فراس فراس

ساعات كتير وأنابسمع الخطبة وألاقى الخطيب يقعد يقول ويذيد ويعيد ويقلك على مشاكل ليس لها اول من آخر ولا المدرس فى الفصل , ولا الدكتور فى الجامعة يقعدوا يعيدوا ويذيدوا فى مشاكل الناس ومشاكل الأردن والعراق وفلسطين وأرتفاع الأسعار والسرقة والحرامية ولا لما أقعد فى الترام ولا الاتوبيس ولا فى المشروع والاقى الناس بتقلك شوف البنت ولا شوف الواد لابسين ايه ولا ماشيين ازاى فكنت اتضايق قوى ..لــــــــيـــــــــه....؟؟ لأنهم كانوا يقولوا المشكلة ومايقولوش الحل وانا هنا مش قصدى انك قصرتى ياسحر لا أبداً والله .. وجزاكٍ الله خيراً على طرحك للموضوع والمعلومة اللى أكيد فى ناس كتيرة مش عارفاها....بس كل الموضوع انى حبيت اوضح انا ليه برد على المواضيع بالطريقة دى..هو بسبب أنى مابحبش ألاقى مشكلة وخلاص فبحاول أنى أخلى لها حل عشان كدة انا بحب أسلوب الشيخ محمد حسين يعقوب وخصوصاً فى شريطه المشهور أنت مابتصليش ليه..؟؟ واللى هو فيه بيدور على الأسباب اللى ممكن ماتخليش الواحد يصلى ويحاول يحل الأسباب دى المهم نرجع لموضعنا ونقول ياترى ليه الواحد بيصوم ومابيصليش...؟؟؟ أبداً كل الموضوع أنه ماكنشى بيصلى قبل رمضان فضبعاً جسمه مش واخد على الصلاة كل يوم عكس الصيام اللى واخد عليه كل سنةفمابيستحملشى فغالباً هايصلى أول يومين أو لما يبقى عمل اللى مايعمل هايصلى أسبوعين ويسيب الباقى علشان كدة دايماً لو نلاحظ أن الجوامع بتبقى مليانة خاصة فى أول يومين فى رمضان طيب أيه الحــــــل...؟؟ أولاً بالنسبة لواحد أعرفه أحاول انى أخده معاية للصلاة سواء فى رمضان أو قبل رمضان أما بالنسبة للذى لايصلون وهم صائمي فيحاولو يصلوا من قبل رمضان ويتصاحبوا على ناس بتروح المسجدعلشان يشجعهوم يعنى اتمنى أنى وفقت فى ايجاد الحل

