نجمة الكتب

اذا صمت صديقك ولم يتكلم ، فلا ينقطع قلبك عن الإصغاء إلى صوت قلبه.

عاشق الصداقة،BLACKDREAM،طائر السكون نورتوا موضوعي المتواضع وبشكركم جدا على تشجيعكم، ربنا يجازيكم عني كل خير ويا رب تكون المعلومات البسيطة اللي قدمتها مفيدة . ~~~~~~~~~~~~~~~~~~~~~~~~~~~~~~~~~~ عمرك مسكت ايد طفل رضيع؟؟.. طيب لو محصلش حالا دور على اي طفل يكون عنده ٣ شهور او اقل والمس راحة ايده او حط صباعك في ايده وشوف هيحصل ايه.... اقولكم انا هيحصل ايه.. ببساطة الطفل هيقفل ايديه الصغيرة على صباعك وهيمسكه باحكام طبعا انت هتعمل فرح وهتلم الناس وتقولهم انه بيحبك وبيموت فيك ، والحقيقة انه مش واقع في غرامك ولا حاجة ولو اي حد غيرك عمل اللي عملته هيكون رد فعل الطفل هو هو... صدمة شديدة مش كدة؟؟؟ معلش الحقيقة دايما مؤلمة الفعل المنعكس هو استجابة اتوماتيكية سريعة من الجهاز العصبي والعضلي لاي مثير خارجي بتم لحماية الانسان يعني مثلا: لما بتسمع صوت عالي قوي بتلتفت في اتجاهه بدون ما تفكر لأنك لو فكرت هتاخد وقت وممكن السبب اللي عمل الصوت العالي قوي ده يكون قرب وبيهدد حياتك. مثال تاني للافعال المنعكسة لما حاجة بتتحرك بسرعة في مجال رؤيتك وبتتجه ناحيتك بتغمض عينيك فورا بردو من غير تفكير وبكدة بتحمي عنيك وبتتفادي اي جسم غريب...في افعال منعكسة كتيرة جدا متبرمجة في جهازنا العصبي ووظيفتها حمايتنا . الاطفال الرضع بقى بيكون عندهم مجموعة خاصة من الافعال المنعكسة البدائية زي مثلا قفلة ايد الرضيع على صباعك، ..اهو دا فعل منعكس بيبقى موجود من اول ما الطفل بيتولد و بيضعف عند سن ٣ شهور وبيختفي بعد سن سنة، الافعال المنعكسة البدائية دي بتكون موجودة بسبب عدم اكتمال نمو الجهاز العصبي في اول سنتين من العمر وبعد كدة بتختفي تدريجيا ولو فضلت معاهم او ظهرت في شخص كبير بتبقى دليل على مرض في الجهاز العصبي. الافعال المنعكسة اللي عند الاطفال الرضع بتساعد على نموهم الحركي لكن الاعجاز بقى ان حتى عدم اكتمال نمو الجهاز العصبي عند الطفل الرضيع ربنا وظفه بحيث يخدم نموه الاجتماعي وارتباطه باهله وارتباطهم بيه لما بيمسك ايديهم وبيحسوا انه بيعمل كدة عشان بيحبهم... سبحانه اللي بيخلق من النقص والضعف قوة ... سبحان الله

ما أجملها وما أروعها كلماتك، عودا حميدا اختي الحبيبة

الله عليكي يا مريم ، مواضيعك جميييييييييييييييييلة زيك . جزاكي الله خيرا.

حلوة قويييييييييييييييييي يا احمد ، آااااااااااااااااااامين

وحشتينا جدا اختنا الحبيبة ، جميييييييييييييييييييييييييييييييلة جدا القصيدة وعودة قوية جدا ، بس يا ريت متغيبيش علينا تاني .

