الجندى المجهول

عندنا اسمه ايه ده بالصلاة ع النبي احنا عندنا اسمه ايه ده أحسن واحد يحلل مباريات يحط التشكيل الأساسي والبديل ويقولك إمتى تلعب براسين حربة وإمتى تلعب من غير راس ولو ضميرك مش مرتاح وعندك إحساس بلاش تشوط ع التلات خشبات وعندنا اسمه ايه ده أحسن مهندس خبير بيرمش بس للبير يطلع غاز وبترول وينزل دهب م الحنفيات وعندنا اسمه ايه ده أحسن سمكري ف التلاتين سنة الأخيرة تخش من مجرى العيون على عين الصيرة هتعرفه من مناخيره ومن شكل العربيات وعندنا اسمه ايه ده مجرم قانون دولي ودستور وإيده خفيفة أوي في التعديلات يشيل من هنا ويحط هنا جواهرجي يا ربي مُلقاط وعندنا اسمه ايه ده أحسن واحد يحط الفول عالطعمية ويعمل سندوتشات وعندنا اسمه ايه ده أحسن دكتور مسالك وعظام وقلب وغرام من نظرة عينك يعرف كل الحاجات ولا روشتة ولا إبرة ولا تحليل ولا إشاعات وعندنا اسمه ايه ده أحسن حانوتي آثار والله لو جاله برد أبو الهول يموت وتنتحر الأهرامات وعندنا اسمه ايه ده أحسن كاتب وأحسن مخرج رقص وأحسن جزار كوارع وعكاوي وحلويات وعندنا اسمه ايه ده ملوش حل ف الزراعة فواكه وحبوب وخضروات يقول للأرض قمح تقوله حاضر ونخبز ونعمل بسكويت وفينو بسمسم وبقصمات وعندنا اسمه ايه ده صاحب القهوة كلنا نتيتم ونتشرد لو بعد الشر زي الناس ما بتموت مات يا أخي انا مش عارف .. لما أحنا عندنا اسمه ايه ده واسمه ايه ده أمال اسمها ايه دي مصر .. مبتتقدمش ليه وتعبت .. وزهقت .. وداخت .. ولفت السبع لفات

الله أكبر منك يا زمن الجنونْ.. بجد الموضوع جه فى وقته وانا كما ن بحب شعر فاروق جويده شكرا على الموضوع

قصيده يا عم حمزه صلاح جاهين يا عم حمزه ، احنا التلامذة . جن و بلاوى مسيّحه من غير مؤاخذه نكبر ما نكبر ، الله أكبر . طول الزمان ع الامتحان داخلين مبارزه ! هل من مبارز ؟ هل من مناجز ، هل من معارك فى البلد دى ، لسه عايزه ؟ هل من منادى ؟ و نفير جهادى قال لك : أجل ! .. لسه العجل فى رمله غارزه ! لسه ف طريقنا للأَمال ، و الرمله من كل جهه .. زقه مع زميلكم جمال ، يا عقولنا يا متنبهه ! الرمله حلوه ع البلاج ، حلوه على باب الفرح ، لكن لحد كده و بلاش ، أَحسن شعورى بينجرح . اسفخص على لون الاصفرار و الفقر ، والخوف ، و المرض ماشفته الا و دمى فار ، و حلمت بيه زال ، و انقرض . كابس علينا الشئ ده ليه ؟ هو انجليز .. ؟ و الاتتر ؟ دوكهم خطر ، قمنا عليه ، رياح ما خلتلوش أَتر . كان برضه أمشير زى ده ، .. كان برضه أَمشير زى ده ، كان برضه فبراير كده ، قمنا جموعا حاشده ، سلاحنا أَنشودة فدا .. احنا الجواب ، واحنا الندا ، و احنا التلامذه المنجده .. يا عم حمزه ما شتناش ؟ .. الدنيا شافت دمنا ، حنّه ، على ايدين أمنا ، حلفت يكون عيد باسمنا ، عيد ابتدا و لا انتهاش .. يا عم حمزه ، (لا ماليف) و همزه لأَ .. مش عاوزين عيشة و ارثين و لا دنيا جاهزه . ده ابو سد عالى ، شهران ليالى ، زى التلامذة ف الامتحان .. يا عم حمزه صلاح جاهين _ قصائد صلاح جاهين _ شعر صلاح جاهين _ قصيده احنا التلامذه لصلاح جاهين _ قصيده يا عم حمزه لصلاح جاهين _ دواوين صلاح جاهين

