فراس فراس

بالعفو سحر واعذرينى اينور لانى لم ارد عليكى لان صلاة المغرب اذنت على ولم الحق اكمل الخمرا دى آخر حاجة افكر فيها لان ده اللى استفادناه من القصة الأولى وده فى الرد 13 طيب وليه لما شرب الخمرا قتل وزنى كمان..؟؟ لأن عقله راح وأعصابه سابت ومبقاش فى حدود عملها ليه قلبه او عقله يعنى الخمرا خليته مش متحكم بنفسه خلت نفسه هى اللى متحكمة بيه انما لو كان لابد حل من التلت الاختيارات فانا هاقتل بس مش هاقتل الطفل لأ انا هاقتلها هية وده دفاع عن الطفل اللى هية عايزة تقتله المهم اهم حاجة انى مااشربشى خامرا لأنها أم الخبائث والله اعلم أيه اللى هايحصل والا أيه اللى هاعمله لما عقلى يروح منى

شـــكراً أخوانى على الردود انا دايما ياسحر بابنى قراراتى على المعلومات المتاحة لياعلشان كدة بحب قوى أحضر دروس السيرة (يعنى حياة الرسول عليه الصلاة والسلام والصحابة والتابعين) بحب اتعلم منهم بحب انى احاول اتصرف زيهم بحب اشوف سيد ولد آدم(سيدناونبينا محمد بن عبدالله عليه الصلاة والسلام ) اللى عمل حضارة واسس امة من كام نفر حواليه بحب أشوف اد ايه صبر واد أيه بيعلمنا لحد دلوقتى واد ايه بيحب الناس واد أيه هو طيب ومابيحبش ياذى حد مهما عمل ليه ولو حد احتاج له بيلاقيه جنبه ولو حد اذاه بيزوره وبيسال عليه فى مرضه يااااه حاجات كتيييييييير قوى كل حاجة حلوة يبقى دى كانت فى حبيبى محمد صلى الله عليه وسلم بحبك قووووى ياربنا ....وبحبك قوووى يانبينا بحب الصحابة لما اشوفهم اد ايه بيحبوا ربنا واد ايه بيحبوا الرسول عليه الصلاة والسلام واد ايه بيحبوا بعض واد ايه هما اخوات مع بعض مايربطهمشى مجرد علاقة نسب او قرابة لا ده بيربطهم كلمة واحدة وهى التوحيد اشهد ان لااله الا الله واشهد ان محمد رسول الله بحب التابعين لما اشوفهم عايزين يعملوا اى حاجة للاسلام لرفع قدر وشان المسلمين معلشى انا سرحت شوية نرجع للموضوع انا بجد ياسحر مش عارف هاعمل أيه لو مش عارف قصة التابعى بس هو اول حاجة بعملها لما تقابلنى مشكلة انى بأتجه لربنا واقوله يارب مش عايز اعمل اى حاجة تزعلك منى والحمد لله ربنا بيسهل لى الحال وبيطلعنى من المشكلة وتانى حاجة انا مابحبش الهروب وده مش معناه انى ارمى نفسى فى المشاكل لأ دائما بحاول انى ابعد عنها بس لو وقعت فى مشكلة لازم اواجهها وهنا لازم نحدد طبيعة المشكلة علشان نعرف نجيب حلها وهنا طبيعة المشكلة بالبلدى مش عايز اعمل حاجة تغضب ربنا يبقى الحل انى ماعملشى حاجة يعنى كنت هاقلها مش هاعمل اى حاجة من اللى انت بتقوليه وهو ده اللى هاعمله انى لاهزنى ولا هشرب ولاهاقتل ومش هاهرب

وأناكمان حبيتك ياسرور وانا ايقى سعيد جدا بانك تكون ملازمنى علطول وانا سعيد جدا انا الاسم عجبك وانا كل اللى عملته انى فكرت فى اسم يبدء بالسين وفيه واو وراء فمالقاتشى احلى من سرور وخصوصا أنى حسيت كدة انك مكبر دماغك من الهموم والمشاكل رغم انها حوليك كتير وربنا يديم عليك السرور

ازيك ياسرور أيه أخبارك واعذرنى لانى بناديك كدة بس انا مش عايز اناديك سبرتو لان السبرتو ده بيطير بسرعة وحاجة بتلطش الدماغ وانت بتسيب انطباع كويس فى النفس يعنى لابتطير بسرعة ولا بتطير الدماغ الاخ المتوسط هو المظلوم دائما دائما منسى ليه .......؟؟؟ لأنه مش البكرى ولاآخر العنقود فدائماً الابهات بيتشغلوا بالكبير والصغير والمتوسط بيروح فى الرجلين وانا بقول الكلام ده علشان فى واحد حبيبى قوى وصاحبى والفرق بينى وبينه يومين هو الاخ المتوسط هو مش بيشتكي لى من حاجة بس أنا أتربيت معاه فترة وعشت معاه فحسيت باللى بيحس بيه فيمكن اخوك زيه حاسس بغيرة منك انت ومن اخوك الكبير لان حاسس ان أبوه وامه بيعملوكم احسن مابيعاملوه فبيجيله احساس بأنه ضايع وسطيكم فيبدا يدور على نفسه بنفسه وبالتالى علاقته معاك مش زى علاقتك مع اخوك الكبير فأعذره لو هو بعيد عنك شوية بالمناسبة صحبى ده كانت معاملته ناشفة مع اخوه الصغير عكس اخوه الكبير بس كان بيحب أخوه الصغير اكتر مابيحب اخوه الكبير وبيخاف على اخوه الصغير وبيقلق عليه أكتر ماأخوه الكبير بيقلق عليه وربنا يخليهم لك هما الاتنين ويبارك لك فيهم وتفضلوا اخوات علطول وماتسبوش بعض لما كل واحد فيكم يروح يتجوز يارب تفضلوا مع بعض وتحبوا بعض علطول