أسمحوا لى بقى ازهقكم شوية بتحليلى للموضوع ده بس فى الأول بقول لأبو تسنيم أنه رده فى الأول عجبنى قوى هى ايه المشكلة....؟؟؟ المشكلة هى ليه الولد مابيتعاقبشى ذى البنت ذى ماقالت سحر , ولا البنت حاجة والولد حاجة ذى ماقال أبو تسنيم , ولا عدم تطبيقنا للشريعة الأسلامية زى ماقالت سحر تانى, ولا غير نفسك وبعدين غير اللى حوليك ذى مارد أبو تسنيم , ولا البنات هما اللى بيعملوا فى نفسهم كدة ذى ماقال أحمد , ولا الأسرة هى اللى بتدفع بنتها لكدة ذى ماردت سحر , ولا الأسلام هو الحل ذى ماأتفقتم فى الآخر أول حاجة ليه صعب على الولد أنه يرتبط بوحدة اخطأت قبل كدة......؟؟؟ السبب لأن الولد والبنت عاملين زى الفلاح والأرض , الولد هو الفلاح والبنت هى الارض ومعلشى لو انا فلاح وحد تانى حط بزوره فى الأرض وزرعها غلط عمرى ماهفكر فى الأرض دى لأن فيها زرع شيطانى وأتزرعت غلط وأخينا التانى خلاص زرعها وساب ذكرى فى الأرض و الزرع الشيطانى بتاعه ده هاينغص عليا حياتى ويخلينى فى حالة شك دايماً وتساؤل ياترى الأرض دى هاتحافظ على زرعى..؟؟ألى فرتت ببلاش بخاضرها وقوتها ولمعانها الأولانى ((معلومة:أول محصول للأرض بيبقى أحسن محصول ليها لان الأرض بتكون لسة بقوتها)) أما الفلاح الأرض مش بتحط فيه حاجة ولا بنسيب معاه ذكرى فبيبقى مش من الصعب عليه أنه يلاقى أرض تانية يزرعها ده حتى يمكن الأرض التانية ترحب بيه لأنه غلط فى زرعته الأولانية فصعب يغلط تانى يعنى بمقولتهم خلاص ده عمل كل حاجة قبل الجواز فشبع وكما يقول أحد الأدباء عن مشكلة الرجل والمرآة يريد الرجل أن يكون أول رجل فى حياة المرأة , وتريد المرأة أن تكون آخر مرأة فى حياة الرجل يعنى هى دى وجهة نظر المجتمعات اللى لسة مافيهاش فكرة البوى فريند بس فى الأول وفى الآخر ذى مربنا ماقال فى ما معناه ((الطيبون للطيبات والقانتين للقانتات والزانيين للزانيات)) يعنى الطيب هايتجوز واحدة طيبة واللى زنى هايتجوز واحدة زنت وكما تدين تدان يعنى مش المجتمع هو الحكم وهو اللى بيعاقب لأ ده فيه رب هو اللى بيحكم وهو اللى بيعدل أما عدم تطبيقنا للشريعة الأسلامية ده راجع على الفرد مننا الأول وبعدين يرجع على اللى حولينا والكلام ده بقوله لية قبل ماقوله لأى حد تانى و لا زم نفتكر كلام ربنا اللى فيما معناه (أن الله لا يغير مابقوماً حتى مايغيروا مابانفسهم)) يعنى أنا لو طبقت الأسلام عليا صح ساعتها اللى حوليا هايطبقوا معاية ومشوار الألف ميل بيبدئ بميل واحد أما البنات هما اللى بيعملوا فى نفسهم كدة فمعلشى بارده الولاد لو مش بيبصوا عليهم ماكنشى البنات عملت كدة بس للأسف الولاد بيشجعهوم على كدة بنظراتهم ليهم وبارده بكلامهم عن شاكيرا وهيفا ونانسى فطبعاً الأنسان عموماً بيحب انه يكون محط الانظار وبيحب يقلد الناس المشهورين فاطروح البنات مقلدة المثل الفاسد ده علشان تقبى بارده محط الانظار اما بالنسبة للأسرة فللأسف هى من العوامل الاساسية لفعل البنات هذا فلقد سمعت فى احد دروس شيخى انها رأى رجلاً يفضل ان تذهب بنته للرقص على انها تتحجب بس معلشى يعنى الواحد لما هايعوز يعمل حاجة هايعملها يعنى اقل حاجة البنت تاخد الحجاب فى شنطتها وتلبسه برة البيت مش لازم يعنى تلبسه قدام ابوها لو رافض موضوع الحجاب مهى أكيد البنت المحترمة بتفكر احسن من البنات اللى بتنزل محترمات ومنقبات من بيتها وتلبس لبس رقصات وهى فى التاكسى أما حكاية شعار الأسلام هو الحل طيب أزاى..؟؟؟ الأسلام هايبقى الحل.......؟؟؟ بتقولوا ان السعودية بتطبق أحكام الاسلام علشان كدة مش بيحصل فيها كدة لا للأسف بيحصل فيها كدة فى السعودية لان الموضوع مش حكومة وبس لا الموضوع حكومة وشعب والشعب مش كويس ازاى هاتبقى البلد كويسة ولو فرضنا أن الحكومة مش كويسة فمعلشى بارده الحكومة من الشعب ولو الشعب كويس هاتطلع الحكومة كويسة يعنى الحل هو تطبيق الأسلام بينا وبين بعضينا الأول وبعدين الحكومة تطبقه مش العكس ده حتى مهما كان الحكومة مش هاتعدى 20% من الشعب ولما يطبق الأسلام 80% من الشعب ساعتها هنبقى دولة اسلامية وعمرنا ماهنبقى دولةاسلامية لو احنا مش بنطبق الاسلام بينا وبين بعضينا حتى ولو الحكومة بتطبقه