من حسني مبارك .. إلى شعب مصرشعر أحمد فؤاد نجم ياشعبي حبيبي ياروحي يابيبي ياحاطك في جيبي يابن الحلال ياشعبي ياشاطر ياجابر خواطر ياساكن مقابر وصابر وعال ياواكل سمومك يابايع هدومك ياحامل همومك وشايل جبال ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال احبك مكبر دماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه المغفل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعت فلوسك دولار او ريال واحبك تطبل تهلل تهبل عشان مطش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن اسيبك وراح تبقى عبره وتصبح مثال حبهدل جنابك وأذل اللي جابك وحيكون عذابك ده فوق الاحتمال وامرمط سعادتك واهزأ سيادتك واخلي كرامتك في حالةهزال وتلبس قضيه وتصبح رزيه وباقي حياتك تعيش في انعزال حتقبل ححبك حترفض حلبك حتطلع حتنزل حجيبلك جمااااال

الخط دا خطي والكلمة دي ليا غطى الورق غطي بالدمع يا عنية شط الزتون شطي والارض عربية نسايمها انفاسي وترابها من ناسي وان رحت انا ناسي ما تنسانيش هى والخط دا خطي والكلمة دى ليا لاكتب على عينى يحرم عليكى النوم واحبس ضيا عينى بدموعى طول اليوم قبل الوفا بديني زي الصلا والصوم والدين فى عرف الحر هم ومذلة ومر وشجون تصون وتجر احزان مخبية والخط دى خطي والكلمة دى ليا لاكتب على كفي والحبر من دمي ياهمتي كفي يا عزوتى ضمي اول ما ح نوفي بالوعد ح نسمي باسم اللى ماتوا صغار فى المدرسه والدار والمصنع اللي انهار فوق الصنا يعية والخط دا خطي والكلمة دى ليا

هما مين واحنا مين هما الامر والسلاطين هما المال والحكم معاهم واحنا فقرا ومحكومين حزر فزر شغل مخك شوف مين فينا بيحكم مين احنا مين وهما مين احنا الفعلا البنايين احنا السنه واحنا الفرض احنا الناس بالطول والعرض من عافيتنا تقوم الارض وعرقنا يخضر بساتين خزر فزر شغل مخك شوف مين فينا بيخدم مين هما مين واحنا مين هما الامرا والسلاطين هما الفيلا والعربيه والنساوين المتنقيه.. طبعاً حيوانات استهلاكيه شغلتهم حشو المصارين حزر فزر شغل مخك شوف مين فينا بياكل مين احنا مين وهما مين احنا قرنفل على ياسمين احنا الحرب حطبها ونارها احنا الجيش اللى يحررها واحنا الشهدا ف كل مدارها منتصرين او منكسرين حزر فزر شغل مخك شوف مين فينا بيقتل مين هما مين واحنا مين هما الامرا والسلاطين هما مناظر بالمزيكه والزفه وشغل البولوتيكا ودماغهم طبعا استيكه بس البركه فى النياشين حزر فزر شغل مخك شوف مين فينا بيخدع مين هما مين واحنا مين هما الامرا والسلاطين هما بيلبسوا اخر موضه واحنا بنسكن سبعه ف اوضه هم بياكلوا حمام وفراخ واحنا الفول دوّخنا وداخ هم بيمشوا بطيارات واحنا نموت في الأوتوبيسات هم حياتهم تمضي جميلة هم فصيلة واحنا فصيلة حادي يا بادي يا عبد الهادي راح تفهم قصد الغنوة دي لمّا الشعب يقوم وينادي يا احنا يا هم في الدنيا دي حزر فزر شغل مخك شوف مين فينا حيغلب مين!!!

دا شعب فقرى نظرا لأن النعمة فاقت حدها ولأننا مش قدها ولأن فعلا انجازاتك .. فوق طاقتنا نعدها ولأننا غرقنا في جمايل .. مستحيل حنردها نستحلفك ....... نسترحمك نستعطفك ....... نستكرمك ترحمنا من طلعة جنابك حبتين عايزين نجرب خلقة تانية ولو يومين اسمع بقى إحنا زهقنا من النعيم ونفسنا في يومين شقا عايزين نجرب الاضطهاد ونعوم ونغرق في الفساد بيني وبينك حضرتك دا شعب فقرى مايستحقش جنتك أنا عارْفُهْ شعب ماينفعوش إلا شارون وبلير وبوش عايز يجرب الامتهان ويعيش عميل للأمريكان بيمد "غازه" لإسرائيل ويومين كمان ويمد نيل أهو يعنى نشرب ميه واحدة ندوب في بعض ماء وماء وماء ونفض سيرة الانتماء وبلاها نعرة وطنطنة تبقى البلاد "مستوطنة" (متسلطنة بالسرطنة) إيه اللي خدناه م الكرامة والإباء حبة خطب وكلام...كلام إحنا راهننا على النظام ورضينا بخيار السلام بخيار حنسد عين الشمس بيه علشان مايطلعش النهار ويطلع لمين؟ حبة معارضة مغرضين؟ وحسب بيان السلطة .. شلة مأجورين؟ ياعم فضك سيرة وارضى بقسمتك دا شعب مش فاهم أكيد يالا اطرده من رحمتك وإن كنت غاوي الحكم .. خليك مطرحك حاغطس واقب وأعود .. بشعب يريحك راضى وعمره مايجرحك أخْرَس ومايسمعش وأعميلك عينيه مش كل قرش يبص فيه مايقولش لأه، وفين، وليه يضرب ينفض في السليم وعلى الصراط المستقيم كل اللي يعرف ينطقه عاش الزعيم يحيا الزعيم

