نجمة الكتب

ابيات اعجبتني من قصيدة عطش الارواح لايليا ابو ماضي : عجبا ! والحرب باب للردى وطريق لدمار وعفاء كيف يهواها بنو الناس فهل كرهوا في هذه الدنيا البقاء؟ إن يكن علم الورى يشقيهم يا إلهي ردّ للناس الغباء وليجىء طوفان نوح قبلما تغرق الأرض بطوفان الدماء واعصم الأسرار واحجب كنهها عن ذوي العلم وأرباب الذكاء فلقد كثرت أسباب الأذى عندما أكثرت فينا العلماء كم وجدنا آفة مهلكة كلما زحزحت عن سر غطاء؟ قد ترقى الخلق لكن لم تزل شرعة الغابة شرع الأقوياء حرم القتل، ولكن عندهم أهون الأشياء قتل الضعفاء لا تقل لي هكذا اللّه قضى أنت لا تعرف أسرار القضاء جاءني بالماء أروي ظمأي صاحب لي من صحابي الأوفياء يا صديقي جنّب الماء فمي عطش الأرواح لا يروي بماء أنا لا أشتاق كاسات الطّلالا، ولا أطلب مجدا أو ثراء إنما شوقي إلى دنيا رضى وإلى عصر سلام وإخاء

نعم، واللهِ، أخجل من خضوعي ومن هذا التذلُّلِ والخُنوعِ نعم، واللهِ، أخجل من وقوفي وراءَ قطارِ عالمنا السَّريعِ نعم، واللهِ، أخجل من سكوتي على ظُلْمٍ من الباغي فَظيعِ وأخجل من بَني الإسلام لمَّا أراهم في زماني كالقطيعِ جموعٌ تَمْلأُ الدنيا ضجيجاً فوا أسفا على تلك الجموعِ يحاصرها الظلامُ وما نراها تَمُدُّ يداً لإيقادِ الشموعِ

كلُّ شيءٍ في حياتنا صارَ مُفَخَّخاً.. السيَّاراتُ.. والرسائلُ.. والطرودُ البريديّةْ حتّى الثقافةُ العربيةْ صارَتْ مُفَخَّخَةْ...

في كل يوم احاول الهرب ولكن تأتيني الاخبار تطاردني في كل مكان وتمزق قلبي فقد اصبح الروتين اليومي حروب بين اغراب وحتي بين اخ واخيه فلا اعراق ولا اوطان هنا وهناك قتل ودماء وظلم وقهر وهوان بأي منطق يذبح ويشرد الضعفاء؟؟ وأي شرع يقول ان تتخلى القوة عن حكمتها وتبطش بمن يقف في طريق مصالحها؟؟ . . . .في كل مكان فقراء مأواهم العراء وجوعي يتضورون، طعامهم البكاء وهؤلاء من في الثراء ينعمون، في الابراج العالية بغير زهوهم لا يشعرون. في كل مكان جهل ومرض ودمار هذا الكم من الآلام ، وهناك من يرقصون ولانفسهم يصفقون ويهللون والساسة قد ارتضوا لانفسهم مهنة المهرجين وغدا العالم باسره مسرحية هزلية فيها تستمع الشعوب الضعيفة بالاكراه للغو يسخر من آلامهم ويستبيح كرامتهم وينبئهم بمصير اسود والاقسى من ذلك ان تراهم يضحكون. كل هذا والناس نيام، بعضهم غافل والبعض خائن، و ذات يوم الكل سيحاسب.. إلامَ الصمت ؟؟ وعلامَ الصبر؟؟ وقد تجرد من انسانيته الانسان، ينطق بعقله الحق ويسكته! خلقت فيه الحرية ويسجنها! فيه العدل ويظلمه! له الجمال ولكنه يسعى لكل قبيح!! وضعت في قلبه الرحمة لكنها قد انتـُزعت القلوب، ومُثِل بما بها من رحمة. . على مرأى ومسمع من الجميع ونشر النعي في جريدة سوداء. كل يوم تتكرر المشاهد، وتجزع نفسي لرؤية اشلاء وبقايا الانسانية في كل مكان تحرق بنيران الكراهية ما عدت احتمل ايها العالـَم الحزين، قد ضاق بالبشر صدري وحار في امرهم عقلي اعيش كل يوم في جحيم تحتجز جدرانه القاسية صرخاتي وما عدت احتمل الي متى اقاوم الجنون؟؟. . . . . .

