فراس فراس

بالعفو ياسحر ده الشكر ليكى على الموضوع الجميل ده وانا بجد وقتى ضيق جداً لأنى لسة بنراجع الميزانية مع مراقبين الحسابات وباططر اقعد فى الشركة بعد ميعاد انصراف العمل بس الحمد لله خلاص كلها كام يوم ونخلص وشــــــكراً على السؤال

وانتم كمان وحشنى كتيييييييييييييير وكمان كان فى حكاية بارده كنت عايز اضيفها ليها علاقة بالموضوع أنه كان فى واحد قواد (يعنى بيتفق مع الرجالة ويظبط لهم الحريم وكدة يعنى وده طبعاً مقابل مصلحة شخصية أو مبلغ نقدى) المهم الراجل ده بعد ما وصل للى هو عايزه من مال ومن سلطة ربنا بلاه بمرض مايعلم بيه ألا هو فمابقاش لاعارف يتحرك ولا يتكلم وكان ربنا رزقه بخلفة البنات شوفوا حكمة ربنا وعدله وصل الأمر ان بنته الكبيرة كانت بتجيب حبيبها البيت ويرتكبوا جريمة الزنى قدامه وهو بيتحرق دمه كل يوم بس مش عارف يعمل حاجة وولا حد سائل فيه يعنى العبرة من الحكاية أنه مهما الواحد عمل فى حياته سواء قليل أو صغير وخد اللى هو عايزه ربنا مش ناسى اللى عمله سواء كان خير او شر وقصاد اللى عمله ومهما عدى الوقت هايلاقى المقابل

كويس أنك فاكرة الموضوع ده رغم انه فات عليه اكتر من اربع سنين والله اعلم بس ياجماعة عايزين نشو فأيه اللى حصل بالظبط ونشوفوا من عيون غيرنا مش من عيونابس البداية ان الرئيس مبارك قال ان ضرب مدينة قانا يهدد عملية السلام فهما شافوا من كلامه تهديد على أمنهم لأن معنى كلامه أنه كدة مش هايبقى فى سلام واحتمال مصر تتدخل فى الحرب فردوا وقالوا لو مصر تدخلت فى الحرب يبقى تأكد أنك هاتعطى كل المصريين حمام من حياتهم بفتح السد العالى وده اكيد هايفوقهم من حلمهم فرد الرئيس مبارك وقال طيب خليهم يعملوا كدة وتبقى خراب على الكل فيعنى كل الموضوع كلمة قصاد كلمة مش اكتر وشغل سياسة وجس نبض اما حكاية الجاسوس فاى دولة ليها جواسيسها وخصوصاً بين جيرانها وده علشان بيكونوا عملين حسابهم من اى ضربة غدر ده هو الشئ الأساسى أما قرار الحرب والأحتلال فده مش بييجى بالساهل فهم مش بيدخلوا حرب ألا لما يكونوا متأكدين بنسبة تسعين فى المية على الأقل ان هما هايكسبوها وخصوصأ ان هما مش عايزين يكرروا موضوع تلاتة وسبعين يعنى مش عايزين يقعدوا كام سنة ويطلعوا لأ هما عايزين يقعدوا ومايطلعوش وكمان مش عايزين يعطوا للعرب امل زى اللى عاطوهلنا بهزيمتهم فى تلاتة وسبعين يعنى من الآخر هما جايين جايين سواء هما او حد تانى وان ماكنشى النهاردة هايبقى بكرة وهما محاوطين كل البلاد العربية براها وجواها بالقواعد العسكرية يعنى كل يوم بيحفروا لينا وبيرتبوا علشنا وانا عارف بالظبط هما هاييجوا امتى والله اعلم والسلام عليكم ورحمة الله

