رجل من الصحراء

الفقر عارف صحابه اريد ان اناقشكم في موضوع هام قد انتشر من قديم الازل واصبح عادة بيننا بل ووثقنا فيه و في معتقداتنا كل الثقة واصبحت هذه المعتقدات اساسا في تعاملاتنا مع كل من حولنا بل وتطورت الى حد كبيير. فقد نلجأ احيانا الى قطع علاقاتنا بمن حولنا نظرا لايماننا بهذه المعتقدات الغريبة ألا وهي (التشاؤم) ونسميه بلغتنا العامية (الفال). وطبعا كالعادة مع كامل الاعتذار سوف نكسر حاجز اللغة العربية الفصحى الذي يعانى كثيرا من كسري له باستمرار ولكن كما نعلم فالنقد الساخر يحب (الرحرحة). زمان كان جدي دايما يحكيلي على ايامهم لما كان مفيش كهرباء ولا عمدان نور ولا اراضي مرصوفة وكانوا يقعدوا يتدفوا حوالين النار الوالعة ويشربوا الشاي من البراد اللي شكله بقى لون النار اللي بتسخنه واللي كباية الشاي منه احلى كباية شاي تشربها في حياتك . كان يقلي :زمان يابن بنتي كان فيه خير والناس كلها كانت بتحب بعض في الفرح كله يفرح ويجامل ويفتح بيته لضيوف غيره, وفي الحزن والهم كله يواسي ويحزن لحزن جاره ويراعي مشاعره لأبعد الحدود. بصراحة جدي كان بيتكلم صح على الرغم من اني مشفتش الايام دي بس دايما عندي احساس ان الدنيا زمان كانت احسن بكتيير كانت ابسط من كده بكتيير . ده كفاية ان احنا كنا قليلين ومكنتش لسه ماسورة السكان ضربت والمحبس العمومي باظ وغرق مصر سكان. ومن كتر احساسي ان الناس دي كانت احسن منينا بكتيير كنت دايما وانا بتكلم مع جدي احاول جاهدا اني انقد ايامهم وده طبعا بدافع الغيرة الشديدة وفي يوم واحنا بنتكلم عن زمان وناس زمان سالته سؤال قلي ياجد: هو انتوا يعني مفيش حاجة على ايامكم وحشة خالص عمال تقول الناس والخير والحب وبصراحة حسستني ان احنا ملناش اي لازمة خالص, اكيد فيه حاجات وحشة يعني كفاياك غيظ فيا ياراجل ياعجوز ومش سايبك الا لما تقلي على حاجة دايما كانت بتضايقك على ايامكم اللي مش لاقينلها حل دي. ابتسم ابتسامة عريضة وقريت في عنيه نظرة بتقلي ايه اللي خلاك تقلب في المواجع بص يابن بنتي مشكلتنا اننا متمسكين بعاداتنا وتقاليدنا بشكل غير طبيعي من زمان وحتى من قبل ايامنا واحنا بنؤمن بالفال الوحش وللأسف حتى مع التقدم الرهيب اللي ظهر على ايامكم الا انه مفيش فايدة فينا بنتقدم بالزمن بس عقولنا لسه زي ماهي . زمان لما كان يبقى فيه فرح وكلنا فرحانين وبنضحك ونهزر ومرة واحدة يدخل علينا واحد من ضمن المعازيم ويسلم علينا ويقعد معانا وتحصل حاجة وحشة في الفرح بعد وصولة بشوية على طول نقول الراجل ده قدمه وحشة علينا اول ماجيه خرب الدنيا على الرغم من الراجل ده ملوش اي دخل لا من بعيد ولا من قريب باللي حصل بس ده معتقدنا ماهو احنا قاعدين من الصبح كويسين اشمعنا يعني لما جيه الراجل ده ,لا لا ياعم ده ميتعزمش تاني في افراح ولاحد يختلط بيه غير سلام عليكم _عليكم السلام , اه مش ناقصة هي ياعم خلينا بعيد عنه. وفجاة الراجل يلاقي نفسه بعيد عن الناس وهو مش عارف عملهم ايه. ولا الغراب ياسلام على الغراب يبقى الواحد معاه مصلحة عايز يقضيها وخلاص مستعد وتمام يجي الغراب يقف على بلكونة البيت ويبدا يقول (واق واق) تلاقي التشاؤم سيطر علينا تماما وقرفنا, طيب مالك ياعم مكنت كويس........ اصلي ياعم شفت غراب النهارده وبصراحة فال وحش انا بفكر الغي المصلحة دي عشان شكلها كده كده مش مقضية. قلتله ياجد: فكرتني بموضوع غريب بنتك (اللي هي امي يعني) احيانا تقلي ياولدي متطلعش النهارده المشوار ده, اقلها ليه ياامي تقلي اصلي عيني الشمال بترف ياولدي وانا مجرباها العين دي وربنا يستر فال وحش قوي خليك ياولدي قاعد جنبي... وطبعا بقعد عشان بس مزعلهاش لدرجة اني مبعرفش اعتذر للناس اللي كانت مستنياني لاني بصراحة مش لاقي عذر وكنت بتحجج بالتعب والارهاق. ضحك وقالي: ههههههه ماهي طالعة لجدتك مش واخدين منها غير الفقر, التانية برده وهي قاعدة تخبز لو العيش باظ منها تقلك فال وحش العيش خفس يقطع الرزق من البيت ربنا يستر. قلتله: تصدق ياجد واحنا في الشغل عينوا واحد جديد عندنا عشان يمسك البوفيه بدل اللي ساب الشغل وصادف بعد تعيينه انه في اربعة من الشركة اتصفوا لاسباب مالية وفي مرة كنت بحكي مع احد الموظفين وقاللي تصدق ياخي الواد ده قدمه فقر قلتله ليه قالي اول ماجيه مشى اربعة. ربنا يستر علينا وعلى باقي الشركة. قالي: فاكر يوم ماكنا عند بيت سيد احمد اللي جوز بته قريب لما جابولنا الشاي وانت فضلت شوية مشربتهمش راحت الولية قلبت وشها وقالتلك ليه ياولدي لازم تكمل كبايتك كده البت هتبور وانت مترضهالناش. قلتله: ياجد انت جيت عالشاي ياراجل ده مرة مراتك(اللي هي جدتي) ماسك المقص وعمال افتح واقفل فيه ولقيتها زعقت فيا وقلتلي ياواد انت اجنيت ولا ايه ده فال وحش قوي ياولدي يجيب خناقات ومشاكل فالبيت. ولا لما كنا نقعد مع صحابنا ونضحك كتيير ونهرج يقلك ربنا يستر طالما ضحكنا كتيير يبقى اكيد في حاجة وحشة هتحصل.ومش عارف ليه دايما يعني بعد الضحك الكتيير لازم يحصل حاجة وحشة. ولو لقينا اي شبشب مقلوب يقلك اووه اعدل الشبب خلي ربنا يعدلها لحسن ده فال وحش. سكت جدي شوية وبصلي وقال: يابن بنتي للاسف ان الزمان عمره ماغير افكارنا ولا عقولنا والجهل فينا من قديم الازل وعمرنا ماهنتغير واديني قدامك بحكيلك على حاجات من سنين وانت بتقلي على حاجات حصلت معاك وهي هي نفس المعتقدات بتاعة الثمانين سنة اللي فاتوا يااااااااااااه ياولدي بقى بعد كل التطور الرهيب اللي احنا فيه ده ولسه متخلفين. طب امال امتى هنوعى للحقيقة ونعرف قيمة عقولنا؟؟؟!!!! حبيت اختم موضوعي بسؤال جدي الاخير عشان هو فعلا اللي محيرني لحد امتى هنفضل كده متمسكين بعادات غلط ونربط الزواج بكباية الشاي وتيسير الحال بالشبشب المقلوب وانقطاع الكهرباء بواحد دخلته وحشه والمقص بالخناقات والعيش بالرزق والغراب والبومة بالنحس والعين الشمال لما ترف بالفقر والحوادث وغيره وغيره وغيره. بصراحة مش عارف اقول اي كلام فعلا غير كلام جدي( احنا بنتقدم بالزمن بس عقولنا زي ماهي). اشكركم وارجو ان تشاركوني الاراء والردود في هذا الموضوع. قال – صلى الله عليه وسلم - : ( ليس منا من تطير، أو تُطيِّر له ) صدق رسول الله صلى الله عليه وسلم واعتبر هذا الحديث هو ردي الشخصي على هذا الموضوع