اشكرك اخي عمرو شكرا جزيلا على ردك، واوافقك في ان الحوارات التي تجري بين من يطلق عليهم رجال علم ودين على شاشات معظم القنوات الفضائية قد اصبحت مهزلة بكل المقاييس وتحمل كما من الاسفاف والاستخفاف بعقلية المشاهد والاستفزاز لكل عقل مفكر، لا يتقبله انسان متحضر، ولكن كاتبنا الجليل عندما كتب مقاله هذا في اربعينيات القرن الماضي واؤكد ( في القرن الماضي)، عندما كتبه كان ضمن عدة مقالات تمثل ثورته علي حياتنا العلمية، ففي حين اعتمد العالم اجمع العلوم التجريبية اي التي تقوم على التجارب ومشاهدة النتائج ،التزمنا نحن بعلومنا الاستنباطية وقضايانا الافتراضية ، فالفيل لا يبيض فما الذي يدفعنا للتفكير في حل لمشكلة لم توجد من الاصل؟؟؟؟ علمائنا لا يتعبون عقولهم في استنتاج علوم جديدة ، ففي اي مشكلة تواجهنا بدلا من ان نحللها تحليلا علميا نرجع الى كتب من سبقونا وكأن الاجتهاد كان حكرا عليهم، فنقيس على علومهم ولا نفكر ولا نجتهد واحيانا نغالي في اللعب بالالفاظ ونجهد عقولنا في قضايا لغوية بحتة ليست بذات نفع للبشرية فاللغة وسيلة وليست غاية. واننا ان لم نلزم علوم السابقين وادعينا اننا نواكب حضارة العصر ونماشي نهضته العلمية فاننا ببساطة نقوم بنقل ما وصلت اليه هذه الحضارة ونعيش بنفس راضية اننا نستخدم احدث تكنولوجيا ولكن الفرق هائل بين من يصنع الحضارة و من يكتفي باستهلاكها فالاول يملك المفاتيح التي قد يمنعها عن المستهلك في اي وقت... ****** knowledge is power

بمناسبة حلول وقفة عرفات وعيد الاضحى المبارك احب اقولكم كل سنة وانتم طيبين واحكيلكم عن اول ذكرياتي مع خروف العيد ، كانوا اطفال العيلة كلهم ملمومين وعمالين نفرقع بمب وصواريخ وفجأة ابن عمي اللي هو كان اكبر واحد فينا قالنا ياللا هنروح نتفرج على الخرفان وكله طلع جري وراه ولا كأنه ويليام والاس رايح يحارب الانجليز ، جريت معاهم طبعا وقعدت الاعب الخروف واكله برسيم وفضلوا مستنيين الراجل اللي هيدبح الخرفان وانا واقفة معاهم ومش فاهمة هما مستنيين ايه، وجه اخيرا الراجل ودبح اول خروف وكانت صدمة فظيعة بالنسبالي ، قعدت اعيط واصوت وادبدب برجلي في الارض ورحت اشتكي لجدتي وقولتلها الراجل جه وعور الخروف بتاعنا، موته يا تيتة، مليش دعوة انا عايزة الخروف بتاعناااااا.... وقعدوا اسبوع يهدوا فيا وانا انام واقوم اقولهم عايزة الخروف هاتولي الخروف ومسكتش الا لما اخويا قالي متزعليش الخروف بتاعنا هيروح الجنة عشان كان بيسمع الكلام . الحمد لله من ساعتها وانا ثباتي الانفعالى زاد جدا لدرجة اني بدخل اي غرفة عمليات وبقعد فيها ربع ساعة بحالها قبل ما يغمن عليا كل سنة وانتوا طيبين

