مهندسة المنصورة

اختي في الله دفءُ الأٌنْــــــــسِ جزاكي الله خيــــــــــــرا حبيبتي في الله فعلا كظم الغيظ ده نعمة كبيرة جدا من ربنا بس للاسف مش في كل الاحوال بنقدر نتمالك اعصابنا بس اوقات كتير الانسان فعلا اما بيتذكر الحاجات اللي ذكرتها في علاج الغضب من سنة الحبيب ده بيهون الموقف عليه كتير ربنا يتقبل الدعاء الجميل ده منك يـــــــــــــــــــارب من اكتر الادعيه اللي بدعي ربنا بيها ان نكون فعلا من الكاظمين الغيظ لان الانسان لو اتكلم وهو غضبان ممكن الكلمة دي تجعله يبوء بسخط من الله وتكون سبب في هلاكة في الاخرة زي ما بيقول الحديث الشريف فيما معناه ان الرجل يتكلم بالكلمة لا يلقي لها بالا فيهوي بها في النار ربنا يجعلنا من الكاظمين الغيظ والعافين عن الناس اللهم امين

ماشـــــــــــــــــــــاء الله افكار جميلة فعلا بجد مش لاقيه كلام اقوله حاجة مبهرة اوي جزاكم الله خيـــــــــــــــــــرا كثيرا موضوع راااااااااااااااااااائع