السلام عليكم انا بقالى يومين عايز ابعت لك الحل بس مش عارف فى أيه عندى فى الرسائل كل ماأجى ابعت رسالة يقولى قائمة العناوين فارغة ومايجيبشى اسم المرسل أليه على العموم قلت اكتب الحل هنا أول خطوة تحديد المشكلة أو الهدف الهدف :هو معرفة من القاتل تانى خطوة هى تحديد الدائل وهما 1-المكوجى 2-البواب 3-البائع تالت خطوة وهى أختبار البدائل أ-من الذى له مصلحة ب-من الذى يستطيع الطلوع والنزول دون ان يشك به الناس ج-مين اللى طالع نازل طول اليوم علشان شغله د-من الذى عنده القدرة بالنزول بالطفلة دون ان يراه الناس ه- مين اللى عنده الوقت لتنفيذ الجريمة ى-مين اللى عارف بوقت نزول السيدة ورجوعها -البديل الاول (المكوجى) هو شاب من اسرة فقيرة ليس لديه طموح ومستهتر عمل بمحل المكواة منذ شهر ونصف كل هدفه ان يقيم علاقة مع الخادمة فهو من كان يتصل بالتليفون ولا يرد بدليل انه بيكون ماسك التليفون وباصص على شرفة الخادمة ومش معقولة اللى هايتصل ومش هيرد هو خطيبها ولا البواب فهما اللى اتنين مفيش حرج انه يكلموا الخادمة أ-لا ب-نعم ج-لا (وده لأن الواحد لما بييجى يبعت ماكواة بيبعتها كل أسبوع والمكوجى دائماً بيودى او يجيب الطلبات مرة واحدة فأيه اللى يخليه يطلع طول اليوم) د-لا ه-نعم ى-لا -البديل التانى(البواب) راجل صعيدى وشهم مايعجبوش الحال المايل قريب الخادمة وغير راضى عن تصرفاتها ا-نعم(توفير فلوس العملية لأبنه) ب-نعم ج-نعم د-لا(لأنه هاينضف العربية والمدخل ويصلح حوض الزهور ويأكد على سلامة المصعد) ه-نعم ى-نعم البديل التالت(البائع) خطيب الخادمة منذ خمسة اشهر صاحب محل لوازم اطفال ا-نعم (تسديد ديون المحل) ب-نعم(لوجود مخزن المحل فوق سطح العمارة) ج-نعم(لتلبية طلبات المحل) د-نعم (هايحط الطفلة فى اى شنطة بتاعت اطفال ويقفل عليها) ه-نعم ى-نعم(السيدة فاتت عاليه قبل ماتروح مشوارها) النتيجة أذن فأختبار البدائل يشير ألى ان البائع هو الفاعل حيث هو الوحيد الذى كان متاح له الوقت لتنفيذ الجريمة عكس البواب اللى مشغول بتنظيف العمارة واصلاح حوض الزهور وهو ايضاَ الذى يعلم بوقت نزول السيدة لما فاتت عاليه عكس المكوجى و غير كدة وكدة المكوجى من بلد بعيدة ولسة جى من شهر ونص وكانت فى محاولة لسرقة الخزنة من تلت اشهر وهو أساسا ماكنشى لسة جه وطبعاً باين الخطف تم ازاى من التحليل بعد مامشيت الست طلع للمخزن وخد شنطة اطفال وبعدين وهو نازل دخل عند الخادمة قاتلها غصباً عنه وخد الطفلة فى الشنطة وقفل عليها ونزل ولان الطفلة كانت لسة واخدة الراضعة ونائمة ماعيطتشى ولا عملت حاجة وبعدين راح يوديها عند صاحبه بدليل انه ماكنشى موجود فى المحل لما الست رجعت علشان تسال على الناموسية

الموضوع لما قريته فى الأول مافهمتوش قوى بس لما قريته تانى فهمته هو الموضوع لازم يتقرى اكتر من مرة علشان يتفهم اما موضوع سحر و سبرتو وحكاية الطار اللى بينهم فده علشان هما الـأتنين مواضيعهم كتير وساعات بيجيبوها من مصدر واحد والعموم هو ده شئ طبيعى بين اتنين ليهم كلام كتيييييير أذا كان الصحاب بعد عشرة عمر وبيسيبوا بعض او بيتخانقوا علشان سبب تافه ماهو علشان كدة فى واحد صاحبى قالى لاتشارك قريب ولا حبيب لأن الكلام بينهم بيكتر والكلام لما يكتر بتكتر الغلطات بس بجد ياسبرتو الموضوع حلو

لأ بجد كلام جميل وطالع من قلب مليان احساس ومشاعر بس حتت السؤال أزاى أهل البنت بيسيبوا بنتهم طول اليوم والليل فده بيفكرنى بشريط سمعته للدكتور طارق سويدان وبيقول فيه أن البوليس فى الكويت قبض على فيلا بحديقة كاملة كانوا يمارسون بها الدعارة وكان بها اكثر من 20 بنت مستريحين مادياً ولسة طلبة فى الجامعة المهم فسألوا بنت منهم أنتى بتقولى لأهلك أنتى كنتى فين....؟؟ فكانت بتقولهم انا كنت فى فرح وطبعاً هى لما تكون صاحبة العروسة لازم توجب معاها وتقعد معاها من اول اليوم بس هما بيعملوا كدة ليه......؟؟؟ ناس فاضية ماورهومشى حاجة وماعندهمشى حدود حاطتها الدين يعنى ماعندهمشى دين اما السبب الرئيسى من وجهة نظرى كما تدين تدان يعنى الواحد فينا لو مآذاش بنات الناس ربنا هايحافظ له على بناته أنما لو مشى مع بنت هايمشوا مع ولاد لو اتكلم كلمة هايتكلموا كلمة لو زنى هايزنوا وده يوضحوا القصة دى كان فى واحد صاحبنا بيحكي لنا أنه لما كان شاب ولسة خاطب وهو قاعد مع خطيبته وامها أمها راحت تعمل شاى فانتهزوا الفرصة وباسوا بعض المهم عدت الأيام وأخينا ده اتجوزها و خلف بنت زى القمر والبنت دى كبرت واتخطبت وخطيبها بارده كان قاعد معاها هيا وامها وبارده امها راحت تعمل شاى فانتهزوا الفرصة وباسها وكان صاحبنا كان لسة داخل وافتكر الموقف اللى حصل معاه من عشرين سنة شوفوا كان عليه بوسة ورغم ان السنين عدت الا انه بارده ربنا مانساهاش اما حكاية البنات ألى بخمسمائة ريال فى فمصر هنا للعلم بخمسين جنيه لحد 10000 جنيه وده حسب حالة الزبون وحالة الست والمكان يعنى العادية غير الرقاصة والمصرى غير الخليجى والأجنبى وفى الغردقة و الحتت اللى زيها غير ان فيه هناك مومس والكلام ده ألا ان بارده هناك الستات اللى بتدفع بالمية دولار أو يورو علشان يقضوا ليلة مع راجل بس للأسف مفيش ستات بيضحكوا على الرجالة ومايقضوش معاهم الليلة ولا اللى يخنقك اكتر أن مثلاً واحدة من المنوفية وواحد من البحيرة وجايين يعيشوا حياتهم فى أسكندرية ماهوما هايعملوا ايه ياعينى من صغرهم وهما قاعدين يتفرجوا على التلفيزيون ويتعلموا من المسلسلات والأفلام ماهو خلاص مابقاش حد فاضى علشان يربى هو التلفيزيون هو اللى بيقوم بالواجب وماخفى كان اعظم يارب أحفظنا يارب

