نجمة الكتب

موضوع مفيد جدا، جزاكم الله خيرا

موضوع جمييييييييييييييييل جدا اهلا بك في منتداك، تسعدنا مشاركتك وننتظر المزيد.

راااااااااااااائعة

ايه رأيكم لو نقرا قرآن مع بعض ونخللي لسانا دايما عامر بتلاوته ونملا قلوبنا من نفحاته، كل واحد فينا يكتب ولو آية وخلينا نشوف هنخلص القرآن في قد ايه، ويا سلام لو كل واحد بيكتب آية، ياخد لحظات ويتأمل فيها ويتفكر في معناها، واللي بيقروها يعملوا بالمثل،و كل ما نقرا ونتفكر هنلاقي كنوز من الحكمة تنور قلوبنا وعقولنا. هبدأ بالفاتحة واللي عايز ينسخ الآيات بالتشكيل او يسمع التلاوة الصحيحة او التفاسير المختلفة للآية هيلاقيها في الرابط ده: http://quran.muslim-web.com/index.htm ~~~~~~ بِسْمِ اللّهِ الرَّحْمَنِ الرَّحِيمِ (1) الْحَمْدُ للّهِ رَبِّ الْعَالَمِينَ (2 ) الرَّحْمنِ الرَّحِيمِ (3) مَلِكِ يَوْمِ الدِّينِ (4) إِيَّاكَ نَعْبُدُ وإِيَّاكَ نَسْتَعِينُ (5) اهدِنَا الصِّرَاطَ المُستَقِيمَ (6) صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ (7)

اشكرك استاذي على تشريفك مكتبة منتدانا المتواضعة. الفكرة اللي حضرتك طرحتها جميلة جدا بس للاسف انا معنديش اي روابط لكتب ويا ريت لو اي حد عنده يشارك معانا وهتبقى حاجة ممتعة جدا اننا نتناقش في كتاب معين نحدده كل اسبوع. ~~~~~ مؤقتا هتكلم عن كتاب اكتر من رائع بتمنى ان كل الناس تقتنيه، الكتاب اسمه( رمل وزبد) لجبران خليل جبران، ترجمة دكتور ثروت عكاشة. اقل ما يقال عنه انه جنة غناء من الحكمة والفلسفة العميقة اللي بتحمل رسالة انسانية غاية في السمو ،واليكم منه هذه المقتطفات: *مرة ملأت من الضباب يدي ثم بسطتها،فإذا الضباب دودة. وقبضت يدي، وثانية بسطتها ،فكان ثم عصفور. وأخذت اقبض يدي وابسطها، فإذا في قرارتها رجل قائم ينظر الي عل ساهم الوجه، ثم قبضت يدي، وحين بسطتها لم يكن ثم شيئ غير الضباب، لكنني سمعت شدوا ما أعذبه من شدو. *كيف افقد إيماني بعدل الحياة، واحلام الراقدين على الفراش ليست اجمل من احلام الذين يفترشون الغبراء؟؟ *عندما قذف بي الله الي هذه البحيرة العجيبة ازعجت صفحتها بدوائر لا تحصى، غير انني لما بلغت اغوارها لفني سكون شامل. *إذا تغنيت بالجمال فستجد من يستمع اليك ولو كنت وحيدا في جوف الصحران *ربما عرف البحر المحارة بانها لؤلؤة، وربما كان تعريف الفحم عند الزمان الالماس. *بين العالم والشاعر حقل ناضر ان اجتازه العالم غدا حكيما وان عبره الشاعر غدا نبيا. *الايمان واحة في القلب ليس لقافلة الفكر ان تبلغها ابدا.

# اكثر المواقع مناسبة لكي يفترس الباطل الحق: الجيب الخاوي أو الجمجمة الخاوية، أيهما اظلم. # يبدأ الحب بحرفين يحملان الحمق والبراءة ولا توجد حروف بعد ذلك تفسر ما سيحدث. # اعمى القلب لا يمكنه مراقبة تسلل المياه الى نبات عطشان. # الحب والكراهية كلاهما طاقة ثمينة لايصح ان نبددها فيمن لا يستحق. # كثير من الثعابين تنظر اليك في اعجاب قبل ان تطلق اولى بخات السم. # ما تعاظم احد على من دونه الا بقدر ما تصاغر لمن فوقه. # الذل ليس معاكسا للكرامة، انه ضد الانسانية اصلا. # لكي تتجنب النقد لا تفعل شيئا ولا تقل شيئا ولا تكن شيئا. #التلال التي تستمتع - انت - بغياب الشمس خلفها، تحجبك عن الشمس ايضا. # لن تستطيع ان تقضي في شأن انسان ما ،فوق ما تعرف عنه، وما اقل معرفتك. # قلت للحياة(بودي لو سمعت الموت يتكلم) ورفعت الحياة صوتها شيئا ما وقالت (ها انت تسمعه الآن).