من ساعة مادخلت المعهد(أناكنت فى معهد الحاسب الآلى ونظم المعلومات فى أبوقير) ومن اول محاضرة ويمكن كل أول محاضرة كان يدخل الدكتور بتاع أى مادة فيها ادارة أو ليها علاقة بالأدارة كنا أول حاجة نخدها هى أيه هو المدير ...؟؟؟ ويقعد بقى يقلنا كلام عن تقريباً خلاصته ان المدير هو شخص يدير مجموعة من الاشخاص لتحقيق هدف معين ويقعد بقى يقسم لينا المدراء ووظائفهم وأنواع الأدارات المهم لاقيت أن طرق حل المشكلة أوتحقيق الهدف مابتختلفشى من ادارة لأخرى ده حتى لاقيت أنها ليها شبه فى تحقيق النظريات سواء فى الرياضة أو فى العلوم , يعنى اللى أستنتجته فى الآخر أن طريقة حل المشكلة بشكل امثل يمكن واحدة يعنى ممكن الواحد فينا يحل مشاكله بارده بالطريقة دى وكان لازم يقلنا أيه هى خطوات حل المشكلة أو تحقيق الهدف...؟؟؟ اللى كان مضمونها 1: تحديد المشكلة : يعنى انت لازم تحدد أيه مشكلتك بالظبط...؟؟ يمكن أنك أساساً ماعندكشى مشكلة وأنت بس معيش نفسك فى جو من المشاكل أو الطبيعة اللى حوليك هى اللى بتخليك تقول كدة يعنى ليه نعمل مشكلة بدون مشكلة 2: بنجمع كل البيانات المتاحة عن المشكلة دى ونعملها عملية معالجة ونحولها لمعلومات يعنى البيانات دى قد تكون ارقام او نصوص متفرقة عن بعضها أو مستخبية بين السطور واحنا بنربطها بعضها لحد مانكون عندنا أكبر كمية متاحة من المعلومات 3: وضع البدائل والأختيارات يعنى خلاص انت حدد هدفك بتخطط بقى وبتشوف أيه الطرق لتحقيق الهدف اللى انت بتسعى ليه وبتشوف أيه البدائل النتاحة امامك 4: بعدين نقيم كل بديل يعنى بنشوف كل بديل ونتخيل نتيجته فى المستقبل ومن خلال المعلومات اللى عندنا بندى كل بديل ذى نقطة عن كل معلومة متاحة عندنا 5: الأختيار والتجربة بنختار أكتر بديل دعمته البيانات وبعدين بنعمله أختبار يعنى بنشوف البديل ده هيحقق الهدف اللى انا حطيته ولا لأ وده عن طريق تخيله فى اكثر من ظرف وعن طريق أثر هذا البديل على أشخاص أو منظمات اخرى 6: أذا نجحت التجربة بنختار البديل وأذا لم تنجح بنرجع تانى من أول خطوة لحد مانشوف أكتر بديل يحقق لينا هدفنا أنا عارف الموضوع يمكن معقد شوية أو مش واضح بس أنا هاوضحه بعد كدة بالأمثلة

شـــــــــكراً ســـــــحر على كلامك وردك الحلو ده وانتى كمان لوعزتى حاجة انا محلل نظم معلومات وأنشاء الله لينا جلسات مع بعض كتير