شـكراً ياسحر على ردك الجميل بس انا كنت عايز اوضح حاجة ان الراجل دخل دورة المياه ومش عايز اقول ازاى خلى ريحته وحشة علشان هو عمل حاجة يمكن ماحدش فينا عنده الجراة انه يعملها وتانى حاجة هما تلت قصص مش قصة واحدة 1-قصة المشكلة بتاع بنو اسرائيل 2-قصة الحل للتابعى 3-قصة مرأة بنو أسرائيل وبجد ردك ده كتير عليا وشــــكرا ليكى

اهو زى ماوعدتك ياسحر الأول نكمل القصة الراجل احتار مش عارف يعمل ايه ..؟؟ فقال انا لوزنيت يبقى انا هتكت عرض ولو قتلت الطفل يبقى انا قتلت نفس انما لو شربت الخمرا مش هائذى حد فالمهم شرب الخمرا وبعد ماشرب قتل الطفل وزنى بالمراة يعنى العبرة من القصة ان الخمرا أم الخبائث(الشر) يعنى لما شرب الخمرا مستهون بذنبها عمل التلت ذنوب ويمكن لو كان قتل أو زنى يبقى هايكون عمل ذنب واحد ماكنشى عمل التلت ذنوب اما الحل.......... هى القصة اللى فاتت دى حصلت لواحد من بنى أسرائيل والحل هنا فى قصة أحد التابعين كان طيب الريح رغم انه لم يكن يطع الطيب او العطر فلما سألوه ماهو السبب..؟؟أنت ريحتك حلوة قوى كدة ليه رغم ان أحنا عارفين أنك مش بتجيب ريحة ولا عطور بتجيب الريحة دى منين..؟؟ فقلهم ايه هو السبب..؟؟ بارده اتحبس وقالتله يااما تزنى ياأما تتفضح ومانتش خارج من هنا غير لما تزنى بيا. فالمهم الراجل استخار الله وخايف يعمل حاجة تغضب ربنا فألهمه الله بالذهاب ألى المرحاض(دورة المياه)قائلاً لها أأذنى لى بتجهيز نفسى فالمهم دخل وبهدل نفسه وخلى ريحته لاتطاق وبعدين طلعلها فضبعاً هى مش عارفة تقرب منه لانها مش طايقة ريحته فاتقرفت منه وخرجته برة بيتها فابدله الله ريح المسك والعنبر بدل هذه الريحة المقرفة وذلك لخلاص نيته لله وفى رواية تانية عن امرأة من بنى اسرائيل ان اولادها مش لاقيين يكلوا وجعانين وهى مش عارفة تجبلهم اكل منين فراحت لاحد أقارهم المتيسرين مادياً فطليت منه المال فلم يرضى ألا بشرط وهو ان يزنى بها فلم ترضى ألا انها لما ذهبت ألا البيت اشتد صراخ اولادها فلم يتحمل قلبها فذهبت رغماً عنها الا الرجل وعندما اتى ليهم بها قالت له انت متاكد أنك قفلت الأبواب والنوافذ قال لها نعم يعنى متاكد ان مفيش حد شايفنا قالها نعم ثم وجدها تنتفض وتبكى بكاءً غزير فقال لها مابك قالت له أنى اخاف الله فانه يرانا ولايمنعه باب اوشباك فانتفض الرجل فأعضاها المال وقال لها أدعو لى فدعت له قائلة :اللهم لا تؤذه بنار الدنيا اوالأخرة ومن يومها هذا الرجل مهم تعرض لنار لم يصب بأذى يعنى العبرة ذى ماقال الرحال:من يتقى الله يجعل له مخرجا ده من الناحية الأيمانية فعل أد خوفهم من ربنا على قد ماربنا نجاهم وفى حاجة تانية وهى دى بقى اللى انا اتعرض ليها فعلاً ليه تخلى اللى قدامك يفرض عليك اختياراته ليه الواحد فينا مايفكرشى فى بدائل تانية وده اللى عجبنى فى رد سحر انها شافت بدائل تانية وهى الموت رغم ان هو مش الحل الصح بس اهم حاجة انها ماوضعتشى نفسها قدام تلت اختيارات وخلاص ليه لما يقلك ياتعمل كذا او كذا او كذا يبقى انت لازم تعمل حاجة منهم لأ الواحد حر نفسه ومش غيره بيحط له الاختيارات هو بيشوف البدائل بتاعته بنفسه ويعمل اللى يعمله ماهو انا عملت اللى يرضى ربنا يبقى ربنا مش هايسبنى مهما حصل لى وان حصل لى حاجة وصبرت يبقى ربنا هايعوضنى يأاما فى الدنيا ياأما فى الآخرة يااما فى الدنيا والآخرة ساعات عدم الاختيار يبقى هو الحل وده لما تكون الاختيارات كلها غلط والسلام عليكم ورحمة الله وبركاته

أصبرى شوية لما نشوف بقيت الأعضاء هاتعمل أيه وأيه رأيهم ووعــد بكرة انشاء الله بعد ماجى من الشغل هاكمل القصة واقول ايه الــحل

ماهوربنا قال بارده ‏‏{وَلاَ تَقْتُلُواْ أَنفُسَكُمْ إِنَّ اللّهَ كَانَ بِكُمْ رَحِيماً @ وَمَن يَفْعَلْ ذَلِكَ عُدْوَاناً وَظُلْماً فَسَوْفَ نُصْلِيهِ نَاراً وَكَانَ ذَلِكَ عَلَى اللّهِ يَسِيراً} الآية29 من سورة النساء ‏‏