برمج عقلك بالهيروغليفي!! 2- الكلام زي ما عرفنا في الحلقة اللي فاتت أحد أساسيات الحوار عند الفراعنة وهي فضيلة الصمت.. دلوقتي نتكلم عن الكلام نفسه.. المفروض نقول إيه؟ هنتكلم عن الموضوع ده بالتفصيل, لكن هنشوف الفراعنة قالوا لنا إيه بالضبط. 1- الكلام هو مرآتك أمام الناس. لما الواحد فينا يتكلم بيبقى ده هو اللي بيعرف الناس بيه وبطريقة تفكيره, والكلام ده هو اللي بيرسم صورتك قدام الناس ممكن أكتر من مظهرك نفسه.. مثال: ثلاته جم ليك وسألك كل واحد سؤال.. إيه انطباعك عن كل واحد منهم؟ واحد بيقول لك: إيه الموضوع يا إكسلانس؟ وواحد تاني بيسأل: جرى إيه يا معلم؟ أو: إيه النظام يا عسل؟؟ مع إن الجمل التلاتة دي ليها نفس المعنى بس طريقة صياغتها قدمت ليك فكرة عن خلفية الشخص اللي بيتكلم... صح؟ الأولاني واضح إنه رجل أعمال مثلا، والتاني والتالت صبي قهوجي مثلا أو صبي ميكانيكي. فمهم قوي احنا بنقول إيه ومهم برضه: احنا بنقول (ازاي)!! اشحذ قلبك حين تتكلم حتى يقول النبلاء الذين يصغون إليك: ما أجمل ما يخرج من فمك! حكم "كامجني" و"بتاح حتب" وبلاش تحشر في النص كلام مالوش لازمة.. شوف جدك بيقول إيه: احفظ لسانك من الألفاظ الشائنة, حتى تكون مفضلا عند الآخرين, ومحترما في شيخوختك , وآمنا من بطش الإله. تعاليم "أمنوبي" ونعم بالله يا عم "أمنوبي".. يعني لازم يا عزيزي يبقى كلامك حلو.. اغرس طيبتك في جوف الناس, حتى يحييك كل إنسان. تعاليم "أمنوبي" 2- مفتاح الإيجابية فيه أنواع من الكلام يا جماعة... كلام إيجابي وكلام سلبي.. الكلام الإيجابي زي: الجو النهارده أحسن - شكلك هايل - الأوضاع بتتحسن - فيه أمل. الكلام السلبي زي: الجو النهارده وحش - مالك مبهدل كده - مفيش فايدة - أنا يائس. الناس بقى بتلتف حوالين الناس الإيجابيين أكتر وبتحبهم... فلو فضلت إيجابي الناس هتحبك وتلاقي صداقاتك بقت أكتر وأفضل... مثال: لو واحد جه وقال لك: "أنا قرفان وزهقان وتعبان والدنيا سودا معايا.. تعالَ نخرج مع بعض النهارده". وواحد تاني كلمك (على التليفون التاني مثلا) وقال لك: "الجو حلو النهارده وأنا مبتسم للحياة وعايز أشوفك عشان نخرج خروجة حلوة".. مين اللي حمسك؟ طبعا عرفت هتختار مين فيهم تخرج معاه... مع إن الاتنين عرضوا الخروج معاك.. لكن مين إيجابي ومين سلبي؟؟ مش لازم تقول إنك متضايق.. إعرض أفكارك وخلاص.. مش لازم تطلع الضيق اللي جواك في صورة كلام.. عشان ماتضايقش اللي حواليك وينفروا منك لا إراديا. "وكن قبل كل شيء حريصا في كلامك. إذ أن هلاك المرء في لسانه. إن جسم الإنسان أوسع من مخزن الغلال, وهو مليئ بجميع أنواع الإجابات, فاختر منها الإجابة الجيدة وقلها, واحتفظ بالخبيث منها حبيسا في نفسك". نصائح "آني" 3- طريقك نحو تواصل أفضل يعني هيخليك تعرف تتعامل مع الناس أفضل.. من المعروف إن أساليب الاتصال عندنا بتعتمد على الكلام إلى جانب حاجات كتير تانية (هنبقى نقولها).. فالكلام بيخليك تقدر تقنع / تسعد / تضايق أي حد.. لو كنت مثلا متخانق مع أي حد.. لو اتصرفت بإيجابية وقلت له كلمتين حلوين هتقدر ببراعة تكسبه في صفك تاني! "انطلق بعد شجار مرير وتصافَ مع من كان لك خصما, فمثل هذه الأحاسيس هي التي تقوي الحب". "كامجني" و"بتاح حتب" لو واحد بيتناقش معاك في موضوع قدام الناس, ولاقيت إنه قاعد يقول كلام مستفز ومش مضبوط.. اعرف إنه بيحاول يشدك معاه للمستوى اللي هو بيتكلم بيه.. لكن لو اتصرفت بإيجابية وسيطرت على مشاعرك واتكلمت بكل هدوء ومن غير غلط, ده هيخليك تنتصر في المجادلة دي وهيخلي الناس تحترمك.. وهو منظره هيكون وحش قويييييي! "إذا وجدت رجلا مساويا لك يتجادل, وأثار حديثه السوء فلا تسكت, بل أظهر حكمتك وحسن أدبك, فإن الناس سيثنون عليك ويحسن ذكرك عند العظماء." حكم "كامجني" و"بتاح حتب" مممم... الغضب.. الغضب ده يا جماعة أكتر عدو بيبوظ أي ترتيب بنعمله هنا.. بيبوظ أي برمجة في برمجة الدماغ.. فخلي بالك منه.. ماتخليش الغضب يشدك ويخليك تعمل حاجات إنت مش عايز تعملها أصلا.. هتقاطع الناس وهي بتتكلم أو تتطاول عليهم في الكلام أو حتى تقوم بتصرف -فعلا فعلا - لما تفوق هتندم إنك عملته. "حذار من أن تقاطع أحدا وهو يتكلم, وإياك أن تجيب وأنت في فورة الغضب". حكم "كامجني" و"بتاح حتب" قوتك في كلامك... لو كنت بتتكلم كويس الناس هتنظر ليك نظرة عظيمة.. اقرأ كتير وزود حصيلتك اللغوية واعرف أكتر.. لأن كلامك لو كان قوي إنت كمان هتكون قوي.. لو كنت مقنع ومثقف وعارف كتير وبتعرف توصل للناس أفكارك, يبقى أكيد هتكون قائد في مجالك! "كن مفتنا في الكلام, قديرا فيه, مالكا لناصيته, حتى يعلو شأنك, وينبه ذكرك, فقوة المرء في لسانه. والكلام أقوى من الحرب والقتال". أقوال من التعاليم الموجهة للملك "مري كارع" تعرف بقى؟؟ فيه أخلاقيات مهمة جدا قالها لك الفرعوني.. أخلاقيات مهمة جدا لازم نقعد كلنا كده مع بعض ونسمعها وننفذها.. لأنها مهمة قوي قوي... سمعنا يا عم.. "لا تفضح إنسانا عرض عليك أمرا لتحكم فيه, فكون رأيك في نفسك واجعل الحسن منه على لسانك, أما القبيح فاخفه في بطنك". "لا تخالط الرجل الأحمق. ولا تقترب منه لتحادثه, واحفظ لسانك سليما عندما تجيب على رئيسك, ولا تذمه, واحذر الاندفاع في الإجابة. فالإنسان يبني ويهدم بلسانه". "لا تتحدث بالإفك والبهتان فإن الكذب يمقته الله, وأكبر شيء يكرهه الله هو النفاق". تعاليم "أمنوبي" "كن صريحا ولا تخفِ من أعمالك شيئا, بل صارح بها رئيسك في مجلسه حتى ولو كان يعلم بها, فلا يضر المرء أن يقال له: هذا شيء أعلمه" "إذا كنت حاكما فكن عطوفا متأنيا عندما تسمع شكوى المظلوم. ولا تجعله يتردد في أن يقول لك ما في دخيلة نفسه, بل كن رفيقا ولحاجته قاضيا, ولظلمه مزيلا رافعا". "اجعله يسترسل في كلامه على سجيته حتى تقضي حاجته التي أتى من أجلها إليك. فإنه إن تردد في أن يفضي لك بما في قلبه قيل: إن القاضي يظلم من لا يستطيع رد الظلم عن نفسه. لكن القلب الحاني العطوف يستمع ويصغي عن رغبة". "كامجني" و"بتاح حتب". أي والله يا عم.. معاك حق.. نلقاكم في العدد القادم بقى.ان شااااااااااااااء الله. بس من غير فراعنة