انا مرت عليا لحظات كتيرة حلوة لدرجة تخليني اتمنى لو كنت اقدر اوقف الزمن وافضل عايشة فيها الى مالانهاية ، لكن مظنش انه ممكن لحظة واحدة منهم تساوي حياتي كلها ببساطة لأن اي لحظة من دول ملهاش معنى لو خرجت بره اطار حياتي واتجردت من كل اللحظات اللي قبلها وبعدها ، يعني مثلا لحظة احساس بالنجاح ايه معناها من غير لحظات التعب والكفاح اللي قبلها؟؟

اولا عايزة اقولك اني مبسوطة جدا اني لقيت حد بيحب اشعار صلاح جاهين زيي واختيارك للرباعيات كمان دليل على ذوق عالي ثانيا الرباعية دي بتأثر فيا جدا لما بقراها وبتفكرني كمان برباعيتين تانيين : مع إن كل الخلق من اصل طين وكلهم بينـزلوا مغمضين بعد الدقايـق والسنـين تلاقي ناس اشرار وناس طيبين عجبي يا قرص شمس ما لهش قبة سما يا ورد من غير ارض شب ونما يا اي معنى جميل سمعنا عليـه الخلق ليه عايشين حياة مؤلمة عجبي!!

كلمات جميلة جدا يا عاشق الصداقة رغم بساطتها، كنت مخبي المواهب دي كلها فين؟؟؟؟؟

ربي لك الحـمــــد العظيم لذاتك ** حمدا وليس لواحد إلاك يا من يدرك الأبصار والأبصار** لا تدري له ولكنهه إدراك إن لم تكن عيني تراك فإنني** استبيــن في كل شيء علاك

قال الشيخ الفيلة تلد ولا تبيض، والمشكلة المراد حلها هي: لو كانت الفيلة تلد، فماذا يكون لون بيضتها؟ في الجواب عن هذا السؤال،اختلف العلماء، يقول عمارة بن الحارث: تكون بيضاء واستدل على صحة قوله بدليل قياس ودليل من اللغة اما دليل القياس فهو ان كافة مخلوقات الله تبيض بيضها ابيض وليس في طبيعة الفيل ما يدل على انه لو باض اخذت بيضته لونا اخر، اما دليل اللغة فهو ان البيضة مشتقة من البياض فالبياض اصل والبيضة فرع عنه ولا يعقل ان يتفرع عن البياض خضرة او زرقة، الفرع شبيه دائما باصله وتساءل عمارة عن حجم بيضة الفيل وهل كانت ستتغير طبيعته ان باض فيكون ذا جناحين ليتخذ طبيعة الطير واخيرا تساءل عن حكم اكل بيضة الفيل في الشرع ايحل للمسلمين ام يحرم عليهم؟؟ وقال ان اكلها حلال بشرط فهى حلال ان كانت لا تكسب آكلها صفة الافتراس. معسرة ابن المنذر تصدى لعمارة فقال عن دليل القياس: انه دليل لا يقوم على سند من الواقع فليس صحيحا ان كافة الحيوانات التي تبيض بيضها ابيض، فبيض البط يميل للخضرة وبيض الدجاج يميل للحمرة وبيض بعض الطير ارقط ... واما دليل اللغة فهو استنتاج مغلوط ومعكوس في آن معا: معكوس لاننا حتى لو فرضنا ان البيضة مشتقة من البياض فليس هذا دليلا على ان البيضة بيضاء لانها بيضة بل هو دليل على انها بيضة لانها بيضاء... قال الشيخ هكذا جرى النقاش بين العلماء وهنا زلزلت الارض زلزالها وقال الشيخ: مالها؟ فقيل انها يا مولانا قنبلة ذرية، في لمحة تقضي على الاصل والذرية قيل: فعجب الشيخ ان كان في الدنيا علم غير علمه. منقول من مقال لدكتور زكي نجيب محمود بعد الاختصار الشديد جدا للحوار الذي دار بين العلماء مع العلم ان اسماءهم التي اوردها الكاتب هى اسماء وهمية من وحي خياله. تفتكروا الكاتب العبقري ده عايز يقولنا ايه بمقاله ده؟؟؟؟؟ مستنية ردودكم.....