اخي عاشق الصداقة، اختي عاشقة القرآن شكرا لمروركم. استاذي بركات معبد شرف لي مرورك وشهادة نعتز بها. ~~~ قصائد قصيرة بإبرة نحيله يخيط جرح وردة داعبها البنفسج دعابة ثقيله!! - * - كان الصدى يئن إن إن وصوتى الجريح صامتاً!! -*- في شرفتها.... كانت تسقي أوراق الورد بأمطار نداها!! فى شرفتنا... كانت روحى تهتز وتبتل وتنمو وتعيد تفاصيل صباها - * - حتماً ينحاز الصفصاف إلى الغيم وينحاز الجبل إلى الثلج وتنحاز عصافير الوقت إلى الوقت وتنحاز الوردة للأشواك ولاينحاز إليك سواك!! - * - امرأة جذلى وكتاب هل تقرأ في صفحته الطقس وجغرافيا الريح وتاريخ البحر؟ أم يقرأ فى عينيها الموج، وأسماء القتلى وفنون السحر... امرأة جذلى.. وكتاب من يقرأ من؟! - * - امرأة لاتحجب سراً عن جارتها امرأة لم تعشق بعد!! *** ولد يسكنه البرق وتسرقه الأحلام ويلهبه البرد ولد يطرق للمرات الأولى أبواب الوجد!! *** رجل ضحاك وطري مثل نبات الظل!! لايبكي، لايسهر حتى الفجر، ولا يدمع، إن غرد طير الحزن على أغصان الذل.... رجل أتلفه العشق فمل !! - * - أحلم أن تحلم فاتنة بي وتقص الحلم علي!! - * - فوق الغصن ريح تسأل عن وردتها...!! عزت الطيري

قصة جميلة جدا

يا جماعة انتوا قلقانين ليه كدة ، قولتلكم متخفوش مش كل الحاجات دي بتحصل انا قلت معظمها بس ، عموما ربنا يعافيكم يا رب ولا يحوجكوا لدكاترة ابدا .....خلينا نسرح بعربيات بطاطا شوفوا طيب مثال بسيط على البهدلة اللي الدكاترة بيشوفوها: قدم الطالب رسالة الماجيستير في مادة الفيسيولوجي، اجرى خلالها عدة تجارب على الفئران وبعد ان ركن المشرف الرسالة عنده شهرين اعادها للطالب مع بعض الملاحظات منها اعتراضه على جملة معينة وردت في مقدمة شرح التجارب ( حقه طبعا ) الجملة الاصلية: للفأر اربعة ارجل. تعليق المشرف: الباحث الناجح يستخدم مصطلحات دقيقة ويضع الحقائق في الاطار الاشمل. تصحيح ١: لجسم الفأر اربعة بروزات منها اربعة تمثل الارجل. تعليق المشرف: ما هو البروز الخامس؟؟ تصحيح ٢: للفأر اربعة اطراف منها اربعة تمثل الاقدام والخامس ذيل. تعليق المشرف: الاقدام ! هل للفأر اقدام ملصوقة في جسمه بدون سيقان؟؟!! تصحيح٣: الفأر له اربعة اقدام واربعة سيقان وذيل. تعليق المشرف: هل يعني هذا ان الفأر له ٩ اطراف، اللغة العلمية يجب ان تمنع اللبس. تصحيح٤: للفأر اربعة سيقان وذيل في نهاية كل ساق قدم في الجهة البعيدة عن الجسم، تتصل بالهيكل العظمي للفأر من الجهة الاخرى،وليس في نهاية الذيل قدم فليس له فائدة في حركة الفأر. تعليق المشرف: ما هذه الحذلقة ، كل ده لايهام اللجنة ان الرسالة مهمة، ما تقول للفار اربع رجلين وتخلصنا!!!!

حقا لا اجد الكلمات التي تعبر عن مدى اعجابي بكلماتكم، انها حزمة من ضياء في منتدانا المتواضع استاذنا الفاضل، وان كانت خمس عليها وليست لها . شرف لنا وجودكم معنا.