الحمد لله بمناسبة المواصلات لو شفتم الصورة دى هاتقولوا أيه ولا ناس تعبانة وطهقانة وياسلام ده احنا استاد القاهرة بتاعنا حديث جداً ولا القطر لما تقول عليه زحمة عربية قوة واحد بقرة أحدث طريقة لحمل الكومبيوتر آخر أخبار الرئيس كلينتون

ساعات كنت بسأل نفسى أحنا ليه بناخد رياضيات وايه لزمتها يمكن أنت بتسال نفسك السؤال عايز تعرف الأجابة أقرى معاية الحكاية دى كان فى أتنين بياكلوا واحد جايب 5 أرغفة والتانى جايب 3 أرغفة المهم انضم ليهم واحد تالت وقالهم هاكل معاكم وهاعطيلكم فلوس مقابل اكلى المهم بعد ماكلوا عطى لهم 8 دراهم فاختلف الاثنان على نصيب كل منهما فقال صاحب 3 أرغفة أن يقسموا التمن دراهم فيأخذ هو 4 والثانى 4 وقال الثانى صاحب 5 أرغفة أنه سيأخذ الخمسة دراهم والتانى يأخذ 3 دراهم فأتفقوا على الذهاب لعلى رضى الله عنه يالا ياجماعة كلوا يفكر ياترى على رضى الله عنه عمل ايه وحكم بايه......؟؟ فكر شوية معاية أيه عرفت الحل الحل مش هاتصدق كان صاحب الخمس أرغفة سيأخذ 7 دراهم وصاحب الثلث أرغفة سيأخذ 1 درهم ولكن لماذا.....؟؟؟ من المفترض ان الثلاثة أكلوا بالتساوى وبما ان 8 لا تقبل القسمة على 3 فسنقسم ال8 ألى 3 أجزاء يعنى دلوقتى ال 8 أرغفة = 24 جزء من الرغيف يعنى الواحد فيهم كل 24/ 3 = 8 يعنى كل واحد كل 8 اجزاء وهنا نرجع لمساهمة كلاً من الرجلين الأول ساهم ب 3 أرغفة وذلك يعنى 9 أجزاء والتانى ساهم ب 5 أرغفة وذلك يعنى 15 جزأ وبعد اخذ نصيب كلأ منهما سينرى التالى: الأول 9 ماجلبه -8 نصيبه فيتبقى = جزء واحد والتانى يعنى 7 أجزاء =15 ماجلبه -نصيبه8 وهنا توضح المسألة وهى ان بعد ان اخذ كل منهم نصيبه فلقد ساهم الأول بجزأ واحد من التلت ارغفة بينما ساهم الآخر بسبع اجزاء عرفت بقى ايه لازمة الحساب

ماشاء الله عليك عبقرينو وسبحان الله القصة قريبة قوى من قصة شمشون ودليلة بس الفرق أن شمشون كانت قوته فى شعره وأن شمعون كانت قوته بأيمانه بالله

شـــــــكراً ســــــحر على الموضوع ملحوظة(أنتى كاتبة حكم صيام ست من شوال قبل قضاء رمضان مرتين بنفس النمط وبنفس الأسلوب فى اول الموضوع فى القسم الرابع فى النقطة السادسة وفى آخر الموضوع ومفيش فرق بينهم غير اختلاف اللون) وبعد اذنك هازود على الموضوع شوية حاجات باسلوبى ان صيام ست من شوال هو سنة وليس فرض وليه لو الواحد صامهم كانه صام الدهر.........؟؟ ده علشان أن الحسنة بعشرة أمثالها يعنى السنة الهجرية 360 يوم وقول أحنا بنصوم رمضان 30 يوم وبعدها 6 ايام من شوال يعنى 36 يوم يعنى لو ضرناهم فى عشرة هايبقى 360 يوم أما السوءال بتاع صيام ست من شوال قبل قضاء رمضان يعنى السؤال بيجاوب نفسه بقى معقولة انا هاتبرع وهادى حد فلوس وانا لسة عليا فلوس يعنى الواحد يخلص اللى عليه الاول وبعدين يبقى يفكر يذود اما سؤال أذا كان صيام ست من شوال مكروه فهو مفيش ألا الايام دى اللى مكروه صيامها زى يوم الجمعة والسبت ألا اذا اتبعته او اسبقته بيوم وده علشان يوم الجمعة ده يوم عيد للمسلمين ومكروه الصيام فى الاعياد ويوم السبت ده يوم بيصوم فيه اليهود و لقد امرنا الرسول بمخالفاتهم ويوم الشك اليوم اللى مشكوك فيه أذا كان رمضان ولا لأ (اليوم اللى قبل رمضان ) وطبعاً يوم العيد والله اعلم وتقبل الله منا ومنكم صيامنا

