الجندى المجهول

مسرحيه الموت عنوان لااخر مسرحيه كتبها احد اكبر موالفى المسرحيات فى اليهود البطوله حماس ليفنى باراك المشاركه الفعاله قطر الاردن نجم الزمن القديم جمهوريه مصر العربيه المشاركه المحدوده فتح بعض دول العربيه والغربيه النص زياره متوقع من ليفنى لمصر حماس واطلاق صواريخ على اسرائيل ولانه تبداء الادوار الرئسيه عمليه عسكريه موسعه من اسرئيل على غزه مقتل حتى لان 330 شهيد تدمير شبه كامل للبنيه التحتيه لغزه ولان يبداء دور المساعين تنديد عالمى عربى بفتح معبر رفح امام اهالى غزه ومظاهرات فى كل العالم العربى بضروره معبر رفح وان مصر هى تساعد اسرائيل فى عمليه الحصار على عزه ولكن مصر لا تردخ للتنديد العلمى وبالتالى تظل اسرائيل تضعط على حماس عن طريق ضرب منازل المدنين والجوامع والمستشفيات ويرتفع فى كل لحظه عدد الشهداء وكل ما يفعله العالم هو انظار شهيد جديد على شاشه التلفزيون او مجموعه من المسؤلين على قناة فضائيه يلقون على بعضهم البعض الاتهامات ونحن الشعب العربى نقلب كف على كف ونقول يا سلام لاحول ولاقوه الا بالله حرام الى بيحصل للناس دى

(( سلاموا عليكوا عليكوا السلام )) وأحلى الكلام يبدأ تمللى بكلمة سلام لو ع السلام مليون سلام لو الحمام أسراب حمام بس السلام يبقى باصول مش ضحك يابا على الدقون ولا فض مجلس والسلام ! ده السلام يعنى العمار يعنى عش ويعنى دار يعنى صوت عصفور يزقزق جوه عشه النونو شقق نور يصبًح ع النهار يعنى قمحة فوقها قمحة يعنى بنت بنوت بطرحه يعنى ضى ويعنى نور مش مناجل شر قازحه سارحه بتحشى الجذور ده السلام يعنى المصالحه يعنى فرع من الأمانى خضرا جوه قلوب مسامحه هو ده معنى السلام يلى موًتوا المعانى جوه فى عروق الكلام لو ع السلام مليون سلام لو ع الحمام أسراب حمام مين فينا ما يحبش ينام فوق مخده بريش نعام يطرح الموال غناوى فوق خدود ورد وريحان ده السلام يعنى البشاره يعنى صفارة أمان يعنى إيد على إيد تسلم تنفتح كل البيبان آه يا سلام لو فيه سلام كنت أقوم م الفجر افرق ألف شمعه ع الحبايب والجيران كنت أعلق ورده بيضه فوق شعور كل البنات كنت اجيب فرقة موسيكا يعزفوا السيكا بصاجات واجرى أذوق كل شبر وكل حاره بالكهارب والزينات ده السلام يعنى ابتسامه مش ندامه وسكه مفروشه بآهات هو ده معنى السلام يلى خليتوا المعانى ضايعه فى حروف الكلام لو ع السلام مليون سلام لو ع الحمام أسراب حمام والسلام عهد وامانه حتلاقوه موجود حدانا لحن بيكمل غنانا وف تسابحنا وكلامنا وف تحيتنا وسلامنا فوق ملامح طفل سارح وف عنيه ضى ابتسامه بين شفايفه سنه فضه وسنه لولى وف ضفاير بنت سمرا جوه فى عيونها الزتونى حلم راجع بالسلامه جوه حجر أمى اللى قاعده ف ريحى تستنى الأماره فى الشوارع ع الحجاره فى المداين ف المعابد فى الكنايس ف المساجد وف آدان الفجر لمًا تضوى فى قلوبنا البشاره ده السلام يعنى المحبه سنبله بميت ألف حبه والسلام عهد وأساس السلام مش بالرصاص مش سلام على ناس وناس مش مدافع مش بارود مش مدافع مش بارود مش قنابل مش حشود مش ده طه وده داوود ده السلام موال غلابه لاقيه روحها فى وسط غابه بينهشوا فيها الديابه واللى واقف ع الحدود نفسه يوم يقدر يعود يشرب الموال حكاوى صبح نادى وريح تقاوى السلام مش بالإفاده مش جنازه وقهوه ساده السلام يعنى السيادة قوة تسندها الإرادة يبقى عرضك هو عرضى نبض أرضك يروى أرضى ونبقى فيها الكل واحد مش لازمنا ومش معانا هو ده معنى السلام يلى خبيتوا القنابل جوه ف براج الحمام يلى عمًرتوا المدافع لجل ما يموت الكلام وعشان يكون مسك الختام راح أقولكم أحلى الكلام ملعون سلامكم والسلام ملعون أبو خاش اللى سلم يوم عليكوا واللى حيسلم عليكوا واللى سلم من زمان

