فراس فراس

أنا مش عارف أضحك ولا اعمل أيه بس يلا طلعت ست أصيلة وباعت العرايس وسابت لجوزها مبلغ محترم

ماشى حبيبى يامن من طرق النصب بالأيميلات قصة بأختصار واحدة تبعت لك وتقولك أنا ببحث شريك للحياة امين وكدة يعنى وتبعت لك شوية معلومات عنها وتقولك لو أنت شايف نفسك كدة فياريت تكلمنى عن نفسك اكتر وأيه هواياتك وأيه اللى بتحبه وأيه اللى مش بتحبه أبعت لى وانا هابعت لك صورتى ومعلومات أكتر عنى المهم بعد ماأخينا يبعت تقوله أنا سعيدة جداً بردك عليا وأنا قاعدة فى مأوى فى دولة ما وده بسبب حرب اهلية قامت فى بلدى وتقولك بقى أن والدها او جوزها كان مدير شركة كبيرة وأتقتل فى حركة التمرد الاخيرة وكان والدها حاطط فلوس فى بنك سرى فى اوروبا وهى مش مصرح لها بالخروج من المأوى ده غير يومين فى الأسبوع وبتبعت الأيميلات ليك من الكومبيوتر الموجود بمكتب القس لما يكون مش موجود فى الكنيسة فياريت تساعدنى فى انى استرد المبلغ اللى فى البنك ونستثمره فى بلدك واخد اللجؤ السياسى فبعدين اخينا يرد عليها ويقولها عايزانى اسعدك ازاى فترد عليه وتقوله أنا كلمت المحامى وهو عايز أسمك وعنوانك ورقم باسبورك علشان يعمل لك توكيل تسحب بيه الفلوس وياريت تكلم المحامى وتكون طبعاً عاطيالك تليفون وايميل للمحامى المهم يبعت اخينا البيانات المطلوبة للمحامى فيبعت له المحامى ويقوله انا جيت اعملك الورق فى المحكمة وهو بيتكلف حوالى 700 دولار والمادام ياعينى فقيرة ومش معاها فلوس حتى تاكل فياريت تبعت المبلغ علشان نخلص الورق وتقدر تروح البنك او الشركة السرية علشان تقبض الفلوس طبعاً كلام فارغ ورق أيه ده اللى يخلص ب 700 دولار وحوارات بقى شبه دى كتير بس نفس المضمون وفى حوار تانى هابقى احكيه مرة تانية أنشاء الله

عمرهم كدة يارب يرحمنا ويرحمهم بس اللى انا سمعته أن السبب الرئيسى فى الأصابات والوفاة مش الماس لأ السبب هو تدافع البنات من على السلالم فياعينى الناس داست عليهم وماتوا من قلة الهواء والطغط وده شئ بيحصل فى الحج والله اعلم يعنى لو كان هو ده السبب فالمشكلة مش فى مسئول المشكلة فينا أحنا أما لو كان ناتج عن أهمال مقصود فمش هاقول اكتر أن كان عمر رضى الله عنه وهو فى المدينة كان بيخاف ربنا يحاسبه على طريق مش ممهد لجمل فى العراق أما بقى بتوع الزمن دول مش عارف ربنا هايحاسبهم على أيه ولا أيه