اشكر مرورك الذي زادني شرفا اختي الفاضلة

تشرفت كثيرا بمرورك اختي الحياة جزاكي الله كل خير تحياتي وتقديري

طبعا اشتغالة جامدة جدا اللي انتي عملتيها فيا دي يااستاذة عشان انا قلت ايه اللي حصل لاختي (حياتي من اجل ربي) بالضبط بس فعلا انتي انسانة رااائعة ومواضيعك هادفة واكثر من رااائعة اشكرك كثيرا على الموضوع الجمييل وتقبلي كل الاحترام والتقدير

على فكرة ياعاشق الصداقة قلتلك ميت مرة متخليش الواد ابنك يلعب في طيارة يوسف ابني والا فعلا بعد كده هنهدلك المطار اللي انت عامله فوق السطح المهم الموضوع جمييل وبالتوفيق يابيبو تقبلي مروري

موضوع محفز على النجاح الصراحة شكرا لكي اختي الفاضلة تحياتي

كلمات رائعة جدا جدا اخي الساهر تحياتي

سبحان الله تحياتي

تحياتي وتقديري ومزيد من التفوق ان شاء الله

تسلم اخي

بوركتي يافتاة اللهم عاف جميع المسلمين

انتي حقا بنت من مصر سلمتي تحياتي

موضوع هادف جدا ربنا يهدينا اجمعين

سبحان الملك اشكرك اختي الفاضلة على الموضوع المفيد جدا تقبلي تحياتي وتقديري الشديد

والله فكرة الموضوع جديدة برده احييكي اختي بنت من مصر وبصراحة انا لا اهوى هذا النوع من المواقع تقبلي مروري وتحياتي وتقديري

حدث بالفعل اختي كما اروي لك

تسلم ايدك موضوع جميل وكلمات جميله تقبلى مرورى --شكرا لك

بسم الله ماشاء الله الله اكبر والعزة لله

اخي العزيز جزاك الله كل خير على المواضيع الهامة والهادفة تقبل مروري

جزاك الله خيرا

فعلا اللسان والكلام الجمييل والمعسول حل جامد جدا كانت لسه حيرانة اكيد تحياتي وتقديري للموضوع المتميز وفي انتظار مزيد من الابداعات تقبلي تحياتي وتقديري

اولا شكرا يابوتسنيم على الموضوع الراائع بالنسبة للاخ الفاضل بيدو اذا كنت متضايق من موقف حدث معاك في بلدك ده مش معاناه ان بلدك كلها وحشة في علم التنمية البشرية بنقول(الخريطة ليست هي المنطقة) اذا كانت وجهة نظرك في بلدك كده فده مش تعميم لكل الناس و مش معنى ده ان بلدك وحشة لان ده رايك انت بس وعليك اتباع السنة (فلتقل خيرا او لتصمت) والحديث خير رد عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري و مسلم . تحياتي لك مرة اخرى ابوتسنيم وتحيا مصر بكل محافظاتها تقبل مروري

اختي الفاضلة المتحدية نورتي الموضوع بردك الجميل وشرفني واسعدني مرورك كثيرا تحياتي وتقديري

منور ياهندسة ملحوظة (من اصغر الردود في العالم)