رجل من الصحراء

اولا احب ان اشكرك على موضوع الجميل ثانيا : للاسف اختى الفاضلة ساد الفساد في البلاد وتبدلت عاداتنا الى السوء بل واصبحنا نبحث عن كل جديد في ماهو سيء لنعمله فاصبح الكذب بديلا للصدق واصبحت السرقة وسيلة لكسب الرزق وحملنا شعار(مشي حالك حالك يمشي) ومنين اجيب الصدق دلوني ياناس عليه اسال الله لنا الهداية جميعا وان يطهرنا من كل خبيث ونعوذ به من كل الشرور والحديث خير رد ( تحروا الصدق وإن رأيتم أن فيه الهلكة فإن فيه النجاة , وتجنبوا الكذب وإن رأيتم أن فيه النجاة فإن فيه الهلكة .. ) صدق الرسول الكريم عليه وآله الصلاة والسلام وقال عمر بن الخطاب رضي الله عنه : ( لأن يضعني الصدق وقلما يضع أحب إلي من أن يرفعني الكذب وقلما يفعل ) . وقال حكيم : ( الصدق منجيك وإن خفته , والكذب مرديك وإن أمنته ) . وقال الجاحظ : ( الصدق والوفاء توءمان , والصبر والحلم توءمان , فبهن تمام كل دين وصلاح كل دنيا , وأضادهن سبب كل فرقة وأصل كل فساد ) تقبلي تحياتي وتقديري