شـــــكراً عبقرينو على الموضوع وعلى المعلومات وســــــبحان الله

أيه ياعم الحلاوة دى بس أحلى حاجة فى الموضوع أنه ضرب أكتر من عصفور بحجر واحد اول عصفور انه بيورينا الأستخدام الخاطئ للموبايلات ماهو الموضوع بقى سهل الواحد من دول يشاور للبنت من دول ويقولها نمرته وفى لحظة تكون عايزة تكلم حد تاخد نمرته وتكلمه وبعدين بدل ماكان الموضوع نظرة فميعاد فلقاء وماأدراك مابعد اللقاء بقى الموضوع نمرة فاتصال فكلام فميعاد فلقاء يعنى الموضوع بقى أسهل يعنى بدل ماالواحد بيبص ويتعب نفسه على مااللى بيبصلها تبصله ويعينى ممكن تكون مكسوفة فماتعبروش علطول وياعالم ممكن ماتشوفهوش تانى لأ هو بيبصلها مرة واحدة وبيديلها نمرته والشيطان يبدأ شغله وينتهز فرصة ان هى مخنوقة وعايزة تكلم حد فايخليها تكلمه وبعدين يتقابله وتحكيله عن مشاكلها (امال هى كلمته ليه) وده طبعاً علشان هى مش لاقية حد تكلمه(عيب فى الأسرة) وبعد ماكانوا بيتقابلوا فى الشارع بقوا يتقابلوا فى المطعم وبعدين فى الشقة يعنى من مكان عام ألى مكان أكثر انغلاقاُ فأكثر فأكثر ألا أن يكونوا وحدهم تماماً فيحدث المحظور تانى حاجةلماأن البنت بتقطع فيشة التليفون علشان تستخبى من اهلهاوده علشان بتعمل حاجة غلط ماهو لو ماكنتشى بتعمل حاجة غلط ماكنتشى خافت من حد وبعدين ربنا بيستر مرة والتانية والتالتة على أمل أن الواحد يتوب ولما مايلقاش منه رجى ويلقاه مصمم على ذنبه ساعتها الشخص بيفضح نفسه بنفسه وآخر حاجة الأعلانات اللى بتشتغلنا وتقول أنه مفيش مستحيل شـــــــكراً ياسرور على الموضوع

وجعله فى ميزان حسناتكم ووفقنا الله تعالى ألى مايحب ويرضى خلاص ياجماعة رمضان مشى ويعالم هانشوفه تانى ولا لأ وداعاً ياحبيبى وداعاً يارمضان أنا زعلان قوى ان رمضان مشى بس انا مش هاستسلم للزعل وهاخلى كل السنة رمضان يالا ياجماعة نخلى كل السنة رمضان طيب أزاى.......؟؟؟ تعالوا نسأل نفسنا ....... مش معنا شهر رمضان دون باقى الشهور اللى بنحبه قوى كدة.......؟؟ حد سأل نفسه السؤال ده ...؟؟ حد لقى له أجابة.... أنتم عارفين ليه والله أعلم... معظم المسلمين العاديين معتبرين الأسلام هوالشهادة والصلاة وصوم وزكى وحج فضبعاً لازم لما ييجى رمضان يصوموا وهنا بقى كل واحد فيهم بيخاف انه يعمل حاجة غلط لأحسن يضيع صيامه وكمان شعور الواحد فينا بالجوع لما الواحد فينا بيحس بالجوع بيفتكر دائماً ربنا أزاى.......؟؟ يعنى بيسأل نفسه هو ايه اللى مخلينى جعان ...؟؟؟والأكل قدامى آه ده انا صايم طيب صايم ليـــــه.....؟؟ صايم علشان ربنا فطول مالواحد صايم طول ماهو فاكر ربنا ومش عايز يعمل حاجة تضيع صيامه ده حتى الرسول قالها أن الصيام وجاء (يعنى حماية) سألت واحد مرة وقلت له ايه رأيك فى رمضان....؟؟ قالى شهر جميل قوى والناس بتبقى فيه قلبهم ابيض ومش بيشيلوا من بعض(طبعاً ماهو الواحد لو شال من حد مكن يشد معاه فيضيع صيامه فبيقول لنفسه يالا شهر كريم) فيالا ياجماعة نخلى كل السنة رمضان يالا نحب بعض يالا مانشيلشى من بعض يالا نصوم ونحافظ عن نفسنا علشان نحس بالراحة وببياض القلب يالا يا شباب نخلى كل السنة رمضان وكل يوم وانتم طيبين

خلاص ياجماعة رمضان ماشى ومش عارفين اذا كنا هانشوفه مرة تانية ولاَلأ خلاص ياجماعة كلها اقل من عشر أبام يالا ياجماعة نصلى التراويح ونقيم الليل عسى يقبل لنا ربنا صيامنا وعسى ان نكون من المعتقيين من النار يالا ياشباب خلوا رمضان ده أحلى رمضان والحق ليلة القدر ومع السلامة أبقى اشوفكم بعد العبد أن شاء لله