وبـــــارك فيك يـــاحــبيبــــى

بسم الله ماشاء الله أيوة كدة عايز كل واحد بيحب واحد يقوله علاطول سبرتو أنت تستاهل اكتر من كلمة بحبك وصورتى فى الملف بتاعى لحد مانتقابل انشاء الله وانا صغير كنت بسمع الشيخ يقول ان من الناس اللى هايظلها الله يوم لا ظل إلا ظله اثنان تحابا في الله اجتمعا عليه وتفرقا عليه وبعدين الشيخ يقول انا بحبكم فى الله كنت أستغرب قوى عمرى ماسمعت الرسول عليه الصلاة والسلام قالها ده حتى لما عمرو بن العاص رضى الله عنه سأله: عمرو بن العاص: ـ يا رسول الله من أحب الناس إليك؟ ـ عائشة. ـ إنما أقول من الرجال؟ ـ أبوها ماقالوش أنى احبكم كلكم وكنت اسأل نفسى وبيتهايئلى ان الناس كلها بتحب بعض وكنت بقول كويس يبقى أنشاء الله هاندخل الجنة كلنا ولونى ماكنتش مقتنع قوى وبعدين لما كبرت عرفت ان الناس مش بتحب بعضها لاقيت اللى بيوقع بين الناس واللى بيتخانق على أقل حاجة واللى بيسرق واللى بيرشى واللى بيزنى وحاجات تانية ...... بقى معقولة دى عمايل ناس بتحب بعضها وبعدين قلت آه دلوقتى انا فهمت ليه اتنين تحابا فى الله مش مجموعة او قوم ده حتى كان فى راجل قبل مايدخل كان الرسول يقول :سيدخل عليكم الآن رجلاً من اهل الجنة وكان الصحابة بيتشوقوا قوى يشوفوا الراجل ده المهم كان كل مرة يطلع نفس الراجل فقام عبدالله بن عمرو رضى الله عنه وحب يعرف هو الشيخ ده بيعمل أيه علشان يبقى من اهل الجنة فمشى وراه وقاله : انا متخانق مع أبويا فممكن اقعد عندك بعضاً من الوقت فرحب به الراجل المهم قعد عبدالله بن عمرو تلت أيام عند الشيخ لحد مازهق لأن الشيخ ماكنشى بيعمل حاجة ذيادة غير الفروض فقل للشيخ أنا مش متخانق مع والدى ولاحاجة بس كنت عايز أعرف ليه الرسول عليه الصلاة والسلام بيقول أنك من اهل الجنة فرد عليه الشيخ وقاله مابعملشى حاجة زيادة غير اللى انت شفته وبعدين وعبدالله بن عمرو ماشى قال الشيخ:إلا انى انام وليس فى قلبى حقد لأحد فقال عبدالله : هى والله يعنى خلاصة الموضوع ان قليل قوى الناس اللى مش بتشيل لحد بدليل ان الرسول عليه الصلاة والسلام كان دايماً يشير لنفس الرجل يعنى ولو كان الناس كتير مش فى قلبها غل أو حقد لحد كان أولى يبقى زمن الصحابة مش زمنا يعنى الخلاصة أيه..؟؟ أن من احب قوم حشر معهم يعنى الناس اللى بتحبهم هاتحشر معاهم سواء كانوا مغنيين , لعيبة كورة , ممثلين , الناس اللى معاك فى الجامع ...........ألخ ده بالنسبة لو الواحد بيحب ناس معينة اما بالنسبة لأتنين بيحبوا بعض فى الله فيجب عليهم ان يجتمعا عليه ويتفرقا عليه يعنى ايه....؟؟؟ يمكن ان هما مايجتمعوش على معصية كنم أو ذم أو غير ذلك أول مابيتقابلوا يسلموا على بعض ويروحوا درس فى المسجد او يروحوا يصلوا وبعدين اول مايسيبوا بعض بيدعوا لبعض يعنى يمكن حاجات كتير ممكن تجتمع عليها انت واللى بتحبه فى الله ويمكن الحب فى الله ده حاجة تانية ذى ماهنشوف المرة الجاية أنشاء الله

على العموم فى 3 برامج لايجاد الباسوردات للملفات المطغوطة RAR Key للتحميل RAR Password Recovery v1.1 RC17 للتحميل Rar Password Recovery Key 5.5 للتحميل وانا ماجربتش حاجة منهم غير اول واحد ومشكلته انه بيبطئ الجهاز لأ نه بيسحب سرعة الرامات وبيقعد بقى يجرب فى باسوردات يعنى ممكن يقعد بالتلت ساعات علشان يجيب لك الباسورد وده كمان علشان النسخة دى ديمو وده حسب صعوبة الباسورد وطريقة أستعمال البرنامج سهلة قوى كل اللى هاتعمله بعد ماتفتح البرنامج تسحب الملف المطغوط وتحطه فى الحتة البيضاء اللى فى البرنامح وبعدين هو بقى يقعد مع نفسه يدور على الباسورد وفى الآخر يظهر لك فى آخر سطر زى ماباين فى الصورة ان الملف المطغوط backup.rar الباسورد بتاعه apple والسلام عليكم

شــــكراً تقوى انا بقى طالب شاطر وكتبت ملخص للى أنا فهمته born بتيجى معاها in مش on ولون حاجة غريبة انا أعرف ان on معناها على مش عارف تيجى ازاى الواحد اتولد على مصر يعنى صعب الواحد يتلخبط فى كدة بس كان الواحد ممكن يتلخبط فى at where were you born طبعاً انت أتولدت مثلاً من عشر سنين او أكتر , مش قضايتنا فطبعاً يبقى لازم مادام جبنا سيرة الولادة, والولادة دى فى الماضى, فلازم يكون الفعل المساعد كمان فى الماضى Don't say "last year's teacher is mr ahmed" but say "last year's teacher was mr ahmed last يعنى السابق او اللى فات فطبعاً ماينفعشى ييجى معاها مضارع is لأ طبعاً هايكون ماضى was Don't say "I am a letter" but say "I is a letter الواحد اتعود انه لما يشوف i يحط معاها am علطول بس لأ خد بالك ممكن I تيجى معاها is وده لو انت مش بتتكلم عن نفسك Don't say "what subjects are you got on monday" But say "what subjects have you got on monday يوم الاتنين عندك ايه فماينفعشى تقول are علشان بتيجى مع أكون اما لما نقول حاجة ملكية حاجة بتاعتى فنقول have Don't say "listen at our instructions carefully" But say "listen to our instructions carefully أول ماتشوف listen حط جنبها وانت مغمض to Don't say "cover the spaghetti by cheese" and Say "cover the spaghetti with cheese cover بتيجى معاها with ولونى مش فاهمها قوى ياريت تقوى تعيدى عليها تانى Don't say " This person is 2 metres long " and Say "This person is 2 metres tall طبعاً أحنا عارفين long و tall بمعنى طول بس لما نيجى نقيس طول واحد يبقى نقول tall أما long تيجى مع الأشياء زى طول الطريق والمسافة وكدة She is 20 kilograms light than me " and Say "she is 20 kilograms lighter than me مادام فى مقارنة بين أتنين يبقى لازم الصفة+er و than وطبعاً أول مانشوف than يبقى لازم الصفة اللى قبلها يكون آخرها er صح ياأستاذة ياريت تكملى علشان الواحد يراجع على معلوماته اول باول

