ماذا تريد البنت من الشاب عند خروجها معه

[سبرتو 2]

ماذا تريد البنت من الشاب عند خروجها معه !!؟؟ ؟؟!!!!!! كثيرا ما نسمع عن الحوادث التي تحدث بين الشباب والبنات ..إغتصابات ..خدش حياء ..حمل سفاح ..تصوير فيديو وفضائح لا لها اول ولا تالي ..وضاعت وتفككت اسر بكاملها بسبب تهور بنتهم ..

 

كل هذه الحوادث لم تكون عبرة للبنات ..ولم يتوقفن عن الخروج مع الشاب ..وأي شاب يتعرف على بنت ولو بالخطأ على الجوال ..ومن بعدها يسمعها كلام منمق ويقول لها صوتك جميل ..وأنتي وأنتي حتى تخضع البنت للشاب ..اسبوع ونراها تركب معه في سيارته ويتجولون في الشوارع لا خوف من الله ولا من الفضيحة لو قدر الله وصار لهم حادث ..

 

الذي نعرفه لا يجتمع اثنان حتى يكون الشيطان ثالثها ..وبعد خروجها معه ترجع وهي تجر خيبتها وفقدها لشرفها معها ..ودموعها على خدها وتدعي الله ان تموت او يأخذ روحها رب العالمين ..وهذا المشهد نراه ونسمع عنه يوميا تقريبا ..وتبدأ معاناتها وخوفها من الفضيحة ..الى أن نسمع ..اما قتلها اخوها غسلا للشرف ..او البنت انتحرت ..او البنت حامل سفاح ..او اهلها تبرئوا منها كي لا تجلب لهم الفضيحة والسمعة السيئة ..الخ الخ .

 

أخواني وأخواتي ماذا تريد البنت من الشاب عند خروجها معه ؟؟

 

لماذا لم تتعظ من القصص التي تسمعها من غيرها ؟؟

 

لماذا تنخدع من كلام الشاب المعسول ؟؟هل هي بدون اخلاق ؟؟ام فاقدة الحب ؟؟ام لديها شذوذ ؟؟

اليوم موضوعي يختص بالبنت ..فعلا لماذا تخرج البنت مع الشاب ..وهي تعرف جيدا ماذا يريد منها ..بالتأكيد هي لم تخرج الا بإرادتها وبكامل قواها العقلية ..واحيانا نجدها تلبس اخر الصيحات وتضع المكياج والعطور ..و تكون هي يقين بما سيحصل ..لاني بصراحة ما اعتقد انها ستخرج مع الشاب كي يفسحها في الشوارع ..او انه يأخذها مطعم ليتناولوا وجبة شهية ..او انه ينظر الى حسنها الفتان ..أبدا اخواني فالبنت تعلم تماما ماذا سيحدث بينهم ..ولكن أنا مستغرب لماذا وهي تعرف كل هذا وتسمع بكل ما يحدث من قصص محزنة ومخزية ..ترجع وتكرر نفس القصص والمآسي ؟؟اعلم ان سوء التربية هي الاصل بكل ما يحدث ..ولكن احيانا نسمع بأن البنت من اتقى البنات واصلحهن ..وتلبس اللباس الشرعي وتتقي الله ..وللاسف تقع بهذا الموقف بفعل الشيطان ..وصدقوني اخواني واخواتي البنت تعلم جيدا بما سوف يحدث بينها وبين الشاب ..والدليل نجدها جالسة معه وهي خائفة ..تكون خائفة من الله اولا ..ومن ان يراها احدا من اهلها ثانيا ..ومن هذا الشاب الذي لا تعرف عنه الا صوته من خلال الجوال وكلامه المعسول ..وعند وقوع المحظور تبدأ بالتوسلات والترجي الى ان تطلب ان تقبل رجله كي لا يلمسها !!!!!!!

لماذا كل هذا ولماذا تهيني نفسك وانتي على يقين بما سيحدث ؟؟

 

 

 

 

وتقبلو تحياتي""

[البرنسيسة وسام 1]

الموضوع جميل

بس

على فكرة انت مستقصدنا وكل كلامك اننا غلط

خف علينا شوية يا سبرتو

[سبرتو 2]

لا واله مش القصد

انا اصلى من اللى بشوفة فى الجامعة واللى بيحصل قبال عينى يعنى

وبعدين مش هوة دة اللى بيحصل هوة ايوة دى مش قاعدة عامة بس العيار اللى ما يصيبش يدوش

مش كدة ولا ايييييييية

[تقوى القلوب 12]

ايوووووووووووة خليك كدا مستقصدنا لما هنعمل عليكم حزب

 

ان كيدهن عظيم

[فراس فراس 0]