نسيت تقوللي انهي اسد فيهم ، دول اربعة !!!!!! وبعدين هستلم الجايزة الساعة ٢ الضهر !!! معندكومش جوايز سواريه ؟؟؟ طيب على فكرة بقى انا غيرت رأيي، مش عايزة اسمع اغنية محدش يلومني، دلوقتي انا عايزة اسمع اغنية : مبلاش اللون ده معانا

شكرا aboammar وعاشق الصداقة، بس محدش يفهمني غلط يا جماعة انا قصدي مصلحتكم :blush: ، انتو بعد النكت دي هتتفرجوا على ارخم فيلم في الدنيا وهتضحكوا انا بديلكم مناعة ضد اي حاجة تحرق الدم او ترفع الضغط وتعمل زغللة في العينين أوتشللللللللللل، و اللي لسة محرموش جايبالهم جرعة تانية مخصوص : ايه الحاجة اللي بتطفو على سطح المية واول حرف منها ح؟ حتة خشبة. ايه الحاجة اللي بتطفو على سطح المية واول حرف منها ب؟ بردو حتة خشبة!! ايه الحاجة اللي بتطفو على المية واول حرف منها ن؟ نفس حتة الخشبة!!! ايه الحاجة اللي بتطفو على المية واول حرف منها هـ؟ هي هي حتة الخشبة!!!! ايه الحاجة اللي بتطفو على المية واول حرف منها أ؟ أنتو مبتتعلموش؟؟،ما قلنالكم حتة الخشبة!!!!! * ليه الملخفن بيدهن الشقة باللبن؟؟ عشان تبقى مـِلك!! *ليه ملخفن بيحط رجله على الشباك وهو نايم؟؟ عشان يكعبل الناموس وهو داخل!!! *وليه بيخلي فلخم ينام تحت الشباك؟؟ عشان يخض الناموس وهو خارج!! *ليه الدّ ُغـُف قتل ابوه؟؟؟ عشان يطلع رحلة ايتام!! *طب ليه قتل عمه؟؟ عشان ابن عمه يطلع معاه!!! *طيب ليه قتل خاله؟؟ عشان الإجرام بقى في دمه!!!! *وليه انتحر بعد كدة؟؟ عشان الرحلة اتلغت!!!! (ملحوظة: الدُغـُف ده يبقى جد الملخفن أما فلخم دا انا معرفش يقربله ايه ، ممكن يكون ابن عمه في الرضاعة ) *ليه فلخم بيحط جنبه دودة قبل ما ينام؟؟ عشان الدكتور قاله لازم تنام ٧ ساعات معدودة!!! *وليه ملخفن مبيشتريش صابون؟؟ عشان فلخم بيعمله ساندويتشات!! *ايه الفرق بين اللي بيقع من الدور الاول واللي بيقع من الدور العاشر؟؟ اللي بيقع من الدور العاشر بيقول آآآآآآآآآي بوم، لكن اللي بيقع من الدور الاول بيقول بوم آآآآي. (أظن اللي هيكمل النكت دي للاخر هيقول بوم وآآآآآآآآآآآآآآآآي وتش وكل الموسيقات التصويرية اللي بتيجي في افلام الرعب..... ربنا يستر )