بالعفو ياعبقرينو يامن حبيبى ماهو بارده علشان تحمى ايميلك لازم تعرف بارده هو ممكن يتسرق ازاى وكمان هى مش هاتفرق الياهو عن الهوتمايل كتير وبارده كنت عايز أقول حاجة ليها علاقة بالموضوع افتكرتها بخصوص الأيميلات فى رسايل بتيجى وتقول لك مبروك انت كسبت معانا فى جائزة الfreelottery ودى جايزة عالمية وبنسحب أيميل عشوائى من خلال الكومبيوتر وكان حظك كويس معانا وايميلك هو اللى كسب ياريت تبعت لنا بياناتك أسمك ورقم تليفونك وعنوانك وصورة الباسبور بتاعك وده علشان يعيشك الدور وبعد ماتبعت له البيانات يقولك فى طرقتين علشان تسلتلم بيهم الجائزة اما الكترونى وده طبعاً علشان يشطبوا على الفيزا كارد بتاعتك اما بوكالات البريد ذى ال DHL ولو قلت لهم بالDHL هايقولو لك الجائزة بتاعتك عليها تامين كبير وماينفعشى نصرف من الجائزة علشان نبعتهالك فياريت تبعت لنا مبلغ (وبيكون فى حدود 100:300 دولار) على حساب المسئول أو المسئولة اللى هاتسلمك الجائزة طبعاً كلام فاطشة ومابيبعاتوش حاجة وفى حاجة تانية بارده هابقى اقولها مرة تانية

شـــــكراً زورو على الموضوع شــــكراً يامن على المعلومات وكنت عايز اضيف طريقة تانية بعض الهاكرز بيستخدموها لسرقة الايميلات بس انا الناس اللى شفتهم بيعملوا الموضوع ده اجانب مش عرب بيكون عامل موضوع ويقول فيه اذا كان فى حد يهمك وعايز تعرف الباسورد بتاعه دلوقتى الياهو بيوفر ليك الخدمة دى ابعت رسالة للأيميل الفلانى(طبعاً بيكون ايميل لأخينا) اكتب فيها فى اول سطر yahoo adminesterator emails groub وبعدها بسطرين أكتب ايميل الشخص اللى انت عايز الباسورد بتاعه وبعدها بتلت أسطر اكتب أيميلك وبعدها بسطرين اكتب الباسورد بتاعك (وهذا لكى نستطيع تفعيل هذه الخاصية عندك ) ويقعد بقى أخينا ده ينشر الموضوع والايميلات والباسوردات بتيجي له لحد عنده ماهو طبعاً من حفر حفرة لأخيه وقع فيها

والله زمان الامتحانات كانت ايام وخصوصاً الشهر اللى قبلها بالظبط بالظبط لما ييجى دكتور ويقولنا أنه هايعمل امتحان ميت تيرم وكان صحابى بييجوا عندى وبنروح لهم نقعد نذاكر ونفرتك الكتب والمحاضرات وبعد الامتحانات ماشوفشى وش حد فيهم وكنا نقعد من الساعة خمسة ستة لحد الساعة حداشر ونص اتناشر ونص يدوبك ننزل نروح نصلى ومش عارف كان دايماً يوم راس السنة بالذات بنقعد فيه لحد الساعة اتنين والناس قاعدة تهيص واحنا ياعينى قاعدين نذاكر انا فاكر يوم كان فى ماتش الاهلى والزمالك وكنت جايب صحابى يقعدوا عندى علشان نذاكر ابويا قالنى : انت لاقيتهم فين دول كل الناس بيتفرجوا على ماتش الاهلى والزمالك حتى اللى مابيتفارجشى على كورة وانتم قاعدين تذاكروا كانت من احلى أيامى لما اكون مقعد صحابى حوليا وقاعد اشرح لهم ومرتب هانذاكر ايه ومش هانذاكر أيه ونذاكر ده امتى وازاى وهانذاكره فى قد ايه والحمد لله ماكنشى فى حد يذاكر معاية ويطلع بمادة لقدر الله انا فاكر مرة واحد صاحبى بيقول لواحد صاحبنا يابختك عز قاعد جنبك اكيد بتقفل الأمتحان التانى يرد عليه ده انا بخاف منه اكتر مابخاف من المراقب يالا بقى هو حظه كدة ده حتى كره اسمه بسببى علشان كان اسمه عزالدين زيى وبسبب اسمه كان بيقعد جنبى كانت أيام ليا فيها ذكريات كتييييييييير..