على قد لحافك مد صباع رجلك الصغير اردت ان اعرض عليكم موضوعا منتشرا كثيرا بيننا ان لم يكن فينا في بعض الاحيان هذا الموضوع خطيير جدا ولكننا لا نعطيه اي اهتمام وقد يمر علينا كثيرا مرور الكرام ولا نعطي لانفسنا ولو حتى بضعة دقائق للتفكير فيه وايجاد حل لمن يستخدموه ويمارسوه بل في اغلب الاحيان نكتفي بالسخرية والضحك عليهم. هذا الموضوع هو عبارة عن عادة في كثير من الناس والتي نفسرها بمقولة(أنا لا اكذب ولكني اتجمل) وكالعادة اسمحو لي ان اكسر حاجز اللغة العربية الفصحة حتى استطيع التحدث لان النقد الساخر (بيحب الحرية) الانسان اللي بيعمل كده بنصفه بصفات مختلفه تؤدي لنفس المعنى يعني نقول ان الانسان ده (هتاش) او( بيفتي دايما) اوفي الصعيد يسمى( قباب) او نقول ان الشخص ده (بيفتح صدره) او (بيحب يغني علينا كتيير) او (هجاص) او خياله واسع وهكذا وهكذا وفي النهاية كل الطرق تؤدي الى روما البلد. فتلاقي كثير بيعمل الموضوع ده بغرض الظهور بصورة جميلة امام الاخرين وهوعلى اقتناع تام ان الموضوع ده هوه اللي هيخليه في نظر الناس الشخص المثالي المحترم لا وايه من كتر اعتياده للموضوع بيعيش الدور ويصدق نفسه فعلا ويبدا يتعامل على اساس كلامه اللي بيقوله للناس ويخاف جدا لو حد شافه واكتشف حقيقته قابلت كتيير من النوعيات دي اللي بتحب تعييش بلاش علينا والغريبة انهم بيبقوا معتقدين جواهم ان احنا مش بنحترمهم وده طبعا مش بيكون حقيقي وده اللي بيخليهم يعيشوا علينا زي مابنقول فتلاقي واحد يقلك... ياخي الواحد مش عارف يعمل ايه ...... تقله ليه ياعم خير طبعا انت فاكره عنده مشكلة وعايز تساعده ....... تفاجا انه بيقلك اصلي ياخي زهقت من العربيات الواحد كل اسبوعين يغيرله عربية ومش عارف كده مش بقتنع بسهولة بس هعمل ايه ااهو الواحد عايش وخلاص... ياسلااااااام ياد انت ... المشكلة انك انت عارف انه امكانياته اساسا متسمحش باللي بيقوله ولا حتى باللي اقل من اللي بيقوله بس طبعا بتسمعله. ولا الاخ اللي تتكلم معاه وانت بتشكيله حالك يقلك بص متقلقش انت بس سيبلي الموضوع ده وملكش دعوة عارف فلان الفلاني عضو مجلس الشعب ...... ايوه طبعا هو في حد ميعرفهوش اهو ده حبيب هارتي ده معايا دايما كل يوم عارف على كده لسه ماشي من هنا من خمس دقايق بس لو قدمت شوية كنت عرفتك بيه لالالالا اعتبر موضوعك خلصان. وطبعا انت تفرح وتحط في بطنك شادر بطيخ وتيجي تتصل بيه تتطمن تلاقيه يقلك اصلي والله مشغول قوي او اصل الراجل الايام دي في مؤتمر بس اول مايوصل اعتبر موضوعك خلاص او يقلك يباشا عيب عليك كلمتهولك بس هيه العملية هتاخد وقت زي مانت عارف وهكذا طبعا لغاية في النهاية متكتشف ان البطيخ كله اللي حطيته في بطنك اقرع وان الراجل ده بيهتش عليك وانك لوكنت استثمرت الوقت اللي ضيعته في اعتمادك على الشخص ده في انك سعيت وعملت اللي تقدر عليه ساعتها اكيد كنت هتكون احسن. وتلاقي واحد معاك في الشغل وبتتكلم معاه وانت طبعا طالع عينيك ومش عارف مرتبك تصرفه على ايه ولا ايه عليك التزامات وعليك اقساط وعايز تدخل جمعية وعايز وعايز ومش عارف اساسا هيبقالك ايه تصرف منه على نفسك وتبقى شايل الهم والطين وتيجي تقله وتشكيله عشان يشاركك همك كنوع من تخفيف حدة المشكلة على اساس انكم شغالين مع بعض وفي نفس المشكلة. تلاقيه بكل ببساطة يقلك ياراجل هوه انت فاكر ان انا محتاج الشغل ده انا اساسا جاي اشتغل هنا بس عشان اضيع وقت بدل مانا قاعد في البيت اهو اديني بتسلى ده الفلوس اللي الواحد بيطلعها للعمال اللي عندينا في الارض تعيش 100 شركة زي اللي احنا شغالين فيها دي. ولا اللي يحكيلك على بطولاته في انه يفهم كل حاجة في الدنيا وانه محدش يقدر يجاريه في اي حاجة وانه واخد اعلى الشهادات المعتمدة من اكبر الجامعات العالمية وهوه اساسا مكملش تعليمه. وهكذا وهكذا كتير من المواقف اللي الواحد مر بيها شخصيا مع ناس زي كده واكيد كلنا مرينا بالموضوع ده بس اكتر موقف بيضحكني كل ماافتكره انه كان فيه واحد اتعرفت عليه ايام الجامعة وكان من الطلبة المعيدين في كلية الحقوق اللي دخل مع دفعته بتاعة ثانوي ووقع منهم في السكة بتاع عشرة او 11 سنة . طبعا هوواضح عليه جدا انه سنه كبيير. وفي مرة ناس بلدياته كان جايين يسالو عنه وهو مكنش موجود ساعتها. وانا اللي استقبلتهم وبديهي اول سؤال ليا من بلدياته بعد الترحيب واخذ واجب الضيافه . قلي انت على كده صاحب حجاج بيه المحامي؟؟ انا سمعت كلمة حجاج بيه المحامي دي وبصراحة مقدرتش امسك نفسي من الضحك لاني ترجمت على طول ان الباشا مفهم الناس عنده في البلد انه محامي وان شغله في بلد تاني وانه مشغول جدا في القضايا بتاعته. والناس ياعيني جايين يشوفوا الباشا اللي هيحللهم مشاكلهم . وطبعا هما ميعرفوش انه مش قادر يحل مشاكله وبيتسنكح على قفايا انا. وعشان مطولش عليكم انا كتبت الموضوع ده لاني فعلا نفسي الاقي حل للمشكلة دي احنا ليه لازم نكدب على الناس ونظهر بصورة غير صورتنا عشان فاكرين ان ده هوه اللي هيخيلنا في نظرهم محترمين وبنسميها تجمل او كذبة بيضة . وليه بنخترع ونتخيل حاجات ونعيشها بالفعل ونزعل جدا من بعض لوحد قال علينا حاجة مخالفة للي بنعمله مع ان الحاجة المخالفة دي هي الصح. ليه الصراحة بقت متعبة والكذب هو اللي بقى اريح. ليه الاحترام والاعجاب بقى بس للي معاهم عربيات وفلوس وفيلات وبيلبسوا من افخم المحلات والموديلات. ليه لما حد يقلنا حقيقتنا ويواجهنا بيها بنزعل منه ولما يضحك علينا ويقول عكس حقيقتنا نحبه. ياترى العيب في مين في اللي بيعمل كده ولا في اللي بيصدقه ولا في اللي بيخليه يستمر على الرغم من علمه انه ده غلط. وياترى ده الاسلوب دلوقتي المتبع عشان الناس تحترمني؟ وياترى اللي بيعمل كده هيفضل يكدب او يتجمل على حد قوله لغاية امتى؟ ارجو منكم ان تشاركوني اراكم وفعلا محتاج حل للموضوع ده