بشكرك اخي العزيز عبد الله، اتعلمنا في مدرستكم ولسة بنتعلم، ربنا يجازيكم عنا كل خير ~~~~~~~~~~~~~~~~~~~~~~~~~~ تعالوا نخرج برانا شوية ونتكلم المرادي عن مخلوقات ذكية جدا، كائنات بتخطط وبتملك حيل عجيبة جدا بتساعدها على البقاء، هنتكلم النهاردة عن بعض الطفيليات وسلوكها المثير للدهشة: * نوع من انواع الديدان المفلطحة بيعيش في الحجرات الصغيرة للشعاب المرجانية وبتكمل دورة حياتها في عائل اخر وهو نوع من الاسماك اسمه سمك الفراشة لما بتدخل الديدان دي حجرات الشعاب المرجانية بتضمن لنفسها غذاء وفير بتتقاسمه مع الشعاب المرجانية لكن بتبدأ تنمو وتنمو لدرجة انها متقدرش تخرج من الثقوب الضيقة اللي دخلت منها وحتى لو خرجت ممكن تضيع وتموت في المياه المالحة او يفترسها اي كائن اخر ،طيب ازاي هتوصل للعائل التاني وهو سمكة الفراشة ، السمك ده مبيكسرش الشعاب المرجانية الجيرية الصلبة عشان يوصل للغذا ،هي كدة الديدان دي حبست نفسها؟؟!!!!!!!!! الديدان ليها رأي تاني،...واللي بتعمله انها بتوعز للشعاب المرجانية -كيميائيا- وبتخليها تدفعها لاسطح التكوينات المرجانية في صورة بثور او عقد وردية اللون بتجذب سمك الفراشة وبيسهل عليه التهامها وبكدة بتوصل الديدان للعائل التاني وبتكمل دورة حياتها. ** نوع اخر من الديدان بيعيش داخل بعض انواع الحشرات وبيكمل دورة حياته في اجسام القوارض، متقدرش تتنقل لوحدها من العائل الاول للعائل التاني، لازم القوارض تلتهم الحشرات ،طيب ده هيحصل ازاي؟؟!!!!!!!! الديدان الذكية دي بتفرز مواد تأثر عالجهاز العصبي للحشرة وتخليها في حالة عدم اتزان وبالشكل ده بتبقى فريسة سهلة جدا للقوارض وبتقدر الديدان تكمل دورة حياتها. *** مثال تاني بيبين ان الكائنات دي اللي بيبصلها البشر بنوع من الإزدراء هي كائنات ذكية جدا وعارفة كويس قوي تعمل ايه عشان تفضل في خريطة الحياة المليانة بكائنات اقوى منها : نوع من القراد بيتطفل على الفراشات بالتحديد اذن الفراشات، ورغم سلوكه المتطفل الا انه مبيصيبش ابدا ابدا اذنين الفراشة بيكتفي باذن واحدة ويسيب التانية سليمة!!! الفراشة بتعرف طريقها عن طريق استقبال وتفسير الموجات فوق الصوتية واذا فقدت اذنيها بتبقى صماء عمياء وبتتخبط في طريقها وتبقى فريسة سهلة لكائن اخر ولو ده حصل هتنتهي حياتها وحياة القراد. الاستراتيجيات العجيبة والخطط المحكمة اللي بيها بتحافظ الكائنات دي على حياتها وبقائها يا ترى مين اللي علمهالها ؟؟؟؟؟ سبحان الله

بالرحلة دي اقدر اقولك عودا حميدا، الفكرة عميقة جدا وجميلة جدا، (تدافعت الموجات من مركز سقوطه لتغطي انحاء البحيره فاذا به يموت غرقا وهو سعيد لانه خلف ورائه موجات التغيير فنام قرير العين في القاع) بختلف معاك بس في كلمة واحدة، السكون اللي بيتحقق بعد احداث الموجات والوصول لعمق الحياة عمره ما كان موت، السكون ده حاجة اعمق بكتير واكبر بكتير من سكون الموت، سكون مليان حياة وصخب في غلاف من الطمأنينة...

بل انا من تشكرك شكرا جزيلا استاذنا الفاضل ، وحقا يملك الشعر ان يتنقل بنا بين ذكريات الماضي،احداث الحاضر واحلام المستقبل. حزن على الحزن ..! - أيّها الحُـزنُ الذي يغشى بِـلادي أنا من أجلِكَ يغشاني الحَـزَنْ أنتَ في كُلِّ مكـانٍ أنتَ في كُلِّ زَمـَنْ . دائـرٌ تخْـدِمُ كلّ الناسِ مِـنْ غيرِ ثَمـَنْ . عَجَبـاً منكَ .. ألا تشكو الوَهَـنْ ؟! أيُّ قلـبِ لم يُكلّفكَ بشُغلٍ ؟ أيُّ عيـنٍ لم تُحمِّلكَ الوَسَـنْ ؟ ذاكَ يدعـوكَ إلى استقبالِ قَيـدٍ تلكَ تحـدوكَ لتوديـعِ كَفَـنْ . تلكَ تدعـوكَ إلى تطريـزِ رُوحٍ ذاكَ يحـدوكَ إلى حرثِ بَـدَنْ . مَـنْ ستُرضي، أيّها الحُـزنُ، ومَـنْ ؟! وَمتى تأنَفُ من سُكنى بـلادٍ أنتَ فيهـا مُمتهَـنْ ؟! - إنّني أرغـبُ أن أرحَـلَ عنهـا إنّمـا يمنعُني حُـبُّ الوَطـنْ ! احمد مطر

انا مش حذرتك قبل كدة وقلتلك بلاش لعب بالسيف لتعور نفسك ؟؟؟؟ عموما احترس نفسك وخدلك ساتر يا احمد المنتدى مليان بنااااااااااااااااااااات :regular_smile: . يا جماعة اللي عند احمد ده مش حساسية ،هو بس معرفش يعبر ، كل الحكاية انه بيحصله حالة هلع لما بيسمع سيرة البنات من اللي حصله قبل كدة....مسكين