عن أبي إدريس الخولاني قال دخلت مسجد دمشق فإذا فتى براق الثنايا ( أي أبيض الثغر كثير التبسم ) وإذا الناس معه فإذا اختلفوا في شيء أسندوه إليه وصدروا عن رأيه فسألت عنه فقيل هذا معاذ بن جبل رضي الله عنه ، فلما كان من الغد هجرت فوجدته قد سبقني بالتهجير ووجدته يصلي فانتظرته حتى قضى صلاته ثم جئته من قبل وجهه فسلمت عليه ثم قلت والله إني لأحبك في الله فقال آالله ؟ فقلت الله ، فقال آلله ؟ فقلت الله ، فأخذني بحبوة ردائي فجبذني إليه ، فقال أبشر فإني سمعت رسول الله صلى الله عليه وسلم يقول : « قال الله تعالى : وجبت محبتي للمتحابين في والمتجالسين في والمتباذلين في » ياه بقى انا لو حبيت واحد من غير ماعوز منه حاجة ربنا هايحبنى علطول كدة بدون مااعمل حاجة زيادة بجد انا بحبك وزى ما الرسول عليه الصلاة والسلام قلنا فيما معناه : انك لما تحب واحد لازم تقوله وانا بقولهالك اهو انا بحبك يالا ياجماعة لو فى حد بيحب التانى يالا يقوله علشان ربنا يحبه وأول واحد أحب اقول له ان أنا بحبك محتار لأنى بحبكم كلكم بس اللى فى دماغى دلوقتى هو ومش عارف ليه...؟؟؟ هو بالذات سبرتو وأحب اقوله شد حيلك وذاكر كويس وخلص كليتك على خير عايزك تقفل الامتحانات ماتسيبشى ولا سؤال غير لما تحله يالا ياشباب ننشر الحب بينا وماحدش يبخل على حد بيحبه بكلمة بـــــــــــــــحــــــــــــــبــــــــك والسلام عــــــليكم

شـــكراًَ مصطفى على الملعلومات الحلوة دى لولا اختلاف الأزواق لبارت السلع يعنى لو كان كل الناس بيفضلوا نوع واحد , ماكنشى لا الستات الطوال اتجوزوا ولا الرجالة القصيرين فكل واحد ليه نظرته فى اللى هو عايزها وكل واحدة كمان ليها نظرتها وهى ماتفراقشى طويلة ولا قصيرة مادام بتحبك وبتعرف ربنا الواحد عايز ايه اكتر من كدة

شــــكراً على التوضيح يامن بس انا كنت عايز اقول حاجة كمان معنى انى انا كنت عايز توضيح ده معناه ان انا مع ان احنا نقول كلمة باى لأ ابداً احنا العرب المسلمين لينا شخصيتنا ولينا شكلنا ولينا سلامنا فلقد امرنا رسولنا الكريم بان نخالف اليهود والنصارى وكان يحثنا على ان نكون متميزين عن غيرنا فيها أيه يعنى بدل مانقول ألو فى التليفون اللى هى جت اختصار ل hello نقول السلام عليكم فيها ايه بدل مانقول باى اللى هى جاية من good bye نقول فى حفظ الله او نستودعكم الله بقى لما اقولك باى ويمكن بقولها لك بنية وداع وخلاص ومش عارف معناها ولا لما ادعي لك واامن عليك ربنا او اعطيك السلام والأمان

بجد كلام مؤثر ومُعبر كان زمان بيقولوا دى بلد شهادات صحيح لأ دلوقتى دى بلد مظاهر صحيح

شـــكراً على المعلومة زورو بس ياريت تجيب حاجة تاكد انه معناها كدة زى مثلاً هى بتعنى كدة فى اى لغة وهى اختصار لكلمة ايه

شـــــــكراً سبرتو على الموضوع انا بقى دائماً والحمد لله بسافر ازور قرايبى يوم فى بنها ويوم فى المنوفية ويوم فى مدينة نصر اما مين اول واحد بهنيه فده بتيجى بظروفها ممكن اى واحد بعد صلاة العيد ومعرفهوش هو اللى اهنيه بالعيد اما اول ناس ازورهم فدى مش بتفرق معاية اهم حاجة عندى انى ازورهم ولون كان فى واحدة قريبتى كانت متعودة انى كل مانزل بلدها كانت اول واحدة بزورها وكانت مبسوطة قوى منى علشان هى كانت أول واحدة بزورها ولون هى كانت بتيجى بالصدفة وحظها ييجى معاية انها تكون اول واحدة ازورها طبعاً هابدا يومى بالصلاة وبعدين علطول بالزيارات وبليل هاخرج والعب كورة اما من ناحية حد اذا كان بينى وبينه مشاكل فعيد او مش عيد انا بأبدا بالسلام او على الاقل بابين له انى مش شايل من ناحيته حاجة والعيد بيفرحنى للفرح اللى بشوفه فى عين الناس اللى بزورهم بفرح لفرحهم بيا وخصوصاً أولاد أخوالى اللى هما اصغر منى فى السن هما اكتر ناس بأحس أنهم بيفرحوا بيا لما آجى واحلى حاجة ان مش هما بس اللى بيفرحوا بيا ده كمان صحابهم مش عارف ليه بس الحمد لله اتمنى من كل واحد ينتهز فرصة العيد ويزور اهله وحبايبه ساعتها ولما يشوف فرحهم بيه لأنه بيسال عليهم هايبقى فرحان وهايحس انه فعلاً فى عيد فالفرح بالنسبة لى هو ان أراه فى عيون الآخرين وكل يوم وانتم طيبين

