فراس فراس

بالعفو يارومانسية وأنا حبيت أضيف حاجة ليها علاقة بالموضوع هى حب سيدنا محمد بن عبد الله صلى الله عليه وسلم لأم المؤمنين خديجة رضى الله عنها عايزين نشوف هى ليه أختارت النبى وليه اخترها النبى...؟؟ هى اختارته لانه الصادق الامين ولكرم أخلاقهوده اللى الناس بقتوله عليه ولأنه حافظ على تجارتها يعنى ماأكتفيتشى باللى شفته فيه لأ دى شافت الناس بتقول عليه أيه لدرجة انها عرضت نفسها عليه للزواج وفكر رسول اللَّه ( في الأمر، فوجد التي تدعوه إلى الزواج امرأة ذات شرف وكفاءة، من أوسط قريش نسبًا، وأطهرهم قلبًا ويدًا، فلم يتردد. وهنا بقى نشوف أكبر وأروع امثلة الحب وده بعد الجواز لما شافت النبى بيحب حاجة عطته ليه وبدون تفكير فلما رأت حبه ( لخادمها زيد بن حارثة وهبته له. ولما نزل عليه الوحى هى اول ماآمنت به فلما جالها مرعوب لما نزل عليه جبريل غطيته وطمنته بكلمات يذيب لها الصخر قائلة: "كلا واللَّه، ما يخزيك اللَّه أبدًا؛ إنك لتصل الرحم، وتحمل الكلّ، وتُكْسِبُ المعدوم، وتَقْرِى الضَّيف، وتُعين على نوائب الحق" [البخاري]. وكانت -رضى الله عنها- تهيئ للنبى ( الزاد والشراب ليقضى شهر رمضان في غار حراء، وكانت تصحبه أو تزوره أحيانًا، وقد تمكث معه أيامًا تؤنس وحشته وترعاه ولما الكل سابه هى اللى وقفت جنبه ومهما عدى بظروف صعبة كانت دائماً معاه وماتتخلاش عنه فلما دخل النبي ( والمسلمون شِعْبِ أبى طالب، وحاصرهم كفار قريش دخلت معهم السيدة خديجة -رضى الله عنها-، وذاقت مرارة الجوع والحرمان، وهى صاحبة الثراء والنعيم يعنى ضحت بكا حاجة علشانه وهى دى التضحية وصدق رسول الله ( إذ يقول: "كُمل من الرجال كثير ولم يكمل من النساء إلا مريم ابنة عمران، وآسية امرأة فرعون، وخديجة بنت خويلد" [متفق عليه]. وتُوفيت -رضى اللَّه عنها- في رمضان قبل الهجرة بأعوام ثلاثة، في نفس العام الذي تُوفِّى فيه أبو طالب: عام الحزن كما سماه رسول اللَّه وده يدل على أد أيه الرسول صلى الله عليه وسلم حزن عليهاوأد أيه بيحبها وفضل الرسول عليه الصلاة والسلام يحبها حتى بعد موتها عن عائشة عند أحمد والطبراني في هذه القصة " قالت عائشة فقلت أبدلك الله بكبيرة السن حديثة السن , فغضب حتى قلت : والذي بعثك بالحق لا أذكرها بعد هذا إلا بخير " " فقال صلى الله عليه وسلم : ما أبدلني الله خيرا منها، قد آمنت بي إذ كفر بي الناس، وصدقتني إذ كذبني الناس، وواستني بمالها إذ حرمني الناس، ورزقني الله ولدها إذ حرمني أولاد النساء يعنى رغم أنها ماتت ألا ان الرسول صلى الله عليه وسلم فضل ذاكرها بكل خير وفضل فاكر مواقفها معاه وهو ده أحسن مثال للحب

انا قول ماقريت الكلمة دى بفتكر الأفلام اللى كنت بشفها زمان وبالنسبة لى الكلمة دى هى الشماعة اللى بيعلق عليها الراجل رزيلته مع المرأة أو عدم جوازه بيها حتى لو تلاحظوا ان دايماً الراجل هو اللى بيقول الكلمة دى ولما يوصل للهو عايزه بيخلع ولحد هنا الافلام صح بس بعد كدة الفيلم مش هايبقى رومانسى وهايخلص بسرعة فيقعد بقى المؤلف يبتكر فى حكايات وحكاوى علشان يطول الفيلم وياخد فلوس أكتر لحد مايخلى الراجل يرجع لحبيبته تانى ياسلام :بقى انا لو مشيت مع واحدة وخلاص خدت منها اللى انا عايزه هارجع لها تانى ده لو مفيش حد غيرها عمرى ماهفكر انى أرجع لها تانى لــــــــيـــــه....؟؟؟ ماهى غلطت معاية قبل الجواز أيه..؟؟اللى هايضمنى انها ماتغلطشى مع حد تانى بعد ماتجوزها ماهو كمان مش عايز يشغل دماغه ويحط نفسه فى مسؤلية ويقرف نفسه ماهو طول ماهو مش متجوز هيمشى مع دى ويحب دى ومفيش بيت يحوش علشانه فلوس ولا أبن عنده مدرسة ولا دروس يعنى عايش حياته بس ياترى ايه هو الحب.....؟؟ الحب :هو مجرد انى امشى مع واحدة وأعيشها اوهام وأعيش معاها فى أوهام من صنع الشيطان ولا الحب هو :أنى أحترم اللى بحبه واحافظ عليه وأحميه وافديه بكل مااملك طبعاً المعنى التانى بس فى حاجة أول حاجة أيه هى التضحية بكل ما املك....؟؟ معقولة ممكن اضحى بشرفى علشان واحد بحبه ..؟؟ لأ طبعاً لانه أساسا الشخص اللى هاضحى بشرفى علشانه مش بيحبنى لانه اساساً المفروض اللى بيحب الأول يحافظ على اللى بيحبه وهو كدة أساساً مش بيحافظ عليا يعنى مش بيحبنى وكمان اللى بيحب بجد ليه يتمشى..؟؟ وليه يتسلى ..؟؟ لازم يحافظ عليه لو انا بحب حد هاحافظ عليه وأطلبه من ايديه ونجيب ولاد وبنات ونعيش فى تبات ونبات وولا هايهمنا فقر ولا غيره كل اللى هايهمنا بتنا نكبره وولادنا نربيهم على طاعة وحب الله ورسوله ومادام انا ماشى صح ونيتى خير ربنا هاينولنى الخير ماهو نبينا قال الله فى عون اثنين مقبل على زواج ورادد دين واللى يحب حبايبى ربنا ورسوله هو ده اللى بحبه وكتر ماهايحبه اناهاحبه وكتر ماهايعزه أنا هاعزه هو ده الحب