لو معرفتش ترسم بسمة إصرخ وإملى الدنيا نواح إبكى بكل مافيك من قوة إكره نفسك وإعرف إنك مت بجد خلص نفسك وإعمل هوجة إجمع كل نفس صداح ثور وإتمرد وإطلب ضحكة بدد غيمك وإكسر خوفك إوضع حد إبنى لنفسك بيت من الدم داوى بإيدك كل جراح وإقطع كل خيوط الغم إكره ضعفك وإغزل توبك من غير حد بعد ماتعرف سر الفرحة ظبط نفسك وإسمع نبضك خبط تانى وشوف الرد

يااااااااااه يا قمري كل يوم أبعت سلام كل يوم اسهر ما أنام و أنت لسا البخل فيك!! كل يوم وف ضي نورك انكوي و اكتب قصيده كل يوم استني ردك و انت اسا البخل فيك!! كام سلام بعته ليها؟ كام قصيده كتبتها و أنت لسا البخل فيك فجأة رد علي قمري قال لي مالك ليه حزين؟ و أنت كل السعد عنك د أنت لو تعرف حكايتي مش هترمي اللوم علي من زمان و أنا كل عشقي ابقي مرسال الغرام قيس و ليلي في ضي نوري كتبوا أسطورة غرام حتى كل الشعرا قالوا إني ملهم للجميع وان ضي نوري قادر يوصل الشوق و الغرام كام قصيدة عشق في؟ كام قصيدة في الغرام؟ بس في مشكل صغير مع حبيبتك في الحكاية لما جيت أبعت سلام طل م الشباك بتاعها ضي نورها اللؤلؤي لما جمعت الكلام هابتدي ارمي السلام ضحكه ضحكتها بهدوء تهت و نسيت الكلام الغريب في القصة دي إن بعد ما طل نورها فجأة كل تاريخي ده راح ف غمزه عين و ضحكة فجأة كل العاشقين تاهوا في النورين و ملوا إن كل رسالة ليهم مش بتوصل للحبيب شفت إن اللوم عليك بس لو تعطف علي ابقي ليك ممنون أوي بس روح و اوصلها واحكي ليها و قول لها تقفل الشباك بقي

عايشين وطاويط ساكتين علطول وإن قلنا كلام فكلامنا عبيط في نهار نايمين بالليل صاحيين ماسكين نبابيت علشان وطاويط بنقول في كلام ومهوش مسموع وإن مره سمعته تقول ظغاريط جناحتنا خفاف بالرغم ده كله تشوفنا تخاف وتخاف من إيه محناش عفاريت قاعدين بنقول ونعيد ونزيد بنقول شعارات وكلام وحديت وهنعمل إيه ماهو صووت مكتوم طالع من جوه بحر غويط وعددنا كبير ملايين ملايين والخمسين منا يِمْلُو غَبيط يضربو لبنان بغداد وجولان محناش سامعين أصلنا وطاويط بننام مقلوب وعيشيتنا كلها بالشقلوب وإن مره سمعنا رصاصه نطير ونهيص ونظييط بنقوم بالليل نفضل صاحيين علشان بنخاف كده مـ الديناميت نسمع في صراخ وعويل نايمين بتزعقو ليه محناش فاهمين والله وطاويط يضربو لبنان يضربو حلوان لو ضربو الكهف بتاعنا كمان علطول هنطير ونروح لبعيد ونعيش وطاويط

مذكرات يائس أنا لقمه بايته جنب حيطه في حته ضلمه أكلها كلب أنا نكته بايخه أو عبيطه سمعها واحد مات وطب أنا بيض ممشش ريحته وحشه ونحس دايم مستمر أنا طير معشش في الترب فكر في مره يستقر انا صوت بعيد دبحة وريد وشوكه في زور واحد جعان انا طبعا غير فنان فريد وبيطلق لمشاعره العنان أكيد هقول في مره لأ وأقوم وأقف على رجلي لقيت طلعلي في رجلي شق وضعت وراح خلاص حلمي فكرت في مره اكون شجاع وازعق بصوتي الناس تخاف و طلعت في الآخر بتاع أو بير غويط جاله جفاف هييجي اليوم أكيد هييجي وأزحزح الطوبه التقيله وهبقى محمود المليجي وعمري ما اتنيل بنيله وعمري ما أضعف أو أإن وهفتري عالخلق كله ولا عمر يوم يركبني جن وهنسى ماضيه وذله ولا هبقى طيب أو كريم بالعكس لازم ابقى عنتر والناس هتبقى عب حليم والباقي يبقى عبله واكتر