جمييييييييييييييلة اضافاتك اختي الحبيبة عاشقة القرآن ،جميلة العقل والروح ~~~~~~~~~~~~~~~~~~~~ النهاردة هنتكلم سوا عن اعظم جهاز مخابرات واقوي جيش دفاع في العالم... عارفين موجود فين؟؟؟؟ لا مش في امريكا........................... ولا في اي دولة تانية!!!! ...........موجود في اجسامنا ... تخيلوا!!!! ايوة موجود في اجسامنا واللي بكلمكوا عنه هو جهاز المناعة اللي مسئول عن حمايتنا من اي جسم غريب زي الفيروسات او البكتيريا او حتى خلايا الجسم اللي ممكن كل يوم بعضها يتنقسم بصورة غير طبيعية ويسبب اورام، تخيلوا ان جهاز المناعة شغال طول الوقت وبيحمينا حتى من الاورام!! بتبدأ الحكاية من مرحلة الجنين اللي بيتكون فيها جهاز المناعة من مجموعة خلايا مبرمجة للتعرف على اي دخيل ( ميليشيات مسلحة) واي خلية من دول بتتعرف على انسجة جسم الجنين على انها غريبة بتعدم فورا وبالتالي الجسم عمره ما بيهاجم نفسه. ولما الطفل بيتولد لو اي ميكروب هاجم جسمه ،الخلية اللي عليها المستقبلات الخاصة بالميكروب ده واللي بتكون سابحة في الدم بتتعرف عليه (عناصر المخابرات) وبتنقسم عشان تكون نسخ باعداد كبيرة تستعد لمهاجمة اي عدد من الميكروب ده، وكمان بتبعت نسخة منها تتحفظ في نخاع العظام ( قاعدة بيانات) وبتبعت اشارات كيميائية( اتصالات لاسلكية)في الدم تجتذب الخلايا القاتلة اللي بتبتلع الميكروب( فرق مرتزقة). بعد ابتلاع الميكروب بتبدأ الخلية تحلله وبتبعت الكود البروتيني بتاعه لنوع اخر من الخلايا المناعية عشان تكون ضده اجسام مضادة( اسلحة وذخائر) بتهاجم الميكروب وبتلتصق على سطحه وبتمنعه يهاجم الجسم وبتكون مسئولة عن رد فعل عنيف ودفاع قوي جدا ضد الميكروب ده لو هاجم الجسم مرة تانية. .....ايه ده، هي الخلايا ليها عقل؟؟؟ هو جهاز المناعة بيفكر ويوزع المهام وينظمها؟؟؟ مين طيب اللي خلى الخلايا اللي اتعرفت على انسجة الجسم تعدم ؟ مين اللي بيخلي الخلايا تبعت الاشارات في الدم وتوصل بسرعة لمكان الهجوم؟ مين اللي بيخلي كل خلية حافظة هي هتطلع اجسام مضادة ضد اي ميكروب بالتحديد ويخلي الاجسام المضادة دي موجودة في الدم باستمرار؟ الجيش المنظم ده مين اللي برمجه عالنظام الدقيق ده؟؟؟؟؟؟؟؟؟ سبحان الله

الباب ..! بابٌ في وَسَـطِ الصّحــراءْ مَفتـوحٌ لِفضـاءٍ مُطلَـقْ . ليسَ هُنالِكَ أيُّ بِنــاءْ كُـلُّ مُحيـطِ البابِ هَـواءْ . - مالكَ مفتــوحاً يا أحمَـقْ ؟! - أعـرِفُ أنَّ الأمـرَ سَـوَاءْ لكـنّي .. أكـرهُ أنْ أُغلَــقْ ! الصدى صرخت : لا من شدة الألم لكن صدى صوتي خاف من الموت فارتد لي : نعم احمد مطر

موضوع رااااااااااااااااااائع ، كلنا اكيد محتاجينه في الظروف اللي احنا فيها، جزاكم الله خيرا. بس هو ايه فن التشي كونج ؟؟

يؤسفني جدا اني اكون اخر المتقدمين ، ويسعدني جدا اني اكون من المنضمين . ربنا يوفقنا جميعا ونقدر نعمل حاجة كويسة ان شاء الله.

