نجمة الكتب

اشكركم شكرا جزيلا اخوانى واحمد الله ان اعجبتكم هذه المقتطفات .

حد يشوفلنا كارت من مراد بيه يا جماعة موضوع جميل يا عاشقة الرحمن ومش هقول غير حسبنا الله ونعم الوكيل ( دولة الظلم ساعة ودولة الحق- ان شاء الله - الى قيام الساعة ) بس احنا علينا -على قد ما نقدر - نقول لأ فى وش الظلم كل ما تجيلنا الفرصة لانه ما ضاع حق وراءه مطالب.

بشكرك اخ زيزو على نقل الموضوع ده ومع احترامى الشديد لك ولكاتب الموضوع انا شايفة ان اخر حاجة محتاجينها المسلمين دلوقتى هى الحرب( ولو كانت معنوية) بين طوائفهم ومذاهبهم المختلفة، اللى بيتربصوا بينا بيتربصوا بالمسلمين كلهم مش طائفة بعينها ومن مصلحتهم ان المسلمين يحاربو بعض ويا ريت لو مش هنقدر نمنع الخلاف ما بينا ،يا ريت على الاقل ما نزودوش .احنا فى الاول وفى الاخر مسلمين وبدل ما نقعد نتبادل الاتهامات لازم نوحد الصفوف عشان نواجه التهديدات الخارجية، والا هنبقى عاملين زى اللى راكبين في سفينة بتغرق وبدل ما يشوفو حل عشان ينقذوها ، عمالين يتخانقوا ويرموا مسئولية غرق السفينة على بعض. و ندعو الله ان يوحد المسلمين فى مصر وفى شتى انحاء العالم.

ان شاء الله هيكون احسن منتدى فى المجرة بحالها مادام فيه ناس عندهم الطموح اللى عندك ده ومصممين ينجحوا

نظرت فى الملكوت كتير وانشغلت وبكل كلمة( ليه؟)و(عشانيه) سألت اسأل سؤال . . . الرد يرجع سؤال واخرج وحيرتى أشد مما دخلت عجبى!!

ربنا هو الرازق بس هو برضه اللى قال اسعى يا عبد وانا اسعى معاك ،وقال( وجعلناكم امة وسطا) يعنى احنا مش لازم نحط ايدينا على خدنا ونقول ربنا هو الرازق والا هنكون متواكلين ومش هنتقدم ابدا و كمان السعى في الدنيا عبادة في حد ذاته بس الهدف من السعى هو مربط الفرس، وبرضه مش لازم تكون الفلوس هى كل شيئ فى حياتنا ولازم نرضى بقضاءه سبحانه وتعالى في كل الاحوال و زى ما قال ايليا ابو ماضي: حكم القضاء فإن نقمت على القضا*** فاضرب بعنقك مدية الجرّاح ِ و بجد جميل جدا جدا يا عاشقة القرآن استمري وعايزين اكتر

موضوع ظريف جدا بس الشتا جاى والواحد قلقان على هيقراه بعد كدة شكلنا هنضطر نعمل حجر صحى على منتدى خمسة لعقلك عموما هداكم الله واصلح بالكم

معلومات مفيدة جدا ،بارك الله فيكى يا عاشقة الرحمن.

معلومات جميلة جدا جدا في الحقيقة انا ما حاولتش اعلق كوعى ولا حاجة بس في كام معلومة كدة لفتت نظري: ازاى اكتشفوا ان التمساح مبيعرفش يطلع لسانه... هل يا ترى في حد قعد يغيظ في تمساح ويلاحظ رد فعله ولقى ان التمساح مبيعرفش يطلع لسانه !!! وبعدين اساسا التمساح مش محتاج يطلع لسانه لان بقه بيتفتح على الاخر يعنى لو عايز يغيظ حد( او يفترس حد على سبيل الهزار يعنى ) كفاية قوى يفتح بقه ولسانه... لأ ده مش لسانه بس، ده المرئ كله هيظهر يا تري كوكا كولا الخضرا دى كان فيها كولا؟؟؟؟؟؟؟؟ (على حد علمى اى كولا بيكون لونها بنى) ويا ترى دكتور السنان اللى اخترع الكرسي الكهربائى كان بيخلع سنان المرضى ازاى بالضبط؟؟؟ ( يستطيع الرجل قراءة الحروف الصغيرة اكثر من المرأة لكن المرأة تسمعها أقوى)هى الحروف تتسمع صغيرة ازاى ؟؟؟ هل الوز صوته ملوش صدى برضه ولا المشكلة دى بتواجه البط بس؟؟ بيتهيألى في مخلوقات كتير قوى اعدادها اكتر من عدد البشر بس مفيش اى مخلوق اخطر من الانسان. بس بجد موضوع شيق جدا وعايزين معلومات كتير من النوع ده