طبعا وربنا يجعله في ميزان حسناتك ان شاء الله

التمييز طبعك وعادتك

ااه الزواج الموضوع الشائك الذي طالما اقلقني عالعموم خير ان شاء الله مشكلتنا اننا بنبقى معانا حاجة ومش حاسين بقيمتها وبنبص دايما ونتمنى اللي مش معانا ومش في استطاعتنا فتصبح النتيجة انشغال باللي في خيالنا وبعد عن اللي في ايدينا فنفقد قيمة الاتنين وهناك كلمة للدكتور الفقي تحلل هذا وهي (نرى مالا نريد, ونريد مالا نرى, فنفقد قيمة مانرى,ونضيع في سراب مالا نرى, فكن حريصا على قيمة ماترى) تقبلي مروري وادعيلنا برده

طبعا موضوع كالعادة مميز واعتقد ان اخواني واخواتي كانت ردودهم ايضا راءعة ومقنعة ولكن اريد ان انوه عن شيء خطييييييييييييييير ففي قصتك في اخر الموضوع الاب هوه من كان حكيما وحريصا ولكن مارايكم في اب تجاوز الخمسين من عمره وهو استاذ جامعي وفي جامعة الازهر ويفعل مالا يفعله شاب مراهق باختصار(لديه ثلاث بنات وولد وحيد) وحتى بعد ان توفى الله ابنه الوحيد في حادثة سيارة وهوه كان صديقا عزيزا لي..... لم يتعظ فاذا كان الاب الذي يربي هوه من يفعل هذه الاشياء . فماذا تتوقعون من ابناءه (اذا كان رب البيت بالدف ضارب , فشيمة اهل بيته الرقص) اسال الله له ولنا جميع الهداية وان يسترنا جميعا ذكورا واناثا سترا جميلا فوق الارض وتحت الارض ويوم العرض ان شاء الله عذرا اختى على الاطالة وجزاكي الله كل خيرا وجعله في ميزان حسناتك ان شاء الله تقبلي مروري وتحياتي وتقديري

(المال يفنى ,والجمال يفنى, والقلب والجسد لابد لهما أن يفنيا..... فاربط سعادتك بالحي الذي لا يفنى) من اقوال رجل من الصحراء تقبلي مروري تحياتي وتقديري

الله ينعم ويفتح عليكي من المواضيع الجميلة كالعادة وانا واحد من الناس اللي حبيت مجال التنمية البشرية جدا لانه بيمس طبيعة وواقع الانسان وفعلا لازم الانسان يكون عنده اعتقاد في نفسه وثقة انه قادر ويكون عنده ادراك ايجابي لما يريد عمله ويكون واثق في قدراته ولا يتاثر بالاخرين بل يحلل ويفسر سلوكهم وياخذ الايجابي منه واذا واجهتني مشكلة لا اقف عاجزا امامها بال اعتبرها فرصة ايجابية للتغيير ولا اقول لااستطيع... فغيري استطاع (ليس هناك فشل ولكن هناك تجارب وخبرات) (كل انسان له في تاريخ ماضيه جميع الامكانيات التي يحتاجها لانجاز تغيير ايجابي في حياته) تقبلي مروري وتحياتي واسال الله لكي كل الخير عاجله واجله ماعلمنا منه ومالم نعلم