بحييكى ياسحر على ردك وخصوصاً تانى حاجة نرجع للموضوع الحكومة و...................الناس الحكومة من الناس وعلى اد مااحنا كويسيين على اد مالحكومة كويسة وعلى أد مااحنا وحشين على اد الحكومة وحشة وده اللى بيقولهونا الموقف ده بيسألوا على بن ابى طالب رضى الله عنه وبيقولوله ساعة ماكان ماسك الخلافة انت ليه حكمك صعب ومليان مشاكل...؟؟والكلام ده ماكنشى موجود فى عهد عمر وابوبكر..؟؟ واخدين بالكم معاية بيقولوا لعلى بن ابى طالب اللى من العشرة المبشرين بالجنة, اللى هو أبن عم الرسول اللى هو رابع الخلفاء الراشدين,والناس بتشتكى من حكمه تخيلوا....... المهم قالهم أيـــــه.....؟؟؟ هم(يقصد عمر وابو بكر رضى الله عنهما)كانوا يحكمون امثالى وانا احكم امثالكم يعنى مهما كان الحاكم كويس ده بارده مش كفاية لازم احنا نتغير وكمان لما ييجى حد يحاربنا هايحاربنا احنا مش هايحارب الحكومة واحنا لو ماحربناش هانروح فى الرجلين يعنى احنا لما نيجى نحارب هانحارب لنفسنا مش هانحارب للحكومة اما دور المراة فاهم دور ليها هو تأسيس الأسرة والاولاد اما العضلات والكلام ده للرجالة فكما قال احمد شوقى : الام مدرسة أذا اععدتها اعددت شعباً طيب الاعراق يعنو أنتم المدرسة اللى أحنا بنتعلم منهاوبتدفعونا للكويس أو الوحش وشكراً مرة تانية سحر

انا كنت متأكد ان أنتى اللى هاتسألينى السؤال ده وكنت مستنى صراحة ان حد يسألنى علشان انقل الموضوع لاتجاه تانى وهو أزاى يكون الواحد فينا يكون مستعد وازاى يعرف أن كان مستعد ولا لأ الأستعداد مش مجرد كلمة مش مجرد انى اقول ان انا مستعد يبقى انا مستعد هو أول حاجة الأستعداد النفسى وده أهم حاجة وهو ده اللى شفنا عليه الطفل أنه مستعد نفسياً وعامل حسابه ان الفرنجة ممكن يهجموا عليه فى أى وقت وبكدة الفرنجة هايفقدوا عنصر المفاجأة وهنا بنقف وقفة علشان نشوف أهمية الأستعداد النفسى فمثلاُ فى واحد صاحبك قوى حبيبك ماتتوقعشى منه شر لما يعمل معك حركة مش ولا بد هاتزعل قوى منه لانك مش متوقع كدة منه أنما لو كانت جد من واحد ماتعرفوش أو معروف عنه أنه مش ولابد يمكن ماتزعالشى اساساً لانك متوقع منه كدة والحل أنك تتوقع اى حاجة من أى حد لأن كل واحد فينا فيه الخير والشر وتكون مستعد نفسياً دائماً لأسؤ الظروف ولاى حاجة واحشة علشان لما تحصل ماتأثرشى عليك واقع المفاجأة وهو ده اول استعداد ليا هو انى متوقع أى حاجة ممكن تحصل ومتوقع اننا هاييجى علينا الدور فى يوم من الايام الله أعلم امتى تانى حاجة الأستعداد الروحى وطبعاً ده شئ أساسى لازم يكون كل واحد فينا مؤمن بربنا ومؤمن بان النصر من عند الله وأن اللى ربنا عايزه بيكون مهما كان عددهم ومهما كان الى يملكونه من اسلحة وعداد ويفتكر دائماً غزوات الرسول عليه الصلاة والسلام والمسلمين وخصوصاً غزوة بدر فبالنسبة للاستعدادالتانى فربنا أعلم منى باللى فى نفسى وأتمنى منه انه يثبت قلبى وايمانى بيه اما بالنسبة للأستعداد التالت فهو ايه اللى عملناه ...؟؟؟ جسمك ايه اخباره يستحمل الظروف الصعبة ولا لأ...؟؟ ودى الحمد لله اتدربت عليها جسمك جامد مليان عضلات تخوف بيها الأعداء لما يشوفوك..؟؟ ودى للأسف كل ماقرر ان اروح جيم او العب كمال أجسام يحصل حاجة تمنعنى يعنى مقصر فى الموضوع ده شوية ودولت من أهم الشروط اللى لازم تتوفر فى الجندى الصح وده على اساس ان الواحد فينا لو هايشارك فى الحرب هايشارك كجندى يعنى مالوش دعوة بالتخطيط والكلام الخاص بالقيادة العليا للجيش وهنا فى سؤال تانى بيطرح نفسه... وهو ان لو حصل حرب وانت شغال وعندك شغلك ومالك وبيتك ياترى .... هاتقدر........ تسيب حالك ومالك وتروح تحارب عندك الاستعداد انك تضحى بكل اللى عندك علشان تروح تدافع عن البلد..؟؟ ولا هاتنشغل فى مالك وفى بيتك وانتى هاتعملى ايه....؟؟؟ هاتسيبى جوزك او اخوكى اوأبوكى او ابنك يروح يحارب وتشجعيه ولا هاتقوليله ..هاتسيبنى لمين ..؟؟سيب بتوع الحرب للحرب..هاتسيب ولادك لمين ..هانعيش منين لو مت وسبتنا بالمناسبة الكلام ده هايقولنا زيه الشيطان علشان نرجع عن الحرب أنا أعتقد ان كل واحد فينا هايقول :أيوة اروح هاحارب ومش هايهمنى حاجة بس الكلام سهل....وسهل قوى وهنا هل تتوفر فيك الشجاعة والتضحية...؟؟؟ الواحد فينا يمكن يكون فاكر نفسه شجاع ولو حد رفع عليه بندقية او مسدس او طيرة او سيف او ماطوة أو شومة حتى هايقطعه ويعمل فيها بطل سينما هاياخد المسدس ولا الماطوة ويديله عالقة جامدة لو قابلت موقف ذى ده فعلاً وعرفت تعمل اللى انت فاكر نفسك تقدر تعمله يبقى انت فعلاً ساعتها ممكن تروح تحارب الولد الصغير كان استعداده فى انه بيتدرب انه يضرب عاصفورين بحجر واحد وأبوه وامه كان استعدادهم انهم كانوا بيشجعوه وانهم يخلوه مستعد ماقولتوليش أنت مستعد ولا لسة...؟؟؟