موضوع حلو سحر بس كان هايبقى أحلى لو كان اسمه أعرف الكئيب لان الواحد بكل بساطة بيعرف الكئيب من وشه بمجرد مايبصله والكئابة سعات بتكون فترة وبتعدى مش لازم الواحد يبقى طول حياته كئيب بس ياترى الكئيب بيكتئب ليه........؟؟؟؟ هى الكآبة بتيجى للواحد من الزعل طبعاُ ومن الهموم اللى حوليه ولو ماعرفشى ينتصر على زعله وهمه هايفضل كئيب وطول ماهو مرتاح وهو زعلان طول ماهو هايفضل كئيب طيب أزاى أنتصر على الكآبة.....؟؟؟وخلهاش تتمكن منى......؟؟؟ مفيش حاجة احسن وأحلى من ذكر الله ((ألا بذكر الله تطمئن القلوب)) بعض الحالات العامة المسببة للكآبة دايماً للأسف بلاقى الشباب زعلانين على فقدان حبيبه , كأن حبيبها أو حببته دول خلاص لاقبلهم ولا بعدهم لأ والأغرب تلاقى ان الموضوع بادئ هزار يعنى وبالنسبة للشاب بالذات بيقول أهى واحدة امشى معاها شوية وأشوف غيرها لم ازهق منها هو ده دائماً بداية الموضوع ,المهم,بيبدئ يشوفها مرة وراء التانية وهى تبدئ تشوفه وبعدين مع الوقت بيتعلقوا ببعض وده شئ طبيعى من الناحية العلمية والدينية أزاى.......؟؟؟ اولاً من الناحية الدينية بيقلك أصابنى بنظراته بسهم من سهام كيوبيد هى فعلاً النظرات سهم بس كيوبيد ده من خيال البشر والمفروض يقولوا أبليس وده للقول :النظرة سهم مسموم من سهام أبليس فعلاً النظرة سهم بس سهم مسموم بيسمم أفكار الناظر واللى بينظر عليه فمن النظرة دى ألا ان يلتقوا ويظلون ناظرين لبعضهم هاتنطبع صور بعضهم فى مخيلاتهم ويقعدوا بقى يفكروا فى بعض طول الوقت ويعيشوا مع بعض فى خيال واوهام من صنع الشيطان((ماأجتمع رجل وامرأة ألا وكان ثالثهم الشيطان)) طيب من الناحية العلمية بمعنى بلدى قريب من العين قريب من القلب يعنى طول ماهو قدامك وبتشوفه دايماً طول ماهاتحبه أكتر لأن صورته هاتتخزن جوة عقلك وهاتتثبت أكتر وأكتر طول ماانت بتشوفه وطول ما انت بتدخل الصورة لعقلك كل يوم طول ماهاتفكر فى الصورة دى وستثير خلايا مخك بالتسائل عنها طيب الحل أيــــــــه....؟؟ الحل واضح أنى بكل بساطة اسمع كلام ربنا ورسوله يعنى مثلاً مابصش وأن حد بص لي مردلوش البصة علشان ماأفتحشى باب للشيطان .. ومن الحاجات العامة اللى بتسبب الكآبة أيضاً الحالة المادية تلاقى رب الأسرة بيحسب ويفرك ويتعب دماغه علشان يوفر قرش ذيادة لاولاده أو أى حد مش عاجبه حالته المادية طيب ماأنا خلاص عملت اللى أقدر عله هافكر ليه وأتعب دماغى ليه مادام التفكير مش هايذودنى حاجة ومادام فيه ربنا هاخاف من أيه وهاقلق من ايه ماهو زى مارزقنى وانا صغير هايرزقنى وانا كبير يعنى خلاصة الكلام طول ماأنت مع الله طول ماأنت ماهتكتأب يارب نفضل مع ربنا علطول