نبتدي المرادي بحاجة بسيطة قوي.. من فضلك انزل بالصفحة شوية لتحت .. . . تحت كمان.. . . كمان شوية.. . . تمام كفاية كدة، تعرف ايه اللي حصل عشان تنزل بالصفحة لتحت شوية؟؟؟ اولا فكرت انك عايز تمد ايدك للماوس وبعدها مركز التفكير بعت اشارة لمركز الحركة في المخ اللي بدوره بعت اشارات عصبية في هيئة نبضات كهربية كيميائية(سرعتها ممكن توصل٢٩٠ك/س) مشيت في العصب اللي بيغذي عضلات ايدك وسبب انقباض عدد محدد من الياف العضلات بحيث يديلك القوة المطلوبة بالظبط عشان ايدك توصل للماوس والعدد ده لو زاد ايدك ممكن تعدي الماوس ولو قل ممكن متوصلهاش، طبعا لو هتفرد ايدك فالعضلات بتاعة الفرد بتنقبض ولازم المخ يبعت اشارات في نفس الوقت للعضلات اللي بتتني الايد عشان تنبسط، كمان حركات العضلات بتتم على مراحل ولو كانت بالصورة دي هتلاقي ايديك بتتحرك حركات متقطعة ومهزوزة لكن ده مبيحصلش لأن في مراكز كتير في المخ بتنسق الحركة ومنها المخيخ اللي بيخلي انقباضات العضلات تدريجي عشان تتم الحركة كلها بسلاسة ودقة، مش كدة وبس دا كمان ايدك بتبعت اشارات حسية بتنقل للمخ القوة اللي انت ضاغط بيها على الماوس عشان لو زادت يبعت فورا اشارات للعضلة تقلل انقباضها ... كل ده جميل لكن الاجمل والاعجب انه بيتم في اجزاء من الثانية ، بدون تفكير منك، لا بتختار العضلات اللي تنقبض، ولا بتظبط القوة اللي تنقبض بيها، بس الفكرة بتيجي في دماغك، وكل ده بيحصل تلقائيا بسلاسة ودقة غاية في الاعجاز لو عايز تشوف الفرق اتفرج على حركة اي مريض عنده خلل في المخيخ( ربنا يعافيكم جميعا يا رب) او اتفرج على روبوت وهو بيتحرك وحتى الروبوت متسجل جواه برامج احنا بنشغلها لكن عقلنا احنا مين سجل فيه البرنامج ده وغيره لآلاف الحركات المعقدة اللي بنعملها كل يوم؟؟؟؟؟؟؟ سبحان الله

موضوع جميييييييييييييل جدا واسمحولي اشارك فيه بمعلومة على قدي، المعلومة دي عن كلمة (اوكي)ok كلنا بنقولها ومنعرفش سر الكلمة دي ايه ، في الحقيقة لها اكتر من معنى منهم : *كلمة انجليزية.. وهي اختصار للمدينة الأمريكية أولد كندر هوك الموجودة في ولاية نيويورك في الولايات المتحدة الأمريكية، وسبب شيوع الكلمة دي أنه اترشح مرة للرئاسة في الولايات المتحدة الأمريكية احد ابناء المدينة وأسمه.. مارتن فان بودين ( الرئيس التامن للولايات المتحدة ). واستخدم عبارة (انتحبوا ابن أولد كندرهوك) في حملته الانتخابية، واختصرت العبارة ل: (انتخبوا ابن O.K. ) وكان المؤيدين له يهتفوا: O.K….O.K. لحد ما أصبح اللفظ ده يعني الموافقة والقبول. *ومعلومه تانية بتقول انه معنى كلمة (Ok)هو في الواقع اختصار لكلمة "All clear" بس اتحرفت لتسهيل نطقها.. *كمان بيقال ان في قبيلة من الهنود الحمر عندهم كلمة نطقها (okeh) ومعناها نعم....والله اعلم.

كلمات وجمل متزعلش ولا تخض حد الا لو سمعتها من دكتور وانت في اوضة العمليات خصوصا لو كنت انت الوحيد اللي نايم على ضهرك ...(بعد الشر عليكم جميعا ) *يالهوي !!! *هيييه النور جه !! *طيب اذا كان ده البنكرياس امال اللي طلعناه ده يبقى ايه ؟؟ *حد شاف الدبلة بتاعتي ؟؟ *طب اقوله ايه لما يصحى؟؟ وزعلان اني سقطتك ٣ مرات في الماجيستير ؟!!! *الحق يابني القطة اللي جريت بالعضمة دي، خلينا نرجعها رجل الراجل من سكات .... *يا ما ربنا بيخلق عجااااايب !!!!!!! *ولا حركة محدش يخيط ، انا مش لاقي الكونتاكت لنسز بتاعتي !! *يا جماعة تعرفوا اذا كان حد عاش بعد ما خد ٥٠٠ ملل من الهباب ده ؟؟؟ *لأ حاشتغل، انا صحيح نسيتها بس يعني بشوف طشاش من غيرها !! * جاي تقوللي واحنا بنقفل ان مش ده المريض اللي جاي يشيل الطحال ؟؟؟؟؟ *انت متأكد ان الحالة دي عارفة ان شكلها هيبقى كدة بعد العملية ؟؟ منقووول (( ملحوظة: مش عايزة اي تعليقات على الزملا الباشمهندسين الجراحين لو سمحتوا ومتقلقوش مش كل الحاجات دي بتحصل يعني هو معظمها بس يعني