المرة دى أنا هاتكلم بصوت العقل واقول حياة الأنسان عبارة عن اختيارات واحنا كمسلمين خيار الموت بأيدينا ده مش موجود وبعدين أرجع تانى واتكلم بصوت الشيطان واقول أختيار رائع انتى عايزة ايه من دنيتك هى الدنيا فيها حاجة فعلاً يالا موتى فالموت هو الحل الوحيد واحنا هانعيش ليه فى دنيا غدارة مليانة ناس غدارين يالا ماتستنيش

موضوع بنوجهه فى حياتنا اليومية شكراً ياحلمى الطيب طيب لنفسه ولربنا مش طيب لحد تانى بس هو الأول قبل ماندخل فى الموضوع هو مين الطيب ....؟؟؟ويعنى أيه طيب......؟؟؟ الطيب كلمة جية من الطيبة يعنى زكا وطهر وجاد وحسن وارتياح النفس وجى منها كلمة الأطيب ودى معناها الاحسن وهنا بنرد على المحور الاول للنقاش يعنى لوعايز تبقى فى حدود لطيبتك هانبقى فى حدود انك تبقى الاحسن او الاطهر الطيب بالنسبة لى انا بحب ابص ليه وأبتسم مبسوط من الأشياء اللى بيعملها من دافع طيبته بس هو ساعات بيعمل حاجات هبلة بس... مش علشان هو طيب... لأ... دى حاجات كدة بيعملها من نفسه علشان كدة لازم نفرق بين التصرفات الطيبة والتصرفات الهابلة ومانخلاطشى الاتنين ببعض اما حكاية ان الطيبة ضعف فده لأ الطيبة دلوقتى قوة لانى لما اكون طيب فى وسط ناس طيبين فده شئ عادى وسهل بالنسبة لى انما انى اكون طيب فى وقت الناس بتعتبر فيه ان الطيب مالوش مكان فده شئ صعب وعايزله قوة وأرادة من حديد وكمان فى حاجات الممكن يطنشها ويتنازل عنها وفى حاجات لايمكن الواحد يطنشها ولايتنازل عنها ولو اتنازل عنها ميبقاش طيب هايبقى فاسد الطيبة ماتبقاش ضعف للشخصية فى حالة مثلاً واحد نارفزنى وضايقنى وماردتشى عليه هنا نبقى قدام حاجتين لو انا ماردتشى عليه لانى مش عايز اعمل مشاكل رغم انى أقدر انى ارد عليه فساعتها مش هاتبقى ضعف للشخصية وضعف الشخصية دى شئ متعلق بالانسان بذاته مش متعلق بانه طيب الناس ستصف الطيب بالضعف لما يسيب حقه يضيع ومايعملشى أى حاجة فماتسبشى حقك يضيع عمر مالناس هاتقول عليك ضعيف أفتكر الرسول عليه الصلاة والسلام والصحابة وساعتها هانعرف أيه هى الطيبة وهى ليها وقت معين آخر حاجة السماح بأشياء تجاوز النظام وتحقيق المصالح ده مش طيبة دى عمى وضعف إلا اذا كان النظام متعسف وظالم أو ظروف الشخص اجبرته على الخروج من النظام فساعتها ممكن نسمح بالتجاوز والسلام عليكم ورحمة الله على كل من اتبعى الهدى

شــكراً سحر على الموضوع أنا عموما ماعنديش ألا أخ وحيد والحمد لله بس أنا مابحبش أعمل حاجة فى حد مارضاش ان حد يعملها فى مراتى أو ولادى ان شاء الله أذا أتجوزت قال تعالى: {وليس الذكر كالأنثى} احنا متفقين ان الراجل زى الفلاح وأن الست زى الارض وكل واحد فيهم ليه طبيعة خاصة وواجبات خاصة يعنى مثلاً الراجل اللى بيمنع مراته أو اخته من دخول الشات او الذهاب للسيبر وهو بيدخل دى افيهاش مشكلة لـــيه.....؟؟ لأن الشات ده ذى مافيه ناس كويسة فيه ناس وحشة والناس الوحشة دى بتقول احنا هنا وتعالوا يابنات علشان نبوظكم يعنى تلاقى نس بتشتم وبتسب بألفاظ هما نفسهم مش فاهمين معناها ولا الللى مايسبشى حد فى الشات ويبعت لكل الشات ويقولهم أنا عندى كذا وكذا لو عايزة تتفرجى يعنى طبعاً أنا لو راجل وحد بيقولى كدة مش مشكلة عادى هاقله كلمتين وانتهينا و فى الآخر انا راجل وهو راجل بس طبعاً لما ييجى ويقول كدة لمراتى او اختى ده تبقى مشكلة ومشكلة كبيرة كمان لان مافيش حد مابيخافشى على مراته او اخته أوبنته يقبل حد يقلهم الكلام ده بس هو عموما ماحدش هايسمع كلام حد مادام هو بيعمل الحاجة دى راجع تانى رد فى موضوع انا واخى والسلام عليكم ورحمة الله