نورتي خمسة لعقلك يا وسام وموضوع جمييييييييييييل جدا :regular_smile:

فاين الفرار من صوت الحياه شئتي ام ابيتي اسمعي صوت الحياه كلمات رااااااائعة

لعبة جمييييييييييييلة ،طبعا مش انا اللي فزت يبقى لازم اللعبة تكون جميلة هيييييييييييييييه انا اللي فزت صح ؟؟؟هييييييييه هيييي.......ايه مش انا ؟؟؟ طب مين طيب ؟؟؟؟؟؟ .....هو انا اللي فزت وبالمناسبة دي احب اسمع اغنية "محدش يلومني ولا يعتب عليا " متحرمناش من لعباتك الجبارة دي يا عارف

جميييييييييييييييلة الخلفيات زي كل حاجة بتعملها لنا في المنتدى ربنا يبارك فيك ويجازيك عنا خير

اضافة رائعة يا احمد ،انا جربتها وشغالة ويا ريت متشيلهاش عشان لو في اي استفسار او ملاحظات نقدر نوصلهالك بسهولة. ضرر ليك!! ايه التفاؤل ده

( كن أنت التغيير الذى تريده فى العالم ) دي مقولة المهاتما غاندي، حقيقي كان انسان عظيم وقدر يغير بلده تغييرات كانت تبدو مستحيلة لكن آمن بيها وبدأ . جميييييييييل جدا اخي العارف ،ما شاء الله كل موضوعاتك متميزة.

جمييل جدا ، جزاكم الله خيرا

اتنين رخمين قويييييييي وغلسييييييين قوي بيتكلموا مع بعض : ( اللي ضغطه بيعلى احسنله ميقراش ) - صخرة وقعت من فوق عمارة واللوح الازاز اللي تحتها متكسرش..ليه؟؟ عشان موقعتش عليه - طب فرخة بتعدي الشارع وماتت فجأة ..ليه؟؟ عشان الصخرة وقعت عليها - ليه ملخفن بيحط جنبه كباية شاي وهو نايم؟؟ عشان الشاي منبه - طب ليه بيحط جنب الشاي فنجان قهوة؟؟ عشان لو الشاي ما رنش - طب ليه بيحط جنبه كباية مية فاضية وكباية مليانة؟؟ عشان يمكن يشرب ويمكن ما يشربش - وليه بيحط ملح على دماغه؟؟ عشان يبقى حِدِق - وليه بيحط سكر على الكرسي قبل ما يقعد؟؟ عشان تبقى قعدته حلوة - حاجة بيضا طايرة في السما وبتقول نياو... ايه هي؟؟؟؟ قطة بيضا واخدة شلوت - طب حاجة سودا طايرة وبتقول نياو؟؟ غراب بيستهبل - طب حاجة بني طايرة في السما ومبتقولش حاجة؟؟ فردة الجزمة بتاعة الراجل اللي ضرب القطة البيضا - طب حاجة سودا طايرة ومبتقولش حاجة؟؟ غراب عاقل ومبيحبش الاستهبال - نقطة زرقا طايرة في السما .. ايه هي؟؟ دبانة لابسة بنطلون جينز ازرق - طب حاجة سودا فيها خط احمر وطايرة في السما من الشرق للغرب؟؟ دبانة لابسة سواريه وحاطة روج ورايحة فرح واحدة صاحبتها - طب حاجة سودا وفيها خط احمر وطايرة من الغرب للشرق.. ايه هي؟؟ نفس الدبانة ونسيت حاجة في البيت فرجعت تجيبها - حاجة سودا ماشية في الصحرا ؟؟؟ سرب نمل رايح يعزي. منقوووول ومحدش يدعي عليا انا حذرتكم قبل ما تقروا .