لا بجد موضوع مميز ومختصر ومفيد رائــــــــــع أخـــــى

ربنا يخليهم ليكى فعلاً الحب هو ده اللى لازم يكون بينا وبين اخوتنا بس الفرجة على افلام الكارتون مش عيب ده بالعكس ده شئ كويس قوى انا عن نفسى بحب أتفرج على مسلسلات الكارتون كتير ويمكن مابتفرجشى على حاجة غيرها ألا على قناة الناس أو قناة الرسالة وده بسبب ان الكارتون دايماً بيبقى برئ طبعاً انتم فهمين قصدى ودايماً الكارتون بيحاول يوصل ليك رسالة معينة رسالة معينة زى الصداقة وأيه معنى انك صديق وأيه واجبك ناحية صاحبك وده تلاقيه مثلاً فى كارتون ذى بيدا مان , وذى الأخوة وأيه واجب الاخوات ناحية بعضهم وده تلاقيه فى كارتون زى أنا وأخى أو أنا واختى , وفى كارتون بيخليك تفكر معاه وتشغل دماغك ذى كونان , وفى كارتون لما تتفرج عليه بيحسسك بالحماسة والقوة ذى الشبح , وفى كارتون بيوريك انك علشان توصل للانت عايزه لازم تتعب عشانه ذى دراغون بول وبحييك على صبرك مع اختك وياريت نكون احنا كلنا كدة مع أخوتنا يعنى انا مثلاً كنت للأسف آسى كتير مع اخوية اللى أصغر منى بخمس سنين وأنا صغير وهو أخويا الوحيد , الكلام ده وهو عنده لسة تلت سنين كان بيحبنى قوى وماكنشى بيحب يسبنى ,كنت مامطرح أروح ييجى معاية أنشاء الله حتى رايح أجيب عيش من الفرن وجى ماكنشى يرضى يسبنى حتى لما أروح خارج مع اصحابى أو رايح ألعب معاهم ماكنشى برضه يرضى يسبنى لحد ماجيت فى يوم وضربته ضرب جامد عشان يسبنى براحتى مع اصحابى شوية وللأسف صحابى شجعونى على كدة ,بس السبب فى انى تعاملت معاه بالضرب مش بالكلام هو والدى صراحة لانه كان بيعملنا كدة, بس للأسف الموقف ده أثر فيه جامد وأثر فى تكوين شخصيته ألى هو عليها دلوقتى يعنى وهو من سعتها بقى جامد فى تعامله , سريع الغضب ومن السهل حد ينرفزه ,بس هو الحمد لله أحسن دلوقتى بكتير عن الأول , وأنا بصراحة زعلان قوى وندمان جداً على أنى فى يوم من الأيام ضربت أخويا ,رغم أن أنا كنت صغير ساعتها , بس بارده أنا كنت من المفروض أراعى أن هو الصغير وأن أنا أخوه الكبير يعنى هو مسئوليتى وهو ده السبب اللى خلانى اكتب الموضوع ده يعنى لو أنت أخ صغير تعرف أيه اللى بيضايق أخوك الكبير منك فماعتملهوش ولو أنت أخ كبير تعرف أزاى تتصرف مع اخوك الصغير وماتتصرفشى معاه تصرف ممكن يغير له حياته كلها ولو أنت أب أو ام حاول ماتفرقشى بين ولادك وتميز بينهم حتى ولو بالكلام الحلو أو الوحش أو بالمعاملة الحلوة أو الوحشة , لأن ده هو السبب الأساسى اللى بيخلى الأخوات يبعدوا عن بعض ومايقفوش جنب بعض ذى مامحنا بنشوف فى الزمن ده وأفتكر حديث الرسول صلى الله عليه وسلم((أعدلوا بين ابنائكم أعدلوا بين ابنائكم أعدلوا بين أبنائكم)) فيالا ياجماعة كل واحد يكتب علشان كلنا نستفاد من بعضنا