الله ينور ياحلمى انا سمعت اساسا ان البطلونات الى من النوع ده دى موضة الشواذ جنسياً بس طبعاً ماحدش بيسأل ولا بيبعرف وفى كذا موضة ضلعت كدة الواحد لو عرف ايه حكايتها هايخجل زى مافى مرة كان فى فلنات عليها راجل وست ساندين على طهر بعض ودى علامة للجنس والكلام ده بس هو فعلاً ذى مأبوتسنيم قال أن اللى بيلبس الكلام ده بيدور على حاجة تلفت النظر ليه وحاجة يتحدى بيها الناس طيب وايه الحل..؟؟ الحل ان الناس تسيبه فى حاله ومتبصلوش ساعتها هايكون هدفه اللى لبس البنطلون ده علشانه ماأتحققشى ساعتها مش هايلاقى أن فى داعى من الموضة الجديدة العامية ساعتها هايدور على حاجة تانية تخلى الناس تبص عليه ويمكن الحاجة دى تبقى كويسة اما بقى حكاية الأجيال فكل جيل وليه مزياه وليه عيوبه يغنى انا اعرف على الجيل اللى قبلنا ان كان فى حاجة اسمها الماكرو جيب(الجيبة اللى فوق الركبة) وده العن من اللي بنشوفه دلوقتى ولا الخنافس والهيبز (اللى مربى شاعره وعامله برنيطة) ولا البنطلونات الحصان الواسعة اللى تكاد تلمس الارض(تشوفها فى افلام محمود يس وهو شاب) الحـــــمد لله أحنا كنا فين وبقينا فين

مية مية يارحال الايمان بالله والخوف منه هو اللى هايطلعنى من موقف ذى ده بس يالا ياجماعة كل واحد يفكر فى فكرة أو اختيار ممكن يطلع بيه من الموقف ده وكمان مش بس الولاد اللى ممكن يتعرضوا للموقف ده كمان البنات ممكن تتعرض ليه يالا ياشباب مستنيين ردودكم

فكرتنى ياحلمى باللى قاله الامام الشافعى واسمح لى انى اقلك حلمى لانها لايقة عليك ألا بقى لو نت مش عايزنى اناديك كدة قال الامام الشافعى إذا المرء أفشى سره بلسانه@@@@@ولام عليه غيره فهو احمق إذا ضاق صدر المرء عن سر نفسه@@@فصدر الذى يستودع السر اضيق وقال تانى إذا لم اجد خلاً تقياً فوحدتى @@@@ألذ وأشهى من غوى اعاشره واجلس وحدى للعبادة آمناً @@@@@أقر لعينى من جليس أحاذره فعلاً الواحد هو اللى بيحط نفسه تحت رحمة انسان يغدر بيه

أنشاء الله المرة دى بقى انا جايب لكم قصة وصحابى بجد مالوش حل الصحابى ده هو البراء بن مالك وهو اخوا أنس بن مالك المهم هما كانوا فى حرب ضد الفرس وكانوا الفرس بيعملوا أفخاخ ذى سلاسل مولعة نار المهم أنس بن مالك وقع فى فخ منهم تخيلوا معايا لما تكون محاطة حواليه السلاسل والنيران ياترى حد فينا ممكن يساعده مهما كان قريب منه طيب لو سعده هايسعده ازاى..؟؟؟ المهم راح البراء بن مالك ماسبشى اخوه زى ماغيره سابه لأ ده راح وفك السلاسل بأيديه ورغم ان جلد ايديه اتحرق من النار ألا أنه ماهمهوش وكان كل همه هو اخوه وماسبوش لحد ماخلاصه والبراء بن مالك ده كان شجاع لدرجة ماحدش فينا يتخيلها كان أشعثاً أغبراً ضئيل الجسم معروق العظم تقتحمه عين رائيه ثم تزور عنه ازورارا، ولكنه مع ذالك ، قتل مائة من المشركين مبارزة وحده ، عدا عن الذين قتلهم في غمار المعارك مع المحاربين ، إنه الكمي الباسل المقدام الذي كتب الفاروق بشأنه إلى عماله في الآفاق : لا تولوا البراء جيشا من جيوش المسلمين مخافة أن يهلك جنده بإقدامه. يعنى شوفه عمر بن الخطاب رضى الله عنه خايف يوليه قيادة جيش لحسن يضيع الجيش بشجعته ولا الموقف ده وقت حربهم مع مسيلمة الكذاب فقد احتمى مسيلمة وجنوده بصور عالى واخوا يمطرون المسلمين النبال من خلف الصور فتخيلوا البراء عمل ايه ..؟؟؟ قل لأصحابه ان يضعوه على المنجنيق ويقذفوه ليعدى السور ورفعته عشرات الرماح فألقته في حديقة الموت بين الآلاف المؤلفة من جند مسيلمة ، فنزل عليهم نزول الصاعقة ، وما زال يجالدهم أمام باب الحديقة ، ويعمل في رقابهم السيف حتى قتل عشرة منهم وفتح الباب وبه بضع وثمانون جراحة من بين رمية بسهم أو ضربة بسيف ... فتدفق المسلمون على حديقة الموت، من حيطانها وأبوابها وأعملوا السيوف في رقاب المرتدين اللائذين بجدرانها حتى قتلوا منهم قريبا من عشرين الفا ووصلوا إلى مسيلمة فأردوه صريعا. حمل البراء بن مالك إلى رحله ليداوى فيه ، وأقام عليه خالد بن الوليد شهرا يعالجه من جراحه حتى أذن الله له بالشفاء ، وكتب لجند المسلمين على يديه النصر. رحم الله البراء بن مالك نعم الاخ ونعم المغوار ولقد استشهد فى المعركة اللى انقذ فيها اخوه والسلام عليكم ورحمة الله وبركاته