أول حاجة اخى انا جبت لك القصة اللى بتاكد كلامى بالنسبة لمصعب بن عمير رضى الله عنه اما اللى اتكلمه فى المهد انا متاكد من الثلاتة اللى انا قلتهم وجبت الدليل على كلامى وياريت ياأخى تجيب القصة بتاعت أبن ماشطة فرعون واللى فى قصة سيدنا يوسف عشان نستفاد منها أما الأجابة على سؤالك فهو سعد بن ابى وقاص رضى الله عنه خال الرسول صلى الله عليه وسلم واللى حياته كلها عبر تستفاد منها فاول ما اسلم حاربه اهله على اسلامه وعلى راسهم امه ختى انها اضربت عن الطعام وكادت ان تموت ألا انه لم يرجع عن الاسلام وقال لها :تعلمين والله يا أمّه.. لو كانت لك مائة نفس، فخرجت نفسا نفسا ما تركت ديني هذا لشيء.. فكلي ان شئت أو لا تأكلي وهو اللى استفداه الرسول صلى الله عليه وسلم بابيه وامه وكان مجاب الدعوة ولايخطئ سهمه واللى قال عليه الكلمة دى هو عبدالرحمن بن عوف وده لما ارادوا ان يبعثوا بأحد يسيطر على الوضع فى العراق ويطرد الفرس وطلب اقوى الامثال فى معركة القادسية حيث هزم الفرس وهم المائة الف والمسلمين كانوا فقط 30000 وبعدها بسنتين فى معركة المدائن لما راحوا يعدوا نهر دجلة بيقال انهم عدوا على النهر كانهم ماشيين على الارض سبحنك ربى وفى المعركة دى لم يفقدوا حتى لجم فرس وكان النصر والحمد لله ولما مات كفن بثوبه الذى حارب به وهو فى بدر رضى الله عنه سؤالى : من هى زوجت نبى وبنت نبى وعمها نبى

شــــكراً جزيلاً أبو تسنيم على الأضافات الجميلة اللى انت اضفتها ووضحت بيها الموضوع اكتر وذى ماقلت أهم الأسرائيليين بيعترفوا وعشان كدة مدخلينا الوصلات والانترنت علشان يلهونا والمواقع اللى مالهاش لزمة أنتم عارفين ان المواقع دى عملوا فيها أحصائية وشافوا مين اكتر ناس بيدخلوها مش هاتصدقوا...... المركز الأول خدته السعودية المركز التانى أيران المركز التالت البحرين وقطر المركز الرابع مصر والصين اللى فيها أكتر تعداد سكانى واخدة المركز العاشر يعنى من الآخر فى حرب علينا علشان ماننزلشى ونصلى الفجر ماهو طبعاً هو فى حد هايفضل سهران على الشوتايم ولا اوربت ولا على موقع من المواقع اياها ويروح يصلى الفجر فبصوا ياجماعة مفيش الا حل واحد يا اما تصوموا يا اماتتجوزوا ويالا بينا نصلى الفجر ونهزم أسرائيل ولا فى حد مش عايز يحرر فلسطين,,,,,,,,؟؟؟؟؟؟؟؟؟؟؟

أبداً الموضوع بسيط جداً وده هايبان فى القصص اللى هاقولها ليكم دلوقتى ونبدء بالحجاج بن يوسف الثقفى وده كان راجل شديد قوى وماكنشى يهمه حد واللى يقع تحت ايده خلاص يبقى مات ماهو اللى قال لما سمع عن بعض الثوار :أرى رؤساً قد أينعت فقد حان وقت قطفها يعنى بالنسبة له القتل ده حاجة بسيطة جداً والحل الجذرى لاى مشكلة يعنى بشكل أبسط اى حد عامل مشكلة أنا ليه أتعب نفسى واحكمه وبعدين يدخل السجن ويطلع وممكن يعمل مشكلة تانى لأ انا اريح دماغى واقتله وهو اللى كان ماسك العراق فى عهد عبد الملك بن مروان ومن كتر قسوته قالوا عليه :انه لما اتولد مرضاش يرضع من امه ألا بعد ماشرب دم جدى والله اعلم بصحة الحكاية دى يعنى راجل عايش من اول ماتولد على الدم المهم أن رغم شدته دى ألا انه فى راجل خلاص الحجاج كان هايقتله ألا انه سأله سؤال قبل ان يفعل أيه هو السؤال ده....؟؟ قال له :انت صليت الفجر اليوم فرد عليه الرجل :فقال نعم صليته فى جماعة فسابه الحجاج ومعملهوش حاجة ولما سالوه : أنت سبته ليه...؟؟ قال اصل أنا سمعت عن أبى : أنه قال انه سمع الرسول صلى الله عليه وسلم قال : أنه من صلى الفجر فى جماعة أصبح فى ذمة الله ومن تعدى على ذمة الله أنكب على وجهه فى النار وجر فيها فانت بقى لو عايز تبقى فى ذمة الله يبقى أنزل وصلى الفجر فى جماعة فيالا بينا نروح نصلى الفجر فى جماعة ولا فى حد فينا مش عايز يبقى فى ذمة الله انتم عارفين فى حاجة كمان فقد قال الرسول صلى الله عليه وسلم فيما معناه أن اللى بيروح يصلى الفجر ربنا بيعطي له نور وفى يوم القيامة لما نيجى نعرض على النار واحنا ماشيين على الصراط المستقيم تخيلوا النار هاتقل الناس اللى بتروح تصلى الفجر ايه.......؟؟؟ النار هاتتكلم وتقول : اسرع يا عبد الله فان نورك كاد ان يطفئ نارى يعنى كان اللى بيروح يصلى الفجر من كتر النور اللى ربنا هايعطيه ليه هايطفى نار جهنم يعنى كأنه خلاص ضمن الجنة باذن الله فيالا بينا نروح نصلى الفجر علشان ندخل الجنة باذن الله