اللى ما يعرف عدوه عمره ما يعرف صديق واللى يختار يوم رفيقه عمره ما يضل الطريق واللى واقف ع المفارق يوم مشرق يوم مفارق مش حتفرق لو يفارق قله حيفضى الطريق سكته سكة مهالك له طريق فى الضلمه سالك لو أجير أو كان ده مالك ع الشطوط ح يموت غريق واللى ماشى لوحده سارح تنكره كل المطارح ميته من بحر مالح عمرها ما تبل ريق واللى عقله سجين لفكره واللى جوه ضلوعه سجنه عمره ما يتمد ذكره والبراح فى عنيه يضيق واللى يرضى يوم بذله واللى شاف الحق ضله واللى واقف زى ضله عمره يوم ما يكون طليق واللى ما يعرف عدوه عمره ما يعرف صديق واللى يختار يوم رفيقه عمره ما يضل الطريق

حاتجن ياريت ياخوانا مارحتش لندن ولا باريز دي بلاد تمدين و نضافة و ذوق و لطافة و حاجة تغيظ ... مالاقيتش جدع متعافي و حافي و ماشي يقشر خص ولا شحط مشمرخ افندي معاه عود خلفه و نازل مص ولا لب اسمر و سوداني و حمص و انزل يا تقزقيز حاتجن ياريت ياخوانا مرحتش لندن ولا باريز ... ولا واحد طالع يجري و واحد تاني بيجري وراه و يقول ها هع حصلتك يابن اللي ابصر ايه عاملاه لا الشارع غيط ياخوانا ولا احنا بدارة ولا احنا معيز هتجن يا ريت ياخوانا مرحتش لندن ولا باريز ولا عركة ف نص الليل دايرة بالحيل و ساحبها بوليس قدامها جدع متجرجر وشه معور قال دا عريس الخلق ماهي بتتجوز واشمعنى احنا مفيش تمييز حاتجن ياريت ياخوانا مرحتش لندن ولا باريز ولا واحد بيبيع حاجة يقول بريال و تاخدها بصاغ ياخوانا دي حتى الابرة تاخدها بدوشة و قلب دماغ حلفان و عراك و مناهدة و يمكن ضرب كفوف يا حفيظ هاتجن ياريت ياخوانا مرحتش لندن ولا باريز ولا واحدة ف وش الفجر تبرطع مالية الدنيا صواط قال ايه جوز خالتي ام احمد سلفة اخوها السيد مات سبحانك ما اعظم شانك والله الموت ده مفيد و لذيذ حاتجن يا ريت ياخوانا مرحتش لندن ولا باريز بيرم التونسى _ شعر بيرم التونسى _ قصائد بيرم التونسى _ شعر عامى _ شعراء _ شعر _قصائد

للي ربّع او مدوّر للي دوّر في البلد دي ع الأمانـي سـلام مربـع للأمانـي وجمهورية كانـي مانـي ولنظامها البرلمانـي سـلام مربـع للكبير اللي استربّع فوق دماغ مشّش و صدّع من كـلام عمال بيرسم دنـيا حلوة فـ الأغانـي سـلام مربـع للأغانـي سـلام و داير ع الصوانـي كـلام و ماشي في ديل كـلام ولحن تايه في الزحام غنّى النظام علشان ننام على صوته نمنا ما قومنا تانـي سـلام مربـع للي ناموا ماقاموا تانـي اللي طافوا واللي خافوا واللي شد عليه لحافُه وغمّى عينه ع اللي شافه و راح يقدم للي كمم صوتنا ولابنه التهانـي سـلام مربـع للتهانـي ابن وز وغصب عنا في نيل هوانا سوا برضانا او المهانه راح يعوم ابن حاكم يبقي حاكم بالوفاق او بالمحاكم في القانون المستحيل لازم يهون والوريث يصبح رئيس بشكل شرعي و فـ ثوانـي سـلام مربـع للثوانـي تشريعات على كيف هواهم شرّعوها وعود قالوها و ضيّعوها و لعبة بايخة اتعودوها ناس بترضى وناس بتخضع ناس مُناها تحب تسمع يبقى تسمع على مزاج خطبة تخلق الف مصنع خطبة تروي و خطبة تشبـع خطبة تبنـي فوق رمال الصحرا ألَفات المبانـي سـلام مربـع للي بانـي بانـي مجد عشان طموح