أولاً مرحب بيك يارحال واتمنى أن رحلتك تدوم فى المنتدى وتكون رحلة سعيدة ثانياً لو تخيلنا أنك دلوقتى فى الموقف ده فعلاً وانا الشيطان وهاقولك أزاى هاتستحمل العيشة بين الناس أزاى هاتستحمل نظارتهم القاسية عليك أزاى هاتستحمل ان كل ماتعدى يتوشوشوا عليك ياترى فى حد هايقبلك عريس لبنته هاتستحمل انك تعيش من غير جواز هاتستحمل العلقة اللى الناس هايدوهالك لما الست دى تفضحك فكر كويس قبل ماتختار وراجع نفسك لسة مافاتشى الاوان

أقرب واحد من الشيطان أنت عارفين مين.........؟؟؟؟ انتم عارفين ان الشيطان من الجن وليه اتباع شياطين بس مين اكتر واحد قريب منه فيهم و......وليه....؟؟ يروى ان الشيطان بيجتمع مع أتباعه ويسأل كل واحد فيهم ماذا فعلت فالليقولوا أنا خليت واحد يقتل واللى يقولوا انا خليت واحد يسرق واللى يقولوا انا خليت واحد يزنى فلا يهتم باحد منهم الا أن يأتى واحد ويقول انا جعلت واحد يطلق وهنا يقربه الشيطان له ويرقيه طيب ليـــــــــــــــه.............؟؟؟ بقى معقولة ان الشيطان اللى بيوسوس فى طلاق احسن من اللى خلا الأنسان يقتل او يسرق أو يزنى ........معقولة...؟؟ أه طبعاً لان الزواج ذى ماحنا عارفين نصف الدين إذ أن الرسول صلى الله عليه وسلم جعل من الزواج نصف الدين فقال: " إذا تزوج العبد فقد استكمل نصف الدين. فليتق الله في النصف الباقي " رواه البيهقي لان الواحد لما بيتزوج بيحمى نفسه من حاجات كتير قوى قد تؤدى به الى كبائر عظيمة فدلوقتى أذا كان حد متجوز وفاتح بيت البيت ده لو اتقفل هايحصل مشاكل كتيرة قوى لبــــــــــه......؟؟ لان كلا الطرفين بيبقى حالتهم سيئة جداً بعد الموضوع ده وطبعاً لما يكون الواحد متضايق او حالته النفسية وحشة بيبقى سهل قوى انه يتجر للغلط وده لو ماأتوضاش وصلى ركعتين زى مالرسول عليه الصلاة والسلام علمنا علشان يهدى النار اللى جواه فمثلاً أنا دلوقتى متضايق و واحد من صحابى بيدخن وعزم علية بيسجارة ساعتها هاخدها منه بدون ماافكر لــــيه....؟؟ لان الغضب مسيطر على عقلى وساعتها الواحد بيكون على دماغه ذى غيوم اللى هى الغضب وساعتها مش هايعرف يميز الصح من غلط وحسب الناس اللى حوليه وحسب مالشيطان هايوحى ليه هايعمل غلط سواء بقى يشرب خمرا او يحشش أو يزنى والموضوع سيان للراجل أو للمراة يعنى فى الطلاق ماحدش من الطرفين كسبان ويمكن بسبب الطلاق احد المطلاقين يعمل أكتر من ذنب ماهو بقى مش حاسس بنفسه اما القتل بيبقى فيه ساعتها مقتول و المقتول كدة والله اعلم هايخش الجنة وده الشيطان مش عايزه وكذلك الامر بالنسبة للسرقة هايبقى فى مسروق والمسروق طبعاً هاياخد حسنات انشاء الله أذا صبر وده بارده الشيطان مش عايزه اما بالنسبة للزنى فكفاية انى اقول أن الزوجة يمكن تقبل ان الزوج يزنى بس ماتقبلشى انه يتجوز عليها علشان الشيطان بيقتعها أن الزنى اهى ليلة وبتعدى اما الزوج لما يتجوز عليها كل ماهتشوف مراته التانية هاتتخنق وتحس أن هى ماعرفتشى تملى حياة جوزها يعنى هاتحس بالنقص ولون الزنى حرام والجواز حلال كمان بارده الزنى ده بالنسبة للشيطان ليلة وبتعدى يعنى مالوش أثر بالشر بعد كدة ويمكن اللى زنى ده هايتوب بعد كدة يعنى كأن الشيطان بارده ماعملشى أى حاجة والقصة دى هاتوضح اكتر ...... كان فى ست معجبة براجل كتير قوى فالمهم حاولت توقعه فى حبها وتخليه يزنى بيها حاولت معاه بكل الطرق بس ماعرفيتشى لحد مامرة أستدرجته لبيتها بحجة ان تستشيره فى بعض المسائل الخاصة اللتى لاينفع ان تستشيره فيها أمام العامة فالراجل راح معاها بسلامة نية بس ايه اللى حصل ..؟؟ راحت الست قفلت عليهم الباب وقالت له لو عايز تخرج قدامك حاجة من تلاتة.... يااما تزنى بيا... ياأما تقتل الطفل ... يا أما تشرب خمرا... ولو ماعملتش حاجة من دولت وحاولت تهرب هافضحك بين الناس واقول أنك اتهجمت عليا أنا مش هاكمل القصة دلوقتى وهاستنى كل واحد فينا يشوف ويحط نفسه مكان الراجل ده ويختار ويقول ليه أختار كدة وانا متأكد أن كل واحد فينا قد يكون مر بموقف قريب من ده ولو مامرش يبقى هايمر والله أعلم يالا ياشباب قولوا لى ايش هاتسوا......؟؟؟؟؟؟