أيه ياجماعة ماحدش عارف طيب نعطيلكم اختيارات البراء بن معرور البراء بن مالك البراء بن عازب

وانت ياعمرو ردك وكلامك متميز بس ماقلتليش انت مستعد..؟؟؟ ويارب نكون كلنا مستعدين انشاء الله

والله عندى شك ياسحر انا الصيف ده بس شفت الدموع فى عين اكتر من واحد علشان اللى بيحبها هاتتخطب ولا هاتتجوز وعمرى ماأتخيلت ان فى واحد ممكن يبكى علشان واحدة غير لما شفت الموضوع ده بعنيا والواحد فيهم ياسلام على الحالة النفسية اللى كان فيها حالة من الانهيار التام والاستسلام والياس يعنى الواحد فيهم كنت ممكن تعمل فيه اللى انت عايزه سواء خير او شر,بس للأسف صحابهم الوحشين أكتر

ِِشـــكرا ندا أبليس مش محتاجة رسالة يبعتها الانسان فينا عبارة عن ابواب للشر وابواب للخير وشغلة الشيطان انه يفتح ابواب الشر ويخليها عادة علشان تفضل مفتوحة وانه يقفل ايواب الخير ويكسل الأنسان عن فتحها بسم الله الرحمن الرحيم وَنَفْسٍ وَمَا سَوَّاهَا (7) فَأَلْهَمَهَا فُجُورَهَا وَتَقْوَاهَا (8) قَدْ أَفْلَحَ مَنْ زَكَّاهَا (9) وَقَدْ خَابَ مَنْ دَسَّاهَا (10) سورة الشمس يعنى من الآخر اللى بيعمل شر قبل رمضان هايفضل يعمله فى رمضان وده علشان ان باب الشر مفتوح على البحرى وعمر ماالباب ده هايتقفل الا اذا الواحد خد موقف فى لحظة مابيعمل الشر ده انه يقفله اما اللى بيحصل فى رمضان أن الشيطان مش موجود علشان يكسلنا عن فتح ابواب الخير فبنفتحها اول يومين وبعدين يكسل ذى عادته ماهو باب الوخم والكسل مفتوح لسة ماتقفلشى الشيطان ليه اكتر من تسعين باب بيدخل منهم وكل واحد فينا الشيطان ملازمه مش بيسيبه بيجرى فى دم كل واحد فينا اما شياطين الانس وجنوده فملهمشى دعوة هما كل اللى بيعملوه أيه...؟؟ هما بيخبطوا على الباب وانت حر بقى تفتح لهم او ماتفتحشى يعنى الواحد فينا هو اللى بيفتح الباب أو بيسيبه مقفول يعنى كل واحد مسؤل عن نفسه فيا اما يطيبوها بفتح ابواب الخير وبكدة يبقى فلحوا وفازوا واما يقفلوها ويفتحوا ابواب الشر وبكدة يبقوا خابوا يالا نقفل أبواب الشر ونفتح ابواب الخير

الله يخليكى سحر بس ماقلتيش انت مستعدة ولا لأ ولا الرجالة بس هما اللى لازم يكونوا مستعدين