اختي الفاضلة (حياتي من اجل ربي) طبعا يعني انتي دايما بتنوري الموضوع بردك اللي هو اروع من الموضوع نفسه ودائما ماتتحفينا بردودك النابعة من الدين والقران والسنة والله اعجز عن تعبيري لكي عن احترامي لالتزامك وتدينك وعلمك الجليل واشكر لكي دعائك لنا باستمرار تحياتي وتقديري. ................................................................................ ................................................................................ . .................. اختي الفاضلة (بنت مصرية) اشكر مرورك وردك الجميل الذي شرفني كثيرا وفعلا يااختي هذا الرجل نوعية غريبة جدا من البشر وحتى الان له اساليب كثيرة ملتوية وسلبية ربنا يهديه ويسامحه . تحياتي وتقديري

اللي تحسبه شيخ يطلع نصاب لطالما لمت نفسي عن نقدي المتواصل لكل مايحدث حولي وذلك لأن كل الناس غير معصومين من الخطأ وانا بالطبع احدهم ان لم اكن اكثرهم ولكن هناك امور تجبرني ان انتقدها ولا ادعها تعبر بسلام. وفي هذا الموضوع اردت ان اثير أمرا هاما جدا وفي غاية الخطورة كنت اسمع عنه قصصا وحكايات من اصدقائي ومعارفي حتى صادفني شخصيا. الا وهو( الدجل والشعوذة) فكثيرا ماكنت اسمع عن اشخاص ذهبوا لمايسمونهم مشايخ او اولياء او الناس البركة على حد قولهم وقد قاموا باطلاعهم على اشياء سوف تحدث مستقبليا او عثروا على مفقودات واشياء هامة لهم وكل هذا بفعل بركة سيدنا الشيخ الولي. واسمحولي ان اكسر حاجز اللغة العربية الفصحى حتى استطيع ان اعبر تماما عن ضيقي الشديد من هذه المواضيع الغريبة . في البداية كانت امي دايما تقلي وانا صغير اوعى تمشي لوحدك في الشارع الفلاني علشان الناس بتقلي بيخطفوا العيال ويدبحوها ويحطوا دمها على الحتة الفلانية في الجبل علشان تتفتحلهم (اللقية) زي ماقلهم الشيخ سعدون الراجل البركة بتاع ربنا. طبعا انا كنت ساعتها صغير ومش فاهم حاجة وامي بتقلي كده من خوفها عليا مش اكتر لان هي برده مش بتصدق الحكايات دي بس مجرد انها تخوفني, لكن اللي كان ثابت ان الموضوع ده فعلا كان منتشر بين الناس حتى الان انهم يروحو( لشيخ) على حد قولهم طبعا علشان يفتحلهم الحتة الفلانية اللي تحتيها دهب او حد ضاعت منه فلوس او مجوهرات وطلعت عينه طبعا وهو يلف ويدور في كل مكان وعمل المستحيل عشان يلاقيهم واخيرا لقيت الحل نصحوه ولاد الحلال انه يروح للراجل البركة الولي اللي دقنه واصلة لغاية وسطه وعلامة الصلاة ايه تقلش ختم الجمهورية ولا وشه اللي باقيله 2 فولت وينور ياسلام الله عليك هوه ده اللي هيعملك اللي المباحث والمخابرات مقدرتش تعمله. انت بس تروح للعطار وتجيب رجل عفريت وشوية سهبدان براني وحبة خنفرير ناشفين وشوية مياه سحرية يعني بتاع ربع لتر كده وتاخدهم كلهم تخلطهم على بعض وتجيب رجل فرخة كانت زعلانة من جوزها وروحت بيت ابوها مع عين بطة عرجة وشوية شعشوع الزعزوع وده مهم جدا عشان تكتمل الوصفة والا كل حاجة هتضيع اه ياخويا انا قلتلك اهو. بس ياعم انا معرفش الحاجات اللي بتقول عليها دي. خلاص روح انت وسيب الف جنيه للشيخ مش عشانه( حد الله) ده بتاع ربنا بس ده عشان الاسياد حوش ياحواش ودستور ياسيادنا دستور. وهو هيجيبلك الحاجات دي في اسرع وقت بس يعني انت عايز تقنعني ان الموضوع ده هيجيب نتيجة ياعم ده خرافات. هوشششش يخرب بيتك انت عايز تودينا في داهية مع الاسياد والمشايخ اوعى تقول كده تاني وتعملي فيها زي الناس الهبلة ده انا مجربه على يدي. طب ده انا مرة البت ستوتة بنتي مكنتش بتخلف ووديتها لسيدنا الشيخ ودلوقتي بسم الله ماشاء الله عندها اورطة عيال وكله بفضل الاسياد والبخور السحري وانت جاي تقلي خرافات ومش عارف ايه ياشيخ اتنيل وبطل فزلكة. ولا البت سعدانة الهمدانة اللي ساكنة على اول الشارع اهي دي اصلا