ايها السادة اللى مش سادة اليكم نشرة الهم المعادة فى حديث خاص لاذاعة هس هس العالمية صرح الوالى المعظم من ولاية ننا ننا للولاية بتاعنا احنا اللى عارف كل حاجة واللى فاهم كل حاجة والى مش محتاج لحاجة الا لشوية عزيمة على حبة من ارادة بس عايزين الصراحة كان حديثة نيلة خالص سورى عفوا كان حديثة حلو خالص والمذيعة حلوة خالص والكلام كان حلو خالص بس كان هايس ولا يص خدنا فيه الساعتين بطوله مش لاقى حاجة يقوله واللى بيقوله يعيده واللى بيعيده يقوله خلت العثمان بتاعنا عقله خلبت خلطة بيطة قاله يخرب بيت ابوكى قولى حاجة يا مصيبة انتى ويانا عليهم ولا وياهم علينا تنح المذكور وقاله يا بلاوى افهمونى انا طول عمرى حيادى اعشق اللون الرمادى بس فكرى كان ضرورى يكون احادى زى فكر الى جبونى كان ضرورى يكون احادى قالع عفوا يا عظمتك يعنى قصدك ديكتاتور قاله ديك ده اللى قصادك ولا طور قاله ديك قاله يبقى انت اللى طور

هو : مين أحباب الله هم : صناع الحياه اللى بيبنى واللى يعمر واللى بيزرع واللى يخضر واللى ف وقت الشده يشمر دول أحباب الله اللى يربى واللى يعلم واللى يداوى جراح متألم واللى يدافع عن متظلم دول احباب الله واللى بيسهر ويا كتابه ويقدم للعلم شبابه ويخوض البحر ولا يهابه دول احباب الله واللى بيحلم حلم بلاده وبيشقى على رزق ولاده وبيحمد ربه على زاده دول احباب الله واللى عطوف القلب وطيب واما بيزعل زعله قريب عمره عن الاحباب ما يغيب دول أحباب الله واللى يحب لنفسه الخير زى ما بيحبه للغير والحقانى لسان وضمير دول احباب الله

إسكندرية يامرية ياأم التراب الزعفرانى ياللى فىبحورك بانسى ايه معنى الأسية وفى رملتك دفنت يامّا احزانى والله هواك مافى جماله ولا زى ميتك راح القى مية ياسكندرية انا سايبة فيكى حتة منى ومش بايدى ده غصب عنى فيه حته منى من هناك نادت عليا تعالى ياما وسيبى عندك حتة تانية اصل الفراق مكتوب عليكى من وانت طفلة صغيرة كان بيناديكى بيقولك الدنيا كده هتحبى ده مش حتلاقيه مابين ايديكى راح تسكنى طيارة مالهاش مطار هم البلاد ياولاد بقو ليه كتار ليه المسافات ليه الحدود واللا ده ليل مالهوش نهار آآآه ياحبايب وراح اشكى احزانى لمين انتم بقيتو جوه قلبى قريبين وفحضنكم مش حاكتم السر الدفين انا ياحبايبى قلبى مابين وبين الهى يجمع شملنا ويعيدنا لبلادنا مكرمين ويحفظ اللى هنا واللى هنا قولو معايا ياناس آآآآآآمين *168* كتبتها قبل مغادرتى للإسكندرية حيث تركت أكبر أبنائى يدرس بالجامعة ولحقت بباقى الأبناء فى الغربة حيث ما تبقاش عارف مين والله اللى فى غربة إنتظرو منى قريبا غربةياأم التراب الزعفرانى ياللى فىبحورك بانسى ايه معنى الأسية وفى رملتك دفنت يامّا احزانى والله هواك مافى جماله ولا زى ميتك راح القى مية ياسكندرية انا سايبة فيكى حتة منى ومش بايدى ده غصب عنى فيه حته منى من هناك نادت عليا تعالى ياما وسيبى عندك حتة تانية اصل الفراق مكتوب عليكى من وانت طفلة صغيرة كان بيناديكى بيقولك الدنيا كده هتحبى ده مش حتلاقيه مابين ايديكى راح تسكنى طيارة مالهاش مطار هم البلاد ياولاد بقو ليه كتار ليه المسافات ليه الحدود واللا ده ليل مالهوش نهار آآآه ياحبايب وراح اشكى احزانى لمين انتم بقيتو جوه قلبى قريبين وفحضنكم مش حاكتم السر الدفين انا ياحبايبى قلبى مابين وبين الهى يجمع شملنا ويعيدنا لبلادنا مكرمين ويحفظ اللى هنا واللى هنا قولو معايا ياناس آآآآآآمين *168* كتبتها قبل مغادرتى للإسكندرية حيث تركت أكبر أبنائى يدرس بالجامعة ولحقت بباقى الأبناء فى الغربة حيث ما تبقاش عارف مين والله اللى فى غربة إنتظرو منى قريبا غربة