اشتهر المعتصم العباسي باسم (المثمن) لأن الرقم 8 لعب دوراً هاماً في حياته، فهو ثامن الخلفاء العباسيين، ودامت خلافته ثماني سنوات،وثمانية شهور، وشهد عهده ثماني فتوحات عسكرية، وترك من الأولاد 8 أولاد، 8 بنات، وكانت ولادته عام 108هـ في الشهر الثامن من السنة (شعبان) وتوفي وله من العمر 48 سنة. تزوجت السيدة أسماء بنت عميس رضي الله عنها بخليفتين من خلفاء رسول الله صلى الله عليه وسلم: فقد تزوجت من أبي بكر الصديق بعد وفاة زوجها الأول (جعفر بن أبي طالب) ثم تزوجت من علي بعد وفاة الصديق … رضي الله عنها فقد تزوجت خليفتين. كلمة دكتور كلمة لاتينية ومعناها مهندس أو معلم، وأول جامعة منحت هذا اللقب هي جامعة بولونية إيطالية حيث منحت لقب دكتور لخريج في القانون.. أول ذنب عُصي الله به في السماء هو الحسد (يوم حسد إبليس آدم) وهو أيضاً أول ذنب عُصي الله به في الأرض (يوم حسد ابن آدم أخاه فقتله. الحجر الأسود ليس أسود اللون أصلاً لقوله صلى الله عليه وسلم في الحديث الصحيح "نزل الحجر الأسود من الجنة أشد بياضاً من اللبن فسودته خطايا ابن آدم".صحيح الترمذي 695 قراقوش شخصية حقيقية وليست خيالية كما يظن البعض، فقد كان وزيراً في مصر في عهد صلاح الدين الأيوبي واشتهر بالصرامة واسمه بهاء الدين الأسري، وكان وزيراً عادلاً فحنق عليه الصليبيون واستهزءوا به، ثم توارث العوام هذا الاستهزاء عن جهل منهم حتى أصبح مثلاً يضرب للظلم على عكس الصحيح. سميت بلاد الشام بهذا الاسم نسبة إلى سام بن نوح عليه السلام حيث استقر بهذه المنطقة، وأطلق عليها بلاد سام باللغة السريانية، وفي اللغة العربية تنطق السين السريانية شيناً. أطلق على الصحابي الجليل جندب بن جنادة اسم (أبو ذر) لأنه كان إذا لقي في طريقه ذراً حملها ورفعها عن الطريق. عدد الذين حملوا اسم "محمد" قبل النبي صلى الله عليه وسلم 8 أشخاص وقد أدرك أحدهم الإسلام فأسلم وهو محمد بن سلمة. تسمى القصص الأسطورية وغير المعقولة والتي يصعب تصديقها تسمى (قصص خرافية) وذلك نسبة إلى رجل اسمه خرافة من بني عذرة أدعى أن الجن خطفته وبقي عندهم فترة من الزمن ثم عاد إلى قومه يروي لهم مغامراته مع الجن وكان يصعب تصديقها لغرابتها وبعدها عن المعقول. المولود الوحيد الذي ولد داخل الكعبة هو حكيم بن حزام، والآية الوحيدة التي نزلت في جوف الكعبة هي: (إِنَّ اللّهَ يَأْمُرُكُمْ أَن تُؤدُّواْ الأَمَانَاتِ إِلَى أَهْلِهَا …) [النساء: 58]. آخر آية نزلت من القرآن الكريم قوله تعالى: (وَاتَّقُواْ يَوْماً تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ) [البقرة: 281]، وتوفي الرسول صلى الله عليه وسلم بعدها بتسع ليال فقط. هل تعلم لماذا يقول لك طبيب العيون إذا كان نظرك قوياً إن نظرك 6 على 6 بالذات ولماذا لا يقول إن نظرك 10 على عشرة أو 100 على 100، والسبب في ذلك أن العين الصحيحة هي التي ترى بوضوح الأرقام والإشارات المستعملة لفحص قوة العين من على بعد ستة أمتار فالرقم في البسط يمثل قوة العين فمثلاً 4 على 6 يعني أن ما يراه الصحيح من بعد 6 أمتار تراه أنت على يعد 4 أمتار وهكذا. سمي شهر المحرم بذلك الاسم لأن العرب حرموا فيه القتال. وسمي صفر بهذا الاسم لأن العرب كانوا يغيرون على البلاد فيه فيتركونها صفراً خراباً. وسمي شهر ربيع الأول والثاني بهذا الاسم لأن الأرض كانت تفيض بالخصب في هذين الشهرين. وسمي شهر جمادى الأولى والآخرة بهذا الاسم لأن الماء كان يجمد من شدة البرد فيها. وسمي شهر رجب بهذا الاسم لأن العرب كانوا يرجبون فيه الشجر ويشذبون فروعه. وسمي شهر شعبان بهذا الاسم لأن العرب كانوا يتشعيون فيه ويفترقون في كل ناحية للإغارة. وسمي شهر رمضان بهذا الاسم لأن الأرض كانت ترمض من شدة الحر. وسمي شهر شوال بهذا الاسم لأن النياق كانت تشول فيه بأذنابها. وسمي شهر ذو القعدة بهذا الاسم لأن العرب كانت تقعد فيه عن القتال. وسمي شهر ذو الحجة بهذا الاسم لأن العرب كانت تخرج فيه لحج بيت الله الحرام. معظم الناس يردون على "صباح الخير" "صباح النور" وهذه التحية هي التحية المجوسية، حيث يعتقد المجوس بقوتين للخير والشر، يمثلها النور والظلمة، وهما يتنازعان السيطرة على العالم، فكان من المعقول أن يحيي المجوس بعضهم بعضاً بقولهم "صباح الخير" "صباح النور " (باختصار من معجم المناهي اللفظية لبكر أبو زيد). منقووول