انا يا عصفورةَ الشـــــــجنِ مثلُ عينيكِ بلا وطــنِ بي كما بالطفلِ تســـرقهُ أولَ الليل يدُ الوســــنِ و إغترابٌ بي وبي فرحٌ كإرتحالِ البحــرِ بالســفنِ انا لا أرضٌ و لا سكنٌ أنا عيناكِ هما سَــــــــكني راجعٌ من صوبِ أغنيةٍ يا زماناً ضـــــاعَ في الزمـن صوتها يبكي فأحملهُ بين زهـرِ الصمـتِ و الوهـن من حدودِ الأمسِ يا حلماً زارني طيرا على غُصنِ أي وهمٍ أنتَ عشتُ به كنتَ في البالِ و لم تكنِ

اني اعترض

نجمة الكتب المحامية بالنقض والإستئناف العالي، حاضرة عن المتهم احم احم سيادة القاضي، حضرات المستشارين، اعرف انكم حكمتم لموكلي بالبراءة ولكن اسمحو لي ان احاول تصحيح ما فعله موكلي المسكين بنفسه، ان موكلي الماثل امامكم خلف القضبان الحديدية بريئ من التهم المنسوبة اليه برائة الذئب من دم ابن يعقوب( لازم طبعا اقول البقين دول ان شا الله حتى يكون المتهم ارتكب جريمته قدامي،اسمعوا واتعلموا.. ) ، بل اني اعترض(ما انا لازم اعترض ،المحامي المتحزلق لازم يعترض، مش مهم على ايه المهم اعترض ) وبشدة على ان تسمى تهم او تدعى جرائم فموكلي لم يذنب ايها السادة حينما حاول ان يغمر كل من حوله باهتمامه، لم يذنب عندما افاض عليهم من حبه وصداقته الذي والتي ندر وجودهما بهذه الصورة النقية الخالية من اية مآرب او مطامع تشوبها في هذا الزمن الذي ساد فيه حب المصالح والسعي وراء المنافع(الكلام ده كبيييييييييير ). ان كانت هذه المشاعر السامية تعد خطيئة فماذا نسمي الفضائل اذن؟؟؟ اني اخاطب ضمائركم وادعوكم لان تتخيلوا ماذا سيكون حال العالم ان حوكم انسان بتهمة الحب، حضرات المحلفين( معلش مفيش محلفين في مصر بس كل الافلام اللي بتفرج عليها بيبقى فيها ، عدوها عدوها ) انظروا بعين الشفقة والرحمة لهذا الكائن الوديع الذي نحل جسده من فرط حبه لمن حوله حتى صار يشبه السلمندر ،( ده كائن حي شبه السحلية ، تمساح صغير يعني) اوافق زميلي ممثل الادعاء ان الانسان يخطئ اذ لا يوازن بين اهتماماته وان يهمل الهدف الذي خلقنا من اجله الا وهوالسعى والعمل على اعمار الارض، فمثلا لا يجوز ان يلازم احدنا والدته فلا يدرس ولا يعمل ولا يحقق لذاته اي نجاح ثم يدعي انه فعل ذلك بدافع الحب بل انه ان فعل ذلك يعد هاربا من الحياة ويعد غير قادر على تحمل المسئولية علما بان حب المرء لامه وارتباطه بها لهو من اقوى صور الحب واشد انواع التعلق فما بالكم بمن يفعل ذلك من اجل اصدقائه ؟؟!! ان المبالغة في اي شيئ محمود تجعله يتحول للنقيض ولا يجب ان يكون هناك ما هو اغلى واحب لدينا من خالقنا ومن تنفيذ ارادته . (نص الموجودين نامو والنص التاني بيتاوب، بس على مين المحامي الشاطر لازم يكمل مرافعته حتى لو القاضي اغمى عليه ) وإن اردتم ان تحاكمو موكلى فحاكموه اذن لانه لم يحب نفسه، نعم موكلي اذنب لانه لم يحب نفسه ولانه انخرط في الاهتمام بالاخرين ونسى ان يهتم بحياته ، ولكي تحب حبا سويا ايا كان نوعه فلابد اولا ان تتعلم كيف تحب ذاتك، لابد ان تصل لحالة من السلام الداخلي والرضا عن النفس تمكنك ان تحب وتعطي لمن حولك. ولكن الفت نظر سيادتكم الى انه ليس عدلا ان يودع موكلي في هذا القفص وحده ، ان اردتم تحقيق العدالة ضعوا معه المجتمع باسره الذي لم ينصفه ولم يعطه حقه واصابه بالاحباط في شتى نواحي الحياة ولم يقدر امكانياته المهدرة وجعله يعوض ذلك بالانغماس في حب الاخرين عله يجد نجاحا يشعره بالامان وان كان هذا ما فعله موكلى فهناك الآلاف غيره من الشباب المحبطين والذين تتفاوت نسب احباطهم وتختلف طرق معالجتهم او تعبيرهم عن هذا الاحباط . وبناءا عليه فاني اطالب بالغاء الغرامة الملزم بها وتوقيع اقصى العقوبة على موكلي وذلك بالاعدام رميا........ باكياس الشيبسي الفاضية( ويستحسن تكون كرينكل ) على ان يوضع بعدها ثلاثة اسابيع تحت المراقبة يلازم فيها الكتب والمذاكرة مع الشغل والنفاذ . سيادة القاضي حضرات المستشارين والمحلفين، السادة الحضور،اشكر لكم سعة صدوركم( اعدم كارنيه النقابة بتاعي لو كنتو فهمتو حاجة من اللت والعجن اللي انا قلته ) واسأل الله ان ان يوفقنا جميعا للطريق القويم والسلام عليكم ورحمة الله وبركاته. هتافات ( يحيي العدل.. يحيي العدل) وتصفيق حااااااااااااااااااااد.