بشكرك اخى عاشق الصداقة على تشجيعك المستمر والموضوع ده مبقاش موضوع ساخن إلا بمشاركتكم وارائكم وتعليقاتكم الجميلة وانتو اللى تستاهلو التهنئة . انا بضم صوتى لصوتك فى ان كل واحد فينا لازم يبدأ بنفسه بس برضه فى حاجات لازم تكون جماعية ومينفعش فيها كل واحد لوحده يعنى في تغيير على مستوى الفرد وفي تغيير على مستوى المجتمع ولازم الاتنين يحصلوا في نفس الوقت. بجد انا مبسوطة جدا وانا شايفة المنتدى بيكبر شوية شوية واتمنى انه يبقى فعلا زى ما بتقول اول خطوة فى طريق هنكمله عشان نبقى احسن واحسن بإذن الله.

شكرا اختى مريم والحمد لله ان الموضوع عجبك وبشكرك اخى ابو تسنيم على اضافتك الجميلة في الموضوع.

اولا كل سنة وانتم جميعا طيبين ويا رب يكون عيد سعيد على كل المسلمين في العالم. ثانيا انا بس عايزة اطمنكم مفيش قلق العيد ده من البمب والصواريخ خالص ،اطلاقا يعنى.. عارفين ليه ؟؟ عشان انا لميت كل البمب والصواريخ من السوق ... وانتو عارفين لما حد يقعد في البيت يذاكر باطنة ١٨٠٠ صفحة بمعدل صفحتين ونص فى الثانية وده طول ايام العيد عارفين طبعا ممكن يعمل ايه بكمية الديناميت دى كلها ... بس يا رب تكفي والا هضطر استورد من اى ترسانة حربية قريبة من اودتى ولا عزاء للطلبة. وعايزة اوصى كل الناس اللى معندهمش امتحانات ولا مذاكرة يتفسحولنا معاهم ويدعولنا. ربنا معانا جميعا .

عشرين.. لأ اربعين وردة ليكى على الموضوع الجميل ده

في الجون يا حمادة.... قصدى يا ابو تسنيم بجد موضوع في الجون ومهم جدا انا عن نفسى مريت بتجربتين عرفت منهم اهمية روح الفريق والعمل الجماعي، اولهم اننا في الكلية عملنا مشروع اسمه طبق الخير ، كل واحد جاب اكل من بيته وبعناه فى الكلية كنا مبسوطين جدا ومكناش مصدقين اننا لمينا الفلوس دى كلها واللى الحمد لله قدرنا نعمل بيها حاجات كتيرة لناس محتاجين، كنا متعاونين جدا وكان كل واحد بيباصي للتانى وطبعا لو كان واحد لوحده عمره ما كان هيجمع الفلوس دى كلها والعمل الفردى يمكن بيسلط الضوء عليك اكتر بس العمل الجماعى ممتع جدا جدا. تانى تجربة برده كانت في الكلية بس للاسف كانت فشل ذريع لاننا كنا مكلفين بمشروع نعمله كمجموعة وللاسف كل واحد اشتغل لوحده يعنى كل واحد فينا كان حمادة وبعض الناس تكاسلوا ومعملوش اللي عليهم بس تعرفوا التجربة التانية دى ادتنى فكرة عن مواصفات الفريق الناجح مهو مش اى فريق لازم ينجح، لأ لازم يكونوا كلهم بيحبوا يشتغلوا وعندهم احساس بالمسئولية ولازم يكون في بينهم تفاهم ومتحابين ومتفقين على الهدف، ده طبعا غير القائد الهمام اللى يقدر ينظم الجهود. يا رب يكون منتدانا مثال للفريق الناجح دايما ان شاء الله ونرفع شعار باصي يا حمادة

ج م ي ل ج د ا وجزاك الله خيرا

تفوت ايام، تموت احلام، تعدى شهور...تدور الارض والدنيا وهو يدور ولسة بيجري ويعافر ولسة عيونه بتسافر ولسة قلبه لم يتعب من المشاوير ولا بيوصل النيل سؤال ومازال ماجاش عليه الرد من قد ايه ولفين ماقالش عمره لحد ولا بيوصل ولا بيوصل ولا بيتوه ولا بيرجع ولا بيغيب.