متعتذرش عن اي حاجة تتعمل في مصلحة المنتدى لأنها تهمنا زيك بالظبط ، انا عن نفسي مش زعلانة حتى لو عملتني عضو من غير ولا نجمة (اصل اسمي انا فيه نجمة لوحده ) ،كفاية اني اكون جزء من المنتدى اللي بحبه جدا جدا جدا وان شاء الله مش هرتاح ولا يهدالي بال غير لما يبقى احسن منتدى في المجرة وعايزة اشكرك كتيييييييييييييييييييييييييييييييييييييييييييييييييييييييييييييييييير على التجديدات المستمرة والتحسينات اللي بتعملها ، ربنا يوفقك وتبدع اكتر واكتر

استاذي بركات معبد،اخي العارف، اخي عاشق الصداقة، لكم مني جزيل الشكر، اختي الحبيبة عاشقة القرآن سافتقد ردودك الرائعة التي تكمل موضوعاتي وتفوقها بمراحل. ...ارجو ان تنال موضوعاتي المتواضعة اعجباكم واعتذر لكل من ترهقه قراءتها. ~~~~~~~~~~~~~~~~~~~~~~~ شغااااااااااااااااااااااااال طول الوقت...... مبتحسش بيه خالص غير في لحظة خوف او لحظة انفعال او لما تجري شوية ولا تعمل مجهود...يا ترى حد سأل نفسه هو شغال ازاي؟؟؟ من يوم ما بنتولد ليوم ما نفارق الدنيا؟؟؟؟ من غير ولا ثاينة توقف او راحة؟؟؟؟؟؟؟؟؟؟؟؟ ................... ............. القلب ده عضو عجيب جدا ، هو عبارة عن عضلة من نوع خاص ، فيها بطينين واذينين ودول اربع غرف بتفصل بينهم صمامات بتحافظ على اتجاه واحد للدم ومتصلين بالاوردة والشرايين الرئيسية، القلب بيدق بمعدل ٦٠- ١٠٠ دقة في الدقيقة مع العلم انه في مرحلة الجنين كان بيدق بمعدل ١٢٠-١٦٠ مرة في الدقيقة، الدقة او انقباض العضلة العجيبة دي بيبدأ في عقدة صغيرة في جدار الاذين الايمن حجمها ١٥ × ٣× ١ مم ، العقدة دي فيها نوع خاص جدا من الخلايا اللي بتولد كهربا بصورة تلقائية اتوماتيكية، يعني اذا كانت اي خلية لازم يجيلها اشارة كهربية عشان تشتغل ،فالخلايا العجيبة دي بقى بتصنع بنفسها الاشارات الكهربية اللي بتشغل القلب كله وده عن طريق تيار من ايونات الصوديوم بيتحرك تلقائيا خلال فتحات في اغشية الخلايا دي، بعد كدة النبضة الكهربية دي بتمشي في نسيج موصل موجود في جدار القلب واللي بتتميز خلاياه بتوصيل للكهربا اعلى بكتير جدا من خلايا القلب العادية ،النسيج ده بيتفرع ويتفرع وبينتشر في نسيج القلب كله ويوصل النبضة الكهربية دي للخلايا العضلية العادية، الخلايا العضلية دي كمان بينها بوابات بتوصل التيار الكهربي بسرعة رهيبة ودا يضمن ان كل خلايا البطين تنقبض في وقت واحد كخلية واحدة وبالمثل لكل خلايا الاذين، و تبدأ النبضة الميكانيكية اللي بنسمع صوتها وممكن نحس بيها بس لو اتغير عددها او قوتها او انتظامها لأن المستقبلات الحسية اللي موجودة في جدار القفص الصدري مهيأة انها متبعتش اشارات للمخ الا لو حصل تغيير في الضربات لكن طول ما هي طبيعية مبتبعتش اي اشارات.. انقباض القلب بيدفع الدم في الشرايين اللي بتوصله محمل بالغذا والاكسجين لكل خلايا الجسم، واثناء انبساطه بيرجعله الدم عن طريق الاوردة محمل بثاني اكسيد الكربون و فضلات الانسجة، كمية الدم اللي بيضخها القلب في الدقيقة بتقدر ب ٥ لتر يعني حوالي ٧٢٠٠ لتر في اليوم من كل بطين على حدة ..تخيلوا!!!!!!! القلب نفسه بيتغذى عن طريق الانتشار من الدم الموجود داخل غرفه الاربعة وكمان بيغذيه شرايين اسمها الشرايين التاجية وبيسموها كدة لأنها في توزيعها حوالين عضلة القلب بتشبه التاج. خلايا القلب بتبدأ الاشارة الكهربية وبتوصلها وبتنقبض و بتدفع الدم وتستقبله تاني في سيمفونية رائعة، بدون توقف ولا ثانية واحدة ،الخلايا دي بتشتغل بتفاني وانضباط غريب كأنها عارفة انها مسئولة عن حياتنا!!!!!!!!!!!!!!!! سبحان الله