ربنا يخلهالك لحد ماتشوفها دكتورة انشاء الله بس فعلاً موضوع الكدب ده مشكلة كبيرة ولازم نحلها عند الاطفال وهما صغيرين حتى لا يكبروا عليها طيب أزاى.....؟؟؟؟؟ تعالوا نشوف أيه اللى بيخلى الطفل يكدب....؟؟؟؟ بس الأول نفتكر الموقف ده من الرسول صلى الله عليه وسلم فى أحد الايام رأى الرسول صلى الله عليه وسلم أم مخبية أيديها وبتقول لأبنها تعالى وهاديك تمرة فقال لها الرسول صلى الله عليه وسلم أن لم تعطه لحسبت عليك كذ بة طيب أيه المستفاد من القصة دى.....؟؟؟ أول حاجة ان الكدب كدب وحتى لو على طفل صغير طيب ده طفل ومش فاهم حاجة ومش هايضر حاجة لو كدبت عليه او وعدته وخلفت وعدى لا للأسف ده هيضر كتير أنتم عافين أن الطفل اول مايتولد مابيكنشى شايف طيب بيبدئ يشوف أزاى...؟؟؟ عينيه بتبدء تدور على النور لحد مايلقط مع العصب البصرى بتاعه علشان كدة لو عند اى حد فينا طفل يحاول على قد مايقدر أنه مايحطوش قدام أكتر من مصدر نور علشان مايحولش ونفس الموضوع من ناحية سلوك الطفل وعقله وقلبه عقله بيدور على النور اللى حوليه اللى هو أحنا وبيترجم تصرفاتنا وردور افعالنا علشان يعنل زينا أزاى.......؟؟؟ بس برضه عايز أفكركم بحديث للرسول صلى الله عليه وسلم ان مرة كان فى واحد قليت له ان ليه ابن سنانه ضعيفة شوية وبياكل تمر كتير فى بيخليها تضعف اكتر فقلت للرسول صلى الله عليه وسلم أن يقل لابنها أنه مايكلشى بلح فالرسول صلى الله عليه وسلم مارضى انه يقل لابنها فى نفس اليوم وقال انه هايقله بكرة وفعلاص قال له الرسول فى اليوم التالى ولما سال عن عدم قوله له فى اليوم الاول قال انه بسبب أنه كان واكل تمر فى هذا اليوم وانه استنى فى اليوم التالى حتى لايأكل فيه تمر ويقول له أيه خلاصة الموقف ده ...؟؟ انى ماقلشى لحد يعمل حاجة انا مابعملهاش لانى لو قلتله يعمل حاجة وان مابعملهاش هاقله وانا مش مقتنع وذلك بدليل انى بعمل الحاجة دى وبالتالى هو مش هيقتنع وبالتالى مش هيسمع كلامى دلوقتى نرجع لموضعنا أقل حاجة والحاجة الشائعة دايماً لما حد يتصل بينا بالتليفون أو ييجى يسال علينا وبعدين نقل اطفالنا أن يقولوا للسائل ان احنا مش موجودين وذلك لتعبنا فى اللحظة دى أحنا بنوحى لعقله أن الكدب عادى وانه سهل مش وان لو صدقت وقلتله أن أنا موجود هاتعب يعنى ايه الخلاصة ...؟؟ يعنى ماكنشى انا بقوله أكدب بتصرفاتى معاه وبعدين أجى أقوله ماتكدبشى طبعاً مش هيسمع كلامى وهو ده دايماً السبب الشائع لكدب الطفال وأيضاً هناك أسباب اخرى...... ذى أيه مثلاً........؟؟؟ الـــــــــخـــــــوف ده من الأسباب الاساسية للكدب أزاى......؟؟؟ مثلاً لو أنت بتضربه أو بتزعق له لما يعمل حاجة غلط طبعاً لما ييجى يعمل حاجة غلط تانى هايخبى عليك ولو سالته هايكدب عليك وبكدة أحنا بندفعهم بخوفهم منا ألى الكدب بدون قصد منا ومن الأسباب الاساسية التانية الصحاب بارده ازاى........؟؟؟ هو قاعد يلعب مع صحبه وشايف صاحبه طول النهار بيكدب على اللى حوليه ومبسوط قوى بكدبه (أصل الكدب ده ساعات بيبقى مرض او عادة) فطبعاً هايلقط منه طيب أيه الحل......؟؟ أولاً لا أكدب عليه ولو حتى كدبة صغيرة ثانياً مااخلهوش يكدب حتى ولو بيرد على التليفون ثالثاً ماأخلهوش يخاف منى ذيادة عن اللزوم رابعاً اتخد معاه مبدئ الثواب والعقاب يعنى لو كدب آجى فى يوم انا معوده أخرجه فيه ومخرجهوش علشان كدب خامساً شوف صحابه وتعرف عليهم وحببه فى الكويس فيهم وحاول تبعده عن اللى مش كويس بس ماتبعدوش عنه بنفسك لأن ذى مابيقال(الممنوع مرغوب) وكدة انت ممكن تدخله فى عناد معاك يعنى حاول تخليه هو يبعد أتمنى انى ماكنشى طولت عليكم واتمنى منكم الاستفادة

ده من زوقك بس أخـــــــــى واللى عندى شوية من اللى عندكم

ِِِِِِِِِِشكراً جــــــــــزيلاً أخــــــــــى أبو تسنيم بدعوتك الجميلة دى لى وانا بصراحة أنبسط أوى بكلامك أنت وسحر عنى واتمنى أنى اكون عند حسن ظنكم شـكراً سحر ....شكراً ابوتسنيم