حلو موضوعك ياسبرتو بس انا شايف ان البنت مش عايزة حاجة من الولد اللى بتخرج معاه وهى مش بتفكر اساساً فى حاجة عايزاها منه هى كل اللى بيتهيئلها انها بتحبه وهو بيحبها وبتكون محتاجة حد تكلمه أو حد يحسسها بنفسها فيظهر أخينا فارس الاحلام ويكلمها ويقولها احلى كلام ساعتها الشيطان يقعد يخليها تفكر فيه دائماً والولد مفيش ولد بيطلع شيطان وعايز من النبت حاجة بارده الولد كمان بيدور على واحدة علشان يكلمها حاسس ان فى حاجة نقصاه حاسس بالفراغ وده يمكن لتفكك أسرى أو قلة الروابط الأسرية اللى عنده يعنى الولاد والبنات بيدوروا على الحنان والاهتمام اللى اتحرموا منه فى البيت وبعد كدة يتقابل الأثنان ويحصل بينهم حكايات وروايات واللى اتنين عاملين ذى قطبى المغناطيس الموجب والسالب كل مايقربوا من بعض كل مايحصل تجاذب بينهم فيقعوا فى حب بعض ومع الوقت يحصل المحظور ويتخطى قربهم كل الحدود عايز أيه من أتنين ثالثهم شيطان بس أحنا ليه نلوم البنات بس على اللى بيحصل والولد أساساً عليه مسئولية كبيرة يعنى هو فاكر ان فعلته دى هاتعدى على خير مصير بنته ولا مراته ولا اخته يحصلها زى ماعمل طباخ السم بيدوقه والله اعلم طيب أيه الحل...؟؟؟ لما بتيجى تسأل واحد وتقوله انت ليه بتعاكس البنات وكدة يعنى..؟؟ يقولك : ماهما اللى عايزينا نعكسهم تقوله : ليه...؟؟ يقولك: انت مش اللى بيلبسوه واللى بيحطوه ولو سألت البنت انتى بتلبسى كدة ليه و بتخرجى مع الشباب ليه تقولك : انا لسة صغيرة عايزة أخرج عايزة اتفسح عايزة احس بنفسى , وكمان ألبس اللى انا عايزاه أخبى جمالى ليه, وكمان الولاد هايعرفونى ازاى علشان اتجوز تقولها: هو ماينفعشى تحسى بنفسك غير مع اصحاب ولاد , طب ومالهم البنات تقولك : الولاد احسن يعنى دول ناموذاجين من الشباب والبنات اللى هما متخصصين فى الخروجات مع بعضهم الآخر المهم بنستنبط من الكلام اللى فات:- ان المشكلة الأولى هى : ماترتديه بعض البنات من ملابس , وذلك للفت الانظار اليها المشكلة التانية : هى مش عارفة هى عايزة ايه , تتجوز ولا تصاحب المشكلة التالتة : قد تكون البنت محترمة جداً جداً ولكن تحس بفقدان الاهتمام فى المنزل فتلجئ لأول من يعجب بها المشكلة الرابعة : قد تكون نفس المشكلة السابقة بالنسبة للولد المشكلة الخامسة : حب الولد لكى يكون محور اهتمام البنات وكذلك البنت تحب ان تكون محور انظار الولاد ومادام عرفنا المشكلة فين يبقى بكة عرفنا الحل طيب ايه هو..؟؟؟ كل واحد مهما كان وضعه ليه دور فى حل المشكلة بالنسبة للولد : لو يفكر دائماً قبل مايعمل اى حاجة او يقول اى حاجة لبنت أن الحاجة دى هاتتردله تانى ساعتها هايفكر الف مرة قبل مايقول او يعمل حاجة بالنسبة للبنت: اللى بتلبس محذق وضيق تبطل تعمل كدة وتبطل تحط الاحمر والاخضر لأنها بكدة كما تزين نفسها وتجذب لها الشباب تجذب لها أيضاً الذئاب بالنسبة للاسرة: مدو اديكم لولادكم حساسوهم باهتمامكم ورعايتكم عاملوهم كأنهم صحابكم بالنسبة للحكومة : فصل الأماكن العامة التى يجتمع فيها الولاد والبنات كالجامعات وبعض المنتزهات لأنهم بذلك يضعون النار بجوار البنزين يعنى باختصار : راعى ربنا فى تعاملاتك ربنا هايرعاك أه سبرتو عجبانى قوى حكاية الجوال دى ومابقيناش نسمع كتير على الحمل السفاح والزنى وكدة لان الدكاترة شاغلين على ودنه فى عمليات الاجهاض والزرع وحبوب منع الحمل ولو واحدة خلفت بترميه فى المجارى أو عند اى ملجئ او جامع او كنيسة شفتو ا قاسوة اكتر من كدة هاقول أيه غير لا حول ولا قوة إلا بالله العلى العظيم