طبعاً كلنا سمعنا عن حضارة الاندلس العظيمة والعريقة واللى هى كانت سبب فى تقدم اوروبا الى الان بس حد سأل نفسه هيا ليه الحضارة العظيمة العريقة دى وقعت ...؟؟؟ السبب هو الناس ساعتها لــــيه....؟؟ تعالوا نشوف مع بعض أنقسم العرب وضعفت الخلافة وظهر الفاطميين والمماليك والايوبيين ولكن كانت مشكلة الأندلس كانت اعظم فقد انقسمت الخلافة ألى دول أخرى قد تستطيع الصمود لوحدها ولكن أنقسمت الأندلس الى طوائف يعنى ممكن تلاقى واحد مؤمر على مدينة ذى اسكندرية كدة تلاقيه يستقل بيها عن الخلافة ماهو الخليفة مش هايبص لآخر الدنيا ويسيب اللى حواليه والعرب كمان مكنوش كتير فى الاندلس أصل الناس هناك ماكنوش بتوع حرب فماخدوش فى ايد المسلمين غلوة لما جم يفتحوا البلاد دى بس للأسف لحدوث خلافات فى الخلافة و علشان ناس وقعوا بين الخليفة الأموى وبين موسى بن نصير وطارق بن زياد فما كملوش فتح اوروبا واقتصرنا بس على حتة من أسبانيا والبرتغال وذلك بحجة خوف الخليفة من توسع الفتحات وعدم قدرته السيطرة على البلاد عكس وجهة نظر طارق بن زياد اللى كان عايز يكمل الفتحات ألى أن يكمل أوروبا كلها فتكون بجانب الخلافة بدل ماتكون بعيدة عن الخلافة وقال أن احنا لو ماكملناش الفتح واكتفينا بقطعة قطعة فهاتتاخد مننا قطعة قطعة وفعلاً عدت الخلافة الاموية وعدت العباسية الاولى وجه عصر الخلافة العباسية التانية وبدات الانقسامات بس هو عموماً الأندلس انفصلت عن الخلافة فى اول الخلافة العباسية حيث عندما تولى السفاح الخلافة وهو أول خليفة فى الدولة العباسية قعد يقتل فى الأمويين وكل اللى كان ليه علاقة بيهم فالمهم هرب واحد من الأمويين وهو عبد الرحمن الداخل هو واخوه الصغير اللى عنده 13 سنة ياترى لو كنت انت مكانه كنت هاتفكر فى أخوك ولا هاتقول يالا نفسى الى الاندلس وتحاف مع الأندلسيين وبايعوه على الخلافة وقامت حرب بينه وبين العباسيين ورغم صغر سنه واللى كان وقتها عنده 26 سنة عرف ينتصر على العباسيين وعمل اللى ماقدرشى عليه الخليفة وكبار الدولة الأموية أنت عندك كام سنة دلوقتى وأيه اللى عملته..؟؟ وده كان أول أنقسام وهو الخلافة العباسية والخلافة الاموية فى الاندلس المهم فضلت الاندلس بخيرها لحد ماضعف الخلفاء الامويين وبدء كل واحد يستقل بالمحافظة بتاعته وللأسف ماتدركشى الأمويين الخطا واكملوا فتح اسبانيا على الأقل تخيلوا كدة انا واخد من حد حتة من ارضه ووشى فى وشه ده حتى لو هو سابنى أو ماقدرشى عليا ولاده مش هايسيبوا ولادى والموضوع مش هايخلص وفعلاً كان ملوك اوروبا منتظرين اللحظة المناسبة لأسترجاع مالهم وطبعاً مافيش أحسن من لاحظة الأنقسام للطوائف بس رغم كدة ماهجموش علطول دول كانوا باستمرار باعتين جواسيس علشان يشوفوا أيه النظام وكانت أبرزهم قصة هذا الجاسوس راح الجاسوس على أنه تاجر فالمهم لقى ولد صغير تحت شجرة عمال يعيط وبشدة فقاله أنت ايه اللى بيخاليك تعيط...؟؟؟ قاله أصل انا النبلة بتاعتى ماأصبيتشى الا عصفور واحد بس ومااصابتشى التانى فقاله طيب أيه المشكلة ..؟؟ حد فيكم شايف أن فيها مشكلة المهم انك ضربت عضفور منهم فقاله :أصل ابويا قالنى لو فى اتنين من الفرنجة جايين هاجمين عليك وانت مامعاكشى غير سهم واحد فلو السهم بتاعك ماضرابشى ألا واحد بس التانى هايموتك فى الحال فراح الجاسوس راجع بسرعة لبلده وقال للملك :أوعى تهجم عليهم ..هما مستعدين لينا كويس قوى ومدربين ولدهم كمان وبعد عشرين سنة يعنى بعد مرور جيل راح نفس الجاسوس ولقى شاب طويل عريض وقاعد تحت نفس الشجرة وقاعد يعيض فساله عن ماذا يبكيه..؟؟ فكر كدة معاية ايه اللى ممكن يخلى شاب عنده حاجة وعشرين سنة يعيض..؟؟؟ قاله : أصل حبيبتى سابتنى وكنت مديها ميعاد النهاردة وماجتشى فرجع الجاسوس فرحان لملكه وقاله: هو ده الوقت المناسب وفعلاً أرسل الملك الجيوش وبمساعدة احد الملوك الخونة الذى باع نفسه لأمرأة ووثق فيما ستعضيه ضاعت الاندلس وهى دية وظيفة جاسوس قرار الحرب وهية انه يشوف :ياترى الناس مستعدين للحرب ولا لأ ونفسيتهم عاملة أيه..؟؟ أنت مستعد...؟؟؟