أيه ياجماعة السؤال مش صعب كدة على العموم هو هو نفس الصحابى اللى كان أول سفير فى الأسلام وبسبب شبهه الكبير بالرسول عليه الصلاة والسلام لما أتقتل فى غزوة أحد طلعت أشاعة ان الرسول عليه الصلاة والسلام قتل وهو هو نفس الصحابى اللى كان قبل الاسلام لما يمشى من شارع وييجى ناس فى اليوم التالى فى نفس الشارع يعرفوا انه عدى من الشارع ده , وده بسبب كتر العطور الفاخرة اللى كان بيحطها يالا بقى دى بقت سهلة خالص

الواحد فينا خبرته بتقاس بالمواقف اللى تعرض ليها اوسمع بيها بس ياترى أتعلم منه ...ولا عدت عليه كدة وخلاص...؟؟؟ فأنا هنا هاحط بعض المواقف اللى عدت عليا واتعلمت منها وياريت لو حد عنده موقف بارده يقوله علشان نستفاد اكتر واول موقف هاقوله هو موقف عروة بن الزبير وعروة بن الزبير هو بن الزبير بن العوام (حوارى الرسول صلى الله عليه وسلم ومش بس كدة ده كان أبن عمة رسول الله صلى الله عليه وسلم صفية بنت عبد المطلب رضى الله عنها وقد قتل الزبير بن العوام رضى الله عنه فى موقعة الجمل وقد قتله بن جرموز وامه هى اسماء بنت ابى بكر (ذات النطاقين رضى الله عنها وأخوه عبد الله بن الزبير صلبه الحجاج ولولا ان عروة كان صاحب عبد الملك بن مروان اللى كان خليفة المسلمين وقتها ماكنشى الحجاج سابه المهم نرجع لقصتنا فقد علمنا عروة حاجة ثمينة جداً وهى كيفية الأيمان بالله وشدة التعلق به وازاى ان الايمان نصفه صبر ونصفه شكر.......؟؟؟ روى انه وهو ذاهب الى دمشق مرض بمرض فى رجله واخد المرض يشتد عليه حتى قال له الأطباء أنه لازم يقطعوا رجله علشان ماينتشرشى المرض فى باقى جسمه فعرضوا عليه خمرا أو مخدر فى روايتين الله اعلم مين اللى صح فيهم بس هما بيدوا نفس المعنى الرواية الاولى: عرضوا عليه أن يسقوه مخدرا لئلا يحس بألم القطع فرفض ذلك قائلا: ما ظننت أن أحدا يؤمن بالله يشرب شيئا يغيب عقله، حتى لا يعرف ربه عز وجل، الرواية التانية: إنهم قالوا نسقيك الخمر حتى لا تجد لها ألما، فقال: لا استعين بحرام الله على ما أرجو من عافيته، ، المهم كان رده تقريباً واحد وهو انه قلهم ولكن إذا كنتم ولابد فاعلين، فافعلوا ذلك، وأنا في الصلاة،وأنا ساجد فإني لا أحس بذلك ولا أشعر به، فنشروا رجله من فوق الأكلة من المكان الحي احتياطا أنه لا يبقى منها شيء، وهو قائم يصلي، وكان صائما، فما تضرر ولا اختلج لأ ولما خلص صلاة قلهم انتم خلاص خلصتم لأ ومش بس كدة ده كمان أبنه مات فى نفس اليوم فبقوا مش عارفين يقولوا له ولا لأ المهم انه حس أن فى حاجة فقالو له فتخيلوا لو حد فينا مكانه كان هايعمل ايه........؟؟؟؟ ياترى شكى ولا قال ليه ياربى كدة هو انا عملت ايه علشان تعمل فيا كدة.......؟؟؟ ولا عمل أيه........؟؟؟ قال كلمة ماتتنساش وهنا بتبان شدة ايمانه بالله وصبره وشكره فى نفس الوقت قال أيه....؟؟؟ قال: الحمد لله أنك أعطيتنى رجلين فاخذت رجل وتركت لى الأخرى والحمد لله أنك أعطيتنى ولدان فاخذت واحد وتركت لى الآخر ياه فى كدة قد أيه بيبقى خاشع وهو ساجد لربنا لدرجة ان هما يقطعوا رجليه وميحسش بحاجة وقد أيه هو مهما حصل له ألا انه بيصبر وبيشكر فرغم ان أتقطعت رجليه ألا انه صبر ومانساش ان ربنا هو اللى كان عطى له رجلين فشكر ربنا أنه ماخدشى الأتنين وماأشتكاش ورغم ان أبنه مات مانساش أن ربنا عطي له ولد تانى وكان ممكن يموت هو كمان يعنى بص للموقف الصعب اللى هو فيه من الناحية الايجابية ومابصش للناحية السلبية وهو ده اللى أتعلمته ليه لما حد فينا يتعرض لموقف صعب أو ربنا ياخد منه حاجة ينسى خالص ان ربنا اساساً هو اللى عاطي له الحاجة دى لأ وكأن ربنا خد منه كل حاجة ليه الواحد مايبصش للموضوع من ناحية تانية وبدل مايشتكى ويقول ليه يارب يقول الحمد ليك يارب عطتنى حاجات كتير قوى وانا ماعطيتاكشى حاجة وأنا رغم اللى اديتو ليا ألا انى مقصر ناحيتك ومش هازعل لو خد منى حاجة انت عطيتها لى بس يارب ماتحرمنيش من انى اسجد ليك لان دى اكتر حاجة بتريحنى ولأنى بحس ساعتها أنك قريب منى وأنا مش عايزك تحرمنى من انى أقرب ليك بس كله بامرك ياربى