الحمد لله انا مبسوطة جدا والله ربنا ينفعنا بيهم جزانا واياكم خيــــــــــــر الجزاء في الدنيا والاخرة ماشاء الله لو جينا نشوف اي امر من امور حياتنا نجد الحبيب الهادي تحدث فيه واعطانا العلاج الشافي له علاج الغضب الأول:‏ الاستعاذة بالله من الشيطان الرجيم، قال الله تعالى: {وَإِمَّا يَنزَغَنَّكَ مِنْ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ} [الأعراف: 200]. روى البخاري ومسلم: استبَّ رجلان عند النبي صلى الله عليه وسلم، وأحدُهما يسبُّ صاحبَه مُغضباً قد احمَرَّ وجهُه، فقال النبي صلى الله عليه وسلم: "إني لأعلمُ كلمةً، لو قالها لذهبَ عنه ما يجد، لو قال: أعوذُ بالله من الشيطان الرجيم". الثاني‏:‏ أن يتفكر في الأخبار الواردة في فضل كظم الغيظ، والعفو، والحلم، والاحتمال، كما جاء في البخاري من حديث ابن عباس رضي الله عنهما، أن رجلاً استأذن على عمر رضي الله عنه، فأذن له، فقال له‏:‏ يا ابن الخطاب، والله ما تعطينا الجزل‏، ولا تحكم بيننا بالعدل، فغضب عمر رضي الله عنه، حتى هم أن يوقع به ‏فقال الحر بن قيس‏:‏ يا أمير المؤمنين إن الله عز وجل قال لنبيه صلى الله عليه وآله وسلم ‏:‏ ‏{‏خذ العفو وأمر بالمعروف وأعرض عن الجاهلين‏} ‏[‏الأعراف‏:‏ 199‏]‏ وإن هذا من الجاهلين، فوالله ما جاوزها عمر رضي الله عنه حين تلاها عليه، وكان وقافاً عند كتاب الله عز وجل‏. ‏الثالث‏:‏ أن يخوف نفسه من عقاب الله تعالى، وهو أن يقول‏:‏ قدرة الله علي أعظم من قدرتي على هذا الإنسان، فلو أمضيت فيه غضبى، لم آمن أن يمضي الله عز وجل غضبه علي يوم القيامة فأنا أحوج ما أكون إلى العفو‏.‏ ‏.‏ الرابع‏:‏ أن يحذر نفسه عاقبة العداوة، والانتقام، وتشمير العدو في هدم أعراضه، والشماتة بمصائبه، فإن الإنسان لا يخلو عن المصائب، فيخوف نفسه ذلك في الدنيا إن لم يخف من الآخرة وهذا هو تسليط شهوة على غضب ولا ثواب عليه، لأنه تقديم لبعض الحظوظ على بعض، إلا أن يكون محذوره أن يتغير عليه أمر يعينه على الآخرة، فيثاب على ذلك‏.‏ الخامس‏:‏ أن يتفكر في قبح صورته عند الغضب المذموم، وأنه يشبه حينئذ الوحش الضاري، وأنه يكون مجانباً لأخلاق الأسوياء والأنبياء والعلماء في عادتهم، حتى تميل نفسه إلى الاقتداء بهم‏.‏ السادس‏:‏ أن يعلم أن غضبه إنما كان من شيء جرى على وفق مراد الله تعالى، لا على وفق مراده، فكيف يقدم مراده على مراد الله تعالى. يقول الله تعالى‏ في معرض المدح:‏ ‏{والكاظمين الغيظ‏ ‏والعافين عن الناس‏ والله يحب المحسنين}‏ ‏[‏آل عمران‏:‏ 134‏]‏ . ‏وقال رسول الله صلى الله عليه وآله وسلم: "‏من كظم غيظاً وهو قادر على أن ينفذه، دعاه الله على رؤوس الخلائق حتى يخيره من أي الحور شاء"‏‏.‏ ‏وقال صلى الله عليه وآله وسلم لأشج بن قيس‏‏‏:‏ ‏<A name=h9>"إن فيك خلقين يحبهما الله ورسوله‏:‏ الحلم والأناة"‏‏‏.‏ وروى أحمد عن النبي صلى الله عليه وسلم قال: "ما كظم عبدٌ لله إلا مُلِئَ جوفُه إيماناً".

الشكر لله ياحبيبة قلبي جزانا واياكم ان شاء الله الموضوع منور بمرورك الجميل ده يـــــــــــــــارب يتقبل منك ربنا يسدد خطاكي ويلهمك الصواب وييسر لكي الخير حيث كان

انا سعيدة جداااااااااا بمرورك الجميل ده ومتشكرة جدا ربنا ينفع بيكي ويجعلك ذخرا للاسلام والمسلمين ويجعلك في رفقة الحبيب الهادي في الفردوس الاعلي ويختم بالباقيات الصالحات اعمالك ويثبتك بالقول الثابت في الدنيا والاخرة احبك في الله

انا سعيدة جداااااااااا بمرورك الجميل ده ومتشكرة جدا ربنا ينفع بيكي ويجعلك ذخرا للاسلام والمسلمين ويجعلك في رفقة الحبيب الهادي في الفردوس الاعلي ويختم بالباقيات الصالحات اعمالك ويثبتك بالقول الثابت في الدنيا والاخرة احبك في الله