مكنش بيجيلها عرسان خالص مع انها حلوة اول بس ماراحت لسيدنا الشيخ البركة واداها الدهان والحجاب اللي مرشوش عليه المياه اللي بتشرب منها الاسياد. عينك ماتشوف الا النور طوابير عالبيت. ياراجل ياراجل اتوكل وروح دي حاجة مضمونة ميه ميه. وهكذا وهكذا وهكذا.... وناس كتيير متعلمين اكتر من الجهلاء واصحاب مناصب وغيره وغيره ينخدع بالمواضيع دي. وعشان مطولش عليكم في الكلام كل دي كانت قصص بتتحكيلي او هيه دي معلوماتي عن الناس دول لكن فوجئت من فترة قريبة جدا بحاجة غريبة حصلت معايا شخصيا قررت ان اكتب هذا الموضوع حتى ابين لكم مدى التراجع والتخلف اللي وصلنا له. القصة باختصار اعمل مهندسا للتعدين في احد الشركات والحمدلله علاقتي كويسة جدا بكل اللي في الشركة فهم اصدقائي من اول المدير حتى العامل وركزوا على الاتنين دول بالذات لان دول محور الموضوع، المهم كعادة اي شركة يتم عمل تقارير سرية في كل الموظفين نهاية السنة وتسمى بتقييمات تتضمن تقييمات من النواحي الفنية والادارية والسلوك والمظهر وكل شيء تم تسريب هذه التقييمات بشكل ما واتضح لاحد الموظفين المجتهدين جدا وهو صديق شخصي لي ان المدير قام بكتابة تقرير فيه مخالف تماما لما هو حقيقي وهذا نظرا لضيقه منه في بعض المواضيع الشخصية اي باختصار قام بظلمه وده انا شاهد عليه ويشهدوا عليه كل من في الشركة المهم دخل صديقي للمدير وعاتبه على ظلمه له وواجهه بماهو مكتوب في التقييمات وطبعا كان رده انا حر وملكش دعوة وازاي انت وصلتلك اصلا التقيمات وتم عمل تحقيق معاه وفي النهاية زميلي ترك العمل واتقفل الموضوع واحتسبناها عند الله وقلنا ربنا بقى يسامحه على ظلمه لصديقنا. الغريب ان المدير لم يكتفي بما حدث واتضحلنا انه من فضوله عشان يعرف مين اللي خد التقييمات بعد فشله طبعا في التحقيقات تخيلوا يعمل ايه مدير شركة محترمة راح لواحد دجال طبعا هوه بيقول عليه شيخ واعطاه قائمة باسماء كل اللي في الشركة وقاله ياسيدنا الشيخ يابركة شفلي مين اللي اخد التقيمات قام البركة طلع المصحف وهوه للاسف كعادة الدجالين الذين يستخدموا الاسلام والقران ستار وتزيين لاعمال الدجل والشعوذة وراح قرأ ياسين ورش ميه على مش عارف ايه وعمل الحركات القرعة بتاعته وفي النهاية طلع اسم اللي واخد التقييمات . المدير جاي فرحان وراح اذاع الخبر انا جدع انا جدع عرفت مين اللي خد التقييمات وحكى القصة وقالنا ان العامل هوه اللي سرب الورق وقام باخذ قرار بفصل العامل نهائيا. تخيلوا بقى مدير كبير ومحترم يروح لدجال ويصدقه كمان ويجي يحكي اللي عمله وهوه فرحان يعني تشهير ويقوم بفصل عامل ظلما وقطع رزقه وليه عشان مولانا الشيخ هوه اللي قاله ان العامل اللي سرب التقييمات يبقى هو العامل خلاص ده كلام منزل. طبعا انا بقلكم اتفصل ظلما لانه اتضح انه مش العامل بعد كده الغريب بقى ان المدير لما ناقشته وبصراحة كان نقاش حاد جدا تقدروا تقولوا خناقة علشان خاطر العامل الغلبان اللي اتفصل ظلم يرد ويقلي لا انا واثق انه هوه ده الشيخ قاللي وانا واثق وانا كنت زيك الاول مبصدقش ومرة كنت بدور على فلوس ورحت للشيخ وقلي دي موجودة في الحتة الفلانية ولقيتها صح. وجبتله احاديث صحيحة وبرده مفيش فايده.وفي النهاية بعد تهدئة زملائي لي قررت اني برده افوض امري لله لما حدث.وحسبنا الله ونعم الوكيل. اخواني واخواتي اردت ان اريكم نموذجا غريبا من البشر, واردت ان اطلعكم على جهلنا بديننا مهما تعلمنا من علوم الدنيا, واردت ان اريكم مدى ظلم الانسان لاخيه الانسان. قال رسول الله صلى الله عليه وسلم: "من أتى عرافاً فسأله عن شيء لم تقبل له صلاة أربعين يوماً"رواه مسلم في صحيحه "من أتى كاهناً فصدقه بما يقول فقد كفر بما أنزل على محمد"رواه أبوداود والحديث هوه خير ختام ارجو ان تشاركوني اراكم.