(تعلمت أن كل ما نراه عظيماً في الحياة بدأ بفكرة ومن بداية صغيرة .) بجد مش عارفة اقولك ايه ، كلمات اكثر من رائعة جزاكي الله خيرا عنا اختي الحبيبة عاشقة القرآن.

ابسمي كالورد في الفجر الصباء~~ وابسمي كالنجم إن جنّ المساء وإذا مـــا كفّن الثــــــلج الثـــــرىٍٍ~~ وإذا ما ستر الغيم السمــــــــاء وتعرّى الروض من أزهـــــــــــاره~~ وتوارى النور في كهف الشتاء فاحلمي بالصيّف ثم ابتسمـــــــــي~~ تخلقـــــــــي حولك زهرا وشذا وإذا سرّ نفوســـــــــــا أنّــــــــــها~~ تحسن الأخذ فسرّي بالعطـــــاء وإذا أعياك أن تعطــــــي الغنــــي~~ فافرحي أنّك تعطين الرجـــــــاء

قصيدة جميلة جدا اختي عاشقة القرآن واسمحيلي اضيف الابيات دي للشاعر احمد مطر وجوهكم أقنعة بالغة المرونة طلاؤها حصافة، وقعرها رعونة صفق إبليس لها مندهشا، وباعكم فنونه ".وقال : " إني راحل، ما عاد لي دور هنا، دوري أنا أنتم ستلعبونه ودارت الأدوار فوق أوجه قاسية، تعدلها من تحتكم ليونة ، فكلما نام العدو بينكم رحتم تقرعونه ، لكنكم تجرون ألف قرعة لمن ينام دونه وغاية الخشونة ، أن تندبوا : " قم يا صلاح الدين ، قم " ، حتى اشتكى مرقده من حوله العفونة ، كم مرة في العام توقظونه ، كم مرة على جدار الجبن تجلدونه ، أيطلب الأحياء من أمواتهم معونة ، دعوا صلاح الدين في ترابه واحترموا سكونه ، لأنه لو قام حقا بينكم فسوف تقتلونه

من فضلك يا عاشق الصداقة حاول تتحرى الدقة في مواضيعك، . . . . . . ده منتدى جاد مش بنهزر هنا . . . . . ازاي تقول شاي (بدون حليب) . . . . . من غير ما تحدد سكر قد ايه؟؟!!! . . . . . بوظولنا الكمبيوتر اللي حيلتنا بقى . . . . .