طار الحمام اسراب وسابوكى تتألمى مخنوقه وسط الضباب مش قادره تتكلمى وعمى عنيكى التراب مش شايفه تتقدمى دول كلهم اندال ماحد منهم بقا ياما الكلام ده اتقال وانتى ولا مصدقه ابكى عشان الدموع تغسل عيونك بقا وحاولى تانى الرجوع من جرحك اتعلمى طيرى وشوفى النور هناك بيندهلك لو الجناح مكسور امشى على رجلك ولو قدم مبتور عالتانىعلى مهلك سيبى الليالى تدور وغنى واتبسمى دى كلها ايام والكل هيشوفو اللى هرب فى الظلام وادّارى من خوفه وتطيرى فوق الغمام وتحطى على خوفو ويخرص جميع الكلام وانتى اللى تتكلمى لسه بتتألمى...........؟ ليه بس تستسلمى......؟ خايف لبكره يفوت وانتى اللى راح تندمى منقول اشعار _ قصائد _ شعراء _ شعر _ شعر فصحى _ شعر عامى _ زجل _ نثر _ ادب

على باب بلدنا .... مكتوب على باب بلدنا : يا جيّ مصر... منك كتير ..!! فيها الوزير والغفير .. واللى نفسه يكون وزير.. فيها اللى هادى والمدمن جعير فيها اللى فرحان باللقا .. و اللى مدمن تريقة .. و اللى مطحون م الشقا .. و اللى نايم ع الحرير .. فيها اللى عازف غنوته واللى عارف سكته .. واللى قادر يحبطه ... ويدوّقه الطعم المرير.. فيها اللى شارى واللى بايع واللى واكل واللى جايع ... واللى ضاع بسبع صنايع .. سبع صنايع ..!!مش كتير؟؟ فيها اللى مستنى البشاير .. و اللى لافف كعب داير .. واللى ظالم .. واللى جاير ... واللى معدوم الضمير....... فيها اللى مشحون بالأسى .. و اللى غاوى وسوسة .... واللى من صمته اتنسى ..... و الصنف ده منه كتير..!!!! فيها اللى عالم بالأمور .. و اللى متأنى وصبور .. واللى يرغى كالوابور.. ف كل حاجه كلام وفير.. فيها الجميل الأسمرانى .. و الحليوه ....المعجبانى .. و المتيم ...أمريكانى..!!!! و اللى مالك ...و الأجير.. فيها اللى دايس ع الزناد .. و اللى حامى للبلاد ... و اللى رافض للبعاد ... وكأنه ف الغربه أسير!! فيها اللى نايم و المصحصح .. و المغفّل ... و....المفتّح .... و المؤدب والمشرشح ... واللى بين ...وبين ....يسير!! فيها اللى قاسى .. و الرحيم و اللى مشغول ب الريجيم واللى أهلاوى و صميم ... و الزملكاوى وخطير . .. فيها اللى همومه كتروا ... و اللى مدمن باص ومترو .. واللى نزلوا بدون ما فطروا كله رزقه ع المجير ... فيها اللى فاهم ..والمقاوح واللى على قلبه مراوح .. واللى سهران واللى صابح حامد المولى القدير ... فيها اللى فكره منطقى واللى متوضى ونقى .. و اللى دايما مشتكى .... من أى حاجة ف ايد الغير يا مصر راجع من سكات عاشق حاجات ..رافض حاجات وانتى اللى مذكوره ف أيات ف كتابه مولانا القدير... ولما شوقنا ليكى خدنا لكل حارة ..وكل مادنه ... لقيت كتاب على باب بلدنا يا جىّ مصر منك كتير .. وانا اترميت ف حضنهم