مش عارف جرى ايه للناس كل ماتقول لواحد فيهم على حاجة يقولك ياعم ده كان زمان احنا مش عصر الانبياء حاجة غريبة احنا فعلاً مش فى عصر الأنبياء بس الغريبة هو بيقول كدة ليه هو بيقول كدة معتقداً ان الانبياء كان بيعملوا كدة علشان هما انبياء وعلشان هما انبياء ولا لما تيجى وتقول لواحد عن عمر أو أبوبكر أو على أوبلال رضى الله عنهما يقولك ياعم انت هاتجيبنى زى عمر ولا بلال أنا فين وهما فين خلاص زمن الانبياء انتهى مش عارف أنا ليه الناس بتقول كدة..؟؟؟ ولون انا شايف أن الأنبياء والصحابة تعرضوا لمواقف اصعب مننا بكتير يعنى بيتهايئلى ان صعب حد فينا يتعذب وينضرب بالسوط ويتحط الحجر الكبير على صدره ويتعذب العذاب اللى شافوه الانبياء والصحابة ويفضل ثابت على دينه قال سعد بن وقاص: قلت: يا رسول! أي الناس أشد بلاء؟، قال: الأنبياء، ثم الأمثل فالأمثل، فيبتلى الرجل على قدر دينه، فإن كان دينه صُلبا اشتد بلاؤه، وإن كان في دينه رقة، ابتلي على حسب دينه، فما يبرح البلاء بالعبد، حتى يتركه يمشي على الأرض، ما عليه خطيئة). [الترمذي بنحوه في الزهد، باب: ما جاء في الصبر على البلاء]. يعنى كل واحد فينا بيصاب بمشاكل او مواقف على قد قوة دينه ﴿لاَ يُكَلِّفُ اللّهُ نَفْساً إِلاَّ وُسْعَهَا (286)﴾ سورة البقرة وكمان مش المفروض الانبياء والصحابة دول قدوة لينا والقدوة يعنى المفروض أعمل زيه فى المواقف اللى بتعرض ليها ولا ربنا كان بعتهم ليه...؟؟ مش علشان يقولنا على الصح والغلط ونعمل زيهم ولا علشان نقول أحنا فى زمن غير الزمن انا معاك أن الزمن غير الزمن بس احنا فى زمن والحمد لله أسهل من الزمن اللى كانوا فيه هما طردوا من بيوتهم واتاخد فلوسهم واتعذبوا وشافوا أمر العذاب علشان يسيبوا دينهم ورغم كدة صبروا وأستحملوا وعاشوا منقطعين ومنعزلين عن العالم علشان توصل الرسالة لينا ونكملها احنا أيوة احنا مش فى عصر الأنبياء احنا فى عصر العربيات مش الجمال احنا فى عصر الأرصفة مش الرمال أحنا فى عصر الطيران مش الحمام أحنا فى عصر المبانى مش الخيام

شــــــــكراً على الموضوع مريم موضوع مهم لازم كل واحد فينا يعرفه فى عصر الشات والانترنت وأنا رايى مادام ماينفعشى الولد يكلم البنت غير لما يكون معاه ولد تانى والبنت تكون معاها بنت تانية لأن أساساً بيتهيئلى ان من الصعب الواحد يخلى حد يشوف اللى بيكتبه وكمان يعنى هو الواحد لما قلبه يتحرك نحو الشهوة هايبطل هو الشيطان هايسيبه فأحسن حاجة الكل يريح نفسه و يقطع العرق ويسيح دمه لا الولاد تكلم بنات ولا البنات تكلم ولاد من اساسه فى الشات دع مايريبك الا مالا يريبك " اتقوا الشبهات، فمن اتقى الشبهات فقد استبرأ لدينه وعرضه"

شـــكراً أحمد على الموضوع بس انا رايى ان علشان نحل مشكلة صح لازم اول حاجة نعرف المشكلة فين , وده اهم حاجة يعنى حل غلط لمشكلة صح أفضل من حل صح لمشكلة غلط وأنا شايف ان المشكلة مش فى الدعاة أو فى الاخوان او فى السلف أو فى أى طائفة تانية أحنا كلنا بتجمعنا كلمة واحدة لا إلاه إلا الله بس يمكن اقولك الناس ليه دائماً بتبص على رجل الدين بعد رجل الحكم وده لأن أساساً فى الاصل من ساعة الفتوحات الأسلامية كان رجل الحكم هو رجل الدين يعنى فى الأصل الأتنين واحد وكلهما أمام يمشى وراءه الناس أنا شايف أن المشكلة فينا احنا أحنا اللى لازم نبقى أيد واحدة طيب ازاى...؟؟؟ أنت قولتها قال الملك سبحانه: {وَاعْتَصِمُواْ بِحَبْلِ اللّهِ جَمِيعًا وَلاَ تَفَرَّقُواْ وَاذْكُرُواْ نِعْمَةَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ} [آل عمران:103]. يعنى ربنا قال جميعاً ,إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ يعنى لو ركزنا فى الكام كلمة دول هانلاقى الحل طيب ايه هو ....؟؟؟؟ حبهم هايحبوك حب غيرك غيرك هايحبك وهو فى حد ممكن يأزى حبيبه يعنى انا من رايي ان احنا لازم يكون الاول قلبنا على قلب بعض ونحب بعض ساعتها هاتنحل انشاء الله كل مشاكلنا وماتستناش غيرك يبدا , لأ أبدأ انت واملى قلبك بحب الناس , هاتلاقى كل الناس بتحبك , هاتلاقى انشاء الله ربنا بيحبك وكمان يعنى الرسول عليه الصلاة والسلام قال: بلغوا عنى ولو آية يعنى مش علشان انت مش اخوان ولا سلف ولا ازهرى ولا اى حاجة تانية يبقى ماتدعيش غيرك , او ماتفكرهوش فذكر,فإن الذكرى تنفع المؤمنين يعنى كلنا دعاة لبعضنا ولغيرنا امال الأسلام راح الصين وروسيا أزاى...؟؟

آمين يارب العالمين مشكورين على مروركم كان نفسى حد يسالنى أيه علاقة القلب الجامد بالموضوع...؟؟؟ ولا انتم عارفين......