أولاً شكـــــراً لك ســـــــحر علــــــــــى المواضيع الجميلة دى ثانياً السؤال ده يمكن كل واحد فينا بيتعرض له كل يوم ساعات بيكون الواحد صح وساعات بيكون غـــلط بس أزاى أعـــــــرف أنى أنا صح ولا غـــــــلط.....؟؟؟ *********هو ده السؤال********** ياترى رأيى ألى انا متمسك بيه ده انا متمسك بيه لــيـــــه.......؟؟؟ عناد منى ولا كان فى حاجة بتدعم رأيى وهل أنا مستعد اساساً للاقتناع براى غيرى زى تعالوا مثلاً ناخد كمثل جاليليو أيـــــه الى كان مخليه متمسك برأيه أنه كان فى حاجة بتدعم كلامه زى مجهوده والحقائق العلمية والطبيعية طيب أيه اللى كان مش مخلى الناس تصدقه.....؟؟؟ دولت عــــــلشان انهم أتعودوا على ان الارض مستوية وأساساً مش مستعدين أنهم يصدقوا حاجة غير كدة وبالتالى ماصدقوش جاليليو أما بالنسبة للموظف ((((((ولكل مجتهداً نصيب))))))) مادام أنا تعبت واجتهدت يبقى ماأشغلشى دماغى بمين يترقى ومين مايترقاش لأنى واثق أن ربنا موجود وانه مش هيسيب حقى يضيع وطول ماأنا بصبر طول ماهتكون مكافئتى أكبر وأكبر مثال على كدة جاليليو رغم أن الله اعلم ماذا كانت ملته ألا أن الله العدل لم يضيع عمله هباءً وعلى طول ماسجن وعذب ومنبوذ على طول ماأصبح الان عالماً مشهوراً يضرب به المثل وتنتقل ذكراه من جيلاً ألى جيل أما بالنسبة لنادية والكاتب فلم يفكروا أصلاً فى الأستماع للآخرين فنادية عاندت اهلها وماكنشى عندها استعداد أنها تتنازل عن رايها والكاتب نسى انه يكتب للناس فكتب لنفسه ومن نفسه الى ان افاق أخيراً وقرأ كتاباته بعين الناس أما أنا عن نفسى فبعد تجميع البيانات وتحليل المعلومات فلن أشرب من الكاس وذلك أولا ً تعالوا نحسبها مع بعض من المعروف ان من الممكن انه يتنقل المرض عبر المياه وقد تم أكتشاف المرض وذلك من خلال تغير سلوك الناس بعد شربهم من النهر فبكدا النتائج بتقول أن النهر به مرض وبكدة بندى نقطة لعدم شرب الكأس تانى حاجة الملكة لو افترضنا انها كانت مجنونة ثم شربت من الكأس فعقلت فهل هى لو كانت تتصرف بعقلانية ستقوم فى اول اليوم لتشتكى زوجها الذى مازال نائما ولم يعمل لها شئ وهو نائم وبكدة ندى نقطة تانية لعدم شرب الكاس تالت حاجة الحرس لو فكرنا هما ليه شربوا الكاس رغم انه من المفترض انهم حرس الملك ويمتثلون لاوامره ورغباته وأنهم موجودون لحمايته فمعنى أنهم شربوا الكاس فذلك من المفترض ان يكون لصالح الملك وان وجدو ضرراً فيه لاخبرو الملك وحموه من شربه وبكدة ندى نقطة أولى لشرب الكأس رابع حاجة الطبيب من المفترض أنه ادرى واحد بالمرض واعراضه ولن يشرب الكاس ألا أذا كان بمقدوره علاج نفسه وبكدة ندى نقطة تانية لشرب الكأس خامساً وأخيراً الوزير دائماً طبيعة الوزير المصلحة وهو من سيكون الوحيد المستفيد من شرب الملك الكاس لانه من سيمسك مقاليد الدولة من بعد ما يجن الملك وبكدة ندى نقطة تالتة لعدم شرب الكأس يعنى النتيجة 3:2 يعنى ماشربشى الكاس يمكن لو كان شويبس أشربه

كلاً منا قد يكون له أخ اصغر منه أو اكـــــبر بس ياترى المفروض أتعامل معاه أزاى...؟؟؟ لما يغلط..؟؟أكتفى بنظرة قاسية ولا أكلمه ولا أضربه..؟؟ لما يكدب ..؟؟ أعمل معاه أيه..؟؟ ولما يحزن ..؟؟ ولما يفرح..؟؟ ولما أجــــى أعـــــــلمه حاجة أعـــــــــــلمه أزاى...؟؟ ولما يمرض..؟؟ لما يكون مع أصحابه..؟؟ ولو انا الأخ الصغير أتعامل مع اخوية الكبير أزاى....؟؟ لما يزعقلى..؟؟ لما يضربنى...؟؟ لما أزعل منه...؟؟ لما يــكون مع أصحابه..؟؟ أســــئلة كـــــــتيرة محتاجة لأجابة ومحتاج كل واحد فينا يجاوب عليه وساعات لو انت أخ كبير فى حاجات بتضايقك من أخوك الصغير وأيضاً فى حاجات بتضايق أخـــــوك منك فـأيه رأيكم ياجماعة كل واحد فينا يقول أيه اللى بيضايقه من اخوه حتى نستفاد ومنعملشى حاجة تضايق اخوتنا منا أو ممكن كل واحد فينا يحكى حكاية عن الأخوة وياريت ماننساش ياجماعة أن المسلم اخو المسلم يعنى مش شرط يكون أخوك شقيقك يالا ياجماعة مستنيين مشاركاتكم