برمج عقلك بالهيروغليفي!! أهلا بيكم في حلقتنا الجديدة.. موضوع الحلقة زي ما قريتم بالضبط.. بالهيروغليفي.. سؤال: عمرك اتكلمت مع واحد لفترة قليلة، وحسيت إنك استمتعت جدا بالكلام معاه؟ هل فيه ناس معينين بتحب تتكلم معاهم وناس تانيه لأ؟ فيه ناس كتير اتكلموا عن (أساليب الاتصال) وازاي إنك ممكن تجذب اللي قدامك وتنال احترامه باتباع قواعد معينة للحوار.. واتكتب في الموضوع ده حاجات كتيرة هنتناولها في الباب ده.. لكن في الحلقة دي بالذات هانسمع من بعض الفراعنة قالوا لنا إيه ونصحونا بإيه؟ الفضيلة الأولى: الصمت!! لما تقعد مع مجموعة من الناس بيتكلموا، هتلاحظ حاجة غريبة قوي.. هتلاحظ إن كل واحد بيميل إنه يتكلم عن نفسه وتجاربه الشخصية أكتر من أي حاجة تانية.. مثال: الأول: اكتشفت محل سمك هايل جدا.. عجبني أكله قوي.. الثاني: أنا برضه باحب السمك جدا.. لما رحت إسكندرية ماكلتش غير سمك.. الثالث: تصدقوا بقى إن أنا ماباحبش السمك؟ بيجيبلي حساسية.. مثال: الأول: شفت حلقة امبارح من المسلسل العربي؟ عجبتني قوي.. الثاني: أنا ليّ واحد صاحبي يشبه بطل المسلسل.. الثالث: أيوه فعلا.. أنا عارفه.. لاحظت الموضوع ده؟؟ راقب أصدقاءك وهم بيتكلموا أو أي مجموعة ناس في أي حتة.. هتكتشف فعلا إن أكتر حاجة الناس بتحب تتكلم عنها هي: نفسهم وتجاربهم.. وعشان تنال حب اللي قدامك وتقديره لازم ماتقعش في مصيدة الكلام عن نفسك، واكسب ود اللي قدامك وخليه يتكلم عن نفسه براحته.. أكتر حاجة الناس بتحبها إنها تلاقي حد يستمع لهم باهتمام وهم بيتكلموا.. وبيحبوا ويقدروا الشخص ده جدا، حتى لو ماتكلمش أساسا.. فخليك إنت الشخص ده.. إذا كنت بين جماعة من الناس، فاجعل حب الناس هدفك.... فيحسن ذكرك، دون أن تتكلم! حكم "كامجني" و"بتاح حتب" يعني المقياس في التواصل مش هو الكلام الكتير ومقاطعة اللي قدامك والكلام عمال على بطال عن إنجازاتك وعظمتك وتجاربك.. بكده التواصل ممكن يكون سلبي.. لا تكثر في الكلام فالصمت خير لك فلا تتحدث ولا تكن ثرثارا. حكم "كامجني" و"بتاح حتب" الصمت والاستماع مهم جدا في عملك لو كنت بتتعامل بشكل مباشر مع مشاكل الناس.. هاقول لك مثال: المريض: يا دكتور لما باصحى الصبح بالاقي عندي صداع وباحس كده إني... الطبيب: خد الدوا ده 3 مرات في اليوم.. المريض: لكن يا دكتور أنا باحس كمان إن عندي غممان نفس وكمان... الطبيب: أيوه خد الدوا ده... اللي بعده يا "عويس"! مثال: العميل: ألو... لو سمحت الخط عندي فيه مشاكل، منها إن.... موظف خدمة العملاء: أيوه يا افندم هنحل المشكلة دي حالا. العميل: أيوه بس فيه مشكلة كمان هي إن.. موظف خدمة العملاء: ماتقلقش يا افندم هاحل كل المشاكل، شكرا لاتصالك! تلاحظ إيه هنا؟ هل المريض حاسس إنه تلقى علاج كويس؟ هيطلع من العيادة يذم في الدكتور ده طبعا ومش هيروح له تاني! وهل العميل مبسوط؟ لا طبعا.. حتى لو اتحلت المشكلة هيفضل عنده إحساس سلبي ناحية الشركة دي! مع إن ممكن قوي إن الدكتور عرف المشكلة بتفاصيلها من التحاليل والأشعات مثلا، وموظف خدمة العملاء عرف المشكلة من البيانات اللي عنده.. وحلوا المشكلة بصورة ممتازة. لكن حل المشكلة مش هو كل حاجة زي ما شفنا.. المهم هو الاستماع الفعال. الفراعنة رأيهم إيه بقى؟ في نصائح "كامجني" و"بتاح حتب" للقضاة هنلاقي: "اجعله يسترسل في كلامه على سجيته حتى تقضي حاجته التي أتى من أجلها إليك. فإنه إن تردد في أن يفضي لك بما في قلبه قيل: إن القاضي يظلم من لا يستطيع رد الظلم عن نفسه. لكن القلب الحاني العطوف، يستمع ويصغي عن رغبة." حكم "كامجني" و"بتاح حتب" طيب.. لو إنت بقى في حوار سلبي مع واحد... يعني قاعد يغلط ويلخبط في الكلام وقاعد بيخبط فيك.. يبقى إيه الحل؟ فيه تجارب أثبتت إن: لو حد كلمك بصوت منخفض.. هترد عليه بصوت منخفض!. لو حد كلمك بصوت عالي.. هترد عليه بصوت عالي! ليه بقى؟ الاتصال بين اتنين بيبقى زي سلكين متوصلين بينك وبينه.. سلك بيرسل بيه رسايله ليك، وسلك بترسل إنت بيه رسايلك ليه.. لو حصل والفولت بقى عالي في السلك بتاعه وابتدا يوصل لك طاقة سلبية (زعيق وشتيمة مثلا)، بطريقة أوتوماتيكية هتلاقي إن الفولت بقى عالي في السلك بتاعك إنت كمان، وهترد بنفس الطريقة.. ويفضل يعلّي في الفولت، وإنت تعلّي في الفولت..... لحد ما يحصل ماس كهربائي وتنفجروا في بعض، وممكن تخسروا بعض.! سؤال: يبقى الحل إيه في الحالة دي؟ هل الحل هنا إنك تعلي الفولت بتاعك؟ لأ طبعا.. ليه؟ لأنه هيعلي الفولت بتاعه هو كمان زي ما عرفنا. يبقى لو علا الفولت بتاعه.. الحل إيه؟ الحل ببساطة: اسحب السلك بتاعك وماترسلش ليه أي رسائل خالص.. بكده الفولت هينخفض ويخلص الموضوع! اصمت تماما وماتستمعش لأي رسائل سلبية بيرسلها الطرف التاني.. لأن الفولت لما بيعلا في ساعة الغضب بيبقى الكلام مش مقصود خالص، فما تردش عشان ماتعليش الفولت وتغلط إنت كمان. لا تردد كلاما قيل في ساعة غضب ولا تصغ إليه، لأنه خرج من بدن أحمته ثورة الغضب. وإذا أعيد هذا الكلام عليك فلا تستمع إليه، بل انظر في الأرض ولا تتكلم في شأنه، فيخجل من هو أمامك ويعرف الحكمة. حكم "كامجني" و"بتاح حتب" شفت لما تسكت يحصل إيه؟ هيتكسف ويسكت هو كمان.. ممكن واحد حمقي شوية يطلع يقول لي: - يعني أسكت له؟؟ لازم أأدبه!! نرد على أخينا الحمقي ده ونقول ببساطة: الحل برضه إنك تسكت وماتردش عليه.. يعني لو بصيت له بثقة ولغة جسمك كان فيها ثقة (هنتكلم بالتفصيل الممل عن لغة الجسد) وفضلت ساكت وسبته ومشيت، هيقلق منك ألف مرة أكتر من لو رديت عليه وقعدت تجعجع.. وممكن ييجي يعتذر لك بعدها.. إن التمساح الصامت يحدث الفزع في النفوس. من تعاليم "أمنوبي" حاجة كمان من فضائل الصمت أثناء أي حوار.. وهي إنك تفهم اللي قدامك بيفكر ازاي وتقدر تتعامل معاه على هذا الأساس، وتتواصل معاه بصورة أفضل.. وعلى هذا الأساس هتتصرف معاه لأنك عرفت طريقة تفكيره وهو ماعرفش لسه إنت بتفكر ازاي.. مثال: المدير بتاعك: شفت ماتش الأهلي والزمالك امبارح؟؟ كان ماتش غريب.. انت: فعلا يا افندم .. الزمالك يستاهل اللي جراله.. المدير: يستاهل اللي جراله؟؟ أنا زملكاوي يا ولد.. روح إنت مرفود!! طيب لو سكت وسمعت شوية إيه اللي هيحصل؟؟ المدير (بتاعك): شفت ماتش الأهلي والزمالك امبارح؟؟ كان ماتش غريب.. إنت: (ابتسامة وهزة رأس) المدير: الزمالك اتغلب رغم إنه لعب كويس.. أنا زعلت قوي.. إنت (بعد ما فهمت): يلاّ معلش يا افندم .. هي الكورة كده! عرفت بقى الاستماع الفعال عمل فيك إيه قبل ما تتسرع وتصدر أحكام؟ لا تتآمر ضد زميلك في المحاورة، بل انظر ماذا يفعل، ومن جوابه سوف تفهم. وكن هادئا، وعندئذ تأتي معرفتك ودعه حتى يفرغ ما في قرارة نفسه... إنك لا تعرف تدابير الله ولا ما يأتي به الغد فاجلس بين يدي الله. من تعاليم "أمنوبي" ونعم بالله يا عم "أمنوبي".. قول كمان.. عرفت بقى؟ كمان يا عزيزي لو سكت وفضلت تسمعه هتعرف (النظام التمثيلي) بتاعه بالتفصيل!! وطبعا ده هيفيدك جدا.. فاكرين إيه هو (النظام التمثيلي) أصلا؟ برافو... الناس الجداد ممكن يراجعوا أول حلقتين من السلسلة دي (برمج عقلك) عشان يعرفوا... سؤال: هل معنى كده إننا نفضل ساكتين على طول الخط ومانتكلمش؟؟ لا طبعا... الكلام ده موضوع تاني خالص... هنقوله الحلقة الجاية.ان شاااااااااااااااااااء الله. فابقوا معنا!! في انتظار مشاركات واضافات جميله من حضراتكم