هنا شقلبان محطة اذاعة حلاوة زمان من القاهره ومن كردفان وسائر بلاد العرب واليابان ومن فنزويلا وايضا ايران ومن اي دار أو بلد مستباحه بفعل السياحه مع الأمريكان هنا شقلبان محطة اذاعة حلاوة زمان نقدم اليكم بكل الللغات مراسح وسيما وجميع الفنون صحافه ومنابر وتليفزيونات وخطبا ف جوامع وجبنه و زيتون ونقزح ونركب جميع الموجات ونبحث ونفهم في كل الشئون ودايما نلعلع في كل الحالات ولاحد سامع ولايحزنون وتسمع ماتسمع دا ما يهمناش لأن احنا أصلا بناكل بلاش فخليك في نفسك وماتخليناش نسلط عليك القلم واللسان *** هنا شقلبان محطة اذاعه حلاوة زمان يسر الاذاعه ومايسركوش بهذي المناسبه وما بندعيكوش نقدم اليكم ولاتقرفوش شحاته المعسل بدون الرتوش شبندر سماسرة بلاد العمار معمر جراسن للعب القمار وخارب مزارع وتاجر خضار وعقبال أملتك أمير الجيوش ماتقدرش تنكر تقول ما اعرفوش ما تقدرش ايضا تقول ما اسمعوش شحاته العسل حبيب القلوب يزيل البقع والهموم والكروب يأنفس يأفين يبلبع حبوب ويفضل يهلفط ولاتفهموش وتفهم ما تفهم دا ما يهمناش لأن انت فاهم وعامل طناش ح تنكر وتحلف ح أقول لك بلاش ح تلعب دماغنا وتتعب كمان *** هنا شقلبان محطة اذاعه حلاوة زمان لأن المخبي ظهر واستبان وكل المسائل بدت للعيان وطلعت حكاوي ونزلت كمان عن التهريبه وعن كيت وكان وعن محسوبيه وعن ألعبان ظهر في المدينه كأنه طوفان وغرق مراكب وسوح غيطان وبعض المراكب ح تغرق كمان وأزمة مساكن وأزمة أمان وعالم بياكل في عالم جعان وريحة مؤامره في جو المكان مخطط خيانه مع الامريكان لدبح العشيره وحرق الجيران وفيه ناس بترغي ولازم بيان كما أبلغونا جميع الودان لهذا وذاكا.. وتلكم كمان نقدم اليكم عروسة وحصان شحاته المعسل وهذا البيان *** هنا شقلبان محطة اذاعة حلاوة زمان بسم الله سلام عليكم وسلمون وموز وأما المسائل فهنجف ولوز فيا اخوتي ويا اخوات اليكم بياني كما هو آت *** جميع المسائل تمام التمام وكل الكلام دا مجرد كلام فصبرا جميلا ولاتقلقوش وشغل الضغاين أنا ما اقبلوش مافيش أي حاجه على الطلاق والعتاق بالتلاته مافيه اي حاجه وقدر كمان ان فيه أي حاجه مافيش اي حاجه ما لوش أـي لازمه الكلام واللجاجه وعيب ان عيل يسوق السماجه ويعمل لي باللو ويعمل ديباجه أنا بطبعي ضد السماسره الكبار بحكم المنافسه وحكم الجوار لكن مش ف طبعي اني أعمل فضيحه لواحد زميلي هبش كام صفيحه ما كل الزمايل بتهبش صفايح وكل اللي جاي ماشي زي اللي رايح فيا ايها الشعب صهين تفلعص مسا التنفس مساء الروايح *** أخويا الامير بزرميط الايراني بعت لي السنه دي عزمني ودعاني أنا قبلت طبعا ورحنا العزومه وكانت وليمه ماتحصلش تاني دا ايه المحمر وايه المكمر وايه المشمر وايه الصواني وأنا دماغي تعبت ولفت صراحه من الفخفخه والهنا الأصفهاني هناك يعني مثلا اذا شربت طافيه تمز بكوارع وبسطرمه ضاني ماشفتش هناك ناس بتحقد عليهم ولاناس بتشتم فلان الفلاني لأنه اشترى عزبتين من شطارته وحكمة ارادته وطلع مباني وبعد الوليمه استلمنا الهدايا مفضض ومدهب وقز وقيشاني وطبعا أخويا الأمير قال لي حاجه ح اقولهالكو طبعا اذا الوقت ناسب ح يطلع لي عيل بدون اي حاجه ويعمل لي فلحس ويقعد يحاسب دا حقد اشتراكي أنا مااقبلوش ولو هو ابني انا ما اعتقوش *** كلام عن سماسره حاجات مش صحيحه جمل مستعارة وعايزين يخلوا البلد أردغانه وعايزيني اسيب البلد من زمان وانا مش ح اسلم واسيب الامان ولا بالبوليس والنيابه كمان فيا ايها الشعب كمل جميلك وصبرا والزم حتيجي المصاري وتأكل وتشرب تبع ما يآتيلك وتغرق في بحر العبيد والجواري وترسم حياتك حسب مايرائيلك وتملا الحواري فساقي وقصاري تسبح بحمدك وتشكر جميلك وفضل الزباله وطفح المجاري ختاما سلاما وآخر كلاما ضرورا يسود الهدوء والوئاما فماذا والا ح طربقها واللا اهرب فلوسي واسافر قواما سلام عليكم وسلمون وموز بصفتي رئيسا وأبا وجوز