اشكرك اخي م..بدع على قيد الحياة على كلماتك المشجعة والحمد لله انها جت بعد تالت مرة ، انا بقالي ٢٩ مرة بقراها ونفسي افهم رغم اني مش فاهمة حاجة بس هحاول في اسئلتك، ساعات بنحاول نمحي صور مش عايزين نشوفها في مرايا وجدانا ،بس لو حاولنا غلط بنخدش المرايا وبنشوهها وبنسيب فيها زوايا مظلمة لاننا ببساطة ممكن نكسر مراية وجدانا وتفضل بردو الصور اللي احنا مش عايزينها موجودة على الشظايا المكسورة،لكن عشان تحاول صح لازم زي ما قلت تستخدم عدسة روحانية مكبرة للحاجات الجميلة وتكبرها لحد ما تغطي على اللي انت مش عايز تشوفه، معظمنا بيخاف يبص في مراية وجدانه وكتير منا بيبصو فيها لكن مبيشوفوش الصور كلها بيشوفو بس اللي عايزين يشوفوه لكن الافضل انك تقبل مرايتك بكل الصور اللي فيها لان مفيش صور بتمحى ابدا ومش معنى انك متبصلهاش انها مش موجودة وكمان لأن كل صورة فيها ببساطة وسواء شئت ام ابيت بتمثل جزء منك . وممكن فعلا تضيف ناس نفسك يدخلو في الصورة بس مرايا الوجدان غريبة جدا وزي ما اتفقنا من نوع خاص، فالناس اللي ضفتهم عمر صورهم ما هتكبر وتوضح الا لو اصبحو ذوي صلة قوية جدا بروحك بس خد بالك اي صورة لاي شخص هتنطبع في مراية وجدانك هتاخد الشكل اللي بتشوف بيه الناس دول يعني لو واحد سطحي هتلاقي معظم الصور اللي عنده صور ظاهرية لكن لو شخص تفكيره عميق هتلاقي الصور اللي عنده معظمها صور ارواح . وعايزة اقولك ان التفاؤل ده عدسة واحدة بس من العدسات الروحية في غيرها كتير ممكن تستخدمه وكل واحدة هتشوف بيها حاجة مختلفة يعني مثلا احلي صورة تشوفها بعدسة الغرور واوحش صورة تشوفها بعدسة انعدام الثقة بالنفس بس اوضح صورة هتشوفها لو استخدمت عدسة الصدق .