بحييك على رأيك عبقرينو بس انا عايز اقولك حاجة مين اللى بيراقب على الناس اللى بتراقب..؟؟؟؟ ومين اللى هايراقب على الناس اللى بتراقب على اللى بتراقب الموضوع كبييييييييييييييييير يعنى عندك بتوع التموين فى ناس منهم محترمين جداً بس فى ناس منهم مايعلم بيهم إلا ربنا يعنى لازم يفوتوا على كل فرن الصبح وياخدوا التسعيرة بتاعتهم مش عارف حوالى عشرة جنيه ولا عشرين فى اليوم ولو مادفعشى صاحب الفرن ولا المحل يبقى بتاع التموين هايقرفوا و كل شئ قانونى ولا مثلاً فى بعض المستشفيات الحكومى المفروض أن هما بيوفروا الدواء لأ مايوفرهوش ولا التبرعات اللى بتروح للمستشفى ساعات مدير المستشفى وبتاع الخازنة يقاسموها بينهم وبين بعضهم أنت عايز أكتر من مدير بيقول أنا حرامى حد ليه عندى حاجة واللى عايز يشتكى يشتكى ويكتب مذكرة ولما يتشجع حد ويكتب مذكرة و يشتكى المدير بالكتير ياخد خصم ولا كلمتين ولا لفت نظر يعنى حاجة كدة اى كلام ويمكن مايتعاملهوش حاجة وده لان اللى بيراقبه ساعات بيقسم معاه والله أعلم وبعدين ياعينى اللى يشتكى وخايف على حق الناس يتخصم له ويتنقل ويتبهدل وكل حاجة ماشية قانونى مين هايراقب على اللى بيراقب ومين هايراقب على اللى بيراقب اللى بيراقب ومين هايراقب على اللى بيراقب اللى بيراقب اللى بيراقب...... الموضوع كبييييييييييير

ثلاثة أشياء غير قابلة للإرجاع في حياتك الوقت الكلمات الفرصة بس ماقلتش ازاى بقى تلاتة فى تلاتة مابتساويش تسعة

بجد انا مستغرب موضوع مثير للجدل ذى ده بقاله سنة وماحدش رد عليه مشكورة تقوى على احياء المواضيع اما انا رايى فهاتستغربه منه بس بجد انا مش متعود انى ابص لاى موضوع من الناحية اللى عايز بص منها بس انا رايي ان اللى جه بالساهل بيروح بالساهل يعنى تعالوا نشوف أيه اصل الموضوع الموضوع بدأ بالتاميم فلقد اراد عبدالناصر ان يخرج قدم الرئس ماليين والتودد للشيوعيين وذلك بتاميم الشركات والمصانع وقانون الاصلاح الزراعى يعنى مابقاش فى مصانع ولاشركات خاصة كلها أتخدت من صحابها ومن غير مقابل وقال ايه راحت للعمال يعنى صاحب المصنع ولا الشركة يتعب ويبنى وفى الآخر تعبه يروح هدر ويابختك ياعامل دلوقتى ماحدش ليه كلمة عليك فأشتغل ذى ما انت عايز وانا كمستثمر هابنى ليه ولا هاتعب نفسى ليه ..؟؟ علشان تتأمم وتتاخد منى بكل بساطة نعم فى شركات اتاممت كانت ناجحة جداً بس ياعينى المدير اللى كان بيتعب ويكبرها وعطى لها من عمره ومن وقته فى الآخر يطلع معاش وكانه ماعملشى حاجة وييجى واحد تانى بعته ويبص على قبله ويقول أهو رغم اللى عمله للشركة فى الأخر الشركة ماعطتوش اللى يستحقه ومعايشاه على معاش فين وفين لما بيزيد والحياة عمالة تذيد وتزيد فياجى اللى بعته ويسرق ويمد ايده وده طبعاً غلط (بس انا حبيت اقول موضوع السرقة بييجى أزاى)و ولا راجل فلاح وبسيط فجأة لقى نفسه عنده ارض جاتله من الهواء أهو دلوقتى بيقلبها أرض مبانى ويبيعها ويسافر للمدينة ماهى هانت عليه ... طبعاً ماهى جياله بالساهل يعنى من الآخر القطاع العام كان فى سنة من السنين كان جايب لمصر ايراد فعلى كام جنيه تخيلوا كام جنيه وده شئ طبيعى لانه مال سايب ومالوش صاحب ولو كان الناس خدت بالها من شغلها وخلت ضميرها صاحى علطول ماكنتشى الشركات دى حصل لها اللى حصل بس للاسف ماكنشى ده لوحده كفاية يعنى النظام الأدارى كان معقد جداَ وكان الهيكل التنظيمى الأدارى كان طويل قوى يعنى مفيهوش علاقة informal يعنى بالبلدى ماينفعشى عامل يوصل للراس الكبيرة فى الشركة بسهولة وده لعدت اسباب منها ان فى اكتر من راس وكل راس ماتحبش الراس التانية تمشى كلامها يعنى لو فى شركة خاصة لو واحد عايز يطور ولا يعمل حاجة للشركة هايريح دماغه ويروح لصاحب الشركة اما فى القطاع العام مين صاحب الشركة..؟؟؟ ولو فى رئيس مجلس ادارة عمره ماهيفكر فى مصلحة الشركة كل اللى بيفكر فيه المعاش اللى هايطلع عليه بعد كام سنة ماتتحرق الشركة ولا تولع هى بتعتى ماانا خلاص كلها يومين واسيبها يعنى من الآخر الخصخصة دى كانت حل قدام الحكومة لم تلجئ أليه غير لم تجد أمل فى القطاع العام الخسران دائماً بس للأسف لسؤ الهيكل التنظيمى فى الأدارة ماتطابقشى الحل صح أتطبق بطريقة قاسية شوية بس هانقول أيه ماهو اللى جه بالساهل هايروح بالساهل