ع الحــــدود ع الحدود و السلك شايك والنهار م العتمة حالك والحنين اللي ف حضنك ليِه في شريانك مسالك و أنت واقف ، وبأيديك السلك ماسك مادد النظرة لبعيد متشوقه لحضن المفارق والدموع جمرات تقيد و انت عابد ليها ناسك‍‍ والساعات بتمر ….لحظة و أنت واقف والشريط بيدور ف راسك والحبيبة مادة ايدها ، واللي مانعك سلك شايك والسنين بتمر ……لحظة من طفولة واقفة صامتة لما شاخت ع الحدود لما دبلها الجمود .. لما شاب الحلم فيها وانتحر قلب الصمود والسلك شايك أخطبوط مين يعدي ؟ و مين يفوت؟ من يصارع ألف موت؟ و أنت واقف ع الحدود‍ ماسك السلك اللي، جرح فيك طفولتك والوريد في الجوف بيغلي دمه يصرخ في انتفاضه بيتنا كان ف الناحية دية كنت زارع فيه نخيلة ومستحية كنت حافر فوق جدار ه حرف اسمك يا بهية احلي كلمة بالحروف العربية بيتنا كان ف الناحية دية كنت باصحي مع الحمام م الغية خارج للنهار كنت باحلم بالسلام ، والحب حاضن كل دار فين بهية ؟؟ فين حروفي العربية ؟؟ و انت واقف ماسك السلك اللي جرح فيك رجولتك و انت واقف؟؟ مش كفاية تبقي مؤمن بالقضية مش كفاية ينفطر قلبك ع السمرة العافية مش كفاية تبقي واقف مد ايدك ،، قلبها حاسس وشايف وطني ……….يااااااه بيني وبينك الف سد وليل طويل الف عتمة بالف ويل حتي مية نيلي ما بتغسل جراحي ولّا تحيي م البكا قلبي العليل ع الحدود و انت واقف متبعترة فيك الأماني متكسرة فيك الأغاني متحسرة عليك المواقف اوعي تبكي او تقول أن أنت خايف اوعي تسكت أو تداري اسمها بين الشفايف قلبها شايف وعارف حضنها احساسه جارف محتاجلك مشتاقلك مش كفاية تبقي واقف ع الحدود ،،لما صاح الديك ونادي عسكري الدورية جاي كله ف الصف ،،الطابور مين يهدي؟؟ مين يثور؟؟ مين يهادن؟؟ مين يجور؟؟ لجل تأشيرة دخول للحبيبة ،، للوطن و انت واقف ف ذهول بينك وبين الحلم سور امتي ح تجازف ،، تثور

جيش تجيش والذئاب تكالبوا من كهفهم حكموا البلاد فأسهبوا وتصدعت أوجاعنا لم يرأبوا نصف الرجال تزوجوا وتحجبوا والنصف ينتظر السماح لينجبوا فتقدمي يا عبل·· مرمى زينب بشراكم·· بشراكم هذا دمي فلتعبروا وتجرعوا وتعاقروا حتى الثمالة·· أبشروا ما عاد في قلبي انبعاث فانثروا ذراته عبر الجحيم تنفسوا أوجاعه ثم انفذوا بين اشتعال الجرح بين حرائقي جسر جليدي ونهر من حريق فتراقصوا في مرقص الطغيان واحتلوا المنافذ والنوافذ والطريق إنا على سجادة الدعوات ننتظر المسافر والبريد ونخبئ الصلوات خلف ضلوعنا ويؤمنا أنصاف آلهة على أقدامهم تنسل قافلة العبيد فلتسكتوا جوعى النسور بنطفة من لحمنا وبجرعة من حلمنا لا·· لن تثور الثائرة نحن لها عند المخاض عباقرة عند الفرار جبابرة فلتدخلوا كل البلاد الى محيط الدائرة وتجرعوا دمنا النبيذي المراق من الفرات·· الى حدود القاهر

بسنت بجد مفيش كلام يوصف حلاوه الكلام بجد انت من كبار مبدعى المنتدى يارب افرح باول عمل ادبى احترافى ليكى واخير سلام