انا اللي متشكرة جدا لحضرتك علي مرورك ورد الجميل ده اخيـــــــــــــــــــــرا لقيت حد بيتابع الموضوع معايا كنت فقدت الامل خلاص ربنا يتقبل الدعاء الجميل ده منك ولكي مثله وافضل منه اللهم طهر قلوبنا من النفاق والسنتنا من الكذب واعمالنا من االرياء

طبعـــــــــــــــا علي الرحب والسعة باذن الله حضرتك انتظر مشاركة مني في اقرب وقت لان عندي كلام كتير وبجد الف شكر لحضرتك وبداية موفقة يارب وربنا يجعلها في ميزان حسنات حضرتك يارب اللهم رد شباب المسلمين اليك مردا جميــــــــــــــــــــــــلا اسال الله العظيم رب العرش الكريم ان يجعلك ممن سبقت لهم الحسني وزيادة وان يجعلك ذخرا للاسلام والمسلمين وان يكثر من امثال حضرتك بجد حاجة تفرح القلب والله ان الانسان مهما كانت مكانته ده ميمنعش انه يكون من الدعاة لدين الله جزاكم الله خيرا ونفع الله بكم وزادكم نورا وعلما

الاصعب سوء الظن وان الانسان مهما برر موقفه الا ان الامر يظل كما هو الفكرة مش بتتغير سبحان الله ممكن اكون خرجت عن نطاق الموضوع بس معلش لان بجد الموضوع ده رااااااااااااااااااااائع وصادق جدا وحسيت بضيق اوي وانا بقرأ لان بيعبر عن حقيقة فعلا بس فعلا مهما الانسان يتظلم وطالت فترة انتظاره ان ربنا يظهر الحق الا ان لازم فعلا بيجي اليوم ده فكرتني بموقف حصل معايا من 4 سنين وكانت المشكلة ظن فيا اننا عملت موقف معين بس بفضل الله بعيد طبعا عن الاخلاق والكلام ده تكتشف الاخت لسه من كام شهر ان مش انا اللي تسببت ليها في ده وتتاسف ليا عشان اسامحها بجد دي بحسها ابتلاءات من ربنا صعب اوي اما يكون حد قريب منك وعارف انت ايه ويظلمك بالشكل ده والحمد لله ما زلت ابسط حاجة تاني يوم العيد موقف تاني وفي وقتها برده ربنا اظهر الحق انا بحب كده جداااااااااااا تكفير ذنوب الا انها بتتعب نفسيتي جدا بس الحمد لله ******************* متاسفه حبيبتي في الله لو كنت خرجت عن نطاق الموضوع بس انا كل اللي اقدر اقوله انا بحبكم جميعاااااااااااااااااااااااااااا في الله ربنا يجمعنا في الفردوس الاعلي يارب واحنا دلوقتي في التلت الاخير من الليل

((وذكر فان الذكرى تنفع المؤمنين )) من هذ المنطلق مفيش اجمل ولا احسن من المنطلق ده ربنا يعزك ويبارك فيكي ويجعلك ممن سبقت لهم الحسني وزيادة ويجعلك نورا يمشي ع الارض ويرزقك من حيث لا تحتسبي ويجعلك اعمال خالصة لوجهه الكريم ويجعلها شاهدا لكي يوم العرض عليه وحجة في ميزان حسناتك ربنا يجعلك ذخرا للاسلام والمسلمين موضوع اكثــــــــــــــــــــــــــــــــــــــــــــر من رائع احبك جدااااااااااااااااااااا في الله