الله يخليك يانسمة المنتدى ويبارك ليك ويجازيك خير

بالعفو سحر وأنا مش قصدى أنى مفيش عاطفة تجاه اهلى بس كل الحكاية أنى مابحبش ان أمى تلمسنى او انا المسها يعنى مثلاً أنا كنت بحب جدتى اوى الله يرحمها بس كنت بتضايق لما تبوسنى يعنى مش معنى أنى مابحبش انى اقرب منهم ,يبقى كدة انا مش بحبهم

أنا كان السؤال ده ساعات بييجى فى دماغى وماكنتش عارف له اجابة لحد مالقيت له الأجابة لما سمعت الرواية دى فقد روي ان موسى عليه السلام لقيه ابليس فقال له: يا موسى انت الذي اصطفاك الله برسالته، وكلمك تكليما وانا خلق من خلق الله أذنبت واريد ان اتوب فاشفع لي عند ربي ان يتوب علي، فقال موسى نعم. فلما صعد موسى الجبل وكلم ربه عز وجل واراد النزول قال له ربه: اد الامانة، فقال موسى: يارب عبدك ابليس يريد ان تتوب عليه، فأوحى الله تعالى الى موسى: يا موسى قد قضيت حاجتك مره ان يسجد لقبر آدم حتى يتاب عليه فلقي موسى ابليس فقال له: قد قضيت حاجتك: امرت ان تسجد لقبر آدم حتى يتاب عليك: فغضب واستكبر وقال: لم أسجد له حيا اسجد له ميتا. ثم قال له: يا موسى: ان لك علي حقا بما شفعت لي الى ربك فاذكرني عند ثلاث لا اهكلك فيهن: اذكرني حين تغضب فان روحي في قلبك وعيني في عينك. واجرى منك مجرى الدم؟ اذكرني اذا غضبت فانه اذا غضب الانسان نفخت في انفه فما يدري ما يصنع، واذكرني حين تلقى الزحف، فاني آتى ابن آدم حين يلقى الزحف فاذكره زوجته وولده واهله حتى يولى، واياك ان تجلس الى امرأة ليس معها محرم فاني رسولها اليك ورسولك اليها، فلا ازال حتى افتنك بها وافتنها بك يعنى خلاصة الرواية أن الشيطان فعلاً فكر يتوب وقال لموسى رضى الله عنه مش أنت بتقول ان ربنا بيغفر طيب مابيغفرليش ليه..؟؟ فاستغرب موسى الأمر وعرضه على الله فقال له الله أن الشيطان لو عايز يتوب فيقوله ان قبر آدم هو عارف مكانه ولو عايز يتوب يسجدللقبر فراح موسى رضى الله عنه وقال للشيطان فرد عليه الشيطان :يعنى انا ماسجدتلهوش وهو حى هاسجد له وهو ميت وبعدين قاله مادام انت طلعت راجل معاية وعرضت موضوعى على ربنا فانا هاطلع راجل معاك وهاقل لك المداخل اللى بدخل منها وبضحك على الناس فيها واول حاجة ماتغضبشى لانك لما بتغضب بانفخ فى مناخيرك ومخلاكشى عارف انت بتعمل ايه وده يفسر سؤال الواحد لنفسه ويقول أزاى انا عملت كدة..؟؟ وساعة الزحف بفكرك بولادك واهلك علشان تسيب الجيش وانتم طبعاً عارفين عقاب المدبر عن الزحفوأوعى تقعد مع ست لوحدكم لانى انا بقبى التالت بتاعكم وشغلتى بقى انى أخليك تعجب بيها وخليها تعجب بيك وبعدين يحصل اللى يحصل اهو ياجماعة الشيطان قلنا على سره فهاتعملوا أيه......؟؟