هي وطنٌ حيث لا وطن ، وملاذ حين تتوالد المحن، سحر مريح يلفها، ورحابة ترسم بقوة ونعومة ملامح أفيائها، لونها ليس ككل لون، ولا ظلها كالأظلال، قديمة كالأولى بالكون، ترعى برحابها الآمال، ويلهوالخيال.. بربيعها الدائم، جذورها تمتد إلى ما قبل الكلمة، وغصون كأذرع الأمومة، أوراقها الغضة صوب الشمس مرتحلة ، كأشرعة حنونة، عبير زهرها أشهى من حلم نسمة، وثمارها كلآلئ الحكمة، تتدلى يانعة. ***** علقت عليها أرجوحة الطفولة، والقيت في أحضانها هموم الشباب ، في عظمتها تلاشى كل يابس، وفي خضم هذى الخضرة، غرقت دنياي المتصحرة. مختارون من عرفوها مثلي انا، من ذاقوا عذوبة اللجوء إليها. ،هذا الجمال الخالد، قليلون من يعرفونه. ***** لو أنك أهديتني تلك البذور ، لنثرتها على أنهار الدماء، على كل جرح على كل دمعة، وكل مواطن العناء، لزرعتها في قفر كل قلب جائع، واهتدى بها أي روح ضائع، يبحث عن مصير، لرويتها من صمت المظلومين ، لتنبت أصداءا توقظ كل ظالم، ورعيتها بالنور حتى يكبر سرها ... ...يتعاظم، لتبتلع كل قبيح، وتضم أطيافها السماوية الطيبة، كل العالم، ليختفي من الكون الحزن والشقاء، ويصير هادئ وجميل، ....مثلك. ***** عندما أهتدي إليك في حياة قادمة فضلا ،لا تنس أن تهديني بعض البذور من تلك الشجرة في قلبك.

عودا حميدا اخي عابدين، افتقدنا موضوعاتك المتميزة ، تشبيه فعلا رااااااااااااائع ، وانا عن نفسي المنتدى ده مش بس بيقوم معايا بدور تثقيفي وبيزود عمري الفكري لكن كمان بلاقي فيه متنفس ليا وبيتسمع فيه صوتي اللي يمكن بيتوه في زحمة الحياة، وفيه اصدقاء غاليين واسرة كبيرة وروح فريق مصمم على النجاح وهيحققه باذن الله .