جميييييييييييييييييييييييلة جدا وراااااااائعة

تحياتي وتقديري تقبل مروري

هههههههههه ذكرني باختبارات الكلي الفنية العسكرية فهي تتضمن طول ومقاس ووزن معين جميل ماكتبتي اختي الفاضلة وطبعا كالعادة يعني متميزة من يومك يااستاذة ومقدرش اقول حاجة اكتر من حديث رسول الله صلى الله عليه وسلم: (تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ )مُتّفَقٌ عَلَيْهِ وايضا قال صلي الله عليه وسلم: (( تزوجوا الودود الولود فاني مكاثر بكم الأنبياء، أو قال: الأمم)) - رواه أبو داود والنسائي-

بارك الله في والدتك وتحياتي وتقديري واعتزازي لها ولكي ايضا اختي الفاضلة وبصراحة موضوع جميل ومفيد جدا وجعله الله في ميزان حسناتك وجعل الله القران الكريم نور قلوبنا وابصارنا وجوارحنا وجلاء احزاننا وذهاب همومنا ان شاء الله اشكر لكي التزامك واجتهادك وحرصك على دينك تقبلي مروري وتحياتي وتقديري

شرفتيني اختي الفاضلة بردك الجميل وبارك الله فيكي ولكي لدعائك المستمر لنا منورة مواضيعي بردودك الراائعة تحياتي وتقديري لكي [

شكرا جزيلا اختي بنت مصرية لردك الجميل الذي انار موضوعي ودائما في نجاح وتفوق ان شاء الله