انا عن نفسى بستغل الشات ده علشان أقوى اللغة عندى وعلشان أعرف ناس وأعرف أزاى بيفكروا واعمل احصائيات و أشوف ايه الحالة العامة للناس وأيه اللى بيخلى غيرنا متقدمين عنا وأحنا بالنسبة ليهم ايه...؟؟ وده اللى طلعت بيه... اكتر تلاتة من العرب بتلاقيهم على الشات هما المصريين والمغاربة والعراقيين وده بسبب أنهم اكتر الدول العربية اللى فيها بطالة دلوقتى ولأنها أرخص طريقة للتسلية والبحث عن بنات للمزاولة اكتر بنات بتلاقيهم على الشات هما بنات الخليج العربى يعنى السعوديين والكوايتة وده لأنهم حاسين أن الراجل هناك بيعمل اللى هو عايزه وهما مش عارفين يعملوا حاجة فبيلجأوا للكاميرا والشات للتنفيس عن نفسهم وكدة كدة هيا لما بتعمل حاجة قدام الكاميرا وبتظهر وجهها الحقيقى من دون ان تخفيه مابيهماهاش لان مفيش حد عارف شكلها الا جوزها لان هى قدام الناس برة بالنقاب وده راجع لانها أجبرت على لبس النقاب وليس من اختيارها والله اعلم اما الاحصائيات عالمياً فأن البنات بتستخدم الشات أكتر من الولاد وده راجع لان الولد هناك بيحصل على البنت بسهولة ماتتخيلهاش والبنات هناك من الصعب عليهم أن هما يحصلوا على الولاد وده شئ طبيعى لان مفيش دين اوعادات شرقية تحفظها وتخبيها وتغلى من تمنها يعنى اللى مخليهم البنات هناك كتير منهم عاملين زى الارض البور اللى ماحدش بيدور عليها وتانى حاجة هما بيستغلوا الشات لتجارة فبتبقى الواحدة منهم عاملة موقع كدة وكدة او مشتركة فى احد المواقع اللى كدة وكدة فبتقعد تكلمك او تبعت لك تلقائى رابط الموقع علطول وأنت بمجرد انك تطغط على الرابط هى بتاخد عليك سنت دولار وياسلام بقى لو اشتركت فى الموقع ولا أشتريت حاجة منه بتاخد عليك اكتر النصب وده بارده من أسباب كتر دخول البنات على الشات وخصوصاً اللى بيعمل الموضوع البنات الافارقة البنت منهم الاول بتسألك أنت جنسيتك أيه..؟؟ وتتأكد أنك مش من بلدها ومن الصعب عليك انك تروح لها تانى مرة تقولك انها بتحبك وتقعد بقى تعيش لك فيها وفى تالت محادثة تقول لك انها حلمت بيك أمبارح ولو نها ماشفتاكشى وفى رابع مرة تقول لك أنها عايزاك تبعت لها فلوس علشان تيجى وتشوفك أو تساعدها فى تكميل دراستها وبتصبر عليك تلت أيام ولو مابعتش حاجة بتسيبك ومن النصب بارده أن هما بيخدوا الايميل بتاعك ويبعتوليك ويقولولك مبروك انت كسبت معانا الفرى لوتارى اللى قيمتها كذا مليون وبعدين يبعتوا ليك ويقولوا ليك تحب تستلم الجايزة بتحويل الرصيد على حسابك فى البنك ولا تحب نبعتها ليك بالبوسطة عن طريق Dhl أو اى وكالة بريد تانية فلو قلت لهم ابعتوها على حسابك بتاعى هايقلولك ماشى وبعدين ياخدوا الرقم السرى بتاعك وتصبح ماتلاقيش فى حاجة فى حسابك ولو اختر انهما يبعتوها ليك عن طريق البريد فيبعتوا ليك ويقلو ليك أنك ياريت تبعت تكاليف الشحن واللى هى توصل تقريباً على الاقل 300 دولار وبعدين تقولهم ماتخصموها من قيمة الجايزة فيقولوا ليك مش هاينفع لان الجايزة متامن عليهاتأمين عالى قوى علشان توصل ليك كاملة فمش هاينفع ناخد منها حاجة وبعد متبعت ليهم الفلوس لا تسمع عنهم لا حس ولاخبر ودى ابرز الطرق للنصب و الحركة دى دايما بيعملها الامريكان والانجليز والاستراليين والاسبانيين أما حكاية أثق باللى اكلمه ولا لأ ده بيرجع ليه هو الاول قبل مايرجع لية

الله يذيدك كمان وكمان سحر وبجد موضوع جامد بس أنا مش عارف مش عايز امى تحضنى ومحجبش انها تحضنى وده لأنى مبحبش أقرب لاى ست مهما كانت ومش عارف ليه بعتبر امى ست قبل ماأحس أنها امى والكلام ده من أول ماوعيت من وأنا عندى خمس سنين ولا يمكن علشان سبتهم وسبت السعودية وانا عندى عشر سنين وقاعدت فى بنها مع قرايب امى وبعيد عنهم تلات سنين على مارجعوا أسكندرية بجد انا مش عارف ويسأل نفسى هو انا بس ألى كدة ولا فى حد بارده بيعتبر امه ست وميحبش يقرب لها..؟؟ اما بالنسبة للجواز وحكاية المهر والشبكة فيا سحر مش كل الناس زى اهلك والغالبية العامة منهم اللى بيحكى عنهم سبرتو والمفروض اللى أحنا نادر لما نشوفه أن أحنا نعمل بالحديث اللى فيما معناه من أتاكم ترضون دينه وخلقه فجوزوه وإلا ستكون فتنة فى الارض وده اللى احنا عايشينه فعلاً الأيام دى ويمكن والله أعلم الحكومة ليها دخل فى اللى أحنا فيه علشان من اواخر التمانينات والحكومة بتعتبر أن ذيادة عدد السكان دى مشكلة ويمكن بيعتبروها من المشاكل الرئيسية اللى فى البلد ومادام الحكومة بتعتبرها مشكلة شوفوا بقى من حوالى عشرين سنة يعنى أن هما بيشوفوا ليها حلول وطبعاً الحلول بتاعتها أنتجت ثمارها وذيادة عن اللزوم كمان وعشان الحجات غليت والله أعلم مين السبب......؟؟؟ مهو يمكن صحابنا اللى لسة متكلمين عنهم هما السبب ويمكن ده هو الحل اللى عملوه لحل المشكلة ماهو طبعاً السبب الرئيسى فى ذيادة النسل هو الجواز مبكراً وهما لما يحطوا شوية عوائق قدام اللى بيسعى للجواز هايتاخر لما يتجوز وبكدة يدوبك الواحد يخلف ولد ولا أتنين ماهو على ماكون نفسه وعلى مايلاقى اللى يرضى بيه وعلى مايحوش تمن الشقة شوف بقى هايبقى عندوا كام سنة.....؟؟؟ بس طبعاً هنا بنشوف أكبر خطا فى التعامل مع الموارد واكبر خطا فى تحديد المشكلة وطريقة حلها اول حاجة انهما أعتبروا ان ذيادة النمو السكانى ده مشكلة مش ثروة المفروض ننميها ونحافظ عليها ومش هانقول ان الرسول عليه الصلاة والسلام قال تكاثروا فأنى مباهاً بكم يوم القيامة لا احنا هانكلمهم ونقول ماهى الصين و الهند وهما من الدول النامية وظروفهم أوحش من مصر ألا انهم أعتبروا أن الذيادة فى النمو السكانى دى ثروة ومورد مش مشكلة وأهم الهند عنده سبعة واخدين جائزة نوبل واكبر بلد منتجة للبرمجيات والصين ذى ماأحنا شايفين حولينا يعتبر أنها مسيطرة علينا أقتصادياً ده حتى ياريت صحابنا حلوا المشكلة صح لأ دول لما حلوها وعملوا اللى عملوه ذادت البطالة أنحدر التعليم لأن المدرس بقى يلجئ لتحسين دخله بالدروس الخصوصية وذاد البلطجية وذاد النصابين وذاد الشحاتين ده غير حاجات كتير بس نرجع ونقول ان احنا السبب لاننا فى الآخر نسينا الرسول عليه الصلاة والسلام قلينا أيه ماهو لو احنا كأهل لما لقينا اللى أرضتينا دينه وخلقه فرضينا بيه ماكناش عيشنا فى الفتنة اللى حنا فيها دلوقتى ذى كتر الزنى وكتر أولاد الليل والبيسة واللذى منه ولو أحنا كفرد كنا صبرنا وخلينا نيتنا خالصة لربنا كان أكيد ربنا هايقف معانا وكان هايعوضنا على صبرنا خير لا ليه اول ولا آخر والسلام عليكم ورحمة الله وبركاته