وجزاك الله خيراً يا سحر مــاشى بس أنتم حرين انا اسالتى صعبة من هو الصحابى الذى كان اكثر شبهاًبالرسول صلى الله عليه وسلم ولو عــايزبن مساعدة بس قولوا بس انا كنت عايز قول ليه جعفر بن ابى طالب سمى بالطائر بس تعالوا نشوف الاول هو أيه سبب الغزوة...؟؟؟ بكل أختصار الرسول صلى الله عليه وسلم كان باعد رسول لامير غسان فقتل الامير السول وكان ده اول رسول يقتل وكان الامير ده حليف للروم فاستعان بهم لقتال المسلمين طبعاً الكلام ده فى غزوة مؤتة والغزوة دى من اصعب الغزوات اللى مرت على المسلمينوكانت فى سنة8 للهجرة ويمكن كانت اول غزوة يعين فيها الرسول صلى الله عليه وسلم ثلاثة لامارة الجيش ودى لأهميتها وصعوبتها وكان جعفر بن ابى طالب من امراء الجيش وكان هو اللى ماسك لواء الجيش (يعنى العلم)وزمان ماكنشى فى لاسلكى ولا الكلام ده فكان لما العلم يقع يعنى هزيمة الجيش أو انسحابه فكان الصحابة رضى الله عنهم حرسين جداً على اللواء وكان الموقف اللى مش هايتنسى هو موقف جعفر بن ابى طالب فى الاول ضربه الروم فى أحدى زراعيه فقطعوها فمسك اللواء باليد الاخرى يعنى لو حد فينا مكانه يا تـــــرى هاتعمل أيــــــه....؟ فراح الروم قطعين له الايد التانية وبارده تجاهل الالم ونسى الدم اللى بينزف منه وكل اللى كان بيفكر فيه هو الدفاع عن الأسلام لحد آخر نفس فتخيلوا عمل أيه .......؟؟؟ ياترى ساب اللواء يقع منه.....؟؟؟ ولا أيـــه....؟؟؟ لا ده أحاضه بصدره وسنده بعضديه(اللى باقى من اديه) فأبدل الله يديه بجناحين يطير بهما فى الجنة ولما شافوا جروحه لاقوه مجروح اكتر من تسعين جرح مابين ضربة سيف وطعنة رمح وهو بالمناسبة أخو على بن أبى طالب رضى الله عنهما وموئتة دى موجودة لحد دلوقتى فى الكرك بالاردن وفيها قبور الصحابة (زيد بن الحاثة وجعفر بن ابى طالب وعبد الله بن رواحة) المهم بعد ماأستشهد الصحابة الاجلاء أخذ الراية ثابت بن أرقم بن ثعلبة الأنصاري فقال : يا معشر المسلمين اصطلحوا على رجل منكم ، فقالوا : أنت فقال : ما أنا بفاعل ، فاصطلح الناس على خالد بن الوليد فقال رسول الله صلى الله عليه وسلم (أخذ الراية زيد فأصيب ، ثم أخذها جعفر فأصيب ، ثم أخذ ابن رواحة فأصيب - وعيناه تذرفان - حتى أخذ الراية سيف من سيوف الله ، حتى فتح الله عليهم ) رواه البخاري وخالد بن الوليد رضى الله عنه ده حكاية لوحده وبجد ده صحابى ذو تفكير فذ وسبحان الله عرف يجمع مابين القوة والعقل ويوازن بينهم بيقال ان خالد بن الوليد قتل لوحده 7000 جندى من الروم واتكسر فى أديه حوالى سبع سيوف او اكتر وكل ده بس فى الغزوة دى تخيلوا بقى كان كام عدد المسلمين فى الغزوة دى......؟؟؟ مش هاتصدقوا ........كان 12000 وتخيلوا كان كام عدد الروم.....؟؟؟؟ بارده مش هاتصدقوا.........كان 100000 وبيقال كمان أن جالهم مدد ب100000 من امير غسان بس الحمد لله قتل الآلاف المألفة من الرومولم يقتل من المسلمين ألا تقريباً 20 واحد طيب خالد بن الوليد عمل أيه...؟؟ جه فى الليل وغير اماكن الجنود اللى كان مكانه فى الجيش فى اليمين جابه فى الشمال واللى كان مكانه فى الشمال جابه فى اليمين واللى قدام وراء واللى وراء قدام وخلى ناس تبقى وظيفتهم انهما يعملوا غبار فى أخر الجيش فصبحوا الروم لاقيين وجوه جديدة عليهم وغبار خيل فى آخر الجيش فأعتقدوا ان الرسول صلى الله عليه وسلم ارسل مدد فقالوا أذا كنا مش عارفين نعمل حاجة مع ال13000 هانعمل ايه مع المدد اللى جى..؟؟ فقعد خالد بن الوليد يهجم عليهم ويرجع ثم يهجم ويرجع فافتكر الروم ان خالد بن الوليد بيسحبهم لفخ فخافوا وتركوا المسلمين فلم ينتصر ؟أياً من الفريقين بس طبعاً المعركة دى خلت كل العالم يعمل حساب للمسلمين أرجو انى ماكنتش طولت عليكم

السلام عـــليكم هو بارده عثمان بن عفان رضى الله عنه فقد قال رسول الله صلى الله عليه وسلم لكل نبي رفيق ورفيقي (يعني في الجنة) عثمان" [الترمذي] يارب اوعدنا يارب

ذو النورين هو عثمان بن عفان رضى الله عنه وذلك لأنه تزوج من رقية بنت الرسول فتوفت فزوجه الرسول بنته ام كلثوم وقد ولد بعد الرسول عليه الصلاة والسلام بستة اعوام وأستشهد وهو يقرئ القرآن وله من المواقف الرائعة الكثير من ابرزها تجهيز جيش العسرة تخيلوا كدة واحد لما يجهز ويصرف على جيش بحاله لأومش فى اى وقت ده فى وقت كان لسة الزرع ماطلعشى وفى عز الحر لأ ومش رايح يحارب اى حد لا دول كانوا رايحين يحاربوا الروم اللى هما زى امريكا دلوقتى وسؤالى انابقى من هو رفيق الرسول عليه الصلاة والسلام فى الجنة وماحدش يتسرع