حلو موضوعك ياسبرتو

 

بس انا شايف ان البنت مش عايزة حاجة من الولد اللى بتخرج معاه

 

وهى مش بتفكر اساساً فى حاجة عايزاها منه

 

هى كل اللى بيتهيئلها انها بتحبه وهو بيحبها

 

وبتكون محتاجة حد تكلمه أو حد يحسسها بنفسها

 

فيظهر أخينا فارس الاحلام

 

ويكلمها ويقولها احلى كلام

 

ساعتها الشيطان يقعد يخليها تفكر فيه دائماً

 

والولد مفيش ولد بيطلع شيطان وعايز من النبت حاجة

 

بارده الولد كمان بيدور على واحدة علشان يكلمها

 

حاسس ان فى حاجة نقصاه

 

حاسس بالفراغ

 

وده يمكن لتفكك أسرى أو قلة الروابط الأسرية اللى عنده

 

يعنى الولاد والبنات بيدوروا على الحنان والاهتمام اللى اتحرموا منه فى البيت

 

وبعد كدة يتقابل الأثنان

 

ويحصل بينهم حكايات وروايات

 

 

واللى اتنين عاملين ذى قطبى المغناطيس الموجب والسالب

 

كل مايقربوا من بعض كل مايحصل تجاذب بينهم

 

فيقعوا فى حب بعض

 

ومع الوقت يحصل المحظور

 

ويتخطى قربهم كل الحدود

 

عايز أيه من أتنين ثالثهم شيطان

 

بس أحنا ليه نلوم البنات بس على اللى بيحصل

 

والولد أساساً عليه مسئولية كبيرة

 

يعنى هو فاكر ان فعلته دى هاتعدى على خير

 

مصير بنته ولا مراته ولا اخته يحصلها زى ماعمل

 

طباخ السم بيدوقه

 

والله اعلم

 

طيب أيه الحل...؟؟؟

 

لما بتيجى تسأل واحد وتقوله انت ليه بتعاكس البنات وكدة يعنى..؟؟

 

يقولك : ماهما اللى عايزينا نعكسهم

 

تقوله : ليه...؟؟

 

يقولك: انت مش اللى بيلبسوه واللى بيحطوه

 

 

ولو سألت البنت انتى بتلبسى كدة ليه و بتخرجى مع الشباب ليه

 

تقولك : انا لسة صغيرة عايزة أخرج عايزة اتفسح عايزة احس بنفسى , وكمان ألبس اللى انا عايزاه أخبى جمالى ليه, وكمان الولاد هايعرفونى ازاى علشان اتجوز

 

تقولها: هو ماينفعشى تحسى بنفسك غير مع اصحاب ولاد , طب ومالهم البنات

 

تقولك : الولاد احسن

 

 

يعنى دول ناموذاجين من الشباب والبنات اللى هما متخصصين فى الخروجات مع بعضهم الآخر

 

المهم بنستنبط من الكلام اللى فات:-

 

ان المشكلة الأولى هى : ماترتديه بعض البنات من ملابس , وذلك للفت الانظار اليها

 

المشكلة التانية : هى مش عارفة هى عايزة ايه , تتجوز ولا تصاحب

 

المشكلة التالتة : قد تكون البنت محترمة جداً جداً ولكن تحس بفقدان الاهتمام فى المنزل فتلجئ لأول من يعجب بها

 

المشكلة الرابعة : قد تكون نفس المشكلة السابقة بالنسبة للولد

 

المشكلة الخامسة : حب الولد لكى يكون محور اهتمام البنات وكذلك البنت تحب ان تكون محور انظار الولاد

 

ومادام عرفنا المشكلة فين يبقى بكة عرفنا الحل

 

طيب ايه هو..؟؟؟

 

كل واحد مهما كان وضعه ليه دور فى حل المشكلة

 

بالنسبة للولد : لو يفكر دائماً قبل مايعمل اى حاجة او يقول اى حاجة لبنت أن الحاجة دى هاتتردله تانى

 

ساعتها هايفكر الف مرة قبل مايقول او يعمل حاجة

 

بالنسبة للبنت: اللى بتلبس محذق وضيق تبطل تعمل كدة وتبطل تحط الاحمر والاخضر

لأنها بكدة كما تزين نفسها وتجذب لها الشباب تجذب لها أيضاً الذئاب

 

بالنسبة للاسرة: مدو اديكم لولادكم حساسوهم باهتمامكم ورعايتكم عاملوهم كأنهم صحابكم

 

بالنسبة للحكومة : فصل الأماكن العامة التى يجتمع فيها الولاد والبنات كالجامعات وبعض المنتزهات لأنهم بذلك يضعون النار بجوار البنزين