المماليـــك زمن المماليك ، حاجه رومانتيك أبطال حواديت ، تحت الشبابيك رايحين جايين ، بهدوم كده شيك بوشوش حمرا ، لون عرف الديك راكبين على خيل ، الله يعطيك يعملوا حركات ، يضربوا مزازيك يلعبوا بالسيف ، لعب يسليك يضحكوا وياك ، و يغزوه فيك غير الخوازيق ، بقى و المشاكيك و اسياخ النار ، اللى تدفيك حاجه تخليك ، تشكر أهاليك اللى ما ولدوك ، زمن المماليك

[/b] قصاقيص ورق منين أجيب مقص مجنون زيى .. بس نص نص و أجيب ورق و أفضل أقص أقص أقص أفضل أقصقص ورد من على كل لون لحد ما أعمل عندى حبة كتير كتير و اركب لى نسمه ، و اطير اطير و احفن و ادردب عالبلاد مطر غزير ينزل يرخ يرخ على قرعة بنات أخت البشر يتسبسبوا و يتشيكوا و يبقوا لابسين - لا مؤاخذه - طراطير و يا سلام لو كمان معايا وقتيها قلم كوبيا ، طويل طويل طويل أبله من قلبى ، اللى عرقان م السفر و اكتب به و انا طاير على خد القمر أنا باحبك يا جميل قصاقيص ورق لكن مطر يرخ ، جامد ، قد ما يحبوا الولاد يا دوب كده مقدار ما يجروا و يمسكوا مطر ... خطر ينزل على كتاف العجايز ... يضحكوا يشبك فى سلك التلفون هنا ، و هنا ، و هنا ، و هنا على كل لون و اللى ف جنازته فى التابوت ، يفوت يبص يلاقى عالم ، كله كله كله زينة عيد ميلاد و يفضل فصل ، لكين مفيش بالشكل ده لابد من عيد الميلاد أنا عيد ميلادى مالوش معاد فين الورق ، و النسمه و المقص ، و القلم يا واد و الا بلاش ده مفيش أمل أعياد كتير بيبتدوا و بيفرغوا و بيفضل العالم كده مكبوس تقيل تقييل يا ربنا يا اللى خلقت لنا الايادى ، للهزار ، و للعمل ادينى قوة مليون ألف ايد ، عشان أزغزغه

النساء و منصب الوزارة قالوا الرجال إن النسا مالهمش في الوزارات ونهار ابونا مِسا لو حكّموا الستات في وزارة التموين و الاقتصاد بالذات حتضيع فلوس البلد في اللبس و البوتيكات بالذمة ده اسمه كلام يبقى وزيرنا مدام واسم البعيد فتكات يختي عليه لو مشي يدخل مجالس إشي لابس قميص شفتشي من كلمة واحده يختشي..وينزل صويت وعياط يا اهل العلام والادب اقروا التاريخ اللي انكتب..فوق الطريق علامات كليوباترا حكمت بلد بالحيلة ويّا الجلد من غير لا خد ولا هات وكام من وزير كان قفا جه في الطريق واختفى .. ولهف وراه ألوفات قصر الكلام يتقال .. مين فيهم اللي يفيد مش مسالة عضلات وساعات كتير ستات بيكونوا رجالة ورجال بطبع النسا وطالعلهم شنبات ايمان بكرى _ شعر ايمان بكرى _ الشاعره ايمان بكرى _ قصائد ايمان بكرى _ النساء فى منصب الوزارات

فاكر.. زمارة الخطر..وطفي النور.. وأكياس الرمل.. وقدام كل بيت ساتر.. فاكر.. أيام السهر.. والامتحانات.. وكوباية شاي من إيد أمك.. وانت بتذاكر.. كنت بتفرح لما تنجح.. أو حد يقول عليك شاطر.. فاكر الأمان.. ننام وفاتحين البيبان.. دلوقتي ف كل شارع لجنة.. وف كل بيت عساكر.. فاكر.. معقول عشان تعيش.. لازم تطاطي وتقضيها.. طيب وحاضر.. مين اللي قال.. البحر غادر.. ومين اللي قال.. إنك خلاص تعبان.. ومش قادر.. ومين اللي سماك.. شحات وعريان وصابر.. هو احنا توهنا من بعض.. هو إحنا ليه.. ماشين وبصين ف الأرض.. هو احنا لسه بنحلم.. وبنحاول وبنعافر.. سؤال لا كان ع البال ولا ع الخاطر.. أسأل عليك.. يقولوا نايم.. وتسأل علي.. يقولولك سافر.. واخد بالك.. دلوقتي ف كل ثانية.. بنسمع الزمارة.. وبدال الغارة ألف غارة.. لكن لا بيصحي شارع.. ولا حارة.. وكل واحد فينا محتاج.. مليون أمارة.. عشان يحس بالخطر.. ياه.. يا ساتر..