السلام عليكم ورحمة الله وبركاته اهلا بيكم في حلقه جديده بعنوان ............ خرائط الناس التانية سؤال: عمرك اختلفت مع حد في موضوع معين، وحسيت إنك إنت اللي صح وإن هو غلط؟؟ شايف الناس مش مقتنعة بأفكارك وحاسس إن معظمهم مابيفهموش؟؟ طبعا الأمثلة كتير عندنا كلنا.. هاحكي ليك حكاية قديمة قوي.. مرة ثلاثة عميان دخلوا أوضه فيها فيل.. وطبعا عشان مش شايفين, قعدوا يحسسوا على الفيل.. واحد مسك الخرطوم, التاني مسك الديل والتالت قعد يحسس على رجله... وجه واحد سألهم: إيه هو الفيل؟؟ الأول قال: الفيل ده يشبه الثعبان بالضبط.. الثاني قال: لأ.. الفيل عبارة عن مقشة.. الثالث قال: ده كلام فارغ.. الفيل عبارة عن أربع عواميد.. خلصت القصة..!! قبل ما تسخر من العميان دول وتستخف بسذاجتهم.. اسمح لي أسألك سؤالين: إيه رأيك في مطربك المفضل؟؟ اكتب الإجابة بالتفصيل: طيب.. تخيل لو سألنا جدتك عن رأيها في نفس المطرب.. هتكون الإجابة إيه؟ بالتفصيل: هنا غالبا هيحصل خلاف في وجهات النظر.. إنت معجب بمطربك وجدتك رأيها غير كده خالص.. يا ترى ليه الخلاف ده حصل؟؟ ومين فينا اللي صح؟؟ بعد ما عرفنا في الحلقة اللي فاتت إن (الخريطة ليست صحيحة دائما!) وإن كل واحد مننا له خريطة مختلفة عن التاني تماما.. ممكن إنت نفسك تفسر الخلاف اللي حصل بينك وبين جدتك في موضوع مطربك المفضل.. كل واحد عنده خريطة غير التاني! الخريطة بتاعتك: المطرب ده أنا باحبه من أول ما ابتديت أسمع مزيكا أساسا.. وهو مطرب ناجح وجميل!! الخريطة بتاعة جدتك: في شبابي كنت باحب مطرب من أول ما ابتديت أسمع مزيكا أساسا.. وكان ناجح وجميل.. لكن بتوع اليومين دول مش زيه خالص!!! أقول لك حاجه؟ لما تكبر في السن هتفضل تحب المطرب ده لأنه بيفكرك بأيام الشباب.. ولو حفيدك سمّعك مطربه المفضل, عارف رأيك فيه هيكون إيه؟ هيكون:زي رأي جدتك في مطربك المفضل نتعلم من كده إيه؟ نتعلم من كده قاعدة مهمة جدا, وهي: قاعدة مهمة يجب احترام خرائط الناس التانية.. لا تفترض إن خريطتك هي اللي صح وإن خرائط الناس التانية هي اللي غلط.. ماتعملش زي العميان اللي في أول المقالة.. احترم خرائط الناس التانية وحاول تعرفها.. عشان تقدر تشوف الفيل كله على حقيقته.. وطبعا ياريت نتغاضي عن كلمة مطــــــــــــرب دي ولا كانها موجودة اشوفكم الحلقة الجاية ان شاء الله

اسم الموضوع لفت انتباهي ماشاء الله ابيات جميله فعلا جزاكم الله خيرا ونفع الله بكم وزادكم نورا ربنا ييسر لحضرتك امرك ويرزقك سعاده في الدنيا والاخرة

***************ماشاااااااااااااااااااااااااااااااااااااااااااااااااااااااااااااا اااااااااااااء الله *********** بجد ربنا يبارك في حضرتك وييسر ليك امورك كلها يارب كلمات معبـــــــــــــــــرة جدا من ترك شيئاااااااا لله عوضه الله خير منه الانسان اللي حضرتك بتكلم عليه ده اسال الله العظيم رب العرش الكريم ان يجعل له في كل خطوة سعاده ويرزقه من حيث لا يحتسب ماشاء الله امثلة بجد يتفرح بيها فعلا لسه في خير في الدنيا ونماذج مشرفة اللهم ردنا اليك مردا جميلا من ارضي الناس في سخط الله سبحان الله ربنا بيسخط عليه ويجعل الناس تسخط منه والعكس فالانسان الجميل ده ارضي ربنا بسخط الناس فربنا هيرضي الناس عنه وهيفرج همه وهيسعده وكل خير هيقدمه ليه لان فعلا الحياة صعبه وللاسف اصحاب العقول المريضة مفكرين اننا لاااااااااااازم نتنازل عن المباديء بتاعتنا عشان نقدر نعيش وللاسف الناس تركوا منهج الله واخذوا يشرعون لانفسهم قوانين وضعية يعني زي ما حضرتك بتقول كده مشي حالك حالك يمشي ما هو ربنا مش بيرضي بالظلم ويبرروا الموقف حسبنا الله ونعم الوكيل *****************************