ياجماعة لاعزاء بعد ثلاث

معلشى انا اندمجت فى الموضوع ونسيت المسابقة شهيد المحراب هوسيدنا عمر بن الخطاب وده بسبب ان ابو لؤلؤة المجوسى قتله فى المحراب وهو يصلى صلاة الصبح وللعلم كان عمر رضى الله عنه يدعو اللهم إني أسالك شهادة في سبيلك، وموتاً في بلد رسولك فأستجاب له الله والذين تولوا غسل النبى هم علي بن أبي طالب، والفضل بن العباس، وقُثَم بن العباس، وأسامة بن زيد أما لو اتكلمت عن وفاة الرسول فأنا مش هاخلصكم النهاردة عالعموم سؤالى الجى أسهل من هو الصحابى الطائر...؟؟

هو والله أعلم أجبة اخويا أبوتسنيم فى جزء منها غلط لأنى اللى انا أعرفه أن اللى تكلموا فى المهد تلاتة وطبعاً على رأسهم سيدنا عيسى ويمكن أحنا كلنا عارفين قصته اللى ملخصها انه لما اتولد الناس اتهموا امه ستنا مريم وقالوا أحنا مكناش نعرف عنك كدة فأشارة ألى سيدنا عيسى فتعجب الناس وقالوا أنكلم من لازال فى المهد صبيا, فتكلم سيدنا عيسى ,ويبرئ أمه ويبدأ فى رسالته فسبحان الله هنا نتعلم ونقول سبحان الله أن ربنا لما يقول كن فيكون وهنا أثبات أن الموضوع مش راجل وست علشان يحصل ذرية لا ابداً كله بأرادت ربنا وتانى واحد هو فعلاًً الطفل الذى برئ اليهودى العابد وملخص الحكاية أن فيه عابد يهودى كان بيقيم فى بيت من القش والطين وكان طول يومه بين العبادة والسوق يروح يجيب أكله وماكنشى عامل باب لبيته كان بيدخل ويخرج بواسطة حبل من شباك من الدور التانى لبيته وده علشان ماحدش يقطع عبادته فالمهم كانت امه بتيجى وهو بيصلى وبتتوسل ليه أن تشوفه فكان بيحتار بين امه وبين الصلاة فالمهم فى الآخر كان بيختار الصلاة المهم امه لما قعدت تروح وتيجى من كتر مازهقت راحت دعت عليه وقالت اللهم لاتمته حتى يرى بغايا بنوأسرائيل (البغى:من تأخذ الزنى عملاً لها) يارب ابعدنا عنهم يارب المهم عدت الايام وواحدة من البغى دولت عجابها الناسك اليهودى فحاولت توقع بيه وتخليه يزنى بيه بس مافلحتشى فقررت ان تنتقم منه لأنها عرضت نفسها عليه ومارضاش يعصى الله عز وجل فزنت براعى غنم وحملت منه ولما سألوها عن الولد ابن مين...؟؟؟ قالتلهم ده ابن الناسك اليهودى فالناس أتجنت وأستغربت وراحوا على بيت الناسك وهدوه وكانوا عايزين يموتوه المهم قالهم طيب سبونى أصلى وسابوه وصلى وبعدين حط أيده على بطن الصبى المنسوب اليه وقاله أنا أبوك...؟؟؟ فرد الصبى وقال :لا أنما أبى هو الراعى الذى يقف هناك فأعتذر اهل القرية من الناسك وأرادوا أن يبنوا له بيتاً من ذهب عوضاً عن الذى سبقه فابى وقال اريده من طين كما كان فسبحان الله خد بالك من دعوة والديك وياترى هما ليك ولا ...عليك..؟ ولو حد فينا أب او ام اوعى يدعى على ولاده ولو حتى بالهزار أما الصبى التالت فده كانت امه شيلاه وقاعدة بيه فمر من قدامها رجلاً على فرس وذو رفعة وهيبة ويوقره الناس وتحترمه فدعت الام الله وقالت : اللهم أجعله مثله فرد الصبى وقال: اللهم لا تجعلنى مثله ثم عدت من امامها نفراً من الناس قاعدين يضربوا فى امرأة ويتهمونها بالسرقة فدعت الام وقالت :اللهم لا تجعله مثلها قرد الصبى وقال:اللهم أجعلنى مثلها فأتضح بعد ذلك ان الرجل الكبارة المحترم ده كان راجل ظالم ومفترى ودجته فى الآخرة فى النازل طبعاً عارفين فين أما المرأة فكانت مظلومة متهمة زوراً وعدواناً وكانت صابرة على الظلم ده فكانت درجتها فى الطالع فى الجنة انشاء الله فلا تغرك المناظر والمظاهر واهم حاجة انت عند ربنا أيه مش عند الناس أيه

شـــــكراً ندا على الموضوع ومادام الموضوع عن التزوير فأنا أفتكرت انهم كانوا زمان لماكانوا عايزين ينقلوا ختم يروحوا جايبين بيضة مسلوقة ويحطوها على ورق فيه الختم الاصلى وينقلوه منه وساعات كانو بيستخدموا نص البطاطس المسلوقة يالا الحمد لله أن الواحد ماكنشى فى روسيا وهو صغير

شـــــكراً احمد على الستايل الجديد بس هو ناقص حاجة كانت موجودين فى الستايل اللى فات أول حاجة التنسيقات اللى فى الكتابة ذى التحريك لاعلى او لاسفل واللون الفضى والكيبورد العربى بس هو ماشاء الله عليه سريع وجميل بس غامق محسسنى ان الأيام اللى فاتت زارقة وحلوة وخفيفة اللون والأيام دى جية بنية وغامقة بس أنت ماشاء الله عليك شكلك تعبت قوى على ماظبطت الالوان مع بعضها