مش أنا امبارح.. رحت من بيتنا ف السيدة.. للشغل ف حلوان.. في سبع دقايق.. لا شوفت حد زعلان.. ولا حد متضايق.. والورد إنسان.. والنخل متعايق والناس جميلة مؤدبة.. والجود رايق.. والدنيا ماشية لوحدها.. ولا حد سايق.. ومش أنا.. امبارح برضه.. رجعت م الشغل ف حلوان.. لبيتنا ف السيدة.. في خمس دقايق.. لا حاسس بغربة.. ولا شايف غريب.. وقلبي أبيض حليب.. عندليب كروان فرحان.. شايل ف قلبي وف جيوبي.. الفرح أشكال وألوان.. وزعت ع الشوارع.. والبيوت والجيران.. وطلعت البيت.. ضربت الجرس فتحت مراتي وبالأحضان.. والعيال كمان فرحانين.. ناجحين وجايبين الدرجات النهائية.. من غير دروس خصوصية.. قمنا رقصنا وغنينا.. واحتفلنا واتغدينا.. فضلة خيرك.. سمك واستاكوزا.. وجمبري م الكبير.. وحلينا مهلبية.. وشربنا الشاي كمان.. وفجأة.. لاقيتني بردان بردان.. بصيت لقيت.. الشباك مفتوح.. ومافيش بطانية.. ومراتي جنبي وزي ما هي.. لسه بتعاني من آلام المفاصل.. وده اللي حاصل.. والحمدلله.. علي كل شيء..

مطلوب عروسة طيبة.. ومتعلمة ومؤدبة.. ومؤمنة بالقضاء والقدر.. سنها من سني.. أصغر أو أكبر مني.. مش هنختلف.. وتكون بتحب القراءة.. وتهوي الرحلات.. وتعشق السفر.. مش عضو ف أي حزب.. وطبعاً عارفة إن الكذب حرام.. بتحب الكورة.. مهمومة بالدوري العام.. وملفوفة القوام.. حلوة وزي القمر.. شعرها ناعم حرير.. ملهاش أي مصلحة.. ف شارع القصر العيني.. أو مجمع التحرير.. وفاهمة كويس ميدان الجيزة.. مش متابعة جلسات مجلس الشعب.. ولا بتسمع البيان الختامي.. لأي مؤتمر.. وتكون من عيلة.. بتشتري راجل.. لا عايزة شبكة ولا مهر.. وأنا بقي.. خبرة ف المرمطة.. وجميع أشكال القهر.. مواطن من إنتاج مناهج.. وزارة التربية والتعليم.. ثانوية عامة.. النظام القديم.. أيام الأرنب الغضبان.. والخس والجزر.. وزي النسمة والله.. يعني تعتبرني من دلوقتي مش موجود.. لا حس ولا خبر.. بس مخي نضيف.. وعاقل ورزين.. وعندي شوية نظر.. ورغم إني ياما إتزحلقت.. لكن لسه بفرح بالمطر.. علي فكرة.. أنا حاجز شقة بحري.. أربعين متر.. آخر طريق الواحات.. بس لسه ماحطوش الأساس.. عشان تقريباً.. مش لاقيين الحجر..