سؤال لازم كل واحد فينا يجاوبه وده بعد مانشوف مع بعض الموقف ده فرح شديد وحزن اشد عويل ونحيب عارفين كلنا بيلا أستثناء هانتعرض للموقف ده وده بعد البعث .......وده وقت الحشر والدنيا حر شديد والشمس يدوبك شوية وهاتلمسها بس يا ترى هو الموضوع هايقف لهنا وخلاص.....؟؟؟؟ لأ........ هاينادى ملك ويقول ان فلان بن فلان فرح ومش هايعدى عليه حزن تانى هاينادى نفس الملك ويقول أن فلان بن فلان زعل ومش هايفرح تانى طيب ليه......؟؟؟ الكلام ده بعد ماكل واحد فينا يوزن نفسه على الميزان كفته اليمين كلها نور وحسنات وكفته الشمال كلها ظلمة وسيئات ومش بس نفسه اللى هايوزنها.....!!!!!؟؟ ده كلامه كمان هايوزنه كل كلمة حلوة هاترفع لأبعد من سابع سماء وممكن كلمة وحشة تنزله لأبعد من سابع ارض هاييجى فلان بعد مايتوزن وحسناته زى سيئاته تمام فربنا الكريم يقوله روح لأرض المحشر وجيب حسنة ندخلك بيها الجنة فيروح لأبوه وامه واخوه وصحبه وابنه اللى رباه ....وولا يعبروه معلهشى يابنى احنا احوج منك ليها ياصاحبى انا مش كنت بصلى معاك واتهجد معاك معلهش حسناتى قليل وسيئاتى كتير والواحد مش ضامن ياصحبى وبعدين أيه العمل...؟؟؟ ينادى واحد عليه ويقول يافلان سيئاتى فوق ماتتخيل وماعنديش ألا حسنة واحدة وبتهيالى انها مش هاتنفعنى فخدها وادخل بيها الجنة فينادى ربنا ويقول اأنت أكرم منى.....؟؟؟؟ فخذ صاحبك وادخلوا معاً الجنة ويروح أخينا ويحط الحسنة وخلاص كادت كافة الحسنات تبقى اتقل من السيئات فيقال له انتظر.....؟ لك عندنا بطاقة....؟؟؟؟ فينظر فيها ويجد فيها (((((((((أف)))))))))قد قالها لوالده فأذهب وادخل معه النار فيقول يـــــــــــــــــارب فيقول له الله ماذا بك يارب أأدخل انا وابى النار فخذ سيئاته وأعطها لى فيدخل هو الجنة فيضحك الله عّز وجل لم تكن به رحيما فى الدنيا وتكون به فى الآخرة فخذ أباك وادخلا الجنة ويأتى رجلاً آخر ثقيل الجسد ويزن نفسه فلا يساوى وزنه جناح بعوضة فلقد اعطاك الله جسداً أشكرت الله عليه وأعطاك يداً أبطشت بها..؟؟؟ ام ساعدت وأعطيت بها..؟؟ وأعطاك قدماً فأين بها ذهبت...؟؟؟ أألى المقاهى والديسكو ...؟؟ أم ألى المساجد وود الأهل...؟؟ ويأتى رجلاً آخر له تسعة وتسعون سجلاً وكل سجل لايرى آخره على مد البصر وكلــــــــــــــــــها سيئات ياترى واحد ذى ده فى امل انه مايدخلشى النار....؟؟؟ استنى أنت ليك عندنا بطاقة فيرد ويقول :وهاتعمل ايه قصاد كل ده...؟؟؟ ويحطها فى كافة الحسنات فيحدث امراً عجباً فتتطاير كل السجلات وكل الصحف فيدخل بهذه البطاقة الجنة فقد كانت لا نعم ... لا ألاه ألا الله فقد قالها قولاً وقلباً فهل قلت انت لا ..؟؟ هل قلت لا للمعاصى للذنوب هل دعتك امرأة وقلت لا انى اخاف الله هل دعاك صديق لشرب الخمر او ضرب الحقن أو غير ذلك لكى تنسى همومك واحزانك فقلت لا فحسبى الله هو وكيلى عليه توكلت وبه استعين على همى ... وحزنى ....وشقائى فلا إله إلا الله