لـــــيه نقول على البحـــــر كدة.......؟؟؟ أنا بقى من عشاق البحر لأنه كان ساعات هو رفيقى ألى لما أبص ليه يريحنى ويضيع همومى ويقول لى لما أتابع أمواجه :مهما كانت المشكلة صعبة ومهما كانت الموجة عالية مسيرها بتتحل ومسيرالموجة تصغر وتصغر لحد مابيبقى مفيش موج ولا لما أقعد قدامه وهواه يلامس وشى ونسيمه يحيط من حولى ويقول لى أصحى ..فوق ..من اللى أنت فيه ...مافيش حاجة بتبقى ..ومافيش حاجة تستاهل نزعل عليها. وكنت بلاقى فى الآخر انى بقول الحمد لله أنه رزقنا بالبحر ونسيمه بس أحنا ليه بنقول ان البحر غدار...؟؟؟ لأن ساعات والواحد ماشى بمركبته فى البحر يلاقى الدنيا هادية ذيادة عن اللزوم ومفيش حس لأى مخلوق وبعدين فجأة يلاقى عاصفة شيلاه وشيلة السفينة بتاعته باللى عليها ولا ساعات وانت تكون فى البحر تلاقى موجة كدة بتتسحب من وراك وفجأة تسحبك معاها بس بارده الذنب مش ذنب البحر اللى مسؤل عن الامواج والعواصف هى الرياح وبارده الرياح ملهاش ذنب لأن ربنا هو المسؤل عن كل شئ وبيختبرنا بالرياح والبحر علشان نقول فى الآخر سبحان الله يعنى النتيجة أساساً أن البحر مش غدار علشان نقارنه بغدر الانسان وعليكم السلام ورحمة الله وبركاته

شـــكراً يارومانسية على الموضوع وفعلاً الواحد فينا لازم تتوفر فيه الصفات دى بس ياترى ليه دايما لو سالت المتجوزين عن الجواز يقلولك هى الخطوبة وشهر العسل وبقيت الشهور تبقى بصل وخلاص ويمكن توصل لسنة........؟؟؟ هو السبب لأن الراجل يمكن بيمثل قدام الست أنه كل الحاجات الحلوة اللى أى ست ببتمناها فى الراجل وبارده الست بتعمل على راحته وماتحولشى تزعله بارده قبل الجواز وبيستمروا فى التمثيل على بعض كل واحد فيهم عامل فيها اللى بيحلم بيه التانى وأكبر مسلسل حلقاته بتقعد سنة وبعدين مايعرفوش يستمروا فى المسلسل وده بقى لطغوط الحياة ولأن كل واحد فيهم مثل على التانى وماقلوش على طبيعته لأن أساساً مافيش حد فينا كامل واللى بيمثل الكمال ده هيكون اكبر ناقص طيب ايه لازمة الكلام ده ..؟؟ يعنى قبل الجواز أبوزيد وبعده ابن عم عبيد يعنى المرأة فعلاً بتحب الصفات دى تكون فى الراجل بس ياترى لو لقيتها هاتكون حقيقة ولا تمثيل..؟؟ طيب أيه الحل ....؟؟ يمكن المفروض دى المواصفات اللى بتكون عايزاها المرأة فى شريك حياتها بس من الصعب عليها تحديد الصفات دى أذكانت حقيقة ولا تمثيل يعنى الحل فى حديث رسول الله عليه الصلاة وسلم اللى فى معناه: أن زوجتم بنتكم فزوجوها لصالح فأن أحبها أكرمها وأن لم يحبها لم يهنها يعنى أهم حاجة تكون فى الراجل ان يكون راجل صالح مع الى حوليه ذى ابوه وامه وجيرانه وصحابه وزمايله فأذا كان كويس مع اللى حوليه هايكون كويس مع بيته وهى دى المشكلة اللى دايماً بتقع فيها البنات مع اهلهم بس مع الاهل الفاهمين بس ييجى الشاب من دول يمثل فيها روميو وفارس الأحلام الشهم المغوار الشيك الحنين لحد ماتعتقد البنت ان هو ده أحسن حاجة ليها ومفيش قبله ولا بعده وبعدين ييجى يتقدم لاهلها فيسأل أبوها عليه مهو لازم يطمن على بنته اللى حتة منه فيلاقيه مش كويس مع اللى حوليه ومش هايحس له بالراحة ماهو الشاب مش هايبصله بصة ويسمم له بيها أفكاره ذى مابيعمل مع المسكينة وده طبعاً لأنه راجل زيه فتبدأ بقى تحصل المشاكل بين الأبنة والأب يعنى الخلاصة ومن واجهة نظرى ان الرجولة وبمنتهى الأختصار هو المسلم مش بس على ورق لاْ ده بأفعاله الطيبةوأخلاقه الحسنة والسلام عليكم ورحمة الله وبركاته

شــــــــــكراً أبو تسنيم على المعلومات دى ويالا تعالوا نشوف الرسول عليه الصلاة والسلام قلنا أيه عن الحب..؟؟؟ لن تدخلوا الجنة حتى تؤمنوا ولن تؤمنوا حتى تحابوا ألا ادلكم على شئ أن فعلتموه تحاببتم أفشوا السلام بينكم فعلاً صدقت وعلطول صادق ياحبيبى يارسول الله فأنا لو بحب حد عمرى ماهفكر انى هائذيه لاهسرقه ولا هاكدب عليه ولا هاحسده ولاأى حاجة غلط هاعملها معاه طيب بس كدة .....لا طبعاً .........مادام أنت حبيت الناس اللى حوليك ومائذيتهمشى عشان انت بتحبهم يقبى انت كدة رضيت ربنا وامنت بيه ويبقى انت كدة فى طريقك الى الجنة انشاء الله ربنا يوعدنا كمان عايزين ناخد بالنا من حاجة ان الرسول عليه الصلاة والسلام قال ألا ادلكم على شئ يعنى معنى كدة ان السلام ده حاجة واحدة من حاجات كتير ممكن نعملها لبعضنا علشان نحب بعض ماهو الرسول عليه الصلاة والسلام قال بارده : تهادوا تحابوا طيب معقولة أنى لما أسلم على الناس كل يوم مرة أو مرتين هايحبونى ...ده حتى بيقولوا فى الامثال كتر السلام يقل المعرفة...؟؟؟؟؟؟ طبعاً أنا كل ما شوفك وكل ماهسلم عليك طبعاً مرة ولامرتين بالكتير فى اليوم هاتنبسط منى وهاتحس بالراحة تجاهى لأنى بدعيلك بالراحة والطمائنينة والرحمة والبركة من عند الله والواحد فينا مش هايحس بده ألا أذا كان فى يوم معود ناس انه يسلم عليهم وبعدين فجأة وفى يوم عدى ومبقاش يسلم عليهم ساعتها الناس دولت هايتضايقوا ويستغربوا ويقولوا هو ليه ماسلمشى عليا ولو طولت عليهم هاييجوا ويلوموك طيب أيه حكاية المثل ده...؟؟ بقى ياأخى مثل قاله بشر ولا كلام النبى اللى كلامه مش بيقوله من نفسه لأ ده كلام ربنا بيوحى ليه بيه وما ينطق عن الهوى انما هو وحياً يوحى طيب انا خايف انى أرمى السلام وماحدش يرد عليا ياأخى أنت مش بترمى السلام فالأول عشان ربنا ومش علشان الشخص اللى بتسلم عليه وكمان يااخى يمكن مش واخد باله أو يمكن مش متعود انه حد يقوله السلام وده فى الغالب فأستنى عليه شوية شوية وأصبر عليه لحد ماهيتكسف من نفسه ويرد عليك....وأفتكر قول رسولنا وحبيبنا محمد عليه الصلاة والسلام ((ألتمس لاخيك سبعين عذراً)) يعنى ماتلومشى الواحد دايماً وحاول تجدله عذر علشان تدوم المحبة انشاء الله طيب بقى خلص الكلام وعليكم السلام ورحمة الله وبركاته يالا بينا نفشى السلام