د عْ أقـوالَ الأمـسِ وقُـل لي .. ماذا تفعـلُ أنتَ الآنْ ؟ هـل تفتـحُ للديـنِ الدُّنيـا .. أم تَحبِسُـهُ في دُكّانْ ؟! قُـلْ لي الآنْ . فعلى مُختَلـفِ الأزمـانْ والطُغيـانْ يذبحُني باسم الرحمانِ، فِداءً للأوثانْ ! هـذا يَذبـحُ بالتَّـوراة، وذلكَ يَذبـحُ بالإنجيـلِ ، وهـذا يذبـحُ بالقـرآنْ ! لا ذنْبَ لكلِّ الأديـانْ . الذنبُ بِطبْـعِ الإنسـانِ ، وإنَّـكَ يا هـذا إنسـانْ . كُـنْ ما شِـئتَ .. رئيسـاً، مَلِكـاً، خانـاً، شيخـاً، د هـْقـاناً، كُـنْ أيّـاً كانْ.. من جِنسِ الإنـسِ أو الجَـانْ لا أسـألُ عـنْ شَـكلِ السُّلطـةِ ، أسـألُ عـنْ عَـدْلِ السُّلطانْ . هـاتِ العَــدْلَ .. وكُـنْ طَـر َزانْ

كلمات جميلة ومعبرة جدا رغم بساطتها عجبتنى قوي الفكرة والموسيقى اللى فيها، أدام الله عليك هذه الموهبة لتمتعنا بالمزيد.

طوبى للغرباء

من شعر إيليا أبو ماضى من قصيدة (الغراب والبلبل): ليس الحظوظ من الجسوم وشكلها **** ألســــــــرّ كـــــلّ السر في الأرواح ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ( التينة الحمقاء): من ليس يسخو بما تسخو الحياة به **** فإنّه أحمق بالحرص ينتحـــــــــــر ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ( فلسفة الحياة): كلّ نجم إلى الأفول ولكنّ**** آفة النّجم أن يخاف الأفولا ~~~~~~~~~~~~~~ والذي نفسه بغير جمال ****لا يرى في الوجود شيئا جميلا ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ( صاحب القلم) : أشقى البريّة نفسا صاحب الهمم**** و أتعس الخلق حظّا صاحب القلم ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ( الأنسان و الدّين): ليس المبذر من يلقي دراهمه ****إنّ المبذر من للدّين ما صانا ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ( في قلبك الله): ما دام قلبك فيه رحمة لأخ ٍ عان ٍ**** ، فأنت امرؤ في قلبك الله ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ( انّ الحياة قصيدة): إنّ الحياة قصيدة أعمارنا أبياتها ،**** و الموت فيها قافيــــــــــــــة متّع لحظك في النجوم و حسنها**** فلسوف تمضي و الكواكب باقية ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ (ليس السر في السنوات): قل للذى أحصى السنين مفاخراً****يا صاح ليس السر فى السنوات العمر،إلا بالمآثر،فـــــــــــــارغ،**** كالبيت مهجورا وكالمومـــــــات جعل السنين مجيدة وجـــــــميلة**** ما فى مطاويها من الحــــسنات **********************

قصيدة جميلة و حقا اننا ما هنّا على العالم إلا بعدما هنّا على انفسنا.

اشكرك اختى آينور على تشجيعك لي، و اشكرك ايضا على كتاباتك التى اضفت على المنتدى الادبي روحا جميلة واكسبته مذاقا خاصا وجعلته - رغم حداثة انشائه - من منتديات ياللا يا شباب المفضلة لدى.

كلمات من نور ،وفكرة جميلة وعميقة. امتعنا بالمزيد.

إنها الحرب اذن . طبيعي جدا انى اوضح انهم هيكونوا ستات مش بيشوفوا لأن الطبيعى انهم بيشوفوا وبيشوفوا كويس قوى كمان والدليل يا استاذى الفاضل ان في ستات دلوقتى بيسوقوا طيارات ...مش طفاطف. ويا ريت تبطل لعب بالسيف اللى فى ايدك ده لاحسن بعدين السلاح يطول وتعور نفسك وبعدين انت اللى بدأت يا كرينكل افندى وجاى دلوقتى بتعرض عليا الهدنة !!! و انا بنصحك نصيحة اخوية ...بلاااااااااش سنية عشان لو قلبت عليك،الغابة كلها مش هتنفعك .....بما فيهم الاسد .

عندك حق انا فعلا مخى اكثر اجراما لانى هغير القصة واخليها كده: وهى راجعة يخبطها سواق طفطف أعمى وتتوفى زى ما بتقول لكن بعدها يقبضوا على سواق الطفطف ويدوله حكم بالاعدام والدنيا تقوم وما تقعدش لحد ميطلعوا قانون يجرم قيادة الرجال للطفاطف( على اساس انى عارفة يعنى ايه طفطف ) واللى يسوقوها بعد كدة سيدات- مبيشوفوش - وبكدة انتو يا عينى مش هتلاقو شغل خالص لانه واضح ان قيادة الطفاطف هى الوظيفة الوحيدة البقيالكم والحمد لله هناخدها برضه منكم ده طبعا غير الخساير في الارواح، ربنا معاكم. مع الاعتذار لكل السادة الرجال بس البادى اظلم وعاشق الصداقة هو اللى بدأ .