اولا انا عايزة اقولك اني بجد مش عارفة ابطل ضحك من ساعة ما قريت اللي انتي كاتباه ثانيا عايزاكي تكتبي كتيييييييييييييييييييييير لحد ما تعمليلنا toxicity مش بس overdose ثالثا اسمحيلي اضيف شوية قواعد ذهبية زى اللي انتي قولتي عليهم لدخول امتحان الشفوي ودي مش لطلبة طب بس ، دي لكل الطلبة المقهورين في الارض واهو كلو بثوابه ١- اختار المكان... يعني اختار اللجنة اللي هتدخلها ده لو عرفت تختار اساسا ... المهم لو لقيت لجنة اللي طالعين منها عندهم الاعراض دي: -ودانهم محمرة -فاقدين حاسة السمع اوالنطق -ايديهم بتترعش او ركبهم بتخبط في بعض -نوبات صرع -زمايلهم مسنيدنهم وفي طلبة بيتحدفو من الباب ومن الشبايبك، ابعد احسنلك وبلاش تعمل فيها بطل ... وشفلك حتة تانية تمتحن فيها او اجل المادة ،ماله يعني الدور التاني ده حتى بيبقى رايق وبعيد عن الزحمة(مع العلم انك ممكن تأجل وبرده تلاقي نفسك قدام نفس اللجنة في الحالة دي اعرف ان المشكلة فيك انت وكل واحد عارف نفسه كويس ) ولازم تاخد بالك عشان ممكن الوحش الكاسر (الدكتور) اللي جوا محدش يدخل له فيطلع وينقض على اقرب واحد واقف قدام اللجنة ويدخلك تمتحن عنده -غصما وائتدارا -حتى لو مكنتش في لجنته وساعتها بقى يا حلو .... نشوفك في مستشفى الامراض العصبية والنفسية ولحسن الحظ المكان مش بعيد. ٢-اختار الزمان.... يعني هتدخل اللجنة امتى، ده بردو لو عرفت تختار.... اوعاك تدخل بعد اي طالب من اللي بتظهر عليهم الاعراض دي: -النضارة كعب كباية - الضهر منحني -شايل شنطة مليانة كتب -الوش لازق في الكتاب لاخر فمتو ثانية قبل دخول اللجنة طبعا انت عارف ان الاعراض دي اعراض مرض المذاكرة اللي بتظهر على اوائل الدفعة والعالم الدحيحة اللي بيقفلو اي لجنة وانت طبعا عايز تنجح وخد بالك المظاهر خداعة وفي ناس من اياهم اللي لسة منسيوش نظام ثانوية عامة ولسة بيتخابثوا ويعملو نفسهم خايبين ومش مذاكرين ويستحسن متدخلش اول واحد لان الدكتور هيسخن بيك وهتاخد اللي فيه النصيب ،زي ما بيقولو من على وش القفص، وبرده متدخلش اخر واحد ،هيكون زهقان ومش طايقك واحتمال يمسك في خناقك ، على ايه الطيب احسن وخليك في النص . ٣-ودي مخصوص لبتوع البكالوريوس لو بنت اوعي تدخلي متشيكة لدكتورة تمتحنك هيبقى يومك مش فايت وكل عقد وكلاكيع الماضي الاليم هتطلع عليكي ، يعني لو مفيش مفر ابقي نعكشي شعرك واستلفي نضارة من اي زميل او زميلة ويا بخت من نفع واستنفع اما بقي لو ولد نصيحة بلاش تلبس بدلة احلي من بدلة الدكتور مراعاة ً لمشاعر الدكتور ولكرامتك او ابقى سيبها برة مع حد من زمايلك( كرامتك مش البدلة )وربنا يكفيكم شر الحقد الطبقي والحللي وكل انواع ادوات المطبخ . ٤- سواء عليت صوتك او اتكلمت بصوت هادي، ابتسمت او لأ ،كان كلامك مترتب او كل كلمة في ناحية ،كنت واثق من نفسك او مش عارف تتلم على اعصابك ،افتكرت وجاوبت او جالك زهايمر مبكر وتنحت كله في الاخر يتوقف على مزاج سعادة حضرة جلالة الممتحن واهم حاجة الثبات الانفعالي ، يعني اوعي تعيط مهما جرالك واوعي الدم يغلي في عروقك وتتهور ،خليك فاكر ممكن متجيبش درجة حلوة بس ده مهما كان افضل من ان والدك ييجي يستلمك من اقرب قسم بوليس. يعني دخول امتحان الشفوي يتطلب دراسة المواد المقررة واللي مش مقررة ودراسة نفساويات الطلبة اللي هيمتحنو معاك وكمان دراسة الحالة النفسية والعقلية للدكتوراللي هتمتحن عنده وبعد كده..... بعد ده كله توكل على الله ومتقلقش من حاجة خالص اي حاجة هتحصلك جوة في غرفة التعذ...الامتحان هتبقى في ميزان حسناتك ان شاء الله ،بس ادخل برجلك اليمين وربنا معانا جميعا .