ليه ياجماعة مش بتشاركوا معانا فيها ايه لما تبحث وتسأل لو مش عارف ,الموضوع بسيط يعنى ثويبة هي جارية أبي لهب، أعتقها حين بشّرته بولادة محمد بن عبد الله – عليه الصلاة والسلام ، وقد أسلمت وكل أمهاته صلى الله عليه وسلم أسلمن كانت ثويبة أول من أرضعت النبي صلى الله عليه وسلم – بعد أمه، وأرضعت ثويبة مع رسول اللّه عليه الصلاة والسلام ـ بلبن ابنها مسروح- أيضاً حمزة عمّ رسول اللّه، وأبا سلمة بن عبد الأسد المخزومي وقيل: انه رؤى أبو لهب بعد موته في النوم فقيل له: ما حالك؟ فقال: في النار، إلا أنه يخفّف عني كل أسبوع يوماً واحداً وأمص من بين إصبعيَّ هاتين ماء ـ وأشار برأس إصبعه ـ وان ذلك اليوم هو يوم إعتاقي ثويبة عندما بشّرتني بولادة النبي عليه الصلاة والسلام ، بإرضاعها له. وكان إرضاعها للرسول أياما قلائل قبل أن تقدم حليمة السعدية ، وفي روايات تقول : إن ثويبة أرضعته أربعة أشهر فقط، ثم راح جده يبحث عن المرضعات ويجد في إرساله إلى البادية ، ليتربى في أحضانها فينشأ فصيح اللسان ، قوي المراس، بعيداً عن الامراض والاوبئة إذ البادية كانت معروفة بطيب الهواء وقلة الرطوبة وعذوبة الماء وسلامة اللغة، وكانت مراضع بني سعد من المشهورات بهذا الأمر بين العرب، حيث كانت نساء هذهِ القبيلة التي تسكن حوالي (مكة) ونواحي الحرم يأتين مكة في كل عام في موسم خاص يلتمسن الرضعاء ويذهبنَ بهم إلى بلادهنّ حتى تتم الرضاعة . ظل رسول الله يكرم أمه من الرضاعة ثويبة ، ويبعث لها بكسوة وبحلة حتى ماتت . توفيت ثويبة في السنة السابعة للهجرة ، بعد فتح خيبر ، ومات ابنها مسروح قبلها . وبالنسبة لصفية بنت حيي بن أخطب رضي الله عنها فهى ام من امهات المؤمنين فقد كانت زوجت النبى صلى الله عليه وسلم وينتهى نسبها الى موسى وهارون عليهما السلام وترجع رواية انها زوجة نبى وبنت نبى وعمها نبى هو ان بعض زوجات النبى كان يغيرون منها لشدة جمالها فكانوا يضايقونها بانها بنت بهودى ,حيث أن حيي بن أخطب سيد يهود بنى النضير وأخبرت رسول الله فقال لها: قولي لهما: " إنك لابنة نبي وعمك لنبي وإنك لتحت نبي ففيم تفخر عليك" وعند موت النبى عليه الصلاة والسلام اجتمعت زوجات النبي عنده وقت مرضه الذي توفي به، فقالت صفية أتمنى أن يحل بي ما ألم بك. فغمزتها زوجات النبي، فرد عليهن والله إنها لصادقة. وبعد وفاته صلى الله عليه وسلم افتقدت الحماية و الأمن، فظل الناس يعيرونها بأصلها. وفي عهد عمر بن الخطاب – رضي الله عنه- ، جاءته جارية لصفية تخبره بأن صفية تحب السبت وتصل اليهود، فلما استخبر صفية عن ذلك، فأجابت قائلة" فأما السبت لم أحبه بعد أن أبدلني الله به بيوم الجمعة، وأما اليهود فإني أصل رحمي". وسألت الجارية عن سبب فعلتها فقالت: الشيطان. فأعتقتها صفية. توفيت في المدينة، في عهد الخلفية معاوية، سنة 50 هجرياً. و دفنت بالبقيع مع أمهات المؤمنين، رضي الله عنهن جمعياً. رحمها الله وأسكنها فسيح جناته وسؤالى: من اول من بايع ليلة العقبة الاولى

بـــــكرة ييجى علينا الدور ونقعد مكان كبار السن ونقول على الجيل اللى بعدينا نفس الكلام اللى بيتقال علينا مش مصدقنى..؟؟على عموم بص السينما هى نافذة المجتمع اللى هى فيه أتفرج كدةعلى أفلام يوسف وهبى زمان هاتلاقيه دائما بيشتكى من الجيل اللى قبله ولا الواحد بيتفرج وخلاص فطبعاً نظرتهم جائرة وأحنا مش فاشلين ولاحاجة أو بمعنى اصح ده سؤال نرد عليه بنفسنا طيب ليه..؟؟ لأن أحنا مين ..؟؟ أحنا هو انا وانت وانتى وأنتم فالواحد فينا شايف نفسه أيه..فاشل ولا مش فاشل..؟؟ والفشل مش أنك تعمل حاجة وماتنجحشى لأ الفشل هو انى ماحاولشى انى اعمل حاجة انى ماتعلمشى أنى أستسلم للامر الواقع ان لو حد ماشجعنيش وهدم أمالى أقف واستسلم ليه ,فين الأرادة..؟؟فين التحدى..؟؟فين السعى للنجاح..؟؟فين عدم اليأس اللى اتعلمناه من نبينا محمد عليه الصلاة والسلام وأصحابه..؟؟ هو ده الفشل ومهما حد وقف فى طريقك سواء حكومة او افراد فالواحد فينا لو عمل بجد ربنا مش هايضيع ليه جهده وهايعوضوا عليه فى حاجة تانية ((لكل مجتهداً نصيب)) تانى حاجة ماحدش فينا نظرته دائماً صح سواء كبير او صغير كل أبن آدم خطاء آخر حاجة أيه اللى مش عجبهم فى زماننا,ولاأيه اللى مش عجبنا فى زماننا ياعم الحمد لله أحنا احسن من غيرنا ياعم عيش @@@عيش وكل عيش عيــــش@@@وحلى بجبنة قريش عيش واحلم ببكرة @@مالحلم مش ببلاش عيش وقرقش قراقيش عيش وفرفش فرافيش عيش زى ماأناعايش$$عايش مايهمنيش عيش وماتنسانيش ماهو الرسول عليه الصلاة والسلام قلنا كدة فيما معناه :اللى عايش بصحته ومعاه اللى يكفيه فى يومه فقد ملك الدنيا بما فيها ياعم عيش وقول الحمد لله الحمد لله

الله يخليك ياسرور ويارب فى الفردوس الاعلى انشاء الله وربنا يسهل نشوف بعض ونروح نلعب مع بعض كورة انشاء الله