أخى أبو تسنيم انت متأكد من اجابتك أن أبن ماشطة فرعون كان بيتكلم وأن أساساً فى طفل فى قصة سيدنا يوسف

هو طبعاً الديك لأنه بينذرنا فى الفجر وبارده بيسمى ابو يقظان ده طبعاً علشان المفروض انه بيصحينا وبارده بيسمى أبو برائل خدوا بقى السؤال ده منى مين التلاتة اللى أتكلموا فى المهد ومش شرط أسمائهم..؟؟

ياه.... بقى كل ده فوارق بين الراجل والمرأة بس فيه حاجةكمان ويمكن تستغربوها ان المراة اشد قوة وتحملاً أكتر من الرجل طب ازاى...؟؟ فى مادة او هرمون موجود عند المراة ومش موجود او موجود بقلة عند الرجل وهو الأستروبين الهرمون ده بقى هو المسؤل عن قوة التحمل وعشان كدة المراة اشد تحملاً من الرجل يا عم انت هاتضحك علينا ...طيب ايه دليلك ....وليه مش بيبان على المرأة العضلات اللى عند الراجل....؟؟؟ هو سبحان الله المرأة ربنا عطاها قوة التحمل الذيادة دى يمكن علشان انها بتحمل وطبعاً مافيش اى راجل يقدر يستحمل الحمل أو يشيل حد جوة جسمه 9 شهور بشربه وأكله وهو ده دليلى أم حكاية العضلات دى دى مسألة أن الألياف اللى عند الراجل بالبلدى عضلاته بتستجيب أسرع من اللى عند المراة علشان كدة هو جسمه بينشف بسرعة وبيضلعله عضلات شــــــكراً ســــحر عـــــــلى موضوعك وربنا يرجع لك جوزك بالسلامة