من هفوه أو كلمه هايفه نتحمق ونقوم نسب وندب ، ويدور العراك بالشوم وكل محموق وله فرقه تقوم بهجوم من قبل ما تعرف الظالم من المظلوم تبقى الشراره حريقه والسحابه حسوم لا شركه تنجح ، ولا عيله صفاها يدوم ومنين نشوف العدل ولا السفينه تعوم مادمنا فوق قلبها قاعدين لبعض خصوم تضحك علينا الحدادى فى السما بتحوم بيرم التونسى

دستور يا اخوانا يا بعدا لأ سوري دستور م البعدا محبوس حابس يا سيادنا و بكاكي من فوق مدنة و ورايا ديوك بيكاكو حرصوا عالباقي معاكو بركة مولانا هولاكو حلت و علينا اللعنة طرطور طرطر طراطير بيغروا فالدساتير و لا عاد فالحتة كبير و يا وارث تورث مين ما الورث إتباع و إتبعنا نرجع تاني لموضوعنا و بيان لديار الإفتا من جمهورية زفتا لعبو و عملوها إستفتا صوت ياللي سامعنا و قوللي ملك ولا كتابة أسد شبل ف الغابة و احلف وحياة راس بابا زفة فمولد كدابة و الله يجازي اللي خدعنا للجوكر ألف تحية ملعون خاش الحرية يحيا قانون العبودية و القوانين الوضعية و الحكومات الشمولية لها مني ألف تحية وحياة أمي دي رجعية و لو صوتنا و جعجعنا واحد ولافيش غير هوه قاعد متربع جوة و بكيفك أو بالقوة لو سوبر مان و فتوة روح قله بقى يودعنا عصابات شغل فتوات و إستعباط على حركات و السقا أبوه لو مات حيقوم يسقي الشربات و يكمل على مواجعنا مزيكة و تراباتتو و نفديك بالدم.. إفدوه بس إحنا ورحمة أبوه مين ده اللي حيلوي دراعنا روح هاتلي لمون بالصودا انا حاسة بريحة شوطة حيصعدوا فصل الروضة و الورث حيصبح موضة لم الجدعان و اتبعنا على قهوة ساقية مكي نصرخ نلطم و حنبكي ده ناويها و بيتكتكلي قبل ما حتى يودعنا ظقططوا يا عيال قولوا هيه الحكم صبح تيك أواي لو عايز قول أوكيه و لو رافض قول أوكيه في كلا الحالتين نوو واي غير كودية و زار ينفعنا لأنا عايزة بخور م الجاوي و حمار أرمل و حصاوي و دراع برغوت مش غاوي تنطيط عفريت و مخاوي شلة مقاطيع يقطعنا حابس من شر الكرسي من شر عزيزة و مرسي من قرص النمل الفارسي م الأحياء و الأموات من كايرو إلى بغداد أشتات أشتوت أشتات حرصوا من لعب السيكا م الحكشة و م البولوتيكا و لا تشمت يوما فيكا مارشيل بنت أم ماريكا قول حاجة الله يهديكا و ادعي معايا يخليكا حلوا بقى عن أوجاعنا و انصرفوا عليكوا اللعنة انصرفوا عليكوا اللعنة ايمان بكرى

<H4 dir=rtl>رأيناهُ على التلفازْ يُخاطِبُنا ولم يرمش فحدثنا عن الإنجاز وعنْ إنمائهِ المُقرِشْ وكيفَ قضى على الإعوازْ فقالَ الشعبُ في المشمشْ</H4> ********************************* مضى يوصي بنا الوزراءْ فلا جوعى ولا فقراءْ ولا مرضى ولا أوباء وكاد أمامنا يُجهِشْ فردَّ الشعبُ في المشمشْ ******************************************** وأعطى الأمرَ والإيعاز لكل مواطنٍ ساعهْ وولاعهْ … وللراعي وللخباز قمبازٌ ودراعهْ فصاحَ مُذيعُهُ مدهشْ وردَّ الشعبُ في المشمشْ ************************************************** سأقطعُ دابر الواشي ومن يثري على الماشي ولن أرضى عن الواشي سأطرُدُ كلَّ من يهبشْ فصاحَ الشعب في المشمشْ سأخلعُ عنكمُ النيرا وأجعلُ أمرَكم شورى وتسهيلاً وتيسيرا فلا قراقوشَ أو قِرقِش فردَّ الشعبُ في المشمشْ ************************************************** سأُصدِرُ في غدٍ أمرا يُجيزُ الطبعَ والنشرا ويسمَحُ نقدنا جهرا وأسجنُ كلّ من يَبطِش فقالَ الشعبُ في المشمشْ **************************************************** أضافَ يقولُ في إيجاز بكُلّ الفخرِ والإعزاز سنزرعُ كلّ ما يُزرعْ من ((الفوله )) إلى الصويا سنصنعُ كلّ ما يُصنعْ من الكولا إلى البويا سنصبحُ دولةَ الإعجازْ وأنهى القولَ في التلفاز وودّعنا ولم يرمشْ وما نِلنا سوى المشمشْ