كان الخليفة العباسي أبو جعفر المنصور كان لا يعطي الشاعر على قصيدة نقلها من غيره وكان يحفظ ما يسمع من أول مرة ، وله غلام يحفظ القصيدة إذا سمعها مرتين و جارية تحفظ القصيدة إذا سمعتها ثلاثة مرات .. فكان الشاعر يكتب قصيدة طويلة ، يؤلفها طول ليلة وليلتين وثلاث ثم يعرضها للخليفة فيقول له الخليفة : إن كانت من قولك أعطيناك وزن الذي كتبته عليها ذهبا ، وإن كانت من من قولك لم نعطك عليها شيئا فيوافق الشاعر .. ويلقيها على مسامع الخليفة فيحفظها الخليفة من أول مرة .. فيقول له أنني أحفظها منذ زمن بعيد فيقولها له .. ثم يؤكد ذلك بالغلام الذي حفظها أيضا فيذكرها كاملة ثم ينادي على الجارية التي قد سمعتها ثلاث مرات فحفظتها أيضا فتقولها كاملة .. فيشك الشاعر في نفسه ..وهكذا مع كل الشعراء .. فاكتأب كل الشعراء فبينما هم كذلك إذا بالأصمعي يقدم عليهم فيشكون إليه حالهم ويقولون له نجلس نؤلف القصيدة طوال الليل من بنيات أفكارنا ثم نكتشف أن ثلاثة يحفظونها قبلنا .. فقال : دعوا الأمر لي .. فكتب قصيدة ملونة الأبيات والموضوعات .. وتنكر بزي أعرابي وأتى الأمير ليسمعه شعره .. فقال الخليفة : أتعرف الشروط .. قال : نعم .. قال : هات القصيدة .. فقال :؟ صـــوت صـفـيـر الـبـلـبـل ** هــيــج قـلـبـي الـثـمـل المـاء والـزهـر مــعــــا ** مــع زهـــر لـخـط المـقـل وأنت يـا ســـيــد لـــي ** وســيــدي و مـــــولـلــي فــكــم فــكــم تـيـمـني ** غــزيــــــــــــل عــقــيــقــــــــل قــطــفــتـه مــن وجـنــة ** مـــن لــثــم ورد الخـجـل فـــــقــــــــال لا لا لا لا ** و قــد غـــدا مــهــرول والــخـــود مــالـت طــربا ** مــن فـــعـــل هذا الرجل فــولــولــت وولـــولــت ** ولــي ولــي يـــا ويـــــــلـلـي فـــقــالـت لا تــولــولـي ** وبــيــنــي الـلـــــــــؤلــــــــؤلــي قــــالــت لـه حـيـن كــذا ** أنــهــض وجــــــد بـالمـقـل وفــتــيــة ســقــــــــونــنـي ** قــهــيـــــــــــوة كــالـعــسـلـلي شــمــمـتــهــا بـأنــفـــــــي ** أزكـــــــى مــــــن الــقــرنــفــل فـي وسـط بـسـتــان حـلـي ** بـالــزهــر والــســـرور لـي والــعــود دنــدنــدن لي ** والــطــبــل طـبـطـب طـبـلي طـــبــطــب طــبــطـــــــب ** طــبــطــب طــبــــــــطـب لـــي والــرقــص قــد طــاب لـي ** والـسـقـف ســقــسـق سـق لـي شـــوا شــــوا وشــاهــش ** عـلـى ورق ســــفـــرجــــل وغــرد الــقــمــري يـصيح ** مـــلـــل فـــي مــلــلـــــــــــي ولــو تــرانــي راكــبــــــــــــا ** عـلـى حــمــــــــــار أهـــــزل يــمــشــي عـلـى ثـلاثـــــــة ** كــمــشــيـــــــة الــعــرنــجــل والـنـاس تـرجـم جـمــلي ** فــي الــســوق بالــقـلـقـلـلـي والـكـل كــعـكــــــع كـعـكـع ** خـلـفـي ومـن حــــويـلـلـي لـكـن مــشــيــت هــاربـــا ** مـن خــشــيــــة الــعــقـنـقـل إلـــــى لــقــــــــــاء مـلـك ** مــعــظـــــم مـــبــجــــــــل يـأمــــــــــــر لـي بِـخِـلـعَــةٍ ** حـــمــراء كــالـدم دم لــــي أجـــــــــر فــيــهـا مـاشـيا ** مــبــغــــــــددا لـلــــذيــــــــــل أنـــا الأديــب الألـمــعـي ** مــــن حــــي أرض الـمــوصـل نــظــمــت قــطــعـا زخـرفـت ** يــعــجــز عــنــهــا الأدبـل أقــول فـي مـــطــلــعــهـا ** صــــوت صــفــيــر الــبـلبل فلم يستطيع الخليفة أن يحفظها لصعوبة كلماتها وتداخل حروفها ، فنادى الغلام فلم يستطع شيئا غير أبيات متقطعة .. فنادى الجارية فعجزت .. عندئذ قال الخليفة أحضر ما كتبته عليها لنعطيك وزنه ذهبا .. قال الأصمعي ورثت عمود رخام من أبي نقشت عليه القصيدة وهو على ظهر الناقة لا يحمله إلا أربعة من الجنود .. فانهار الخليفة وجئ بالعمود فوزن كل ما في الخزنة ... وعندما أراد الخروج .. قال الخليفة للحرس أوقفوه والله لا أظنه إلا الأصمعي .. فاتفق معه أن يعطي الشعراء ما تيسر من أجل تشجيعهم