ج م ي ي ي ي ي ي ي ي ل موضوع جميل جدا ...اختي عاشقة الرحمن....جزاكي الله خيرا

مش عارفة اقولك ايه يا عاشقة القرآن انتي بجد جيتي على الجرح ، وعلي فكرة دلوقتي بقى فيه البلح مش العنب بس ...لا ومع تطور الاغنية الحديثة هتلاقي فيه اغاني للكمترى والجوافة واي نوع فاكهة انتي تحبيه... ربنا يستر وميوصلوش للخضار ونلاقي ناس بتغني للخيار وفي الحالة دي مش هيبقى قدامنا خيار خالص غير اننا نسمع واحنا جعانين.. قصدي واحنا ساكتين . انا فاكرة مرة تجرأت وتطاولت وتعديت حدودي وطلبت من سواق التاكسي انه يقلل الصوت شوية مش يطفيه والله ،لا يقلل الصوت بس وعينيكو ما تشوف الا النور بصلي بصة احتقار واستنكار وكأني مبفهمش في الفن الرفيع- اللي هو بيسمعه -وقالي انت مش عارفة (..........) >> اسم المطرب اللي (معبي )الشريط وكأنه بيتكلم عن ليوناردو دافينشي وبعد ما توسلت اليه وصعبت عليه لانه كان عندي امتحان يومها وكان باين قوي على وشي، تكرم سيادته وتفضل وتعطف على المسكينة اللي راكبة ورا والسماعات لازقة في ودانها لما جابتلها صرع ومد ايده ناحية الكاسيت........ وقلب الشريط وتمتد وصلة اخرى من موسيقى التشنجات ما انقذنيش منها الا اننا وصلنا الكلية، ....الحمد لله ومن يومها بقيت اقول لماما وانا نازلة من البيت تزود علي دعواتها( ويكفيكي شر اغاني الميكروباصات والتاكسيات) المشكلة مش في اللي بيعملوا الاغاني دي المشكلة في اللى بيسمعوها وبيبقوا فعلا منسجمين معاها جدا وبقوا كتييييييييييير في مجتمعنا ،وده ان دل علي شيئ فانما يدل على ازمة في الذوق العام.

سيري على بركة الله يا angel_of_mercy موضوعك ظريف جدا جدا بجد عملي euphoria رغم انك فكرتيني بايام المشرحة وانا شايفة ان الهدف من الموضوع واضح جدا ، دي رسالة من تحت الماء لاى شاب او فتاة بتسول لهم انفسهم انهم يدخلوا كلية طب حيث الضياع الى الابد جد شوية بقى : احنا بنتشارك خبراتنا وتجاربنا ومفيش ضرر من موضوع ظريف يدخل البهجة على نفوسنا في العالم اللي مليان مآسي اللي احنا عايشين فيه حتى لو ماكانش الموضوع بيحمل رسائل موجهة.

جعلوني مجرما نجمة الكتب خلاص بقت تعرف تدوس عالزناااااااااد عارفين مين اللي جعلوني مجرما ...طبعا مش مخرج ومنتج الفيلم لا ، اللي خلوني كدة هما اللي وضعوا نظام التعليم في مصر وبالذات نظام الدراسة في كلية طب، الناس في الدنيا كلها بتفهم وبعدين تحفظ الا احنا بنحفظ وبعدين نحفظ.... لا والامتحانات في كل الدنيا اسئلة اختياري واسئلة قصيرة لكن احنا بقي يجيبلك عنوان من الكتاب ييجي ١٢٠ صفحة واكتب ما تعرفه عن.. وعيش بقي حضرتك ، تطلع من اللجنة ايديك مش قادر تحركها وعندك فقدان في الذاكرة وحالة من العته المفاجئ ماهو اصلك فضيت عقلك فجأة بعد ما كان محشور معلومات.... يعني قبل الامتحانات طريقك مسدود وبعدها انت مفقود مفقود مفقود وحسبى الله ونعم الوكيل. بجد اللي يلاقي الدكتور يقولي ومحدش يسأل علي عاشق الصداقة لأنه هيبقى في قايمة المفقودين قريب .

أترى رأيتم كيف بدلت الخيول صهيلها في مهرجان العجز… واختنقت بنوبات البكاء.. أترى رأيتم كيف تحترف الشعوب الموت كيف تذوب عشقاً في الفناء أطفالنا في كل صبح يرسمون على جدار العمر خيلاً لا تجيء.. وطيف قنديل تناثر في الفضاء.. والنجمة السوداء ترتع فوق أشلاء الصليب تغوص في دم المآذن تسرق الضحكات من عين الصغار الأبرياء ماذا تبقى من بلاد الأنبياء؟