(لا يمكن ان تدرك الحركة وانت تتحرك معها في الفلك نفسه وانما لابد لك من عتبة خارجية تقف عليها لترصدها ،وبالمثل لا يمكنك رصد الشمس وانت فوقها ولكن يمكنك رصدها من القمر او الارض..كما لا يمكنك رصد الارض وانت تسكن عليها وانما تستطيع رصدها من القمر. وانت اذ تدرك مرور الزمن لابد ان تكون ذاتك المدركة خارج الزمن. وهي نتيجة مذهلة تثبت لنا الروح او الذات المدركة كوجود مستقل متعال على الزمن ومتجاوز له وخارج عنه.) طريقة علمية ومنطقية اثبت بيها دكتور مصطفى محمود ان الروح خالدة باقية بعد زوال الجسد و اتبع نفس المنهج في تناول معظم الامور اللى بيحتار فيها البشر زي الايمان والبعث والثواب والعقاب وده في كتابه الرائع "رحلتي من الشك الى الإيمان" وبعد كل التفكير والجدل بيقولك ببساطة انك ممكن توصل لربنا بطريق اقصر مفطور عليه قلبك يوفر عليك كل الاسئلة والحيرة،كتاب انصحكم تقروه هتحسوا انكوا بتجددوا ايمانكم عن طريق العقل.

ان لـم تكن عينــي تراك فانني ~~ استبيــن في كل شيئ علاك تعالوا فكروا معايا ونتأمل شوية في انفسنا وفي الكون من حوالينا هنلاقي معجزات مش واخدين بالنا منها عشان اتعودنا عليها واخدناها كمسلمات لكن مع وقفات بسيطة هنلاقي كل حاجة بتقولنا... سبحان الله

يحل ذكرك في قلبي فيؤنســــــه مبددا بسناه حــــــــــــالك الفتن تبارك اسمك يا من لا سمـــى له ومن اناجيه في سري وفي علني اذا ضللت هداني او طلبت هدي هدي باحسانه قلبي واكرمنــــــي

موضوع جميل جدا ومفيد جدا واهلا بيك كعضو جديد ونشيط في المنتدى

إن الحياة لا تعطيك إلا بقدر ما تعطيها .. ما أجملها من حكمة

تأتي وتمضي الشّمسُ لكنّما ** عندي شروقُ الشمسِ مثل الغروب هذا يُزيح النومَ عن مُقلـتــي** وذاك يُدمــــي القلبَ حتــــــى يذوب

ما شاء الله، ايه النشاط ده كله عاشقة القرآن وعابدين وابوتسنيم بجد منورين المكتبة واضافاتكم رائعة اكيد كلنا هنستفيد منها. الكتاب اللي هكلمكم عنه المرادي اسمه: المعتقدات الدينية لدى الشعوب من سلسة عالم المعرفة. كتاب جميل جدا بيتعرض لمختلف الديانات القديمة واللي بعضها لسة موجود لحد دلوقتي ومنعرفش عنها اكتر من اسمائها، الكتاب بيوضح ان الانسان عنده ميل فطري للتدين وان الفكر الديني جزء اساسي في تكوين البشر . عرفت من الكتاب ده معلومات كتير منها مثلا ان بوذا ده مش اسم شخص،دا لقب معناه ((المستنير )) .

موضوع جميل جدا اخي عابدين، واضح ان المنتدى بقى مليان عقول جميلة ، اما عن كلماتي الخمس: الله الحقيقة المطلقة ،غايتي ووسيلتي . والدي اكثر من احببت في هذا العالم. عائلتي عالمي الصغير. المعرفة عالمي الكبير وعطشي الذي لا ينتهي. التغيير املي في هذا العالم.