فلتكتبوني في سجل زمانكم أني امرأة أهوى القتال وما معي غير القلم وقصاصة من دفتر قد تقرأ لأصوب الكلمات جمرا نحو صدر القاتل لتكون أقوى من قذيفة مدفعه فلتكتبوني في سجل زمانكم أني امرأة لم تعترف بزمان قهر أو ألم لم تعترف بزمانكم زمن الضلالة والعداوة والمحن عشتم خرابا في قلوب آمنة وصرعتم الأحلام تحت المقصلة أما أنا حلمي سيبقى كوكبا رغم القتامة والظلم شعري سيغدو خنجرا رغم المرارة والألم ولسوف أبقى صرخة لأشق ليل الصمت في آذانكم فلتسكتوني لحظة أو علقوني لوحة بصدوركم ولتكتبوني في سجل زمانكم أني امرأة أو فلتقولوا طلقة نحو الصدور الآثمة يا من تصيدون العواطف والرؤى بسهامكم وتخبئون الشمس تحت ردائكم الشمس تشرق ها هنا روض سيغدو رغم أنف رمادكم ولسوف أبقى ومضة لأضئ للرفيق وللحياة فلتكتبوني في سجل زمانكم أني امرأة قد أهدرت كلماتها وحروفها كانت حريق يأيها الزمن العنيد هل ضاع حلمي في الطريق إني تمنيت ابتسامة طفلة للفجر يبسم ثغرها وحمامة تأوي إلى أوكارها وبزهرة للنور تفتح جفنها تهمي رحيق هل صارت الأحلام مسا من جنون لا يزيد ما أضيع الأحلام في زمن عنيد فلسوف يبقى الحلم نارا تستعر يهوى القلم أو ينكسر أو تسقط الكلمات منى تنتحر ثم اذكروني قصة لصغاركم ولتكتبوها في سجل زمانكم (يحكى هنالك امرأة سقطت صريعة حلمها وشهيدة الأحلام في زمن بغيض)

واحد انتبن الحيش العربى فين واحد اتنين الجيش العربى فين الحيش العربى فى مصر ساكن فى مدينه نصر بيصحى من النوم فى العصر يفطر شاى ومنيين واحد اتنين الجيش العربى فين الجيش العربى فى سوريا حالق على الموضه كابوريا وعلى طريقه فكتوريا خلى التورماى بدورين واحد اتنين الجيش العربى فين الجيش العربى الليبى زى الفن التكعيبى كله باذنجان يا حبيبى والظاهر واخد عين واحد اتنين الجيش العربى فين الجيش العربى خليجى لا فيه حيل لا يروح ولا يجى هذا صمت استراتيجى اش بيك يا غراب البين واحد اتنين الجيش العربى فين الجيش العربى سودانى سامع خطوته بودانى هو انا ههجم فردانى يالا بينا يابو حسين بلاش كلام فارغ يا شيخ واحد اتنين الجيش العربى فين الجيش العربى فى تونس اخضر مثل البقدونس وعزيزه بتعشق يونس تبقى الحروبات بعدين واحد اتنين الجيش العربى فين الجيش العربى اتهان يوم ما اضرب الافغان وسكت فى البوسنه زمان وقبل ياكل بالدين سلام

بيقولوا اخر بيان للبغبغان اللي في بلاد العم سام كان بهبهون مافهمنهوش بعبع وقال بؤين كلام والمعنى ايه ماعرفنهوش معقول يكون البغبغان اللي تبغبغ من زمان صواميل دماغه اتلخلخو عمال يلخبط في الكلام والعقل عامل شقلبان آم جبله اورطة يمخمخو عملوا وطن من غير ببان اتحكموا فيه الغيلان وطن جعان وازاي ينام ..والطمعجية كتير وناموا وانتخوا والبغبغان يكره يموت يسمع سكوت المخروسين ان قولت بم ..قفاك ترن عليه ايادي المحروسين ويجرجروك انت وذويك زي الخروف ويسمعوك لستة كلام يادي الكسوف ما ابوخه والبغبغان اللي تبغبغ كل من قرب حداه اتبغبغوا جم طرمخوا ع الطرمخان واللي يطرمخ يبسطوا وينغنغوا وفي مجلس البغابيغ بنلقى البغبغان عمال يبغبغ في الكلام يضحك وهما يسخسخوا ماتقولش يعني البغبغان اللي في بلاد الالعوبان هو اللي كان بيزغزغو الهي تهدي البغبغان واللي تبغبغ يوم معاه اقصف رقبته ودغدغه والهي يوم المعمعان القاه هناك ويصير معاه من الباغبيغ اللي افتروا يوم او بغوا ياخلق لأوا ال لأة قوموا اتلحلحوا شوفوا الكلاب حتى الكلاب لو شافو يوم واحد حرامي بينبحوا وانتوا اللي مسروق عمركم وانتو اللي ضايع حلمكم ولا حتى يوم تتلحلحوا ونصحتي ليكو تروحو سبحانه من حكم عليكو البغبغان تستاهلو ميت مليون كمان تستاهلو ميت مليون كمان وان شفتو يوم باغابيغ جايين عشان يدغدغوكو اتبغبغو...اتبغبغو...اتتتتتتتتبغغغغغبغووووووووو