شــــــــــــكـــــــــــــراً لك أخــــــــــــــــــــى عـــــــــــــــلى ردك الأكثر من رائـــــــــــــــع

يسعدنى انى بكون أول واحد بيكتب فى القسم ده لأنى بحب الاطفال جداً طبعاً عارفين ليه أحنا بنحب الأطفال ...؟؟؟ أو أيه اللى يخليك تحب اى حد ...؟؟ الموضوع بكل بساطة كما قال الرسول صلى الله عليه وسلم فيما معناه: أن الله لما بيحب حد بيخلى الملائكة وأهل السماء يحبونه وبعدين يخلى أهل الارض يحبونه طيب ليه..؟؟ أيه اللى يخلى ربنا يحب حد...؟؟ عايزين كل واحد فينا يسال نفسه سؤال...؟؟؟ أنت بتحب ربنا....؟؟ غالباً هاتقولى طبعاً بحب ربنا فهرد عليك واقولك :طيب أيه الدليل على حبك لربنا...؟؟؟عندك دليل...؟؟؟هاتقولى :هو فى دليل على الحب ..؟؟طبعاً فى دليل على الحب لو أى حد فينا بيحب حد أقل حاجة مش هاحاول أنى ازعله طيب أيه اللى يخلينى ما ازعلوش اول حاجة اسمع كلامه تانى حاجة مااعملشى حاجة تضايقه ياترى انت عملت كدة....؟؟؟ ياترى سمعت كلام ربنا وعملت الخمس الواجبات الاساسية اللى عليك...؟؟ صليت...؟؟صمت...؟؟ كنت قادر تزكى وزكيت...؟؟ كنت قادر تحج وحجيت...؟؟ واهم حاجة أنت مؤمن أن ربنا موجود ومفيش ألاه غيره..؟؟ وان سيدنا محمد بعته ربنا ليرشدنا الى طريق رضى ربنا..؟؟ وبعد كدة سمعت كلام مرشدنا اللى بعته ربنا وقال ماتكدبشى ماتضرش اخوك ماتعملشى حاجة غلط ياترى عملت كدة....؟؟؟ عارف لو انت عملت كدة يقبى انت ربنا بيحبك بمشيئته وبالتالى كل الكون هايحبك طيب ايه دخل الموضوع ده بالاطفال..؟؟ الطفل برئ جميل أول ما بيتولد لا بيعرف يكدب ولا يغش واول ما بيتولد هو مسلم, مسلم أمره لله علشان كدة هو ماعندوش ذنوب ومبيعملشى حاجة تزعل ربنا منه لحد مايبدئ يكبر ويشجعه اللى حوليه على الغلط او على الصح فيبدئ يغلط ويبدئ الناس تزعل منه فيا اخى الطفل امانة فحافظ عليها سواء كان أخوك أو ابنك او جارك او قريبك فبمجرد ابتسامتك ليه لما يغلط كدة انت بتشجعه على الغلط من دون ماتقصد فهيا بنا نحافظ عليهم فهم من سيخلفونا مبحرين على سفينة الأسلام فى بحر الحياة

شـــــــــكراً أخــــــــــــى أنا سامع الموضوع هذا من زمن وكان نفسى أشوف الصور وعلى ما أعتقد أن سبب النور المنبعث من الحرم بالذات هو طوف الملائكة به وكما نعرف جميعاً أن الملائكة من نور فيصبح شئ طبيعى لو ينبعث منها النور عن باقى رقع الأرض

جـــــــزاكم الله خـــــــــيراً أخــــــــــــــــــى وله فى ذلك حكم