واستبد لم يبق غير الموت إما أن تموت فداء أرضك أو تـُباع لأي وغد مت في ثراها إن للأوطان سراً ليس يعرفه أحد فاروق جويده _ شعر فاروق جويده _ دواوين فاروق جويده _ الشاعر فاروق جويده _ قصيده فاروق جويده اغضب _ قصائد فاروق جويده _ اغضب

نفسي أسألك.. بيقولوا فيه أنواع كتير للبكا كلمني عن صوت البكا المصري وازاي أعيش عصري وماكنشي واحد من قديم الأزل باكره حياتي وطعمها الماسخ ريحة شباب شايخ وباقول كلام موزون ألقى الصدى يرجع كلام دايخ يرجع كلام ممسوخ قوي وبايخ وماليش كتير في الحزن وماليش في كل الحزن وماليش في حزن المشايخ لكني باكبر زي كل الناس والليل بيهرب.. والنهار شارخ

شكر لكل الردود

فيه حاجة نشفت من زمان وحاجة تانية ورَّقت كانت حتيجي وعوَّقت فيه حاجة فيّا معطنة كانت هنا.. لكنها راحت بعيد فيه حاجة عايزة تموت وتوحشني ماعرفشي جاية منين حاجة تشبه للدموع والبرد حاجة عكس الروح وعكس الورد موجودة في عيون الضحايا فيه حاجة جوايا.. مش لاقي تفسير لوجودها لكنها موجودة ومعايا في الأوضة وباحس بيها في الطرق وباشمها ف كل الحواري فيه حاجة وجعاني لكني مش عارف أقولها لمين

شكرا على كل الردود الحلوه