بسم الله الرحمن الرحيم الحمد لله عدت الايام والواحد خلاص هيبلغ رمضان بس ياترى رمضان ده هايبقى حلو علينا ولا لأ ..؟؟؟ طيب أيه اللى بيخلينا نقول أنرمضان ده احلى او أنا حاسس انرمضان ده مش زى رمضان اللى قبل كدة....؟؟؟ هو كل الكلام ده بيرد علينا فيه الرسول صلى الله عليه وسلم بقوله((خاب وخسر من أدركرمضان ولم يغفر له فرمضان بتاع السنة دى هو رمضان بتاع السنة اللى فاتت مابيفرقشى هى هى الأيام مابتتغيرشى ,هم هم الشياطين اللى بيتحبسوا طيب أيه اللى بيخلى رمضان ده يفرق عن رمضان اللى قبله....؟؟؟ أحنا اللى بنخليه يفرق وذلك بتصرفاتنا واعمالنا فيه..........أزاى.؟؟؟ مثلاً لو فى رمضان أعتكفت فى العشرة الأواخر وعدت عليك ليلة القدر وانت معتكف أو بتصلى قدام ربنا وقاعد تدعى ساعتها عمرك ماهتنسى اللحظة دى ....وساعتها هيكون رمضان هايعدى عليك ويبقى احلى رمضان طيب أنا لازم اعتكف وتعدى عليا ليلة القدر علشان يبقى رمضان ده احلى من اللى قبله...؟؟؟ لا طبعاً مش لازم هو كل الموضوع انك كل مابتذود فى تقربك وعبادتك لربنا كل ماهيبقى رمضان أحلى وخصوصاً أن الحسنة بتضاعف فى رمضان ألى سبعين ضعف فياريت ماتضيعشى الفرصة دى رمضان فرصة للتغيير يالا ياجماعة مستنيين أيه يالى بتقعد تشتم فى الشيطان وبتتحجج بيه خلاص مفيش شيطان فى رمضان ........فملاكشى حجة يالا ياجماعة اللى بيشرب سجاير يبطل واللى بيعمل حاجة غلط يبطل ويرجع لربنا علشان ربنا يفرح بيه ولا فى حد هنا مش عايز ربنا يفرح بيه...؟؟؟ يالا ياجماعة عايزين نقول ان رمضان ده احلى رمضان علشان أنا فيه اعتكفت أو علشان أنا فيه صليت التراويح أوعلشان انا فيه تصدقت بمبلغ كبير أو عشان أنا فيه زرت أهلى ووصلت رحمى اللى أنا بقالى كتير ماسألتش عليهم أو عشان أنا فيه بطلت السجاير أو علشان انا فيه بطلت الاغانى وفى هدية للعايز يبطل الأغنى فى آخر الموضوع أو حاجات كتير ........... فحاسس انى عملت حاجة تخلى ربنا يرضى عنى وحاسس انى أتقربت من ربنا اكتر فحسيت أنى ربنا رضى عنى اكتر وانى ارتفعت درجة اومنزلة عنده علشان كدة حاسس أن رمضان ده أحلى رمضان وضبعاً لو قليت فى رمضان ده هاتحس ان رمضان ده أقل من اللى قبله ولو ذدت هاتحس ان رمضان ده أحلى من اللى قبله فيالا ياجماعة عايزين نعقد عزيمتنا على حاجة نعملها فى رمضان ده علشان يبقى احلى ولى عايز يبطل اغانى ومش عارف ازاى....أنا هاقله بأذن الله أزاى يبطلها ..ويارب اوفق فى ذلك هو عموماً الواحد بيسمع اغانى ليه..؟؟؟ هو بيبقى فراغ فى الذهن وفى العقل الواحد بيكون عايز يملاه بأى حاجة فبيططر يملاه باى حاجة عن طريق الأغانى مثلاً يعنى عايز يشغل دماغه بأى حاجة ويتسلى ماهو حاسس انه زهقان وزى ماأحنا عارفين ان مخ الانسان قسمين قسم رياضى وحل المسائل الرياضية وقسم للتحليل والمنطق وديماً الأنسان بيشغل قسم واحد فيهم بس او بيشغل قسم اكتر من تانى فبيكون القسم التانى فى حالة زهق او خمول فالأنسان فينا بيحس بدوره بالفراغ وبالزهق أو ان فى فراغ فى عقله فمثلاًوخصوصاً لما يكون زعلان بيقعد يفكر ويسأل نفسه ليه وطب ليه يعنى بيشغل قسم المنطق فى مخه ذيادة عن اللزوم لحد مايتعبه وينسى خالص القسم الحسابى فى مخه وقسم الحلول فبالتالى بيكون فى فراغ فى مخه عايز يملاه وأجهاد عايز يريحه فطبعاً لو ماعرفشى أنه يشغل كل قسم فى مخه شوية يروح بقى يشغل أقسام مخه باى حاجة وخلاص ذى الأغانى يعنى الخلاصة أن الواحد دايماً بيسمع الأغانى علشان يشغل دماغه أو يعيش دور حب مهو اصلاً الأغانى بتضعف القلب وبتعمل حجاب حاجز عن التفكير المنطقى فماتخليش الواحد يفكر الا فى الشخص اللى بيحبه والشيطان بقى هنا بيلعب دوره ويملى عقله بأوهام ماهو طبعاً ماهو مفيش تفكير منطقى ساعتها يقف قدام أفكار الشيطان وحالة من الأحساس الزائد من اللزوم التى قد تؤدى للانهيار بعد ذلك من اقل موقف وده بارده فى مصلاحة الشيطان لان الشخص لما أعصابه تنهار ساعتها يمكن مابيكنشى عنده قدرة على التفكير وإلا ماكنشسى انهار أساساً وساعتها بقى ممكن يعمل أى حاجة غلط وده حسب الناس اللى حوليه لو بيشربوا خمرا هايشرب خمرا لو بيعملوا أى حاجة غلط هايعمل زيهم طبعاً ماحدش يتخيل أن الأغانى قد تكون السبب فى أنهيار الشخص ومن ثم انهيار اخلاقه وده طبعاً لأن الموضوع ده بيحصل بالتدريج مش بيحصل مرة واحدة طيب ايه الحل ....؟؟؟طيب أنا عايز بطل بس مش عارف...أيه الحل....؟؟ انا مش هاقلك أن فى حديث عن الرسول صلى الله عليه وسلم فيما معناه أن اللى بيسمع الأغانى بييجى فى وقت الحساب وبيتحط فو ودانه رصاص مذاب تخيل أنت بقى معاية هو اتسخن اد ايه علشان يسيح لأ انا هقلك ذى ماالشيطان بيضحك علينا وبيجرنا بالغلط بالتدريج أحنا بارده هانضحك عليه وننسحب بالتدريج أزاى........؟؟؟؟؟؟؟ بدل ماتسمع أغانى أسمع حاجة ذى الاغانى بس مش أغانى ومش حرام زى الملفات دى 1 2 3 4 5 6 أتمنى نسمعها كلنا وتعجبنا وتقولو لى أيه رأيكم واتمنى أنى أكون وفقت فى أيجاد حل للموضوع ويالا بينا نخلى رمضان ده احلى رمضان

آسفة عــلى أيــه يا سحر ده أنا اللى كنت خايف انتى اللى تكونى زعلانة وأنا بجد ماكنت زعلان وأنا كنت بهزر وشكلك انتى اللى خدتى الموضوع بجد وكمان انا لية الشرف انى اتكلم فى موضوعك شـــــكـــــــراً

شــــــكراً عاشق أنا كنت بحس ان أذان ربنا مش بينقطع بس ماكنتش عارف ازاى ده حتى أنا كنت بسمع أن فى رائد فضاء كان لما يطلعوا طلعة فى الفضاء كان يسمع صوت ذى الآذان بس ماكنشى عارفه لحد مامرة كان فى جولة سياحية فى مصر وسمع الآذان فعرف ساعتها ان الصوت اللى كان بيسمعوا فى الفضاء هو الآذان وكان ده والحمد لله سبب فى اسلامه فمعنى ان رائد الفضاء كان بيسمعوا فى الفضاء وعرف يميزه معنى كدة أن الآذان ماكنشى بينقطع وتكرر قدامه أكتر من مرة لحد ماعرف يميزه

شـــكراً مرة تانية سحـــــر على مواضيعك الحلوة دى وسلامة عينيكى وان حد رد عليا فهو بارده بيرد عليكى لأنه فى الاول وفى الآخر ده موضوعك وانا ماكنتش هاقول الكلام ده لولا أنك فتحتى الموضوع وماتزعليش نفسك لو مش عايزانى أرد على مواضيعك تانى أنا مش هرد فأنا برده ماقدرشى على زعلك وشــــكراً احمد على كلامك وردك عليا وبارك الله فيك وعفاك