السلام عليكم ورحمة الله وبركاته ماشاء الله موضوع ممتاز جزاكم الله خيرا بالنبسة للسان ده حضرتك زي مابيقولوا جيت ع الجرح للاسف فعلا ما اكتر الكلمات السخيفة اللي بنسمعها يوميا وللاسف دلوقتي الالفاظ دي بيفكروا ان هي دي الروشنة والاجمل من كده بتوصل انهم بيهزروا بسب والد يهم عادي إن العبد ليتكلم بالكلمه من رضوان الله لا يلقى لها بالاً يرفعه الله بها درجات وإن العبد تكلم بكلمة من سخط الله لا يلقى لها بالاً فيهوى بها في النار سبحان الله اللسان ده سلاح ذو حدين فعلا اما اننا نستخدمه فعلا في نشر دعوه / كلمة طيبه في حق انسان / اي شيء يرضي ربنا ويفرحه بينا او نستخدمه بقي في وضع تاني خالص زي ما حضرتك ذكرت غير كده مفيش حيااااااااااااااااااااااااء من ربنا للدرجة دي اننا ننطق الفاظ بالشكل ده الشيء المبكي ان انسان يقبل علي نفسه سب والدته والده وده من باب الاتيكيت اليومين دول وللاسف البنات دلوقتي بسمعهم ينطقوا الكلام ده احنا عايزين يكون في اخلاق يعني الحملة تكون عن الاخلاق لان الانسان لو خلقه استقام كل شيء هيستقيم فيه لان معلش مفيش مثلا انسان مش ملتزم هاجي اقوله في حملة كذا وهيقتنع بالكلام لان لازم يكون مؤهل روحانيا انه يسمع الكلام ده لان تقريبا الاشخاص دول بيكون ايمانهم ضعيف محتاجين اللي يشدهم ويعلي همتهم يبقي من باب اولي اننا نركز علي الاخلاق بكل جوانبها ( صدق / وفاء/ حياء/.......) بجد الانسان مننا فعلا لو وضع امام عينه ميزان بجد يزن بيه الكلام مع وضع صورة قدامه ياتري الكلمة دي ترضي ربنا ولا ااااااا لااااااااا لو ده المقياس بجد هتفرق كتير نحاسب نفسنا لان كتير جدا ان الانسان ينطق بكلام ويندم عليه بعدين زنوا اعمالكم قبل ان توزن عليكم يبقي حاسب نفسك قبل ان تحاسب اذا اردت ان تحيا سليما من الردي ** ودينك موفور وعرضك صين فلا ينطقن منك اللسان بسوأة ** فكلك سوءات وللناس السن يعني سبحان الله اذا اصبح ابن ادم الاعضاء كلها تكفر اللسان وتقوله اتق الله فينا فانما نحن بك فان استقمت استقمنا وان اعوججت اعوججنا انا متاسفه علي الاطالة جدااااااااا بس كل اللي عايزة اوصله لحضرتك ان تكون حملة علي نطاق واسع بنظرة اشمل من اللي حضراتكم ذكرتوه لان الاخلاق طبعا مش مرتبطة بديانة محدده واروع الامثلة طبعا في اليابان قمة الاخلاق علي الرغم من انهم غير مسلمين يبقي مفروض امة محمد صلي الله عليه وسلم هم الاولي بذلك خير امة اخرجت للناس مش عارفه وجهة نظري وصلت ولا ايه؟ اتمني تكون الفكرة واضحه

جزاكم الله خيرا والله كلمات يقشعر منها البدن انا كتبت رد كبير جدااااااااااااا بس تقريبا النية لم تكن خالصه لله النت فصل وبالتالي الرد اتمسح كان عندي كلام كتير جدا فيه بس قدر الله وماشاء فعل كل اللي اقدر اقوله لحضرتك بجد الف شكر ليك علي الكلمات دي تقريبا عملت لي فلتــــــــــــــــــــــرة ربنا يجعلك في رفقة المصطفي في الفردوس الاعلي اللهم اني اسالك في هذا الوقت الطيب ان تصرف عنه عذاب حهنم وتصرف عنه السوء والفحشاء وان يجعلك من عتقاءالنار ومن المقبولين ومن ورثة جنة النعيم ربنا يزيد حضرتك علم ويعينك علي ذكره وشكره وحسن عبادته اللهم احسن عاقبتنا في الامور كلها واجرنا من خزي الدنيا وعذاب الاخرة يا نفـــــــس إلــــى أيــــــــن تريـديـــــن *** إلى جنات و نعيم أم إلى نار و جحيم يا نفس لم أرى إلاّ الشهــــــــوات تريديـن *** إلـــــــى عذابـــــــك ترضيــــــــــن يا نفس ويحك أإلى العـــــــذاب تتهافتين *** أإلى الهاويــــــــــة تتسابقيــــــــــــن يا نفــس كفي عن عصيان تفعليـــــــــن *** عن ملـــــــــزات و منكرات تبحثيــن يا نفـــــــــس أعظــــك لا تتكاسلــــــين *** عن الخيـــــــــــرات لا تتباطئيـــــــــن يا نفـــــــس ارضـــــــي بما رزقتيـــــن *** و لا تطمحــــــــــي فيما لم تأخذيــــــن يا نفس لا تطمعي إلى جاه و أموال تجمعين *** فالنار أهلكت من هم أعتى منك في السابقين يا نفــس إتقي الله و لا تخذيــــــــــــــن *** يوم العــــــــرض عند رب العالميــــــــــن يا نفـــــــــــس و الله لن تحصديــــــن *** في الآخــــــــــــــرة إلاّ ما تزرعيـــــــــــن يانفس أعرضي عن النار ما تستطيعين *** و همّي إلى جنـــات فيها قرار و معيـــــــــن يا نفس هبّي إلى الخيرات فترزقين *** بما هو خير من الدنيا و ما فيها أجمعيـــــــن بسم الله الرحمن الرحيم </SPAN></SPAN>

السلام عليكــم ورحمـة الله وبركاتــة ،، جزاكم الله خيرا ونفع الله بكم وجعل هذا العمل شاهدا لك يوم العرض عليه اللهم انفعنا بما علمتنا وعلمنا ما ينفعنا الكتاب ده ماشاء الله رائع بجد