بيقولوا في مطرب مكار...بيغني بحبك يا حمار الواد ده وصولي وكداب..ومنافق وكمان نعار وإشمعنى لوحده اللي يحبك...كلنا بنحبك يا حمار ده لأنك فعلا متفاهم... ومبرطع فينا ومش فاهم وبتبعد عن أي تفاهم .. بعزيمة غبية وإصرار العِشرة ما بينا ما بتهونشي..وإن هانت..برضو ما نقدرشي محكمة العدل ما تحكمشي..وإن حكمت.. هتولع نار مثلتوا علينا الثلاثية.. وبطولة وكانت جماعية وعشان ما تكمل سداسية..عملتوا ألف حصار وحصار وفي وسط ميدان الحرية..فيه شعلة مسكاها وليّة متكنش دي ليزا المخفية..مدية إشارة إنذار وعلى العموم أنا حبيتك وإلهي يا بعيد يخرب بيتك لو يوم هتشُك في إخلاصي..وتصدق ده من الأشرار هو سؤال ومافيهش هزار....هو أنت يعني حمار يا حمار علشان تصدق إن الفار.. ممكن يقول لأسد يا حمار وبعاهدك والعهد أمانه..هتّنَّك على طول ويانا حمورية أهلك عجبانا..يا واخدنا من الدار للنار كل الحميره هنا عملت سين...واتفقت انك بغل عظيم هيوزعوا شربات برسيم ...علي العربخاني وعلي الزوار أنا مش حمّار هتخاف مني مانا برضو حمار وأحمر منك ما تنهق..قول أي حوار بنقولك شيي..ما بتمشيشي....والحااا..بنقولها ما بتجيشي ونقولك هيييسس...ما بتهيسش..ومكمل بينا المشوار وعلشان كده إحنا إخترناك..وعلى حياتنا إستئمناك ولا يوم هيجي يفرقنا...وهنفضل دايما وياك

ملئوا الشارع والحارات ................ بيفط كتير واعلانات ................ بيقولوا النهاردة الانتخابات ...................... محنا في دولة برتمانات ............. شعب وشورى ومحليات ....................... يحيا رمز المتسكلات ...................... وعدنا كتير بحاجات .................................. الرز هيرخص والهدمات ........................... يحيا رمز العربيات ...................... بيسبق طبعاً المتسكلات ............................. محنا في دولة برتمانات ........................... وعدنا برده وقال روايات ........................ لما انتخبه اكسب موبيلات ...................... ودش وفيديو وتلفزيونات ....................... لازم ارشح واضيف اصوات .................... ارادتي الحرة تدير ازمات ................... بس انا عايز أسال سؤلات ................ هوة في فايدة للانتخابات .................. ؟؟؟؟ ولا كلام فاضي وتفهات . وبعد مرور خمس سنوات ينهب العضو ملاين الالوفات ويترشح تاني ويقول خرفات وانا وانته نديلو اصوات . معلش المرادي يعوض الي فات .....والتعلب فات فات ................................ وف ديلو سبع لفات .................... تحيا بلد الديموقاطيات ............... شعب وشور ومحليات ...............

متخافش يا درش انا مش هتجنن لانى مرحتش لند ولا بريز بس ادعيلى اروح

شكرا على الردود الحلوه دى ندى وتقوى ربنا يكرمكم

احلى كلام سلام

جوه الازازه قاعد بفكر راح أقدر أخرج ولا مش هقدر لازم هحاول يمكن أنازل وأنشا الله أوصل حتى بجوازه جوه الازازه ريحة كريهة وناس سفيهة وعيوب كتيرة صعب نداريها وجوه عتمة والدنيا كتمة وليلاتي تسمع ميت ألف مرة ف ألفين جنازة برة الازازه آخر لذاذة العيشة عيشة واللحمة ريشة والخير كتير وكله طازة يبقي يا صاحبي أكل الفتاته وشغل اللتاتة مالوش لازمة ومالوهوش عازه ده كتف صاحبي هاطلع عليه صاحبي وحبيبي هايقولي إيه ده مين دا راخر جاي يغالبني ما أنا أصلي ناقصه يا عم سيبني قربت أوصل فاضلي تكه يا عنيه طلي على جو بره شاهدي الحلاوة شوفي المسرة ياألف حسرة يا عيشة مرة جوة الازازه قعدت أخطط قعدت أدبر وخرجت منها لازازه أكبر