 

يعنى باختصار : راعى ربنا فى تعاملاتك ربنا هايرعاك

 

أه

 

سبرتو

 

عجبانى قوى حكاية الجوال دى

 

ومابقيناش نسمع كتير على الحمل السفاح والزنى وكدة

 

لان الدكاترة شاغلين على ودنه

 

فى عمليات الاجهاض والزرع وحبوب منع الحمل

 

ولو واحدة خلفت بترميه فى المجارى أو عند اى ملجئ او جامع او كنيسة

 

شفتو ا قاسوة اكتر من كدة

 

هاقول أيه غير

 

لا حول ولا قوة إلا بالله العلى العظيم

[MOSTAFA_SHA3RAWY 0]

لا تخف يا سبرتو اكمل حملتك ضدهن ونحن ورائك يا رجل

[سبرتو 2]

لا والله انا مش قد حرب البنات فى المنتدى انا بس بحب احكى حاجات من الواقع اللى بنشوفة

 

واللى لاحظتة انا وكتيييييييير من شباب جامعتى السنة دى ان الجامعة باظت باظت السنة دى

الشباب مش بيحضرو والبنات بيروحو على سنجة عشرة

حتى بنات علوم وزراعة اللى كانو معروفين من شكلهم روح شوف دلوقتى لا بنات دبولم التجارة فى اللبس والمكيارج وكدة مع الاعتذار لدبلوم التجارة

 

 

وبعدجين حرب حرب احنا ولا بنخاف ولا بنكش

 

وصبح واغسل وشك سبرتو مش بيغشك

[einour 3]

ههههههههههههههههههههههههه

 

حابه اسال شو بيعني سنجه عشره؟؟؟؟؟

[«۞۩ أبو سليمان ۩۞» 179]

ايه يا عم سبيرتو المواضيع الجامده دي بس و بجد عندك حق و الحمد لله اني خلصت الجامعة قبل ما أشوف اللي بتقول عليه ده

و برضوا عجبني جدا رد اخي فراس

ربنا يخليك لينا و نشوف موضوعاتك الجامدة دي ديما سبيرتو

 

اختي اينور معني البنت علي سنجة عشرة يعني مش ماسكة سنجة او مطوة مقاس عشرة لا سمح الله

بس هي عاملة حاجة اصعب من كده

دي لابسة المحزق و الضيق و طبعا حاطه مكياج احمر و اخضر و كمان اسود ذي موضة اليومين دول

و ربنا يكون في عون الشباب المساكين

[7mada el3atfy 0]

 

اولا بحب اشكرك على الموضوع الجميل ده بجد

ثانيا احب اقول انك بتتكلم عن فئه معينه من البنات مش كل البنات

بتتكلم عن فئه الى هيا بتخرج مع الشباب وبتكلمهم وتقابلهم صح

بس مش كل البنات بيكون فكرها كده او بتكون بتكلمهم وتقابلهم على سبيل الصداقه والزماله

وزى ما تقول لو فى مكان عام يبقا مفيش خوف

بس الخوف لو العلاقه اتطورت وبدل ما كانت على المكشوف تتقلب ويبقا الشيطان تالتهم

يبقا هنا الوقفه

وانا عايز اعرف ازاى ننقذ البنات الى من الوقوع فى المحظور

ويا ريت توجه نصيحه لكل البنات بخصوص الموضوع ده

تكون مشكور جدا

وشكرا

 

[حنان القلب 1]

اولا بالنسبه للجامعه والله يا سبرتو ايدك كل التاييد دا انا ببقى تعبانه نفسيا وانا بتفرج عالبنات اللي فيها مهي بقت فرجه وربنا يكون في عون الشباب اليومين دووول وعلى فكره الولاد برضه مبقاش عندهم حيااااااااااااااااااااااااااااااااااااااااااااااااااااااااااااااااااااااااااء خاااااااااااااااااااااااااالص ودا واضح من البنطلونات الساقطه والبديهات والشميزات المفتوحه خالص طاب البنات بيعملوا كده عشان يتعاكسوا زي ما قلت طب والولاد بيعملوا كده ليه؟؟؟؟؟ ممكن اعرف ليه بيتبروا من رجولتهم ويستبدلوها بالخنفسه دي.... عموما بالنسبه للخروجات انا اللي عايزه اسئل الولد بيبقى عايز ايه من البنت اللي بتخرج معاه؟؟؟؟؟؟ وبيدفع دم قلبه عليها ليه وهو مبسوط؟؟؟؟؟؟؟؟ بس عموما في ناس بتمشي مع بعض منظره مش اكتر سواء بنات او ولاد وخصوصا في الجامعه ودي الفئه الغلبانه..... يا حراام....