الموضوع اشتغاله جميله وفكره جامده وانا مستنى معادى معك يا دكتور

ربنا يخليك يا عاشق الصداقه ده بعض ماعندكم

اتكلمــــــــــــــــــــــوا اتكلموا .. اتكلموا .. اتكلموا ... محلا الكلام ، ما ألزمه و ما أًعظمه ... فى البدء كانت كلمة الرب الاله ، خلقت حياه ، و الخلق منها اتعلموا ... فاتكلموا فى البدء كانت كلمة الرب الاله روح بجناحين شطار ، و صار للكون مداه . آخر مطافها ، جت و حطت ع الشفاه ، لما البشر ملكوا الوجود ، و استحكموا ... فاتكلموا الكلمة ايد ، الكلمة رجل ، الكلمة بــاب ، الكلمة نجمه كهربيه فى الضباب الكلمة كوبرى صلب فوق بحر العباب ، الجن يا أًحباب من ما يقدر يهدمه ... فاتكلموا الرمل مرمى تحت قبة السما ، مشتاق لقطره من المطر فيها النما ، ملايين سنين عمره ما داقها ، انما فيه كلمة تقدر فى المراوى تِعَوَّمه .. فاتكلموا فيه كلمة تقدر تزرع البور حور ضليل ، و كلمة تقدر تجعل الكوخ بيت جميل ، و ابو العيال و الجلابية الهلاهيل ، فيه كلمه تعطيه مال ، و كلمة تِهندمه .. فاتكلموا لكم السلام ، يا ملفوفين حول اللهب ، يا غواصين فى القلب ع الكلنه العجب ، فى البدء كانت كلمة الرحمن سبب و ما عادش غير الحق كلمة تِتَمَّه فاتكلموا قصيده لصلاح جاهين

انا اسف مكنش قصدى والله الى جه فى باللك وشكرا للمرورك ويا بنت مصريه مدام نزلت القصيده على المندى تبقى لكل اناس

السيد عبد العاطى البروقراطى السيد عبد العاطى البيرو قراطى ، من ( بيروقراط ) مركز مش فاكر ايه ، كل بلدهم بهوات سبحان العاطى ، الكاتب بيه و مدير المصلحه بيه ، و السيد عبد العاطى البيروقراطى راجل دوغرى ، فاهم إيه اللى عليه ... راجل يعرف أمتى ينخنخ ويطاطى و كمان يعرف امتى يدلدل رجليه . ييجى المكتب ، بدرى بمواعيد ظباطى ، و الساعة اتنين و لا ورقة تكون فى ايديه . فنان فى الشغل ، وفنه أرستقراطى ، الفن فقط للفن ، بتضحكوا ليه ؟ لا تقوللى مصالح شعب و لا كلام و اطى ، الهدف السامى علاوة تلاته جنيه . و السيد عبد العاطى البيروقراطى ( السد العالى ) ف نظره .. اسمه دوسيه ! القصيده للشاعر صلاح جاهين

القصيده دى شعر سيد حجاب علشانك ياعاشق الصداقه يا مصرى ليه دنياك لخابيط...والغلب محيط والعنكبوت عشش عل الحيط...وسرح عل الغيط يا مصرى قوم هش الوطاويط...كفاياك تبليط صعبه الحياه والحل بسيط...حبة تخطيط فتحت باب إستيرادك وصرفت فوق ضعف إيرادك حلى للخواجه إستكرادك سابك بتقرا فى أورادك وده أشطك ونزل تشفيط ومهولاتى تحب تزيط ساعة الفرح زغاريط تنطيط وفى المياتم هات يا صويت وفى المظاهرات سخن تشيط وفى الانتخاب تنسى التصويت وليه بترشى وتتساهل وتبيع حقوقك بالساهل تستاهل النار تستاهل ياغويط ويحسبك الجاهل ساهل وساهى وغبى وعبيط يا مصرى يا اللى الغلا عصرك والنهب فى عصرك حاصدك قوم للحياه وأسبق عصرك ولا حاجه هاترجع مصرك إلا أن تكون شغال ونشيط يا مصرى ليه دنياك لخابيط...والغلب محيط والعنكبوت عشش عل الحيط...وسرح عل الغيط يا مصرى قوم...هش الوطاويط...كفاياك تبليط صعبه الحياه والحل بسيط...بس حبة تخطيط