ماتفرحوش قوى ياأهلاوية فالنصر ليه أسباب وزى ماراحت اسباب النصر فى الزمالك اللى هما عبدالواحدالسيد وبشير التابعى هاييجى يوم وتروح أسباب النصر من عند الاهلى وهما ابوتريكة ووائل جمعة فهما مش هيفضلوا مخلدين وتلك الأيام نداولها بين بعضكم وغداً لناظره قريب....

الغرووووور والثقة الذائدة بالنفس أسرع طريق للفشل وهو ده اللى شايفه للأسف فى الزمالك وتعادل الاهلى مع المقاولين هو ده اللى هايخليه يفوق ويفوز بس التاريخ بيقول انهم هايتعدلوا وانا بصراحة مابحبش الكورة ولا اوجع دماغى بيها لــــــــيه..؟؟؟ لأن دى مش كورة دى قولو انتم.. بس لو هانلعب مع بعض كورة مفيش مشكلة

ماشاء الله ولاحول ولاقوة ألا بالله هو اللى انا فهمته ان العالم كانت مقاييسه الاول بالطول وده علشان يحدد المسافة بينه وبين الفريسة اللى هايطادها وبعدين لما حب يزرع أرض وحب يقيسها أضطر انه يستخدم العرض علشان يشوف مساحة الارض بتاعته وهاتحتاج لقد أيه ميه وده تانى مقياس وبعدين لما اطور شوية وحب يبنى توصل للمقياس التالت وهو الارتفاع وده علشان مايخبطشى راسه فى سقف بيته وبعدين انت قلت ان ايناشتاين هو اللى حط المقياس الرابع فى حساباته وهو الزمن بس انا شايف ان الأنسان كان بيحط الزمن فى حساباته لأن أساساً الزمن ده شئ مهم النسبة للانسان وانه فعلاً حط الزمن فى حساباته وده لما قسم فصول الزراعة يعنى فى وقت الصيف هايطلع بطيخ وفى وقت الشتاء هايطلع برتقال لأ ومش بس كدة ده كمان لما جه يسافر قعد يقلك أن طول الطريق ده يومين سفر بحسب سرعتنا على رجلينا مثلاً ومن هنا جه القانون اللى بيقول أن السرعة = المسافة\الزمن ده ختى بيقلك دى سرعته = 100 كم فى الساعة يعنى كدة الانسان بيحط فى اعتباره الزمن دى حتى الست لما تيجى تسوى الطبيخ تقلك ده علشان يبقى الاكل مستوى كويس لازم يخد له نصف ساعة سوى وو الله أعلم تقريباً خلاصة كلامك وخلاصة النظرية النسبية وبكل بساطة أنك لما تغلى مية فى الشتاء مش زى ماهتغليها فى الصيف المية هاتخد وقت فى الشتاء اكتر ماهتاخد وقت فى الصيف وانك لما تغلى مية فى روسيا مش زى ماتغلى مية فى المكسيك فى روسيا هاتاخد وقت اكتر على ماتغلى وانك كل ماتعيش بعيد عن الشمس هاتعيش أكتر لان زى ماحنا عارفين أن السنة بتتحددبأكتمال دوران الأرض حول الشمس وكذلك بالنسبة للكواكب الاخرى يعنى لما ألف حولين البيت بتاعنا وأفترضنا أن هو الشمس فى الشوارع اللى حولينا هالف حواليه بسرعة وده عشان انا قريب منه اما لو لفيت حولين البيت بتاعنا بس من برة اسكندرية على ماتخلص اللفة حوليه هاتاخد وقت اكتر لانى بعيد عنه يعنى السنة هاتبقى طويلة جداً وكل ماأبعد كل ماهتطول يعنى أيناشتاين عايز يقول حطوا الزمن فى قياستكم يعنى مثلاً أنت ككتلة بالنسبة للزمن ايه..؟؟ وماذا لوكنت تستطيع ان ترجع بالزمن دقيقة للوراء..؟؟ وده من واقع المعادلة اللى هى بتقول بما أن السرعة =المسافة\الزمن و بضرب الطرفين فى الوسطين أذن الزمن=السرعة\المسافة فلو أفترضنا ان المسافة بتساوى سالب واحد والسرعة بتساوى 100 أو العكس فكدة الزمن = 100/-1 = -100 يعنى بكدة الزمن رجع 100 دقيقة ده لانه بالسالب بس طبعاً ده أستحالة الا بأذن الله لأن فى بعد خامس وهى الظروف والبيئة المحيطة حوليك وحدود القدرة اللى ربنا عطاها لينا والسلام عليكم ورحمة الله