اوعى تفتح عليا كلمة سادت هذه الايام وسط زحمة الموبايلات والموديلات والخطوط وكروت الشحن فتلاقي الواحد يقلك هرنلك بس اوعى تفتح عليا. تخيل لو الكلمة دي اتقالتلك قبل ماتنتشر الموبيلات يعني من بتاع عشر سنين كده مثلا في مصر هتحس انه بيحذرك من ان تفتح عليه باب اوضته وهوه بيغير هدومه ولا باب الحمام لانها مش هتحمل معنى غير كده عشان هيه دي قائمة المحظورات اللي مكانش التليفون من ضمنها وانضم وبقوة اليها في الاونة لاخيرة. لان لو حد ساعتها قالك اوعى تفتح عليا التليفون هتتسائل انت طبعا (( الله افتح عليه ازاي التليفون ياعم هوه حنفيه)) ولكن تعالى دلوقتي تبدلت الدهشة الى (عادة) واصبحت هذه الجملة مستهلكة بين الناس وخاصة الجماعة (الحبيبة) فتلاقي الواحدة من دول تقلك هرنلك بس اوعى تفتح عليا تخسرني بجد, وكمان هتخسرني دقيقة وانت عارف الدقايق بالشيء الفلاني وانا مش معايا (كريديت ) وعمري ماهرنلك تاني لو الموضوع ده اتكرر بصراحة. ده انا اصلا بحوش تمن الكارت من مصروفي بالعافية وساعات مباكلش عشان اوفر تمن الشحن تقوم مخلصلي رناته اهو ده بقى اللي مش ممكن ابدا!!!! وطبعا اسطوانة كاملة من التحذيرات. وطبعا صاحبنا بيطبق الموضوع بحذافيره وللتعبير عن الحب الكبيير يرسل اكثر من 50 رنة في اليوم وكلما ازداد عدد الرنات ازدادت مشاركاته في منتدى الحبيبة. ده ان مخلتهوش تبع الفريق الادراي لمتابعة الرنات الخفيفة. وطبعا موضوع الرنات ده بين المخطوبين هوه في مقام كيلو الفاكهة الذي يحمله الخاطب لخطيبته اثناء زيارته الاسبوعية فهو برناته الخفيفة اللي ممكن نسميها فاكهة المحمول يثبتلها انه مش جلدة ده طبعا بعد ماربنا اعانه اصلا وقدر يخطب ولمزيد من الاخلاص واثبات الجدعنة يحوشله كم رسالة عاطفية من بتوع الكمبيوتر ويبعتهم للجو عشان تنبسط... صحيح ممكن تكون امة لا اله الا الله حافظة الرسايل دي لانها دارت على موبايلات الخلق كلها قبل كده .... ولكنها بمثابة اعادة صياغة عصرية وتكنولوجية لما كان يحدث قديما لما كان الحبيب يستعين بكتاب شعر وينقشله كلمتين منه يلخبطهم على الجواب اللي اساسا ناقله من كتاب 100 رسالة عاطفية وبعدين يبعته للبنية. ولا اللي يقلك هديك رنة طويلة علشان تفتكر الموضوع بتاعنا ولا اللي جايب رقم جديد ويديك رنة انا شخصيا بسميها (ميسد حرامية) علشان متلحقهوش وتفتح عليه تشوف مين. ولا اللي يقلك الراجل ده نزيه جدا ياعم ........ تقله طب ليه نزيه ياعم ... يقلك لو اديته رنة تلاقيه بيتصل بيك شكلها مرتاحة معاه ياعم الله يسهلنا ويسهله يابوخالو. وهكذا نماذج غريبة... وبصراحة بعد الموبيل اصبح الانسان متاحا ومقتحما , فاي حد تقدر تجيبه من اي حتة ياراجل ده البت اللي ابوها قافل عليها بالضبة والمفتاح ومبتشوفش الشارع بعنيها بتلاقيها تعرف شباب وتلاغيهم لو معاها موبيل. يبقى ياناس حتة حديدة صغيرة تقدر تعمل ده كله فينا. وطبعا لو مزنوق وخايف تتقفش تروح مسيلنت الجهاز(اي تجعله صامت) . وتقدر طبعا تظبط وتقرا الرسايل ولا تبعتها براحتك لاي حد اي كان بدون رقابة ياترى احنا وصلت بينا الدرجة للحال ده ان احنا نهتم بقشور قشور قشور قشور الاشياء وكل همنا ان نجيب الموبيل الفلاني زي بتاع الواد سعدان عشان ده بيمزك احسن. اصلي بصراحة زهقت من العدة اللي معايا دي بقالها كتيير قوي يارجل دي معايا ليها شهرين اسكت ده انا شفتلك حتة دين عدة في ايد الواد كرااته بس ايه اووووف جامدة جدا ياريت يابشمهندس تنزلي شوية نغمات على كيفك كده شوية حبشتكنات كده يعني زنجف الزناجيف يابرنس ولا ابوكاميرا كمان ياعيني عليك يابوكاميرا ..... يوووووه اسكت مش فيه كامرتين دلوقتي كمان اه امال ايه تصور الناس وتتصور شفت التكنولوجيا وتاني يوم تلاقي صورتك او صورة اختك عالنت طب برده ده كلام وغيره وغيره وغيره..................... إيه ده ياعم................ ايييييييييييييييييييييييييييه ده بجد انا منكرش ان الموبيل ليه فوائده الكثيرة بصراحة وانا واحد من الناس بيهمني جدا لاني بخلص بيه مصالحي بس يعني مش كده مش لدرجة انه يبقى حياتنا وكمان سيطر على تفكيرنا وحركتنا وكل حاجة في النهاية مقدرش اقول غير( اللهم قنا فتنة الدنيا، وفتنة الزمان, ولا تجعل الدنيا اكبر همنا) تقبلوا احترامي وتقديري وشاركوني اراكم.

هرم الرقي الانساني فكرة جميلة طبقناها انا واخي وزملائنا اريد ان اعرضها عليكم ولا ادري ان كانت هذه الفكرة نوقشت قبل ذلك ام لا ولكن فلنعرضها للتذكرة هذه الفكرة تعتمد على ان ترتب اولوياتك في الحياة في شكل هرم يتدرج في طبقاته حتى تصل الى قمته. ولكن راعي ان يكون كل اولوياتك واعمالك واهدافك على اساس من الايمان واوضح لكم مثالا بما قمنا بتطبيقه قمنا برسم هرم اسميناه (هرم الرقي الانساني) وقمنا بتقسيمه الى عدة طبقات وكتبنا على الطبقة الاولى التي تمثل قاعدة الهرم كلمة (الايمان) ثم الطبقة التي تليها (العلم) ثم التي تعلوها (الفن) ثم (الثقافة) وهكذا حتى وصلنا الى قمة الهرم وتعاهدنا على أننا سنحاول في كل يوم -قدرالإمكان- أن نرتقي بأنفسنا وبشخصيتنا على جميع هذه النواحي والأصعدة,ففي كل يوم سنحاول أن ندرس بجد وأن نتعلم شيئا جديدا,وفي كل يوم سنحاول أن نطلع ونقرأ ونتثقف,وفي كل يوم سنمارس هواية تنمي الفنان الذي بداخلنا وهكذا,ولكن بشرط أن يكون هذا كله على قاعدة من الإيمان والنية الخالصة وهكذا نستطيع ان ننظم ونرتب اهدافنا ونستطيع ان نستفيد باوقاتنا بقضاء ماهو مفيد والابداع في الفنون التي نتقنها ونهواها. لكم مني كل الحب والتقدير وارجو ان تشاركوني وتسعدوني بوجهة نظركم واراكم.

هوه ده الكلام اللي بدور عليه انت راجل راائع احترامي برنس عمر

اشكركم تمر الجنة والحياة وche شكرا لمروركم الكريم

اعتز بحجابي no thanks on home work يعني لا شكر على واجب بلغة الصحراء خير ان شاء الله

الله الله عليك ايوه كده فين الاحرار تقبل مروري واحترامي وتقديري

الله يفتح عليكي موضوع حساس وجمييل ودائما ماافكر فيه واناقشه مع زملائي واسال الله لنا صفاء القلوب وتطهيرها وخير ان شاء الله

تقديري واحترامي للموضوع الجميل كالعادة واللهم اهدنا جميعا واجعلنا نخشاك ونخافك كاننا نراك تقبلي مروري وخير ان شاء الله